ᒉᓂᓯᐢ 24
24
1ᐁᑊᕒᐁᐋᒼ ᒫᑲ ᑭ ᑭᓭᔨᓂᐃᐧᐤ ᒥᓇ ᑭ ᐊᑎ ᐃᐢᐱᓯᑭᐦᑳᐤ; ᐁᑯᓯ ᑳ ᑎᐯᔨᐦᒋᑫᐟ ᑭ ᓴᐁᐧᔨᒣᐤ ᐁᑊᕒᐁᐋᒪ ᒥᓯᐁᐧ ᐃᓯ. 2ᐁᑊᕒᐁᐋᒼ ᒫᑲ ᑭ ᐃᑌᐤ ᐅᐟ ᐊᑐᐢᑫᔮᑲᓇ ᑳ ᐅᐢᑌᓯᒫᐃᐧᐢᑲᒥᔨᐟ ᐅ ᐋᐧᐢᑳᐦᐃᑲᐣ, ᑳ ᐸᒥᑖᔨᐟ ᑲᐦᑭᔭᐤ ᑫᑲᐧᐩ ᑳ ᐊᔮᐟ, ᐊᐢᑖ ᑭ ᐸᑯᓭᔨᒥᑎᐣ ᑭᒋᐦᒋ ᓯᐹ ᓂᐹᐧᒥᕽ; 3ᑭ ᑲ ᐊᐢᐱ ᑭᐦᒋ ᐃᑌᐧᐃᑎᐣ ᒫᑲ ᑳ ᑎᐯᔨᐦᒋᑫᐟ ᑭᓭᒪᓂᑐ ᑳ ᑎᐯᔨᐦᑕᕽ ᑭᓯᐠ, ᒥᓇ ᑭᓭᒪᓂᑐ ᑳ ᑎᐯᔨᐦᑕᕽ ᐊᐢᑭ, ᐁᑳ ᑭᑕ ᒣᑭᐢᑫᐧᐊᐧᒪᐟ ᓂᑯᓯᐢ ᐅᑖᓂᓯᔨᐊᐧ ᑫᓇᓇᐃᑕ ᑳ ᐃᐧᑕᐢᑭᒥᒪᐠ. 4ᒫᑲ ᑭ ᑲ ᐃᑐᐦᑖᐣ ᓂᐟ ᐊᐢᑭᕽ, ᒥᓇ ᑭ ᑲ ᓇᑕᐋᐧᐸᒫᐊᐧᐠ ᓂ ᐋᐧᑯᒫᑲᓇᐠ, ᐁᑯᑕ ᒫᑲ ᑭᑕ ᐅᐦᑎᓂᒪᐟ ᑭᑕ ᐃᐧᐃᐧᐟ ᓂᑯᓯᐢ ᐋᐃᓴᐠ. 5ᐊᓇ ᐊᑐᐢᑫᔮᑲᐣ ᒫᑲ ᑭ ᐃᑌᐧᐤ, ᑭᐢᐱᐣ ᓇᐣᑕᐤ ᐃᓯ ᐊᓇ ᐃᐢᑫᐧᐤ ᐁᑳ ᐃᑌᔨᑕᑭ ᑭᑕ ᐱᒥᑎᓴᐅᐟ ᐅᑕ ᐊᐢᑭᕽ, ᓂ ᑲ ᐃᑐᐦᑕᐋᐤ ᒋ ᒫᑲ ᑭᑯᓯᐢ ᑳᐃᐧ ᐊᓂᑕ ᐊᐢᑭᕽ ᑳ ᑭ ᐯ ᐅᐦᑐᑌᔭᐣ? 6ᐁᑊᕒᐁᐋᒼ ᒫᑲ ᑭ ᐃᑌᐤ, ᒣᔮᑳᐧᒼ ᐁᑳᐃᐧᔭ ᐁᑯᑌ ᒥᓇ ᐃᑐᑕᐦ ᓂᑯᓯᐢ. 7ᑳ ᑎᐯᔨᐦᒋᑫᐟ ᑭᓭᒪᓂᑐ ᑭᐦᒋ ᑭᓯᑯᕽ ᑳ ᐊᔮᐟ, ᑳ ᑭ ᐅᑎᓂᐟ ᓄᑖᐃᐧᔭ ᐃᐧᑭᔨᕽ ᐅᐦᒋ, ᒥᓇ ᐅᐟ ᐊᐢᑭᔨᕽ ᓂ ᐋᐧᑯᒫᑲᓇ ᐅᐦᒋ, ᒥᓇ ᑳ ᑭ ᑭᑐᓯᐟ, ᒥᓇ ᑳ ᑭ ᑭᐦᒋ ᐃᓯᐟ, ᐁ ᐃᑌᐧᐟ, ᑭᐟ ᐊᐋᐧᓯᒥᓴᐠ ᓂ ᑲ ᒥᔮᐊᐧᐠ ᐅᒪ ᐊᐢᑭ, ᑭ ᑲ ᓂᑳᓂᑌᓴᐊᒫᐠ ᐅᑭᓯᑯᒪ, ᐁᑯᑕ ᒫᑲ ᑭ ᑲ ᐅᐦᑎᓂᒫᐊᐧ ᑫ ᐃᐧᐃᐧᐟ ᓂᑯᓯᐢ. 8ᑭᐢᐱᐣ ᒫᑲ ᐊᓇ ᐃᐢᑫᐧᐤ ᐁᑳ ᐃᑌᔨᑕᑭ ᑭᑕ ᐱᒥᑎᓴᐅᐢᐠ, ᑭ ᑲ ᐋᐱᑯᓂᑯᐣ ᐅᒪ ᑭᐦᒋ ᐃᑌᐧᐃᐧᐣ ᐅᐦᒋ, ᐱᑯ ᐁᑳᐃᐧᔭ ᐁᑯᑌ ᑳᐃᐧ ᐃᑐᑕᐦ ᓂᑯᓯᐢ. 9ᐊᓇ ᐊᑐᐢᑫᔮᑲᐣ ᒫᑲ ᑭ ᐊᐢᑖᐤ ᐅᒋᐦᒋ ᓯᐹ ᐅᐹᐧᒥᔨᕽ ᐁᑊᕒᐁᐋᒪ ᐅᐟ ᐅᑭᒫᒪ, ᒥᓇ ᐁ ᑭ ᑭᐦᒋ ᐃᑖᐟ ᐁᐊᐧᑫᐧᔨᐤ ᐅᐦᒋ.
10ᐊᓇ ᐊᑐᐢᑫᔮᑲᐣ ᒫᑲ ᑭ ᐅᑎᓀᐤ ᒥᑖᑕᐦᐟ ᐱᐢᑳᐧᐃᐧᑲᓇ ᐅ ᐱᐢᑳᐧᐃᐧᑲᓀᒥᔨᐊᐧ ᐅᐟ ᐅᑭᒫᒪ, ᐁᑯᓯ ᐁ ᑭ ᓯᐯᐧᑌᐟ, ᒋᑫᒫ ᑲᐦᑭᔭᐤ ᐅᐟ ᐊᔮᐃᐧᓂᔨᐊᐧ ᐅᐟ ᐅᑭᒫᒪ ᑭ ᒥᒋᒥᓇᒼ; ᑭ ᓯᐯᐧᑌᐤ ᒫᑲ, ᑭ ᐃᑐᐦᑌᐤ ᒣᓴᐳᑌᒥᔭ ᐊᐢᑭᕽ, ᐅᐟ ᐅᑌᓈᔨᕽ ᓀᐦᐅᕒ. 11ᑭ ᓂᐸᐢᑯᐁᐤ ᒫᑲ ᐅᐱᐢᑳᐧᐃᐧᑲᓀᒪ ᐊᐧᔭᐃᐧᑎᒥᕽ ᐅᑌᓈᕽ ᑎᐱᐢᑯᐨ ᐅᐦᑕᐃᐹᓂᕽ, ᐁ ᐊᑎ ᐅᑖᑯᓯᓂᔨᐠ, ᐃᑕ ᒫᓇ ᐃᐢᑫᐧᐊᐧᐠ ᑳ ᐊᐧᔭᐃᐧᒋᐠ ᑭᑕ ᑳᐧᐱᑫᒋᐠ. 12ᑭ ᐃᑌᐧᐤ ᒫᑲ, ᑳ ᑎᐯᔨᐦᒋᑫᔭᐣ ᐅ ᑭᓭᒪᓂᑐᒪ ᓂᐟ ᐅᑭᒫᒼ ᐁᑊᕒᐁᐋᒼ, ᐃᓯᑎᓴᐦᐊᒪᐃᐧᐣ ᑭᐟ ᐃᓯ ᓇᑐᑕᒫᑎᐣ ᑭᑕ ᒥᔪᐸᔨᔮᐣ ᐊᓄᐦᐨ ᑳ ᑭᓯᑳᐠ, ᒥᓇ ᑭᓭᐋᐧᑐᑕᐤ ᓂᐟ ᐅᑭᒫᒼ ᐁᑊᕒᐁᐋᒼ. 13ᒫᑎᑲ, ᐅᑕ ᓂ ᓂᐸᐃᐧᐣ ᐅᐦᑕᐃᐹᓂᕽ; ᐅᑖᓂᓯᐋᐧᐊᐧ ᒫᑲ ᐊᔨᓯᔨᓂᐊᐧᐠ ᐅᑌᓈᕽ ᐯ ᓇᑕᐃᐧ ᑳᐧᐱᑫᐊᐧᐠ; 14ᑭᔮᒼ ᑭᑕ ᐃᐦᑭᒼ ᐊᓇ ᐅᐢᑭᓂᑭᐢᑫᐧᐤ ᑫ ᐃᑕᐠ, ᐸᑭᑎᓇ ᑭ ᑳᐧᐱᑳᑲᐣ ᑭ ᐸᑯᓭᔨᒥᑎᐣ ᑭᑕ ᒥᓂᐦᑫᐧᔮᐣ, ᐃᑌᐧᒋ ᒫᑲ, ᒥᓂᐦᑫᐧ, ᒥᓇ ᒫᑲ ᑭ ᐱᐢᑳᐧᐃᐧᑲᓀᒪᐠ ᓂ ᑲ ᒥᓇᐋᐊᐧᐠ, ᑭᔮᒼ ᐁᐊᐧᑯ ᑭᑕ ᐋᐃᐧᐤ ᐊᓂᐦᐃ ᑳ ᑭ ᐅᔭᑭᑕᒪᐊᐧᐟ ᑭᐟ ᐊᑐᐢᑫᔮᑲᐣ ᐋᐃᓴᐠ; ᐁᑯᑕ ᒫᑲ ᓂ ᑲ ᐅᐦᒋ ᑭᐢᑫᔨᑌᐣ ᐁ ᑭ ᑭᓭᐋᐧᑐᑕᐊᐧᐟ ᓂᐟ ᐅᑭᒫᒼ.
15ᑭ ᐃᐢᐸᔨᐤ ᒫᑲ ᒪᐧᔦᐢ ᐳᓂ ᐱᑭᐢᑫᐧᐟ, ᐳᑎ ᕒᐃᐯᑲ ᑭ ᐯ ᐊᐧᔭᐃᐧᐤ, ᐁᐊᐧᑯ ᑳ ᑭ ᓂᐦᑖᐃᐧᑭᑕᒫᐦᐟ ᐯᐟᔪᐃᓬ, ᐅᑯᓯᓴ ᒥᓬᑲ, ᐃᐧᐊᐧ ᓀᐦᐅᕒ, ᐁᑊᕒᐁᐋᒼ ᐅᒋᐋᐧᒪ, ᐁ ᐯ ᐅᓂᑳᑕᕽ ᐅ ᑳᐧᐱᑳᑲᐣ. 16ᐊᓇ ᐅᐢᑭᓂᑭᐢᑫᐧᐤ ᒫᑲ ᓈᐢᐱᐨ ᑭ ᑲᑕᐊᐧᓯᓯᐤ ᐁ ᐃᑖᐸᒥᓈᑯᓯᐟ, ᑲᐧᔭᐢᐠ ᐅᐢᑭᓂᑭᐢᑫᐧᐤ, ᐁᑳ ᐊᐃᐧᔭ ᓈᐯᐊᐧ ᐁ ᑭ ᐅᐦᒋ ᑭᐢᑫᔨᒥᑯᐟ, ᑭ ᓈᓯᐯᐤ ᒫᑲ ᐅᐦᑕᐃᐸᓂᕽ, ᐁᑯᓯ ᑭ ᒧᐢᑭᓇᑖᐤ ᐅ ᑳᐧᐱᑳᑲᐣ ᒥᓇ ᐁ ᑭ ᐯ ᐋᒪᒋᐁᐧᐟ. 17ᐊᓇ ᐊᑐᐢᑫᔮᑲᐣ ᒫᑲ ᑭ ᐃᐢᐸᑖᐤ ᐁ ᓇᑕᐃᐧ ᓇᑭᐢᑲᐋᐧᐟ, ᐅᒥᓯ ᐁ ᑭ ᐃᑖᐟ, ᑭ ᐸᑯᓭᔨᒥᑎᐣ ᑭᔮᒼ ᐊᐱᓯᐢ ᓂᐱ ᓂ ᑲ ᒥᓂᑳᐧᐣ ᑭ ᑳᐧᐱᑳᑲᓂᕽ ᐅᐦᒋ. 18ᑭ ᐃᑎᐠ ᒫᑲ, ᒥᓂᐦᑫᐧ ᓂᐟ ᐅᑭᒫᒼ, ᑭ ᑲᑫᐧᔮᐅ ᒫᑲ ᐁ ᑭ ᐸᑭᒋᓂᑳᑕᕽ ᐅ ᑳᐧᐱᑳᑲᐣ ᐁᑯᓯ ᐁ ᑭ ᒥᓇᐋᐟ. 19ᐃᐢᐱ ᒫᑲ ᑳ ᐳᓂ ᒥᓇᐋᐟ ᐅᒥᓯ ᑭ ᐃᑌᐤ, ᓂ ᑲ ᑳᐧᐱᑲᐋᐧᐊᐧᐠ ᒥᓇ ᑭ ᐱᐢᑳᐧᐃᐧᑲᓀᒪᐠ ᐃᐢᑯ ᐃᔨᑯᕽ ᑭ ᒥᓂᐦᑫᐧᑖᐧᐃᐧ. 20ᑭ ᑲᑫᐧᔮᐅ ᒫᑲ ᐁ ᑭ ᓯᑭᓇᕽ ᐅ ᑳᐧᐱᑳᑲᐣ ᐋᐧᔨᑲᐦᐃᑲᓂᕽ, ᒥᓇ ᒫᑲ ᐁ ᑭ ᐃᐢᐸᑖᐟ ᒧᓇᐃᐹᓂᕽ ᑭᑕ ᑳᐧᐸᐊᕽ ᓂᐱ ᐁᑯᓯ ᐁ ᑭ ᑳᐧᐱᑳᐋᐧᐟ ᑲᐦᑭᔭᐤ ᐅ ᐱᐢᑳᐧᐃᐧᑲᓀᒥᔨᐊᐧ. 21ᐊᓇ ᒫᑲ ᓈᐯᐤ ᐁ ᒫᒪᐢᑳᑖᐟ ᓇᒪ ᓈᐣᑕᐤ ᐃᑌᐧᐤ, ᐁ ᐃᐧ ᑭᐢᑫᔨᑕᕽ ᒫᐦᑎ ᑳ ᑎᐯᔨᐦᒋᑫᔨᐟ ᑳ ᓇᐃᐸᔨᐃᑯᑫᐧ ᑳ ᐅᐦᒋ ᐱᒧᐦᑌᐅᐟ ᐊᐦᐳ ᐁᑳ. 22ᑭ ᐃᐢᐸᔨᐤ ᒫᑲ ᐃᐢᐱ ᐱᐢᑳᐧᐃᐧᑲᓇ ᑳ ᐳᓂ ᒥᓂᐦᑫᐧᔨᐟ ᐊᓇ ᓈᐯᐤ ᑭ ᐅᑎᓀᐤ ᐅᓴᐃᐧ ᓱᓂᔮᐃᐧ ᑖᐱᑌᐱᓱᓇ ᐋᐱᑕᐤ ᓭᑭᓬ ᐁ ᐃᐢᐱᑎᓂᑲᐧᑎᔨᐟ, ᒥᓇ ᓂᓱ ᒥᐢᐱᑐᓈᐱᐢᑲᐧ ᐅᒋᐦᒋᔨᕽ ᑭᑕ ᐊᐢᑖᔨᐟ ᒥᑖᑕᐦᐟ ᓭᑭᓬ ᐁ ᐃᐢᐱᑎᓂᑲᐧᑭ ᐅᓵᐃᐧ ᓱᓂᔮᐤ. 23ᑭ ᐃᑌᐤ ᒫᑲ, ᐊᐁᐧᓇ ᐅᑖᓂᓴ ᑭᔭ? ᐃᐧᐦᑕᒪᐃᐧᐣ ᑭ ᐸᑯᓭᔨᒥᑎᐣ. ᑕᐋᐧᔨᐤ ᒋ ᑯᑖᐃᐧ ᐃᐧᑭ ᐃᑕ ᑭᑕ ᑭ ᐊᔮᔮᕽ? 24ᐅᒥᓯ ᒫᑲ ᑭ ᐃᑎᐠ, ᓂᔭ ᐅᑖᓂᓵ ᐯᐟᔪᐃᓬ ᐅᑯᓯᓴ ᒥᓬᑲ ᑳ ᑭ ᓂᐦᑖᐃᐧᑭᑕᒪᐋᐧᐟ ᓀᐦᐅᕒᐊ. 25ᒥᓇ ᒫᑲ ᑭ ᐊᑎ ᐃᑌᐤ, ᓂᐟ ᐊᔮᓈᐣ ᐁᑯᔨᑯᕽ ᐸᐦᑫᐧᓯᑲᓇᐢᑲᐧ ᒥᓇ ᐊᐊᐧᑳᓂ ᒥᒋᐃᐧᐣ, ᒥᓇ ᑕᐋᐧᐤ ᑭᑕ ᐊᔮᔦᐠ. 26ᐊᓇ ᒫᑲ ᓈᐯᐤ ᑭ ᓇᐊᐧᑭᐢᑫᐧᔨᐤ ᐁ ᐊᔭᒥᐦᐋᐃᐧ ᐊᑐᐢᑲᐋᐧᐟ ᑳ ᑎᐯᔨᐦᒋᑫᔨᐟ. 27ᑭ ᐃᑌᐧᐤ ᒫᑲ, ᑭᑕ ᐃᐧ ᓇᓈᐢᑯᒫᐤ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᓄᑭᒫᒼ ᐁᑊᕒᐁᐋᒼ, ᐊᓇ ᐁᑳ ᑳ ᑭ ᒪᓂᐋᐟ ᓂᐟ ᐅᑭᒫᒪ ᐅ ᑭᓭᐋᐧᑎᓯᐃᐧᐣ ᒥᓇ ᐅ ᑖᐯᐧᐃᐧᐣ; ᒣᐢᑲᓈᕽ ᓂ ᑭ ᐊᔮᐣ, ᑳ ᑎᐯᔨᐦᒋᑫᐟ ᒫᑲ ᓂ ᑭ ᐯ ᐃᓯ ᑭᐢᑭᓄᑕᐦᐃᐠ ᐃᐧᑭᔨᕽ ᓄᑭᒫᒪ ᐅᒋᐋᐧᒥᔨᐊᐧ. 28ᐊᓇ ᐅᐢᑭᓂᑭᐢᑫᐧᐤ ᒫᑲ ᑭ ᐃᐢᐸᑖᐤ ᐁᑯᓯ ᐁ ᑭ ᐃᐧᐦᑕᒪᐋᐧᐟ ᐅᑳᐃᐧᔭ ᐃᐧᑭᔨᕽ ᑳ ᐊᔮᔨᐟ.
29ᕒᐃᐯᑲ ᒫᑲ ᑭ ᐅᑕᐁᐧᒫᐤ ᓬᐁᐹᐣ ᐁ ᐃᓯᔨᐦᑳᓱᔨᐟ; ᓬᐁᐹᐣ ᒫᑲ ᑭ ᐃᐢᐸᑖᐤ ᐃᑕ ᐁ ᐊᔮᔨᐟ ᐊᓂᐦᐃ ᓈᐯᐊᐧ ᐊᓂᑕ ᐅᐦᑕᐃᐹᓂᕽ. 30ᑭ ᐃᐢᐸᔨᐤ ᒫᑲ ᐃᐢᐱ ᐃᐧᔮᐸᐦᑕᕽ ᑖᐱᑌᐱᓱᓇ ᒥᓇ ᒥᐢᐱᑐᓈᐱᐢᑲᐧ ᐅᒋᐦᒋᔨᕽ ᐅᑕᐁᐧᒫᐊᐧ, ᒥᓇ ᐃᐢᐱ ᑳ ᐯᐦᑕᕽ ᑳ ᐃᑌᐧᔨᐟ ᕒᐃᐯᑲᐊᐧ ᐅᑕᐁᐧᒫᐊᐧ, ᐁ ᐃᑌᐧᔨᐟ, ᐁᑯᓯ ᐅᒪ ᑳ ᐃᓯᐟ ᐊᓇ ᓈᐯᐤ, ᑭ ᐯ ᓈᑌᐤ ᐊᓂᐦᐃ ᓈᐯᐊᐧ, ᐁᑯᓯ ᐳᑎ ᑭ ᓂᐸᐃᐧᐢᑕᐁᐧᔨᐊᐧ ᐱᐢᑲᐧᐃᐧᑲᓇ ᐊᓂᑕ ᐅᐦᑕᐃᐹᓂᕽ. 31ᑭ ᐃᑌᐧᐤ ᒫᑲ, ᐯ ᐱᐦᑐᑫ, ᑳ ᓴᐁᐧᔨᒥᐢᐠ ᑳ ᑎᐯᔨᐦᒋᑫᐟ, ᑖᓀᐦᑭ ᐊᐧᔭᐃᐧᑎᒥᕽ ᑳ ᓂᐸᐃᐧᔭᐣ? ᒋᑫᒫ ᓂ ᑭ ᑲᐧᔮᒋᐦᑖᐣ ᐋᐧᐢᑳᐦᐃᑲᐣ ᒥᓇ ᐃᑕ ᑫ ᐊᔮᒋᐠ ᐱᐢᑳᐧᐃᐧᑲᓇᐠ.
32ᐁᑯᓯ ᐊᓇ ᓈᐯᐤ ᑭ ᐱᐦᑐᑫᐤ ᐋᐧᐢᑳᐦᐃᑲᓂᕽ, ᑭ ᐋᔮᐸᐅᒣᐤ ᒫᑲ ᐅ ᐱᐢᑳᐧᐃᐧᑲᓀᒥᔨᐊᐧ, ᒥᓇ ᐁ ᑭ ᒥᔮᐟ ᐱᐢᑳᐧᐃᐧᑲᓇ ᐸᐦᑫᐧᓯᑲᓇᐢᑲᐧ ᒥᓇ ᐊᐊᐧᑳᓂ ᒥᒋᐃᐧᐣ, ᒥᓇ ᓂᐱ ᑭᑕ ᑭᓯᐯᑭᓇᒥᔨᐟ ᐅᓯᑎᔨᐊᐧ ᒥᓇ ᐅᓯᑎᔨᐊᐧ ᐊᓂᐦᐃ ᓈᐯᐊᐧ ᑳ ᐃᐧᒉᐃᐧᑯᐟ. 33ᐁᑯᑕ ᒫᑲ ᑭ ᐅᔮᐢᑕᒪᐋᐧᐤ ᒥᒋᐃᐧᐣ ᑭᑕ ᒥᒋᓱᐟ, ᒫᑲ ᑭ ᐃᑌᐧᐤ, ᓇᒪᐃᐧᔭ ᓂ ᑲ ᒥᒋᓱᐣ ᐹᑎᒫ ᐱᑯ ᑭ ᐃᐧᐦᑕᒫᓂ ᓂᐟ ᐊᑐᑌᑯᐃᐧᐣ. ᑭ ᐃᑎᐠ ᒫᑲ, ᐱᑭᐢᑫᐧ. 34ᐁᑯᓯ ᑭ ᐃᑌᐧᐤ, ᓂᔭ ᐁᑊᕒᐁᐋᒼ ᓂᐟ ᐊᑐᐢᑲᐋᐧᐤ. 35ᑳ ᑎᐯᔨᐦᒋᑫᐟ ᒫᑲ ᑭ ᑭᐦᒋ ᓴᐁᐧᔨᒣᐤ ᓄᑭᒫᒪ, ᐁᑯᓯ ᒫᑲ ᐊᑎ ᑭᐦᒑᔨᐃᐧᐤ; ᒥᓇ ᑭ ᒥᔨᐠ ᒫᔭᑎᐦᑲᐧ, ᒥᓇ ᐊᐊᐧᑳᓇ ᒥᓇ ᐋᐧᐱᐢᑭ ᓱᓂᔮᐊᐧ, ᒥᓇ ᐅᓵᐃᐧ ᓱᓂᔮᐊᐧ, ᓈᐯᐤ ᐊᑐᐢᑫᔮᑲᓇ ᒥᓇ ᐃᐢᑫᐧᐤ ᐊᑐᐢᑫᔮᑲᓇ, ᒥᓇ ᐱᐢᑳᐧᐃᐧᑲᓇ ᒥᓇ ᓱᓱᒥᐢᑕᑎᒪᐧ. 36ᓭᕒᐊᐦ ᒫᑲ ᓂᐟ ᐅᑭᒫᒼ ᐃᐧᐊᐧ, ᑭ ᓂᐦᑖᐃᐧᑭᑕᒪᐁᐧᐤ ᐅᑯᓯᓯᔨᐊᐧ ᓂᐟ ᐅᑭᒫᒪ ᐁ ᑭᓭᔨᓂᐃᐧᔨᐟ, ᐁᐊᐧᑯᓂ ᒫᑲ ᑳ ᒥᔮᐟ ᑲᐦᑭᔭᐤ ᐊᓂᒪ ᑳ ᐃᓯ ᐊᔮᐟ. 37ᓂᐟ ᐅᑭᒫᒼ ᒫᑲ ᓂ ᑭ ᑭᐦᒋ ᐃᑌᐧᐃᐠ, ᐁ ᐃᑌᐧᐟ, ᓇᒪᐃᐧᔭ ᑭ ᑲ ᐅᑎᓂᒫᐊᐧ ᑫ ᐃᐧᐃᐧᐟ ᓂᑯᓯᐢ ᐅᑖᓂᓯᔨᐊᐧ ᑫᓇᓇᐃᑕ ᑳ ᐃᐧᑕᐢᑭᒥᒪᐠ. 38ᒫᑲ ᑭ ᑲ ᐃᑐᐦᑖᐣ ᓄᑖᐃᐧ ᐃᐧᑭᕽ, ᒥᓇ ᓂ ᐋᐧᑯᒫᑲᓇᐠ, ᐁᑯᑕ ᒫᑲ ᑫ ᐅᐦᑎᓂᐢᑫᐧᐁᐧᐢᑕᒪᐊᐧᐟ ᓂᑯᓯᐢ. 39ᓂ ᑭ ᐃᑖᐤ ᒫᑲ ᓂᐟ ᐅᑭᒫᒼ, ᒫᐢᑯᐨ ᓈᐣᑕᐤ ᐃᓯ ᐊᓇ ᐃᐢᑫᐧᐤ ᓇᒪᐃᐧᔭ ᓂ ᑲ ᐯ ᐱᒥᑎᓴᐦᐅᐠ. 40ᐅᒥᓯ ᒫᑲ ᓂ ᑭ ᐃᑎᐠ, ᑳ ᑎᐯᔨᐦᒋᑫᐟ ᐅᐟ ᐋᐢᑕᒥᐃᐧᓂᕽ ᑳ ᐱᒧᐦᑌᔮᐣ, ᑭᑕ ᐃᓯᑎᓴᐁᐧᐤ ᐅᑭᓯᑯᒪ ᑭᑕ ᐃᐧᒉᐃᐧᐢᐠ, ᒥᓇ ᑭᑕ ᓇᓇᐦᐃᐸᔨᐠ ᑭ ᐱᒧᐦᑌᐅᐃᐧᐣ, ᓂ ᐋᐧᑯᒫᑲᓇᐠ ᒫᑲ ᒥᓇ ᓄᑖᐃᐧ ᐃᐧᑭᕽ ᑭ ᑲ ᐅᐦᑎᓂᐢᑫᐧᐁᐧᐢᑕᒪᐋᐧᐤ ᓂᑯᓯᐢ. 41ᐁᑯᓯ ᒫᑲ ᑭ ᑲ ᐸᑭᑎᓂᑯᐣ ᐅᒪ ᑳ ᑭᐦᒋ ᐃᑌᐧᐃᑖᐣ ᐃᐢᐱ ᐅᑎᑕᑖᐧᐃᐧ ᓂ ᐋᐧᑯᒫᑲᓇᐠ; ᑭᐢᐱᐣ ᒫᑲ ᐁᑳ ᒥᔨᐢᑳᐧᐃᐧ, ᐁᑯᓯ ᑭ ᑲ ᐸᑭᑎᓂᑯᐣ ᑳ ᑭᐦᒋ ᐃᑌᐧᐃᑖᐣ. 42ᓂ ᑭ ᑕᑯᓯᓂᐣ ᒫᑲ ᐊᓄᐦᐨ ᑳ ᑭᓯᑳᐠ ᐅᐦᑕᐃᐹᓂᕽ, ᐅᒥᓯ ᒫᑲ ᓂ ᑭ ᐃᑖᐧᐣ, ᑌᐯᔨᐦᒋᑫᔭᐣ, ᐅ ᑭᓭᒪᓂᑐᒪ ᐁᑊᕒᐁᐋᒼ ᓂᐟ ᐅᑭᒫᒼ, ᑭᐢᐱᐣ ᐊᓄᐦᐨ ᑭ ᓇᐃᐸᔨᑖᐣ ᐅᒪ ᑳ ᐃᑐᐦᑌᔮᐣ, 43ᒫᑎᑲ, ᓂ ᓂᐸᐃᐧᐣ ᒋᑭ ᐅᐦᑕᐃᐹᓂᕽ, ᑭᔮᒼ ᒫᑲ ᑭᑕ ᐃᐢᐸᔨᐤ ᐊᓇ ᐅᐢᑭᓂᑭᐢᑫᐧᐤ ᐁ ᐯ ᓇᑕᐃᐧ ᑲᐧᐱᑫᐟ ᑫ ᐃᑕᐠ, ᒥᔨᐣ ᑭ ᐸᑯᓭᔨᒥᑎᐣ ᐊᐱᓯᐢ ᓂᐱ ᑭ ᑲᐧᐱᑳᑲᓂᕽ ᐅᐦᒋ ᑭᑕ ᒥᓂᐦᑫᐧᔮᐣ; 44ᐃᓯᒋ ᒫᑲ, ᒥᓂᐦᑫᐧ ᑭᔭ, ᒥᓇ ᒫᑲ ᓂ ᑲ ᑳᐧᐱᑲᐋᐧᐊᐧᐠ ᑭ ᐱᐢᑳᐧᐃᐧᑲᓀᒪᐠ, ᑭᔮᒼ ᑭᑕ ᐋᐃᐧᐤ ᐁᐊᐧᑯ ᐃᐢᑫᐧᐤ ᑳ ᑎᐯᔨᐦᒋᑫᐟ ᑳ ᑭ ᐅᔭᑭᑕᒪᐋᐧᐟ ᓂᐟ ᐅᑭᒫᒪ ᐅᑯᓯᓯᔨᐊᐧ. 45ᒪᐧᔦᐢ ᒫᑲ ᐳᓂ ᐱᑭᐢᑫᐧᔮᐣ ᓂᑌᐦᐃᕽ, ᐳᑎ ᕒᐃᐯᑲ ᑭ ᐯ ᐃᑐᐦᑌᐤ, ᐁ ᐯ ᐅᓂᑳᑕᕽ ᐅ ᑳᐧᐱᑳᑲᐣ ᑭ ᐃᑐᐦᑌᐤ ᒫᑲ ᐅᐦᑕᐃᐹᓂᕽ ᐁ ᑳᐧᐸᐊᕽ ᓂᐱ; ᐅᒥᓯ ᒫᑲ ᓂ ᑭ ᐃᑖᐤ, ᑭᔮᒼ ᓂ ᑲ ᒥᓂᑳᐧᐣ ᑭ ᐸᑯᓭᔨᒥᑎᐣ. 46ᑭ ᑲᑫᐧᔮᐅ ᒫᑲ ᐁ ᑭ ᐸᑭᒋᓂᑳᑕᕽ ᐅ ᑳᐧᐱᑳᑲᐣ ᐅᒥᓯ ᐁ ᑭ ᐃᑌᐧᐟ, ᒥᓂᐦᑫᐧ, ᒥᓇ ᒫᑲ ᓂ ᑲ ᒥᓇᐋᐊᐧᐠ ᑭ ᐱᐢᑳᐧᐃᐧᑲᓀᒪᐠ. ᓂ ᑭ ᒥᓂᑳᐧᐣ ᒫᑲ ᒥᓇ ᐁ ᑭ ᒥᓇᐋᐟ ᐱᐢᑳᐧᐃᐧᑲᓇ. 47ᓂ ᑭ ᑲᑫᐧᒋᒫᐤ ᒫᑲ ᐁ ᐃᑕᐠ, ᐊᐁᐧᓇ ᐅᑖᓂᓴ ᑭᔭ? ᑭ ᐃᑌᐧᐤ ᒫᑲ, ᐅᑖᓂᓴ ᐯᐟᔪᐃᓬ, ᓀᐦᐅᕒ ᐅᑯᓯᓴ, ᐊᓂᐦᐃ ᒥᓬᑲ ᑳ ᑭ ᓂᐦᑖᐃᐧᑭᑕᒫᑯᐟ; ᓂ ᑭ ᐊᑯᒧᐃᒫᐊᐧ ᒫᑲ ᑖᐱᑌᐱᓱᓇ ᒥᓇ ᒥᐢᐱᑐᓈᐱᐢᑲᐧ ᐅᒋᐦᒋᕽ. 48ᓂ ᑭ ᐸᑕᐱᐢᑫᐧᔨᐣ ᒫᑲ ᐁ ᑭ ᐊᔭᒥᐦᐋᐃᐧ ᐊᑐᐢᑲᐊᐧᐠ ᑳ ᑎᐯᔨᐦᒋᑫᐟ, ᒥᓇ ᐁ ᑭ ᓇᓈᐢᑯᒪᐠ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᓂᐟ ᐅᑭᒫᒼ ᐁᑊᕒᐁᐋᒼ ᑲᐧᔭᐢᐠ ᑳ ᑭ ᑭᐢᑭᓄᑕᐃᐟ ᑭᑕ ᐅᑎᓂᒪᐠ ᓂᐟ ᐅᑭᒫᒼ ᐅᒋᐋᐧᒪ ᐅᑖᓂᓯᔨᐊᐧ ᐅᑯᓯᓴ ᑭᑕ ᐊᔮᐋᐧᔨᐟ. 49ᐁᑲᐧ ᒫᑲ ᑭᐢᐱᐣ ᑭ ᐃᐧ ᐃᐦᑐᑕᐋᐧᐋᐧᐤ ᓂᐟ ᐅᑭᒫᒼ ᑭᓭᐋᐧᑎᓯᐃᐧᓂᕽ ᒥᓇ ᑖᐯᐧᐃᐧᓂᕽ, ᐃᐧᐦᑕᒪᐃᐧᐠ; ᑭᐢᐱᐣ ᒫᑲ ᓇᒪᐃᐧᔭ, ᐃᐧᐦᑕᒪᐃᐧᐠ ᑭᔮᒼ; ᑭᑕ ᐃᓯ ᑭᐁᐧᔮᐣ ᑭᐦᒋᓂᐢᑭᕽ ᐊᐦᐳ ᓇᒪᑎᓂᕽ ᐃᓯ. 50ᐁᑲᐧ ᓬᐁᐹᐣ ᒥᓇ ᐯᐟᔪᐃᓬ ᑭ ᓇᐢᑫᐧᐊᐧᓯᒣᐊᐧᐠ ᒥᓇ ᐁ ᑭ ᐃᑌᐧᒋᐠ, ᑳ ᑎᐯᔨᐦᒋᑫᐟ ᐅᐦᒋᐸᔨᐤ ᐅᒪ; ᓇᒪ ᑫᑲᐧᐩ ᐁ ᒥᔮᐧᓯᐠ ᐊᐦᐳ ᐁ ᒫᔮᑕᕽ ᑭ ᑲ ᑭ ᐃᑎᑎᓈᐣ. 51ᒫᑎᑲ, ᕒᐃᐯᑲ ᑭ ᐋᐧᐸᒫᐤ, ᐅᑎᐣ ᒥᓇ ᓭᐯᐧᑌ, ᑭᔮᒼ ᒫᑲ ᑭᐟ ᐅᑭᒫᒼ ᐅᑯᓯᓴ ᑭᑕ ᐃᐧᐃᐧᐤ, ᒣᐧᐦᒋ ᑳ ᑎᐯᔨᐦᒋᑫᐟ ᑳ ᑭ ᐃᑌᐧᐟ. 52ᑭ ᐊᔨᑭᐣ ᒫᑲ ᐃᐢᐱ ᐁᑊᕒᐁᐋᒼ ᐅᐟ ᐊᑐᐢᑫᔮᑲᓇ ᐱᔦᑖᕽ ᑳ ᐃᑌᐧᔨᐟ ᑭ ᓇᐊᐧᑭᐢᑕᐁᐧᐤ ᑳ ᑎᐯᔨᐦᒋᑫᔨᐟ ᒧᒋᕽ ᐃᓯ. 53ᐊᓇ ᒫᑲ ᐊᑐᐢᑫᔮᑲᐣ ᑭ ᒧᐢᑭᓇᒼ ᐋᐧᐱᐢᑭ ᓱᓂᔮᐃᐧ ᐊᐧᐁᐧᓯᐅᐃᐧᓇ, ᒥᓇ ᐅᓵᐃᐧ ᓱᓂᔮᐃᐧ ᐊᐧᐁᐧᓯᐅᐃᐧᓇ, ᒥᓇ ᑭᑭᐢᑳᒋᑲᓇ, ᐁᑯᓯ ᑭ ᒥᔦᐤ ᕒᐃᐯᑲᐊᐧ; ᒥᓇ ᒫᑲ ᑭ ᒥᔨᒣᐤ ᐅᑕᐁᐧᒫᔨᐊᐧ ᒥᓇ ᐅᑳᐃᐧᔨᐊᐧ ᐁ ᒥᔮᐧᓯᓂᔨᑭ. 54ᑭ ᒥᒋᓱᐊᐧᐠ ᒫᑲ ᒥᓇ ᑭ ᒥᓂᐦᑫᐧᐊᐧᐠ, ᐃᐧᔭ ᒥᓇ ᓈᐯᐊᐧ ᑳ ᐃᐧᒉᐋᐧᐟ, ᑲᐯᑎᐱᐢᐠ ᐁᑯᑕ ᐁ ᑭ ᐊᔮᒋᐠ; ᑭ ᐊᐧᓂᐢᑳᐊᐧᐠ ᒫᑲ ᐁ ᑫᑭᓭᐹᔮᔨᐠ ᑭ ᐃᑌᐧᐤ ᒫᑲ, ᓯᐯᐧᑎᓴᐦᐅᐠ ᑭᑕ ᓇᑕᐋᐧᐸᒪᐠ ᓂᐟ ᐅᑭᒫᒼ. 55ᒫᑲ ᐅᑕᐁᐧᒫᐊᐧ ᒥᓇ ᐅᑳᐃᐧᔭ ᑭ ᐃᑌᐧᔨᐊᐧ, ᑭᔮᒼ ᑲᓇᑫ ᒥᑖᑕᐦᐟ ᑭᓯᑳᐊᐧ ᓂ ᑲ ᐃᐧᒋᐊᔮᒥᑯᓈᐣ ᐅᐢᑭᓂᑭᐢᑫᐧᐤ, ᐁᑲᐧ ᒫᑲ ᑫ ᓯᐯᐧᑕᐊᐟ. 56ᐅᒥᓯ ᒫᑲ ᑭ ᐃᑌᐧᐤ, ᐁᑳᐃᐧᔭ ᐅᑕᒥᐃᐠ, ᐃᐧᔭ ᒥᔮᒫ ᑳ ᑎᐯᔨᐦᒋᑫᐟ ᐁ ᑭ ᓇᓇᐦᐃᐸᔨᐃᐟ; ᓯᐯᐧᑎᓴᐦᐅᐠ ᑭᑕ ᓈᑕᐠ ᓂᐟ ᐅᑭᒫᒼ. 57ᑭ ᐃᑌᐧᐊᐧᐠ ᒫᑲ, ᓂ ᑲ ᓇᑐᒫᓈᐣ ᐅᐢᑭᓂᑭᐢᑫᐧᐤ ᑭᑕ ᑲᑫᐧᒋᒫᔭᕽ ᑫ ᐃᑌᐧᑫᐧ. 58ᐁᑯᓯ ᑭ ᓇᑐᒣᐊᐧᐠ ᕒᐃᐯᑲᐊᐧ, ᒥᓇ ᑭ ᐃᑌᐊᐧᐠ, ᑭ ᑲ ᐃᐧᒉᐋᐧᐤ ᒋ ᐊᐊᐧ ᓈᐯᐤ? ᐁᑯᓯ ᑭ ᐃᑌᐧᐤ, ᓂ ᑲ ᐃᐧᒉᐋᐧᐤ. 59ᐁᑯᓯ ᑭ ᓯᐯᐧᑎᓴᐁᐧᐊᐧᐠ ᕒᐃᐯᑲᐊᐧ ᐅᑕᐁᐧᒫᐋᐧᐊᐧ, ᒥᓇ ᑳ ᑲᓇᐁᐧᔨᒥᑯᔨᐟ, ᐊᓯᒋ ᐁᑊᕒᐁᐋᒼ ᐅᐟ ᐊᑐᐢᑫᔮᑲᓇ ᒥᓇ ᐅᐟ ᐅᐢᑭᓂᑭᒪ. 60ᑭ ᓴᐁᐧᔨᒣᐊᐧᐠ ᒫᑲ ᕒᐃᐯᑲᐊᐧ ᐅᒥᓯ ᐁ ᑭ ᐃᑖᒋᐠ, ᑭᔭ ᓂᑕᐁᐧᒫᓈᐣ ᑭᔮᒼ ᑭ ᑲ ᐅᑳᐃᐧᒥᑲᐧᐠ ᑭᐦᒋ ᒥᑖᐦᑐᒥᑕᓇᐋᐧᐤ ᒥᑖᐦᑖᐧᐤ ᑭᐦᒋ ᒥᑖᐦᑐᒥᑕᓇᐤ, ᒥᓇ ᑭᔮᒼ ᑭ ᓂᐦᑖᐃᐧᑭᐦᐋᑲᓇᐠ ᑭᑕ ᑎᐯᔨᐦᑕᒣᐧᐊᐧᐠ ᐅᐟ ᐃᐢᑳᐧᑌᒥᔨᐊᐧ ᐊᓂᐦᐃ ᑳ ᐸᑳᐧᑎᑯᒋᐠ.
61ᕒᐃᐯᑲ ᒫᑲ ᑭ ᐸᓯᑯ ᐊᓯᒋ ᐅᐢᑭᓂᑭᐢᑫᐧᒪ, ᑭ ᑌᐦᑕᐱᐊᐧᐠ ᒫᑲ ᐱᐢᑳᐧᐃᐧᑲᓇ ᒥᓇ ᑭ ᐱᒥᑎᓴᐁᐧᐊᐧᐠ ᐊᓂᐦᐃ ᓈᐯᐊᐧ; ᐁᑯᓯ ᐊᓇ ᐊᑐᐢᑫᔮᑲᐣ ᑭ ᐅᑎᓀᐤ ᕒᐃᐯᑲᐊᐧ ᒥᓇ ᑭ ᓯᐯᐧᑌᐤ. 62ᐋᐃᓴᐠ ᒫᑲ ᑭ ᐯ ᐅᐦᑐᑌᐤ ᐊᓂᑌ ᐱᐊᕒᓬᐁᐦᐊᐃᕒᐋᐩ; ᒋᑫᒫ ᑭ ᐅᐟ ᐃᐦᑖᐃᐧᓂᐤ ᓵᐊᐧᓄ ᐊᐢᑭᕽ. 63ᐋᐃᓴᐠ ᒫᑲ ᑭ ᐊᐧᔭᐃᐧᐤ ᐅᐦᐱᒣ ᐁ ᓇᑕᐃᐧ ᒫᒥᑐᓀᔨᑕᕽ ᐁ ᐅᑖᑯᓯᓂᔨᐟ; ᑭ ᐃᑖᐱᐤ ᒫᑲ ᒥᓇ ᐋᐧᐸᒣᐤ, ᐳᑎ ᐱᐢᑳᐧᐃᐧᑲᓇ ᑭ ᐯᑖᐢᑕᒧᑌᔨᐊᐧ. 64ᕒᐃᐯᑲ ᒫᑲ ᑭ ᐃᑖᐱᐤ, ᐃᐢᐱ ᒫᑲ ᐃᐧᔮᐸᒫᐟ ᐋᐃᓴᑲ ᑭ ᓂᐦᒋᐸᔨᐦᐅ ᐱᐢᑳᐧᐃᐧᑲᓇ ᑳ ᑭ ᑌᐦᑕᐱᐟ, 65ᒋᑫᒫ ᑭ ᐃᑌᐤ ᐊᓂᐦᐃ ᐊᑐᐢᑫᔮᑲᓇ, ᑫᑯ ᓈᐯᐤ ᐊᓇ ᑳ ᐱᒧᐦᑌᐟ ᐅᐦᐱᒣᐊᔨᕽ ᐁ ᐯ ᓇᑭᐢᑳᑯᔭᕽ? ᐊᓂᐦᐃ ᐊᑐᐢᑫᔮᑲᓇ ᒫᑲ ᑭ ᐃᑎᐠ, ᐁᐊᐧᑯ ᓂᐟ ᐅᑭᒫᒼ; ᑭ ᐅᑎᓇᒼ ᒫᑲ ᐅᐟ ᐋᑯᔮᐱᑫᐧᐅᐣ ᐁ ᑭ ᐋᑯᔮᐱᑫᐅᐟ. 66ᐊᓇ ᐊᑐᐢᑫᔮᑲᐣ ᒫᑲ ᑭ ᐃᐧᐦᑕᒪᐁᐧᐤ ᐋᐃᓴᑲ ᑲᐦᑭᔭᐤ ᑫᑲᐧᐩ ᑳ ᑭ ᐊᔨᓯᒋᑫᐟ. 67ᐁᑯᓯ ᐋᐃᓴᐠ ᑭ ᐱᐦᑐᑲᐦᐁᐤ ᐅᑳᐃᐧᔭ ᓭᕒᐊᐦᐊᐧ ᐃᐧᑭᔨᕽ, ᑭ ᐅᑎᓀᐤ ᒫᑲ ᕒᐃᐯᑲᐊᐧ ᐁᑯᓯ ᑭ ᐃᐧᐃᐧᐤ, ᒥᓇ ᑭ ᓵᑭᐦᐁᐤ; ᐋᐃᓴᐠ ᒫᑲ ᑭ ᓂᐢᑖᓭᔨᒧ ᑳ ᑭ ᐳᓂ ᐱᒫᑎᓯᔨᐟ ᐅᑳᐃᐧᔭ.
Currently Selected:
ᒉᓂᓯᐢ 24: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
ᒉᓂᓯᐢ 24
24
1ᐁᑊᕒᐁᐋᒼ ᒫᑲ ᑭ ᑭᓭᔨᓂᐃᐧᐤ ᒥᓇ ᑭ ᐊᑎ ᐃᐢᐱᓯᑭᐦᑳᐤ; ᐁᑯᓯ ᑳ ᑎᐯᔨᐦᒋᑫᐟ ᑭ ᓴᐁᐧᔨᒣᐤ ᐁᑊᕒᐁᐋᒪ ᒥᓯᐁᐧ ᐃᓯ. 2ᐁᑊᕒᐁᐋᒼ ᒫᑲ ᑭ ᐃᑌᐤ ᐅᐟ ᐊᑐᐢᑫᔮᑲᓇ ᑳ ᐅᐢᑌᓯᒫᐃᐧᐢᑲᒥᔨᐟ ᐅ ᐋᐧᐢᑳᐦᐃᑲᐣ, ᑳ ᐸᒥᑖᔨᐟ ᑲᐦᑭᔭᐤ ᑫᑲᐧᐩ ᑳ ᐊᔮᐟ, ᐊᐢᑖ ᑭ ᐸᑯᓭᔨᒥᑎᐣ ᑭᒋᐦᒋ ᓯᐹ ᓂᐹᐧᒥᕽ; 3ᑭ ᑲ ᐊᐢᐱ ᑭᐦᒋ ᐃᑌᐧᐃᑎᐣ ᒫᑲ ᑳ ᑎᐯᔨᐦᒋᑫᐟ ᑭᓭᒪᓂᑐ ᑳ ᑎᐯᔨᐦᑕᕽ ᑭᓯᐠ, ᒥᓇ ᑭᓭᒪᓂᑐ ᑳ ᑎᐯᔨᐦᑕᕽ ᐊᐢᑭ, ᐁᑳ ᑭᑕ ᒣᑭᐢᑫᐧᐊᐧᒪᐟ ᓂᑯᓯᐢ ᐅᑖᓂᓯᔨᐊᐧ ᑫᓇᓇᐃᑕ ᑳ ᐃᐧᑕᐢᑭᒥᒪᐠ. 4ᒫᑲ ᑭ ᑲ ᐃᑐᐦᑖᐣ ᓂᐟ ᐊᐢᑭᕽ, ᒥᓇ ᑭ ᑲ ᓇᑕᐋᐧᐸᒫᐊᐧᐠ ᓂ ᐋᐧᑯᒫᑲᓇᐠ, ᐁᑯᑕ ᒫᑲ ᑭᑕ ᐅᐦᑎᓂᒪᐟ ᑭᑕ ᐃᐧᐃᐧᐟ ᓂᑯᓯᐢ ᐋᐃᓴᐠ. 5ᐊᓇ ᐊᑐᐢᑫᔮᑲᐣ ᒫᑲ ᑭ ᐃᑌᐧᐤ, ᑭᐢᐱᐣ ᓇᐣᑕᐤ ᐃᓯ ᐊᓇ ᐃᐢᑫᐧᐤ ᐁᑳ ᐃᑌᔨᑕᑭ ᑭᑕ ᐱᒥᑎᓴᐅᐟ ᐅᑕ ᐊᐢᑭᕽ, ᓂ ᑲ ᐃᑐᐦᑕᐋᐤ ᒋ ᒫᑲ ᑭᑯᓯᐢ ᑳᐃᐧ ᐊᓂᑕ ᐊᐢᑭᕽ ᑳ ᑭ ᐯ ᐅᐦᑐᑌᔭᐣ? 6ᐁᑊᕒᐁᐋᒼ ᒫᑲ ᑭ ᐃᑌᐤ, ᒣᔮᑳᐧᒼ ᐁᑳᐃᐧᔭ ᐁᑯᑌ ᒥᓇ ᐃᑐᑕᐦ ᓂᑯᓯᐢ. 7ᑳ ᑎᐯᔨᐦᒋᑫᐟ ᑭᓭᒪᓂᑐ ᑭᐦᒋ ᑭᓯᑯᕽ ᑳ ᐊᔮᐟ, ᑳ ᑭ ᐅᑎᓂᐟ ᓄᑖᐃᐧᔭ ᐃᐧᑭᔨᕽ ᐅᐦᒋ, ᒥᓇ ᐅᐟ ᐊᐢᑭᔨᕽ ᓂ ᐋᐧᑯᒫᑲᓇ ᐅᐦᒋ, ᒥᓇ ᑳ ᑭ ᑭᑐᓯᐟ, ᒥᓇ ᑳ ᑭ ᑭᐦᒋ ᐃᓯᐟ, ᐁ ᐃᑌᐧᐟ, ᑭᐟ ᐊᐋᐧᓯᒥᓴᐠ ᓂ ᑲ ᒥᔮᐊᐧᐠ ᐅᒪ ᐊᐢᑭ, ᑭ ᑲ ᓂᑳᓂᑌᓴᐊᒫᐠ ᐅᑭᓯᑯᒪ, ᐁᑯᑕ ᒫᑲ ᑭ ᑲ ᐅᐦᑎᓂᒫᐊᐧ ᑫ ᐃᐧᐃᐧᐟ ᓂᑯᓯᐢ. 8ᑭᐢᐱᐣ ᒫᑲ ᐊᓇ ᐃᐢᑫᐧᐤ ᐁᑳ ᐃᑌᔨᑕᑭ ᑭᑕ ᐱᒥᑎᓴᐅᐢᐠ, ᑭ ᑲ ᐋᐱᑯᓂᑯᐣ ᐅᒪ ᑭᐦᒋ ᐃᑌᐧᐃᐧᐣ ᐅᐦᒋ, ᐱᑯ ᐁᑳᐃᐧᔭ ᐁᑯᑌ ᑳᐃᐧ ᐃᑐᑕᐦ ᓂᑯᓯᐢ. 9ᐊᓇ ᐊᑐᐢᑫᔮᑲᐣ ᒫᑲ ᑭ ᐊᐢᑖᐤ ᐅᒋᐦᒋ ᓯᐹ ᐅᐹᐧᒥᔨᕽ ᐁᑊᕒᐁᐋᒪ ᐅᐟ ᐅᑭᒫᒪ, ᒥᓇ ᐁ ᑭ ᑭᐦᒋ ᐃᑖᐟ ᐁᐊᐧᑫᐧᔨᐤ ᐅᐦᒋ.
10ᐊᓇ ᐊᑐᐢᑫᔮᑲᐣ ᒫᑲ ᑭ ᐅᑎᓀᐤ ᒥᑖᑕᐦᐟ ᐱᐢᑳᐧᐃᐧᑲᓇ ᐅ ᐱᐢᑳᐧᐃᐧᑲᓀᒥᔨᐊᐧ ᐅᐟ ᐅᑭᒫᒪ, ᐁᑯᓯ ᐁ ᑭ ᓯᐯᐧᑌᐟ, ᒋᑫᒫ ᑲᐦᑭᔭᐤ ᐅᐟ ᐊᔮᐃᐧᓂᔨᐊᐧ ᐅᐟ ᐅᑭᒫᒪ ᑭ ᒥᒋᒥᓇᒼ; ᑭ ᓯᐯᐧᑌᐤ ᒫᑲ, ᑭ ᐃᑐᐦᑌᐤ ᒣᓴᐳᑌᒥᔭ ᐊᐢᑭᕽ, ᐅᐟ ᐅᑌᓈᔨᕽ ᓀᐦᐅᕒ. 11ᑭ ᓂᐸᐢᑯᐁᐤ ᒫᑲ ᐅᐱᐢᑳᐧᐃᐧᑲᓀᒪ ᐊᐧᔭᐃᐧᑎᒥᕽ ᐅᑌᓈᕽ ᑎᐱᐢᑯᐨ ᐅᐦᑕᐃᐹᓂᕽ, ᐁ ᐊᑎ ᐅᑖᑯᓯᓂᔨᐠ, ᐃᑕ ᒫᓇ ᐃᐢᑫᐧᐊᐧᐠ ᑳ ᐊᐧᔭᐃᐧᒋᐠ ᑭᑕ ᑳᐧᐱᑫᒋᐠ. 12ᑭ ᐃᑌᐧᐤ ᒫᑲ, ᑳ ᑎᐯᔨᐦᒋᑫᔭᐣ ᐅ ᑭᓭᒪᓂᑐᒪ ᓂᐟ ᐅᑭᒫᒼ ᐁᑊᕒᐁᐋᒼ, ᐃᓯᑎᓴᐦᐊᒪᐃᐧᐣ ᑭᐟ ᐃᓯ ᓇᑐᑕᒫᑎᐣ ᑭᑕ ᒥᔪᐸᔨᔮᐣ ᐊᓄᐦᐨ ᑳ ᑭᓯᑳᐠ, ᒥᓇ ᑭᓭᐋᐧᑐᑕᐤ ᓂᐟ ᐅᑭᒫᒼ ᐁᑊᕒᐁᐋᒼ. 13ᒫᑎᑲ, ᐅᑕ ᓂ ᓂᐸᐃᐧᐣ ᐅᐦᑕᐃᐹᓂᕽ; ᐅᑖᓂᓯᐋᐧᐊᐧ ᒫᑲ ᐊᔨᓯᔨᓂᐊᐧᐠ ᐅᑌᓈᕽ ᐯ ᓇᑕᐃᐧ ᑳᐧᐱᑫᐊᐧᐠ; 14ᑭᔮᒼ ᑭᑕ ᐃᐦᑭᒼ ᐊᓇ ᐅᐢᑭᓂᑭᐢᑫᐧᐤ ᑫ ᐃᑕᐠ, ᐸᑭᑎᓇ ᑭ ᑳᐧᐱᑳᑲᐣ ᑭ ᐸᑯᓭᔨᒥᑎᐣ ᑭᑕ ᒥᓂᐦᑫᐧᔮᐣ, ᐃᑌᐧᒋ ᒫᑲ, ᒥᓂᐦᑫᐧ, ᒥᓇ ᒫᑲ ᑭ ᐱᐢᑳᐧᐃᐧᑲᓀᒪᐠ ᓂ ᑲ ᒥᓇᐋᐊᐧᐠ, ᑭᔮᒼ ᐁᐊᐧᑯ ᑭᑕ ᐋᐃᐧᐤ ᐊᓂᐦᐃ ᑳ ᑭ ᐅᔭᑭᑕᒪᐊᐧᐟ ᑭᐟ ᐊᑐᐢᑫᔮᑲᐣ ᐋᐃᓴᐠ; ᐁᑯᑕ ᒫᑲ ᓂ ᑲ ᐅᐦᒋ ᑭᐢᑫᔨᑌᐣ ᐁ ᑭ ᑭᓭᐋᐧᑐᑕᐊᐧᐟ ᓂᐟ ᐅᑭᒫᒼ.
15ᑭ ᐃᐢᐸᔨᐤ ᒫᑲ ᒪᐧᔦᐢ ᐳᓂ ᐱᑭᐢᑫᐧᐟ, ᐳᑎ ᕒᐃᐯᑲ ᑭ ᐯ ᐊᐧᔭᐃᐧᐤ, ᐁᐊᐧᑯ ᑳ ᑭ ᓂᐦᑖᐃᐧᑭᑕᒫᐦᐟ ᐯᐟᔪᐃᓬ, ᐅᑯᓯᓴ ᒥᓬᑲ, ᐃᐧᐊᐧ ᓀᐦᐅᕒ, ᐁᑊᕒᐁᐋᒼ ᐅᒋᐋᐧᒪ, ᐁ ᐯ ᐅᓂᑳᑕᕽ ᐅ ᑳᐧᐱᑳᑲᐣ. 16ᐊᓇ ᐅᐢᑭᓂᑭᐢᑫᐧᐤ ᒫᑲ ᓈᐢᐱᐨ ᑭ ᑲᑕᐊᐧᓯᓯᐤ ᐁ ᐃᑖᐸᒥᓈᑯᓯᐟ, ᑲᐧᔭᐢᐠ ᐅᐢᑭᓂᑭᐢᑫᐧᐤ, ᐁᑳ ᐊᐃᐧᔭ ᓈᐯᐊᐧ ᐁ ᑭ ᐅᐦᒋ ᑭᐢᑫᔨᒥᑯᐟ, ᑭ ᓈᓯᐯᐤ ᒫᑲ ᐅᐦᑕᐃᐸᓂᕽ, ᐁᑯᓯ ᑭ ᒧᐢᑭᓇᑖᐤ ᐅ ᑳᐧᐱᑳᑲᐣ ᒥᓇ ᐁ ᑭ ᐯ ᐋᒪᒋᐁᐧᐟ. 17ᐊᓇ ᐊᑐᐢᑫᔮᑲᐣ ᒫᑲ ᑭ ᐃᐢᐸᑖᐤ ᐁ ᓇᑕᐃᐧ ᓇᑭᐢᑲᐋᐧᐟ, ᐅᒥᓯ ᐁ ᑭ ᐃᑖᐟ, ᑭ ᐸᑯᓭᔨᒥᑎᐣ ᑭᔮᒼ ᐊᐱᓯᐢ ᓂᐱ ᓂ ᑲ ᒥᓂᑳᐧᐣ ᑭ ᑳᐧᐱᑳᑲᓂᕽ ᐅᐦᒋ. 18ᑭ ᐃᑎᐠ ᒫᑲ, ᒥᓂᐦᑫᐧ ᓂᐟ ᐅᑭᒫᒼ, ᑭ ᑲᑫᐧᔮᐅ ᒫᑲ ᐁ ᑭ ᐸᑭᒋᓂᑳᑕᕽ ᐅ ᑳᐧᐱᑳᑲᐣ ᐁᑯᓯ ᐁ ᑭ ᒥᓇᐋᐟ. 19ᐃᐢᐱ ᒫᑲ ᑳ ᐳᓂ ᒥᓇᐋᐟ ᐅᒥᓯ ᑭ ᐃᑌᐤ, ᓂ ᑲ ᑳᐧᐱᑲᐋᐧᐊᐧᐠ ᒥᓇ ᑭ ᐱᐢᑳᐧᐃᐧᑲᓀᒪᐠ ᐃᐢᑯ ᐃᔨᑯᕽ ᑭ ᒥᓂᐦᑫᐧᑖᐧᐃᐧ. 20ᑭ ᑲᑫᐧᔮᐅ ᒫᑲ ᐁ ᑭ ᓯᑭᓇᕽ ᐅ ᑳᐧᐱᑳᑲᐣ ᐋᐧᔨᑲᐦᐃᑲᓂᕽ, ᒥᓇ ᒫᑲ ᐁ ᑭ ᐃᐢᐸᑖᐟ ᒧᓇᐃᐹᓂᕽ ᑭᑕ ᑳᐧᐸᐊᕽ ᓂᐱ ᐁᑯᓯ ᐁ ᑭ ᑳᐧᐱᑳᐋᐧᐟ ᑲᐦᑭᔭᐤ ᐅ ᐱᐢᑳᐧᐃᐧᑲᓀᒥᔨᐊᐧ. 21ᐊᓇ ᒫᑲ ᓈᐯᐤ ᐁ ᒫᒪᐢᑳᑖᐟ ᓇᒪ ᓈᐣᑕᐤ ᐃᑌᐧᐤ, ᐁ ᐃᐧ ᑭᐢᑫᔨᑕᕽ ᒫᐦᑎ ᑳ ᑎᐯᔨᐦᒋᑫᔨᐟ ᑳ ᓇᐃᐸᔨᐃᑯᑫᐧ ᑳ ᐅᐦᒋ ᐱᒧᐦᑌᐅᐟ ᐊᐦᐳ ᐁᑳ. 22ᑭ ᐃᐢᐸᔨᐤ ᒫᑲ ᐃᐢᐱ ᐱᐢᑳᐧᐃᐧᑲᓇ ᑳ ᐳᓂ ᒥᓂᐦᑫᐧᔨᐟ ᐊᓇ ᓈᐯᐤ ᑭ ᐅᑎᓀᐤ ᐅᓴᐃᐧ ᓱᓂᔮᐃᐧ ᑖᐱᑌᐱᓱᓇ ᐋᐱᑕᐤ ᓭᑭᓬ ᐁ ᐃᐢᐱᑎᓂᑲᐧᑎᔨᐟ, ᒥᓇ ᓂᓱ ᒥᐢᐱᑐᓈᐱᐢᑲᐧ ᐅᒋᐦᒋᔨᕽ ᑭᑕ ᐊᐢᑖᔨᐟ ᒥᑖᑕᐦᐟ ᓭᑭᓬ ᐁ ᐃᐢᐱᑎᓂᑲᐧᑭ ᐅᓵᐃᐧ ᓱᓂᔮᐤ. 23ᑭ ᐃᑌᐤ ᒫᑲ, ᐊᐁᐧᓇ ᐅᑖᓂᓴ ᑭᔭ? ᐃᐧᐦᑕᒪᐃᐧᐣ ᑭ ᐸᑯᓭᔨᒥᑎᐣ. ᑕᐋᐧᔨᐤ ᒋ ᑯᑖᐃᐧ ᐃᐧᑭ ᐃᑕ ᑭᑕ ᑭ ᐊᔮᔮᕽ? 24ᐅᒥᓯ ᒫᑲ ᑭ ᐃᑎᐠ, ᓂᔭ ᐅᑖᓂᓵ ᐯᐟᔪᐃᓬ ᐅᑯᓯᓴ ᒥᓬᑲ ᑳ ᑭ ᓂᐦᑖᐃᐧᑭᑕᒪᐋᐧᐟ ᓀᐦᐅᕒᐊ. 25ᒥᓇ ᒫᑲ ᑭ ᐊᑎ ᐃᑌᐤ, ᓂᐟ ᐊᔮᓈᐣ ᐁᑯᔨᑯᕽ ᐸᐦᑫᐧᓯᑲᓇᐢᑲᐧ ᒥᓇ ᐊᐊᐧᑳᓂ ᒥᒋᐃᐧᐣ, ᒥᓇ ᑕᐋᐧᐤ ᑭᑕ ᐊᔮᔦᐠ. 26ᐊᓇ ᒫᑲ ᓈᐯᐤ ᑭ ᓇᐊᐧᑭᐢᑫᐧᔨᐤ ᐁ ᐊᔭᒥᐦᐋᐃᐧ ᐊᑐᐢᑲᐋᐧᐟ ᑳ ᑎᐯᔨᐦᒋᑫᔨᐟ. 27ᑭ ᐃᑌᐧᐤ ᒫᑲ, ᑭᑕ ᐃᐧ ᓇᓈᐢᑯᒫᐤ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᓄᑭᒫᒼ ᐁᑊᕒᐁᐋᒼ, ᐊᓇ ᐁᑳ ᑳ ᑭ ᒪᓂᐋᐟ ᓂᐟ ᐅᑭᒫᒪ ᐅ ᑭᓭᐋᐧᑎᓯᐃᐧᐣ ᒥᓇ ᐅ ᑖᐯᐧᐃᐧᐣ; ᒣᐢᑲᓈᕽ ᓂ ᑭ ᐊᔮᐣ, ᑳ ᑎᐯᔨᐦᒋᑫᐟ ᒫᑲ ᓂ ᑭ ᐯ ᐃᓯ ᑭᐢᑭᓄᑕᐦᐃᐠ ᐃᐧᑭᔨᕽ ᓄᑭᒫᒪ ᐅᒋᐋᐧᒥᔨᐊᐧ. 28ᐊᓇ ᐅᐢᑭᓂᑭᐢᑫᐧᐤ ᒫᑲ ᑭ ᐃᐢᐸᑖᐤ ᐁᑯᓯ ᐁ ᑭ ᐃᐧᐦᑕᒪᐋᐧᐟ ᐅᑳᐃᐧᔭ ᐃᐧᑭᔨᕽ ᑳ ᐊᔮᔨᐟ.
29ᕒᐃᐯᑲ ᒫᑲ ᑭ ᐅᑕᐁᐧᒫᐤ ᓬᐁᐹᐣ ᐁ ᐃᓯᔨᐦᑳᓱᔨᐟ; ᓬᐁᐹᐣ ᒫᑲ ᑭ ᐃᐢᐸᑖᐤ ᐃᑕ ᐁ ᐊᔮᔨᐟ ᐊᓂᐦᐃ ᓈᐯᐊᐧ ᐊᓂᑕ ᐅᐦᑕᐃᐹᓂᕽ. 30ᑭ ᐃᐢᐸᔨᐤ ᒫᑲ ᐃᐢᐱ ᐃᐧᔮᐸᐦᑕᕽ ᑖᐱᑌᐱᓱᓇ ᒥᓇ ᒥᐢᐱᑐᓈᐱᐢᑲᐧ ᐅᒋᐦᒋᔨᕽ ᐅᑕᐁᐧᒫᐊᐧ, ᒥᓇ ᐃᐢᐱ ᑳ ᐯᐦᑕᕽ ᑳ ᐃᑌᐧᔨᐟ ᕒᐃᐯᑲᐊᐧ ᐅᑕᐁᐧᒫᐊᐧ, ᐁ ᐃᑌᐧᔨᐟ, ᐁᑯᓯ ᐅᒪ ᑳ ᐃᓯᐟ ᐊᓇ ᓈᐯᐤ, ᑭ ᐯ ᓈᑌᐤ ᐊᓂᐦᐃ ᓈᐯᐊᐧ, ᐁᑯᓯ ᐳᑎ ᑭ ᓂᐸᐃᐧᐢᑕᐁᐧᔨᐊᐧ ᐱᐢᑲᐧᐃᐧᑲᓇ ᐊᓂᑕ ᐅᐦᑕᐃᐹᓂᕽ. 31ᑭ ᐃᑌᐧᐤ ᒫᑲ, ᐯ ᐱᐦᑐᑫ, ᑳ ᓴᐁᐧᔨᒥᐢᐠ ᑳ ᑎᐯᔨᐦᒋᑫᐟ, ᑖᓀᐦᑭ ᐊᐧᔭᐃᐧᑎᒥᕽ ᑳ ᓂᐸᐃᐧᔭᐣ? ᒋᑫᒫ ᓂ ᑭ ᑲᐧᔮᒋᐦᑖᐣ ᐋᐧᐢᑳᐦᐃᑲᐣ ᒥᓇ ᐃᑕ ᑫ ᐊᔮᒋᐠ ᐱᐢᑳᐧᐃᐧᑲᓇᐠ.
32ᐁᑯᓯ ᐊᓇ ᓈᐯᐤ ᑭ ᐱᐦᑐᑫᐤ ᐋᐧᐢᑳᐦᐃᑲᓂᕽ, ᑭ ᐋᔮᐸᐅᒣᐤ ᒫᑲ ᐅ ᐱᐢᑳᐧᐃᐧᑲᓀᒥᔨᐊᐧ, ᒥᓇ ᐁ ᑭ ᒥᔮᐟ ᐱᐢᑳᐧᐃᐧᑲᓇ ᐸᐦᑫᐧᓯᑲᓇᐢᑲᐧ ᒥᓇ ᐊᐊᐧᑳᓂ ᒥᒋᐃᐧᐣ, ᒥᓇ ᓂᐱ ᑭᑕ ᑭᓯᐯᑭᓇᒥᔨᐟ ᐅᓯᑎᔨᐊᐧ ᒥᓇ ᐅᓯᑎᔨᐊᐧ ᐊᓂᐦᐃ ᓈᐯᐊᐧ ᑳ ᐃᐧᒉᐃᐧᑯᐟ. 33ᐁᑯᑕ ᒫᑲ ᑭ ᐅᔮᐢᑕᒪᐋᐧᐤ ᒥᒋᐃᐧᐣ ᑭᑕ ᒥᒋᓱᐟ, ᒫᑲ ᑭ ᐃᑌᐧᐤ, ᓇᒪᐃᐧᔭ ᓂ ᑲ ᒥᒋᓱᐣ ᐹᑎᒫ ᐱᑯ ᑭ ᐃᐧᐦᑕᒫᓂ ᓂᐟ ᐊᑐᑌᑯᐃᐧᐣ. ᑭ ᐃᑎᐠ ᒫᑲ, ᐱᑭᐢᑫᐧ. 34ᐁᑯᓯ ᑭ ᐃᑌᐧᐤ, ᓂᔭ ᐁᑊᕒᐁᐋᒼ ᓂᐟ ᐊᑐᐢᑲᐋᐧᐤ. 35ᑳ ᑎᐯᔨᐦᒋᑫᐟ ᒫᑲ ᑭ ᑭᐦᒋ ᓴᐁᐧᔨᒣᐤ ᓄᑭᒫᒪ, ᐁᑯᓯ ᒫᑲ ᐊᑎ ᑭᐦᒑᔨᐃᐧᐤ; ᒥᓇ ᑭ ᒥᔨᐠ ᒫᔭᑎᐦᑲᐧ, ᒥᓇ ᐊᐊᐧᑳᓇ ᒥᓇ ᐋᐧᐱᐢᑭ ᓱᓂᔮᐊᐧ, ᒥᓇ ᐅᓵᐃᐧ ᓱᓂᔮᐊᐧ, ᓈᐯᐤ ᐊᑐᐢᑫᔮᑲᓇ ᒥᓇ ᐃᐢᑫᐧᐤ ᐊᑐᐢᑫᔮᑲᓇ, ᒥᓇ ᐱᐢᑳᐧᐃᐧᑲᓇ ᒥᓇ ᓱᓱᒥᐢᑕᑎᒪᐧ. 36ᓭᕒᐊᐦ ᒫᑲ ᓂᐟ ᐅᑭᒫᒼ ᐃᐧᐊᐧ, ᑭ ᓂᐦᑖᐃᐧᑭᑕᒪᐁᐧᐤ ᐅᑯᓯᓯᔨᐊᐧ ᓂᐟ ᐅᑭᒫᒪ ᐁ ᑭᓭᔨᓂᐃᐧᔨᐟ, ᐁᐊᐧᑯᓂ ᒫᑲ ᑳ ᒥᔮᐟ ᑲᐦᑭᔭᐤ ᐊᓂᒪ ᑳ ᐃᓯ ᐊᔮᐟ. 37ᓂᐟ ᐅᑭᒫᒼ ᒫᑲ ᓂ ᑭ ᑭᐦᒋ ᐃᑌᐧᐃᐠ, ᐁ ᐃᑌᐧᐟ, ᓇᒪᐃᐧᔭ ᑭ ᑲ ᐅᑎᓂᒫᐊᐧ ᑫ ᐃᐧᐃᐧᐟ ᓂᑯᓯᐢ ᐅᑖᓂᓯᔨᐊᐧ ᑫᓇᓇᐃᑕ ᑳ ᐃᐧᑕᐢᑭᒥᒪᐠ. 38ᒫᑲ ᑭ ᑲ ᐃᑐᐦᑖᐣ ᓄᑖᐃᐧ ᐃᐧᑭᕽ, ᒥᓇ ᓂ ᐋᐧᑯᒫᑲᓇᐠ, ᐁᑯᑕ ᒫᑲ ᑫ ᐅᐦᑎᓂᐢᑫᐧᐁᐧᐢᑕᒪᐊᐧᐟ ᓂᑯᓯᐢ. 39ᓂ ᑭ ᐃᑖᐤ ᒫᑲ ᓂᐟ ᐅᑭᒫᒼ, ᒫᐢᑯᐨ ᓈᐣᑕᐤ ᐃᓯ ᐊᓇ ᐃᐢᑫᐧᐤ ᓇᒪᐃᐧᔭ ᓂ ᑲ ᐯ ᐱᒥᑎᓴᐦᐅᐠ. 40ᐅᒥᓯ ᒫᑲ ᓂ ᑭ ᐃᑎᐠ, ᑳ ᑎᐯᔨᐦᒋᑫᐟ ᐅᐟ ᐋᐢᑕᒥᐃᐧᓂᕽ ᑳ ᐱᒧᐦᑌᔮᐣ, ᑭᑕ ᐃᓯᑎᓴᐁᐧᐤ ᐅᑭᓯᑯᒪ ᑭᑕ ᐃᐧᒉᐃᐧᐢᐠ, ᒥᓇ ᑭᑕ ᓇᓇᐦᐃᐸᔨᐠ ᑭ ᐱᒧᐦᑌᐅᐃᐧᐣ, ᓂ ᐋᐧᑯᒫᑲᓇᐠ ᒫᑲ ᒥᓇ ᓄᑖᐃᐧ ᐃᐧᑭᕽ ᑭ ᑲ ᐅᐦᑎᓂᐢᑫᐧᐁᐧᐢᑕᒪᐋᐧᐤ ᓂᑯᓯᐢ. 41ᐁᑯᓯ ᒫᑲ ᑭ ᑲ ᐸᑭᑎᓂᑯᐣ ᐅᒪ ᑳ ᑭᐦᒋ ᐃᑌᐧᐃᑖᐣ ᐃᐢᐱ ᐅᑎᑕᑖᐧᐃᐧ ᓂ ᐋᐧᑯᒫᑲᓇᐠ; ᑭᐢᐱᐣ ᒫᑲ ᐁᑳ ᒥᔨᐢᑳᐧᐃᐧ, ᐁᑯᓯ ᑭ ᑲ ᐸᑭᑎᓂᑯᐣ ᑳ ᑭᐦᒋ ᐃᑌᐧᐃᑖᐣ. 42ᓂ ᑭ ᑕᑯᓯᓂᐣ ᒫᑲ ᐊᓄᐦᐨ ᑳ ᑭᓯᑳᐠ ᐅᐦᑕᐃᐹᓂᕽ, ᐅᒥᓯ ᒫᑲ ᓂ ᑭ ᐃᑖᐧᐣ, ᑌᐯᔨᐦᒋᑫᔭᐣ, ᐅ ᑭᓭᒪᓂᑐᒪ ᐁᑊᕒᐁᐋᒼ ᓂᐟ ᐅᑭᒫᒼ, ᑭᐢᐱᐣ ᐊᓄᐦᐨ ᑭ ᓇᐃᐸᔨᑖᐣ ᐅᒪ ᑳ ᐃᑐᐦᑌᔮᐣ, 43ᒫᑎᑲ, ᓂ ᓂᐸᐃᐧᐣ ᒋᑭ ᐅᐦᑕᐃᐹᓂᕽ, ᑭᔮᒼ ᒫᑲ ᑭᑕ ᐃᐢᐸᔨᐤ ᐊᓇ ᐅᐢᑭᓂᑭᐢᑫᐧᐤ ᐁ ᐯ ᓇᑕᐃᐧ ᑲᐧᐱᑫᐟ ᑫ ᐃᑕᐠ, ᒥᔨᐣ ᑭ ᐸᑯᓭᔨᒥᑎᐣ ᐊᐱᓯᐢ ᓂᐱ ᑭ ᑲᐧᐱᑳᑲᓂᕽ ᐅᐦᒋ ᑭᑕ ᒥᓂᐦᑫᐧᔮᐣ; 44ᐃᓯᒋ ᒫᑲ, ᒥᓂᐦᑫᐧ ᑭᔭ, ᒥᓇ ᒫᑲ ᓂ ᑲ ᑳᐧᐱᑲᐋᐧᐊᐧᐠ ᑭ ᐱᐢᑳᐧᐃᐧᑲᓀᒪᐠ, ᑭᔮᒼ ᑭᑕ ᐋᐃᐧᐤ ᐁᐊᐧᑯ ᐃᐢᑫᐧᐤ ᑳ ᑎᐯᔨᐦᒋᑫᐟ ᑳ ᑭ ᐅᔭᑭᑕᒪᐋᐧᐟ ᓂᐟ ᐅᑭᒫᒪ ᐅᑯᓯᓯᔨᐊᐧ. 45ᒪᐧᔦᐢ ᒫᑲ ᐳᓂ ᐱᑭᐢᑫᐧᔮᐣ ᓂᑌᐦᐃᕽ, ᐳᑎ ᕒᐃᐯᑲ ᑭ ᐯ ᐃᑐᐦᑌᐤ, ᐁ ᐯ ᐅᓂᑳᑕᕽ ᐅ ᑳᐧᐱᑳᑲᐣ ᑭ ᐃᑐᐦᑌᐤ ᒫᑲ ᐅᐦᑕᐃᐹᓂᕽ ᐁ ᑳᐧᐸᐊᕽ ᓂᐱ; ᐅᒥᓯ ᒫᑲ ᓂ ᑭ ᐃᑖᐤ, ᑭᔮᒼ ᓂ ᑲ ᒥᓂᑳᐧᐣ ᑭ ᐸᑯᓭᔨᒥᑎᐣ. 46ᑭ ᑲᑫᐧᔮᐅ ᒫᑲ ᐁ ᑭ ᐸᑭᒋᓂᑳᑕᕽ ᐅ ᑳᐧᐱᑳᑲᐣ ᐅᒥᓯ ᐁ ᑭ ᐃᑌᐧᐟ, ᒥᓂᐦᑫᐧ, ᒥᓇ ᒫᑲ ᓂ ᑲ ᒥᓇᐋᐊᐧᐠ ᑭ ᐱᐢᑳᐧᐃᐧᑲᓀᒪᐠ. ᓂ ᑭ ᒥᓂᑳᐧᐣ ᒫᑲ ᒥᓇ ᐁ ᑭ ᒥᓇᐋᐟ ᐱᐢᑳᐧᐃᐧᑲᓇ. 47ᓂ ᑭ ᑲᑫᐧᒋᒫᐤ ᒫᑲ ᐁ ᐃᑕᐠ, ᐊᐁᐧᓇ ᐅᑖᓂᓴ ᑭᔭ? ᑭ ᐃᑌᐧᐤ ᒫᑲ, ᐅᑖᓂᓴ ᐯᐟᔪᐃᓬ, ᓀᐦᐅᕒ ᐅᑯᓯᓴ, ᐊᓂᐦᐃ ᒥᓬᑲ ᑳ ᑭ ᓂᐦᑖᐃᐧᑭᑕᒫᑯᐟ; ᓂ ᑭ ᐊᑯᒧᐃᒫᐊᐧ ᒫᑲ ᑖᐱᑌᐱᓱᓇ ᒥᓇ ᒥᐢᐱᑐᓈᐱᐢᑲᐧ ᐅᒋᐦᒋᕽ. 48ᓂ ᑭ ᐸᑕᐱᐢᑫᐧᔨᐣ ᒫᑲ ᐁ ᑭ ᐊᔭᒥᐦᐋᐃᐧ ᐊᑐᐢᑲᐊᐧᐠ ᑳ ᑎᐯᔨᐦᒋᑫᐟ, ᒥᓇ ᐁ ᑭ ᓇᓈᐢᑯᒪᐠ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᓂᐟ ᐅᑭᒫᒼ ᐁᑊᕒᐁᐋᒼ ᑲᐧᔭᐢᐠ ᑳ ᑭ ᑭᐢᑭᓄᑕᐃᐟ ᑭᑕ ᐅᑎᓂᒪᐠ ᓂᐟ ᐅᑭᒫᒼ ᐅᒋᐋᐧᒪ ᐅᑖᓂᓯᔨᐊᐧ ᐅᑯᓯᓴ ᑭᑕ ᐊᔮᐋᐧᔨᐟ. 49ᐁᑲᐧ ᒫᑲ ᑭᐢᐱᐣ ᑭ ᐃᐧ ᐃᐦᑐᑕᐋᐧᐋᐧᐤ ᓂᐟ ᐅᑭᒫᒼ ᑭᓭᐋᐧᑎᓯᐃᐧᓂᕽ ᒥᓇ ᑖᐯᐧᐃᐧᓂᕽ, ᐃᐧᐦᑕᒪᐃᐧᐠ; ᑭᐢᐱᐣ ᒫᑲ ᓇᒪᐃᐧᔭ, ᐃᐧᐦᑕᒪᐃᐧᐠ ᑭᔮᒼ; ᑭᑕ ᐃᓯ ᑭᐁᐧᔮᐣ ᑭᐦᒋᓂᐢᑭᕽ ᐊᐦᐳ ᓇᒪᑎᓂᕽ ᐃᓯ. 50ᐁᑲᐧ ᓬᐁᐹᐣ ᒥᓇ ᐯᐟᔪᐃᓬ ᑭ ᓇᐢᑫᐧᐊᐧᓯᒣᐊᐧᐠ ᒥᓇ ᐁ ᑭ ᐃᑌᐧᒋᐠ, ᑳ ᑎᐯᔨᐦᒋᑫᐟ ᐅᐦᒋᐸᔨᐤ ᐅᒪ; ᓇᒪ ᑫᑲᐧᐩ ᐁ ᒥᔮᐧᓯᐠ ᐊᐦᐳ ᐁ ᒫᔮᑕᕽ ᑭ ᑲ ᑭ ᐃᑎᑎᓈᐣ. 51ᒫᑎᑲ, ᕒᐃᐯᑲ ᑭ ᐋᐧᐸᒫᐤ, ᐅᑎᐣ ᒥᓇ ᓭᐯᐧᑌ, ᑭᔮᒼ ᒫᑲ ᑭᐟ ᐅᑭᒫᒼ ᐅᑯᓯᓴ ᑭᑕ ᐃᐧᐃᐧᐤ, ᒣᐧᐦᒋ ᑳ ᑎᐯᔨᐦᒋᑫᐟ ᑳ ᑭ ᐃᑌᐧᐟ. 52ᑭ ᐊᔨᑭᐣ ᒫᑲ ᐃᐢᐱ ᐁᑊᕒᐁᐋᒼ ᐅᐟ ᐊᑐᐢᑫᔮᑲᓇ ᐱᔦᑖᕽ ᑳ ᐃᑌᐧᔨᐟ ᑭ ᓇᐊᐧᑭᐢᑕᐁᐧᐤ ᑳ ᑎᐯᔨᐦᒋᑫᔨᐟ ᒧᒋᕽ ᐃᓯ. 53ᐊᓇ ᒫᑲ ᐊᑐᐢᑫᔮᑲᐣ ᑭ ᒧᐢᑭᓇᒼ ᐋᐧᐱᐢᑭ ᓱᓂᔮᐃᐧ ᐊᐧᐁᐧᓯᐅᐃᐧᓇ, ᒥᓇ ᐅᓵᐃᐧ ᓱᓂᔮᐃᐧ ᐊᐧᐁᐧᓯᐅᐃᐧᓇ, ᒥᓇ ᑭᑭᐢᑳᒋᑲᓇ, ᐁᑯᓯ ᑭ ᒥᔦᐤ ᕒᐃᐯᑲᐊᐧ; ᒥᓇ ᒫᑲ ᑭ ᒥᔨᒣᐤ ᐅᑕᐁᐧᒫᔨᐊᐧ ᒥᓇ ᐅᑳᐃᐧᔨᐊᐧ ᐁ ᒥᔮᐧᓯᓂᔨᑭ. 54ᑭ ᒥᒋᓱᐊᐧᐠ ᒫᑲ ᒥᓇ ᑭ ᒥᓂᐦᑫᐧᐊᐧᐠ, ᐃᐧᔭ ᒥᓇ ᓈᐯᐊᐧ ᑳ ᐃᐧᒉᐋᐧᐟ, ᑲᐯᑎᐱᐢᐠ ᐁᑯᑕ ᐁ ᑭ ᐊᔮᒋᐠ; ᑭ ᐊᐧᓂᐢᑳᐊᐧᐠ ᒫᑲ ᐁ ᑫᑭᓭᐹᔮᔨᐠ ᑭ ᐃᑌᐧᐤ ᒫᑲ, ᓯᐯᐧᑎᓴᐦᐅᐠ ᑭᑕ ᓇᑕᐋᐧᐸᒪᐠ ᓂᐟ ᐅᑭᒫᒼ. 55ᒫᑲ ᐅᑕᐁᐧᒫᐊᐧ ᒥᓇ ᐅᑳᐃᐧᔭ ᑭ ᐃᑌᐧᔨᐊᐧ, ᑭᔮᒼ ᑲᓇᑫ ᒥᑖᑕᐦᐟ ᑭᓯᑳᐊᐧ ᓂ ᑲ ᐃᐧᒋᐊᔮᒥᑯᓈᐣ ᐅᐢᑭᓂᑭᐢᑫᐧᐤ, ᐁᑲᐧ ᒫᑲ ᑫ ᓯᐯᐧᑕᐊᐟ. 56ᐅᒥᓯ ᒫᑲ ᑭ ᐃᑌᐧᐤ, ᐁᑳᐃᐧᔭ ᐅᑕᒥᐃᐠ, ᐃᐧᔭ ᒥᔮᒫ ᑳ ᑎᐯᔨᐦᒋᑫᐟ ᐁ ᑭ ᓇᓇᐦᐃᐸᔨᐃᐟ; ᓯᐯᐧᑎᓴᐦᐅᐠ ᑭᑕ ᓈᑕᐠ ᓂᐟ ᐅᑭᒫᒼ. 57ᑭ ᐃᑌᐧᐊᐧᐠ ᒫᑲ, ᓂ ᑲ ᓇᑐᒫᓈᐣ ᐅᐢᑭᓂᑭᐢᑫᐧᐤ ᑭᑕ ᑲᑫᐧᒋᒫᔭᕽ ᑫ ᐃᑌᐧᑫᐧ. 58ᐁᑯᓯ ᑭ ᓇᑐᒣᐊᐧᐠ ᕒᐃᐯᑲᐊᐧ, ᒥᓇ ᑭ ᐃᑌᐊᐧᐠ, ᑭ ᑲ ᐃᐧᒉᐋᐧᐤ ᒋ ᐊᐊᐧ ᓈᐯᐤ? ᐁᑯᓯ ᑭ ᐃᑌᐧᐤ, ᓂ ᑲ ᐃᐧᒉᐋᐧᐤ. 59ᐁᑯᓯ ᑭ ᓯᐯᐧᑎᓴᐁᐧᐊᐧᐠ ᕒᐃᐯᑲᐊᐧ ᐅᑕᐁᐧᒫᐋᐧᐊᐧ, ᒥᓇ ᑳ ᑲᓇᐁᐧᔨᒥᑯᔨᐟ, ᐊᓯᒋ ᐁᑊᕒᐁᐋᒼ ᐅᐟ ᐊᑐᐢᑫᔮᑲᓇ ᒥᓇ ᐅᐟ ᐅᐢᑭᓂᑭᒪ. 60ᑭ ᓴᐁᐧᔨᒣᐊᐧᐠ ᒫᑲ ᕒᐃᐯᑲᐊᐧ ᐅᒥᓯ ᐁ ᑭ ᐃᑖᒋᐠ, ᑭᔭ ᓂᑕᐁᐧᒫᓈᐣ ᑭᔮᒼ ᑭ ᑲ ᐅᑳᐃᐧᒥᑲᐧᐠ ᑭᐦᒋ ᒥᑖᐦᑐᒥᑕᓇᐋᐧᐤ ᒥᑖᐦᑖᐧᐤ ᑭᐦᒋ ᒥᑖᐦᑐᒥᑕᓇᐤ, ᒥᓇ ᑭᔮᒼ ᑭ ᓂᐦᑖᐃᐧᑭᐦᐋᑲᓇᐠ ᑭᑕ ᑎᐯᔨᐦᑕᒣᐧᐊᐧᐠ ᐅᐟ ᐃᐢᑳᐧᑌᒥᔨᐊᐧ ᐊᓂᐦᐃ ᑳ ᐸᑳᐧᑎᑯᒋᐠ.
61ᕒᐃᐯᑲ ᒫᑲ ᑭ ᐸᓯᑯ ᐊᓯᒋ ᐅᐢᑭᓂᑭᐢᑫᐧᒪ, ᑭ ᑌᐦᑕᐱᐊᐧᐠ ᒫᑲ ᐱᐢᑳᐧᐃᐧᑲᓇ ᒥᓇ ᑭ ᐱᒥᑎᓴᐁᐧᐊᐧᐠ ᐊᓂᐦᐃ ᓈᐯᐊᐧ; ᐁᑯᓯ ᐊᓇ ᐊᑐᐢᑫᔮᑲᐣ ᑭ ᐅᑎᓀᐤ ᕒᐃᐯᑲᐊᐧ ᒥᓇ ᑭ ᓯᐯᐧᑌᐤ. 62ᐋᐃᓴᐠ ᒫᑲ ᑭ ᐯ ᐅᐦᑐᑌᐤ ᐊᓂᑌ ᐱᐊᕒᓬᐁᐦᐊᐃᕒᐋᐩ; ᒋᑫᒫ ᑭ ᐅᐟ ᐃᐦᑖᐃᐧᓂᐤ ᓵᐊᐧᓄ ᐊᐢᑭᕽ. 63ᐋᐃᓴᐠ ᒫᑲ ᑭ ᐊᐧᔭᐃᐧᐤ ᐅᐦᐱᒣ ᐁ ᓇᑕᐃᐧ ᒫᒥᑐᓀᔨᑕᕽ ᐁ ᐅᑖᑯᓯᓂᔨᐟ; ᑭ ᐃᑖᐱᐤ ᒫᑲ ᒥᓇ ᐋᐧᐸᒣᐤ, ᐳᑎ ᐱᐢᑳᐧᐃᐧᑲᓇ ᑭ ᐯᑖᐢᑕᒧᑌᔨᐊᐧ. 64ᕒᐃᐯᑲ ᒫᑲ ᑭ ᐃᑖᐱᐤ, ᐃᐢᐱ ᒫᑲ ᐃᐧᔮᐸᒫᐟ ᐋᐃᓴᑲ ᑭ ᓂᐦᒋᐸᔨᐦᐅ ᐱᐢᑳᐧᐃᐧᑲᓇ ᑳ ᑭ ᑌᐦᑕᐱᐟ, 65ᒋᑫᒫ ᑭ ᐃᑌᐤ ᐊᓂᐦᐃ ᐊᑐᐢᑫᔮᑲᓇ, ᑫᑯ ᓈᐯᐤ ᐊᓇ ᑳ ᐱᒧᐦᑌᐟ ᐅᐦᐱᒣᐊᔨᕽ ᐁ ᐯ ᓇᑭᐢᑳᑯᔭᕽ? ᐊᓂᐦᐃ ᐊᑐᐢᑫᔮᑲᓇ ᒫᑲ ᑭ ᐃᑎᐠ, ᐁᐊᐧᑯ ᓂᐟ ᐅᑭᒫᒼ; ᑭ ᐅᑎᓇᒼ ᒫᑲ ᐅᐟ ᐋᑯᔮᐱᑫᐧᐅᐣ ᐁ ᑭ ᐋᑯᔮᐱᑫᐅᐟ. 66ᐊᓇ ᐊᑐᐢᑫᔮᑲᐣ ᒫᑲ ᑭ ᐃᐧᐦᑕᒪᐁᐧᐤ ᐋᐃᓴᑲ ᑲᐦᑭᔭᐤ ᑫᑲᐧᐩ ᑳ ᑭ ᐊᔨᓯᒋᑫᐟ. 67ᐁᑯᓯ ᐋᐃᓴᐠ ᑭ ᐱᐦᑐᑲᐦᐁᐤ ᐅᑳᐃᐧᔭ ᓭᕒᐊᐦᐊᐧ ᐃᐧᑭᔨᕽ, ᑭ ᐅᑎᓀᐤ ᒫᑲ ᕒᐃᐯᑲᐊᐧ ᐁᑯᓯ ᑭ ᐃᐧᐃᐧᐤ, ᒥᓇ ᑭ ᓵᑭᐦᐁᐤ; ᐋᐃᓴᐠ ᒫᑲ ᑭ ᓂᐢᑖᓭᔨᒧ ᑳ ᑭ ᐳᓂ ᐱᒫᑎᓯᔨᐟ ᐅᑳᐃᐧᔭ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.