ᒉᓂᓯᐢ 28
28
1ᐋᐃᓴᐠ ᒫᑲ ᑭ ᓇᑐᒣᐤ ᒉᑲᐸ, ᒥᓇ ᑭ ᓴᐃᐧᔨᒣᐤ, ᒥᓇ ᑭ ᐊᔮᑳᐧᒥᒣᐤ ᐁ ᑭ ᐃᑖᐟ, ᐁᑳᐃᐧᔭ ᐅᑎᐣ ᑭᑕ ᐃᐧᐃᐧᔭᐣ ᐅᑖᓂᓯᐋᐧᐊᐧ ᐅᑕ ᑫᓇᐣ. 2ᐸᓯᑯ, ᐃᑐᐦᑌ ᐊᓂᑕ ᐹᑕᓀᕒᐋᒼ, ᐅ ᐋᐧᐢᑳᐦᐃᑲᓂᕽ ᐯᐟᔪᐃᓬ ᑭᑲᐃᐧ ᐅᑖᐃᐧᔭ; ᐁᑯᑕ ᒫᑲ ᐅᐦᑎᐣ ᑭᑕ ᐃᐧᐃᐧᔭᐣ ᐅᑖᓂᓴ ᓬᐁᐹᐣ ᑭᑳᐃᐧ ᐅᑕᐁᐧᒫᐊᐧ. 3ᑭᓭᒪᓂᑐ ᒫᑲ ᒫᒪᐁᐧᔭᐢ ᓯᔪᑳᑎᓯᐟ ᑭ ᑲ ᓴᐁᐧᔨᒥᐠ, ᒥᓇ ᑭ ᑲ ᐃᐧ ᔭᐦᑭᐃᐠ ᒥᓇ ᑭ ᑲ ᐃᐧ ᒥᐦᒉᑐᐃᐠ, ᑭᔭ ᒫᑲ ᑭᑕ ᐅᐦᒋ ᐅᓵᒣᔭᑎᒋᐠ ᐊᔨᓯᔨᓂᐊᐧᐠ; 4#ᒉᓂᓯᐢ 17:4-8ᑭ ᑲ ᐃᐧ ᒥᔨᐠ ᒫᑲ ᐅ ᓴᐁᐧᔨᑖᑯᓯᐃᐧᓂᔨᐤ ᐁᑊᕒᐁᐋᒪ ᑭᔭ ᒥᓇ ᑭᐟ ᐊᐋᐧᓯᒥᓴ; ᑭᑕ ᑎᐯᔨᐦᑕᒪᐣ ᐊᓂᒪ ᐊᐢᑭ ᐃᑕ ᑳ ᒫᓂᑌᐃᐧᔭᐣ, ᐊᓂᒪ ᑭᓭᒪᓂᑐ ᑳ ᑭ ᒥᔮᐟ ᐁᑊᕒᐁᐋᒪ. 5ᐋᐃᓴᐠ ᒫᑲ ᑭ ᓯᐯᐧᑎᓴᐁᐧᐤ ᒉᑲᐸ; ᑭ ᓯᐯᐧᑌᐤ ᒫᑲ ᑭᑕ ᐃᑐᐦᑌᐟ ᐊᓂᑕ ᐹᑕᓀᕒᐋᒼ ᐁ ᓇᑕᐋᐧᐸᒫᐟ ᓬᐁᐹᓇ, ᐅᑯᓯᓴ ᐯᐟᔪᐃᓬ ᐊᓇ ᓯᕒᐃᔭᐣ, ᐅᑕᐁᐧᒫᐊᐧ ᕒᐃᐯᑲ, ᒉᑲᑊ ᒥᓇ ᐃᓵ ᐅᑳᐃᐧᐋᐧᐊᐧ.
6ᐃᐢᐱ ᒫᑲ ᐃᓵ ᐃᐧᔮᐸᐦᑕᕽ ᐋᐃᓴᐠ ᐁ ᑭ ᓴᐁᐧᔨᒫᔨᐟ ᒉᑲᐸ, ᒥᓇ ᐁ ᑭ ᓯᐯᐧᑎᓴᐋᐧᔨᐟ ᑭᑕ ᐃᑐᐦᑌᔨᐟ ᐹᑕᓀᕒᐋᒥᕽ, ᐁᑯᑕ ᑭᑕ ᐅᐦᑎᓂᐢᑫᐧᐁᐧᔨᐟ; ᒥᓇ ᐯᐢᑭᐢ ᐁ ᓴᐁᐧᔨᒫᔨᐟ ᐁ ᑭ ᐊᔮᑳᐧᒥᒫᔨᐟ ᐁ ᐃᑌᐧᔨᐟ, ᐁᑳᐃᐧᔭ ᐅᑎᐣ ᑭᑕ ᐃᐧᐃᐧᔭᐣ ᐅᑖᓂᓯᐋᐧᐊᐧ ᐅᑕ ᑫᓇᐣ; 7ᐁᑯᓯ ᒉᑲᑊ ᐁ ᑭ ᓇᑐᐦᑕᐋᐟ ᐅᑖᐃᐧᔭ ᒥᓇ ᐅᑳᐃᐧᔭ, ᐁ ᑭ ᐃᑐᐦᑌᐟ ᒫᑲ ᐹᑕᓀᕒᐋᒥᕽ; 8ᐁᑯᓯ ᐃᓵ ᐁ ᐋᐧᐸᐦᑕᕽ ᐅᑖᐃᐧᔭ ᐋᐃᓴᑲ ᐁᑳ ᐁ ᓇᐦᐃᔭᐁᐧᐃᑯᔨᐟ ᑫᓇᓇ ᐅᑖᓂᓯᔨᐊᐧ. 9ᐃᓵ ᒫᑲ ᑭ ᓇᑕᐋᐧᐸᒣᐤ ᐃᐢᒣᐃᓬᐊ ᒥᓇ ᒫᑲ ᐁ ᑭ ᑕᑯ ᐅᑎᓈᐟ ᐊᓂᐦᐃ ᒣᐦᐊᓬᐋᐦᐟ ᐅᑖᓂᓴ ᐃᐢᒣᐃᓬ ᐁᑊᕒᐁᐋᒼ ᐅᑯᓯᓴ, ᐅᑕᐁᐧᒫᐊᐧ ᓂᐯᒑᐦᐟ ᑭᑕ ᐃᐧᐃᐧᐟ.
10ᒉᑲᑊ ᒫᑲ ᑭ ᓯᐯᐧᑌᐤ ᐱᕒᓯᐸ ᐅᐦᒋ ᐁ ᑭ ᐊᑎ ᐃᑐᐦᑌᐟ ᐦᐊᕒᐋᓂᕽ. 11ᑭ ᐅᑎᐦᑕᒼ ᒫᑲ ᐃᑕ ᐁ ᑲᐯᓯᐟ ᒋᑫᒫ ᓴᓵᐩ ᑭ ᐸᐦᑭᓯᒧ; ᑭ ᐅᑎᓀᐤ ᒫᑲ ᐯᔭᐠ ᐊᓯᓂᔭ ᐁᑯᑕ ᐁ ᐊᐱᔨᐟ ᐁ ᑭ ᐊᐢᐱᐢᑫᐧᓯᒧᐟ, ᒥᓇ ᐁᑯᑕ ᐁ ᑭ ᓇᐃᓯᕽ ᑭᑕ ᓂᐹᐟ. 12#ᒑᐣ 1:51ᑭ ᐸᐋᐧᒥᐤ ᒫᑲ, ᓵᔨ ᑭ ᒋᒪᑌᐤ ᐊᐢᑭᕽ ᑭᒐᑯᓯᐃᐧᓈᑎᐠ. ᐁᑯᓯ ᐁ ᐅᑎᐦᑕᒧᐠ ᑭᓯᑯᕽ; ᐳᑎ ᒫᑲ ᐅᑭᓯᑯᒪ ᑭᓭᒪᓂᑐ ᑭ ᑯᐢᐹᑕᐃᐧᐊᐧᐠ ᒥᓇ ᑭ ᓇᓂᓵᑕᐃᐧᐊᐧᐠ. 13#ᒉᓂᓯᐢ 13:14,15ᑳ ᑎᐯᔨᐦᒋᑫᐟ ᒫᑲ ᑭ ᓂᐸᐃᐧᐤ ᐃᐢᐱᒥᕽ, ᐅᒥᓯ ᐁ ᑭ ᐃᑌᐧᐟ, ᓂᔭ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᐁᑊᕒᐁᐋᒼ ᑯᑖᐃᐧ, ᒥᓇ ᐅ ᑭᓭᒪᓂᑐᒪ ᐋᐃᓴᐠ, ᐊᓂᒪ ᐊᐢᑭ ᐃᑕ ᑳ ᐱᒥᓯᓇᐣ ᑭᔭ ᑭ ᑲ ᒥᔨᑎᐣ ᒥᓇ ᑭᐟ ᐊᐋᐧᓯᒥᓴᐠ. 14#ᒉᓂᓯᐢ 12:3; 22:18ᑭᐟ ᐊᐋᐧᓯᒥᓴᐠ ᒫᑲ ᑖᐱᐢᑯᐨ ᔦᑲᐤ ᑭᑕ ᐃᑌᔭᑎᐊᐧᐠ ᐊᐢᑭᕽ, ᒥᓇ ᒥᓯᐁᐧ ᑭ ᑲ ᓯᓭᐧ ᐊᔮᐣ ᓀᑳᐯᐊᓄᕽ ᒥᓇ ᐋᐧᐸᓄᑖᕽ, ᒥᓇ ᑭᐁᐧᑎᓄᕽ, ᒥᓇ ᓵᐊᐧᓄᕽ; ᑭᔭ ᒥᓇ ᑭᐟ ᐊᐋᐧᓯᒥᓴᐠ ᑭᑕ ᐅᐦᒋ ᓴᐁᐧᔨᑖᑯᓯᐊᐧᐠ ᑲᐦᑭᔭᐤ ᑳ ᑕᐦᑐᐢᑳᓀᓯᒋᐠ ᐊᐢᑭᕽ. 15ᒋᐢᐟ ᒥᓇ ᑭ ᐃᐧᒉᑎᐣ ᒥᓇ ᑭ ᑲ ᐸᐹᑲᓇᐁᐧᔨᒥᑎᐣ ᐱᑯ ᐃᑌ ᑫ ᐊᔨᑐᐦᑌᐊᐧᓀ, ᒥᓇ ᑳᐃᐧ ᑭ ᑲ ᐯᓯᑎᐣ ᐅᑕ ᐊᐢᑭᕽ; ᒋᑫᒫ ᓇᒪᐃᐧᔭ ᑭ ᑲ ᓇᑲᑎᑎᐣ ᐹᑎᒫ ᐃᔨᑯᕽ ᑭ ᐃᐦᑐᑕᒫᓂ ᐊᓂᒪ ᑳ ᑭ ᐃᐧᐦᑕᒫᑖᐣ.
16ᒉᑲᑊ ᒫᑲ ᑭ ᑯᐢᑯᐢᑳᐤ ᐁ ᑭ ᓂᐹᐟ ᒥᓇ ᑭ ᐃᑌᐧᐤ, ᑫᐦᒋᓈ ᑳ ᑎᐯᔨᐦᒋᑫᐟ ᐅᑕ ᐊᔮᐤ ᐁᑯᓯ ᐁᑳ ᐁ ᑭᐢᑫᔨᑕᒫᐣ. 17ᑭ ᓭᑭᓯᐤ ᒫᑲ, ᐁᑯᓯ ᑭ ᐃᑌᐧᐤ, ᑖᐯᐧ ᑯᐢᑖᑌᔨᑖᑲᐧᐣ ᐅᑕ! ᓇᒪ ᑫᑲᐧᐩ ᐱᑐᐢ ᐱᑯ ᑭᓭᒪᓂᑐ ᐅ ᐋᐧᐢᑳᐦᐃᑲᐣ ᒥᓇ ᐁᐊᐧᑯ ᐅᒪ ᐁ ᐃᐢᑳᐧᑌᒥᐊᐧᕽ ᑭᐦᒋ ᑭᓯᐠ.
18ᒉᑲᑊ ᒫᑲ ᐃᐧᐸᐨ ᑫᑭᓭᐹ ᑭ ᐊᐧᓂᐢᑳᐤ, ᐁ ᑭ ᐅᑎᓈᐟ ᐊᓯᓂᔭ ᑳ ᑭ ᐊᐢᐱᐢᑫᐧᓯᒧᐟ, ᑭ ᒋᒫᔦᐤ ᒫᑲ, ᒥᓇ ᐁ ᑭ ᓯᑭᓇᕽ ᐱᒥ ᐊᓂᑕ ᑕᐦᑯᐨ. 19ᐯᐦᑎᓬ ᒫᑲ ᑭ ᐃᓯᔨᐦᑳᑕᒼ ᐁᑯᑕ, ᒫᑲ ᓬᐊᐢ ᑭ ᐃᓯᔨᐦᑳᑌᐤ ᓂᐢᑕᒼ ᐁᑯᑕ ᐁ ᐊᔮᐠ ᐅᑌᓇᐤ. 20ᒉᑲᑊ ᒫᑲ ᑭ ᑭᐦᒋᐃᑌᐧᐤ, ᐁ ᐃᑌᐧᐟ, ᑭᐢᐱᐣ ᑭᓭᒪᓂᑐ ᑫ ᐃᐧᒉᐃᐧᑫᐧ ᒥᓇ ᑫ ᑲᓇᐁᐧᔨᒥᑫᐧ ᐅᒪ ᐃᑕ ᑳ ᐃᑐᐦᑌᔮᐣ, ᒥᓇ ᑫ ᒥᔨᑫᐧ ᐸᐦᑫᐧᓯᑲᓇ ᑭᑕ ᒧᐃᐧᒪᐠ ᒥᓇ ᑭᑭᐢᑳᒋᑲᐣ ᑭᑕ ᐳᓯᐢᑲᒫᐣ. 21ᐁᑯᓯ ᒥᓇ ᐯᔭᐦᑕᑫᔨᒧᐃᐧᓂᕽ ᑭᑕ ᐅᑎᐦᑕᒪᐧᐠ ᓄᑖᐃᐧ ᐅ ᐋᐧᐢᑳᐃᑲᐣ, ᑳ ᑎᐯᔨᐦᒋᑫᐟ ᓂ ᑲ ᐅ ᑭᓭᒪᓂᑐᒥᐣ. 22ᒥᓇ ᐊᐊᐧ ᐊᓯᓂ ᑳ ᑭ ᒋᒪᔭᐠ ᑭᑕ ᑭᐢᑭᓇᐋᐧᒋᐦᒋᑲᓂᐃᐧᐟ, ᑭᓭᒪᓂᑐ ᑭᑕ ᐅ ᐋᐧᐢᑳᐦᐃᑲᓂᐤ; ᑲᐦᑭᔭᐤ ᒫᑲ ᐊᓂᒪ ᑫ ᐃᓯ ᒥᔨᔭᐣ, ᑫᐦᒋᓇ ᑭ ᑲ ᒥᔨᑎᐣ ᐯᔭᐠ ᐁ ᑭ ᒥᑖᑕᐦᑐᑖᕽ.
Currently Selected:
ᒉᓂᓯᐢ 28: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
