ᓭᐣᐟ ᒑᐣ 20
20
1ᓂᐢᑕᒼ ᒫᑲ ᐁ ᑭᓯᑳᐠ ᐁᐊᐧᑯ ᐁ ᐊᑎ ᐃᐢᐸᔨᐠ ᐯ ᐃᑐᐦᑌᐤ ᒣᕒᐃ ᒫᐠᑕᓬᐃᐣ ᐃᐧᐸᐨ ᑫᑭᓭᐹ, ᑫᔮᐱᐨ ᐁ ᐊᐧᓂᑎᐱᐢᑳᐠ, ᐁᑯᑕ ᓇᐦᐃᓂᑐᐃᐧᑲᒥᑯᕽ, ᐁᑯᓯ ᐋᐧᐸᒣᐤ ᐊᓯᓂᔭ ᐁ ᑭ ᐅᑎᓂᒥᐦᐟ ᓇᐦᐃᓂᑐᐃᐧᑲᒥᑯᕽ ᐅᐦᒋ. 2ᑭ ᓯᐯᐧᐸᑖᐤ ᒫᑲ, ᒥᓇ ᑭ ᐅᑎᐦᑌᐤ ᓵᐃᒪᐣ ᐱᑕᕒᐊ, ᒥᓇ ᐊᓂᐦᐃ ᑯᑕᑲ ᑭᐢᑭᓄᐦᐊᒪᐋᐧᑲᓇ, ᐊᓂᐦᐃ ᒋᓴᐢ ᑳ ᓵᑭᐦᐋᐟ, ᐁᑯᓯ ᐃᑌᐤ, ᑭ ᐅᑎᓀᐊᐧᐠ ᑳ ᑎᐯᔨᐦᒋᑫᔨᐟ ᓇᐦᐃᓂᑐᐃᐧᑲᒥᑯᕽ ᐅᐦᒋ, ᓇᒪᐃᐧᔭ ᒫᑲ ᓂ ᑭᐢᑫᔨᑌᓈᐣ ᑖᓂᑕ ᑳ ᐱᒥᓯᒫᒋᐠ. 3ᐱᑕᕒ ᒫᑲ ᑭ ᓯᐯᐧᑌᐤ, ᐊᓯᒋ ᐊᓇ ᑯᑕᐠ ᑭᐢᑭᓄᐦᐊᒪᐋᐧᑲᐣ, ᐁ ᑭ ᐊᑎ ᐃᑐᐦᑌᒋᐠ ᓇᐦᐃᓂᑐᐃᐧᑲᒥᑯᕽ. 4ᑖᐱᐢᑯᐨ ᒫᑲ ᑭ ᐊᑎ ᐱᒥᐸᑖᐊᐧᐠ: ᐁᑯᓯ ᐊᓇ ᑯᑕᐠ ᑭᐢᑭᓄᐦᐊᒪᐋᐧᑲᐣ ᑭ ᐊᑎ ᓇᑲᒋᐸᐁᐤ ᐱᑕᕒᐊ, ᒥᓇ ᓂᑳᐣ ᑭ ᐅᑎᑕᒼ ᓇᐦᐃᓂᑐᐃᐧᑲᒥᐠ; 5ᐁᑯᓯ ᐁ ᓇᐊᐧᑭᐟ ᐱᑐᑲᒥᐠ ᐁ ᐃᑖᐱᐟ, ᐋᐧᐸᐦᑕᒼ ᐋᐧᐱᐢᑫᑭᓇᐧ ᐁ ᐊᐢᑌᔨᑭ; ᒫᑲ ᓇᒪᐃᐧᔭ ᐱᐦᑐᑫᐤ. 6ᓵᐃᒪᐣ ᐱᑕᕒ ᒫᑲ ᐃᐧᐢᑕ ᑭ ᑕᑯᓯᐣ, ᓈᐋᐧᐩ, ᐁᑯᓯ ᑭ ᐱᐦᑐᑫᐤ ᓇᐦᐃᓂᑐᐃᐧᑲᒥᑯᕽ; ᐋᐧᐸᐦᑕᒼ ᒫᑲ ᐋᐧᐱᐢᑫᑭᓇᐧ ᐁ ᐊᐢᑌᔨᑭ, 7ᒥᓇ ᐊᓂᒪ ᐋᐧᐱᐢᑫᑭᓄᐢ ᑳ ᑭ ᐁᐧᐁᐧᑭᐢᑎᑳᐧᓀᐱᓱᔨᐟ, ᓇᒪᐃᐧᔭ ᐁ ᐊᓯᑕᐢᑌᔨᐠ ᐊᓂᐦᐃ ᐋᐧᐱᐢᑫᑭᓇᐧ, ᒫᑲ ᐱᐢᑭᐢ ᐁ ᑎᑎᐯᑭᓂᑳᑌᐠ. 8ᐁᑲᐧ ᑭ ᐱᐦᑐᑫᐤ ᐊᓇ ᑯᑕᐠ ᑭᐢᑭᓄᐦᐊᒪᐋᐧᑲᐣ ᒥᓇ, ᐊᓇ ᓂᐢᑕᒼ ᑳ ᑭ ᑕᑯᓯᕽ ᓇᐦᐃᓂᑐᐃᐧᑲᒥᑯᕽ, ᐁᑯᓯ ᑭ ᐋᐧᐸᐦᑕᒼ ᒥᓇ ᑭ ᑖᐯᐧᑕᒼ. 9ᒋᑫᒫ ᓇᒣᐢᑲᐧ ᑭᐢᑫᔨᑕᒪᐧᐠ ᑭᐦᒋ ᒪᓯᓇᐦᐃᑫᐃᐧᐣ ᐅᒋᑕ ᐱᑯ ᑭᑕ ᐊᐧᓂᐢᑳᔨᐟ ᒥᓇ ᓂᐳᐃᐧᓂᕽ ᐅᐦᒋ. 10ᐁᑯᓯ ᑭᐢᑭᓄᐦᐊᒪᐋᐧᑲᓇᐠ ᑭ ᓯᐯᐧᑌᐊᐧᐠ ᒥᓇ ᐃᐧᔭᐋᐧᐤ ᐃᐧᑭᐋᐧᕽ ᐃᓯ.
11ᒣᕒᐃ ᒫᑲ ᑭ ᓂᐸᐃᐧᐤ ᐊᐧᔭᐃᐧᑎᒥᕽ ᓇᐦᐃᓂᑐᐃᐧᑲᒥᑯᕽ ᐁ ᒫᑐᐟ: ᐁᑯᓯ, ᐅᒪ ᐁ ᒫᑐᐟ, ᑭ ᓇᐊᐧᑭᐤ ᐱᐦᒋ ᐁ ᐃᑖᐱᐟ ᓇᐦᐃᓂᑐᐃᐧᑲᒥᑯᕽ; 12ᐁᑯᓯ ᐋᐧᐸᒣᐤ ᓂᓱ ᐅᑭᓯᑯᐊᐧ ᐁ ᐋᐧᐱᐢᑭᐅᔨᐟ ᐁ ᐊᐱᔨᐟ, ᐯᔭᐠ ᐅᐢᑎᑳᐧᓂᔨᕽ, ᒥᓇ ᐯᔭᐠ ᐅᓯᑎᔨᕽ, ᐃᑕ ᒋᓴᐢ ᐃᐧᔭᐤ ᐁ ᑭ ᐊᐢᑌᔨᐠ. 13ᑭ ᐃᑎᐠ ᒫᑲ, ᐃᐢᑫᐧᐤ, ᑖᓀᑭ ᑳ ᒫᑐᔭᐣ? ᐅᒥᓯ ᐃᑌᐤ, ᒋᑫᒫ ᐁ ᑭ ᐅᑎᓈᒋᐠ ᓄ ᑎᐯᔨᐦᒋᑫᒪ, ᐁᑯᓯ ᓇᒪᐃᐧᔭ ᓂ ᑭᐢᑫᔨᑌᐣ ᑖᓂᑕ ᑳ ᐱᒥᓯᒫᒋᐠ. 14ᐃᐢᐱ ᐅᒥᓯ ᑳ ᐃᑌᐧᐟ, ᑭ ᑫᐧᐢᑭᑳᐸᐃᐧᐤ, ᐁ ᐋᐧᐸᒣᐤ ᒋᓴᓴ ᐁ ᓂᐸᐃᐧᔨᐟ, ᓇᒪᐃᐧᔭ ᒫᑲ ᑭᐢᑫᔨᑕᒼ ᐁᐊᐧᑲᐧᓂ ᒋᓴᓴ. 15ᒋᓴᐢ ᐃᑌᐤ, ᐃᐢᑫᐧᐤ, ᑖᓀᑭ ᑳ ᒫᑐᔭᐣ? ᐊᐁᐧᓇ ᓀᓈᑐᓇᐊᐧᐟ? ᐃᐧᔭ, ᐁᐊᐧᑯ ᐁᑐᑫ ᑭᐢᑎᑫᐃᐧᔨᓂᐤ ᐁ ᐃᑌᔨᑕᕽ, ᐃᑌᐤ, ᐅᑭᒫᐤ, ᑭᐢᐱᐣ ᑳ ᓯᐯᐧᑕᐋᐊᐧᑌ ᐃᐧᐦᑕᒪᐃᐧᐣ ᑖᓂᑕ ᑳ ᐸᑭᑎᓇᐟ, ᐁᑯᓯ ᓂ ᑲ ᐅᑎᓈᐤ. 16ᒋᓴᐢ ᐃᑌᐤ, ᒣᕒᐃ. ᑭ ᑫᐧᐢᑭᑳᐸᐃᐧᐤ ᐅᒥᓯ ᐁ ᐃᑖᐟ, ᐦᐃᐸᕒᐅᐃᕽ, ᕒᐋᐳᓈᐩ; ᐁᐊᐧᑳᐧᓂᒪ ᐁ ᐃᑌᐧᕽ, ᑫᐢᑭᓄᐦᐊᒫᑫᔭᐣ. 17ᒋᓴᐢ ᐃᑌᐤ, ᐁᑳᐃᐧᔭ ᓵᒥᓂᐣ; ᒋᑫᒫ ᓇᒣᐢᑲᐧ ᐃᐢᐱᒥᕽ ᓂ ᓈᑖᐤ ᐁᐧᔪᑖᐃᐧᕽ: ᒫᑲ ᓇᑕᐋᐧᐸᒥᐠ ᓂᒋᐋᐧᒪᐠ ᒥᓇ ᐃᓯᐠ, ᐃᐢᐱᒥᕽ ᓂ ᓈᑖᐤ ᓄᑖᐃᐧ ᒥᓇ ᑯᑖᐃᐧᐋᐧᐤ, ᓂ ᑭᓭᒪᓂᑐᒼ ᒥᓇ ᑭ ᑭᓭᒪᓂᑐᒥᐋᐧᐤ. 18ᒣᕒᐃ ᒫᐠᑕᓬᐃᐣ ᑭ ᐯ ᐃᐧᐦᑕᒪᐁᐧᐤ ᑭᐢᑭᓄᐦᐊᒪᐋᐧᑲᓇ, ᓂ ᑭ ᐋᐧᐸᒫᐤ ᑳ ᑎᐯᔨᐦᒋᑫᐟ, ᒥᓇ ᐊᓂᐦᐃ ᑳ ᑭ ᐊᔨᑎᑯᐟ.
19ᐃᐢᐱ ᒫᑲ ᐁᐧᑖᑯᓯᐠ, ᐁᐊᐧᑯ ᐁ ᑭᓯᑳᐠ, ᓂᐢᑕᒼ ᐁ ᑭᓯᑳᐠ ᐁᐊᐧᑯ ᐁ ᐃᐢᐸᔨᐠ ᓵᓴᐩ ᒫᑲ ᐁ ᑭ ᑭᐸᐦᐃᑳᑌᑭ ᐃᐢᑳᐧᑌᒪ ᐃᑕ ᑭᐢᑭᓄᐦᐊᒪᐋᐧᑲᓇᐠ ᐁ ᐊᔮᒋᐠ, ᐃᐧᔭ ᐁ ᑯᐢᑖᒋᐠ ᒍᐊᐧ, ᒋᓴᐢ ᑭ ᐯ ᓇᑕᐃᐧ ᓂᐸᐃᐧᐤ ᑖᐋᐧᔨᕽ, ᐁᑯᓯ ᐃᑌᐤ, ᐯᔭᑕᑫᔨᒧᐃᐧᐣ ᑭ ᑲ ᐃᐧ ᐊᔮᓈᐋᐧᐤ. 20ᐃᐢᐱ ᒫᑲ ᐅᒪ ᑳ ᐃᑌᐧᐟ, ᑭ ᐋᐧᐸᐦᑕᐁᐤ ᐅᒋᐦᒋᔭ ᒥᓇ ᐃᐧᔭᐤ. ᑭ ᒪᒪᐦᑖᑯᓯᐊᐧᐠ ᒫᑲ ᑭᐢᑭᓄᐦᐊᒪᐋᐧᑲᓇᐠ, ᐃᐢᐱ ᐃᐧᔮᐸᒫᒋᐠ ᑳ ᑎᐯᔨᐦᒋᑫᔨᐟ. 21ᒋᓴᐢ ᒫᑲ ᑭ ᐃᑌᐤ ᒥᓇ, ᐯᔭᑕᑫᔨᒧᐃᐧᐣ ᑭ ᑲ ᐃᐧ ᐊᔮᓈᐋᐧ: ᑳ ᑭ ᐃᓯ ᓯᐯᐧᑎᓴᐅᐟ ᐁᐧᔪᑖᐃᐧᕽ ᐁᑯᓯ ᓂᐢᑕ ᑭᐟ ᐃᓯ ᓯᐯᐧᑎᓴᐅᑎᓈᐋᐧ. 22ᐃᐢᐱ ᒫᑲ ᐅᒪ ᑳ ᐃᑌᐧᐟ ᑭ ᐸᑭᑕᑖᒧᑐᑕᐁᐧᐤ ᒥᓇ ᐃᑌᐤ, ᐅᑎᓂᕽ ᑳ ᑲᓈᑎᓯᐟ ᐊᐦᒑᕽ: 23#ᒫᐟᔪ 16:19; 18:18ᐱᑯ ᐊᐃᐧᔭᐠ ᐅ ᒪᒋᐃᑎᐃᐧᓇ ᑫ ᐳᓀᔨᑕᒪᐋᐧᔦᐠ ᐳᓀᔨᑕᒪᐋᐧᐊᐧᐠ, ᒥᓇ ᐱᑯ ᐊᐃᐧᔭᐠ ᑫ ᒥᒋᒥᓇᒪᐋᐧᔦᐠ, ᒥᒋᒥᓇᒪᐋᐧᐊᐧᐠ.
24ᒫᑲ ᑖᒪᐢ, ᐯᔭᐠ ᐊᓂᑭ ᒥᑖᑕᐟ ᓂᓱᓵᑊ, ᑎᑎᒪᐢ ᑳ ᐃᓯᔨᐦᑳᓱᐟ, ᓇᒪᐃᐧᔭ ᐃᐧᒉᐁᐧᐤ ᐃᐢᐱ ᒋᓴᓴ ᑳ ᑕᑯᓯᓂᔨᐟ. 25ᑯᑕᑲᐠ ᒫᑲ ᑭᐢᑭᓄᐦᐊᒪᐋᐧᑲᓇᐠ ᑭ ᐃᑌᐊᐧᐠ, ᓂ ᑭ ᐋᐧᐸᒫᓈᐣ ᑳ ᑎᐯᔨᐦᒋᑫᐟ. ᒫᑲ ᑭ ᐃᑌᐤ, ᑭᐢᐱᐣ ᐁᑳ ᐋᐧᐸᐦᑕᒪᐧᑭ ᐅᒋᐦᒋᕽ ᐁ ᐁᓯᑎᓂᔨᑭ ᓴᑲᐃᑲᓇ, ᒥᓇ ᐁᑳ ᓂᒋᐦᒋ ᐅᐦᒋ ᒥᐢᑯᓇᒪᐧᑫ ᐁ ᐁᑎᐢᑳᑯᐟ ᓴᑲᐃᑲᓇ, ᒥᓇ ᐁᑳ ᒥᐢᑯᓇᒪᐧᑭ ᐅᐱᒣᔭᐤ, ᓇᒪᐃᐧᔭ ᓂ ᑲ ᑖᐯᐧᑌᐣ.
26ᑳ ᐳᓂ ᐊᔨᓈᓀᐅ ᑭᓯᑳᔨᐠ ᒫᑲ ᐅ ᑭᐢᑭᓄᐦᐊᒪᐋᐧᑲᓇ ᒥᓇ ᐱᑐᑲᒥᐠ ᑭ ᐊᔮᔨᐊᐧ, ᑖᒪᐢ ᒫᑲ ᐁ ᐃᐧᒉᐋᐧᐟ. ᒋᓴᐢ ᑭ ᑕᑯᓯᐣ, ᐃᐢᑳᐧᑌᒪ ᐁ ᑭ ᑭᐸᐦᐃᑳᑌᑭ, ᐁᑯᓯ ᑭ ᐃᑌᐤ, ᐯᔭᑕᑫᔨᒧᐃᐧᐣ ᑭ ᑲ ᐃᐧ ᐊᔮᓈᐋᐧ. 27ᐁᑲᐧ ᑭ ᐃᑌᐤ ᑖᒪᓴ, ᐯ ᐃᓯᒋᐦᒉᔨ ᐋᐧᐸᐦᑕ ᒥᓇ ᓂᒋᐦᒋᔭ; ᒥᓇ ᐯ ᐃᓯᒋᐦᒉᔨ ᒥᐢᑯᓂᐣ ᐅᐱᒣᔭᐤ: ᐁᑳᐃᐧᔭ ᐅᐟ ᐋᓀᐧᑕᒧᐃᐧᓂ ᒫᑲ ᑖᐯᐧᑕ. 28ᑖᒪᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᓄ ᑎᐯᔨᐦᒋᑫᒼ ᒥᓇ ᓂ ᑭᓭᒪᓂᑐᒼ. 29ᒋᓴᐢ ᐃᑌᐤ, ᒋᑫᒫ ᐁ ᑭ ᐋᐧᐸᒥᔭᐣ, ᑭ ᑭ ᑖᐯᐧᑌᐣ: ᓴᐁᐧᔨᑖᑯᓯᐋᐧᐠ ᐊᓂᑭ ᐁᑳ ᑳ ᐅᐦᒋ ᐋᐧᐸᒥᒋᐠ, ᐁᔨᐁᐧᕽ ᒫᑲ ᑳ ᑭ ᑖᐯᐧᑕᐦᑭᐠ.
30ᒥᐦᒉᐟ ᒫᑲ ᑯᑕᑲ ᑭᐢᑭᓇᐋᐧᒋ ᐃᓯᐦᒋᑫᐃᐧᓇ ᑭ ᐃᑐᑕᒼ ᒋᓴᐢ ᐁ ᐊᐧᐸᒥᑯᐟ ᐅ ᑭᐢᑭᓄᐦᐊᒪᐋᐧᑲᓇ, ᐁᑳ ᑳ ᒪᓯᓇᐃᑳᑌᑭ ᐅᑕ ᒪᓯᓇᐦᐃᑲᓂᕽ, 31ᐅᐦᐃ ᒫᑲ ᒪᓯᓇᐃᑳᑌᐊᐧ ᑭᑕ ᑖᐯᐧᑕᒣᐠ ᒋᓴᐢ ᐁᐊᐧᑳᐧᓇ ᙭, ᐅᑯᓯᓴ ᑭᓭᒪᓂᑐ; ᐁ ᑖᐯᐧᑕᒣᐠ ᒫᑲ, ᑭᑕ ᐅᐦᒋ ᐊᔮᔦᐠ ᐱᒫᑎᓯᐃᐧᐣ ᐅ ᐃᐧᔪᐃᐧᓂᕽ.
Currently Selected:
ᓭᐣᐟ ᒑᐣ 20: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
ᓭᐣᐟ ᒑᐣ 20
20
1ᓂᐢᑕᒼ ᒫᑲ ᐁ ᑭᓯᑳᐠ ᐁᐊᐧᑯ ᐁ ᐊᑎ ᐃᐢᐸᔨᐠ ᐯ ᐃᑐᐦᑌᐤ ᒣᕒᐃ ᒫᐠᑕᓬᐃᐣ ᐃᐧᐸᐨ ᑫᑭᓭᐹ, ᑫᔮᐱᐨ ᐁ ᐊᐧᓂᑎᐱᐢᑳᐠ, ᐁᑯᑕ ᓇᐦᐃᓂᑐᐃᐧᑲᒥᑯᕽ, ᐁᑯᓯ ᐋᐧᐸᒣᐤ ᐊᓯᓂᔭ ᐁ ᑭ ᐅᑎᓂᒥᐦᐟ ᓇᐦᐃᓂᑐᐃᐧᑲᒥᑯᕽ ᐅᐦᒋ. 2ᑭ ᓯᐯᐧᐸᑖᐤ ᒫᑲ, ᒥᓇ ᑭ ᐅᑎᐦᑌᐤ ᓵᐃᒪᐣ ᐱᑕᕒᐊ, ᒥᓇ ᐊᓂᐦᐃ ᑯᑕᑲ ᑭᐢᑭᓄᐦᐊᒪᐋᐧᑲᓇ, ᐊᓂᐦᐃ ᒋᓴᐢ ᑳ ᓵᑭᐦᐋᐟ, ᐁᑯᓯ ᐃᑌᐤ, ᑭ ᐅᑎᓀᐊᐧᐠ ᑳ ᑎᐯᔨᐦᒋᑫᔨᐟ ᓇᐦᐃᓂᑐᐃᐧᑲᒥᑯᕽ ᐅᐦᒋ, ᓇᒪᐃᐧᔭ ᒫᑲ ᓂ ᑭᐢᑫᔨᑌᓈᐣ ᑖᓂᑕ ᑳ ᐱᒥᓯᒫᒋᐠ. 3ᐱᑕᕒ ᒫᑲ ᑭ ᓯᐯᐧᑌᐤ, ᐊᓯᒋ ᐊᓇ ᑯᑕᐠ ᑭᐢᑭᓄᐦᐊᒪᐋᐧᑲᐣ, ᐁ ᑭ ᐊᑎ ᐃᑐᐦᑌᒋᐠ ᓇᐦᐃᓂᑐᐃᐧᑲᒥᑯᕽ. 4ᑖᐱᐢᑯᐨ ᒫᑲ ᑭ ᐊᑎ ᐱᒥᐸᑖᐊᐧᐠ: ᐁᑯᓯ ᐊᓇ ᑯᑕᐠ ᑭᐢᑭᓄᐦᐊᒪᐋᐧᑲᐣ ᑭ ᐊᑎ ᓇᑲᒋᐸᐁᐤ ᐱᑕᕒᐊ, ᒥᓇ ᓂᑳᐣ ᑭ ᐅᑎᑕᒼ ᓇᐦᐃᓂᑐᐃᐧᑲᒥᐠ; 5ᐁᑯᓯ ᐁ ᓇᐊᐧᑭᐟ ᐱᑐᑲᒥᐠ ᐁ ᐃᑖᐱᐟ, ᐋᐧᐸᐦᑕᒼ ᐋᐧᐱᐢᑫᑭᓇᐧ ᐁ ᐊᐢᑌᔨᑭ; ᒫᑲ ᓇᒪᐃᐧᔭ ᐱᐦᑐᑫᐤ. 6ᓵᐃᒪᐣ ᐱᑕᕒ ᒫᑲ ᐃᐧᐢᑕ ᑭ ᑕᑯᓯᐣ, ᓈᐋᐧᐩ, ᐁᑯᓯ ᑭ ᐱᐦᑐᑫᐤ ᓇᐦᐃᓂᑐᐃᐧᑲᒥᑯᕽ; ᐋᐧᐸᐦᑕᒼ ᒫᑲ ᐋᐧᐱᐢᑫᑭᓇᐧ ᐁ ᐊᐢᑌᔨᑭ, 7ᒥᓇ ᐊᓂᒪ ᐋᐧᐱᐢᑫᑭᓄᐢ ᑳ ᑭ ᐁᐧᐁᐧᑭᐢᑎᑳᐧᓀᐱᓱᔨᐟ, ᓇᒪᐃᐧᔭ ᐁ ᐊᓯᑕᐢᑌᔨᐠ ᐊᓂᐦᐃ ᐋᐧᐱᐢᑫᑭᓇᐧ, ᒫᑲ ᐱᐢᑭᐢ ᐁ ᑎᑎᐯᑭᓂᑳᑌᐠ. 8ᐁᑲᐧ ᑭ ᐱᐦᑐᑫᐤ ᐊᓇ ᑯᑕᐠ ᑭᐢᑭᓄᐦᐊᒪᐋᐧᑲᐣ ᒥᓇ, ᐊᓇ ᓂᐢᑕᒼ ᑳ ᑭ ᑕᑯᓯᕽ ᓇᐦᐃᓂᑐᐃᐧᑲᒥᑯᕽ, ᐁᑯᓯ ᑭ ᐋᐧᐸᐦᑕᒼ ᒥᓇ ᑭ ᑖᐯᐧᑕᒼ. 9ᒋᑫᒫ ᓇᒣᐢᑲᐧ ᑭᐢᑫᔨᑕᒪᐧᐠ ᑭᐦᒋ ᒪᓯᓇᐦᐃᑫᐃᐧᐣ ᐅᒋᑕ ᐱᑯ ᑭᑕ ᐊᐧᓂᐢᑳᔨᐟ ᒥᓇ ᓂᐳᐃᐧᓂᕽ ᐅᐦᒋ. 10ᐁᑯᓯ ᑭᐢᑭᓄᐦᐊᒪᐋᐧᑲᓇᐠ ᑭ ᓯᐯᐧᑌᐊᐧᐠ ᒥᓇ ᐃᐧᔭᐋᐧᐤ ᐃᐧᑭᐋᐧᕽ ᐃᓯ.
11ᒣᕒᐃ ᒫᑲ ᑭ ᓂᐸᐃᐧᐤ ᐊᐧᔭᐃᐧᑎᒥᕽ ᓇᐦᐃᓂᑐᐃᐧᑲᒥᑯᕽ ᐁ ᒫᑐᐟ: ᐁᑯᓯ, ᐅᒪ ᐁ ᒫᑐᐟ, ᑭ ᓇᐊᐧᑭᐤ ᐱᐦᒋ ᐁ ᐃᑖᐱᐟ ᓇᐦᐃᓂᑐᐃᐧᑲᒥᑯᕽ; 12ᐁᑯᓯ ᐋᐧᐸᒣᐤ ᓂᓱ ᐅᑭᓯᑯᐊᐧ ᐁ ᐋᐧᐱᐢᑭᐅᔨᐟ ᐁ ᐊᐱᔨᐟ, ᐯᔭᐠ ᐅᐢᑎᑳᐧᓂᔨᕽ, ᒥᓇ ᐯᔭᐠ ᐅᓯᑎᔨᕽ, ᐃᑕ ᒋᓴᐢ ᐃᐧᔭᐤ ᐁ ᑭ ᐊᐢᑌᔨᐠ. 13ᑭ ᐃᑎᐠ ᒫᑲ, ᐃᐢᑫᐧᐤ, ᑖᓀᑭ ᑳ ᒫᑐᔭᐣ? ᐅᒥᓯ ᐃᑌᐤ, ᒋᑫᒫ ᐁ ᑭ ᐅᑎᓈᒋᐠ ᓄ ᑎᐯᔨᐦᒋᑫᒪ, ᐁᑯᓯ ᓇᒪᐃᐧᔭ ᓂ ᑭᐢᑫᔨᑌᐣ ᑖᓂᑕ ᑳ ᐱᒥᓯᒫᒋᐠ. 14ᐃᐢᐱ ᐅᒥᓯ ᑳ ᐃᑌᐧᐟ, ᑭ ᑫᐧᐢᑭᑳᐸᐃᐧᐤ, ᐁ ᐋᐧᐸᒣᐤ ᒋᓴᓴ ᐁ ᓂᐸᐃᐧᔨᐟ, ᓇᒪᐃᐧᔭ ᒫᑲ ᑭᐢᑫᔨᑕᒼ ᐁᐊᐧᑲᐧᓂ ᒋᓴᓴ. 15ᒋᓴᐢ ᐃᑌᐤ, ᐃᐢᑫᐧᐤ, ᑖᓀᑭ ᑳ ᒫᑐᔭᐣ? ᐊᐁᐧᓇ ᓀᓈᑐᓇᐊᐧᐟ? ᐃᐧᔭ, ᐁᐊᐧᑯ ᐁᑐᑫ ᑭᐢᑎᑫᐃᐧᔨᓂᐤ ᐁ ᐃᑌᔨᑕᕽ, ᐃᑌᐤ, ᐅᑭᒫᐤ, ᑭᐢᐱᐣ ᑳ ᓯᐯᐧᑕᐋᐊᐧᑌ ᐃᐧᐦᑕᒪᐃᐧᐣ ᑖᓂᑕ ᑳ ᐸᑭᑎᓇᐟ, ᐁᑯᓯ ᓂ ᑲ ᐅᑎᓈᐤ. 16ᒋᓴᐢ ᐃᑌᐤ, ᒣᕒᐃ. ᑭ ᑫᐧᐢᑭᑳᐸᐃᐧᐤ ᐅᒥᓯ ᐁ ᐃᑖᐟ, ᐦᐃᐸᕒᐅᐃᕽ, ᕒᐋᐳᓈᐩ; ᐁᐊᐧᑳᐧᓂᒪ ᐁ ᐃᑌᐧᕽ, ᑫᐢᑭᓄᐦᐊᒫᑫᔭᐣ. 17ᒋᓴᐢ ᐃᑌᐤ, ᐁᑳᐃᐧᔭ ᓵᒥᓂᐣ; ᒋᑫᒫ ᓇᒣᐢᑲᐧ ᐃᐢᐱᒥᕽ ᓂ ᓈᑖᐤ ᐁᐧᔪᑖᐃᐧᕽ: ᒫᑲ ᓇᑕᐋᐧᐸᒥᐠ ᓂᒋᐋᐧᒪᐠ ᒥᓇ ᐃᓯᐠ, ᐃᐢᐱᒥᕽ ᓂ ᓈᑖᐤ ᓄᑖᐃᐧ ᒥᓇ ᑯᑖᐃᐧᐋᐧᐤ, ᓂ ᑭᓭᒪᓂᑐᒼ ᒥᓇ ᑭ ᑭᓭᒪᓂᑐᒥᐋᐧᐤ. 18ᒣᕒᐃ ᒫᐠᑕᓬᐃᐣ ᑭ ᐯ ᐃᐧᐦᑕᒪᐁᐧᐤ ᑭᐢᑭᓄᐦᐊᒪᐋᐧᑲᓇ, ᓂ ᑭ ᐋᐧᐸᒫᐤ ᑳ ᑎᐯᔨᐦᒋᑫᐟ, ᒥᓇ ᐊᓂᐦᐃ ᑳ ᑭ ᐊᔨᑎᑯᐟ.
19ᐃᐢᐱ ᒫᑲ ᐁᐧᑖᑯᓯᐠ, ᐁᐊᐧᑯ ᐁ ᑭᓯᑳᐠ, ᓂᐢᑕᒼ ᐁ ᑭᓯᑳᐠ ᐁᐊᐧᑯ ᐁ ᐃᐢᐸᔨᐠ ᓵᓴᐩ ᒫᑲ ᐁ ᑭ ᑭᐸᐦᐃᑳᑌᑭ ᐃᐢᑳᐧᑌᒪ ᐃᑕ ᑭᐢᑭᓄᐦᐊᒪᐋᐧᑲᓇᐠ ᐁ ᐊᔮᒋᐠ, ᐃᐧᔭ ᐁ ᑯᐢᑖᒋᐠ ᒍᐊᐧ, ᒋᓴᐢ ᑭ ᐯ ᓇᑕᐃᐧ ᓂᐸᐃᐧᐤ ᑖᐋᐧᔨᕽ, ᐁᑯᓯ ᐃᑌᐤ, ᐯᔭᑕᑫᔨᒧᐃᐧᐣ ᑭ ᑲ ᐃᐧ ᐊᔮᓈᐋᐧᐤ. 20ᐃᐢᐱ ᒫᑲ ᐅᒪ ᑳ ᐃᑌᐧᐟ, ᑭ ᐋᐧᐸᐦᑕᐁᐤ ᐅᒋᐦᒋᔭ ᒥᓇ ᐃᐧᔭᐤ. ᑭ ᒪᒪᐦᑖᑯᓯᐊᐧᐠ ᒫᑲ ᑭᐢᑭᓄᐦᐊᒪᐋᐧᑲᓇᐠ, ᐃᐢᐱ ᐃᐧᔮᐸᒫᒋᐠ ᑳ ᑎᐯᔨᐦᒋᑫᔨᐟ. 21ᒋᓴᐢ ᒫᑲ ᑭ ᐃᑌᐤ ᒥᓇ, ᐯᔭᑕᑫᔨᒧᐃᐧᐣ ᑭ ᑲ ᐃᐧ ᐊᔮᓈᐋᐧ: ᑳ ᑭ ᐃᓯ ᓯᐯᐧᑎᓴᐅᐟ ᐁᐧᔪᑖᐃᐧᕽ ᐁᑯᓯ ᓂᐢᑕ ᑭᐟ ᐃᓯ ᓯᐯᐧᑎᓴᐅᑎᓈᐋᐧ. 22ᐃᐢᐱ ᒫᑲ ᐅᒪ ᑳ ᐃᑌᐧᐟ ᑭ ᐸᑭᑕᑖᒧᑐᑕᐁᐧᐤ ᒥᓇ ᐃᑌᐤ, ᐅᑎᓂᕽ ᑳ ᑲᓈᑎᓯᐟ ᐊᐦᒑᕽ: 23#ᒫᐟᔪ 16:19; 18:18ᐱᑯ ᐊᐃᐧᔭᐠ ᐅ ᒪᒋᐃᑎᐃᐧᓇ ᑫ ᐳᓀᔨᑕᒪᐋᐧᔦᐠ ᐳᓀᔨᑕᒪᐋᐧᐊᐧᐠ, ᒥᓇ ᐱᑯ ᐊᐃᐧᔭᐠ ᑫ ᒥᒋᒥᓇᒪᐋᐧᔦᐠ, ᒥᒋᒥᓇᒪᐋᐧᐊᐧᐠ.
24ᒫᑲ ᑖᒪᐢ, ᐯᔭᐠ ᐊᓂᑭ ᒥᑖᑕᐟ ᓂᓱᓵᑊ, ᑎᑎᒪᐢ ᑳ ᐃᓯᔨᐦᑳᓱᐟ, ᓇᒪᐃᐧᔭ ᐃᐧᒉᐁᐧᐤ ᐃᐢᐱ ᒋᓴᓴ ᑳ ᑕᑯᓯᓂᔨᐟ. 25ᑯᑕᑲᐠ ᒫᑲ ᑭᐢᑭᓄᐦᐊᒪᐋᐧᑲᓇᐠ ᑭ ᐃᑌᐊᐧᐠ, ᓂ ᑭ ᐋᐧᐸᒫᓈᐣ ᑳ ᑎᐯᔨᐦᒋᑫᐟ. ᒫᑲ ᑭ ᐃᑌᐤ, ᑭᐢᐱᐣ ᐁᑳ ᐋᐧᐸᐦᑕᒪᐧᑭ ᐅᒋᐦᒋᕽ ᐁ ᐁᓯᑎᓂᔨᑭ ᓴᑲᐃᑲᓇ, ᒥᓇ ᐁᑳ ᓂᒋᐦᒋ ᐅᐦᒋ ᒥᐢᑯᓇᒪᐧᑫ ᐁ ᐁᑎᐢᑳᑯᐟ ᓴᑲᐃᑲᓇ, ᒥᓇ ᐁᑳ ᒥᐢᑯᓇᒪᐧᑭ ᐅᐱᒣᔭᐤ, ᓇᒪᐃᐧᔭ ᓂ ᑲ ᑖᐯᐧᑌᐣ.
26ᑳ ᐳᓂ ᐊᔨᓈᓀᐅ ᑭᓯᑳᔨᐠ ᒫᑲ ᐅ ᑭᐢᑭᓄᐦᐊᒪᐋᐧᑲᓇ ᒥᓇ ᐱᑐᑲᒥᐠ ᑭ ᐊᔮᔨᐊᐧ, ᑖᒪᐢ ᒫᑲ ᐁ ᐃᐧᒉᐋᐧᐟ. ᒋᓴᐢ ᑭ ᑕᑯᓯᐣ, ᐃᐢᑳᐧᑌᒪ ᐁ ᑭ ᑭᐸᐦᐃᑳᑌᑭ, ᐁᑯᓯ ᑭ ᐃᑌᐤ, ᐯᔭᑕᑫᔨᒧᐃᐧᐣ ᑭ ᑲ ᐃᐧ ᐊᔮᓈᐋᐧ. 27ᐁᑲᐧ ᑭ ᐃᑌᐤ ᑖᒪᓴ, ᐯ ᐃᓯᒋᐦᒉᔨ ᐋᐧᐸᐦᑕ ᒥᓇ ᓂᒋᐦᒋᔭ; ᒥᓇ ᐯ ᐃᓯᒋᐦᒉᔨ ᒥᐢᑯᓂᐣ ᐅᐱᒣᔭᐤ: ᐁᑳᐃᐧᔭ ᐅᐟ ᐋᓀᐧᑕᒧᐃᐧᓂ ᒫᑲ ᑖᐯᐧᑕ. 28ᑖᒪᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᓄ ᑎᐯᔨᐦᒋᑫᒼ ᒥᓇ ᓂ ᑭᓭᒪᓂᑐᒼ. 29ᒋᓴᐢ ᐃᑌᐤ, ᒋᑫᒫ ᐁ ᑭ ᐋᐧᐸᒥᔭᐣ, ᑭ ᑭ ᑖᐯᐧᑌᐣ: ᓴᐁᐧᔨᑖᑯᓯᐋᐧᐠ ᐊᓂᑭ ᐁᑳ ᑳ ᐅᐦᒋ ᐋᐧᐸᒥᒋᐠ, ᐁᔨᐁᐧᕽ ᒫᑲ ᑳ ᑭ ᑖᐯᐧᑕᐦᑭᐠ.
30ᒥᐦᒉᐟ ᒫᑲ ᑯᑕᑲ ᑭᐢᑭᓇᐋᐧᒋ ᐃᓯᐦᒋᑫᐃᐧᓇ ᑭ ᐃᑐᑕᒼ ᒋᓴᐢ ᐁ ᐊᐧᐸᒥᑯᐟ ᐅ ᑭᐢᑭᓄᐦᐊᒪᐋᐧᑲᓇ, ᐁᑳ ᑳ ᒪᓯᓇᐃᑳᑌᑭ ᐅᑕ ᒪᓯᓇᐦᐃᑲᓂᕽ, 31ᐅᐦᐃ ᒫᑲ ᒪᓯᓇᐃᑳᑌᐊᐧ ᑭᑕ ᑖᐯᐧᑕᒣᐠ ᒋᓴᐢ ᐁᐊᐧᑳᐧᓇ ᙭, ᐅᑯᓯᓴ ᑭᓭᒪᓂᑐ; ᐁ ᑖᐯᐧᑕᒣᐠ ᒫᑲ, ᑭᑕ ᐅᐦᒋ ᐊᔮᔦᐠ ᐱᒫᑎᓯᐃᐧᐣ ᐅ ᐃᐧᔪᐃᐧᓂᕽ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.