ᓭᐣᐟ ᓬᐅᐠ 12

1 # ᒫᐟᔪ 16:6; ᒫᕒᐠ 8:15 ᒣᑳᐧᐨ ᒫᑲ ᐅᒪ ᐁ ᐃᑭᕽ, ᐁ ᒫᐊᐧᒋᐃᑐᒋᐠ ᒥᓴᑲᒥᐠ ᐊᔨᓯᔨᓂᐊᐧᐠ, ᐱᔨᐢ ᐁ ᑖᑕᑯᐢᑳᑎᑐᒋᐠ, ᓂᐢᑕᒼ ᐱᑕ ᑭ ᐃᑌᐤ ᐅ ᑭᐢᑭᓄᐦᐊᒪᐋᐧᑲᓇ, ᐊᐢᐁᐧᔨᑕᒧᐠ ᐅᐟ ᐅᐦᐱᐦᒋᒋᑲᓂᐋᐧᐤ ᐹᕒᐋᓯᐊᐧᐠ, ᐁᐊᐧᑳᐧᓂᒪ ᐊᔭᒥᐁᑳᓱᐃᐧᐣ. 2#ᒫᕒᐠ 4:22; ᓬᐅᐠ 8:17ᒋᑫᒫ ᓇᒪ ᑫᑲᐧᐩ ᑳ ᐊᑲᐧᓇᐃᑲᑌᐠ ᐁᑳ ᑭᑕ ᑭᐢᑫᔨᑕᑯᑖᕽ, ᐊᐦᐳ ᐁ ᑳᒋᑳᑌᐠ, ᐁᑳ ᑭᑕ ᑭᐢᑫᔨᑕᑲᐧᕽ. 3ᐁᐊᐧᑯᒋ ᒫᑲ, ᐱᑯ ᑫᑲᐧᐩ ᑳ ᑭ ᐱᑭᐢᑳᐧᑕᒣᐠ ᐊᐧᓂᑎᐱᐢᑳᕽ, ᑭᑕ ᐯᑕᑲᐧᐣ ᐋᐧᓭᔮᕽ: ᒥᓇ ᑫᑲᐧᐩ ᑳ ᑭ ᐃᑌᐧᔦᐠ ᒥᑕᐊᐧᑳᕽ, ᐱᐦᒋ ᑭᓯᐸᓄᕽ ᐱᐢᑭᑖᔭᐋᐧᕽ, ᑭᑕ ᐋᑐᒋᑳᑌᐤ ᑕᑯᐦᐨ ᐋᐧᐢᑳᐦᐃᑲᓂᕽ.

4ᒥᓇ ᑭᐟ ᐃᑎᓈᐋᐧᐤ ᓂ ᑐᑌᒥᑎᐠ, ᐁᑳᐃᐧᔭ ᑯᐢᑎᑯᐠ ᐊᓂᑭ ᑳ ᓂᐸᑖᒋᐠ ᒥᔭᐤ, ᐁᑯᓯ ᐁᑳ ᐊᐊᐧᓯᒣ ᑳ ᑲᐢᑭᑖᒋᐠ ᑭᑕ ᑐᑕᐦᑭᐠ. 5ᒫᑲ ᑭ ᑲ ᑭᓴᒋ ᐊᔮᑳᐧᒥᒥᑎᓈᐋᐧᐤ ᐊᐁᐧᓇ ᑫ ᑯᐢᑖᔦᐠ; ᑯᐢᑎᕽ ᐊᓇ, ᑳ ᓂᐸᐃᐁᐧᒋ ᑳ ᑲᐢᑭᑖᐟ ᑭᑕ ᐱᒋᐁᐧᐱᓂᐁᐧᐟ ᒪᒋ ᐃᐢᑯᑌᕽ; ᑖᐯᐧ ᑭᐟ ᐃᑎᓈᐋᐧᐤ, ᐁᐊᐧᑯ ᑯᐢᑎᕽ. 6ᓇᒪ ᒋ ᓂᔮᓇᐣ ᐱᔦᓯᓴᐠ ᓂᓱ ᐱᐊᐧᐱᐢᑯᓴᐠ ᐃᑕᑭᒫᐊᐧᐠ? ᐁᑯᓯ, ᓇᒪᐋᐧᐨ ᐯᔭᐠ ᐁᐊᐧᑲᐧᓂᐠ ᐊᐧᓂᑭᐢᑭᓯᑐᑖᑲᐧᐠ ᑭᓭᒪᓂᑐᐊᐧ. 7ᒫᑲ ᑭᔭᐋᐧᐤ ᐊᐦᐳ ᑫᐢᑕᑳᐋᐧᐊᐧ ᑭᐢᑎᑳᐧᓂᐋᐧᕽ, ᑲᐦᑭᔭᐤ ᐊᑭᒋᑲᑌᐊᐧ. ᐁᑳᐃᐧᔭ ᒫᑲ ᓭᑭᓯᐠ; ᐊᐊᐧᓯᒣ ᑭᔭᐋᐧᐤ ᑭᐟ ᐃᑕᑭᓱᓈᐋᐧᐤ ᐃᐢᐱᐨ ᒥᐦᒉᐟ ᐱᔦᓯᓴᐠ.

8ᒥᓇ ᒫᑲ ᑭᐟ ᐃᑎᓈᐋᐧᐤ, ᑲᐦᑭᔭᐤ ᐊᐃᐧᔭᐠ ᑫ ᐋᒋᒥᐟ ᐊᔨᓯᔨᓂᓈᕽ, ᐁᐊᐧᑳᐧᓂ ᐃᔨᓂᐃᐧᑯᓯᓵᐣ ᐃᐧᐢᑕ ᑫ ᐋᒋᒫᐟ ᒣᑳᐧᐨ ᐃᑕ ᐁ ᐊᔮᔨᐟ ᐅᑭᓯᑯᒪ ᑭᓭᒪᓂᑐ. 9ᒫᑲ ᐊᓇ ᑫ ᐊᓀᐧᑕᐃᐧᑫᐧ ᐊᔨᓯᔨᓂᓇᕽ, ᑭᑕ ᐊᓀᐧᑕᐋᐧᐤ ᒣᑳᐧᐨ ᐃᑕ ᐁ ᐊᔮᔨᐟ ᐅᑭᓯᑯᒪ ᑭᓭᒪᓂᑐ. 10#ᒫᐟᔪ 12:32; ᒫᕒᐠ 3:29ᒥᓇ ᑲᐦᑭᔭᐤ ᐊᐃᐧᔭᐠ ᑫ ᓇᔦᑕᐃᐧ ᐃᑖᑫᐧ ᐃᔨᓂᐃᐧᑯᓯᓵᓇ, ᑭᑕ ᐳᓀᔨᑕᒪᐋᐧᐤ; ᒫᑲ ᐊᓇ ᑫ ᐹᐢᑖᒧᐃᐧᑭᐢᐋᐧᑖᑫᐧ ᑳ ᑲᓈᑎᓯᔨᐟ ᐊᐦᒑᐦᑲᐧ ᓇᒪᐃᐧᔭ ᑭᑕ ᐳᓀᔨᑕᒪᐋᐧᐤ. 11#ᒫᐟᔪ 10:19,20; ᒫᕒᐠ 13:11; ᓬᐅᐠ 21:14,15ᐃᐢᐱ ᒫᑲ ᐃᑐᑕᐃᑲᐃᐧᔦᑯ ᒫᐊᐧᒋᐃᑐᐃᐧᓂᕽ, ᒥᓇ ᑭᑕ ᐅᑎᐢᑲᐃᐧᐢᑲᐋᐧᔦᑯᐠ ᐅᔭᓱᐁᐧᐃᐧᔨᓂᐊᐧᐠ, ᒥᓇ ᐊᓂᑭ ᑳ ᑎᐯᔨᑕᐦᑭᐠ, ᐁᑳᐃᐧᔭ ᒥᑯᐢᑳᑌᔨᑕᒧᐠ ᑖᓂᓯ ᑫ ᐃᓯ ᓇᐢᑫᐧᐊᐧᓯᑖᐧᔦᐠ; ᐊᐦᐳ ᑖᓂᓯ ᑫ ᐃᑌᐧᔦᐠ: 12ᒋᑫᒫ ᑳ ᑲᓈᑎᓯᐟ ᐊᒑᕽ ᑭ ᑲ ᑭᐢᑭᓄᐋᒫᑯᐋᐧᐤ ᒣᐧᐦᒋ ᐁᐊᐧᑲᐧᓂᒪ ᑎᐸᐃᑲᐣ ᑖᓂᓯ ᑫ ᐃᑌᐧᔦᐠ.

13ᐯᔭᐠ ᒫᑲ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ, ᑭ ᐃᑎᐠ, ᑫᐢᑭᓄᐦᐊᒫᑫᔭᐣ ᓯᑭᒼ ᓂᒋᐋᐧᒼ ᑭᑕ ᐱᐢᑭᑎᓇᒪᐃᐧᐟ ᐊᓂᒪ ᑳ ᓂᓱ ᑎᐯᔨᑕᒫᕽ. 14ᒫᑲ ᑭ ᐃᑌᐤ, ᓈᐯᐤ, ᐊᐁᐧᓇ ᑳ ᐃᑕᔨᐟ ᑭᑕ ᐅᔭᓱᐋᐧᑎᑕᑯᐠ, ᐊᐦᐳ ᑭᑕ ᐸᐯᐢᑭᑎᓇᒫᑕᑯᐠ. 15ᐁᑯᓯ ᒫᑲ ᑭ ᐃᑌᐤ, ᐊᔮᑳᐧᒥᓯᐠ ᑲᓇᐁᐧᔨᒥᓱᐠ ᑲᐦᑭᔭᐤ ᑳᓴᑳᑎᓯᐃᐧᓂᕽ ᐅᐦᒋ: ᒋᑫᒫ ᓇᒪᐃᐧᔭ ᐁ ᒥᐦᒉᑎᓂᔨᑭ ᐅ ᑎᐯᔨᑕᒧᐃᐧᓇ ᐅᐦᒋ ᑯ ᐱᒫᑎᓯᐟ ᐊᔨᓯᔨᓂᐤ.

16ᐋᐁᐧᒋᑲᐣ ᒫᑲ ᑭ ᑕᓯᑕᒪᐁᐧᐤ, ᐁ ᐃᑌᐧᐟ, ᐅᐟ ᐊᐢᑭ ᐯᔭᐠ ᐁ ᐁᐧᔪᑎᓯᐟ ᐊᔨᓯᔨᓂᐤ ᒥᐢᑕᐦᐃ ᑭ ᓂᐦᑖᐃᐧᑭᒋᑫᒪᑲᓂᔨᐤ: 17ᐁᑯᓯ ᑭ ᒫᒥᑐᓀᔨᑕᒼ ᐅᑌᐃᕽ, ᐁ ᐃᑌᐧᐟ, ᑖᓂᓯ ᑫ ᑐᑕᒫᐣ? ᒋᑫᒫ ᐁᑳ ᐁ ᐊᔮᔮᐣ ᐃᑕ ᑫ ᐊᐢᑖᔮᐣ ᓂ ᑭᐢᑎᑳᓇ. 18ᐁᑯᓯ ᑭ ᐃᑌᐧᐤ, ᐅᒥᓯ ᓂ ᑲ ᑐᑌᐣ, ᓂ ᑲ ᓂᒋᐱᑌᐣ ᓂᐟ ᐊᐢᑖᓱᐃᐧᑲᒥᑲᐧ, ᒥᓇ ᓇᐊᐧᐨ ᐁ ᒥᓵᑭ ᓂ ᑲ ᐅᓯᑖᐣ, ᐁᑯᓯ ᐁᑯᑕ ᑫ ᐊᐢᑖᔮᐣ ᑲᐦᑭᔭᐤ ᓂ ᑭᐢᑎᑳᓇ ᒥᓇ ᓂᐟ ᐊᔮᐃᐧᓇ. 19ᓂ ᑲ ᐃᑖᐤ ᒫᑲ ᓂᐟ ᐊᐦᒑᕽ, ᐊᐦᒑᕽ, ᑭᐟ ᐊᔮᐣ ᒥᐢᑕᐦᐃ ᐊᔮᐃᐧᓇ ᐁ ᑲᐧᔮᑕᐢᑌᑭ ᒥᐦᒉᐟ ᐊᐢᑭ ᑭᑕ ᑌᐱᐸᔨᑭ; ᐊᔦᐧᐱ ᐁᑲᐧ, ᒥᒋᓱ, ᒥᓂᑫᐧ, ᒥᔭᐋᐧᑕ. 20ᒫᑲ ᑭᓭᒪᓂᑐᐊᐧ ᑭ ᐃᑎᐠ, ᑭᔭ ᑳ ᑲᑫᐹᑎᓯᔭᐣ, ᐊᓄᐦᐨ ᑳ ᑎᐱᐢᑳᐠ ᑭ ᑲ ᓇᑕᐁᐧᔨᑕᒫᑲᐃᐧᐣ ᑭᐟ ᐊᐦᒑᕽ; ᐊᐁᐧᓇ ᒫᑲ ᑫ ᐊᔭᐟ ᐊᓂᐦᐃ ᑫᑲᐧᔭ ᑳ ᑭ ᑲᐧᔮᑕᐢᑖᔭᐣ? 21ᐁᑯᓯ ᐁᓯ ᐊᔮᐟ ᐊᓇ ᑳ ᒫᐊᐧᒋᑕᒫᓱᐟ ᐁᐧᔪᑎᓯᐃᐧᐣ, ᐁᑯᓯ ᐁᑳ ᐁ ᐁᐧᔪᑎᓯᐢᑕᐋᐧᐟ ᑭᓭᒪᓂᑐᐊᐧ.

22ᐁᑯᓯ ᒫᑲ ᑭ ᐃᑌᐤ ᐅ ᑭᐢᑭᓄᐦᐊᒪᐋᐧᑲᓇ, ᐁᐊᐧᑯᒋ ᑭᐟ ᐃᑎᓈᐋᐧᐤ, ᐁᑳᐃᐧᔭ ᐅᑕᒣᔨᑕᒧᐠ ᑭ ᐱᒫᑎᓯᐃᐧᓂᐋᐧᐤ, ᑫᑲᐧᐩ ᑫ ᒥᒋᔦᐠ; ᐊᐦᐳ ᒥᓇ ᑭᔭᐃᐧᐋᐧᐤ, ᑫᑲᐧᐩ ᑫ ᐳᐢᑎᐢᑲᒣᐠ. 23ᒋᑫᒫ ᐱᒫᑎᓯᐃᐧᐣ ᐊᐊᐧᓯᒣ ᐃᑌᔨᑖᑲᐧᐣ ᐃᐢᐱᐨ ᒥᒋᐃᐧᐣ, ᒥᓇ ᒥᔭᐤ ᐃᐢᐱᐨ ᑭᑭᐢᑭᑲᐣ 24ᒫᒥᑐᓀᔨᒥᑯᐠ ᑳᐦᑳᑭᐊᐧᐠ, ᓇᒪᐃᐧᔭ ᑭᐢᑎᑫᐊᐧᐠ, ᓇᒪᐃᐧᔭ ᒪᓂᓯᑫᐊᐧᐠ; ᓇᒪᐃᐧᔭ ᐊᔮᐊᐧᐠ ᒥᒋᒥᑲᒥᐠ ᐊᐦᐳ ᐊᐢᑖᓱᐃᐧᑲᒥᐠ; ᐁᑯᓯ ᑭᓭᒪᓂᑐ ᑌᓴᒣᐤ: ᑖᓂᔨᑯᕽ ᐊᐊᐧᓯᒣ ᐁᑌᔨᑖᑯᓯᔦᐠ ᐃᐢᐱᐨ ᐱᔦᓯᓴᐠ. 25ᐁᑯᓯ ᐊᐁᐧᓇ ᑭᔭᐋᐧᐤ ᐁ ᒧᐦᒋ ᒫᒥᑐᓀᔨᑕᕽ, ᑫ ᑭ ᑕᑯᑖᐟ ᐯᔭᐠ ᑯᐱᐟ ᐯ ᐁᐢᑯᑳᐸᐃᐧᐟ? 26ᑭᐢᐱᐣ ᒫᑲ ᓇᒪᐃᐧᔭ ᑭ ᑲᐢᑭᑕᓈᐋᐧᐤ ᑭᑕ ᑐᑕᒣᐠ ᐊᐦᐳ ᐊᓂᒪ ᑳ ᒫᐊᐧᒋ ᓄᑕᐤ ᐃᑌᔨᑖᑲᐧᕽ, ᑖᓀᑭ ᑳ ᒥᑯᐢᑳᑌᔨᑕᒥᐃᑯᔦᐠ ᐊᓂᐦᐃ ᑯᑕᑲ ᑫᑲᐧᔭ? 27#1 ᑭᐦᒋ ᐅᑭᒫᐊᐧᐠ 10:4-7; 2 ᐊᑭᓀ ᐋᒋᒧᐃᐧᓇ 9:3-6ᒫᒥᑐᓀᔨᑕᒧᐠ ᐋᐧᐱᑲᐧᓂᐊ, ᑖᓂᓯ ᐁᓯ ᐅᐱᑭᑭ: ᓇᒪᐃᐧᔭ ᐊᑐᐢᑫᒪᑲᓇᐧ, ᓇᒪᐊᐃᐧᔭ ᒥᓇ ᐱᒪᐢᑌᐃᑫᒪᑲᓇᐧ; ᐁᑯᓯ ᑭ ᐃᐧᐦᑕᒫᑎᓈᐋᐧᐤ, ᐊᐦᐳ ᓴᓬᐅᒪᐣ ᑲᐦᑭᔭᐤ ᐅ ᑭᐢᑌᔨᑖᑯᓯᐃᐧᓂᕽ ᓇᒪᐃᐧᔭ ᑭ ᐃᓯᐅ ᑖᐱᐢᑯᐨ ᐯᔭᐠ ᐅᐦᐃ. 28ᑭᐢᐱᐣ ᒫᑲ ᑭᓭᒪᓂᑐ ᐃᓯ ᐃᐧᔭᑕᑖᐤ ᒪᐢᑯᓯᔭ ᐱᑲᐧᒑᔨᕽ ᑳ ᐊᔮᑭ ᐊᓄᐦᐨ ᑳ ᑭᓯᑳᐠ ᑳ ᐊᔮᑭ, ᐁᑯᓯ ᐃᐧᔮᐸᕽ ᑳ ᒪᒍᐢᑌᐃᑲᑌᑭ; ᑕᓂᔨᑯᕽ ᐊᐊᐧᓯᒣ ᑫ ᐃᐧᔮᑕᐃᑯᔦᐠ, ᐅ ᑭᔭᐋᐧᐤ ᑳ ᐊᐱᐢᑌᔨᑖᑲᐧᕽ ᑭ ᑖᐯᐧᔦᔨᑕᒧᐃᐧᓂᐋᐧᐤ? 29ᐁᑳᐃᐧᔭ ᒫᑲ ᓇᑐᓇᒧᐠ ᑫᑲᐧᐩ ᑫ ᒥᒋᔦᐠ, ᐊᐦᐳ ᑫᑲᐧᐩ ᑫ ᒥᓂᑫᐧᔦᐠ, ᒥᓇ ᐁᑳᐃᐧᔭ ᐊᐧᐋᐧᓀᔨᑕᒧᐠ. 30ᒋᑫᒫ ᑲᐦᑭᔭᐤ ᐅᐦᐃ ᑫᑲᐧᔭ, ᐊᔨᓯᔨᓂᐊᐧᐠ ᐊᐢᑭᕽ ᓇᑐᓇᒪᐧᐠ: ᒫᑲ ᑯᑕᐃᐧᐋᐧᐤ ᑭᐢᑫᔨᑕᒼ ᐁ ᑭᐧᑕᒪᔭᐠ ᐅᐦᐃ ᑫᑲᐧᔭ.

31ᔭᔭᐤ ᒫᑲ ᓇᑐᓇᒧᐠ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ, ᐁᑯᓯ ᐅᐦᐃ ᑫᑲᐧᔭ ᑭ ᑳ ᑕᑯᓇᒫᑲᐃᐧᓈᐋᐧᐤ. 32ᐁᑳᐃᐧᔭ ᐊᐢᑖᓯᐠ, ᑳ ᐊᐱᐢᑌᔭᑎᓯᔦᐠ ᒋᑫᒫ ᑯᑖᐃᐧᐊᐤ ᐃᓯ ᒥᔦᐧᔨᑕᒼ ᑭᑕ ᒥᔨᑯᔦᐠ ᐅᑌᓇᐃᐧᐃᐧᐣ. 33ᐊᑖᐊᐧᑫᐠ ᐊᓂᒪ ᑳ ᐊᔮᔦᐠ, ᐁᑯᓯ ᒣᑭᐠ ᒥᔪ ᒣᑭᐃᐧᓇ; ᐅᓯᑕᒫᓱᐠ ᓱᓂᔮᐊᐧᑕ ᐁᑳ ᑫ ᑭ ᐊᑎ ᑲᔮᓵᔨᐊᐧᑭ, ᐁᐧᔪᑎᓯᐃᐧᐣ ᑭᐦᒋ ᑭᓯᑯᕽ ᐁᑳ ᑫ ᓄᑌᐸᔨᐠ, ᐃᑕ ᐅᑭᒧᑎᐢᐠ, ᐁᑳ ᑳ ᐅᑎᑕᕽ, ᒥᓇ ᒧᐦᑌᐤ ᐁᑳ ᑳ ᓂᓯᐊᐧᓈᒋᒋᑫᐟ. 34ᐃᐧᔭ ᐃᑕ ᐊᔮᑭ ᑭ ᐁᐧᔪᑎᓯᐃᐧᐣ, ᐁᑯᑕ ᒥᓇ ᑫ ᐊᔮᐠ ᑭᑌᐦ.

35 # ᒫᐟᔪ 25:1-13 ᐸᑲᐧᑌᐦᐅᐠ ᒥᑐᓂ, ᒥᓇ ᑭᑕ ᓴᐢᑲᐃᑲᑌᐊᐧ ᑭ ᐋᐧᓴᐢᑯᑌᓂᑲᓂᐋᐧᐊᐧ; 36#ᒫᕒᐠ 13:34-36ᐁᑯᓯ ᑭᔭᐋᐧᐤ ᐃᓯ ᐊᔮᐠ, ᑖᐱᐢᑯᐨ ᐊᔨᓯᔨᓂᐊᐧᐠ ᑳ ᐊᓴᐋᐧᐸᒫᒋᐠ ᐅᐟ ᐅᑭᒫᒥᐋᐧᐊᐧ, ᐁ ᐯ ᑭᐁᐧᔨᐟ ᑭᐦᒋ ᐃᐧᑭᑐᐃᐧᓂᕽ ᐅᐦᒋ; ᐃᐢᐱ ᒫᑲ ᑕᑯᓯᑭ ᒥᓇ ᐸᑲᒪᐊᑭ ᐃᐢᑲᐧᑌᒼ ᓭᒫᐠ ᑭᑕ ᔪᑌᓇᒪᐋᐧᒋᐠ. 37ᒥᔭᐧᑭᒥᑯᐃᐧᓯᐊᐧᐠ ᐁᐊᐧᑲᐧᓂᐠ ᐊᑐᐢᑫᔮᑲᓇᐠ, ᐃᐢᐱ ᑳ ᑎᐯᔨᒫᐟ ᑕᑯᓯᑭ ᑫ ᒥᐢᑲᐋᐧᐟ ᐁ ᐊᓴᐋᐧᐱᔨᐟ, ᑖᐯᐧ ᑭᐟ ᐃᑎᓈᐋᐧᐤ, ᑭᑕ ᐸᑲᐧᑌᐦᐅᓱ, ᒥᓇ ᑭᑕ ᓇᐦᐊᐱᐁᐤ ᑭᑕ ᒥᒋᓱᔨᐟ, ᐁᑯᓯ ᑭᑕ ᐯ ᐸᒥᐁᐤ. 38ᒥᓇ ᑭᐢᐱᐣ ᐯ ᑕᑯᓯᑭ ᓂᓱ ᑎᐸᐃᐱᓯᒫᐧᐣ ᐃᐢᐸᔨᑭ, ᐊᐦᐳ ᓂᐢᑐ ᐃᐢᐸᔨᑭ, ᐁᑯᓯ ᒫᑲ ᑫᔮᐱᐨ ᐃᓯ ᒥᐢᑲᐋᐧᒋ, ᒥᔭᐧᑭᒥᑯᐃᐧᓯᐊᐧᐠ ᐁᐊᐧᑲᐧᓂᐠ ᐊᑐᐢᑫᔮᑲᓇᐠ. 39#ᒫᐟᔪ 24:43,44ᐅᒪ ᒫᑲ ᑭᐢᑫᔨᑕᒧᐠ, ᑭᐢᐱᐣ ᐁᐧᑭᒫᑲᑕᕽ ᐋᐧᐢᑳᐦᐃᑲᐣ ᑭ ᑭᐢᑫᔨᑕᕽ ᑖᓈᓂᒪ ᑎᐸᐃᑲᐣ ᐅᑭᒧᑎᐢᑲ ᑫ ᑕᑯᓯᓂᔨᐟ, ᐅ ᑳ ᑭ ᐊᐢᓴᐋᐧᐱ, ᒥᓇ ᓇᒪᐃᐧᔭ ᐅ ᑲ ᑭ ᓇᑲᑌ ᐃᐧᑭ ᑭᑕ ᐱᑯᓂᑲᑌᔨᐠ. 40ᑭᐢᑕᐋᐧᐤ ᒫᑲ ᑲᐧᔭᒋ ᐊᔭᐠ: ᒋᑫᒫ ᐊᓂᒪ ᑎᐸᐃᑲᐣ ᐃᑕ ᐁᑳ ᐁ ᐃᑌᔨᑕᒣᐠ, ᐃᔨᓂᐃᐧᑯᓯᓵᐣ ᑭᑕ ᑕᑯᓯᐣ.

41ᐁᑯᓯ ᐱᑕᕒ ᑭ ᐃᑌᐤ, ᑌᐯᔨᐦᒋᑫᔭᐣ, ᓂᔭᓈᐣ ᒋ ᑳ ᐃᐧᐦᑕᒪᐃᐧᔮᕽ ᐅᒪ ᐋᐁᐧᒋᑲᐣ, ᐊᐁᐧᑳ ᒋ ᑲᐦᑭᔭᐤ? 42ᐁᑯᓯ ᑳ ᑎᐯᔨᐦᒋᑫᐟ ᑭ ᐃᑌᐧᐤ, ᐊᐁᐧᓇ ᒫᑲ ᐊᓇ ᑳ ᐊᔮᑳᐧᒥᓯᐟ ᒥᓇ ᑳ ᐃᔨᓂᓯᐟ ᐅᑲᓇᐃᐧᐋᐧᐢᑳᐃᑲᓀᐤ, ᐁ ᑭ ᐃᑕᐦᐃᑯᐟ ᐅᑭᒫᒪ ᑭᑕ ᒥᔨᒫᐟ ᐁᑕᓯᔨᐟ, ᐅᐟ ᐊᑐᐢᑫᔮᑲᓂᔨᐊᐧ ᑕᐦᑖᐧᐤ ᐁᐧᑎᒋᐸᔨᔨᑭ ᐅ ᒥᒋᐃᐧᓂᔨᐤ? 43ᒥᔪ ᐃᑕᑭᒫᐤ ᐁᐊᐧᑯ ᐊᑐᐢᑫᔮᑲᐣ, ᑭᐢᐱᐣ ᐃᐢᐱ ᐅᑭᒫᒪ ᑕᑯᓯᓂᔨᒋ ᒥᐢᑲᑯᒋ ᐁᑯᓯ ᐁ ᐃᑐᑕᕽ. 44ᑖᐯᐧ ᑭᐟ ᐃᑎᓈᐋᐧᐤ, ᑭᑕ ᑎᐯᔨᑕᒧᐁᐤ ᑲᐦᑭᔭᐤ ᑳ ᐊᔮᐟ. 45ᒫᑲ ᑭᐢᐱᐣ ᐁᐊᐧᑳᐧᓇ ᐊᑐᐢᑫᔮᑲᐣ ᐃᑌᐧᒋ ᐅᑌᐃᕽ, ᓂᐟ ᐅᑭᒫᒼ ᓇᒪ ᒪᔭᐤ ᐃᐧ ᑕᑯᓯᐣ; ᒥᓇ ᒫᒋ ᐸᑲᒪᐋᐧᒋ ᓈᐯᐤ ᐊᑐᐢᑫᔮᑲᓇ ᒥᓇ ᐃᐢᑫᐧᐤ ᐊᑐᐢᑫᔮᑲᓇ, ᐁᑯᓯ ᒥᒋᓱᒋ, ᒥᓇ ᒥᓂᑫᐧᒋ ᒥᓇ ᑭᐢᑫᐧᐯᒋ; 46ᐅᐟ ᐅᑭᒫᒪ ᐁᐊᐧᑳᐧᓇ ᐊᑐᐢᑫᔮᑳᐣ ᑭᑕ ᑕᑯᓯᓂᔨᐊᐧ ᐊᓂᒪ ᑭᓯᑳᐤ ᐃᐢᐱ ᐁᑳ ᐊᓴᐋᐧᐸᒫᒋ, ᒥᓇ ᑎᐸᐃᑲᐣ ᐃᑕ ᐁᑳ ᐁ ᐃᑌᔨᑕᕽ, ᐁᑯᓯ ᑭᑕ ᑭᐢᑲᑕᐅᐠ, ᒥᓇ ᑭᑕ ᐸᑭᑎᓂᐠ ᑭᑕ ᐃᐧᒉᐋᐧᐟ ᐅᑖᓀᐧᑕᒧᐊᐧ. 47ᐊᓇ ᒫᑲ ᐊᑐᐢᑫᔮᑲᐣ ᑳ ᑭᐢᑫᔨᑕᒫᐧᐟ ᐅᐟ ᐅᑭᒫᒪ ᐅ ᓇᑕᐁᐧᔨᑕᒧᐃᐧᓂᔨᐤ, ᐁᑳ ᒫᑲ ᐁ ᐊᐧᐁᐧᔨᐟ, ᒥᓇ ᐁᑳ ᐁ ᑐᑕᒫᐧᐟ ᐁ ᐃᓯ ᓇᑕᐁᐧᔨᑕᒥᔨᐟ, ᑭᑕ ᐸᑲᒪᐋᐧᐤ ᒥᐦᒉᐟ ᐸᓴᐢᑌᐅᐃᐧᓇ ᐅᐦᒋ; 48ᒫᑲ ᐊᓇ ᐁᑳ ᑳ ᑭᐢᑫᔨᑕᕽ, ᒥᓇ ᑳ ᑭ ᑐᑕᕽ ᑫᑲᐧᔭ ᑭᑕ ᑭ ᐅᐦᒋ ᐸᓴᐢᑌᐅᐦᐟ, ᑭᑕ ᐸᑲᒪᐋᐧᐤ ᒐᑲᐊᐧᓯᐢ ᐸᓴᐢᑌᐅᐃᐧᓇ ᐅᐦᒋ, ᒥᓇ ᐊᓇ ᒥᐢᑕᐦᐃ ᑳ ᑲᓇᐁᐧᔨᑕᒧᐃᐦᐟ, ᒥᐢᑕᐦᐃ ᑭᑕ ᓇᑕᐁᐧᔨᑕᒪᐋᐧᐤ: ᐊᔨᐢ ᐊᓂᐦᐃ ᒥᐢᑕᐦᐃ ᑳ ᐸᑭᑎᓇᒪᐋᐧᒋᐠ, ᐁᐊᐧᑲᐧᓂ ᐊᐊᐧᓯᒣ ᑫ ᓇᑕᐁᐧᔨᑕᒪᐋᐧᒋᐠ.

49ᓂ ᐯ ᐃᑐᐦᑖᐣ ᐃᐢᑯᑌ ᑭᑕ ᐃᓯᐁᐧᐱᓇᒫᐣ ᐊᐢᑭᕽ; ᑖᓂᓯ ᒫᑲ ᑫ ᑐᑕᒫᐣ ᑭᐢᐱᐣ ᓵᓴᐩ ᑳ ᓴᐢᑲᐃᑳᑌᑫᐧ? 50#ᒫᕒᐠ 10:38ᒫᑲ ᓂᐟ ᐊᔮᐣ ᐹᑊᑕᐃᓯᐃᐧᐃᐧᐣ ᑭᑕ ᐅᐦᒋ ᐹᑊᑕᐃᓯᐃᐧᐃᑲᐃᐧᔮᐣ; ᑖᓂᔨᑯᕽ ᐁᓯ ᐃᐦᑫᔨᑕᒫᐣ ᐃᔨᑯᕽ ᑭᑕ ᑎᐱᐸᔨᐠ! 51ᑭᐟ ᐃᑌᔨᑌᓈᐋᐧᐤ ᒋ ᐁ ᐯ ᐃᑐᐦᑌᔮᐣ ᑭᑕ ᒣᑭᔮᐣ ᐯᔭᑕᑫᔨᒧᐃᐧᐣ ᐊᐢᑭᕽ? ᑭ ᐃᐧᐦᑕᒫᑎᓈᐋᐧᐤ, ᓇᒪᐃᐧᔭ; ᒫᑲ ᔭᔭᐤ ᐸᐢᑫᐃᐧᔨᑐᐃᐧᐣ; 52ᒋᑫᒫ ᐊᓄᐦᐨ ᐅᐦᒋ ᓂᔮᓇᐣ ᑭᑕ ᐊᔮᐊᐧᐠ ᐋᐧᐢᑳᐦᐃᑲᓂᕽ ᐁ ᒫᔨᐃᐧᒉᑐᒋᐠ, ᓂᐢᑐ ᐁ ᒫᔨᐃᐧᒉᐋᐧᒋᐠ ᐊᓂᐦᐃ ᑯᑕᑲ ᓂᓱ, ᒥᓇ ᓂᓱ ᐁ ᒪᔨᐃᐧᒉᐊᐧᒋᐠ ᐊᓂᐦᐃ ᑯᑕᑲ ᓂᐢᑐ. 53#ᒪᐃᑲ 7:6ᑭᑕ ᒫᔨᐃᐧᒉᑐᐊᐧᐠ ᐅᑖᐃᐧᒫᐤ ᐅᑯᓯᓴ ᒥᓇ ᐅᑯᓯᓯᒫᐤ ᐅᑖᐃᐧᔭ; ᐅᑳᐃᐧᒫᐤ ᐅᑖᓂᓴ, ᒥᓇ ᐅᑖᓂᓯᒫᐤ ᐅᑳᐊᐃᐧᔭ; ᐅᓯᑯᓯᒫᐤ ᐅᐢᑎᒪ, ᒥᓇ ᐅᐢᑎᒥᒫᐤ ᐅᓯᑯᓴ.

54ᐁᑯᓯ ᒥᓇ ᑭ ᐃᑌᐤ ᐊᔨᓯᔨᓂᐊᐧ, ᐃᐢᐱ ᐃᐧᔮᐸᐦᑕᒣᑯ ᐊᐧᐢᑯ ᐁ ᐸᐦᑭᓯᒧᐠ ᐃᑌᑫ ᐁ ᐯ ᐅᐦᒋᐸᔨᐠ, ᓭᒫᐠ ᑭᐟ ᐃᑖᐧᓈᐋᐧᐤ, ᐯ ᑭᒥᐊᐧᐣ; ᐁᑯᓯ ᑖᐯᐧ ᐃᐦᑭᐣ. 55ᒥᓇ ᐁ ᓵᐊᐧᓂᔪᑎᕽ, ᑭᐟ ᐃᑖᐧᓈᐋᐧᐤ, ᑭᑕ ᑭᓯᑌᐤ; ᐁᑯᓯ ᑖᐯᐧ ᐃᐢᐸᔨᐤ. 56ᑭᔭᐋᐧᐤ ᐅᑎᑖᐧᓱᐊᐧᐠ, ᑭ ᑭᐢᑫᔨᑌᓈᐋᐧᐤ ᑭᑕ ᓂᓯᑕᐃᐧᓇᒣᐠ ᑭᓯᐠ ᒥᓇ ᐊᐢᑭ: ᑖᓀᑭ ᒫᑲ ᐁᑳ ᑳ ᑭᐢᑫᔨᑕᒣᐠ ᑭᑕ ᓂᓯᑕᐃᐧᓇᒣᐠ ᐊᓄᐦᐨ ᐅᒪ ᑳ ᐃᑭᕽ. 57ᑖᓀᑭ ᒥᓇ ᐊᐦᐳ ᑭᔭᐋᐧᐤ ᑫᐦᒋᐋᐧᐠ ᐅᐦᒋ ᐁᑳ ᑳ ᓂᓯᑕᐃᐧᓇᒣᐠ ᐊᓂᒪ ᑳ ᑲᐧᔭᐢᑲᐧᕽ?

58ᐃᐢᐱ ᐃᐧᒉᐊᒋ ᐊᓇ ᑳ ᐃᑐᑕᐃᐢᐠ ᐅᔭᓱᐁᐧᐃᐧᔨᓂᐤ ᐃᑕ ᐁ ᐊᔮᐟ, ᒣᑳᐧᐨ ᐁ ᐊᑎ ᐃᑐᑌᔦᐠ ᐋᑲᒣᔨᒧ ᑭᑕ ᐸᐢᐱᔭᐣ; ᐁᑳ ᑭᑕ ᐃᑐᑕᐃᐠ ᑭᐦᒋ ᐅᔭᓱᐁᐧᐃᐧᔨᓂᕽ, ᐁᑯᓯ ᒫᑲ ᑭᐦᒋ ᐅᔭᓱᐁᐧᐃᐧᔨᓂᐤ ᑭᑕ ᐸᑭᑎᓂᐢᐠ ᓯᒫᑲᓂᓯᕽ, ᐁᑯᓯ ᓯᒫᑲᓂᐢ ᑭᐸᐦᐅᑐᐃᐧᑲᒥᑯᕽ ᑭᑕ ᐃᓯ ᐁᐧᐱᓂᐢ. 59ᑭ ᐃᐧᐦᑕᒫᑎᐣ, ᓇᒪᐃᐧᔭ ᐁᑯᑕ ᑭ ᑲ ᐅᐦᒋ ᐊᐧᔭᐃᐧᐣ, ᐸᑎᒫ ᒥᑐᓂ ᐃᐢᑳᐧᔮᐨ ᐱᐋᐱᐢᑯᐢ ᑭᓯᑎᐸᐃᑫᔭᓂ.

Currently Selected:

ᓭᐣᐟ ᓬᐅᐠ 12: KKMs

Highlight

Copy