ᓭᐣᐟ ᓬᐅᐠ 15
15
1 #
ᓬᐅᐠ 5:29,30 ᐁᑯᐢᐱ ᒫᑲ ᑲᐦᑭᔭᐤ ᐸᑊᓬᐃᑲᓇ ᒥᓇ ᐅᒪᒐᑎᓴ ᑭ ᐯ ᓈᑎᐠ ᑭᑕ ᓇᑐᑖᑯᐟ. 2ᐁᑯᓯ ᐸᕒᐊᓯᐊᐧᐠ ᐊᓯᒋ ᒪᓯᓇᐦᐃᑫᐃᐧᔨᓂᐊᐧᐠ ᑭ ᐅᑌᐧᐁᐧᑖᐊᐧᐠ, ᐁ ᐃᑌᐧᒋᐠ, ᐊᐊᐧ ᐊᔨᓯᔨᓂᐤ ᒥᔪ ᑲᓇᐋᐧᐸᒣᐤ ᐅᒪᒑᑎᓴ ᒥᓇ ᐃᐧᒋᒥᒋᓱᒣᐤ.
3ᑭ ᑕᓯᑕᒪᐁᐧᐤ ᒫᑲ ᐅᒪ ᐊᐁᐧᒋᑲᐣ, ᐁ ᐃᑖᐟ, 4ᑖᓈᓇ ᐊᔨᓯᔨᓂᐤ ᑭᔭᐋᐧᐤ, ᐊᔮᐋᐧᐟ ᒥᑖᑕᐦᑐᒥᑕᓇᐤ ᒫᔭᑎᐦᑲᐧ, ᐁᑯᓯ ᐊᐧᓂᐋᐟ ᐯᔭᐠ, ᓇᒪ ᒋ ᑭᑕ ᓇᑲᑌᐤ ᐊᓂᐦᐃ ᑫᑲᐟ ᒥᑖᑕᐦᑐᒥᑕᓇᐤ ᐱᑲᐧᑕᐢᑭᕽ, ᐁᑯᓯ ᑭᑕ ᓇᑕᐃᐧ ᓇᑐᓇᐋᐟ. ᐊᓂᐦᐃ ᑳ ᐊᐧᓂᓯᓂᔨᐟ, ᐃᔨᑯᕽ ᑭᑕ ᒥᐢᑲᐋᐧᐟ. 5ᐃᐢᐱ ᒫᑲ ᒥᐢᑲᐋᐧᒋ, ᑭᑕ ᓇᔦᐤ, ᐁ ᒥᔦᐧᔨᑕᕽ. 6ᐁᑯᓯ ᐃᐢᐱ ᑕᑯᓯᑭ, ᑭᑕ ᓇᑐᒣᐤ ᐅᑐᑌᒪ, ᒥᓇ ᐅ ᐃᐧᑕᐱᒫᑲᓇ, ᐁ ᐃᑕᐟ, ᐃᐧᒋ ᒥᔭᐋᐧᑕᒧᒥᐠ ᐃᐧᔭ ᐁ ᑭ ᒥᐢᑲᐊᐧᐠ ᓂ ᒫᔭᑎᐦᑯᒼ ᑳ ᑭ ᐊᐧᓂᓯᕽ. 7ᑭᐟ ᐃᑎᓈᐋᐧᐤ, ᐁᑯᓯ ᒣᐧᐦᒋ ᒥᔭᐋᐧᑕᒧᐃᐧᐣ ᑫ ᐃᓯ ᐊᔮᐠ ᑭᐦᒋ ᑭᓯᑯᕽ ᐯᔭᐠ ᐅᒪᒐᑎᐢ ᐅᐦᒋ ᑳ ᑫᐧᐢᑳᑎᓯᐟ, ᐃᐢᐱᐨ ᑫᑳᐟ ᒥᑖᑕᐦᑐᒥᑕᓇᐤ ᒥᓇ ᑫᑲᐟ ᒥᑖᑕᐟ, ᐅᑲᐧᔭᐢᑭᑖᑎᓯᐊᐧᐠ ᐁᑳ ᑳ ᓇᑕᐁᐧᔨᑖᑲᐧᓂᔨᐠ ᑭᑕ ᑫᐧᐢᑳᑎᓯᒋᐠ.
8ᐊᐦᐳ ᑖᓈᓇ ᐃᐢᑫᐧᐤ ᐊᔮᐋᐧᐟ ᒥᑖᑕᐟ ᐊᐧᐱᐢᑭ ᓱᓂᔮᐊᐧ, ᑭᐢᐱᐣ ᐊᐧᓂᐊᐟ ᐯᔭᐠ, ᐁᑳ ᑫ ᓴᐢᑲᐋᕽ ᐋᐧᓴᐢᑯᑌᓂᑲᐣ, ᒥᓇ ᐁᑳ ᑫ ᐁᐧᐸᐃᑫᐟ, ᐁᑯᓯ ᑭᑕ ᐊᑲᒣᔨᒧᐟ ᑭᑕ ᓇᑐᓂᑫᐟ ᐃᔨᑯᕽ ᑭᑕ ᒥᐢᑲᐋᐧᐟ. 9ᐃᐢᐱ ᒫᑲ ᑭ ᒥᐢᑲᐋᐧᒋ ᑭᑕ ᒫᒪᐃᐧ ᓇᑐᒣᐤ ᐅᑐᑌᒪ ᒥᓇ ᐅ ᐃᐧᑕᐱᒫᑲᓇ, ᐁ ᐃᑌᐧᐟ, ᐃᐧᒋ ᒥᔭᐋᐧᑕᒧᒥᐠ, ᒋᑫᒫ ᓂ ᑭ ᒥᐢᑲᐋᐧᐤ ᓱᓂᔮᐤ ᑳ ᑭ ᐊᐧᓂᐊᐠ. 10ᐁᑯᓯ ᒣᐧᐦᒋ ᑭᐟ ᐃᑎᓈᐋᐧᐤ, ᐁ ᐊᔭᐠ ᒥᔭᐋᐧᑕᒧᐃᐧᐣ ᐃᑕ ᐁ ᐊᔮᔨᐟ ᐅᑭᓯᑯᒪ ᑭᓭᒪᓂᑐ, ᐯᔭᐠ ᐅᒪᒐᑎᐢ ᐁ ᑫᐧᐢᑭᐱᒫᑎᓯᐟ.
11ᒥᓇ ᒫᑲ ᑭ ᐃᑌᐧᐤ, ᐯᔭᐠ ᓈᐯᐤ ᑭ ᓂᓯᔨᐊᐧ ᐅᑯᓯᓴ: 12ᐁᑯᓯ ᐁᐧᓯᒥᒫᐃᐧᔨᐟ ᑭ ᐃᑌᐤ ᐅᑖᐃᐧᔭ, ᓄᑕ, ᑭᓴᐨ ᒥᔨᐣ ᑕᐦᑐ ᑫᑲᐧᐩ ᐃᔨᑯᕽ ᐋᐧ ᒥᔨᐊᐧᓀ ᒉᐢᑲᐧ. ᐁᑯᓯ ᑭ ᓂᓱᑐᐁᐧᐤ ᑕᐦᑐ ᑫᑲᐧᐩ ᑳ ᐱᒫᒋᐋᐧᑫᐟ. 13ᐁᑯᓯ ᓇᒪᐃᐧᔭ ᒥᐦᒉᐟ ᑭᓯᑳᐊᐧ ᒣᐧᐢᑕᐢ ᐃᔨᑯᕽ, ᐅᓯᒥᒪᐤ ᑭ ᒫᐊᐧᓴᑯᓇᒼ ᑲᐦᑭᔭᐤ ᑫᑲᐧᐩ ᑳ ᐊᔮᐟ ᐋᐧᔭᐤ ᐁ ᑭ ᐃᓯ ᓯᐯᐧᑌᐟ; ᐁᑯᓯ ᐁᑯᑕ ᐁ ᑭ ᒣᐢᑎᓇᕽ ᑲᐦᑭᔭᐤ ᑫᑲᐧᐩ ᑳ ᑭᑭᐟ ᑭᐢᑫᐧᔮᑎᓯᐃᐧᓂᕽ. 14ᐃᐢᐱ ᒫᑲ ᑳ ᒣᐢᑎᓇᕽ ᑲᐦᑭᔭᐤ, ᐁᑯᑕ ᐊᐢᑭᕽ ᒥᐢᑕᐦᐃ ᑭ ᓄᑌᑲᑖᓂᐊᐧᐣ; ᐁᑯᓯ ᑭ ᒫᒋ ᑭᐧᑕᒫᐤ 15ᑭ ᓇᑕᐃᐧ ᐃᐧᒋ ᐊᔮᒣᐤ ᒫᑲ ᐯᔭᐠ ᐊᔨᓯᔨᓂᐊᐧ ᐁᑯᑕ ᐁ ᐅᑕᐢᑭᔨᐟ; ᐁᑯᓯ ᐅ ᑭᐢᑎᑳᓂᔨᕽ ᑭ ᐃᓯᑎᓴᐦᐅᐠ ᑯᐦᑯᓴ ᑭᑕ ᐊᓴᒫᐟ. 16ᑭ ᒧᐢᑕᐃᐧᓇᒼ ᒫᑲ ᑭᑕ ᑭᐢᐳᑐᑕᕽ ᓯᑲᐁᐧᐸᔨᒋᑲᓇ ᑯᐦᑯᓴ ᑳ ᒥᒋᔨᐟ, ᒫᑲ ᓇᒪᐃᐧᔭ ᐊᐃᐧᔭ ᑭ ᒥᔨᐠ. 17ᐃᐢᐱ ᒫᑲ ᒥᑐᓂ ᐁ ᐸᔭᑳᐧᓯ ᒫᒥᑐᓀᔨᑕᕽ, ᑭ ᐃᑌᐧᐤ, ᑕᓂᑕᐦᑐ ᐊᑐᐢᑫᔮᑲᓇ ᓄᑖᐃᐧ ᐁᔮᐋᐧᐟ ᐁ ᒪᓯᓇᐦᐃᑫᐋᐟ, ᐁ ᐊᔮᒋᐠ ᐁᑯᔨᑯᕽ ᑭᑕ ᒥᒋᒋᐠ ᒥᓇ ᐁ ᐊᔨᐋᐧᑭᐸᔨᐃᑯᒋᐠ, ᐁᑯᓯ ᓂᔭ ᐁ ᐃᐧ ᓂᐱᔮᐣ ᐁ ᓄᑌᑲᑌᔮᐣ. 18ᓂ ᑲ ᐸᓯᑯᐣ ᐁᑯᓯ ᓂ ᑲ ᓈᑕᐤ ᓄᑖᐃᐧ, ᒥᓇ ᓂ ᑲ ᐃᑕᐤ, ᓄᑕ, ᓂ ᑭ ᒪᒋ ᑐᑌᐣ ᑭᐦᒋ ᑭᓯᑯᕽ ᐃᓯ, ᒥᓇ ᑭᔭ ᐁ ᐃᑖᐱᓯᓂᔭᐣ, 19ᐁᑯᓯ ᒫᑲ ᓇᒪᐃᐧᔭ ᓂ ᑌᐸᑫᔨᑖᑯᓯᐣ ᑭᑯᓯᐢ ᑭᑕ ᐃᑎᑲᐃᐧᔮᐣ; ᐃᓯᐦᐃᐣ ᑖᐱᐢᑯᐨ ᐯᔭᐠ ᑭᐟ ᐊᑐᐢᑫᔮᑲᓇᕽ ᑳ ᒪᓯᓇᐦᐃᑫᐊᒋᐠ. 20ᐁᑯᓯ ᑭ ᐸᓯᑯ, ᒥᓇ ᐁ ᑭ ᓈᑕᐟ ᐅᑖᐃᐧᔭ. ᒫᑲ ᑫᔮᐱᐨ ᐋᐧᔭᐤ ᐁ ᐊᔮᐟ, ᐅᑖᐃᐧᔭ ᑭ ᐋᐧᐸᒥᐠ, ᐁ ᑭ ᑭᑎᒪᑭᓈᑯᐟ ᒫᑲ, ᐁ ᑭ ᐃᐢᐸᑖᔨᐟ ᒥᓇ, ᐁ ᑭ ᐊᔭᑲᐧᐢᑭᑎᑫᐧᓂᑯᐟ, ᐁ ᐅᒉᒥᑯᐟ. 21ᐁᑯᓯ ᐅᑯᓯᓴ ᑭ ᐃᑎᐠ, ᓄᑕ, ᓂ ᑭ ᒪᒋᑐᑌᐣ ᑭᐦᒋ ᑭᓯᑯᕽ ᐃᓯ ᒥᓇ ᑭᔭ ᐁ ᐃᑖᐱᓯᓂᔭᐣ; ᐁᑯᓯ ᒫᑲ ᓇᒪᐃᐧᔭ ᓂ ᑌᐸᑫᔨᑖᑯᓯᐣ ᑭᑯᓯᐢ ᑭᑕ ᐃᑎᑲᐃᐧᔮᐣ. 22ᒫᑲ ᐅᑖᐃᐧᔭ ᑭ ᐃᑌᔨᐊᐧ ᐅᐟ ᐊᑐᐢᑫᔮᑲᓇ, ᐯᑕᐠ, ᑭᔨᐱ ᐁ ᒫᐊᐧᒋ ᒥᔮᐧᓯᐠ ᒥᐢᑯᑕᑲᐩ, ᒥᓇ ᐳᓯᐢᑲᒧᔨᕽ; ᒥᓇ ᐊᒐᓂᓴ ᑭᑲᒧᐃᒥᕽ ᐅᒋᐦᒋᕽ, ᒥᓇ ᒪᐢᑭᓯᓇ ᐅᓯᑎᕽ: 23ᐯᓯᕽ ᒫᑲ ᑳ ᐃᐧᔨᓄᐃᐦᐟ, ᒧᐢᑐᓱᐢ, ᒥᓇ ᓂᐸᐃᕽ, ᐁᑯᓯ ᒥᒋᓱᑖᐣ ᒥᓇ ᒥᔭᐋᐧᑕᑖᐣ: 24ᒋᑫᒫ ᐊᐊᐧ ᓂᑯᓯᐢ ᑭ ᓂᐱᐤ, ᒫᑲ ᐁᑲᐧ ᐱᒫᑎᓯᐤ; ᑭ ᐊᐧᓂᓯᐣ, ᐁᑲᐧ ᒫᑲ ᒥᐢᑲᐋᐧᐤ. ᐁᑯᓯ ᒫᑲ ᑮ ᒫᒋ ᒥᔭᐋᐧᑕᒪᐧᐠ.
25ᐅᑯᓯᓴ ᒫᑲ ᐅᐢᑌᓯᒫᐊᐧ ᑭᐢᑎᑳᓂᕽ ᑭ ᐊᔮᔨᐊᐧ; ᐃᐢᐱ ᒫᑲ ᑭᓯᐊᐧᐠ ᐁ ᐯ ᐅᑎᑕᕽ ᐋᐧᐢᑳᐦᐃᑲᐣ, ᑭ ᐯᑕᒼ ᐁ ᑭᑐᒋᑫᐃᐧᐦᐟ ᒥᓇ ᐁ ᓂᒥᐃᑐᐃᐦᐟ. 26ᑭ ᓇᑐᒣᐤ ᒫᑲ ᐯᔭᐠ ᐊᓂᐦᐃ ᐊᑐᐢᑫᔮᑲᓇ, ᐁ ᑭ ᑲᑫᐧᒋᒫᐟ ᑖᓂᓯ ᐁ ᐃᑕᑲᒥᑲᓂᔨᐠ. 27ᐁᑯᓯ ᑭ ᐃᑎᐠ, ᑭᒋᐋᐧᒼ ᑕᑯᓯᐣ: ᐁᑯᓯ ᑯᑕᐃᐧ ᑭ ᓂᐸᐁᐤ ᑳ ᐃᐧᔨᓄᔨᐟ ᒧᐢᑐᓱᓴ, ᒋᑫᒫ ᐁ ᐊᔮᐋᐧᐟ ᒥᓇ ᐁ ᐱᒫᑎᓯᔨᐟ ᒥᓇ ᐁ ᒥᔪᐊᔮᔨᐟ. 28ᑭ ᑭᓯᐋᐧᓯᐤ ᒫᑲ, ᓇᒪᐃᐧᔭ ᐃᐧ ᐱᐦᑐᑫᐤ: ᐁᑯᓯ ᐅᑖᐃᐧᔭ ᑭ ᐯ ᐊᐧᔭᐃᐧᔨᐊᐧ, ᐁ ᑭ ᑳᑭᒋᐦᐃᑯᐟ. 29ᐃᐧᔭ ᒫᑲ ᐁ ᓇᐢᑫᐧᐊᐧᓯᒫᐟ ᑭ ᐃᑌᐤ ᐅᑖᐃᐧᔭ, ᒋᐢᐟ, ᐅᐦᐃ ᒥᐦᒉᐟ ᐊᐢᑭᐃᐧᓇ ᑭᐟ ᐊᑐᐢᑳᑎᐣ, ᐁᑯᓯ ᓇᒪᐃᐧᑳᐨ ᓄᐱᑯᓀᐣ ᐁ ᐃᑕᓱᐁᐧᔭᐣ, ᒫᑲ ᓇᒪᐃᐧᑳᐨ ᑭ ᑭ ᒥᔨᐣ ᒫᔭᑎᐦᑯᓯᐢ, ᑭᑕ ᐃᐧᒋ ᒥᔭᐋᐧᑕᒧᒪᑭᐠ ᓂᑐᑌᒪᐠ: 30ᒫᑲ ᐃᐢᐱ ᐊᐊᐧ ᑭᑯᓯᐢ ᑌᑯᓯᕽ ᑳ ᑭ ᓂᓯᐊᐧᓈᒋᑖᐟ ᑳ ᐱᒫᒋᐋᐧᑫᔭᐣ ᐁ ᐃᐧᒉᐋᐧᐟ ᐱᓯᑳᐧᑎᐢᑫᐧᐊᐧ, ᑭ ᑭ ᓂᐸᑕᒪᐋᐧᐤ ᑳ ᐃᐧᔨᓄᔨᐟ ᒧᐢᑐᓱᓴ. 31ᐁᑯᓯ ᑭ ᐃᑎᐠ, ᓂᑯᓯᐢ, ᑕᐦᑭ ᑭ ᐃᐧᒉᐃᐧᐣ, ᒥᓇ ᑲᐦᑭᔭᐤ ᑳ ᐊᔭᔮᐣ ᑭ ᑎᐯᔨᑌᐣ, 32ᑭ ᒥᔪᓇᑲᐧᐣ ᑭᑕ ᒥᔭᐋᐧᑕᒪᕽ ᒥᓇ ᑭᑕ ᒥᐁᐧᔨᑕᒪᕽ; ᒋᑫᒫ ᐊᐊᐧ ᑭᒋᐋᐧᒼ ᑭ ᓂᐱᐤ, ᐁᑲᐧ ᒫᑲ ᐱᒫᑎᓯᐤ, ᑭ ᐊᐧᓂᐋᐤ, ᐁᑲᐧ ᒫᑲ ᒥᐢᑲᐋᐧᐤ.
Currently Selected:
ᓭᐣᐟ ᓬᐅᐠ 15: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
