Чапарзабазул ишал 13
13
13 бетӏер
Барнабаги Шаулги сапаралъ рахъуна
1Антиохиялда бугеб иман лъуразул агьлуялда гьоркьор рукӏана кашпу-карамалъи бугел гӏадамал ва насихӏатчагӏи: Барнаба, Нигер абун тӏокӏцӏар бугев Симеон, Киренаялдаса Лукий, Гьерод ханасда цадахъ гӏурав Манаэн ва Шаул. 2Тӏадегӏанасе тӏагӏаталъе данделъун ругеб мехалъ, Илагьияб Рухӏалъ гьезда абуна: «Барнабаги Шаулги дица цо ишалъе ахӏулел руго. Нужеца гьел дихъе кьезе ккела», – ян. 3Кӏалги биччан, дугӏаги гьабун, доз Барнабадаги Шаулидаги тӏад квер лъуна ва нахъе ритӏана.
Барнабаги Шаулги Кипр чӏинкӏиллъиялда
4Илагьияб Рухӏалъ ритӏун гьел Селевкиялде щвана ва гьенисан, гамидаги рекӏун, Кипралде ана. 5Саламиналде щведал, гьениб жугьутӏазул синагогабазда Аллагьасул рагӏи тӏибитӏизабизе лъугьана гьел. Гьезие кумекалъе цадахъ Иоаннги вукӏана.
6Кипр чӏинкӏиллъи къотӏун ун Пафосалде щвана. Гьенив ватана Бариешуагӏ абулев цо жугьутӏав. Гьев вукӏана сихӏручи ва гьересиавараг. 7Сергий Павел абулев цӏодорав-гӏакъилав цо наибасул цевесев чиги вугоан гьев. Аллагьасул рагӏиялъухъ гӏенеккизе бокьун бугилан Сергий Павелица Барнабаги Шаулги жиндихъего ахӏана. 8Амма Сахӏир-Элимаца (греказ гьедин абулаан Бариешуагӏида) хӏаракат бахъулеб букӏана гьев наибас иман лъезе биччаларилан. 9Илагьияб Рухӏалъ цӏурав Шаулица (гьесул цогидаб цӏар Павел букӏана) гьебмехалъ гьесда бадибе абуна:
10– Ле, хӏилла-рекӏкӏалъулги ва квешабщиналъулги вугӏун цӏурав илбисалъул вас, ритӏухъабщиналъул тушман! Бетӏергьанасул битӏараб нух гьетӏа-кӏичӏизабичӏого чӏезе кӏоларищ дуда? 11Гьале Бетӏергьанас дуде квер гьесулеб буго. Гьабсагӏат мун бецлъила, дагьабго заманаялъ бакъул канлъиялдаса махӏрумлъила!
Гьеб параялда дуниял бецӏлъана гьесие, тӏуванго бецлъана гьев. Квер ккун живго вачине чи валагьизе лъугьана. 12Гьеб кинабго бихьарав наибасул рекӏелъе иман тӏинкӏана. Гьев хӏикмалъизавуна Тӏадегӏанав Гӏисал хӏакъалъулъ хабаралъ.
Павелица Рохалил хабар бицуна Писидиялъул Антиохиялдаги
13Павелги гьесда цадахъ рукӏаралги Пафосалдаса гамида рекӏун ун, Памфилиялъул Перга абулеб шагьаралде щвана. Гьездаса ватӏалъун Иерусалималде тӏадвуссана Иоанн.
14Пергаялдаса рахъун ун гьел Писидиялъул Антиохиялде щвана, шамат къоялъ синагогаялъуре лъугьун, гьенир гӏодор чӏана. 15Мусал Тавраталдасаги Аварагзабазул Тӏухьдуздасаги калимаби цӏалун рахъараб мехалъ, гьеб синагогаялъул бутӏруз гьезухъе ритӏарал чагӏаз гьезда абуна:
– Я, вацал, гьаб халкъалъе вагӏза-насихӏат гьабизе бокьун батани, ниж нужехъ гӏенеккила, – ян.
16Тӏаде вахъун, кверги борхун, Павелица гьадин абуна:
– Я, вацал жугьутӏал ва цогидалги Аллагьасукьа хӏинкъулел гӏадамал, гӏенекке нуж дихъ! 17Гьаб Исраилил халкъалъул Аллагьас нилъер умумул тӏаса рищана, апарагзабилъун Мисриялда рукӏараб заманаялда Гьес нилъер халкъ кӏодо гьабуна ва жиндирго кӏудияб къудраталдалъун доб чияр ракьалдаса къватӏире рачана. 18Кӏикъого соналъ гӏицӏаб авлахъалда рукӏараб мехалъ, чанцӏулго къосаниги, Аллагьас гьел рехун течӏо. 19-20Кангӏаналъул ракьалда анкьго халкъги паналъизабун, гьеб ракь Исраилил халкъалъе ункънусиялда кӏикъоялда анцӏго сонгӏанасеб заманаялъ ирсалъе кьуна Аллагьас. Цинги Шамуил авараг витӏизегӏан Аллагьас гьезие къадизаби кьуна. 21Хадуб гьез парччахӏ кьейилан гьаридал, Аллагьас гьезухъе витӏана Буняминил наслуялъул Кишил вас Шаул. Кӏикъого соналъ гьес парччахӏлъи гьабуна гьезие. 22Цинги, гьевги тӏаса рехун, Давуд авараг гьезие парччахӏлъун гьавуна. Гьесул хӏакъалъулъин Аллагьас гьадин абураб: «Дица Йессейил вас Давуд тӏаса вищана. Гьев Дие рекӏее гӏуна. Дие бокьарабщинаб гьабизе буго гьес».
23Давудил наслуялдаса витӏилин абун рагӏи кьун букӏарав Гӏисаги витӏун вачӏана Гьес Исраилил халкъ хвасар гьабизе. 24Гьев Гӏиса вачӏиналде Яхӏя аварагас тӏолабго Исраилил халкъалда лъазабуна кантӏун Аллагьасде руссине лъадалъ ччун рахъаян. 25Жиндирго гьеб нухлул ахиралде щолев вугеб мехалъ, Яхӏяца абуна: «Нужеца дун щивлъун рикӏкӏунев вугев? Дун Дов гуро. Дидаса хадув вачӏине вуго жиндир хьитил рухьен бичизецин дун мустахӏикъав гьечӏев чи».
26Я, дир вацал – Ибрагьимил наслуялъул лъимал ва цогидалги Аллагьасукьа хӏинкъулел гӏадамал! Нилъеейин Аллагьас битӏараб нилъ хвасар гьарулеб гьеб рагӏи. 27Амма Иерусалималъул гӏадамазда ва гьезул хӏакимзабазда гьев лъачӏелъул ва щибаб шамат къоялъ цӏалулел Аварагзабазул Тӏухьдузда хъван букӏарабги бичӏчӏичӏелъул, гьез гьесие тамихӏ гьабуна ва цебеккунго дол Илагьиял Тӏухьдузда хъван букӏарабги ритӏухълъана. 28Чӏвазе гӏураб гӏайиб-хатӏа тӏадчӏезабизе кӏвечӏониги, гьез Пилатида гьарана Гӏиса чӏвазе къотӏеян. 29Гӏисал хӏакъалъулъ Илагьиял Тӏухьдузда цебеккунго хъван букӏарабщинаб гьел гӏадамаз гьабун хадуб, гъотӏодасаги вахъун, хабалъ вукъана гьев.
30Амма Аллагьас гьев хваралъуса вахъинавуна. 31Гьелдаса хадув гӏезегӏан къояз вачӏана гьев Галилеялдаса Иерусалималде щвезегӏан жиндаго цадахъ рукӏарал дол гӏадамазухъе. Гьанже гьел гӏадамал руго халкъалда цере гьесул нугӏзаллъун. 32Нижецайин абуни нужеда Рохалил хабар бицунеб буго, Аллагьас нилъер умумузе гьабун букӏараб къотӏи гьес нилъее – 33гьезул лъималазе – тӏубазабун, Гӏиса хваралъуса вахъинавунилан.
Гьадин хъван буго Забуралъул кӏиабилеб туркиялда: «Мун Дир вас вуго. Жакъа Дун дур Эменлъун лъугьана». 34Ракьулъ турун тӏагӏунгутӏизе Гӏиса жинца хваралъуса вахъинавиялъул хӏакъалъулъ Аллагьас гьадин абун букӏана: «Аллагьас Давудида лъураб баркат – лъиданиги кодоса бахъизе кӏолареб Илагьияб баркат – лъела Дица дуда». 35Гьелъулго хӏакъалъулъ цоги туркиялда руго Давудица абурал гьадинал рагӏаби: «Дурго ракӏбацӏцӏадав лагъ ракьул гвандинив туризавиларо Дуца».
36Жиндирго халкъалда гьоркьоб Аллагьасул амруги тӏубазабун, Давуд къадаралде щвана, жиндирго умумузда хадув ана ва гьесул черхги ракьулъ турана. 37Амма Аллагьас хваралъуса вахъинавурасул черх ракьулъ туричӏо. 38-39Гьединлъидал, дир вацал, нужеда лъан букӏа Гӏиса сабаблъун нужер мунагьал чуранилан лъазабулеблъи. Мусал къануналда рекъон Аллагьасда цере ритӏухълъизе кӏвечӏебщиналъулъ Гӏисадалъун ритӏухълъила гьесде иман лъуравщинав чи.
40Гьединлъидал, воре, нуж цӏодорго рукӏа, аварагзабазул гьадинаб калимаялда бугеб иш лъугьине гурин нужеего: 41«Ле, иман инжит гьабун гаргадулел гӏадамал, нуж ралагье, хӏикмалъе ва паналъе, нужер заманаялда Дица гьабизе бугелъулха бицунилан кинго нуж божизе гьечӏеб иш».
42Барнабаги Павелги синагогаялъуса къватӏире рахъунаго, гӏадамаз гьезда гьарана хадусеб шамат къоялъги жидее гьединаб вагӏза гьабизе рачӏаян. 43Гьеб данделъи биххун хадур гӏемерисел жугьутӏал ва Аллагьасе гӏибадат гьабулел цогидал халкъазул гӏадамал Павелидаги Барнабадаги хадур ана. Гьев кӏиясгойин абуни гьезда малъулеб букӏана Аллагьас гьезие кьураб баркатгун рукӏайилан.
44Нахъисеб шамат къоялъ тӏолабгоялде гӏунтӏун шагьаралъул халкъ бачӏана Аллагьасул рагӏухъ гӏенеккизе. 45Халкъалъул гьел руккелал рихьидал, жугьутӏазул жахӏда ккана: Павелил хабар гьереси гьабун, гьев какун гаргадизе лъугьана. 46Амма Павелицаги Барнабацаги хӏинкъичӏого абуна гьезда:
– Нужедайин бищунго цебе лъазабизе кколеб букӏараб Аллагьасул рагӏи. Амма нужеца гьеб нахъе тункулеб бугелъул ва абадияб гӏумру насиблъизе мустахӏикъал гьечӏеллъун нужецаго нужго рикӏкӏунелги ругелъул, гьале ниж цогидал халкъазде руссун руго! 47Гьадинаб калимаялдалъун Бетӏергьанасги амру гьабулеб бугелъул нижее: «Киналго халкъазе чирахълъун гьавуна Дица Мун, дуниялалъул рагӏалдеги дуца хвасарлъи щвезабизе».
48Гьеб рагӏидал, цогидал халкъазул гӏадамал цӏакъ рохана, Аллагьасул рагӏуе рецц гьабизе лъугьана. Абадияб гӏумру насиблъизе тӏаса рищун рукӏаралщиназ иман лъуна.
49Гьеб рахъалдаги тӏибитӏана Аллагьасул рагӏи.
50Амма Аллагьасе гӏибадат гьабулел ва къадру-къимат бугел руччабиги шагьаралъул хӏакимзабиги Павелидаги Барнабадаги данде гьусун тӏамуна жугьутӏаз. Гьез гьев кӏиявго шагьаралдаса къватӏиве гъуна. 51Жидерго хӏатӏазда букӏараб хӏурги гьел гӏадамазде кӏутӏун, Павелги Барнабаги Икониялде ана.
52Киналго муридалин абуни, Илагьияб Рухӏалъул цӏун, роха-хинлъун рукӏунаан.
Currently Selected:
Чапарзабазул ишал 13: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Чапарзабазул ишал 13
13
13 бетӏер
Барнабаги Шаулги сапаралъ рахъуна
1Антиохиялда бугеб иман лъуразул агьлуялда гьоркьор рукӏана кашпу-карамалъи бугел гӏадамал ва насихӏатчагӏи: Барнаба, Нигер абун тӏокӏцӏар бугев Симеон, Киренаялдаса Лукий, Гьерод ханасда цадахъ гӏурав Манаэн ва Шаул. 2Тӏадегӏанасе тӏагӏаталъе данделъун ругеб мехалъ, Илагьияб Рухӏалъ гьезда абуна: «Барнабаги Шаулги дица цо ишалъе ахӏулел руго. Нужеца гьел дихъе кьезе ккела», – ян. 3Кӏалги биччан, дугӏаги гьабун, доз Барнабадаги Шаулидаги тӏад квер лъуна ва нахъе ритӏана.
Барнабаги Шаулги Кипр чӏинкӏиллъиялда
4Илагьияб Рухӏалъ ритӏун гьел Селевкиялде щвана ва гьенисан, гамидаги рекӏун, Кипралде ана. 5Саламиналде щведал, гьениб жугьутӏазул синагогабазда Аллагьасул рагӏи тӏибитӏизабизе лъугьана гьел. Гьезие кумекалъе цадахъ Иоаннги вукӏана.
6Кипр чӏинкӏиллъи къотӏун ун Пафосалде щвана. Гьенив ватана Бариешуагӏ абулев цо жугьутӏав. Гьев вукӏана сихӏручи ва гьересиавараг. 7Сергий Павел абулев цӏодорав-гӏакъилав цо наибасул цевесев чиги вугоан гьев. Аллагьасул рагӏиялъухъ гӏенеккизе бокьун бугилан Сергий Павелица Барнабаги Шаулги жиндихъего ахӏана. 8Амма Сахӏир-Элимаца (греказ гьедин абулаан Бариешуагӏида) хӏаракат бахъулеб букӏана гьев наибас иман лъезе биччаларилан. 9Илагьияб Рухӏалъ цӏурав Шаулица (гьесул цогидаб цӏар Павел букӏана) гьебмехалъ гьесда бадибе абуна:
10– Ле, хӏилла-рекӏкӏалъулги ва квешабщиналъулги вугӏун цӏурав илбисалъул вас, ритӏухъабщиналъул тушман! Бетӏергьанасул битӏараб нух гьетӏа-кӏичӏизабичӏого чӏезе кӏоларищ дуда? 11Гьале Бетӏергьанас дуде квер гьесулеб буго. Гьабсагӏат мун бецлъила, дагьабго заманаялъ бакъул канлъиялдаса махӏрумлъила!
Гьеб параялда дуниял бецӏлъана гьесие, тӏуванго бецлъана гьев. Квер ккун живго вачине чи валагьизе лъугьана. 12Гьеб кинабго бихьарав наибасул рекӏелъе иман тӏинкӏана. Гьев хӏикмалъизавуна Тӏадегӏанав Гӏисал хӏакъалъулъ хабаралъ.
Павелица Рохалил хабар бицуна Писидиялъул Антиохиялдаги
13Павелги гьесда цадахъ рукӏаралги Пафосалдаса гамида рекӏун ун, Памфилиялъул Перга абулеб шагьаралде щвана. Гьездаса ватӏалъун Иерусалималде тӏадвуссана Иоанн.
14Пергаялдаса рахъун ун гьел Писидиялъул Антиохиялде щвана, шамат къоялъ синагогаялъуре лъугьун, гьенир гӏодор чӏана. 15Мусал Тавраталдасаги Аварагзабазул Тӏухьдуздасаги калимаби цӏалун рахъараб мехалъ, гьеб синагогаялъул бутӏруз гьезухъе ритӏарал чагӏаз гьезда абуна:
– Я, вацал, гьаб халкъалъе вагӏза-насихӏат гьабизе бокьун батани, ниж нужехъ гӏенеккила, – ян.
16Тӏаде вахъун, кверги борхун, Павелица гьадин абуна:
– Я, вацал жугьутӏал ва цогидалги Аллагьасукьа хӏинкъулел гӏадамал, гӏенекке нуж дихъ! 17Гьаб Исраилил халкъалъул Аллагьас нилъер умумул тӏаса рищана, апарагзабилъун Мисриялда рукӏараб заманаялда Гьес нилъер халкъ кӏодо гьабуна ва жиндирго кӏудияб къудраталдалъун доб чияр ракьалдаса къватӏире рачана. 18Кӏикъого соналъ гӏицӏаб авлахъалда рукӏараб мехалъ, чанцӏулго къосаниги, Аллагьас гьел рехун течӏо. 19-20Кангӏаналъул ракьалда анкьго халкъги паналъизабун, гьеб ракь Исраилил халкъалъе ункънусиялда кӏикъоялда анцӏго сонгӏанасеб заманаялъ ирсалъе кьуна Аллагьас. Цинги Шамуил авараг витӏизегӏан Аллагьас гьезие къадизаби кьуна. 21Хадуб гьез парччахӏ кьейилан гьаридал, Аллагьас гьезухъе витӏана Буняминил наслуялъул Кишил вас Шаул. Кӏикъого соналъ гьес парччахӏлъи гьабуна гьезие. 22Цинги, гьевги тӏаса рехун, Давуд авараг гьезие парччахӏлъун гьавуна. Гьесул хӏакъалъулъин Аллагьас гьадин абураб: «Дица Йессейил вас Давуд тӏаса вищана. Гьев Дие рекӏее гӏуна. Дие бокьарабщинаб гьабизе буго гьес».
23Давудил наслуялдаса витӏилин абун рагӏи кьун букӏарав Гӏисаги витӏун вачӏана Гьес Исраилил халкъ хвасар гьабизе. 24Гьев Гӏиса вачӏиналде Яхӏя аварагас тӏолабго Исраилил халкъалда лъазабуна кантӏун Аллагьасде руссине лъадалъ ччун рахъаян. 25Жиндирго гьеб нухлул ахиралде щолев вугеб мехалъ, Яхӏяца абуна: «Нужеца дун щивлъун рикӏкӏунев вугев? Дун Дов гуро. Дидаса хадув вачӏине вуго жиндир хьитил рухьен бичизецин дун мустахӏикъав гьечӏев чи».
26Я, дир вацал – Ибрагьимил наслуялъул лъимал ва цогидалги Аллагьасукьа хӏинкъулел гӏадамал! Нилъеейин Аллагьас битӏараб нилъ хвасар гьарулеб гьеб рагӏи. 27Амма Иерусалималъул гӏадамазда ва гьезул хӏакимзабазда гьев лъачӏелъул ва щибаб шамат къоялъ цӏалулел Аварагзабазул Тӏухьдузда хъван букӏарабги бичӏчӏичӏелъул, гьез гьесие тамихӏ гьабуна ва цебеккунго дол Илагьиял Тӏухьдузда хъван букӏарабги ритӏухълъана. 28Чӏвазе гӏураб гӏайиб-хатӏа тӏадчӏезабизе кӏвечӏониги, гьез Пилатида гьарана Гӏиса чӏвазе къотӏеян. 29Гӏисал хӏакъалъулъ Илагьиял Тӏухьдузда цебеккунго хъван букӏарабщинаб гьел гӏадамаз гьабун хадуб, гъотӏодасаги вахъун, хабалъ вукъана гьев.
30Амма Аллагьас гьев хваралъуса вахъинавуна. 31Гьелдаса хадув гӏезегӏан къояз вачӏана гьев Галилеялдаса Иерусалималде щвезегӏан жиндаго цадахъ рукӏарал дол гӏадамазухъе. Гьанже гьел гӏадамал руго халкъалда цере гьесул нугӏзаллъун. 32Нижецайин абуни нужеда Рохалил хабар бицунеб буго, Аллагьас нилъер умумузе гьабун букӏараб къотӏи гьес нилъее – 33гьезул лъималазе – тӏубазабун, Гӏиса хваралъуса вахъинавунилан.
Гьадин хъван буго Забуралъул кӏиабилеб туркиялда: «Мун Дир вас вуго. Жакъа Дун дур Эменлъун лъугьана». 34Ракьулъ турун тӏагӏунгутӏизе Гӏиса жинца хваралъуса вахъинавиялъул хӏакъалъулъ Аллагьас гьадин абун букӏана: «Аллагьас Давудида лъураб баркат – лъиданиги кодоса бахъизе кӏолареб Илагьияб баркат – лъела Дица дуда». 35Гьелъулго хӏакъалъулъ цоги туркиялда руго Давудица абурал гьадинал рагӏаби: «Дурго ракӏбацӏцӏадав лагъ ракьул гвандинив туризавиларо Дуца».
36Жиндирго халкъалда гьоркьоб Аллагьасул амруги тӏубазабун, Давуд къадаралде щвана, жиндирго умумузда хадув ана ва гьесул черхги ракьулъ турана. 37Амма Аллагьас хваралъуса вахъинавурасул черх ракьулъ туричӏо. 38-39Гьединлъидал, дир вацал, нужеда лъан букӏа Гӏиса сабаблъун нужер мунагьал чуранилан лъазабулеблъи. Мусал къануналда рекъон Аллагьасда цере ритӏухълъизе кӏвечӏебщиналъулъ Гӏисадалъун ритӏухълъила гьесде иман лъуравщинав чи.
40Гьединлъидал, воре, нуж цӏодорго рукӏа, аварагзабазул гьадинаб калимаялда бугеб иш лъугьине гурин нужеего: 41«Ле, иман инжит гьабун гаргадулел гӏадамал, нуж ралагье, хӏикмалъе ва паналъе, нужер заманаялда Дица гьабизе бугелъулха бицунилан кинго нуж божизе гьечӏеб иш».
42Барнабаги Павелги синагогаялъуса къватӏире рахъунаго, гӏадамаз гьезда гьарана хадусеб шамат къоялъги жидее гьединаб вагӏза гьабизе рачӏаян. 43Гьеб данделъи биххун хадур гӏемерисел жугьутӏал ва Аллагьасе гӏибадат гьабулел цогидал халкъазул гӏадамал Павелидаги Барнабадаги хадур ана. Гьев кӏиясгойин абуни гьезда малъулеб букӏана Аллагьас гьезие кьураб баркатгун рукӏайилан.
44Нахъисеб шамат къоялъ тӏолабгоялде гӏунтӏун шагьаралъул халкъ бачӏана Аллагьасул рагӏухъ гӏенеккизе. 45Халкъалъул гьел руккелал рихьидал, жугьутӏазул жахӏда ккана: Павелил хабар гьереси гьабун, гьев какун гаргадизе лъугьана. 46Амма Павелицаги Барнабацаги хӏинкъичӏого абуна гьезда:
– Нужедайин бищунго цебе лъазабизе кколеб букӏараб Аллагьасул рагӏи. Амма нужеца гьеб нахъе тункулеб бугелъул ва абадияб гӏумру насиблъизе мустахӏикъал гьечӏеллъун нужецаго нужго рикӏкӏунелги ругелъул, гьале ниж цогидал халкъазде руссун руго! 47Гьадинаб калимаялдалъун Бетӏергьанасги амру гьабулеб бугелъул нижее: «Киналго халкъазе чирахълъун гьавуна Дица Мун, дуниялалъул рагӏалдеги дуца хвасарлъи щвезабизе».
48Гьеб рагӏидал, цогидал халкъазул гӏадамал цӏакъ рохана, Аллагьасул рагӏуе рецц гьабизе лъугьана. Абадияб гӏумру насиблъизе тӏаса рищун рукӏаралщиназ иман лъуна.
49Гьеб рахъалдаги тӏибитӏана Аллагьасул рагӏи.
50Амма Аллагьасе гӏибадат гьабулел ва къадру-къимат бугел руччабиги шагьаралъул хӏакимзабиги Павелидаги Барнабадаги данде гьусун тӏамуна жугьутӏаз. Гьез гьев кӏиявго шагьаралдаса къватӏиве гъуна. 51Жидерго хӏатӏазда букӏараб хӏурги гьел гӏадамазде кӏутӏун, Павелги Барнабаги Икониялде ана.
52Киналго муридалин абуни, Илагьияб Рухӏалъул цӏун, роха-хинлъун рукӏунаан.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008