Чапарзабазул ишал 20
20
20 бетӏер
Павел Македониялде ва Ахаялде уна
1Халкъалъул гьеб ахӏи-хӏур лъугӏараб мехалъ, жиндихъего ахӏун муридазе насихӏатги гьабун, къолъикӏги гьабун, Павел Македониялде ана. 2Гьел вилаятаздасан унаго, халкъалъе гӏемераб насихӏаталъул хабарги бицунаго, гьев Грециялде щвана. 3Гьениб лъабго моцӏги бан, гамида рекӏун, Сириялде ине къачӏараб мехалъ, Павелида лъана жугьутӏаз жиндие квешлъи гьабизехъин букӏин. Гьединлъидал гьес хӏукму гьабуна Македониялдасахун тӏадвуссун ине. 4Гьесда цадахъ ана Бероялдаса Пиррил вас Сопатр, Фессалоникаялдаса Аристарх ва Секунд, Дербиялдаса Гай, Тимофей ва Асиялдаса Тихикги Трофимги. 5Цере ун гьел ниж рачӏинегӏан Троадаялда чӏун ратана. 6Нижин абуни, Реччичӏел Панкъазул Байрамалъул къоял инегӏанги чӏун, гамида рекӏун Филиппиялдаса къватӏире рахъана, щуго къоялдасан гьезда тӏаде щвана ва цо анкь гьениб рехана.
Гордухъан вортарав Эвтих чӏаголъула
7Цо гьатӏан къоялъ бекун чед кваназе данделъана ниж, цинги вацалгун гара-чӏваризе лъугьана Павел. Нахъисеб къоялъ къватӏиве вахъине къачӏарав Павелица сордо бащалъизегӏан бицана хабар. 8Ниж данделъараб тӏасарокъор рекӏун рукӏана гӏемерал чирахъал. 9Гортӏа гӏодов чӏун вукӏарав Эвтих абун цӏар бугев цо гӏолохъанчи, Павелил хабар халалъидал, кьижун ккана. Кьижухъего гьев лъабтӏалаяб ригьалъул рагьараб гордухъан къотӏнове вортун ана. Рекерун ун хал гьабидал, хун ватана нижеда гьев. 10Гъоркье вачӏун Павелица гьев, гъуждулги ккун, тӏаде ворхизавуна ва каранде къана. Цинги гьес абуна:
– Воре, нуж къварилъахъдуге, гьасул рухӏ бахъун гьечӏо, – ян.
11Нахъеги тӏасарокъове вахун, бекун чед кванана Павелица, хъахӏлъи рехизегӏан гьезулгун хабар-кӏалалдаги вукӏун, сапаралъ вахъана гьев. 12Дов гӏолохъанчиги, расги лъугьинчӏеб гӏадин, тӏаде вачана ва киналго гьелдаса цӏакъ рохана.
Павел Троадаялдаса Милеталде уна
13Цинги, гамида рекӏун, ниж цереккунго Ассалде ана. Нижеда ракӏалда букӏана гьениса Павелги цадахъ вачине, гьес абун букӏана жив гьениве лъелго вачӏинилан. 14Ассалда Павел нижеда дандчӏвараб мехалъ, гьевги вачун, гамидаги рекӏун, Митиленаялде ана. 15Гьенисаги гамида рекӏун ун, нахъисеб къоялъ Хиос чӏинкӏиллъиялъул хьолбохъан лъедон, цоги къоги нухда бан, Самосалде щвана ва хадусеб къоялъ Милеталда рещтӏана. 16Кӏикъоялда анцӏабилеб къоялъул байрам тӏаде гӏунтӏилалде Иерусалималде щвезе бажарилародаян гӏедегӏун вукӏиндал, Асиялда заман инабичӏого рорчӏизе гӏоло, Эфесалде жанире лъугьинчӏого ине хӏукму гьабуна Павелица.
Эфесалдаса вацазе Павелица тӏубанго къолъикӏ гьабула
17Милеталдаса Эфесалде чи витӏун, гьес иман лъуразул агьлуялъул бутӏрул жиндихъего ахӏана. 18Рачӏун гьел тӏаде щведал, Павелица гьезда абуна:
– Асиялъул ракьалда дица тӏоцебе хӏетӏе чӏаралдаса нахъе дун нужгун цадахъ вукӏаравлъи лъала нужеда. 19Дирго хӏеренлъи-хӏалимлъиялда бадиса магӏу чвахулаго ва, дида дандечӏарал жугьутӏазул питнаби цӏикӏкӏаниги сабруги гьабун, хъулухъ гьабуна дица Тӏадегӏанасе. 20Нужее пайдаяб щибго жо бахчичӏо дица нужедаса: халкъалда цеве вахъунги щибаб къавулъе лъугьунги вагӏза-насихӏат гьоркьоса къотӏизе течӏо. 21Жугьутӏаздаги греказдаги, дунго нугӏлъун чӏун, дица бичӏчӏизабуна кантӏун Аллагьасде руссаян ва нилъер Тӏадегӏанав Гӏисаде иман лъеян. 22Гьале гьанже Илагьияб Рухӏалъ Иерусалималде ине гьесизавулев вуго ва гьениб щиб дир ккелебалиги лъаларо. 23Амма кинаб шагьаралде дун щваниги, Илагьияб Рухӏалдасан илгьам лъугьунеб буго Иерусалималда дида рахсал разе ругилан, дие гӏазаб-гӏакъуба букӏине бугилан.
24Дирго гӏумру хиралъун гуро дун кӏалъалев вугев. Дица байбихьараб иш рагӏалде бахъинабун ва Тӏадегӏанав Гӏисаца кьураб тӏадкъай тӏубазабун, ай Аллагьас нилъеда цӏоб лъун бугилан Рохалил хабар бицун чӏалде щвезе бокьун буго. 25Гьанже дида лъала дица Аллагьасул Парччахӏлъи тӏаде гӏунтӏун букӏин лъазабурал нужеда дун тӏокӏав вихьизе гьечӏевлъи. 26Гьединлъидал жакъа дица лъазабулеб буго, нужеда гьоркьоса цониги чи хвасарлъичӏого хутӏани, гьелъул гӏайиб дида гьечӏилан. 27Щайилан гьикъани, щибго бахчичӏого дица нужеда бичӏчӏизабуна Аллагьасул амру.
28Воре, нужго цӏуне! Гӏисаца жиндирго биги тӏун босараб ва Илагьияб Рухӏалъ нужеда тӏадкъараб Аллагьасде иман лъуразул агьлуги, вехьас гӏиял рехъен гӏадин, цӏуне нужеца. 29Дида лъала дун нужеда аскӏоса нахъе араб мехалъ, хъантӏарал бацӏал рачӏун, нужер гӏиял рехъабазда гьел гурхӏизе гьечӏеллъи. 30Нужеда гъорлъги рахъина, муридал жидедаго хадур цӏазе бокьун, гьел мекъи ккезаризе гаргадулел гӏадамал. 31Гьеле гьездаса цӏунун чӏа нуж. Ракӏалда чӏезабе лъабго соналъ дица къасиги къадги беразул магӏу тӏун гӏодилаго нужеда гьаранщинабги малъанщинабги. 32Гьанже дица нуж Тӏадегӏанасда божун толел руго ва дир хьул буго гьесул цӏобалъ нуж рехун теларилан. Гьесда кӏола нужее къваригӏанщинаб кьезе ва, Аллагьас тӏаса рищаразего гӏадин, нужееги ирс насиб гьабизе. 33Дица лъидасаниги тӏалаб гьабичӏо я гӏарац, я хирияб ретӏел-тӏех. 34Нужеда лъала диеги дида цадахъ рукӏаразеги къваригӏара-тараб жо дица гьал дирго кверал квалквадун балагьараблъи. 35Дица сундулъго нужедаги бихьизабуна дун гӏадин нужги хӏалтӏизе кколеллъи, загӏипазе кумек гьабизе кколеблъи ва «Босаралъулъалдаса кьуралъулъ баркат цӏикӏкӏараб буго», – ян Тӏадегӏанав Гӏисаца абурал рагӏаби кӏочон тезе бегьулареблъи.
36Гьединги абун, киназдаго цадахъ суждаялда чӏун, дугӏа гьабуна Павелица. 37Гӏодун магӏу тӏолаго, гьесда тӏад хурхана, каранде къан, гьесда убачал гьаруна. 38Тӏокӏав киданиги нужеда жив вихьизе гьечӏилан абурал гьесул рагӏабаз хасго къварид гьаруна гьел. Цинги гамиде нуха регӏана гьез Павел.
Currently Selected:
Чапарзабазул ишал 20: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Чапарзабазул ишал 20
20
20 бетӏер
Павел Македониялде ва Ахаялде уна
1Халкъалъул гьеб ахӏи-хӏур лъугӏараб мехалъ, жиндихъего ахӏун муридазе насихӏатги гьабун, къолъикӏги гьабун, Павел Македониялде ана. 2Гьел вилаятаздасан унаго, халкъалъе гӏемераб насихӏаталъул хабарги бицунаго, гьев Грециялде щвана. 3Гьениб лъабго моцӏги бан, гамида рекӏун, Сириялде ине къачӏараб мехалъ, Павелида лъана жугьутӏаз жиндие квешлъи гьабизехъин букӏин. Гьединлъидал гьес хӏукму гьабуна Македониялдасахун тӏадвуссун ине. 4Гьесда цадахъ ана Бероялдаса Пиррил вас Сопатр, Фессалоникаялдаса Аристарх ва Секунд, Дербиялдаса Гай, Тимофей ва Асиялдаса Тихикги Трофимги. 5Цере ун гьел ниж рачӏинегӏан Троадаялда чӏун ратана. 6Нижин абуни, Реччичӏел Панкъазул Байрамалъул къоял инегӏанги чӏун, гамида рекӏун Филиппиялдаса къватӏире рахъана, щуго къоялдасан гьезда тӏаде щвана ва цо анкь гьениб рехана.
Гордухъан вортарав Эвтих чӏаголъула
7Цо гьатӏан къоялъ бекун чед кваназе данделъана ниж, цинги вацалгун гара-чӏваризе лъугьана Павел. Нахъисеб къоялъ къватӏиве вахъине къачӏарав Павелица сордо бащалъизегӏан бицана хабар. 8Ниж данделъараб тӏасарокъор рекӏун рукӏана гӏемерал чирахъал. 9Гортӏа гӏодов чӏун вукӏарав Эвтих абун цӏар бугев цо гӏолохъанчи, Павелил хабар халалъидал, кьижун ккана. Кьижухъего гьев лъабтӏалаяб ригьалъул рагьараб гордухъан къотӏнове вортун ана. Рекерун ун хал гьабидал, хун ватана нижеда гьев. 10Гъоркье вачӏун Павелица гьев, гъуждулги ккун, тӏаде ворхизавуна ва каранде къана. Цинги гьес абуна:
– Воре, нуж къварилъахъдуге, гьасул рухӏ бахъун гьечӏо, – ян.
11Нахъеги тӏасарокъове вахун, бекун чед кванана Павелица, хъахӏлъи рехизегӏан гьезулгун хабар-кӏалалдаги вукӏун, сапаралъ вахъана гьев. 12Дов гӏолохъанчиги, расги лъугьинчӏеб гӏадин, тӏаде вачана ва киналго гьелдаса цӏакъ рохана.
Павел Троадаялдаса Милеталде уна
13Цинги, гамида рекӏун, ниж цереккунго Ассалде ана. Нижеда ракӏалда букӏана гьениса Павелги цадахъ вачине, гьес абун букӏана жив гьениве лъелго вачӏинилан. 14Ассалда Павел нижеда дандчӏвараб мехалъ, гьевги вачун, гамидаги рекӏун, Митиленаялде ана. 15Гьенисаги гамида рекӏун ун, нахъисеб къоялъ Хиос чӏинкӏиллъиялъул хьолбохъан лъедон, цоги къоги нухда бан, Самосалде щвана ва хадусеб къоялъ Милеталда рещтӏана. 16Кӏикъоялда анцӏабилеб къоялъул байрам тӏаде гӏунтӏилалде Иерусалималде щвезе бажарилародаян гӏедегӏун вукӏиндал, Асиялда заман инабичӏого рорчӏизе гӏоло, Эфесалде жанире лъугьинчӏого ине хӏукму гьабуна Павелица.
Эфесалдаса вацазе Павелица тӏубанго къолъикӏ гьабула
17Милеталдаса Эфесалде чи витӏун, гьес иман лъуразул агьлуялъул бутӏрул жиндихъего ахӏана. 18Рачӏун гьел тӏаде щведал, Павелица гьезда абуна:
– Асиялъул ракьалда дица тӏоцебе хӏетӏе чӏаралдаса нахъе дун нужгун цадахъ вукӏаравлъи лъала нужеда. 19Дирго хӏеренлъи-хӏалимлъиялда бадиса магӏу чвахулаго ва, дида дандечӏарал жугьутӏазул питнаби цӏикӏкӏаниги сабруги гьабун, хъулухъ гьабуна дица Тӏадегӏанасе. 20Нужее пайдаяб щибго жо бахчичӏо дица нужедаса: халкъалда цеве вахъунги щибаб къавулъе лъугьунги вагӏза-насихӏат гьоркьоса къотӏизе течӏо. 21Жугьутӏаздаги греказдаги, дунго нугӏлъун чӏун, дица бичӏчӏизабуна кантӏун Аллагьасде руссаян ва нилъер Тӏадегӏанав Гӏисаде иман лъеян. 22Гьале гьанже Илагьияб Рухӏалъ Иерусалималде ине гьесизавулев вуго ва гьениб щиб дир ккелебалиги лъаларо. 23Амма кинаб шагьаралде дун щваниги, Илагьияб Рухӏалдасан илгьам лъугьунеб буго Иерусалималда дида рахсал разе ругилан, дие гӏазаб-гӏакъуба букӏине бугилан.
24Дирго гӏумру хиралъун гуро дун кӏалъалев вугев. Дица байбихьараб иш рагӏалде бахъинабун ва Тӏадегӏанав Гӏисаца кьураб тӏадкъай тӏубазабун, ай Аллагьас нилъеда цӏоб лъун бугилан Рохалил хабар бицун чӏалде щвезе бокьун буго. 25Гьанже дида лъала дица Аллагьасул Парччахӏлъи тӏаде гӏунтӏун букӏин лъазабурал нужеда дун тӏокӏав вихьизе гьечӏевлъи. 26Гьединлъидал жакъа дица лъазабулеб буго, нужеда гьоркьоса цониги чи хвасарлъичӏого хутӏани, гьелъул гӏайиб дида гьечӏилан. 27Щайилан гьикъани, щибго бахчичӏого дица нужеда бичӏчӏизабуна Аллагьасул амру.
28Воре, нужго цӏуне! Гӏисаца жиндирго биги тӏун босараб ва Илагьияб Рухӏалъ нужеда тӏадкъараб Аллагьасде иман лъуразул агьлуги, вехьас гӏиял рехъен гӏадин, цӏуне нужеца. 29Дида лъала дун нужеда аскӏоса нахъе араб мехалъ, хъантӏарал бацӏал рачӏун, нужер гӏиял рехъабазда гьел гурхӏизе гьечӏеллъи. 30Нужеда гъорлъги рахъина, муридал жидедаго хадур цӏазе бокьун, гьел мекъи ккезаризе гаргадулел гӏадамал. 31Гьеле гьездаса цӏунун чӏа нуж. Ракӏалда чӏезабе лъабго соналъ дица къасиги къадги беразул магӏу тӏун гӏодилаго нужеда гьаранщинабги малъанщинабги. 32Гьанже дица нуж Тӏадегӏанасда божун толел руго ва дир хьул буго гьесул цӏобалъ нуж рехун теларилан. Гьесда кӏола нужее къваригӏанщинаб кьезе ва, Аллагьас тӏаса рищаразего гӏадин, нужееги ирс насиб гьабизе. 33Дица лъидасаниги тӏалаб гьабичӏо я гӏарац, я хирияб ретӏел-тӏех. 34Нужеда лъала диеги дида цадахъ рукӏаразеги къваригӏара-тараб жо дица гьал дирго кверал квалквадун балагьараблъи. 35Дица сундулъго нужедаги бихьизабуна дун гӏадин нужги хӏалтӏизе кколеллъи, загӏипазе кумек гьабизе кколеблъи ва «Босаралъулъалдаса кьуралъулъ баркат цӏикӏкӏараб буго», – ян Тӏадегӏанав Гӏисаца абурал рагӏаби кӏочон тезе бегьулареблъи.
36Гьединги абун, киназдаго цадахъ суждаялда чӏун, дугӏа гьабуна Павелица. 37Гӏодун магӏу тӏолаго, гьесда тӏад хурхана, каранде къан, гьесда убачал гьаруна. 38Тӏокӏав киданиги нужеда жив вихьизе гьечӏилан абурал гьесул рагӏабаз хасго къварид гьаруна гьел. Цинги гамиде нуха регӏана гьез Павел.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008