Чапарзабазул ишал 22
22
22 бетӏер
1Гьес абуна:
– Я, дир вацалги умумулги! Гьанже дихъ гӏенекке нуж! Дида гӏайиб гьечӏолъи чӏезабизе кӏалъалев вуго дун.
2Павел жугьутӏ мацӏалда кӏалъалев рагӏидал, тӏубанго сихӏкъотӏун чӏана гьел. Гьебмехалъ гьес абуна:
3– Дун вуго Киликиялъул Тарсалда гьавурав, гьаб шагьаралда цӏаларав жугьутӏав. Гамалиэлида цеве цӏалун, цӏакъ мухӏканго лъазаруна дица нилъер умумузул къанунал. Дунги вукӏана, жакъа нужго гӏадин, Аллагь рази гьавизе хӏаракат бахъулев чи. 4Гьаб Нухде лъугьаразе чӏваялде гӏунтӏунги гӏазаб кьуна дицаги, бихьиналги руччабиги, ккун рачун, рахсаца рухьинаруна, туснахъалъур тӏамизаруна. 5Гьелъие нугӏлъи гьабила чӏахӏиял кашишзабазги киналго чӏухӏби-хӏакимзабазги. Гьезул кагъатги босун унев вукӏана дун Дамаскалда ругел иман лъуразухъе, рухь-рухьун гьел Иерусалималде рачине ва гьаниб гьезие тамихӏ гьабизе бокьун.
Павелица бицуна жинцаго иман лъураб куцалъул
6Гьедин нухда унаго, Дамаскалде щолев вукӏараб къоялъул къалъул гӏужалда, тохлъукьего зобалаздасан рещтӏараб нуралъ кутакалда къалъ-къалъизабуна сверухълъи. 7Дун гӏодов ккана. «Шаул! Шаул! Щай дуца дие гьаб гӏазаб-гӏакъуба кьолеб бугеб?» – ан ахӏулеб гьаракьги рагӏана дида. 8«Мун щив, бетӏерчӏахъад?» – абун гьикъана дица. Гьес дида абуна: «Дун вуго дуца гӏазаб-гӏакъуба кьолеб бугев Назареталдаса Гӏиса». 9Дида цадахъ рукӏараздаги бихьана гьеб нур. Амма дунгун кӏалъалев вукӏарасул гьаракь гьезда рагӏичӏо. 10«Я, бетӏерчӏахъад! Щибха дица гьабизе кколеб?» – абун гьикъана дица гьебмехалъ. Тӏадегӏанас дида абуна: «Тӏаде вахъун, Дамаскалде а мун. Гьениб бицина дуда дуца гьабизе кколебщиналъул хӏакъалъулъ». 11Гьеб нуралъул гвангъиялъ дир бадиса канлъи босана. Цадахъ рукӏараз, квер ккун вачун, Дамаскалде щвезавуна. 12Гьенир ругел жугьутӏазда гьоркьоб къадру-къиматги бугев, къануналъеги мутӏигӏав цо Анания абулев чи вачӏана дида аскӏове. 13Гьес абуна: «Я, дир вац Шаул! Валагье!» – ян. Гьеб лахӏзаталда гьесухъ валагьидал, дир беразда канлъи бихьана. 14Цинги гьес дида бицана: «Нилъер умумузул Аллагьас мун тӏаса вищун вуго жиндирго амруги дуда лъазе, Аллагьасул вацӏцӏадав вакилги вихьизе, гьесул каламги рагӏизе. 15Дуда бихьаралъулги рагӏаралъулги бицун, киналго халкъазда гьоркьов Гьесул нугӏлъун вукӏине ккола мун. 16Гьанже сундухъ балагьун мун чӏун вугев? Лъадалъ ччун вахъизавун, гьесул цӏар рехсон, дурго мунагьал чуризаре».
Аллагьас Павел цогидал халкъазухъе витӏиялъул хӏакъалъулъ
17Иерусалималде тӏадвуссун Мукъадасаб Рокъов какда вукӏагоги цебетӏами лъугьана дие. 18Дида Гӏиса вихьана, ва гьес дида абуна: «Лахӏзаталъ чӏечӏого мун Иерусалималдаса нахъе а. Гьанир божизе гьечӏо дир хӏакъалъулъ дуца бицаралда». 19Дица абуна: «Я, Тӏадегӏанав Гӏиса! Гьазда лъала дуде иман лъурал гӏадамал дица, ккун рачун, туснахъалъур тӏамулел рукӏараблъи ва синагогабазда гьел рухулел рукӏараблъиги. 20Дуе нугӏлъи гьабурав Стефанил би гӏодобе тӏолеб мехалъ дунги вукӏана гьенив. Дица гьеб лъикӏаб ишлъун рикӏкӏана, гьев чӏвалел рукӏарал гӏадамазул гӏабабиги дихъе кьун рукӏана цӏунизе». 21Гӏисаца дида абуна: «Дица мун гьаниса рикӏкӏаде цогидал халкъазул гӏадамазухъе витӏулев вуго. Гьезухъе а мун».
22Гьел рагӏаби Павелил кӏалдиса къватӏире лъугьинегӏан гӏенеккун чӏун букӏараб халкъ нахъеги ахӏдезе лъугьана:
– Ракьалдаса тӏагӏинавизе ккола гьев! Гьединав чи чӏаго тезе бегьуларо!
23Ретӏелги бихъ-бихъун балаго, хӏатӏикь букӏараб хӏурги гьаваялде гьурщулаго, гьедин ахӏделел гьел ругеб мехалъ, 24азарилбетӏерас буюрухъ кьуна Павел хъалаялъуве вачеян ва гьес щиб гьабун букӏун гьал гӏадамаз гьедин ахӏулеб бугебали цӏалаца вухун бицинабейилан. 25Цӏалаца вухизе вухьунеб мехалъ, гьенив аскӏов вукӏарав нусилбетӏерасдехун вуссун Павелица абуна суд гьабичӏого Рималъул гражданин вухизе законалъ изну кьолебищилан. 26Гьебсагӏат нусилбетӏерас, азарилбетӏерасда аскӏове ун, абуна:
– Дуца гьабулеб жо щиб? Гьавни Рималъул гражданин вукӏун вуго, – ян.
27Аскӏове вачӏун, азарилбетӏерас Павелида гьикъана:
– Бице дида: мун Рималъул гражданинищ? – абун.
Уйилан абуна гьес. 28Нусилбетӏерас гьениб абуна гьеб гражданлъи щвезе гӏоло жинца гӏемераб гӏарац хвезабизе кканилан. Павелицаги абуна жив эбелалъ гьавуралдаса нахъего вугин Рималъул гражданин. 29Гьев цӏалаца вухизехъин вукӏарал гӏадамал нахъегӏан къана. Азарилбетӏерги хӏинкъана жинца вухь-вухьарав чи Рималъул гражданин вукӏин лъайдал.
Павел судалда цеве чӏола
30Павелиде жугьутӏаз гӏунтӏизабулеб бугеб гӏайиб мухӏканго баянлъизе гӏоло, нахъисеб къоялъ азарилбетӏерасул буюрухъалдалъун чӏахӏиял кашишзабиги кӏудияб судалъул гӏадамалги данделъана ва, тӏаса рахсалги рахъун, Павел гьезда цеве чӏезавуна.
Currently Selected:
Чапарзабазул ишал 22: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Чапарзабазул ишал 22
22
22 бетӏер
1Гьес абуна:
– Я, дир вацалги умумулги! Гьанже дихъ гӏенекке нуж! Дида гӏайиб гьечӏолъи чӏезабизе кӏалъалев вуго дун.
2Павел жугьутӏ мацӏалда кӏалъалев рагӏидал, тӏубанго сихӏкъотӏун чӏана гьел. Гьебмехалъ гьес абуна:
3– Дун вуго Киликиялъул Тарсалда гьавурав, гьаб шагьаралда цӏаларав жугьутӏав. Гамалиэлида цеве цӏалун, цӏакъ мухӏканго лъазаруна дица нилъер умумузул къанунал. Дунги вукӏана, жакъа нужго гӏадин, Аллагь рази гьавизе хӏаракат бахъулев чи. 4Гьаб Нухде лъугьаразе чӏваялде гӏунтӏунги гӏазаб кьуна дицаги, бихьиналги руччабиги, ккун рачун, рахсаца рухьинаруна, туснахъалъур тӏамизаруна. 5Гьелъие нугӏлъи гьабила чӏахӏиял кашишзабазги киналго чӏухӏби-хӏакимзабазги. Гьезул кагъатги босун унев вукӏана дун Дамаскалда ругел иман лъуразухъе, рухь-рухьун гьел Иерусалималде рачине ва гьаниб гьезие тамихӏ гьабизе бокьун.
Павелица бицуна жинцаго иман лъураб куцалъул
6Гьедин нухда унаго, Дамаскалде щолев вукӏараб къоялъул къалъул гӏужалда, тохлъукьего зобалаздасан рещтӏараб нуралъ кутакалда къалъ-къалъизабуна сверухълъи. 7Дун гӏодов ккана. «Шаул! Шаул! Щай дуца дие гьаб гӏазаб-гӏакъуба кьолеб бугеб?» – ан ахӏулеб гьаракьги рагӏана дида. 8«Мун щив, бетӏерчӏахъад?» – абун гьикъана дица. Гьес дида абуна: «Дун вуго дуца гӏазаб-гӏакъуба кьолеб бугев Назареталдаса Гӏиса». 9Дида цадахъ рукӏараздаги бихьана гьеб нур. Амма дунгун кӏалъалев вукӏарасул гьаракь гьезда рагӏичӏо. 10«Я, бетӏерчӏахъад! Щибха дица гьабизе кколеб?» – абун гьикъана дица гьебмехалъ. Тӏадегӏанас дида абуна: «Тӏаде вахъун, Дамаскалде а мун. Гьениб бицина дуда дуца гьабизе кколебщиналъул хӏакъалъулъ». 11Гьеб нуралъул гвангъиялъ дир бадиса канлъи босана. Цадахъ рукӏараз, квер ккун вачун, Дамаскалде щвезавуна. 12Гьенир ругел жугьутӏазда гьоркьоб къадру-къиматги бугев, къануналъеги мутӏигӏав цо Анания абулев чи вачӏана дида аскӏове. 13Гьес абуна: «Я, дир вац Шаул! Валагье!» – ян. Гьеб лахӏзаталда гьесухъ валагьидал, дир беразда канлъи бихьана. 14Цинги гьес дида бицана: «Нилъер умумузул Аллагьас мун тӏаса вищун вуго жиндирго амруги дуда лъазе, Аллагьасул вацӏцӏадав вакилги вихьизе, гьесул каламги рагӏизе. 15Дуда бихьаралъулги рагӏаралъулги бицун, киналго халкъазда гьоркьов Гьесул нугӏлъун вукӏине ккола мун. 16Гьанже сундухъ балагьун мун чӏун вугев? Лъадалъ ччун вахъизавун, гьесул цӏар рехсон, дурго мунагьал чуризаре».
Аллагьас Павел цогидал халкъазухъе витӏиялъул хӏакъалъулъ
17Иерусалималде тӏадвуссун Мукъадасаб Рокъов какда вукӏагоги цебетӏами лъугьана дие. 18Дида Гӏиса вихьана, ва гьес дида абуна: «Лахӏзаталъ чӏечӏого мун Иерусалималдаса нахъе а. Гьанир божизе гьечӏо дир хӏакъалъулъ дуца бицаралда». 19Дица абуна: «Я, Тӏадегӏанав Гӏиса! Гьазда лъала дуде иман лъурал гӏадамал дица, ккун рачун, туснахъалъур тӏамулел рукӏараблъи ва синагогабазда гьел рухулел рукӏараблъиги. 20Дуе нугӏлъи гьабурав Стефанил би гӏодобе тӏолеб мехалъ дунги вукӏана гьенив. Дица гьеб лъикӏаб ишлъун рикӏкӏана, гьев чӏвалел рукӏарал гӏадамазул гӏабабиги дихъе кьун рукӏана цӏунизе». 21Гӏисаца дида абуна: «Дица мун гьаниса рикӏкӏаде цогидал халкъазул гӏадамазухъе витӏулев вуго. Гьезухъе а мун».
22Гьел рагӏаби Павелил кӏалдиса къватӏире лъугьинегӏан гӏенеккун чӏун букӏараб халкъ нахъеги ахӏдезе лъугьана:
– Ракьалдаса тӏагӏинавизе ккола гьев! Гьединав чи чӏаго тезе бегьуларо!
23Ретӏелги бихъ-бихъун балаго, хӏатӏикь букӏараб хӏурги гьаваялде гьурщулаго, гьедин ахӏделел гьел ругеб мехалъ, 24азарилбетӏерас буюрухъ кьуна Павел хъалаялъуве вачеян ва гьес щиб гьабун букӏун гьал гӏадамаз гьедин ахӏулеб бугебали цӏалаца вухун бицинабейилан. 25Цӏалаца вухизе вухьунеб мехалъ, гьенив аскӏов вукӏарав нусилбетӏерасдехун вуссун Павелица абуна суд гьабичӏого Рималъул гражданин вухизе законалъ изну кьолебищилан. 26Гьебсагӏат нусилбетӏерас, азарилбетӏерасда аскӏове ун, абуна:
– Дуца гьабулеб жо щиб? Гьавни Рималъул гражданин вукӏун вуго, – ян.
27Аскӏове вачӏун, азарилбетӏерас Павелида гьикъана:
– Бице дида: мун Рималъул гражданинищ? – абун.
Уйилан абуна гьес. 28Нусилбетӏерас гьениб абуна гьеб гражданлъи щвезе гӏоло жинца гӏемераб гӏарац хвезабизе кканилан. Павелицаги абуна жив эбелалъ гьавуралдаса нахъего вугин Рималъул гражданин. 29Гьев цӏалаца вухизехъин вукӏарал гӏадамал нахъегӏан къана. Азарилбетӏерги хӏинкъана жинца вухь-вухьарав чи Рималъул гражданин вукӏин лъайдал.
Павел судалда цеве чӏола
30Павелиде жугьутӏаз гӏунтӏизабулеб бугеб гӏайиб мухӏканго баянлъизе гӏоло, нахъисеб къоялъ азарилбетӏерасул буюрухъалдалъун чӏахӏиял кашишзабиги кӏудияб судалъул гӏадамалги данделъана ва, тӏаса рахсалги рахъун, Павел гьезда цеве чӏезавуна.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008