Чапарзабазул ишал 24
24
24 бетӏер
Жугьутӏаз Павелиде гӏайиб гӏунтӏизабула
1Щуго къоялдасан кӏудияв кашиш Ананияда цадахъ гьенире рачӏана чӏухӏби-хӏакимзабаздасан чанго чиги Павелиде гӏайиб гӏунтӏизабизе вачарав адвокат Тертуллги. Рачӏун гьез Павелида тӏасан сардарасде гӏарз бахъана. 2Павел вачун цеве чӏезавидал, Тертуллица байбихьана гьесда ккараб гӏайиб бицине. Гьес абуна:
– Дур бетӏерчӏахъаяв Феликс, дуцаги дур тӏалаб-агъазалдалъун гьаб нижер халкъалъул гӏумруялъулъ ккезарурал лъикӏал хиса-басиязгийин ниж щулияб ракълиде рачарал, 3гьеб киналъухъго кидаго ва кибго нижер кӏудияб баркала буго дуе. 4Цинги, гӏемер халат гьабун, дур рахӏат хвезабиларо. Гьарула дуда нижер къокъабго гӏарзалъухъ, дур сабруялда рекъон, гӏинтӏамейилан. 5Нижее баянлъана гьав чи кӏудияв вабаалъул унти вугевлъи. Христианазул гьересияб мазгьабалъе бетӏерлъиги гьабун, гьас дуниялалда ругелщинал жугьутӏазда гьоркьоб питна багъаризабулеб буго. 6Хӏатта гьас къасд гьабуна Мукъадасаб Рукъ хъублъизабизецин, гьенив нижеца ккуна гьав. 7-8Дуцаго гьасул цӏех-рех гьабуни, якъинлъила щай нижеца гьасде гӏайиб гӏунтӏизабулеб бугебали.
9Тӏад рекъон, цогидал жугьутӏазги абуна гьеб битӏараб бугилан.
Павелица Феликсида цебе жугьутӏазе жаваб кьола
10Кӏалъазе изну бугилан сардарас ишан гьабидал, Павелица абуна:
– Гӏемерал соназ мун гьаб халкъалда тӏад къадилъун вукӏин лъалелъул, дун вохун вуго дидаго гӏайиб гьечӏолъи чӏезабун дуда цеве кӏалъалев вукӏиналдаса. 11Иерусалималде зияраталъе дун вачӏаралдаса анцӏила кӏиго къо гурони ун букӏинчӏо. Гьелъул мухӏканлъи балагьизе кӏвела дуда. 12Гьеб заманаялда я Мукъадасаб Рокъов, я синагогабазда, я къотӏнов ватичӏо гьазда дун щивгунниги дагӏбадулев, яги гӏадамал данделъизарулев. 13Гьанже диде гӏунтӏизабулеб бугеб гӏайиб тӏад чӏезабизе кӏвезе гьечӏо гьазда. 14Амма дуда цеве дун мукӏурав вуго: гьаз гьересияб бугин абулеб Нухдасан ун гьабула дица тӏагӏат нижер умумузул Аллагьасе. Гьединго дица иман лъола къануналда бугебщиналдеги Аварагзабазул Тӏухьдузда хъварабщиналдеги. 15Гьазул гӏадин, дирги хьул буго Аллагьас муъминзабиги мунапикъзабиги хваралъуса рахъинаризе рукӏиналде. 16Гьединлъидал дица хӏаракат бахъула Аллагьасда цебеги гӏадамазда цебеги дирго яхӏ-намус цӏунизе. 17Гӏемерал соназ къватӏивги вукӏун, дун Иерусалималде тӏадвуссун вачӏана дирго халкъалда гьоркьоса мискин-пакъирасе садакъа кьезеги къурбан хъвезеги. 18Дунго вацӏцӏалъизавиялъул гӏадат тӏубазабулев Мукъадасаб Рокъов вугеб мехалъ ватана гьазда дун. Гьениб дида аскӏоб халкъалъул руккелги букӏинчӏо, щибго ахӏи-хӏурги букӏинчӏо. 19Асиялдаса вачӏарав чанго жугьутӏасда ватана дун гьенив. Гьеле гьел рукӏине кколаан гьанир дуда цере чӏун, диде гӏунтӏизабизе гӏайиб бугони, гьеб дуе баян гьабизе. 20Яги гьаз жидецаго бицине биччанте, кӏудияб судалда цеве чӏезавидал, дида батараб гӏайибалъул. 21Цохӏого цохӏо дица гьениб ахӏана: «Хваралъуса тӏаде рахъинаризе рукӏиналда дун божунилан жакъа нужеца дие суд гьабулеб бугоха!» – ян.
22Гӏисал Нухалъул хӏакъалъулъ дагьаб мухӏканго лъалев Феликсица абуна, азарилбетӏер Лисий вачӏинегӏан жинца суд нахътӏамун толеб бугилан ва гьебмехалъ гьабилин хӏукмуйилан. 23Нусилбетӏерасеги буюрухъ кьуна Павел жанив тӏамизе вачеян, амма гьесие бигьалъи гьабеян ва гьесухъе раккизе рачӏарал гӏага-божаразеги щибго квекӏен гьабугейилан.
Павелица Феликсиеги Друзиллаеги хабар бицуна
24Чанго къоялдасан рачӏун Феликсицаги гьесул чӏужу жугьутӏай Друзиллацаги, жидехъего ахӏун, Павелида бицинабуна Масихӏ Гӏисал диналъул хӏакъалъулъ. 25Ритӏухъго хьвадизе ккеялъулги, жиндаго квелъ базе ккеялъулги, Аллагьас суд гьабизе букӏиналъулги Павелица бициндал, Феликс хӏинкъана. Къваригӏараб мехалъ ахӏилиланги абун, гьес гьев нахъе витӏана. 26Тӏаде жоялъеги гьесда ракӏалда букӏана Павелица ришваталъе гӏарац кьелиланги. Гьединлъидал гӏемер ахӏулаан гьес Павел жиндихъего, гьевгун гара-чӏварулаан. 27Кӏиго соналдасан Феликсил бакӏалде сардарлъун вачӏана Порций Фест. Жиндасаго жугьутӏал разиго хутӏизелъун, Феликсица Павел туснахъалъувго тана.
Currently Selected:
Чапарзабазул ишал 24: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Чапарзабазул ишал 24
24
24 бетӏер
Жугьутӏаз Павелиде гӏайиб гӏунтӏизабула
1Щуго къоялдасан кӏудияв кашиш Ананияда цадахъ гьенире рачӏана чӏухӏби-хӏакимзабаздасан чанго чиги Павелиде гӏайиб гӏунтӏизабизе вачарав адвокат Тертуллги. Рачӏун гьез Павелида тӏасан сардарасде гӏарз бахъана. 2Павел вачун цеве чӏезавидал, Тертуллица байбихьана гьесда ккараб гӏайиб бицине. Гьес абуна:
– Дур бетӏерчӏахъаяв Феликс, дуцаги дур тӏалаб-агъазалдалъун гьаб нижер халкъалъул гӏумруялъулъ ккезарурал лъикӏал хиса-басиязгийин ниж щулияб ракълиде рачарал, 3гьеб киналъухъго кидаго ва кибго нижер кӏудияб баркала буго дуе. 4Цинги, гӏемер халат гьабун, дур рахӏат хвезабиларо. Гьарула дуда нижер къокъабго гӏарзалъухъ, дур сабруялда рекъон, гӏинтӏамейилан. 5Нижее баянлъана гьав чи кӏудияв вабаалъул унти вугевлъи. Христианазул гьересияб мазгьабалъе бетӏерлъиги гьабун, гьас дуниялалда ругелщинал жугьутӏазда гьоркьоб питна багъаризабулеб буго. 6Хӏатта гьас къасд гьабуна Мукъадасаб Рукъ хъублъизабизецин, гьенив нижеца ккуна гьав. 7-8Дуцаго гьасул цӏех-рех гьабуни, якъинлъила щай нижеца гьасде гӏайиб гӏунтӏизабулеб бугебали.
9Тӏад рекъон, цогидал жугьутӏазги абуна гьеб битӏараб бугилан.
Павелица Феликсида цебе жугьутӏазе жаваб кьола
10Кӏалъазе изну бугилан сардарас ишан гьабидал, Павелица абуна:
– Гӏемерал соназ мун гьаб халкъалда тӏад къадилъун вукӏин лъалелъул, дун вохун вуго дидаго гӏайиб гьечӏолъи чӏезабун дуда цеве кӏалъалев вукӏиналдаса. 11Иерусалималде зияраталъе дун вачӏаралдаса анцӏила кӏиго къо гурони ун букӏинчӏо. Гьелъул мухӏканлъи балагьизе кӏвела дуда. 12Гьеб заманаялда я Мукъадасаб Рокъов, я синагогабазда, я къотӏнов ватичӏо гьазда дун щивгунниги дагӏбадулев, яги гӏадамал данделъизарулев. 13Гьанже диде гӏунтӏизабулеб бугеб гӏайиб тӏад чӏезабизе кӏвезе гьечӏо гьазда. 14Амма дуда цеве дун мукӏурав вуго: гьаз гьересияб бугин абулеб Нухдасан ун гьабула дица тӏагӏат нижер умумузул Аллагьасе. Гьединго дица иман лъола къануналда бугебщиналдеги Аварагзабазул Тӏухьдузда хъварабщиналдеги. 15Гьазул гӏадин, дирги хьул буго Аллагьас муъминзабиги мунапикъзабиги хваралъуса рахъинаризе рукӏиналде. 16Гьединлъидал дица хӏаракат бахъула Аллагьасда цебеги гӏадамазда цебеги дирго яхӏ-намус цӏунизе. 17Гӏемерал соназ къватӏивги вукӏун, дун Иерусалималде тӏадвуссун вачӏана дирго халкъалда гьоркьоса мискин-пакъирасе садакъа кьезеги къурбан хъвезеги. 18Дунго вацӏцӏалъизавиялъул гӏадат тӏубазабулев Мукъадасаб Рокъов вугеб мехалъ ватана гьазда дун. Гьениб дида аскӏоб халкъалъул руккелги букӏинчӏо, щибго ахӏи-хӏурги букӏинчӏо. 19Асиялдаса вачӏарав чанго жугьутӏасда ватана дун гьенив. Гьеле гьел рукӏине кколаан гьанир дуда цере чӏун, диде гӏунтӏизабизе гӏайиб бугони, гьеб дуе баян гьабизе. 20Яги гьаз жидецаго бицине биччанте, кӏудияб судалда цеве чӏезавидал, дида батараб гӏайибалъул. 21Цохӏого цохӏо дица гьениб ахӏана: «Хваралъуса тӏаде рахъинаризе рукӏиналда дун божунилан жакъа нужеца дие суд гьабулеб бугоха!» – ян.
22Гӏисал Нухалъул хӏакъалъулъ дагьаб мухӏканго лъалев Феликсица абуна, азарилбетӏер Лисий вачӏинегӏан жинца суд нахътӏамун толеб бугилан ва гьебмехалъ гьабилин хӏукмуйилан. 23Нусилбетӏерасеги буюрухъ кьуна Павел жанив тӏамизе вачеян, амма гьесие бигьалъи гьабеян ва гьесухъе раккизе рачӏарал гӏага-божаразеги щибго квекӏен гьабугейилан.
Павелица Феликсиеги Друзиллаеги хабар бицуна
24Чанго къоялдасан рачӏун Феликсицаги гьесул чӏужу жугьутӏай Друзиллацаги, жидехъего ахӏун, Павелида бицинабуна Масихӏ Гӏисал диналъул хӏакъалъулъ. 25Ритӏухъго хьвадизе ккеялъулги, жиндаго квелъ базе ккеялъулги, Аллагьас суд гьабизе букӏиналъулги Павелица бициндал, Феликс хӏинкъана. Къваригӏараб мехалъ ахӏилиланги абун, гьес гьев нахъе витӏана. 26Тӏаде жоялъеги гьесда ракӏалда букӏана Павелица ришваталъе гӏарац кьелиланги. Гьединлъидал гӏемер ахӏулаан гьес Павел жиндихъего, гьевгун гара-чӏварулаан. 27Кӏиго соналдасан Феликсил бакӏалде сардарлъун вачӏана Порций Фест. Жиндасаго жугьутӏал разиго хутӏизелъун, Феликсица Павел туснахъалъувго тана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008