Чапарзабазул ишал 8
8
8 бетӏер
Шаулица муъминзабазе гӏазаб-гӏакъуба кьола
1Битӏун чӏванин гьевилан рикӏкӏана Шаулица.
Гьел къоязда Иерусалималда кутакаб гӏакъуба бихьана иман лъуразул агьлуялда. Чапарзаби хутӏизегӏан цогидал киналго рикьа-риххун Ягьудиялъул ва Самариялъул батӏи-батӏиял бакӏазде лъутана. 2Муъминал гӏадамаз Стефан хабалъ вукъана ва гьесда хадуб гӏемераб магӏу тӏуна.
3Шаулицайин абуни иман лъуразул агьлу щущазабулеб букӏана: рокъо-рокъове ун бихьиналги руччабиги, рехъерхъун рачун, туснахъалъур тӏамулел рукӏана.
Самариялдаги Рохалил хабар тӏибитӏула
4Рикьа-риххун рахъ-рахъалде арал муридаз Рохалил хабар бицунеб букӏана. 5Самариялъул цо шагьаралде арав Филиппицаги Масихӏил хӏакъалъулъ хабар тӏибитӏизабулеб букӏана гьениб. 6Гьес рихьизарурал мугӏжизатазул хӏакъалъулъ рагӏунги бихьунги лъалел гӏемерал гӏадамал данделъун, Филиппихъ гӏенеккулел рукӏана. 7Гьелъие гӏилла букӏана хъубал женаз ккурал гӏемерал гӏадамазул чорхолъа къватӏире гьел жундул чӏахӏиял гьаркьалги гьарулаго рачӏунел рукӏинги, гӏемерал унтарал чагӏи Филиппица сахлъизарулел рукӏинги. 8Гьелдаса цӏакъ бохун шагьаралъул халкъги букӏана.
9Гьесдасаги цеве гьеб шагьаралда вукӏарав цо Симон абулев чияс сихӏру гьабун гӏажаиблъизарун рукӏана Самариялъул гӏадамал. Симоница живго цӏакъ кӏудияб гьунаралъул чилъун вихьизавулев вукӏана. 10«Кӏудияб къудратилан» абулеб къудрат жиндилъе лъугьарав чи вугин гьевилан гӏисиназги чӏахӏиязги кӏалухъ вахъун вукӏана Симон. 11Гьев кӏалухъ вахъиялъе гӏиллаги букӏана гӏемераб заманаялъ гьес гьел жиндирго хӏикматал ишаздалъун гӏажаиблъизарун рукӏин.
12Аллагьасул Парччахӏлъиялъул ва Гӏиса Масихӏил цӏаралъул хӏакъалъулъ Рохалил хабар бицунев вугев Филиппида божарал бихьиналги руччабиги лъадалъ ччун рахъулел рукӏана. 13Симонги божана гьесда ва живго лъадалъ ччун вахъизавуна. Гьелдаса хадув тӏокӏав вичӏичӏо гьев Филиппида аскӏоса. Филиппица рихьизарулел ругел гӏаламатаз ва кӏудияб хӏалкӏолъиялъул ишаз хӏайранлъизавун вукӏана гьев.
14Самариялъул гӏадамаз Аллагьасул рагӏи къабул гьабун бугилан рагӏидал, Иерусалималда рукӏарал чапарзабаз Пётрги Иоаннги ритӏана гьезухъе. 15Гьенире щведал Пётрицаги Иоанницаги гьезулъе Илагьияб Рухӏ рещтӏагийилан гьарун, муридазе дугӏа гьабуна. 16Тӏадегӏанав Гӏисал цӏаралдалъун гьел лъадалъ ччун рахъун рукӏаниги, Илагьияб Рухӏ рещтӏун букӏинчӏо жеги гьезул цонигиясулъе. 17Пётрицаги Иоанницаги тӏад квер лъураб мехалъ гьезулъеги рещтӏана Илагьияб Рухӏ. 18Чапарзабаз тӏад квер лъурав чиясе Илагьияб Рухӏ щолеб бихьидал, гьезие гӏарацги босун вачӏун, Симоница абуна:
19– Тӏад квер бахъарав чиясулъе Илагьияб Рухӏ лъугьинабизе кӏолеб гьеб нужер къудрат диеги кье, – ян.
20Амма Пётрица абуна:
– Гьеб гӏарацги мунги – кӏиялгоги цадахъ – паналъагийин нуж, дуда ракӏалде кин ккараб мухь кьун Аллагьасул сайигъат бичун босизе. 21Аллагьасда цебе дур ракӏ бацӏцӏадаб гьечӏелъул, гьаб ишалъулъ дуе я бутӏа, я ирс букӏине гьечӏо. 22Дурго гьеб квешлъиялда рекӏекълъун тавбу гьабе ва Бетӏергьанасда гьаре гьел дур рекӏелъ рижарал пикрабазда тӏасалъугьайилан. 23Дида бихьулеб буго дур ракӏ хъубаб жахӏдаялъул цӏун бугеблъиги, гьелдалъун мун мунагьалъул асирлъун лъугьун вугевлъиги.
24Симоница абуна:
– Гьеб нужеца бицунебщинаб балагь диде рещтӏинчӏого букӏине дир рахъалдасан Бетӏергьанасе дугӏа гьабе, – ян.
25Хӏасил – чапарзабаз Масихӏил хӏакъалъулъ бицана ва Аллагьасул рагӏи тӏибитӏизабуна. Гьедин Иерусалималде тӏадруссун унаго, Самариялъул гӏемерал росабалъги бицана гьез Рохалил хабар.
Филиппги хӏабашиявги
26Бичасул малаик вачӏун, гьес Филиппида абуна:
– Вахъа, мун а гьанже Иерусалималдаса Газаялде бугеб нухдасан къилбаялъул рахъалдехун валагьун. Гӏицӏаб авлахъалдасан буго гьеб нух.
27Вахъун ана гьев. Иерусалималде зияраталъ ун вукӏарав цо хӏабашияв данде ккана. Гьев вукӏана Хӏабашистаналъул парччахӏлъун йигей Кандакиял кинабго хазина божун тарав чи, живгоги бихьинчиясулаб къуваталдаса ватӏалъарав ахта. 28Чӏухӏараб чолгьакидаги рекӏун, жиндирго ракьалде тӏадвуссун унаго гьес цӏалулеб букӏана Ишая аварагасул тӏехь. 29Гьеб гьакида аскӏовеги витӏун, Илагьияб Рухӏалъ Филиппида абуна гьелда цадахъ айилан. 30Векерун аскӏове щведал, гьасда рагӏана гьев чияс Ишая аварагасул тӏехь цӏалулеб.
– Дуца цӏалулеб бугеб жоялъул магӏна бичӏчӏулеб бугищ дуда? – ян гьикъана Филиппица гьесда.
31– Гьеб бичӏчӏизабизе чи гьечӏони, кин гьелъул магӏна дида лъалеб? – ан абуна гьес.
Цинги гьес Филиппида гьарана гьакиде вахун жинда аскӏов гӏодов чӏайилан. 32Доб Илагьияб Тӏехьалдаса гьадинаб калима цӏалулеб бугоан хӏабашияс: «Гьев вачун унев вукӏана, хъвезе бачун унеб чахъу гӏадин. Къунцӏарухъанасда цебе кьегӏер-хух буцӏцӏун чӏолеб гӏадин, кӏутӏби ричӏун кӏалъачӏого унев вукӏана гьев. 33Гьев гӏодовегӏанлъизавуна, гьесие ритӏухъаб суд гьабизе инкар гьабуна. Гьесул наслу-тухумалъул хӏакъалъулъ лъица бицинеб? Ракьалда тӏад гьесул гӏумру лъугӏидалха».
34Ахтаяс Филиппида абуна:
– Талихӏ кьегийин, бице дида: лъил хӏакъалъулъ аварагас гьедин абулеб бугеб? Жиндирго хӏакъалъулъищ яги цогидасул хӏакъалъулъищ?
35Гьес цӏалараб калимаялдасан байбихьун кӏалъазе лъугьарав Филиппица гьесие бицана Гӏисал хӏакъалъулъ Рохалил хабар.
36Гьедин унаго цо лъим бугеб бакӏалде щведал, ахтаяс абуна:
– Балагье гьаниб лъим бугогури. Гьанив лъадалъ ччун вахъизавизе сунцаниги квалквал гьабиларо дие?
37-38Цинги гьес гьоко чӏезабеян амру гьабуна. Филиппги гьев ахтаги, гьакидаса рещтӏун, лъадалъе лъугьана ва Филиппица гьев лъадалъ ччун вахъана. 39Гьел лъадалъа къватӏире лъугьараб мехалъ, Илагьияб Рухӏалъ восун ун, ахтаясул берда цевеса тӏагӏана Филипп. Цинги вохуца холаго жиндирго нухда ана ахта.
40Гьебмехалъ Филиппида живго Азоталде щун ватана. Цинги гьенисан унаго Къайсарияталде щвезегӏан ругел киналго шагьаразул халкъалда Рохалил хабар бицана гьес.
Currently Selected:
Чапарзабазул ишал 8: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Чапарзабазул ишал 8
8
8 бетӏер
Шаулица муъминзабазе гӏазаб-гӏакъуба кьола
1Битӏун чӏванин гьевилан рикӏкӏана Шаулица.
Гьел къоязда Иерусалималда кутакаб гӏакъуба бихьана иман лъуразул агьлуялда. Чапарзаби хутӏизегӏан цогидал киналго рикьа-риххун Ягьудиялъул ва Самариялъул батӏи-батӏиял бакӏазде лъутана. 2Муъминал гӏадамаз Стефан хабалъ вукъана ва гьесда хадуб гӏемераб магӏу тӏуна.
3Шаулицайин абуни иман лъуразул агьлу щущазабулеб букӏана: рокъо-рокъове ун бихьиналги руччабиги, рехъерхъун рачун, туснахъалъур тӏамулел рукӏана.
Самариялдаги Рохалил хабар тӏибитӏула
4Рикьа-риххун рахъ-рахъалде арал муридаз Рохалил хабар бицунеб букӏана. 5Самариялъул цо шагьаралде арав Филиппицаги Масихӏил хӏакъалъулъ хабар тӏибитӏизабулеб букӏана гьениб. 6Гьес рихьизарурал мугӏжизатазул хӏакъалъулъ рагӏунги бихьунги лъалел гӏемерал гӏадамал данделъун, Филиппихъ гӏенеккулел рукӏана. 7Гьелъие гӏилла букӏана хъубал женаз ккурал гӏемерал гӏадамазул чорхолъа къватӏире гьел жундул чӏахӏиял гьаркьалги гьарулаго рачӏунел рукӏинги, гӏемерал унтарал чагӏи Филиппица сахлъизарулел рукӏинги. 8Гьелдаса цӏакъ бохун шагьаралъул халкъги букӏана.
9Гьесдасаги цеве гьеб шагьаралда вукӏарав цо Симон абулев чияс сихӏру гьабун гӏажаиблъизарун рукӏана Самариялъул гӏадамал. Симоница живго цӏакъ кӏудияб гьунаралъул чилъун вихьизавулев вукӏана. 10«Кӏудияб къудратилан» абулеб къудрат жиндилъе лъугьарав чи вугин гьевилан гӏисиназги чӏахӏиязги кӏалухъ вахъун вукӏана Симон. 11Гьев кӏалухъ вахъиялъе гӏиллаги букӏана гӏемераб заманаялъ гьес гьел жиндирго хӏикматал ишаздалъун гӏажаиблъизарун рукӏин.
12Аллагьасул Парччахӏлъиялъул ва Гӏиса Масихӏил цӏаралъул хӏакъалъулъ Рохалил хабар бицунев вугев Филиппида божарал бихьиналги руччабиги лъадалъ ччун рахъулел рукӏана. 13Симонги божана гьесда ва живго лъадалъ ччун вахъизавуна. Гьелдаса хадув тӏокӏав вичӏичӏо гьев Филиппида аскӏоса. Филиппица рихьизарулел ругел гӏаламатаз ва кӏудияб хӏалкӏолъиялъул ишаз хӏайранлъизавун вукӏана гьев.
14Самариялъул гӏадамаз Аллагьасул рагӏи къабул гьабун бугилан рагӏидал, Иерусалималда рукӏарал чапарзабаз Пётрги Иоаннги ритӏана гьезухъе. 15Гьенире щведал Пётрицаги Иоанницаги гьезулъе Илагьияб Рухӏ рещтӏагийилан гьарун, муридазе дугӏа гьабуна. 16Тӏадегӏанав Гӏисал цӏаралдалъун гьел лъадалъ ччун рахъун рукӏаниги, Илагьияб Рухӏ рещтӏун букӏинчӏо жеги гьезул цонигиясулъе. 17Пётрицаги Иоанницаги тӏад квер лъураб мехалъ гьезулъеги рещтӏана Илагьияб Рухӏ. 18Чапарзабаз тӏад квер лъурав чиясе Илагьияб Рухӏ щолеб бихьидал, гьезие гӏарацги босун вачӏун, Симоница абуна:
19– Тӏад квер бахъарав чиясулъе Илагьияб Рухӏ лъугьинабизе кӏолеб гьеб нужер къудрат диеги кье, – ян.
20Амма Пётрица абуна:
– Гьеб гӏарацги мунги – кӏиялгоги цадахъ – паналъагийин нуж, дуда ракӏалде кин ккараб мухь кьун Аллагьасул сайигъат бичун босизе. 21Аллагьасда цебе дур ракӏ бацӏцӏадаб гьечӏелъул, гьаб ишалъулъ дуе я бутӏа, я ирс букӏине гьечӏо. 22Дурго гьеб квешлъиялда рекӏекълъун тавбу гьабе ва Бетӏергьанасда гьаре гьел дур рекӏелъ рижарал пикрабазда тӏасалъугьайилан. 23Дида бихьулеб буго дур ракӏ хъубаб жахӏдаялъул цӏун бугеблъиги, гьелдалъун мун мунагьалъул асирлъун лъугьун вугевлъиги.
24Симоница абуна:
– Гьеб нужеца бицунебщинаб балагь диде рещтӏинчӏого букӏине дир рахъалдасан Бетӏергьанасе дугӏа гьабе, – ян.
25Хӏасил – чапарзабаз Масихӏил хӏакъалъулъ бицана ва Аллагьасул рагӏи тӏибитӏизабуна. Гьедин Иерусалималде тӏадруссун унаго, Самариялъул гӏемерал росабалъги бицана гьез Рохалил хабар.
Филиппги хӏабашиявги
26Бичасул малаик вачӏун, гьес Филиппида абуна:
– Вахъа, мун а гьанже Иерусалималдаса Газаялде бугеб нухдасан къилбаялъул рахъалдехун валагьун. Гӏицӏаб авлахъалдасан буго гьеб нух.
27Вахъун ана гьев. Иерусалималде зияраталъ ун вукӏарав цо хӏабашияв данде ккана. Гьев вукӏана Хӏабашистаналъул парччахӏлъун йигей Кандакиял кинабго хазина божун тарав чи, живгоги бихьинчиясулаб къуваталдаса ватӏалъарав ахта. 28Чӏухӏараб чолгьакидаги рекӏун, жиндирго ракьалде тӏадвуссун унаго гьес цӏалулеб букӏана Ишая аварагасул тӏехь. 29Гьеб гьакида аскӏовеги витӏун, Илагьияб Рухӏалъ Филиппида абуна гьелда цадахъ айилан. 30Векерун аскӏове щведал, гьасда рагӏана гьев чияс Ишая аварагасул тӏехь цӏалулеб.
– Дуца цӏалулеб бугеб жоялъул магӏна бичӏчӏулеб бугищ дуда? – ян гьикъана Филиппица гьесда.
31– Гьеб бичӏчӏизабизе чи гьечӏони, кин гьелъул магӏна дида лъалеб? – ан абуна гьес.
Цинги гьес Филиппида гьарана гьакиде вахун жинда аскӏов гӏодов чӏайилан. 32Доб Илагьияб Тӏехьалдаса гьадинаб калима цӏалулеб бугоан хӏабашияс: «Гьев вачун унев вукӏана, хъвезе бачун унеб чахъу гӏадин. Къунцӏарухъанасда цебе кьегӏер-хух буцӏцӏун чӏолеб гӏадин, кӏутӏби ричӏун кӏалъачӏого унев вукӏана гьев. 33Гьев гӏодовегӏанлъизавуна, гьесие ритӏухъаб суд гьабизе инкар гьабуна. Гьесул наслу-тухумалъул хӏакъалъулъ лъица бицинеб? Ракьалда тӏад гьесул гӏумру лъугӏидалха».
34Ахтаяс Филиппида абуна:
– Талихӏ кьегийин, бице дида: лъил хӏакъалъулъ аварагас гьедин абулеб бугеб? Жиндирго хӏакъалъулъищ яги цогидасул хӏакъалъулъищ?
35Гьес цӏалараб калимаялдасан байбихьун кӏалъазе лъугьарав Филиппица гьесие бицана Гӏисал хӏакъалъулъ Рохалил хабар.
36Гьедин унаго цо лъим бугеб бакӏалде щведал, ахтаяс абуна:
– Балагье гьаниб лъим бугогури. Гьанив лъадалъ ччун вахъизавизе сунцаниги квалквал гьабиларо дие?
37-38Цинги гьес гьоко чӏезабеян амру гьабуна. Филиппги гьев ахтаги, гьакидаса рещтӏун, лъадалъе лъугьана ва Филиппица гьев лъадалъ ччун вахъана. 39Гьел лъадалъа къватӏире лъугьараб мехалъ, Илагьияб Рухӏалъ восун ун, ахтаясул берда цевеса тӏагӏана Филипп. Цинги вохуца холаго жиндирго нухда ана ахта.
40Гьебмехалъ Филиппида живго Азоталде щун ватана. Цинги гьенисан унаго Къайсарияталде щвезегӏан ругел киналго шагьаразул халкъалда Рохалил хабар бицана гьес.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008