Лукаца бицараб Рохалил хабар 11
11
11 бетӏер
Гӏисаца муридазда дугӏа гьабизе малъула
1Цо пуланаб бакӏалда Аллагьасе гьари-дугӏаялда вукӏана Гӏиса. Гьесул гьари-дугӏа лъугӏарабго, цо муридас Гӏисада абуна:
– Я, Бетӏерчӏахъад! Яхӏяца жиндирго муридазда малъараб гӏадин, нижедаги малъе Аллагьасе гьари-дугӏа гьабизе.
2Гьес гьезда абуна:
– Нужеца дугӏа гьабулаго гьадин абе:
Я, Эмен, дур цӏар гӏадамаз мукъадасаблъун рикӏкӏаги, дур Парччахӏлъи тӏаде щваги, 3щибаб къоялъ нижер бетӏербахъиялъе хинкӏ-чед кье нижее, 4нижер мунагьазда тӏасаги лъугьа, гӏадамаз нижее гьабуралда нижги тӏасалъугьунел ругин. Нижер хӏалбихьизеги биччаге.
5Цинги гьес бицана:
– Масала, нужер цоясул вуго гьудул, сордо бащалъараб мехалъ гьесул нуцӏихъе ун дуца абулеб буго: «Я, дир гьудул, къаси дие цо лъабго чед кьеларищ дуца? 6Сапаралда вугев цо гьудул гьоболлъухъ вачӏун вуго дихъе, гьесда цебе лъезе квен гьечӏого вуго дун», – абун. 7Унго, дос жанисан гьадинаб жаваб кьеладай дуе: «Дир рахӏат хвезабуге. Нуцӏаги рахан буго, лъималги руго дида аскӏор бусада кьижун. Тӏаде вахъун дуе чед кьезе кӏоларо дида». 8Амма дица абила гьадин: гьудуллъиялъул къимат гьабун кьечӏониги, дур тӏасавичӏунгутӏиялдаса ворчӏичӏого, гьайгьай, тӏаде вахъун дос дуе кьела къваригӏарабгӏанаб чед.
9Гьединлъидал дица нужеда абулеб буго: гьаре нужеца – нужее кьечӏого толаро; балагье нужеца – батичӏого хутӏуларо; нужеца нуцӏа бухе – гьеб рагьичӏого толаро. 10Гьарарасе кьола, балагьарасда батула, бухарасе нуцӏаги рагьула. 11Нужеда гъорлъ вугищ цониги эмен, васас ччугӏа гьарараб мехалъ, гьесухъе борохь кьолев? 12Яги, хоно гьарани, гьесухъе ичӏкӏал кьолев? 13Нужго квешал ругониги, лъималазе нужеца лъикӏабщинаб кьолеб мехалъ, жинда гьарарасе кигӏан цӏикӏкӏун рещтӏинабилеб зобалазда вугев Инсуца Илагьияб Рухӏ.
Гӏисайищ яги жундузул ханищ?
14Цо нухалъ цо чиясул чорхолъа Гӏисаца бачахъана гӏадан мацӏ лъаларевлъун лъугьинавулеб жен. Чорхолъа жен индал, мацӏ лъаларев чи гаргадизе лъугьана, гьелда гӏажаиблъи гьабун халкъги хутӏана. 15Цо-цо гӏадамаз абулеб букӏана гьес инсанасул чорхолъа жундул рачахъулел ругин жундузул хан Беэлзебулил кумекалдалъун. 16Цогидаз, гьесул хӏалбихьизелъун, тӏалаб гьабуна зодисан гӏаламат бихьизабеян. 17Гьезул пикрабиги лъан, Гӏисаца гьезда абуна:
– Бокьараб ханлъиялда жаниб кьал ккани – гьеб ханлъи биххула, хъизаналда жаниб кьал ккани – гьеб хъизанги биххула. 18Гьединго илбисги жибго жиндаго дандечӏун кьалда бугони, гьелъул ханлъи биххичӏого хутӏилищ? Нужецани абулеб буго Беэлзебулил кумекалдалъун рачахъулин дица гьел. 19Дица гьел Беэлзебулил кумекалдалъун рачахъулел ратани, нужер умматалъул гӏадамаз лъил кумекалдалъунха гьел рачахъулел? Гьеле гьел гӏадамаз нуж мекъи рукӏин чӏезабила гури. 20Амма дица жундул Аллагьасул кумекалдалъун рачахъулел ругелъул, Аллагьасул Парччахӏлъи нужеде гӏагарлъун букӏин бичӏчӏула гьелдасан.
21Кодоб ярагъгун цо къуватав-кутакав чияс жиндирго рукъ цӏунулеб бугони, гьесул боцӏи-рикъзиялъе хӏинкъи букӏунаро. 22Амма гьесдасаги къуватав тӏаде кӏанцӏани, гьев къезавила, гьесул ракӏчӏей букӏараб ярагъги кодоса босила, гьесухъа бахъун давлаги жидеразего бикьила.
23Дунгун цадахъ гьечӏев чи – гьев вуго дида дандечӏарав чи. Диргун жубай гьечӏев чияс журай биххизабила.
Жен жиндирго рокъобе тӏадбуссуна
24Инсанасул чорхолъа бачахъараб хъубаб жен ракъдалал авлахъазда терелеб-женжедулеб букӏуна, жиндиего рахӏат-хӏалхьи балагьулаго. Амма рахӏат-хӏалхьи батуларо женалда. Гьелъ абула: «Рачӏа, дун цебе дунго букӏараб рокъобе тӏадбуссина», – ян. 25Тӏадбуссун щведал, гьелда рукъ батула лъухьун, къачӏан. 26Гьанже женалъ жиндасаги гӏасияб анкьго женги бачуна гьеб рокъобе. Рахъун гьенир чӏола гьел. Гьебмехалъ дов чи цебе букӏаралдасаги квешаб хӏалалде ккола.
Гӏисаги цо пуланай чӏужугӏаданги
27Гӏисаца гьедин абидал, цо чӏужугӏаданалъ ахӏана халкъалъул руккалида гьоркьосан:
– Гьардарай гурищха мун гьавурай,
дуе керен кьурай дур эбел!
28Гьес абуна:
– Дагьалги цӏикӏкӏун гьардарал гурищ Аллагьасул рагӏи рагӏулел
ва гьелда рекъон хьвадулел гӏадамал!
Юнус аварагасул гӏаламаталъул хӏакъалъулъ
29Гӏемераб халкъ жиндаго аскӏобе бачӏараб мехалъ, Гӏисаца абуна:
– Цӏакъго квешлъун буго гьаб уммат! Гьазие бокьун буго гӏаламат бихьизабизе. Юнус аварагасул гӏаламат гурони, цогидаб гӏаламат гьезие букӏине гьечӏо. 30Ниневиялъул халкъалъе гӏаламатлъун Юнус авараг лъугьарав гӏадин, Гӏадамил Лъимерги гӏаламатлъун лъугьина гьаб умматалъе. 31Гьаб умматалда цадахъ яхъина къиямасеб къоялъ Къилбаялъул парччахӏги. Гьелъ гӏайиб чӏвала гьазда, гьей дуниялалъул рагӏалдаса яхъарай ячӏиндал Сулайман аварагасул гӏакъилаб рагӏухъ гӏенеккизе. Гьале гьанив вугевав гӏемерго тӏадегӏанав вуго Сулайман аварагасдаса. 32Ниневиялъул халкъги бахъина къиямасеб къоялъ гьаб умматалда цадахъ ва гьезги гӏайиб чӏвала гьазда, Юнус аварагасухъ гӏенеккун гьел Аллагьасде руссиндал. Гьале гьанив вугевав гӏемерго тӏадегӏанав вуго Юнус аварагасдаса.
Чирахъалъул мисал
33Лъицаниги лъеларо рекӏараб чирахъ бихьулареб бакӏалда яги сахӏида гъоркь. Жанире лъугьаразе канлъи букӏунедухъ борхатаб бакӏалда лъола гьеб. 34Дур бер – гьеб буго дур черхалъул чирахъ. Берал канал ругони, дур тӏолабго черхги канлъула. Берал канлъукъал ругони, дур черхги бецӏлъула. 35Ворегиха, дулъ бугеб канлъи бецӏлъиялде сверизе гурин. 36Гьедин, мун канлъул цӏун вугони, щибниги бецӏлъиги дулъ гьечӏони, мун тӏуванго гвангъила, чирахъул канлъиялъ мун кенчӏезавун вугев гӏадин.
Гӏисаца фарисеяздаги диниял гӏалимзабаздаги гӏайиб чӏвалеб буго
37Гӏисал вагӏза лъугӏидал, цо фарисеяс гьев къаде кваназе ахӏана. Вачӏун сурпаялда нахъа гӏодов чӏана Гӏиса. 38Кваназе лъугьиналде гьес кверал чуричӏелъул, фарисеяв хӏикмалъун хутӏана. 39Тӏадегӏанав Гӏисаца гьесда абуна:
– Нужеца, фарисеяз, суркӏа-щуруналъул тӏасахун рахъ бацӏцӏад гьабун чураниги, нужер жанисахун рахъ хъантӏиялъулги квешлъиялъулги цӏун буго. 40Гӏабдалзаби! Тӏасан бихьулеб бижарас гурищ жанибехун бугебги бижараб? 41Амма жаниб бугебаб садакъаде кьуни, гьебмехалъ хӏакъикъаталда тӏасаги рацӏцӏалъила нуж. 42Балагьги гӏазабги нужее, фарисеял. Нужеца садакъаде кьола хӏатта сагӏаналъул, гъараналъул ва цогидабги гӏурччинлъиялъул анцӏил бутӏа#11:42 Анцӏил бутӏа – закагӏат. , ритӏухълъиялъулги Аллагьасде рокьиялъулги нужеца тӏалабго гьабуларо. Гьебги гьабизе ккола, гьабцоябги гьабичӏого тезе бегьуларо. 43Балагьги гӏазабги нужее, фарисеял! Нужее бокьула синагогабазда жанир киназдасаго церегӏан гӏодор чӏезе ва базаркъотӏноб халкъалъ салам кьезе. 44Балагьги гӏазабги нужее! Нуж релълъуна тӏасан хьвадулесда хӏатӏикь букӏин лъалареб, зани чӏвачӏеб хобалда.
45Гьебмехалъ цо динияв гӏалимчияс абуна гьесда:
– Я, Мугӏалим! Гьединал рагӏабиги абун, дуца нижги инжит гьарулел ругогури.
46Гӏисаца абуна:
– Нужееги, диниял гӏалимзаби, балагьги гӏазабги! Щайгурелъул нужеца гӏадамазул мугъзада лъолеб буго баччизе кӏоларебгӏан бакӏаб гьир, нужецагойин абуни, гьелда килищцин хъваларо. 47Балагьги гӏазабги нужее! Нужер умумуз чӏварал аварагзабазул хобазда тӏад мазарал#11:47 Мазарал – хириял гӏадамазул хобазда тӏад зияраталъе гьарурал бакӏал. гьарулел руго нужеца. 48Гьелдалъун нужеца чӏезабулеб буго умумузул ишазда нуж тӏад рекъолел рукӏин. Доз аварагзаби чӏвана, нужецайин абуни, доз чӏван хваразул хобазда тӏад мазарал гьарулел руго. 49Гьединлъидал Аллагьасул Гӏакъиллъиялъ абун буго: «Аварагзабиги чапарзабиги ритӏизе руго дица гӏадамазухъе, гьезин абуни цоял чӏвазе руго, цогидал рачахъизе руго. 50-51Гьабилидаса бахъараб къурбан хъолеб бакӏалдаги Мукъадасаб Рукъалдаги гьоркьов чӏварав Закария аварагасде щвезегӏан, дуниял бижаралдаса нахъе гӏодобе тӏураб киналго аварагзабазул бидул хӏакъ босизе буго гьаб умматалдаса». Гьале дица нужеда абулеб буго: гьаб умматалдаса тӏалаб гьабизе буго дозул бидул хӏакъ.
52Балагьги гӏазабги нужее, диниял гӏалимзаби! Щайгурелъул нужеца гӏелмуялъул кӏул босана, амма кӏулал ричӏун нужгоги инчӏо жанире, ине бокьаралги риччачӏо.
53-54Гӏиса гьениса нахъе аралдасаго, батӏи-батӏиял суалал кьун, гьесухъа рагӏи бахъизе чанкъан чӏун, тӏаделъизе байбихьана диниял гӏалимзабазги фарисеязги, гьесул кӏал таризабизе кӏоларищали.
Currently Selected:
Лукаца бицараб Рохалил хабар 11: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Лукаца бицараб Рохалил хабар 11
11
11 бетӏер
Гӏисаца муридазда дугӏа гьабизе малъула
1Цо пуланаб бакӏалда Аллагьасе гьари-дугӏаялда вукӏана Гӏиса. Гьесул гьари-дугӏа лъугӏарабго, цо муридас Гӏисада абуна:
– Я, Бетӏерчӏахъад! Яхӏяца жиндирго муридазда малъараб гӏадин, нижедаги малъе Аллагьасе гьари-дугӏа гьабизе.
2Гьес гьезда абуна:
– Нужеца дугӏа гьабулаго гьадин абе:
Я, Эмен, дур цӏар гӏадамаз мукъадасаблъун рикӏкӏаги, дур Парччахӏлъи тӏаде щваги, 3щибаб къоялъ нижер бетӏербахъиялъе хинкӏ-чед кье нижее, 4нижер мунагьазда тӏасаги лъугьа, гӏадамаз нижее гьабуралда нижги тӏасалъугьунел ругин. Нижер хӏалбихьизеги биччаге.
5Цинги гьес бицана:
– Масала, нужер цоясул вуго гьудул, сордо бащалъараб мехалъ гьесул нуцӏихъе ун дуца абулеб буго: «Я, дир гьудул, къаси дие цо лъабго чед кьеларищ дуца? 6Сапаралда вугев цо гьудул гьоболлъухъ вачӏун вуго дихъе, гьесда цебе лъезе квен гьечӏого вуго дун», – абун. 7Унго, дос жанисан гьадинаб жаваб кьеладай дуе: «Дир рахӏат хвезабуге. Нуцӏаги рахан буго, лъималги руго дида аскӏор бусада кьижун. Тӏаде вахъун дуе чед кьезе кӏоларо дида». 8Амма дица абила гьадин: гьудуллъиялъул къимат гьабун кьечӏониги, дур тӏасавичӏунгутӏиялдаса ворчӏичӏого, гьайгьай, тӏаде вахъун дос дуе кьела къваригӏарабгӏанаб чед.
9Гьединлъидал дица нужеда абулеб буго: гьаре нужеца – нужее кьечӏого толаро; балагье нужеца – батичӏого хутӏуларо; нужеца нуцӏа бухе – гьеб рагьичӏого толаро. 10Гьарарасе кьола, балагьарасда батула, бухарасе нуцӏаги рагьула. 11Нужеда гъорлъ вугищ цониги эмен, васас ччугӏа гьарараб мехалъ, гьесухъе борохь кьолев? 12Яги, хоно гьарани, гьесухъе ичӏкӏал кьолев? 13Нужго квешал ругониги, лъималазе нужеца лъикӏабщинаб кьолеб мехалъ, жинда гьарарасе кигӏан цӏикӏкӏун рещтӏинабилеб зобалазда вугев Инсуца Илагьияб Рухӏ.
Гӏисайищ яги жундузул ханищ?
14Цо нухалъ цо чиясул чорхолъа Гӏисаца бачахъана гӏадан мацӏ лъаларевлъун лъугьинавулеб жен. Чорхолъа жен индал, мацӏ лъаларев чи гаргадизе лъугьана, гьелда гӏажаиблъи гьабун халкъги хутӏана. 15Цо-цо гӏадамаз абулеб букӏана гьес инсанасул чорхолъа жундул рачахъулел ругин жундузул хан Беэлзебулил кумекалдалъун. 16Цогидаз, гьесул хӏалбихьизелъун, тӏалаб гьабуна зодисан гӏаламат бихьизабеян. 17Гьезул пикрабиги лъан, Гӏисаца гьезда абуна:
– Бокьараб ханлъиялда жаниб кьал ккани – гьеб ханлъи биххула, хъизаналда жаниб кьал ккани – гьеб хъизанги биххула. 18Гьединго илбисги жибго жиндаго дандечӏун кьалда бугони, гьелъул ханлъи биххичӏого хутӏилищ? Нужецани абулеб буго Беэлзебулил кумекалдалъун рачахъулин дица гьел. 19Дица гьел Беэлзебулил кумекалдалъун рачахъулел ратани, нужер умматалъул гӏадамаз лъил кумекалдалъунха гьел рачахъулел? Гьеле гьел гӏадамаз нуж мекъи рукӏин чӏезабила гури. 20Амма дица жундул Аллагьасул кумекалдалъун рачахъулел ругелъул, Аллагьасул Парччахӏлъи нужеде гӏагарлъун букӏин бичӏчӏула гьелдасан.
21Кодоб ярагъгун цо къуватав-кутакав чияс жиндирго рукъ цӏунулеб бугони, гьесул боцӏи-рикъзиялъе хӏинкъи букӏунаро. 22Амма гьесдасаги къуватав тӏаде кӏанцӏани, гьев къезавила, гьесул ракӏчӏей букӏараб ярагъги кодоса босила, гьесухъа бахъун давлаги жидеразего бикьила.
23Дунгун цадахъ гьечӏев чи – гьев вуго дида дандечӏарав чи. Диргун жубай гьечӏев чияс журай биххизабила.
Жен жиндирго рокъобе тӏадбуссуна
24Инсанасул чорхолъа бачахъараб хъубаб жен ракъдалал авлахъазда терелеб-женжедулеб букӏуна, жиндиего рахӏат-хӏалхьи балагьулаго. Амма рахӏат-хӏалхьи батуларо женалда. Гьелъ абула: «Рачӏа, дун цебе дунго букӏараб рокъобе тӏадбуссина», – ян. 25Тӏадбуссун щведал, гьелда рукъ батула лъухьун, къачӏан. 26Гьанже женалъ жиндасаги гӏасияб анкьго женги бачуна гьеб рокъобе. Рахъун гьенир чӏола гьел. Гьебмехалъ дов чи цебе букӏаралдасаги квешаб хӏалалде ккола.
Гӏисаги цо пуланай чӏужугӏаданги
27Гӏисаца гьедин абидал, цо чӏужугӏаданалъ ахӏана халкъалъул руккалида гьоркьосан:
– Гьардарай гурищха мун гьавурай,
дуе керен кьурай дур эбел!
28Гьес абуна:
– Дагьалги цӏикӏкӏун гьардарал гурищ Аллагьасул рагӏи рагӏулел
ва гьелда рекъон хьвадулел гӏадамал!
Юнус аварагасул гӏаламаталъул хӏакъалъулъ
29Гӏемераб халкъ жиндаго аскӏобе бачӏараб мехалъ, Гӏисаца абуна:
– Цӏакъго квешлъун буго гьаб уммат! Гьазие бокьун буго гӏаламат бихьизабизе. Юнус аварагасул гӏаламат гурони, цогидаб гӏаламат гьезие букӏине гьечӏо. 30Ниневиялъул халкъалъе гӏаламатлъун Юнус авараг лъугьарав гӏадин, Гӏадамил Лъимерги гӏаламатлъун лъугьина гьаб умматалъе. 31Гьаб умматалда цадахъ яхъина къиямасеб къоялъ Къилбаялъул парччахӏги. Гьелъ гӏайиб чӏвала гьазда, гьей дуниялалъул рагӏалдаса яхъарай ячӏиндал Сулайман аварагасул гӏакъилаб рагӏухъ гӏенеккизе. Гьале гьанив вугевав гӏемерго тӏадегӏанав вуго Сулайман аварагасдаса. 32Ниневиялъул халкъги бахъина къиямасеб къоялъ гьаб умматалда цадахъ ва гьезги гӏайиб чӏвала гьазда, Юнус аварагасухъ гӏенеккун гьел Аллагьасде руссиндал. Гьале гьанив вугевав гӏемерго тӏадегӏанав вуго Юнус аварагасдаса.
Чирахъалъул мисал
33Лъицаниги лъеларо рекӏараб чирахъ бихьулареб бакӏалда яги сахӏида гъоркь. Жанире лъугьаразе канлъи букӏунедухъ борхатаб бакӏалда лъола гьеб. 34Дур бер – гьеб буго дур черхалъул чирахъ. Берал канал ругони, дур тӏолабго черхги канлъула. Берал канлъукъал ругони, дур черхги бецӏлъула. 35Ворегиха, дулъ бугеб канлъи бецӏлъиялде сверизе гурин. 36Гьедин, мун канлъул цӏун вугони, щибниги бецӏлъиги дулъ гьечӏони, мун тӏуванго гвангъила, чирахъул канлъиялъ мун кенчӏезавун вугев гӏадин.
Гӏисаца фарисеяздаги диниял гӏалимзабаздаги гӏайиб чӏвалеб буго
37Гӏисал вагӏза лъугӏидал, цо фарисеяс гьев къаде кваназе ахӏана. Вачӏун сурпаялда нахъа гӏодов чӏана Гӏиса. 38Кваназе лъугьиналде гьес кверал чуричӏелъул, фарисеяв хӏикмалъун хутӏана. 39Тӏадегӏанав Гӏисаца гьесда абуна:
– Нужеца, фарисеяз, суркӏа-щуруналъул тӏасахун рахъ бацӏцӏад гьабун чураниги, нужер жанисахун рахъ хъантӏиялъулги квешлъиялъулги цӏун буго. 40Гӏабдалзаби! Тӏасан бихьулеб бижарас гурищ жанибехун бугебги бижараб? 41Амма жаниб бугебаб садакъаде кьуни, гьебмехалъ хӏакъикъаталда тӏасаги рацӏцӏалъила нуж. 42Балагьги гӏазабги нужее, фарисеял. Нужеца садакъаде кьола хӏатта сагӏаналъул, гъараналъул ва цогидабги гӏурччинлъиялъул анцӏил бутӏа#11:42 Анцӏил бутӏа – закагӏат. , ритӏухълъиялъулги Аллагьасде рокьиялъулги нужеца тӏалабго гьабуларо. Гьебги гьабизе ккола, гьабцоябги гьабичӏого тезе бегьуларо. 43Балагьги гӏазабги нужее, фарисеял! Нужее бокьула синагогабазда жанир киназдасаго церегӏан гӏодор чӏезе ва базаркъотӏноб халкъалъ салам кьезе. 44Балагьги гӏазабги нужее! Нуж релълъуна тӏасан хьвадулесда хӏатӏикь букӏин лъалареб, зани чӏвачӏеб хобалда.
45Гьебмехалъ цо динияв гӏалимчияс абуна гьесда:
– Я, Мугӏалим! Гьединал рагӏабиги абун, дуца нижги инжит гьарулел ругогури.
46Гӏисаца абуна:
– Нужееги, диниял гӏалимзаби, балагьги гӏазабги! Щайгурелъул нужеца гӏадамазул мугъзада лъолеб буго баччизе кӏоларебгӏан бакӏаб гьир, нужецагойин абуни, гьелда килищцин хъваларо. 47Балагьги гӏазабги нужее! Нужер умумуз чӏварал аварагзабазул хобазда тӏад мазарал#11:47 Мазарал – хириял гӏадамазул хобазда тӏад зияраталъе гьарурал бакӏал. гьарулел руго нужеца. 48Гьелдалъун нужеца чӏезабулеб буго умумузул ишазда нуж тӏад рекъолел рукӏин. Доз аварагзаби чӏвана, нужецайин абуни, доз чӏван хваразул хобазда тӏад мазарал гьарулел руго. 49Гьединлъидал Аллагьасул Гӏакъиллъиялъ абун буго: «Аварагзабиги чапарзабиги ритӏизе руго дица гӏадамазухъе, гьезин абуни цоял чӏвазе руго, цогидал рачахъизе руго. 50-51Гьабилидаса бахъараб къурбан хъолеб бакӏалдаги Мукъадасаб Рукъалдаги гьоркьов чӏварав Закария аварагасде щвезегӏан, дуниял бижаралдаса нахъе гӏодобе тӏураб киналго аварагзабазул бидул хӏакъ босизе буго гьаб умматалдаса». Гьале дица нужеда абулеб буго: гьаб умматалдаса тӏалаб гьабизе буго дозул бидул хӏакъ.
52Балагьги гӏазабги нужее, диниял гӏалимзаби! Щайгурелъул нужеца гӏелмуялъул кӏул босана, амма кӏулал ричӏун нужгоги инчӏо жанире, ине бокьаралги риччачӏо.
53-54Гӏиса гьениса нахъе аралдасаго, батӏи-батӏиял суалал кьун, гьесухъа рагӏи бахъизе чанкъан чӏун, тӏаделъизе байбихьана диниял гӏалимзабазги фарисеязги, гьесул кӏал таризабизе кӏоларищали.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008