Лукаца бицараб Рохалил хабар 16
16
16 бетӏер
Божизе бегьуларев хъулухъчиясул хӏакъалъулъ
1Жиндирго муридазда Гӏисаца бицана:
– Цо бечедав чиясул вукӏун вуго гьесул мал-мулкалъул тӏалаб гьабун тарав хъулухъчи. 2Жиндир мал-мулк чӏунтизабулеб бугин гьесилан рагӏидал, аскӏове ахӏун, гьесда абун буго: «Гьаб лъикӏаб гуреб хабар щиб дур хӏакъалъулъ дида рагӏулеб бугеб? Гьанже дуца хъван кье дихъе тӏаде бачӏаралъулги харж гьабуралъулги сияхӏ. Тӏокӏалъ дица мун гьеб хъулухъалда толаро», – ян. 3Гьебмехалъ хъулухъчияс жинцаго жиндаго абун буго: «Щибдай дица гьабила? Гьанже дун гьас хъулухъалдаса вахъулев вуго. Хур гьанкӏизе дида кӏоларо, гьардухъ ине дун намуслъула. 4Гьа, дида лъала щиб гьабилебали. Гьес хъулухъалдаса вахъараб мехалъ цогидаз дун жидерго къавулъе вачунеб куц гьабила дица».
5Гьес жиндирго хважаинасул налъулал батӏа-батӏаго ахӏун руго жиндихъего. Тӏоцеве ахӏарасда гьикъун буго дир хважаинасе дуца кигӏан кьезе бугебан. 6Нусго рагӏ зайтуналъул нахул кьезе бугилан гьес абидал, бахъун нахъе кьун буго налъи тӏад хъвараб кагъат: «Хехго гӏодов чӏун цӏидасан хъвай кӏикъоялда анцӏго букӏанилан». 7Цогидасда гьикъун буго дуца щиб кьезе бугебан. Нусго къали ролъул кьезе бугилан бициндал, гьесдаги абун буго: «Ма гьаб кагъатги нахъе босе, цӏидасан хъвай ункъого букӏанилан».
8Хадув хважаинас гьев веццулаан, сихӏиргони гьабунин гьес гьеб ишилан. Гьедин гьаб дуниялалъул рукъ къачӏалел чагӏи жалго гӏадал гӏадамазда гьоркьор гӏемерго сихӏирал руго, ахираталъул рукъ къачӏалездаса.
9Гьединлъидал дица нужеда абулеб буго: дуниялалъул рокъоб хачараб боцӏи-рикъзи кьун, нужеца гьанир гьединал гьудулзаби ричун росе, боцӏи-рикъзи гьечӏого хутӏараб мехалъ, абадияб рокъоре нужго къабул гьаризе.
10Гьитӏихӏинаб божун тезе бегьулев чиясда кӏудиялъулги божилъи гьабизе бегьула. Гьитӏиналъулъ хӏилла-макру гьабурас кӏудиялъулъги рекӏкӏ гьабула. 11Дуниялалъул рокъоб хачараб боцӏи-рикъзи божун тезе бегьуларел нужеде абадияб рукъалъул унго-унгояб хазинаялъул божилъи лъица гьабилеб? 12Чияр боцӏи божун тезе бегьуларел нужехъе, нужерабгоги лъица кьелеб?
13Лъиданиги кӏоларо кӏиго бетӏергьанасе лагълъи гьабизе. Цояв гьесда рихина, цогидав вокьила. Яги цоясе гьес лагълъи ракӏбацӏцӏадго гьабила, цогидасе тӏаса-масаго гьабила. Гьедин нужедаги кӏвеларо Аллагьасеги дуниялалъул боцӏи-рикъзиялъеги лагълъи гьабизе.
Гӏисаца фарисеял къватӏир чӏвазарула
14Боцӏи-рикъзи хириял фарисеял, Гӏисахъги гӏенеккун, гьесда тӏад релъанхъулел рукӏана. 15Гӏисаца гьезда абуна:
– Гӏадамаз нуж вализабилъун рикӏкӏуна, амма Аллагьасда лъалебха нужер рекӏелъ бугеб жо. Гӏадамазда цебе жиб тӏадегӏанаб, Аллагьасда цебе къабихӏаб буго. 16Яхӏяде щвезегӏанги букӏана диналъул къанун, рукӏана аварагзабиги. Гьев вачӏун хадуб Аллагьасул Парччахӏлъиялъул хӏакъалъулъ Рохалил хабар бицунеб буго. Щивас хӏаракат бахъулеб буго хӏалица гьенире рорчӏизе. 17Амма къануналъул цохӏо хӏарп бортизегӏан, зобалги ракьалги тӏагӏун ина.
18Чӏужуги йиччан тун, цогидай ячаравщинав чи жиндирго йикӏарай чӏужуялда цеве мунагьалъукье ккола. Гьеб мунагьги зиналъун рикӏкӏуна. Росасдаса ятӏалъарай гӏадан ячарав чиги зиначи ккола.
Гӏисаца бицуна цо бечедав чиясулги Лазарилги хӏакъалъулъ
19– Цо бечедав чи вукӏун вуго. Гьес ретӏунеб букӏун буго дарай-зарбал. Щибаб къоялъ гьес гӏуцӏулеб букӏун буго бечедаб квана-гьекъей. 20Тӏолабго черхалде чанхъ барав цо Лазар абун гьардухъанги вукӏун вуго гьесул кавудул кӏалтӏа чӏарав. 21Бечедав чиясул сурпаялдаса хутӏа-кӏучараб квен-тӏехгӏаги щвелародайилан чӏун вукӏун вуго гьев гьенив. Тӏадежоялъеги рекерун рачӏун гьабзаз гьесул чанхъаз цӏураб черхалда тӏад мацӏ бахъулеб букӏун буго.
22Гьале, хвана гьев пакъир, малаикзабаз гьев Ибрагьим аварагасда аскӏове восун ана. Хвана дов бечедав чиги. Гьев хабалъ вукъана. 23Гьале жужахӏалъув квешаб гӏазабалъулъ вугев гьев бечедав чиясда, берал рорхун валагьидал, рикӏкӏадасан вихьана Ибрагьим аварагги гьесда аскӏов дов Лазарги.
24Бечедав чияс ахӏана: «Я, нижер эмен Ибрагьим! Гурхӏа мун дида! Гьаб цӏадулъ вежулев вугин дун, дир мацӏалда реччел хъвазегӏаги, лъадалъ килищги ччун, витӏе гьев Лазар».
25Ибрагьимица гьесда абуна: «Я, дир вас, дуца ракӏалде щвезабе: дуниялалъул рокъоб дуе кинабго лъикӏабщинаб щвана, Лазариейин абуни гьениб кинабго квешабщинаб щвана. Гьанже гьанив Лазар хӏалхьун вуго, мун гӏазабалъулъ вуго. 26Гьав духъе кин витӏилев, нилъеда гьоркьоб кӏудияб кӏкӏал лъугьун бугелъул. Гьединлъидал гьаниса гьенирехун рачӏине бокьаразе нух гьечӏо ва гьениса гьанирехун рачӏинеги бажаруларо».
27Нахъеги дов чияс гьарун буго: «Гьедин батани, дир эмен, дуца Лазар витӏе дир инсул рокъове. 28Дова дир щуго вац вуго. Дозда цӏодорго рукӏаян абизе витӏе. Гурони – гьелги рачӏина гьаб гӏазабалъул рокъоре».
29Ибрагьимица абун буго: «Дозие Мусаги цогидал аварагзабиги руго. Гьезухъ гӏенеккеян абе».
30Дов бечедав чияс абун буго: «Я, дир эмен Ибрагьим, гӏенеккуларо гьел! Амма цогӏаги хварав чи дуниялалде тӏадвуссун вачӏани – кантӏила, Аллагьасде руссина».
31Гьебмехалъ Ибрагьимица абун буго гьесда: «Мусахъги цогидал аварагзабазухъги гӏенеккуларел чагӏи хваралъуса вахъун вачӏарав чиясдаги божиларо», – ян.
Currently Selected:
Лукаца бицараб Рохалил хабар 16: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Лукаца бицараб Рохалил хабар 16
16
16 бетӏер
Божизе бегьуларев хъулухъчиясул хӏакъалъулъ
1Жиндирго муридазда Гӏисаца бицана:
– Цо бечедав чиясул вукӏун вуго гьесул мал-мулкалъул тӏалаб гьабун тарав хъулухъчи. 2Жиндир мал-мулк чӏунтизабулеб бугин гьесилан рагӏидал, аскӏове ахӏун, гьесда абун буго: «Гьаб лъикӏаб гуреб хабар щиб дур хӏакъалъулъ дида рагӏулеб бугеб? Гьанже дуца хъван кье дихъе тӏаде бачӏаралъулги харж гьабуралъулги сияхӏ. Тӏокӏалъ дица мун гьеб хъулухъалда толаро», – ян. 3Гьебмехалъ хъулухъчияс жинцаго жиндаго абун буго: «Щибдай дица гьабила? Гьанже дун гьас хъулухъалдаса вахъулев вуго. Хур гьанкӏизе дида кӏоларо, гьардухъ ине дун намуслъула. 4Гьа, дида лъала щиб гьабилебали. Гьес хъулухъалдаса вахъараб мехалъ цогидаз дун жидерго къавулъе вачунеб куц гьабила дица».
5Гьес жиндирго хважаинасул налъулал батӏа-батӏаго ахӏун руго жиндихъего. Тӏоцеве ахӏарасда гьикъун буго дир хважаинасе дуца кигӏан кьезе бугебан. 6Нусго рагӏ зайтуналъул нахул кьезе бугилан гьес абидал, бахъун нахъе кьун буго налъи тӏад хъвараб кагъат: «Хехго гӏодов чӏун цӏидасан хъвай кӏикъоялда анцӏго букӏанилан». 7Цогидасда гьикъун буго дуца щиб кьезе бугебан. Нусго къали ролъул кьезе бугилан бициндал, гьесдаги абун буго: «Ма гьаб кагъатги нахъе босе, цӏидасан хъвай ункъого букӏанилан».
8Хадув хважаинас гьев веццулаан, сихӏиргони гьабунин гьес гьеб ишилан. Гьедин гьаб дуниялалъул рукъ къачӏалел чагӏи жалго гӏадал гӏадамазда гьоркьор гӏемерго сихӏирал руго, ахираталъул рукъ къачӏалездаса.
9Гьединлъидал дица нужеда абулеб буго: дуниялалъул рокъоб хачараб боцӏи-рикъзи кьун, нужеца гьанир гьединал гьудулзаби ричун росе, боцӏи-рикъзи гьечӏого хутӏараб мехалъ, абадияб рокъоре нужго къабул гьаризе.
10Гьитӏихӏинаб божун тезе бегьулев чиясда кӏудиялъулги божилъи гьабизе бегьула. Гьитӏиналъулъ хӏилла-макру гьабурас кӏудиялъулъги рекӏкӏ гьабула. 11Дуниялалъул рокъоб хачараб боцӏи-рикъзи божун тезе бегьуларел нужеде абадияб рукъалъул унго-унгояб хазинаялъул божилъи лъица гьабилеб? 12Чияр боцӏи божун тезе бегьуларел нужехъе, нужерабгоги лъица кьелеб?
13Лъиданиги кӏоларо кӏиго бетӏергьанасе лагълъи гьабизе. Цояв гьесда рихина, цогидав вокьила. Яги цоясе гьес лагълъи ракӏбацӏцӏадго гьабила, цогидасе тӏаса-масаго гьабила. Гьедин нужедаги кӏвеларо Аллагьасеги дуниялалъул боцӏи-рикъзиялъеги лагълъи гьабизе.
Гӏисаца фарисеял къватӏир чӏвазарула
14Боцӏи-рикъзи хириял фарисеял, Гӏисахъги гӏенеккун, гьесда тӏад релъанхъулел рукӏана. 15Гӏисаца гьезда абуна:
– Гӏадамаз нуж вализабилъун рикӏкӏуна, амма Аллагьасда лъалебха нужер рекӏелъ бугеб жо. Гӏадамазда цебе жиб тӏадегӏанаб, Аллагьасда цебе къабихӏаб буго. 16Яхӏяде щвезегӏанги букӏана диналъул къанун, рукӏана аварагзабиги. Гьев вачӏун хадуб Аллагьасул Парччахӏлъиялъул хӏакъалъулъ Рохалил хабар бицунеб буго. Щивас хӏаракат бахъулеб буго хӏалица гьенире рорчӏизе. 17Амма къануналъул цохӏо хӏарп бортизегӏан, зобалги ракьалги тӏагӏун ина.
18Чӏужуги йиччан тун, цогидай ячаравщинав чи жиндирго йикӏарай чӏужуялда цеве мунагьалъукье ккола. Гьеб мунагьги зиналъун рикӏкӏуна. Росасдаса ятӏалъарай гӏадан ячарав чиги зиначи ккола.
Гӏисаца бицуна цо бечедав чиясулги Лазарилги хӏакъалъулъ
19– Цо бечедав чи вукӏун вуго. Гьес ретӏунеб букӏун буго дарай-зарбал. Щибаб къоялъ гьес гӏуцӏулеб букӏун буго бечедаб квана-гьекъей. 20Тӏолабго черхалде чанхъ барав цо Лазар абун гьардухъанги вукӏун вуго гьесул кавудул кӏалтӏа чӏарав. 21Бечедав чиясул сурпаялдаса хутӏа-кӏучараб квен-тӏехгӏаги щвелародайилан чӏун вукӏун вуго гьев гьенив. Тӏадежоялъеги рекерун рачӏун гьабзаз гьесул чанхъаз цӏураб черхалда тӏад мацӏ бахъулеб букӏун буго.
22Гьале, хвана гьев пакъир, малаикзабаз гьев Ибрагьим аварагасда аскӏове восун ана. Хвана дов бечедав чиги. Гьев хабалъ вукъана. 23Гьале жужахӏалъув квешаб гӏазабалъулъ вугев гьев бечедав чиясда, берал рорхун валагьидал, рикӏкӏадасан вихьана Ибрагьим аварагги гьесда аскӏов дов Лазарги.
24Бечедав чияс ахӏана: «Я, нижер эмен Ибрагьим! Гурхӏа мун дида! Гьаб цӏадулъ вежулев вугин дун, дир мацӏалда реччел хъвазегӏаги, лъадалъ килищги ччун, витӏе гьев Лазар».
25Ибрагьимица гьесда абуна: «Я, дир вас, дуца ракӏалде щвезабе: дуниялалъул рокъоб дуе кинабго лъикӏабщинаб щвана, Лазариейин абуни гьениб кинабго квешабщинаб щвана. Гьанже гьанив Лазар хӏалхьун вуго, мун гӏазабалъулъ вуго. 26Гьав духъе кин витӏилев, нилъеда гьоркьоб кӏудияб кӏкӏал лъугьун бугелъул. Гьединлъидал гьаниса гьенирехун рачӏине бокьаразе нух гьечӏо ва гьениса гьанирехун рачӏинеги бажаруларо».
27Нахъеги дов чияс гьарун буго: «Гьедин батани, дир эмен, дуца Лазар витӏе дир инсул рокъове. 28Дова дир щуго вац вуго. Дозда цӏодорго рукӏаян абизе витӏе. Гурони – гьелги рачӏина гьаб гӏазабалъул рокъоре».
29Ибрагьимица абун буго: «Дозие Мусаги цогидал аварагзабиги руго. Гьезухъ гӏенеккеян абе».
30Дов бечедав чияс абун буго: «Я, дир эмен Ибрагьим, гӏенеккуларо гьел! Амма цогӏаги хварав чи дуниялалде тӏадвуссун вачӏани – кантӏила, Аллагьасде руссина».
31Гьебмехалъ Ибрагьимица абун буго гьесда: «Мусахъги цогидал аварагзабазухъги гӏенеккуларел чагӏи хваралъуса вахъун вачӏарав чиясдаги божиларо», – ян.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008