Лукаца бицараб Рохалил хабар 8
8
8 бетӏер
Гӏисае хъулухъалъе чӏун рукӏарал руччаби
1Гьелдаса хадуб Гӏиса Аллагьасул Парччахӏлъи тӏаде гӏунтӏун букӏин лъазабулаго ва Рохалил хабар бицунаго шагьаразда ва росабалъ тирулев вукӏана. Анцӏила кӏиявго чапарги вукӏана гьесда цадахъ. 2Гӏисада цадахъ рукӏана гьес сахлъизарурал ва жундуздаса рацӏцӏад гьарурал руччаби: жиндир чорхолъа гьес анкьго илбис бачахъарай Магдалина абураб тӏокӏцӏар бугей Марямги, 3Гьеродил рукъалъул иш тӏадкъарав Хуза абулев чиясул лъади Иоаннаги, Сусаннаги ва цогидалги, жидер боцӏи-рикъзиялдасан кумек гьабун, гьезие хъулухъалъе чӏун рукӏарал руччаби.
Хуриб хьон хьалев чиясул мисал
4Цо нухалъ гӏемераб халкъ бакӏарун букӏана гьесда аскӏобе. Мисал бачун гьадинаб хабар бицана Гӏисаца гьезие:
5– Хуриб хьон хьазе вахъун вукӏанила цо чи. Хьалаго-хьалаго цо-цо мугьал нухде рортанила. Хӏатӏикь мерхьунел рукӏарал гьел мугьал роржун рачӏун хӏанчӏаз рищанила. 6Цо-цо мугьал ракьул хъал гурони тӏад гьечӏеб тӏалде кколел рукӏанила. Тӏаде раккаралго ракъванила гьел, ракьулъ регьел букӏинчӏелъул. 7Цогиги мугьал заз-хъарахъалда гьоркьоре кканила, хӏалигъун бижараб заз-хъарахъалъ гъанкъун реханила. 8Цогидал мугьал кканила лъикӏаб ракьалде. Нус-нус мугь тӏад бугел тӏорал рижанила гьездаса.
Гьедин гьеб хабарги лъугӏизабун, ахӏун абуна Гӏисаца:
– Гӏундул ругезда рагӏизе биччанте гьеб! – ан.
9Гьеб мисалалъул магӏна щибилан гьикъана муридаз. 10Гӏисаца абуна:
– Нуж руго Аллагьасул Парччахӏлъиялъул балъголъи лъазе рес щварал гӏадамал, амма цогидазе – мисалаздалъун кьун буго, ралагьун ругониги гьезда бихьунгутӏизе, гӏенеккун ругониги бичӏчӏунгутӏизе. 11Гьале доб мисалалъул магӏна: хуриб хьалеб хьон буго Аллагьасул рагӏи. 12Нухде рортарал хьодул мугьал – гьел руго Аллагьасул рагӏухъ гӏенеккулел гӏадамал, цинги бачӏун илбисалъ гьезул рекӏелъа гьеб босун уна, гьел божунгутӏизе ва хвасарлъунгутӏизе. 13Ракьул хъал гурони тӏад гьечӏеб тӏалде рортарал мугьал – гьел руго Аллагьасул рагӏи рохун къабул гьабуниги, дагьабго заманаялъ гурони гьелда божуларелал, – жидер кьалбал щулиял гьечӏелъул, хӏалбихьулел къоял тӏаде гӏунтӏидал, жал ратӏалъунги чӏолел. 14Заз-хъарахъалде гъорлъе рортарал мугьал – гьел руго Аллагьасул рагӏухъ гӏенеккулелал, – амма къокъун унеб бугеб гӏумруялъул тӏалаб-агъазалъ ва бечелъиялдаги тӏагӏам-лазаталдаги хадур хачадиялъ гьел гъоркькъинарула, гьезда тӏорги цӏубаларо. 15Лъикӏаб ракьалде рортарал мугьал – гьел руго Аллагьасул рагӏи рагӏидал, хӏеренаб-хӏалимаб рекӏелъ гьеб цӏунулел ва гьеб сабру сабаблъун жидее бачӏинги щолел гӏадамал.
Чирахъалъул мисал
16Рекӏараб чирахъ тӏад хьаг лъун лъицаниги бахчизабуларо, хьонбакӏалда гъоркь лъоларо. Жанире лъугьаразе канлъи букӏунедухъ борхатаб бакӏалда лъола гьеб. 17Кинабго бахчарабщинабги тӏатунелъул, балъгоябщинабги къватӏибе загьирлъулелъул. 18Гьединлъидал нужеца хал гьабе кин нуж дихъ гӏенеккун ругелали. Кодолъи бугесе тӏадеги кьезе буго, кодолъи гьечӏесухъа бахъизе буго бугебилан гьесда кколебги.
Гӏисахъе рачӏуна гьесул эбелги вацалги
19Гӏисахъе рачӏана эбелги вацалги, амма халкъалъул гӏемерлъиялъ гьесда аскӏобе нух бахъизе кӏвечӏо гьезда. 20Дур эбелги вацалги мун вихьизе бокьун къватӏир чӏун ругилан абуна гьесда. 21Гьес гьезда абуна:
– Дир эбелги дир вацалги руго Аллагьасул рагӏи жидеда рагӏулел ва гьеб тӏубазабулел гӏадамал.
Гӏисаца гьури къотӏизабула
22Цо къоялъ жиндирго муридазда цадахъ гьев росода рекӏана.
– Рачӏа доб рахъалде рахине, – ян абуна гьес гьезда.
Расаги бачун ана гьел. 23Гьедин унел гьал рукӏаго, Гӏиса кьижун ккана. Хӏоралда тӏад кутакаб гьури багъарана. Раса лъадал цӏолеб букӏана. Гъанкъиялда хӏинкъи букӏана. 24Аскӏоре ун, гьез Гӏиса ворчӏизавуна:
– Я, Насихӏатчи! Насихӏатчи! Нилъ гъанкъизехъин руго! – ян абун.
Макьидаса вигьун, гьес гьорода лъазабуна тӏокӏаб пугейилан, лъадаеги амру гьабуна гьалаглъугейилан. Гьел мутӏигӏлъана. Сихӏ къотӏун лъугьана. 25Гьебмехалъ Гӏисаца абуна:
– Киб бугеб нужер божи-иман?
Хӏинкъиялъ гӏажаиблъун хутӏарал гьез цоцазде ургъел бикьулеб букӏана, гьороеги карачалабазеги амру гьабулев ва гьелги жиндие мутӏигӏав гьавго кинав чийилан.
Гӏисаца сахлъизавула жундуз ккурав чи
26Гьале гьал щвана Галилеялда дандбитӏун доб рахъалда бугеб герасеназул улкаялде. 27Гьев ракъдаде рещтӏараб мехалъ, гьесда данде вачӏана цеве шагьаралда вукӏарав цо чи. Гьев вукӏана цевегоялдаса жундуз ккурав чи. Цебегоялдаса нахъе тӏад ретӏелги ретӏунароан гьес, мина-руссеналъувги чӏолароан гьев, хабалазул нохъазда букӏана гьесул чӏейи. 28Гӏиса вихьаравго чӏчӏичӏчӏидулаго-ахӏдолаго гьесда цеве кӏалагъоркье речӏчӏана, ва кӏудияб гьаракь гьабун, абуна гьес:
– Тӏадегӏанав Аллагьасул Вас Гӏиса, щиб дуе дидасан къваригӏараб? Дие гӏазаб кьогейилан гьарула дица дуда! 29(Гӏисаца хъубаб женалъе амру гьабун букӏиндалха гьев чиясул чорхолъа къватӏибе лъугьаян. Чанго нухалъ хъубаб женалъ ккун вукӏиндал, кверазда рахсал ран, бохдузда маххал ран вухьунаан гьев. Амма, гьес рухьен тӏутӏураб мехалъ, женалъ гьев гӏадан-чи гьечӏеб бакӏалде хъамулаан.) 30Гӏисаца гьикъана дуда цӏар щибилан.
– «Бо» буго, – ян жаваб кьуна. Гӏемерал жундул рукӏиндалха гьесул чорхолъ. 31Жундуз Гӏисада гьарана жал жужахӏалъул кӏкӏалахъе гъогеян. 32Гьениб магӏарда кваналеб букӏана болъоназул кӏудияб рехьед. Гьел болъоназда гъорлъе лъугьине риччайин гьарана жундуз Гӏисада. Гьес изну кьуна. 33Гьев чиясул чорхолъа къватӏире рачӏун хъубал жундул болъоназулъе лъугьана. Гьебсагӏат рехьед цо борхатаб бакӏалдасан хӏоринибе кӏанцӏана ва гьениб гъанкъана.
34Гьеб кинабго бихьун болъоназул гӏухьби лъутун ана, шагьаралдаги росабалъги гьелъул хӏакъалъулъ бицине. 35Щиб лъугьарабали лъазе гӏадамал рачӏана гьенире. Гӏисада аскӏоре щведал, гьесул хӏатӏазда цеве гӏодов чӏун ватана гьезда дов жундуз ккун вукӏарав чи: тӏад ретӏелги буго гьесда, камилаб гӏакълу-лъаялдаги вуго. Гӏадамазул рекӏелъе хӏинкъи лъугьана. 36Гьенир рукӏараз бицана жундуз ккурав чи Гӏисаца кин сахлъизавуравали. 37Герасеназул тӏолабго улкаялъул гӏадамал кутакалда хӏинкъидал, гьез Гӏисада гьарана жидеда аскӏоса нахъе айилан. Гьебмехалъ, росодаги рекӏун, тӏадвуссун ана гьев.
38Дов жундуз ккун вукӏарав чияс Гӏисада гьарана живги цадахъ вачейилан. Амма Гӏисаца гьев вачинчӏо. 39Гьес абуна:
– Дурго рокъове тӏадвусса ва Аллагьас дуего гьабуралъул хӏакъалъулъ бице.
Инеги ун гьев чияс кинабго шагьаралдаго бицана Гӏисаца жиндиего гьабуралъул хӏакъалъулъ.
Гӏисаца унтарайги сахлъизаюла хварайги чӏаголъизаюла
40Тӏадвуссун Галилеялде вачӏараб мехалъ, халкъалъул руккелалъ дандчӏвай гьабуна Гӏисада. Гьев вачӏиналъухъ ралагьун чӏун рукӏиндалха гьел киналго. 41Гьале синагогаялъул хӏакимлъун вукӏарав Яир абулев цо чи вачӏана гьениве, Гӏисал хӏатӏазда цеве кӏалагъоркьеги речӏчӏун гьардана жиндир бакӏалде вилълъаян. 42Гьев чиясул анцӏила кӏигогӏан сон барай цохӏо йигей яс йикӏана хвалде ккун унтун.
Гьелъухъе унаго халкъалъул руккелалъ Гӏиса данде къазавулев вукӏана. 43Анцӏила кӏиго соналъ би къотӏичӏого ва черх бацӏцӏалъичӏого йикӏарай, лъиданиги сахлъизайизе кӏвечӏей цо чӏужугӏаданалъ, 44аскӏоеги ячӏун, нахъасан Гӏисал гӏабаялдасан далун букӏараб цо гӏертелалда квер хъвана. Гьебсагӏат къотӏана гьелъул чорхолъа чвахулеб букӏараб би.
45Гӏисаца гьикъана:
– Дида квер лъица хъвараб? – ан.
Киназго инкар гьабидал, Пётрица абуна:
– Я, Насихӏатчи, халкъалъ мун гьоркьов вазавун вугогури, данде къазавулев вугогури.
46Амма Гӏисаца абуна:
– Цо лъицаялиго дида квер хъвана. Дидасан гьесде цо чи сахлъизавизе кӏолеб къуват араблъи загьирлъана дие.
47Жиндир иш балъго хутӏичӏеблъи лъан, дой чӏужугӏадан сородилаго Гӏисада аскӏое ячӏана, гьесда цее кӏалагъоркье речӏчӏун, бицана щай жинца гьесда квер хъварабали ва кин жий гьебсагӏат сахлъараялиги. 48Гьес гьелда абуна:
– Дурго божи-иманалъ хвасар гьаюна, яц, мун. Гьанже а дурго!
49Гьелдехун кӏалъалев Гӏиса вукӏаго, синагогаялъул хӏакимасул бакӏалдаса цо чи вачӏана ва инсуда абуна дур яс хванилан, гӏадада Мугӏалимасул рахӏат хвезабугейилан. 50Гьеб рагӏидал, Гӏисаца ясалъул инсуда абуна:
– Мун хӏинкъуге, божун вукӏа. Дур яс сахлъила, – ян.
51Гьезул бакӏалде щведал, Пётрги, Иоаннги, Якъубги ва ясалъул эбел-эменги гурони, цогидал гьес жанире риччачӏо. 52Киналго, гьей ясалъухъ керен бухулаго, гӏодулел рукӏана. Амма гьес абуна:
– Нуж гӏодуге. Гьей хун гьечӏо, кьижун ккун йиго, – ян.
53Гьел гьасда тӏад релъанхъизе лъугьана, гьей хун йикӏинги лъан. 54Амма гьес, ясалъул кверги ккун, гьелде ахӏана:
– Тӏаде яхъа, ясай! – абун.
55Ясалъул чорхолъе рухӏ тӏадбуссун бачӏана, гьей гьебсагӏат тӏаде яхъана. Гьелъие квен кьеян абуна Гӏисаца. 56Гӏажаиблъун хутӏана гьелъул эбел-эмен. Амма гьеб лъугьа-бахъиналъул хӏакъалъулъ лъиданиги бицунгеян лъазабуна Гӏисаца гьезда.
Currently Selected:
Лукаца бицараб Рохалил хабар 8: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Лукаца бицараб Рохалил хабар 8
8
8 бетӏер
Гӏисае хъулухъалъе чӏун рукӏарал руччаби
1Гьелдаса хадуб Гӏиса Аллагьасул Парччахӏлъи тӏаде гӏунтӏун букӏин лъазабулаго ва Рохалил хабар бицунаго шагьаразда ва росабалъ тирулев вукӏана. Анцӏила кӏиявго чапарги вукӏана гьесда цадахъ. 2Гӏисада цадахъ рукӏана гьес сахлъизарурал ва жундуздаса рацӏцӏад гьарурал руччаби: жиндир чорхолъа гьес анкьго илбис бачахъарай Магдалина абураб тӏокӏцӏар бугей Марямги, 3Гьеродил рукъалъул иш тӏадкъарав Хуза абулев чиясул лъади Иоаннаги, Сусаннаги ва цогидалги, жидер боцӏи-рикъзиялдасан кумек гьабун, гьезие хъулухъалъе чӏун рукӏарал руччаби.
Хуриб хьон хьалев чиясул мисал
4Цо нухалъ гӏемераб халкъ бакӏарун букӏана гьесда аскӏобе. Мисал бачун гьадинаб хабар бицана Гӏисаца гьезие:
5– Хуриб хьон хьазе вахъун вукӏанила цо чи. Хьалаго-хьалаго цо-цо мугьал нухде рортанила. Хӏатӏикь мерхьунел рукӏарал гьел мугьал роржун рачӏун хӏанчӏаз рищанила. 6Цо-цо мугьал ракьул хъал гурони тӏад гьечӏеб тӏалде кколел рукӏанила. Тӏаде раккаралго ракъванила гьел, ракьулъ регьел букӏинчӏелъул. 7Цогиги мугьал заз-хъарахъалда гьоркьоре кканила, хӏалигъун бижараб заз-хъарахъалъ гъанкъун реханила. 8Цогидал мугьал кканила лъикӏаб ракьалде. Нус-нус мугь тӏад бугел тӏорал рижанила гьездаса.
Гьедин гьеб хабарги лъугӏизабун, ахӏун абуна Гӏисаца:
– Гӏундул ругезда рагӏизе биччанте гьеб! – ан.
9Гьеб мисалалъул магӏна щибилан гьикъана муридаз. 10Гӏисаца абуна:
– Нуж руго Аллагьасул Парччахӏлъиялъул балъголъи лъазе рес щварал гӏадамал, амма цогидазе – мисалаздалъун кьун буго, ралагьун ругониги гьезда бихьунгутӏизе, гӏенеккун ругониги бичӏчӏунгутӏизе. 11Гьале доб мисалалъул магӏна: хуриб хьалеб хьон буго Аллагьасул рагӏи. 12Нухде рортарал хьодул мугьал – гьел руго Аллагьасул рагӏухъ гӏенеккулел гӏадамал, цинги бачӏун илбисалъ гьезул рекӏелъа гьеб босун уна, гьел божунгутӏизе ва хвасарлъунгутӏизе. 13Ракьул хъал гурони тӏад гьечӏеб тӏалде рортарал мугьал – гьел руго Аллагьасул рагӏи рохун къабул гьабуниги, дагьабго заманаялъ гурони гьелда божуларелал, – жидер кьалбал щулиял гьечӏелъул, хӏалбихьулел къоял тӏаде гӏунтӏидал, жал ратӏалъунги чӏолел. 14Заз-хъарахъалде гъорлъе рортарал мугьал – гьел руго Аллагьасул рагӏухъ гӏенеккулелал, – амма къокъун унеб бугеб гӏумруялъул тӏалаб-агъазалъ ва бечелъиялдаги тӏагӏам-лазаталдаги хадур хачадиялъ гьел гъоркькъинарула, гьезда тӏорги цӏубаларо. 15Лъикӏаб ракьалде рортарал мугьал – гьел руго Аллагьасул рагӏи рагӏидал, хӏеренаб-хӏалимаб рекӏелъ гьеб цӏунулел ва гьеб сабру сабаблъун жидее бачӏинги щолел гӏадамал.
Чирахъалъул мисал
16Рекӏараб чирахъ тӏад хьаг лъун лъицаниги бахчизабуларо, хьонбакӏалда гъоркь лъоларо. Жанире лъугьаразе канлъи букӏунедухъ борхатаб бакӏалда лъола гьеб. 17Кинабго бахчарабщинабги тӏатунелъул, балъгоябщинабги къватӏибе загьирлъулелъул. 18Гьединлъидал нужеца хал гьабе кин нуж дихъ гӏенеккун ругелали. Кодолъи бугесе тӏадеги кьезе буго, кодолъи гьечӏесухъа бахъизе буго бугебилан гьесда кколебги.
Гӏисахъе рачӏуна гьесул эбелги вацалги
19Гӏисахъе рачӏана эбелги вацалги, амма халкъалъул гӏемерлъиялъ гьесда аскӏобе нух бахъизе кӏвечӏо гьезда. 20Дур эбелги вацалги мун вихьизе бокьун къватӏир чӏун ругилан абуна гьесда. 21Гьес гьезда абуна:
– Дир эбелги дир вацалги руго Аллагьасул рагӏи жидеда рагӏулел ва гьеб тӏубазабулел гӏадамал.
Гӏисаца гьури къотӏизабула
22Цо къоялъ жиндирго муридазда цадахъ гьев росода рекӏана.
– Рачӏа доб рахъалде рахине, – ян абуна гьес гьезда.
Расаги бачун ана гьел. 23Гьедин унел гьал рукӏаго, Гӏиса кьижун ккана. Хӏоралда тӏад кутакаб гьури багъарана. Раса лъадал цӏолеб букӏана. Гъанкъиялда хӏинкъи букӏана. 24Аскӏоре ун, гьез Гӏиса ворчӏизавуна:
– Я, Насихӏатчи! Насихӏатчи! Нилъ гъанкъизехъин руго! – ян абун.
Макьидаса вигьун, гьес гьорода лъазабуна тӏокӏаб пугейилан, лъадаеги амру гьабуна гьалаглъугейилан. Гьел мутӏигӏлъана. Сихӏ къотӏун лъугьана. 25Гьебмехалъ Гӏисаца абуна:
– Киб бугеб нужер божи-иман?
Хӏинкъиялъ гӏажаиблъун хутӏарал гьез цоцазде ургъел бикьулеб букӏана, гьороеги карачалабазеги амру гьабулев ва гьелги жиндие мутӏигӏав гьавго кинав чийилан.
Гӏисаца сахлъизавула жундуз ккурав чи
26Гьале гьал щвана Галилеялда дандбитӏун доб рахъалда бугеб герасеназул улкаялде. 27Гьев ракъдаде рещтӏараб мехалъ, гьесда данде вачӏана цеве шагьаралда вукӏарав цо чи. Гьев вукӏана цевегоялдаса жундуз ккурав чи. Цебегоялдаса нахъе тӏад ретӏелги ретӏунароан гьес, мина-руссеналъувги чӏолароан гьев, хабалазул нохъазда букӏана гьесул чӏейи. 28Гӏиса вихьаравго чӏчӏичӏчӏидулаго-ахӏдолаго гьесда цеве кӏалагъоркье речӏчӏана, ва кӏудияб гьаракь гьабун, абуна гьес:
– Тӏадегӏанав Аллагьасул Вас Гӏиса, щиб дуе дидасан къваригӏараб? Дие гӏазаб кьогейилан гьарула дица дуда! 29(Гӏисаца хъубаб женалъе амру гьабун букӏиндалха гьев чиясул чорхолъа къватӏибе лъугьаян. Чанго нухалъ хъубаб женалъ ккун вукӏиндал, кверазда рахсал ран, бохдузда маххал ран вухьунаан гьев. Амма, гьес рухьен тӏутӏураб мехалъ, женалъ гьев гӏадан-чи гьечӏеб бакӏалде хъамулаан.) 30Гӏисаца гьикъана дуда цӏар щибилан.
– «Бо» буго, – ян жаваб кьуна. Гӏемерал жундул рукӏиндалха гьесул чорхолъ. 31Жундуз Гӏисада гьарана жал жужахӏалъул кӏкӏалахъе гъогеян. 32Гьениб магӏарда кваналеб букӏана болъоназул кӏудияб рехьед. Гьел болъоназда гъорлъе лъугьине риччайин гьарана жундуз Гӏисада. Гьес изну кьуна. 33Гьев чиясул чорхолъа къватӏире рачӏун хъубал жундул болъоназулъе лъугьана. Гьебсагӏат рехьед цо борхатаб бакӏалдасан хӏоринибе кӏанцӏана ва гьениб гъанкъана.
34Гьеб кинабго бихьун болъоназул гӏухьби лъутун ана, шагьаралдаги росабалъги гьелъул хӏакъалъулъ бицине. 35Щиб лъугьарабали лъазе гӏадамал рачӏана гьенире. Гӏисада аскӏоре щведал, гьесул хӏатӏазда цеве гӏодов чӏун ватана гьезда дов жундуз ккун вукӏарав чи: тӏад ретӏелги буго гьесда, камилаб гӏакълу-лъаялдаги вуго. Гӏадамазул рекӏелъе хӏинкъи лъугьана. 36Гьенир рукӏараз бицана жундуз ккурав чи Гӏисаца кин сахлъизавуравали. 37Герасеназул тӏолабго улкаялъул гӏадамал кутакалда хӏинкъидал, гьез Гӏисада гьарана жидеда аскӏоса нахъе айилан. Гьебмехалъ, росодаги рекӏун, тӏадвуссун ана гьев.
38Дов жундуз ккун вукӏарав чияс Гӏисада гьарана живги цадахъ вачейилан. Амма Гӏисаца гьев вачинчӏо. 39Гьес абуна:
– Дурго рокъове тӏадвусса ва Аллагьас дуего гьабуралъул хӏакъалъулъ бице.
Инеги ун гьев чияс кинабго шагьаралдаго бицана Гӏисаца жиндиего гьабуралъул хӏакъалъулъ.
Гӏисаца унтарайги сахлъизаюла хварайги чӏаголъизаюла
40Тӏадвуссун Галилеялде вачӏараб мехалъ, халкъалъул руккелалъ дандчӏвай гьабуна Гӏисада. Гьев вачӏиналъухъ ралагьун чӏун рукӏиндалха гьел киналго. 41Гьале синагогаялъул хӏакимлъун вукӏарав Яир абулев цо чи вачӏана гьениве, Гӏисал хӏатӏазда цеве кӏалагъоркьеги речӏчӏун гьардана жиндир бакӏалде вилълъаян. 42Гьев чиясул анцӏила кӏигогӏан сон барай цохӏо йигей яс йикӏана хвалде ккун унтун.
Гьелъухъе унаго халкъалъул руккелалъ Гӏиса данде къазавулев вукӏана. 43Анцӏила кӏиго соналъ би къотӏичӏого ва черх бацӏцӏалъичӏого йикӏарай, лъиданиги сахлъизайизе кӏвечӏей цо чӏужугӏаданалъ, 44аскӏоеги ячӏун, нахъасан Гӏисал гӏабаялдасан далун букӏараб цо гӏертелалда квер хъвана. Гьебсагӏат къотӏана гьелъул чорхолъа чвахулеб букӏараб би.
45Гӏисаца гьикъана:
– Дида квер лъица хъвараб? – ан.
Киназго инкар гьабидал, Пётрица абуна:
– Я, Насихӏатчи, халкъалъ мун гьоркьов вазавун вугогури, данде къазавулев вугогури.
46Амма Гӏисаца абуна:
– Цо лъицаялиго дида квер хъвана. Дидасан гьесде цо чи сахлъизавизе кӏолеб къуват араблъи загьирлъана дие.
47Жиндир иш балъго хутӏичӏеблъи лъан, дой чӏужугӏадан сородилаго Гӏисада аскӏое ячӏана, гьесда цее кӏалагъоркье речӏчӏун, бицана щай жинца гьесда квер хъварабали ва кин жий гьебсагӏат сахлъараялиги. 48Гьес гьелда абуна:
– Дурго божи-иманалъ хвасар гьаюна, яц, мун. Гьанже а дурго!
49Гьелдехун кӏалъалев Гӏиса вукӏаго, синагогаялъул хӏакимасул бакӏалдаса цо чи вачӏана ва инсуда абуна дур яс хванилан, гӏадада Мугӏалимасул рахӏат хвезабугейилан. 50Гьеб рагӏидал, Гӏисаца ясалъул инсуда абуна:
– Мун хӏинкъуге, божун вукӏа. Дур яс сахлъила, – ян.
51Гьезул бакӏалде щведал, Пётрги, Иоаннги, Якъубги ва ясалъул эбел-эменги гурони, цогидал гьес жанире риччачӏо. 52Киналго, гьей ясалъухъ керен бухулаго, гӏодулел рукӏана. Амма гьес абуна:
– Нуж гӏодуге. Гьей хун гьечӏо, кьижун ккун йиго, – ян.
53Гьел гьасда тӏад релъанхъизе лъугьана, гьей хун йикӏинги лъан. 54Амма гьес, ясалъул кверги ккун, гьелде ахӏана:
– Тӏаде яхъа, ясай! – абун.
55Ясалъул чорхолъе рухӏ тӏадбуссун бачӏана, гьей гьебсагӏат тӏаде яхъана. Гьелъие квен кьеян абуна Гӏисаца. 56Гӏажаиблъун хутӏана гьелъул эбел-эмен. Амма гьеб лъугьа-бахъиналъул хӏакъалъулъ лъиданиги бицунгеян лъазабуна Гӏисаца гьезда.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008