Матфейица бицараб Рохалил хабар 21
21
21 бетӏер
Гӏиса Иерусалим шагьаралде лъугьунев вуго
1Гьел Иерусалималде щолел рукӏана. Зайтуналъул магӏарда бугеб Бетфагия росулъе гӏагарлъидал, кӏиго муридги аскӏове ахӏун, Гӏисаца гьезда абуна:
2– Гьудуб нилъеда цебе бугеб росулъе а нуж. Росулъе лъугьаралго, цо бакӏалда рухьун ратила хӏамаги кӏертги. Рухьадасаги ричун, гьелги рачун рачӏа. 3Лъицаниги щибниги абуни, нужеца бице, гьел Тӏадегӏанав Гӏисае къваригӏун ругилан. Кӏалъачӏого риччала гьес гьел рачине.
4Гьеб кинабго ккана цо аварагасда Аллагьас абураб гьадинаб калима ритӏухълъизе:
5«Сионил ясалда#21:5 Сионил яс – гьедин абулаан аварагзабаз Иерусалим шагьаралда. абе нужеца:
Дур хӏалимав Парччахӏ вачӏунев вугин
Гьир баччун ругьунаб хӏамида рекӏун,
Хӏамица гьабураб кӏартида рекӏун!»
6Инеги ун, Гӏисаца абураб гьабун, 7хӏамаги кӏертги бачун рачӏана гьел. Гӏиса тӏад рекӏине муридаз гьезул гьодиде жидерго партал рехана. 8Халкъалъул кӏудияб руккелалъ, тӏаса бахъун, ретӏел букӏана нухда тӏибитӏулеб. Гъутӏбуздаса рекун, гӏаркьалаби рукӏана гьесда цере тӏиритӏулел. 9Гьесда цебе-цебе унеб халкъалъул руккелалъги хадур рачӏунез туркиги ахӏулеб букӏана:
– Гьошанна!#21:9 Гьошанна! – жугьутӏ мацӏалда «Ниж тархъан гьаре!» абураб магӏнаялъул рагӏи. Давудил васасе рецц! Бетӏергьанас витӏун вачӏунев вугесда баркат лъеги! Гьошанна! Тӏадегӏанав Аллагьасе рецц!
10Гӏиса Иерусалималде лъугьиндал, тӏолабго шагьар бихха-хочун лъугьана:
– Гьав чиго щив? – ан гьикъулеб букӏана гӏадамаз.
11– Галилеялъул Назарет шагьаралдаса Гӏиса авараг вуго, – ян жаваб кьуна гьезие гьесда хадуб бачӏунеб букӏараб халкъалъул руккалилъан.
Гӏисаца даранчагӏи Мукъадасаб Рокъоса къватӏире гъола
12Мукъадасаб Рокъове лъугьун, Гӏисаца гьениса къватӏире гъуна даран-базаралда рукӏарал гӏадамал. Гӏарац хисулел чагӏазул столал ва къурбаналъе хъвезе маккал ричулел чагӏи тӏад гӏодор чӏолел бакӏал кӏалагъоркье чӏвазаруна.
13Гӏисаца гьезда абуна:
– Тӏехьалда хъван буго: «Гьаб Дир рукъалда цӏар букӏине буго как-диналъул рукъ», – абун. Нужецайин абуни гьаб «хъачагъазул нохъоялде сверизабун буго».
14Гӏисахъе Мукъадасаб Рокъоре рачун рачӏана бецалги рекъалги гӏадамал. Гьес сахлъизаруна гьел.
15Гӏисал хӏикматал ишал рихьидал ва гӏисинал лъималазги Мукъадасаб Рокъоб: «Гьошанна! Давудил васасе рецц!» – абун ахӏулеб рагӏидал, чӏахӏиял кашишзабазги диниял гӏалимзабазги ццидахун абуна гьесда:
16– Гьез абулеб бугеб жо рагӏулеб гьечӏищ дуда? – ян.
– Рагӏулеб буго, – ян абуна Гӏисаца гьезда. – Нужеца киданиги цӏаличӏебищ: «Гӏисинлъималги керен хахулелги тӏамуна Дуца Дуего рецц гьабизе» – ян.
17Цинги Гӏиса, гьелги рукӏаралъур тун, шагьаралдаса къватӏивеги лъугьун, Бетаниялде ана ва сордо бан гьенив чӏана.
Тӏад пихъ гьечӏеб инжиралъул гъветӏ
18Нахъисеб къоялъул радакье Иерусалималде вачӏунаго, Гӏиса вакъана. 19Нухда цо инжиралъул гъветӏ бихьана гьесда. Амма аскӏове ун халгьабидал, тӏанхал гурони, пихъил гороцин батичӏо гъотӏода.
– Тӏокӏаб киданиги дуда тӏад пихъ бижугеги, – ян абуна Гӏисаца гъотӏода. Гьеб параялда бакъвана гъветӏ. 20Хӏикмалъун хутӏарал гьесул муридаз абуна:
– Балагье, инжиралъул гъветӏ хекко бакъвараб куц!
21Гӏисаца гьезда абуна:
– Хӏакълъун абулеб буго дица нужеда: нужер рекӏелъ божи-иман бугони ва рекӏелъе щаклъи лъугьине течӏони, доб гъотӏода гуребги, гьаб мегӏералдаги нужеца абуни, гьаниса бахъун ун ралъдалъе кӏанцӏеян, мегӏер нужее мутӏигӏлъизе буго. 22Божи-имангун нужеца дугӏадулъ гьаранщинаб щвезе буго нужее.
«Лъица дуе ихтияр кьураб?»
23Иерусалималъул Мукъадасаб Рокъове вачӏун халкъалъе вагӏза-насихӏат гьабулев Гӏиса вугеб мехалъ, гьесда аскӏоре рачӏана чӏахӏиял кашишзаби, диниял гӏалимзаби ва чӏухӏби-хӏакимзаби.
– Гьаб хӏалтӏи гьабизе ихтияр бугебищ дур? Лъица дуе гьеб ихтияр кьураб? – абун гьикъана гьез Гӏисада.
24Гӏисаца гьезие жавабалъе абуна:
– Дицаги кьела нужее цо суал. Нужеца гьелъие жаваб кьуни, гьебмехалъ бицина дица нужеда лъица дие гьаб ихтияр кьурабали. 25Лъадалъ ччун рахъун гӏадамал рацӏцӏад гьаризе ихтияр Яхӏяе кисан щун букӏараб: зобалаздасанищ яги гӏадамаздасанищ?
Цоцазда гьоркьоб хабар ккана гьезул. «Зобалаздасан букӏанин абуни, гьес нилъеда абилагури, гьедин батани, щайха нуж Яхӏяда божичӏелилан. 26Гӏадамаздасан букӏанин абизеги халкъалъукьа хӏинкъун руго нилъ, щайгурелъул киназго Яхӏя авараглъун рикӏкӏунев вукӏиндал». 27Жидеда лъаларилан жаваб кьола Гӏисае гьез.
Гӏисаца гьездаги абула:
– Дица нужедаги бицинаро лъил ихтияралдалъун дица гьаб хӏалтӏи гьабулеб бугебали.
Кӏиго васасул мисал
28– Гьаб мисалалъул рахъалъ щиб нужеца абилеб? Цо пуланав чиясул вукӏун вуго кӏиго вас. «Векере, дир вас, нилъерго цӏолбол ахикье а жакъа хӏалтӏизе», – ян абун буго гьес, аскӏовеги вачӏун, цояв васасда. 29Ина, дир эмениланги, абун, ун гьечӏо гьев. 30Аскӏове вачӏун, цогидав васасдаги абун буго гьединго. Инарилан абун буго гьес, амма гьедин абиялдаса ракӏ бухӏун, ун вуго гьев ахикье. 31Кинав васасха инсул амру тӏубазабураб?
Кӏиабилесилан абуна гьез.
Гьебмехалъ Гӏисаца гьезда абуна:
– Хӏакълъун абулеб буго дица нужеда: магъало бакӏарулел чагӏиги хъахӏбабиги нужеда цере-цере унел руго Аллагьасул Парччахӏлъиялде. 32Щайин гьикъани: битӏараб нухдасан вачӏун вукӏана нужехъе Яхӏя авараг. Нуж гьесда божичӏо. Амма магъало бакӏарулел чагӏиги хъахӏбабиги божана. Нужин абуни, – гьеб кинабго бихьаниги, нужер ракӏ бухӏичӏо ва кинго гьесда божичӏо.
Цӏолбол ах ижараялъе кьун тарасул хӏакъалъулъ
33Цоги мисалалъухъ гӏенекке. Цо бечедав чияс цӏолбол ах гьабун буго, сверун чали къан буго, чагъир жаниб цӏцӏуйзе чаналъе гвендги бухъун буго, хъаравуласе борхатаб хъощги бан буго. Цинги ахихъабазухъе ижараялъе гьеб ахги кьун, гьев ун вуго. 34Цӏибил барщараб мехалъ, гьес дол ижарачагӏазухъе рагьтӏателал ритӏун руго жиндиего кколеб бутӏа босизе. 35Амма ижарачагӏаз, кквезеги ккун, гьезул цояв вухун вуго, цояв чӏван вуго, цогидав ганчӏал речӏчӏун хвезавун вуго. 36Нахъеги ритӏун руго гьес рагьтӏателал, доздаса гӏемерго цӏикӏкӏун. Амма гьезиеги додинго гӏакъуба кьун буго ахихъабаз. 37Цинги жиндирго вас витӏун вуго ахил бетӏергьанас, жиндир васасулгӏаги хӏурмат гьабилародайилан. 38Амма гьесул вас вачӏунев вихьараб мехалъ, ижарачагӏаз цоцазда абун буго: «Гьале гурищ ирсилав. Рачӏа гьав чӏвазе, ирсги нилъеего хутӏила». 39Кквезеги ккун, гьез гьев ахикьа къватӏиве рехун вуго ва чӏван вуго. 40Хӏасил, ахил бетӏергьан тӏадвуссун вачӏараб мехалъ, гьел ижарачагӏазе щибдай гьабила гьес?
41Гьелъие жавабалъе Гӏисада абуна:
– Квешал гӏадамал гьес квешго чӏвала. Цӏибил барщарабго жиндие кколеб бутӏа босун рачӏунел ижарачагӏазухъе ахги кьела.
42Гӏисаца гьезда абуна:
– Тӏехьалда цӏаличӏищ нужеца:
«Къадалъ лъезецин ярагьунарилан къадахъабаз нахъе рехараб гамачӏ битӏахъе цололъ лъун буго. Гьединаб букӏун буго Бетӏергьанасул хӏукму. Нилъер берда цебе лъугьараб кӏудияб мугӏжизат буго гьеб!»
43Гьале дица нужеда абулеб буго: нужехъа бахъун Аллагьасул Парччахӏлъи кьела гьелъул пихъ барщизабулеб халкъалъе. 44Гьеб ганчӏиде вортаравги щущан ине вуго, бортун бачӏун гамачӏ тӏад речӏчӏаравги чӏинтӏизе вуго.
45Гьел мисалал рагӏидал, чӏахӏиял кашишзабаздаги фарисеяздаги бичӏчӏана Гӏисаца жидер хӏакъалъулъ бицунеб букӏин. 46Гьезие бокьун букӏана Гӏиса ккун вачине, амма гӏадамазукьа хӏинкъана. Халкъалъ гьев авараглъун рикӏкӏунев вукӏиндал.
Currently Selected:
Матфейица бицараб Рохалил хабар 21: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Матфейица бицараб Рохалил хабар 21
21
21 бетӏер
Гӏиса Иерусалим шагьаралде лъугьунев вуго
1Гьел Иерусалималде щолел рукӏана. Зайтуналъул магӏарда бугеб Бетфагия росулъе гӏагарлъидал, кӏиго муридги аскӏове ахӏун, Гӏисаца гьезда абуна:
2– Гьудуб нилъеда цебе бугеб росулъе а нуж. Росулъе лъугьаралго, цо бакӏалда рухьун ратила хӏамаги кӏертги. Рухьадасаги ричун, гьелги рачун рачӏа. 3Лъицаниги щибниги абуни, нужеца бице, гьел Тӏадегӏанав Гӏисае къваригӏун ругилан. Кӏалъачӏого риччала гьес гьел рачине.
4Гьеб кинабго ккана цо аварагасда Аллагьас абураб гьадинаб калима ритӏухълъизе:
5«Сионил ясалда#21:5 Сионил яс – гьедин абулаан аварагзабаз Иерусалим шагьаралда. абе нужеца:
Дур хӏалимав Парччахӏ вачӏунев вугин
Гьир баччун ругьунаб хӏамида рекӏун,
Хӏамица гьабураб кӏартида рекӏун!»
6Инеги ун, Гӏисаца абураб гьабун, 7хӏамаги кӏертги бачун рачӏана гьел. Гӏиса тӏад рекӏине муридаз гьезул гьодиде жидерго партал рехана. 8Халкъалъул кӏудияб руккелалъ, тӏаса бахъун, ретӏел букӏана нухда тӏибитӏулеб. Гъутӏбуздаса рекун, гӏаркьалаби рукӏана гьесда цере тӏиритӏулел. 9Гьесда цебе-цебе унеб халкъалъул руккелалъги хадур рачӏунез туркиги ахӏулеб букӏана:
– Гьошанна!#21:9 Гьошанна! – жугьутӏ мацӏалда «Ниж тархъан гьаре!» абураб магӏнаялъул рагӏи. Давудил васасе рецц! Бетӏергьанас витӏун вачӏунев вугесда баркат лъеги! Гьошанна! Тӏадегӏанав Аллагьасе рецц!
10Гӏиса Иерусалималде лъугьиндал, тӏолабго шагьар бихха-хочун лъугьана:
– Гьав чиго щив? – ан гьикъулеб букӏана гӏадамаз.
11– Галилеялъул Назарет шагьаралдаса Гӏиса авараг вуго, – ян жаваб кьуна гьезие гьесда хадуб бачӏунеб букӏараб халкъалъул руккалилъан.
Гӏисаца даранчагӏи Мукъадасаб Рокъоса къватӏире гъола
12Мукъадасаб Рокъове лъугьун, Гӏисаца гьениса къватӏире гъуна даран-базаралда рукӏарал гӏадамал. Гӏарац хисулел чагӏазул столал ва къурбаналъе хъвезе маккал ричулел чагӏи тӏад гӏодор чӏолел бакӏал кӏалагъоркье чӏвазаруна.
13Гӏисаца гьезда абуна:
– Тӏехьалда хъван буго: «Гьаб Дир рукъалда цӏар букӏине буго как-диналъул рукъ», – абун. Нужецайин абуни гьаб «хъачагъазул нохъоялде сверизабун буго».
14Гӏисахъе Мукъадасаб Рокъоре рачун рачӏана бецалги рекъалги гӏадамал. Гьес сахлъизаруна гьел.
15Гӏисал хӏикматал ишал рихьидал ва гӏисинал лъималазги Мукъадасаб Рокъоб: «Гьошанна! Давудил васасе рецц!» – абун ахӏулеб рагӏидал, чӏахӏиял кашишзабазги диниял гӏалимзабазги ццидахун абуна гьесда:
16– Гьез абулеб бугеб жо рагӏулеб гьечӏищ дуда? – ян.
– Рагӏулеб буго, – ян абуна Гӏисаца гьезда. – Нужеца киданиги цӏаличӏебищ: «Гӏисинлъималги керен хахулелги тӏамуна Дуца Дуего рецц гьабизе» – ян.
17Цинги Гӏиса, гьелги рукӏаралъур тун, шагьаралдаса къватӏивеги лъугьун, Бетаниялде ана ва сордо бан гьенив чӏана.
Тӏад пихъ гьечӏеб инжиралъул гъветӏ
18Нахъисеб къоялъул радакье Иерусалималде вачӏунаго, Гӏиса вакъана. 19Нухда цо инжиралъул гъветӏ бихьана гьесда. Амма аскӏове ун халгьабидал, тӏанхал гурони, пихъил гороцин батичӏо гъотӏода.
– Тӏокӏаб киданиги дуда тӏад пихъ бижугеги, – ян абуна Гӏисаца гъотӏода. Гьеб параялда бакъвана гъветӏ. 20Хӏикмалъун хутӏарал гьесул муридаз абуна:
– Балагье, инжиралъул гъветӏ хекко бакъвараб куц!
21Гӏисаца гьезда абуна:
– Хӏакълъун абулеб буго дица нужеда: нужер рекӏелъ божи-иман бугони ва рекӏелъе щаклъи лъугьине течӏони, доб гъотӏода гуребги, гьаб мегӏералдаги нужеца абуни, гьаниса бахъун ун ралъдалъе кӏанцӏеян, мегӏер нужее мутӏигӏлъизе буго. 22Божи-имангун нужеца дугӏадулъ гьаранщинаб щвезе буго нужее.
«Лъица дуе ихтияр кьураб?»
23Иерусалималъул Мукъадасаб Рокъове вачӏун халкъалъе вагӏза-насихӏат гьабулев Гӏиса вугеб мехалъ, гьесда аскӏоре рачӏана чӏахӏиял кашишзаби, диниял гӏалимзаби ва чӏухӏби-хӏакимзаби.
– Гьаб хӏалтӏи гьабизе ихтияр бугебищ дур? Лъица дуе гьеб ихтияр кьураб? – абун гьикъана гьез Гӏисада.
24Гӏисаца гьезие жавабалъе абуна:
– Дицаги кьела нужее цо суал. Нужеца гьелъие жаваб кьуни, гьебмехалъ бицина дица нужеда лъица дие гьаб ихтияр кьурабали. 25Лъадалъ ччун рахъун гӏадамал рацӏцӏад гьаризе ихтияр Яхӏяе кисан щун букӏараб: зобалаздасанищ яги гӏадамаздасанищ?
Цоцазда гьоркьоб хабар ккана гьезул. «Зобалаздасан букӏанин абуни, гьес нилъеда абилагури, гьедин батани, щайха нуж Яхӏяда божичӏелилан. 26Гӏадамаздасан букӏанин абизеги халкъалъукьа хӏинкъун руго нилъ, щайгурелъул киназго Яхӏя авараглъун рикӏкӏунев вукӏиндал». 27Жидеда лъаларилан жаваб кьола Гӏисае гьез.
Гӏисаца гьездаги абула:
– Дица нужедаги бицинаро лъил ихтияралдалъун дица гьаб хӏалтӏи гьабулеб бугебали.
Кӏиго васасул мисал
28– Гьаб мисалалъул рахъалъ щиб нужеца абилеб? Цо пуланав чиясул вукӏун вуго кӏиго вас. «Векере, дир вас, нилъерго цӏолбол ахикье а жакъа хӏалтӏизе», – ян абун буго гьес, аскӏовеги вачӏун, цояв васасда. 29Ина, дир эмениланги, абун, ун гьечӏо гьев. 30Аскӏове вачӏун, цогидав васасдаги абун буго гьединго. Инарилан абун буго гьес, амма гьедин абиялдаса ракӏ бухӏун, ун вуго гьев ахикье. 31Кинав васасха инсул амру тӏубазабураб?
Кӏиабилесилан абуна гьез.
Гьебмехалъ Гӏисаца гьезда абуна:
– Хӏакълъун абулеб буго дица нужеда: магъало бакӏарулел чагӏиги хъахӏбабиги нужеда цере-цере унел руго Аллагьасул Парччахӏлъиялде. 32Щайин гьикъани: битӏараб нухдасан вачӏун вукӏана нужехъе Яхӏя авараг. Нуж гьесда божичӏо. Амма магъало бакӏарулел чагӏиги хъахӏбабиги божана. Нужин абуни, – гьеб кинабго бихьаниги, нужер ракӏ бухӏичӏо ва кинго гьесда божичӏо.
Цӏолбол ах ижараялъе кьун тарасул хӏакъалъулъ
33Цоги мисалалъухъ гӏенекке. Цо бечедав чияс цӏолбол ах гьабун буго, сверун чали къан буго, чагъир жаниб цӏцӏуйзе чаналъе гвендги бухъун буго, хъаравуласе борхатаб хъощги бан буго. Цинги ахихъабазухъе ижараялъе гьеб ахги кьун, гьев ун вуго. 34Цӏибил барщараб мехалъ, гьес дол ижарачагӏазухъе рагьтӏателал ритӏун руго жиндиего кколеб бутӏа босизе. 35Амма ижарачагӏаз, кквезеги ккун, гьезул цояв вухун вуго, цояв чӏван вуго, цогидав ганчӏал речӏчӏун хвезавун вуго. 36Нахъеги ритӏун руго гьес рагьтӏателал, доздаса гӏемерго цӏикӏкӏун. Амма гьезиеги додинго гӏакъуба кьун буго ахихъабаз. 37Цинги жиндирго вас витӏун вуго ахил бетӏергьанас, жиндир васасулгӏаги хӏурмат гьабилародайилан. 38Амма гьесул вас вачӏунев вихьараб мехалъ, ижарачагӏаз цоцазда абун буго: «Гьале гурищ ирсилав. Рачӏа гьав чӏвазе, ирсги нилъеего хутӏила». 39Кквезеги ккун, гьез гьев ахикьа къватӏиве рехун вуго ва чӏван вуго. 40Хӏасил, ахил бетӏергьан тӏадвуссун вачӏараб мехалъ, гьел ижарачагӏазе щибдай гьабила гьес?
41Гьелъие жавабалъе Гӏисада абуна:
– Квешал гӏадамал гьес квешго чӏвала. Цӏибил барщарабго жиндие кколеб бутӏа босун рачӏунел ижарачагӏазухъе ахги кьела.
42Гӏисаца гьезда абуна:
– Тӏехьалда цӏаличӏищ нужеца:
«Къадалъ лъезецин ярагьунарилан къадахъабаз нахъе рехараб гамачӏ битӏахъе цололъ лъун буго. Гьединаб букӏун буго Бетӏергьанасул хӏукму. Нилъер берда цебе лъугьараб кӏудияб мугӏжизат буго гьеб!»
43Гьале дица нужеда абулеб буго: нужехъа бахъун Аллагьасул Парччахӏлъи кьела гьелъул пихъ барщизабулеб халкъалъе. 44Гьеб ганчӏиде вортаравги щущан ине вуго, бортун бачӏун гамачӏ тӏад речӏчӏаравги чӏинтӏизе вуго.
45Гьел мисалал рагӏидал, чӏахӏиял кашишзабаздаги фарисеяздаги бичӏчӏана Гӏисаца жидер хӏакъалъулъ бицунеб букӏин. 46Гьезие бокьун букӏана Гӏиса ккун вачине, амма гӏадамазукьа хӏинкъана. Халкъалъ гьев авараглъун рикӏкӏунев вукӏиндал.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008