Матфейица бицараб Рохалил хабар 25
25
25 бетӏер
Анцӏго ясалъул мисал
1Гьебмехалъ Зобалазул Парччахӏлъи релълъине буго бахӏарасда дандчӏвазе сардилъ нахул чирахъалгун бахӏаралъул бакӏалде арай анцӏго ясалда#25:1 Гӏадаталда рекъон ясал бахӏаралъул бакӏалде унаан бахӏарав вачӏинегӏан гьенир чӏезе. Цинги, ракарал чирахъалги хъатикь ккун, бахӏаралдаги бахӏарасдаги цадахъ гьесул бакӏалдеги унаан гьел. . 2Гьезул щугояй тохай йикӏун йиго, щугояй цӏодорай йикӏун йиго. 3Тохал ясаз чирахъал росун руго, чирахъазухъе тӏезе нах цадахъ босун гьечӏо. 4Цӏодоразин абуни, пурччби цӏун нахги босун буго чирахъазда цадахъ. 5Бахӏарав кватӏун вуго, гьесда дандчӏвазе арал киналго ясалги гъапуллъун ккун руго, цинги кьижун ккун руго гьел. 6Сордо бащалъараб мехалъ, цо ахӏи бахъун буго, гьале бахӏарав вачӏунев вугин, гьесда дандчӏвазе рахъаян. 7Гьебмехалъ, тӏаде рахъун, киналго ясал чирахъал рекъе-решезаризе лъугьун руго. 8Тохал ясаз цӏодоразда абун буго жидер чирахъазухъе тӏезе нах кьейин, гьел свинехъин ругилан. 9Цӏодорал ясаз гьезда абун буго, кӏиязего хвараб гьабичӏого, нужерго чирахъазе нах босизе нуж тукаде ун лъикӏилан. 10Нахуда хадур гьел араб мехалъ, бахӏарав вачӏун вуго. Хӏадурго чӏун ратаралги цадахъ рачун, бахӏарав бертадул рокъове лъугьун вуго. Нахъасан нуцӏаги рахан буго. 11Цинги рачӏун руго дол ясал.
– Я, бетӏерчӏахъад! Я, бетӏерчӏахъад! Нуцӏа ричӏе нижее, – ян ахӏдезе лъугьун руго гьел.
12– Хӏакълъун абулеб буго дица нужеда: дида лъалел чагӏи гуро нуж! – абун жаваб кьун буго бахӏарас.
13Гьединлъидал, рорчӏуда чӏа нуж: я къо, я сагӏат лъаларелъул нужеда.
Меседил гъурщазул мисал
14Цоги гьеб релълъинабизе бегьула сапаралъ иналде, ахӏун рагьтӏателалгун, гьезухъе цӏунизе жиндирго боцӏи-рикъзи кьурав цо пуланав чиясда. 15Цоясухъе гьес кьун буго щуазарго месед, цогиясухъе – кӏиазарго месед, лъабабилесухъе – азарго месед, – щивасухъе гьесул бажари-гьунаралда рекъон. Цинги сапаралъ ун вуго. 16Щуазарго месед щварас, гьебсагӏат инеги ун, гьелдасан щуазаргоги месед хайирлъизабун буго. 17Кӏиазарго щварас гьединго кӏиазаргоги месед хайирлъизабун буго. 18Азарго месед щварас, инеги ун, бухъун гвендгун, ракьулъ бахчун буго жиндирго бетӏергьанасул месед.
19Гьелдаса гӏемераб заман индал, тӏадвуссун вачӏун, гьезул бетӏергьанас рагьтӏателал ахӏун руго доб меседалъул хӏисаб-суал гьабизе. 20Щуазарго месед жиндихъе кьун букӏарав рагьтӏателас, вачӏун гьесда абун буго: «Гьале, бетӏерчӏахъад, дуца дихъе кьун букӏараб щуазарго месед, гьале гьелдасан хайирлъараб щуазарго меседги». 21Гьесул бетӏергьанас абун буго гьебмехалъ: «Хӏалчӏахъаги дур, дир лъикӏав ва ритӏухъав рагьтӏател, гьитӏинаб божилъиялъе дуца дида цебе ритӏухълъи бихьизабидал, кӏудиябги божун тела дуда. Дурго бетӏергьанасулгун рохел гӏахьал гьабе». 22Кӏиазарго месед жиндихъе кьун букӏарав дов рагьтӏателас вачӏун гьесда абун буго: «Гьале, бетӏерчӏахъад, дуца дихъе кьун букӏараб кӏиазарго месед, гьале гьелдасан хайирлъараб кӏиазарго меседги». 23Гьесул бетӏергьанас абун буго гьебмехалъ: «Хӏалчӏахъаги дур, дир лъикӏав ва ритӏухъав рагьтӏател, гьитӏинаб божилъиялъе дуца дида цебе ритӏухълъи бихьизабидал, кӏудиябги божун тела дуда. Дурго бетӏергьанасулгун рохел гӏахьал гьабе». 24Азарго месед жиндихъе кьун букӏарав рагьтӏателас вачӏун гьесда абун буго: «Я, бетӏерчӏахъад! Дида лъалаан мун дуцаго бекьичӏеб лъилъулев, дуцаго кӏутӏичӏеб бищулев, согӏав чи вукӏин. 25Дукьа хӏинкъун, дица доб азарабго месед ракьулъ бахчун тун букӏана. Гьале нахъе босе дурго гьаб». 26«Гьай, квешав ва кӏвахӏалав рагьтӏател! – ан абун буго гьесул бетӏергьанас. – Дуда лъалеб букӏун буго дицаго бекьичӏеб лъилъулев, дицаго кӏутӏичӏеб бищулев чи дун вукӏин. 27Гьединлъидал дуца гьаб дир месед базаргабазухъе къарзалъ кьезе кколаан. Жакъа тӏадвуссун вачӏараб мехалъ, хайиргун цадахъ нахъе щвелаангури гьеб дихъе». 28Цинги абун буго, гьасухъаги босун, гъоб азарабго месед дов анцӏазарго месед бугесухъе кьейилан.
29«Кодолъи бугевщинасе, гӏунги тӏокӏлъиледухъ, тӏадеги кьезе буго, кодолъи гьечӏесухъа бугебги бахъизе буго. 30Гьев пайда гьечӏев рагьтӏател дове бецӏаб къотӏнове рехе. Гӏодилел ва цаби къерщезарулел рукӏина дора гӏадамал».
Масихӏица суд гьабила
31Киналго малаикзабигун цадахъ жиндирго хӏалкӏолъигун Гӏадамил Лъимер вачӏараб мехалъ, къудраталъул тахида гӏодов чӏела гьев. 32Киналго халкъал данделъила гьесда цере гьебмехалъ, ва вехьас чахъабиги цӏцӏаниги ратӏа гьарулел гӏадин, цоцаздаса ратӏа гьарила. 33Чахъаби гьес жиндирго кваранаб рахъалда чӏезарила, цӏцӏани квегӏаб рахъалда чӏезарила. 34Гьебмехалъ Парччахӏас кваранаб рахъалда ругезда абила: «Ле, дир Инсул баркат лъурал гӏадамал, дуниял бижаралдаса нахъего нужее къачӏан букӏараб Парччахӏлъи босизе рачӏа. 35Щайин абуни, дун вакъун хутӏидал – нужеца кваназавуна, къечон хутӏидал – гьекъезавуна, сапаралда вукӏун, къотӏнов хутӏидал – рокъове вачун, гьоболлъи гьабуна. 36Толохӏочон хутӏидал – нужеца дие ретӏел кьуна; дун унтараб мехалъ – нуж диде раккизе рачӏана; дун туснахъалъуве ккедал – нуж дихъе хьвадана».
37Гьел муъминзабаз абила: «Я, Бетӏерчӏахъад! Вакъун ватун – кида нижеца мун кваназавурав? Къечон ватун – кида гьекъезавурав? 38Къотӏнов ватун – кида нижеца мун рокъове вачарав? Толохӏочон ватун – кида нижеца дуе ретӏел кьураб? 39Унтун яги туснахъалъув ватун – кида ниж духъе рачӏарал?»
40Парччахӏас, гьезие жаваб кьун, абила: «Хӏакълъун абулеб буго дица нужеда: дир бищунго гӏисинал вацазул цоясениги нужеца гьабурабщинаб, гьеб буго дие гьабураб лъикӏлъи».
41Квегӏаб рахъалда ругезда абила гьес гьебмехалъ: «Дида аскӏоса нахъе а, нагӏана кьураб агьлу! Илбисалъеги гьелъул рахъ ккурал малаикзабазеги къачӏан бугеб абадияб цӏадулъе а. 42Дун вакъун хутӏидал – кваназавичӏо нужеца, къечон хутӏидал – гьекъезавичӏо. 43Сапаралда вукӏун дун къотӏнов хутӏидал – рокъове вачун, гьоболлъи гьабичӏо нужеца, дун гӏицӏтолохӏоч хутӏидал – ретӏине ретӏел кьечӏо, дун унтараб мехалъ ва туснахъалде ккедал – дихъе рачӏинчӏо нуж». 44Гьебмехалъ дозги гьесда абила: «Я, Бетӏерчӏахъад! Вакъун хутӏун – кида мун нижеда ватарав? Къечон хутӏун – кида ватарав? Къотӏнов хутӏун, яги гӏицӏтолохӏоч хутӏун, яги унтун, яги туснахъалде ккун – кида мун нижеда ватарав? Кида нижеца дуе хъулухъ гьабичӏеб?»
45Гьес жаваб кьела: «Хӏакълъун абулеб буго дица нужеда: бищунго гӏисиназул цоясениги гьабичӏебщинаб, гьеб буго нужеца дие гьабичӏого тараб лъикӏлъи». 46Гьединазе букӏина абадияб тамихӏ, ритӏухълъаразе букӏина абадияб гӏумру!
Currently Selected:
Матфейица бицараб Рохалил хабар 25: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Матфейица бицараб Рохалил хабар 25
25
25 бетӏер
Анцӏго ясалъул мисал
1Гьебмехалъ Зобалазул Парччахӏлъи релълъине буго бахӏарасда дандчӏвазе сардилъ нахул чирахъалгун бахӏаралъул бакӏалде арай анцӏго ясалда#25:1 Гӏадаталда рекъон ясал бахӏаралъул бакӏалде унаан бахӏарав вачӏинегӏан гьенир чӏезе. Цинги, ракарал чирахъалги хъатикь ккун, бахӏаралдаги бахӏарасдаги цадахъ гьесул бакӏалдеги унаан гьел. . 2Гьезул щугояй тохай йикӏун йиго, щугояй цӏодорай йикӏун йиго. 3Тохал ясаз чирахъал росун руго, чирахъазухъе тӏезе нах цадахъ босун гьечӏо. 4Цӏодоразин абуни, пурччби цӏун нахги босун буго чирахъазда цадахъ. 5Бахӏарав кватӏун вуго, гьесда дандчӏвазе арал киналго ясалги гъапуллъун ккун руго, цинги кьижун ккун руго гьел. 6Сордо бащалъараб мехалъ, цо ахӏи бахъун буго, гьале бахӏарав вачӏунев вугин, гьесда дандчӏвазе рахъаян. 7Гьебмехалъ, тӏаде рахъун, киналго ясал чирахъал рекъе-решезаризе лъугьун руго. 8Тохал ясаз цӏодоразда абун буго жидер чирахъазухъе тӏезе нах кьейин, гьел свинехъин ругилан. 9Цӏодорал ясаз гьезда абун буго, кӏиязего хвараб гьабичӏого, нужерго чирахъазе нах босизе нуж тукаде ун лъикӏилан. 10Нахуда хадур гьел араб мехалъ, бахӏарав вачӏун вуго. Хӏадурго чӏун ратаралги цадахъ рачун, бахӏарав бертадул рокъове лъугьун вуго. Нахъасан нуцӏаги рахан буго. 11Цинги рачӏун руго дол ясал.
– Я, бетӏерчӏахъад! Я, бетӏерчӏахъад! Нуцӏа ричӏе нижее, – ян ахӏдезе лъугьун руго гьел.
12– Хӏакълъун абулеб буго дица нужеда: дида лъалел чагӏи гуро нуж! – абун жаваб кьун буго бахӏарас.
13Гьединлъидал, рорчӏуда чӏа нуж: я къо, я сагӏат лъаларелъул нужеда.
Меседил гъурщазул мисал
14Цоги гьеб релълъинабизе бегьула сапаралъ иналде, ахӏун рагьтӏателалгун, гьезухъе цӏунизе жиндирго боцӏи-рикъзи кьурав цо пуланав чиясда. 15Цоясухъе гьес кьун буго щуазарго месед, цогиясухъе – кӏиазарго месед, лъабабилесухъе – азарго месед, – щивасухъе гьесул бажари-гьунаралда рекъон. Цинги сапаралъ ун вуго. 16Щуазарго месед щварас, гьебсагӏат инеги ун, гьелдасан щуазаргоги месед хайирлъизабун буго. 17Кӏиазарго щварас гьединго кӏиазаргоги месед хайирлъизабун буго. 18Азарго месед щварас, инеги ун, бухъун гвендгун, ракьулъ бахчун буго жиндирго бетӏергьанасул месед.
19Гьелдаса гӏемераб заман индал, тӏадвуссун вачӏун, гьезул бетӏергьанас рагьтӏателал ахӏун руго доб меседалъул хӏисаб-суал гьабизе. 20Щуазарго месед жиндихъе кьун букӏарав рагьтӏателас, вачӏун гьесда абун буго: «Гьале, бетӏерчӏахъад, дуца дихъе кьун букӏараб щуазарго месед, гьале гьелдасан хайирлъараб щуазарго меседги». 21Гьесул бетӏергьанас абун буго гьебмехалъ: «Хӏалчӏахъаги дур, дир лъикӏав ва ритӏухъав рагьтӏател, гьитӏинаб божилъиялъе дуца дида цебе ритӏухълъи бихьизабидал, кӏудиябги божун тела дуда. Дурго бетӏергьанасулгун рохел гӏахьал гьабе». 22Кӏиазарго месед жиндихъе кьун букӏарав дов рагьтӏателас вачӏун гьесда абун буго: «Гьале, бетӏерчӏахъад, дуца дихъе кьун букӏараб кӏиазарго месед, гьале гьелдасан хайирлъараб кӏиазарго меседги». 23Гьесул бетӏергьанас абун буго гьебмехалъ: «Хӏалчӏахъаги дур, дир лъикӏав ва ритӏухъав рагьтӏател, гьитӏинаб божилъиялъе дуца дида цебе ритӏухълъи бихьизабидал, кӏудиябги божун тела дуда. Дурго бетӏергьанасулгун рохел гӏахьал гьабе». 24Азарго месед жиндихъе кьун букӏарав рагьтӏателас вачӏун гьесда абун буго: «Я, бетӏерчӏахъад! Дида лъалаан мун дуцаго бекьичӏеб лъилъулев, дуцаго кӏутӏичӏеб бищулев, согӏав чи вукӏин. 25Дукьа хӏинкъун, дица доб азарабго месед ракьулъ бахчун тун букӏана. Гьале нахъе босе дурго гьаб». 26«Гьай, квешав ва кӏвахӏалав рагьтӏател! – ан абун буго гьесул бетӏергьанас. – Дуда лъалеб букӏун буго дицаго бекьичӏеб лъилъулев, дицаго кӏутӏичӏеб бищулев чи дун вукӏин. 27Гьединлъидал дуца гьаб дир месед базаргабазухъе къарзалъ кьезе кколаан. Жакъа тӏадвуссун вачӏараб мехалъ, хайиргун цадахъ нахъе щвелаангури гьеб дихъе». 28Цинги абун буго, гьасухъаги босун, гъоб азарабго месед дов анцӏазарго месед бугесухъе кьейилан.
29«Кодолъи бугевщинасе, гӏунги тӏокӏлъиледухъ, тӏадеги кьезе буго, кодолъи гьечӏесухъа бугебги бахъизе буго. 30Гьев пайда гьечӏев рагьтӏател дове бецӏаб къотӏнове рехе. Гӏодилел ва цаби къерщезарулел рукӏина дора гӏадамал».
Масихӏица суд гьабила
31Киналго малаикзабигун цадахъ жиндирго хӏалкӏолъигун Гӏадамил Лъимер вачӏараб мехалъ, къудраталъул тахида гӏодов чӏела гьев. 32Киналго халкъал данделъила гьесда цере гьебмехалъ, ва вехьас чахъабиги цӏцӏаниги ратӏа гьарулел гӏадин, цоцаздаса ратӏа гьарила. 33Чахъаби гьес жиндирго кваранаб рахъалда чӏезарила, цӏцӏани квегӏаб рахъалда чӏезарила. 34Гьебмехалъ Парччахӏас кваранаб рахъалда ругезда абила: «Ле, дир Инсул баркат лъурал гӏадамал, дуниял бижаралдаса нахъего нужее къачӏан букӏараб Парччахӏлъи босизе рачӏа. 35Щайин абуни, дун вакъун хутӏидал – нужеца кваназавуна, къечон хутӏидал – гьекъезавуна, сапаралда вукӏун, къотӏнов хутӏидал – рокъове вачун, гьоболлъи гьабуна. 36Толохӏочон хутӏидал – нужеца дие ретӏел кьуна; дун унтараб мехалъ – нуж диде раккизе рачӏана; дун туснахъалъуве ккедал – нуж дихъе хьвадана».
37Гьел муъминзабаз абила: «Я, Бетӏерчӏахъад! Вакъун ватун – кида нижеца мун кваназавурав? Къечон ватун – кида гьекъезавурав? 38Къотӏнов ватун – кида нижеца мун рокъове вачарав? Толохӏочон ватун – кида нижеца дуе ретӏел кьураб? 39Унтун яги туснахъалъув ватун – кида ниж духъе рачӏарал?»
40Парччахӏас, гьезие жаваб кьун, абила: «Хӏакълъун абулеб буго дица нужеда: дир бищунго гӏисинал вацазул цоясениги нужеца гьабурабщинаб, гьеб буго дие гьабураб лъикӏлъи».
41Квегӏаб рахъалда ругезда абила гьес гьебмехалъ: «Дида аскӏоса нахъе а, нагӏана кьураб агьлу! Илбисалъеги гьелъул рахъ ккурал малаикзабазеги къачӏан бугеб абадияб цӏадулъе а. 42Дун вакъун хутӏидал – кваназавичӏо нужеца, къечон хутӏидал – гьекъезавичӏо. 43Сапаралда вукӏун дун къотӏнов хутӏидал – рокъове вачун, гьоболлъи гьабичӏо нужеца, дун гӏицӏтолохӏоч хутӏидал – ретӏине ретӏел кьечӏо, дун унтараб мехалъ ва туснахъалде ккедал – дихъе рачӏинчӏо нуж». 44Гьебмехалъ дозги гьесда абила: «Я, Бетӏерчӏахъад! Вакъун хутӏун – кида мун нижеда ватарав? Къечон хутӏун – кида ватарав? Къотӏнов хутӏун, яги гӏицӏтолохӏоч хутӏун, яги унтун, яги туснахъалде ккун – кида мун нижеда ватарав? Кида нижеца дуе хъулухъ гьабичӏеб?»
45Гьес жаваб кьела: «Хӏакълъун абулеб буго дица нужеда: бищунго гӏисиназул цоясениги гьабичӏебщинаб, гьеб буго нужеца дие гьабичӏого тараб лъикӏлъи». 46Гьединазе букӏина абадияб тамихӏ, ритӏухълъаразе букӏина абадияб гӏумру!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008