Маркица бицараб Рохалил хабар 13
13
13 бетӏер
Дуниялалда ккезе бугелъул хӏакъалъулъ
Мукъадасаб Рукъ щущазабизе буго
1Гӏиса Мукъадасаб Рокъоса къватӏиве лъугьиндал, гьесул цо муридас гьесда абуна:
– Я Мугӏалим! Гьал къадазулъ лъурал ганчӏазул чӏахӏалъи, гьаб минаялъул кӏодолъи!
2Гьесие жавабалъе Гӏисаца абуна:
– Гьаб кӏудияб кӏалгӏа бихьулагури дуда? Ганчӏида лъураб цониги гамачӏ хутӏиларо гьаниб кӏалагъоркье чӏвачӏого.
Балагьал гӏемерлъизе руго
3Мукъадасаб Рукъалда дандбитӏухъе, Зайтуналъул магӏарда гӏодов чӏун Гӏиса вугеб мехалъ, батӏаго гьесда аскӏоре рачӏун, Пётрицаги, Якъубицаги, Иоанницаги, Андрейицаги гьарана:
4– Гьаб дуца абулеб бугебщинаб иш кида лъугьине бугебали ва гьеб лъугьинехъин букӏиналъе кинаб гӏаламат загьирлъизе бугебалиги бице нижеда.
5Гьезие жаваб гьабун, Гӏисаца байбихьана:
– Воре, цо лъицаниги къосинаризе гурин нуж! 6Чанги вукӏине вугелъулха, жив дун вугилан абун вачӏунев чи. Чангиял гьез къосинаризеги руго. 7Рагъал ккун ругилан ва ккезехъинги ругилан рагӏани, гьелдаса нуж хӏинкъуге. Гьеб цебеккунго лъугьине ккола, ва гьеб жеги ахирзаман гуро.
8Цо халкъ цоги халкъалде, цо ханлъи цоги ханлъиялде тӏаде кӏанцӏила. Бакӏ-бакӏалда ракь багъарила, ракъи баккила. Гьеб ккола лъимер гьабизе хӏара чӏваялъул гӏадинаб унтиялъул байбихьи. 9Нужеца нужеего гӏамал гьабе: щаян абуни, дун сабаблъун нуж судалде ахӏила, синагогабазухъе рачун рухила, наибзабазда ва парччахӏзабазда цере чӏезарила, дир муридал ругилан нугӏлъи гьабизе. 10Амма ахирзаман тӏаде щвелалде киналго халкъазда Рохалил хабар лъазабун букӏина. 11Судалда цере чӏезе нуж рачараб мехалъ, щибдай бицинаян цебеккунго ургъел ккоге нужеда. Гьебсагӏат нужерго рекӏелъе рещтӏараб жо абун биччай. Щайгурелъул нуж гуро гьебмехалъ кӏалъазе ругел, нужер рекӏелъе рещтӏараб Илагьияб Рухӏин кӏалъазе бугеб.
12Вацас вац кьезе вуго чӏвазе, инсуца вас кьезе вуго. Жидерго эбел-инсуда данде рахъун, лъималаз гьелги кьезе руго чӏвазе. 13Дун сабаблъун киналго гӏадамазда рихина нуж. Амма ахиралде щвезегӏан сабру гӏурав чи хвасарлъила.
14Букӏинего бегьулареб бакӏалда чӏунтелалъул къабихӏлъи#13:14 Гьелъул магӏна буго: Иерусалималъул Мукъадасаб Рокъоб мажусияз жидерго «аллагьзабазул» суратал лъела. бихьила нужеда, – цӏалулесда лъалин гьелъул магӏна, – гьебмехалъ мугӏрузде лъута абе Ягьудиялда ругелал. 15Гьеб къоялъ тӏохда вугев гъоркье рещтӏунгеян абе, къваригӏараб-тараб босизе рокъове жаниве лъугьунгеян абе. 16Хурив вугевги жиндирго ретӏел босизе нахъвуссунгеян абе. 17Вай, къинал руччабазе ва каранда хахулел лъимал ругел улбузе букӏинаха дол къояз кӏудияб къварилъи-гӏазаб! 18Хасало лъутизе ккогегиян гьари-дугӏа гьабулел рукӏа нуж. 19Щаян абуни, гьебмехалъ рещтӏине буго Аллагьас дуниял бижаралдаса гьанжелъагӏан букӏинчӏеб ва хадубккун букӏине къотӏиги гьечӏеб гӏадинаб балагь. 20Гьел къоял къокълъизаризе Бетӏергьанасул къадар букӏинчӏебани, цониги рижи хвасарлъизе букӏинчӏо. Амма жинцаго тӏаса рищарал гӏадамазе гӏоло гьел къоял къокъ гьаризе хӏукму буго гьесул. 21Гьебмехалъ нужеда лъицаниги абуни Масихӏ гьале гьанив вугилан, яги дова вугилан, – воре, нуж гьелда божуге. 22Щаян абуни, гӏемер рукӏине руго гьебмехалъ гьересимасихӏалги гьересиаварагзабиги. Бажарани, хӏатта тӏаса рищарал муъминзабигицин къосинаризе бокьун, чанги гӏаламатал ва мугӏжизатал рихьизарила гьез. 23Воре, нуж цӏодорго чӏа; гьале дица цебеккунго лъазабун толеб буго нужеда!
Гӏадамил Лъимер кӏиабизеги вачӏине вуго
24Дол къоязда, гьеб гӏакъуба-къварилъиялдаса хадуб, бакъул нур тӏагӏун ина, ва моцӏрол канлъиги ссун ина. 25Цӏваби зодиса гӏодоре гъенон рачӏина, ва къвакӏарал зобалги гьаргьадила. 26Ва гьебмехалда вихьила накӏкӏазда гьоркьосан бергьараб къудраталда ва кӏодолъиялда Гӏадамил Лъимер вачӏунев. 27Зоб-ракьалъул цо рагӏалдаса цоги рагӏалде щвезегӏан ункъабго рахъалдаса жинцаго тӏаса бищараб агьлу данде бакӏаризе жиндирго малаикзабиги ритӏила гьес.
Инжиралъул гъотӏол мисал
28Нужеца мисалалъе босе инжиралъул гъветӏ. Гьелъул гӏаркьалабазда гӏекӏ базе ва тӏамах бижизе байбихьараб мехалъ нужеда лъала рии тӏаде щолеб бугеблъи. 29Гьелдаго релълъун, гьал дица рицарал гӏаламатал загьирлъараб мехалъ, нужеда лъала гьеб нуцӏикӏалтӏе щун бугеблъи. 30Хӏакълъун абулеб буго дица нужеда: дуниялалда гьаб наслу букӏаго лъугьине буго гьеб кинабго. 31Зобалги ракьалги тӏагӏаниги, дир рагӏаби нахъе хутӏизе руго. 32Амма цониги инсанасда лъаларо гьеб къо, гьеб сагӏат кида тӏаде щвезе бугебали. Я зобалазул малаикзабазда лъаларо, я Васасда лъаларо, гьеб лъала цохӏо Инсуда.
«Воре, нуж рорчӏуда чӏа!»
33Воре, нуж рорчӏуда чӏа, кида бачӏунебали лъаларелъул гьеб заман. 34Масала, пуланав чи сапаралъ унев вугони, гьес щивасе хӏалтӏи бикьун рукъалъул иш рагьтӏателазда тӏадкъан тола ва кавудул кӏалтӏа вугев хъаравуласдаги абун тола ворчӏуда чӏайилан. 35Гьедин нужги рорчӏуда чӏа! Нужеда лъаларелъул рукъалъул бетӏергьан кида тӏадвуссун вачӏиневали: маркӏачӏумехалъищ, яги сордо бащалъараб мехалъищ, яги радакье хӏелеко бахъараб мехалъищ, яги рогьа-роцӏараб мехалъищали. 36Гурони, тохлъукье тӏаде рехун гьев вачӏараб мехалъ, кьижун ратила гьесда нуж! 37Нужеда гуребги, цогидаздаги абулеб буго дица: воре, нуж рорчӏуда чӏа!
Currently Selected:
Маркица бицараб Рохалил хабар 13: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Маркица бицараб Рохалил хабар 13
13
13 бетӏер
Дуниялалда ккезе бугелъул хӏакъалъулъ
Мукъадасаб Рукъ щущазабизе буго
1Гӏиса Мукъадасаб Рокъоса къватӏиве лъугьиндал, гьесул цо муридас гьесда абуна:
– Я Мугӏалим! Гьал къадазулъ лъурал ганчӏазул чӏахӏалъи, гьаб минаялъул кӏодолъи!
2Гьесие жавабалъе Гӏисаца абуна:
– Гьаб кӏудияб кӏалгӏа бихьулагури дуда? Ганчӏида лъураб цониги гамачӏ хутӏиларо гьаниб кӏалагъоркье чӏвачӏого.
Балагьал гӏемерлъизе руго
3Мукъадасаб Рукъалда дандбитӏухъе, Зайтуналъул магӏарда гӏодов чӏун Гӏиса вугеб мехалъ, батӏаго гьесда аскӏоре рачӏун, Пётрицаги, Якъубицаги, Иоанницаги, Андрейицаги гьарана:
4– Гьаб дуца абулеб бугебщинаб иш кида лъугьине бугебали ва гьеб лъугьинехъин букӏиналъе кинаб гӏаламат загьирлъизе бугебалиги бице нижеда.
5Гьезие жаваб гьабун, Гӏисаца байбихьана:
– Воре, цо лъицаниги къосинаризе гурин нуж! 6Чанги вукӏине вугелъулха, жив дун вугилан абун вачӏунев чи. Чангиял гьез къосинаризеги руго. 7Рагъал ккун ругилан ва ккезехъинги ругилан рагӏани, гьелдаса нуж хӏинкъуге. Гьеб цебеккунго лъугьине ккола, ва гьеб жеги ахирзаман гуро.
8Цо халкъ цоги халкъалде, цо ханлъи цоги ханлъиялде тӏаде кӏанцӏила. Бакӏ-бакӏалда ракь багъарила, ракъи баккила. Гьеб ккола лъимер гьабизе хӏара чӏваялъул гӏадинаб унтиялъул байбихьи. 9Нужеца нужеего гӏамал гьабе: щаян абуни, дун сабаблъун нуж судалде ахӏила, синагогабазухъе рачун рухила, наибзабазда ва парччахӏзабазда цере чӏезарила, дир муридал ругилан нугӏлъи гьабизе. 10Амма ахирзаман тӏаде щвелалде киналго халкъазда Рохалил хабар лъазабун букӏина. 11Судалда цере чӏезе нуж рачараб мехалъ, щибдай бицинаян цебеккунго ургъел ккоге нужеда. Гьебсагӏат нужерго рекӏелъе рещтӏараб жо абун биччай. Щайгурелъул нуж гуро гьебмехалъ кӏалъазе ругел, нужер рекӏелъе рещтӏараб Илагьияб Рухӏин кӏалъазе бугеб.
12Вацас вац кьезе вуго чӏвазе, инсуца вас кьезе вуго. Жидерго эбел-инсуда данде рахъун, лъималаз гьелги кьезе руго чӏвазе. 13Дун сабаблъун киналго гӏадамазда рихина нуж. Амма ахиралде щвезегӏан сабру гӏурав чи хвасарлъила.
14Букӏинего бегьулареб бакӏалда чӏунтелалъул къабихӏлъи#13:14 Гьелъул магӏна буго: Иерусалималъул Мукъадасаб Рокъоб мажусияз жидерго «аллагьзабазул» суратал лъела. бихьила нужеда, – цӏалулесда лъалин гьелъул магӏна, – гьебмехалъ мугӏрузде лъута абе Ягьудиялда ругелал. 15Гьеб къоялъ тӏохда вугев гъоркье рещтӏунгеян абе, къваригӏараб-тараб босизе рокъове жаниве лъугьунгеян абе. 16Хурив вугевги жиндирго ретӏел босизе нахъвуссунгеян абе. 17Вай, къинал руччабазе ва каранда хахулел лъимал ругел улбузе букӏинаха дол къояз кӏудияб къварилъи-гӏазаб! 18Хасало лъутизе ккогегиян гьари-дугӏа гьабулел рукӏа нуж. 19Щаян абуни, гьебмехалъ рещтӏине буго Аллагьас дуниял бижаралдаса гьанжелъагӏан букӏинчӏеб ва хадубккун букӏине къотӏиги гьечӏеб гӏадинаб балагь. 20Гьел къоял къокълъизаризе Бетӏергьанасул къадар букӏинчӏебани, цониги рижи хвасарлъизе букӏинчӏо. Амма жинцаго тӏаса рищарал гӏадамазе гӏоло гьел къоял къокъ гьаризе хӏукму буго гьесул. 21Гьебмехалъ нужеда лъицаниги абуни Масихӏ гьале гьанив вугилан, яги дова вугилан, – воре, нуж гьелда божуге. 22Щаян абуни, гӏемер рукӏине руго гьебмехалъ гьересимасихӏалги гьересиаварагзабиги. Бажарани, хӏатта тӏаса рищарал муъминзабигицин къосинаризе бокьун, чанги гӏаламатал ва мугӏжизатал рихьизарила гьез. 23Воре, нуж цӏодорго чӏа; гьале дица цебеккунго лъазабун толеб буго нужеда!
Гӏадамил Лъимер кӏиабизеги вачӏине вуго
24Дол къоязда, гьеб гӏакъуба-къварилъиялдаса хадуб, бакъул нур тӏагӏун ина, ва моцӏрол канлъиги ссун ина. 25Цӏваби зодиса гӏодоре гъенон рачӏина, ва къвакӏарал зобалги гьаргьадила. 26Ва гьебмехалда вихьила накӏкӏазда гьоркьосан бергьараб къудраталда ва кӏодолъиялда Гӏадамил Лъимер вачӏунев. 27Зоб-ракьалъул цо рагӏалдаса цоги рагӏалде щвезегӏан ункъабго рахъалдаса жинцаго тӏаса бищараб агьлу данде бакӏаризе жиндирго малаикзабиги ритӏила гьес.
Инжиралъул гъотӏол мисал
28Нужеца мисалалъе босе инжиралъул гъветӏ. Гьелъул гӏаркьалабазда гӏекӏ базе ва тӏамах бижизе байбихьараб мехалъ нужеда лъала рии тӏаде щолеб бугеблъи. 29Гьелдаго релълъун, гьал дица рицарал гӏаламатал загьирлъараб мехалъ, нужеда лъала гьеб нуцӏикӏалтӏе щун бугеблъи. 30Хӏакълъун абулеб буго дица нужеда: дуниялалда гьаб наслу букӏаго лъугьине буго гьеб кинабго. 31Зобалги ракьалги тӏагӏаниги, дир рагӏаби нахъе хутӏизе руго. 32Амма цониги инсанасда лъаларо гьеб къо, гьеб сагӏат кида тӏаде щвезе бугебали. Я зобалазул малаикзабазда лъаларо, я Васасда лъаларо, гьеб лъала цохӏо Инсуда.
«Воре, нуж рорчӏуда чӏа!»
33Воре, нуж рорчӏуда чӏа, кида бачӏунебали лъаларелъул гьеб заман. 34Масала, пуланав чи сапаралъ унев вугони, гьес щивасе хӏалтӏи бикьун рукъалъул иш рагьтӏателазда тӏадкъан тола ва кавудул кӏалтӏа вугев хъаравуласдаги абун тола ворчӏуда чӏайилан. 35Гьедин нужги рорчӏуда чӏа! Нужеда лъаларелъул рукъалъул бетӏергьан кида тӏадвуссун вачӏиневали: маркӏачӏумехалъищ, яги сордо бащалъараб мехалъищ, яги радакье хӏелеко бахъараб мехалъищ, яги рогьа-роцӏараб мехалъищали. 36Гурони, тохлъукье тӏаде рехун гьев вачӏараб мехалъ, кьижун ратила гьесда нуж! 37Нужеда гуребги, цогидаздаги абулеб буго дица: воре, нуж рорчӏуда чӏа!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008