Маркица бицараб Рохалил хабар 15
15
15 бетӏер
Гӏиса Пилатида цеве чӏезавула
1Дуниял рогьарабго, чӏахӏиял кашишзабиги, чӏухӏби-хӏакимзабиги, диниял гӏалимзабиги ва тӏолабго тӏадегӏанаб судги данделъун хӏукму тасдикъ гьабуна ва, вухь-вухьун вачун, Гӏиса Пилатихъе кьуна. 2Пилатица Гӏисада гьикъана:
– Мунищха кколев жугьутӏазул парччахӏ?
Гӏисаца жаваб кьуна:
– Дуца абулеб бугоха гьедин.
3Чӏахӏиял кашишзабаз гьениб гӏемер батӏи-батӏияб гӏайиб гӏунтӏизабуна Гӏисаде. 4Пилатицайин абуни нахъеги гьикъана Гӏисада:
– Дуца жавабго кьолареб кинаб? Дуде гьаз гӏунтӏизабулеб бугебщинаб гӏайиб бихьуларищ?
5Гьел суалазеги Гӏисаца щибго жаваб кьечӏелъул, Пилат гӏажаиблъун-хӏикмалъун хутӏана.
Хӏукму гьабула Барабба виччазе ва Гӏиса хъанчида вазе
6Гӏадат букӏана халкъалъ цӏар чӏварав цо туснахъ Пилатица байрамалъул къоялъ къватӏиве виччалеб. 7Пуланаб питнаялда гӏахьаллъун чи чӏварал гӏадамазда цадахъ гьебго заманалда жанив тӏамун вукӏана Барабба абулев цо чи. 8Кидаго гӏадин жидер мурад тӏубаян гьаризе рахъун ахӏи базе лъугьана гӏадамал, гъун-чӏван Пилатихъе рачӏунаго. 9Пилатица гьезда абуна:
– Жугьутӏазул парччахӏ виччалищ, нужее бокьун батани?
10(Пилатида лъалеб букӏиндалха чӏахӏиял кашишзабазул жахӏда-хӏусудалъ хӏал гьабун жиндихъе кьурав чи гьев вукӏин.) 11Амма чӏахӏиял кашишзабаз халкъ тӏамуна Барабба къватӏиве виччайилан гьаризе. 12Гьебмехалъ Пилатица гьезда гьикъана:
– Жугьутӏазул парччахӏилан абурав чиясе дица щиб гьабизеха нужее бокьун бугеб?
13– Хъанчида вазе витӏе! – ян ахӏдана гьебмехалъ гӏадамал.
14– Гьас гьабураб квешлъигӏаги щиб? – абун гьикъана Пилатица гьезда.
Амма гӏадамал тӏадеги цӏакъ ахӏдезе лъугьана:
– Хъанчида вазе витӏе! – ян.
15Халкъ рази гьабизе бокьун, Пилатица Барабба къватӏиве виччана. Гӏиса цӏалаца вухеян ва хъанчида ваян амру гьабуна.
Багӏараб гӏабаги зазил хьухьун гьабураб тажги
16Рималъул рагъухъабаз Гӏиса вачуна сардарасул претория абулеб кӏалгӏаялъул азбаралъуве. Рагъухъабазул тӏубараб полк бахъинабун букӏана гьенибе. 17Бецӏбагӏараб ххамил гӏаба#15:17 Парччахӏзабазул букӏунаан гьел ратӏа рахъизе лъалеб бецӏбагӏараб гӏаба. ххола Гӏисада тӏад. Зазил хьухьун гьабураб тажги лъола гьесул ботӏрода. 18Жидеца Гӏиса кӏодо гьавулев вугев гӏадин:
– Жугьутӏазул парччахӏ чӏахъаги! – ян ахӏдезе лъугьуна гьел.
19Цинги гӏонсоца бетӏер бухула Гӏисал, тӏаде тударула, суждаялда чӏун, гьесие бетӏер къулулеб ххвел гьабула. 20Инжит-хӏакъир гьавун хадуб, доб багӏараб гӏабаги тӏаса бахъун, жиндирго ретӏел ретӏуна гьесда тӏад. Ва хъанчида вазе вачун уна.
Гӏиса хъанчида вала
21Хуриса вуссун вачӏунев данде ккана Киренеялдаса Симон абулев цо чи – Александрилги Руфилги эмен. Гьесда баччизабуна гьез Гӏисае гьабураб хъанч. 22Цинги Гӏиса вачана Голгота абулеб бакӏалде. Гьелъул магӏна ккола «Гвангвара гохӏ». 23Мехтизе гьарулеб гьекъолеб жоялъул цӏун щурун кьуна гьесухъе. Амма Гӏисаца гьеб гьекъечӏо. 24Гӏиса хъанчида вана, ва лъица щиб босилебали можоро тӏамун, Гӏисал ретӏел жидедаго гьоркьоб бикьизе лъугьана рагъухъаби. 25Радал сагӏат ичӏго тӏубан букӏана Гӏиса хъанчида вараб мехалъ. 26Гьесде гӏунтӏизабураб гӏайиб рехсараб хъвай-хъвагӏайги гьабун букӏана хъанчида, «Жугьутӏазул парччахӏ» абун. 27Кӏиго хъачагъги вукӏана гьесда цадахъ хъанчида ван: цояв кваранаб рахъалда, цояв квегӏаб рахъалда.
28-29Цересан унел гӏадамаз, гьев хӏакъир гьавун, абулеб букӏана бутӏрулги хьвагӏулаго:
– Ле, щущазабун Мукъадасаб Рукъгун, лъабго къоялде гьеб цӏидасан балев багьадур! 30Мунго хвасар гьаве! Хъанчидаса гӏодове рещтӏа!
31Гьебго къагӏидаялда гьев хӏакъир гьавун, цоцазда гаргадулел рукӏана чӏахӏиял кашишзабиги диниял гӏалимзабиги:
– Цогидал хвасар гьарилилан вукӏанин, живго хвасар гьавун бажаруларев чи! 32Исраилил умматалъул парччахӏ – Масихӏ гьев ватани, рещтӏа абе гьанже нилъеда вихьизе хъанчидаса гъоркье, гьебмехалъ божила нилъ гьесда.
Гьесда цадахъ хъанчида рарал хъачагъалгицин рукӏана Гӏисаде хьанделел.
Гӏисал рухӏ босун уна
33Къалъул гӏужалда сверухъе тӏолабго дуниял бецӏлъана. Гьеб бецӏлъи тӏаса инчӏо сагӏат лъабго тӏубазегӏан. 34Сагӏат лъабго тӏубараб мехалъ, цо гучаб гьаракьги гьабун, Гӏисаца ахӏана:
– Элои, Элои! Лема шевактани! – абун. (Гьелъул магӏна букӏана: «Дир Аллагь! Дир Аллагь! Щай дуца дун рехун тарав?»)
35Гьенир рукӏарал цо-цояз, гьеб рагӏараб мехалъ, абулеб букӏана: «Гӏенекке, Иляс аварагасде ахӏи балеб буго!» – ян. 36Гьебмехалъ векерун ун гьезул цояс, цӏекӏаб чагъиралдаги ччун, чӏорто босун бачӏана, гӏорол тӏогьибги бухьун, гьесухъе бегьана. Гьев чияс абулеб букӏана:
– Чӏа, гьанже бихьилин хъанчидаса гьев вахъизе Иляс авараг вачӏунищали.
37Цоги гучаб гьаракь гьабуна Гӏисаца. Ва гьесул рухӏ босун ана. 38Мукъадасаб Рукъалъул хирияб бакӏалда бигъун букӏараб пардав тӏарадаса ахаде щвезегӏан кӏихӏи бихъун ана гьебмехалъ. 39Рагъухъабазул нусилбетӏер вукӏана Гӏисал хъанчида дандвитӏун эхетун. Гьедин Гӏисал рухӏ босараб куц бихьидал, гьес абуна:
– Хӏакъикъаталдаги гьав чи Аллагьасул Вас вукӏун вуго.
40Гьенир нахъегӏан чӏун ралагьун руччабиги рукӏана. Гьезда гьоркьор рукӏана Магдалаялдаса Марямги, гьитӏинав Якъубил ва Юсупил эбел Марямги, Саломеяги. 41Гьел рукӏана Гӏиса Галилеялда вугеб мехалъго гьесда хадур рачӏун, гьесие хъулухъалъе чӏарал руччаби. Гьел гурелги, гьесда цадахъ Иерусалималде рачӏарал цогидал руччабиги гӏезегӏан рукӏана гьенир.
Гӏиса хабалъ вукъула
42-43Гьеб букӏана рузман къо. Шаматалда цебесеб къо букӏиндал, бакъ щинкӏилалдего вачӏун тӏаде щвана тӏадегӏанаб судалда гьоркьов гӏахьаллъулев ва халкъалда жаниб жиндир къадру-къимат бугев Ариматеялдаса Юсуп абулев чи. (Аллагьасул Парччахӏлъиялде хьул лъурав чи вукӏана гьев.) Гьев хӏинкъичӏого Пилатихъе ана Гӏисал жаназа кьеян гьаризе. 44Гӏиса хванилан рагӏидал, гӏажаиблъун хутӏана Пилат. Дол рагъухъабазул нусилбетӏерги ахӏун, гьесда гьикъана цевегойищ хваравилан. 45Гьев нусилбетӏерасдасан Гӏисал хвалил хӏакъикъат лъарабго, Пилатица изну кьуна гьесул жаназа нахъе босизе.
46Бичун босун бацӏцӏадаб хӏебетгун, Юсупица Гӏисал жаназа хъанчидаса бахъана ва, хӏебтил мусруги бан, гьеб букъана кьурулъ бикӏун къачӏан букӏараб нохъодул хабалъ. Нохъодул кӏалтӏе цо кӏудияб гамачӏги гиризабун тана. 47Магдалаялдаса Марямги Юсупил эбел Марямги рукӏана Гӏиса хабалъ лъолеб бакӏалъухъ ралагьун.
Currently Selected:
Маркица бицараб Рохалил хабар 15: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Маркица бицараб Рохалил хабар 15
15
15 бетӏер
Гӏиса Пилатида цеве чӏезавула
1Дуниял рогьарабго, чӏахӏиял кашишзабиги, чӏухӏби-хӏакимзабиги, диниял гӏалимзабиги ва тӏолабго тӏадегӏанаб судги данделъун хӏукму тасдикъ гьабуна ва, вухь-вухьун вачун, Гӏиса Пилатихъе кьуна. 2Пилатица Гӏисада гьикъана:
– Мунищха кколев жугьутӏазул парччахӏ?
Гӏисаца жаваб кьуна:
– Дуца абулеб бугоха гьедин.
3Чӏахӏиял кашишзабаз гьениб гӏемер батӏи-батӏияб гӏайиб гӏунтӏизабуна Гӏисаде. 4Пилатицайин абуни нахъеги гьикъана Гӏисада:
– Дуца жавабго кьолареб кинаб? Дуде гьаз гӏунтӏизабулеб бугебщинаб гӏайиб бихьуларищ?
5Гьел суалазеги Гӏисаца щибго жаваб кьечӏелъул, Пилат гӏажаиблъун-хӏикмалъун хутӏана.
Хӏукму гьабула Барабба виччазе ва Гӏиса хъанчида вазе
6Гӏадат букӏана халкъалъ цӏар чӏварав цо туснахъ Пилатица байрамалъул къоялъ къватӏиве виччалеб. 7Пуланаб питнаялда гӏахьаллъун чи чӏварал гӏадамазда цадахъ гьебго заманалда жанив тӏамун вукӏана Барабба абулев цо чи. 8Кидаго гӏадин жидер мурад тӏубаян гьаризе рахъун ахӏи базе лъугьана гӏадамал, гъун-чӏван Пилатихъе рачӏунаго. 9Пилатица гьезда абуна:
– Жугьутӏазул парччахӏ виччалищ, нужее бокьун батани?
10(Пилатида лъалеб букӏиндалха чӏахӏиял кашишзабазул жахӏда-хӏусудалъ хӏал гьабун жиндихъе кьурав чи гьев вукӏин.) 11Амма чӏахӏиял кашишзабаз халкъ тӏамуна Барабба къватӏиве виччайилан гьаризе. 12Гьебмехалъ Пилатица гьезда гьикъана:
– Жугьутӏазул парччахӏилан абурав чиясе дица щиб гьабизеха нужее бокьун бугеб?
13– Хъанчида вазе витӏе! – ян ахӏдана гьебмехалъ гӏадамал.
14– Гьас гьабураб квешлъигӏаги щиб? – абун гьикъана Пилатица гьезда.
Амма гӏадамал тӏадеги цӏакъ ахӏдезе лъугьана:
– Хъанчида вазе витӏе! – ян.
15Халкъ рази гьабизе бокьун, Пилатица Барабба къватӏиве виччана. Гӏиса цӏалаца вухеян ва хъанчида ваян амру гьабуна.
Багӏараб гӏабаги зазил хьухьун гьабураб тажги
16Рималъул рагъухъабаз Гӏиса вачуна сардарасул претория абулеб кӏалгӏаялъул азбаралъуве. Рагъухъабазул тӏубараб полк бахъинабун букӏана гьенибе. 17Бецӏбагӏараб ххамил гӏаба#15:17 Парччахӏзабазул букӏунаан гьел ратӏа рахъизе лъалеб бецӏбагӏараб гӏаба. ххола Гӏисада тӏад. Зазил хьухьун гьабураб тажги лъола гьесул ботӏрода. 18Жидеца Гӏиса кӏодо гьавулев вугев гӏадин:
– Жугьутӏазул парччахӏ чӏахъаги! – ян ахӏдезе лъугьуна гьел.
19Цинги гӏонсоца бетӏер бухула Гӏисал, тӏаде тударула, суждаялда чӏун, гьесие бетӏер къулулеб ххвел гьабула. 20Инжит-хӏакъир гьавун хадуб, доб багӏараб гӏабаги тӏаса бахъун, жиндирго ретӏел ретӏуна гьесда тӏад. Ва хъанчида вазе вачун уна.
Гӏиса хъанчида вала
21Хуриса вуссун вачӏунев данде ккана Киренеялдаса Симон абулев цо чи – Александрилги Руфилги эмен. Гьесда баччизабуна гьез Гӏисае гьабураб хъанч. 22Цинги Гӏиса вачана Голгота абулеб бакӏалде. Гьелъул магӏна ккола «Гвангвара гохӏ». 23Мехтизе гьарулеб гьекъолеб жоялъул цӏун щурун кьуна гьесухъе. Амма Гӏисаца гьеб гьекъечӏо. 24Гӏиса хъанчида вана, ва лъица щиб босилебали можоро тӏамун, Гӏисал ретӏел жидедаго гьоркьоб бикьизе лъугьана рагъухъаби. 25Радал сагӏат ичӏго тӏубан букӏана Гӏиса хъанчида вараб мехалъ. 26Гьесде гӏунтӏизабураб гӏайиб рехсараб хъвай-хъвагӏайги гьабун букӏана хъанчида, «Жугьутӏазул парччахӏ» абун. 27Кӏиго хъачагъги вукӏана гьесда цадахъ хъанчида ван: цояв кваранаб рахъалда, цояв квегӏаб рахъалда.
28-29Цересан унел гӏадамаз, гьев хӏакъир гьавун, абулеб букӏана бутӏрулги хьвагӏулаго:
– Ле, щущазабун Мукъадасаб Рукъгун, лъабго къоялде гьеб цӏидасан балев багьадур! 30Мунго хвасар гьаве! Хъанчидаса гӏодове рещтӏа!
31Гьебго къагӏидаялда гьев хӏакъир гьавун, цоцазда гаргадулел рукӏана чӏахӏиял кашишзабиги диниял гӏалимзабиги:
– Цогидал хвасар гьарилилан вукӏанин, живго хвасар гьавун бажаруларев чи! 32Исраилил умматалъул парччахӏ – Масихӏ гьев ватани, рещтӏа абе гьанже нилъеда вихьизе хъанчидаса гъоркье, гьебмехалъ божила нилъ гьесда.
Гьесда цадахъ хъанчида рарал хъачагъалгицин рукӏана Гӏисаде хьанделел.
Гӏисал рухӏ босун уна
33Къалъул гӏужалда сверухъе тӏолабго дуниял бецӏлъана. Гьеб бецӏлъи тӏаса инчӏо сагӏат лъабго тӏубазегӏан. 34Сагӏат лъабго тӏубараб мехалъ, цо гучаб гьаракьги гьабун, Гӏисаца ахӏана:
– Элои, Элои! Лема шевактани! – абун. (Гьелъул магӏна букӏана: «Дир Аллагь! Дир Аллагь! Щай дуца дун рехун тарав?»)
35Гьенир рукӏарал цо-цояз, гьеб рагӏараб мехалъ, абулеб букӏана: «Гӏенекке, Иляс аварагасде ахӏи балеб буго!» – ян. 36Гьебмехалъ векерун ун гьезул цояс, цӏекӏаб чагъиралдаги ччун, чӏорто босун бачӏана, гӏорол тӏогьибги бухьун, гьесухъе бегьана. Гьев чияс абулеб букӏана:
– Чӏа, гьанже бихьилин хъанчидаса гьев вахъизе Иляс авараг вачӏунищали.
37Цоги гучаб гьаракь гьабуна Гӏисаца. Ва гьесул рухӏ босун ана. 38Мукъадасаб Рукъалъул хирияб бакӏалда бигъун букӏараб пардав тӏарадаса ахаде щвезегӏан кӏихӏи бихъун ана гьебмехалъ. 39Рагъухъабазул нусилбетӏер вукӏана Гӏисал хъанчида дандвитӏун эхетун. Гьедин Гӏисал рухӏ босараб куц бихьидал, гьес абуна:
– Хӏакъикъаталдаги гьав чи Аллагьасул Вас вукӏун вуго.
40Гьенир нахъегӏан чӏун ралагьун руччабиги рукӏана. Гьезда гьоркьор рукӏана Магдалаялдаса Марямги, гьитӏинав Якъубил ва Юсупил эбел Марямги, Саломеяги. 41Гьел рукӏана Гӏиса Галилеялда вугеб мехалъго гьесда хадур рачӏун, гьесие хъулухъалъе чӏарал руччаби. Гьел гурелги, гьесда цадахъ Иерусалималде рачӏарал цогидал руччабиги гӏезегӏан рукӏана гьенир.
Гӏиса хабалъ вукъула
42-43Гьеб букӏана рузман къо. Шаматалда цебесеб къо букӏиндал, бакъ щинкӏилалдего вачӏун тӏаде щвана тӏадегӏанаб судалда гьоркьов гӏахьаллъулев ва халкъалда жаниб жиндир къадру-къимат бугев Ариматеялдаса Юсуп абулев чи. (Аллагьасул Парччахӏлъиялде хьул лъурав чи вукӏана гьев.) Гьев хӏинкъичӏого Пилатихъе ана Гӏисал жаназа кьеян гьаризе. 44Гӏиса хванилан рагӏидал, гӏажаиблъун хутӏана Пилат. Дол рагъухъабазул нусилбетӏерги ахӏун, гьесда гьикъана цевегойищ хваравилан. 45Гьев нусилбетӏерасдасан Гӏисал хвалил хӏакъикъат лъарабго, Пилатица изну кьуна гьесул жаназа нахъе босизе.
46Бичун босун бацӏцӏадаб хӏебетгун, Юсупица Гӏисал жаназа хъанчидаса бахъана ва, хӏебтил мусруги бан, гьеб букъана кьурулъ бикӏун къачӏан букӏараб нохъодул хабалъ. Нохъодул кӏалтӏе цо кӏудияб гамачӏги гиризабун тана. 47Магдалаялдаса Марямги Юсупил эбел Марямги рукӏана Гӏиса хабалъ лъолеб бакӏалъухъ ралагьун.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008