Маркица бицараб Рохалил хабар 3
3
3 бетӏер
Гӏисаца сахлъизавула цо квер бакъварав чи
1Цоги нухалъ синагогаялъуве вачӏиндал, Гӏисада гьенив ватана цояб квер бакъварав чи. 2Гӏисада хадуб хал ккурал гӏадамалги рукӏана, гьес гьев чи сахлъизавуни, шамат къоялъ гьабураб хӏалтӏийилан, гьесде гӏайиб гӏунтӏизабизе бокьун. 3Квер бакъварав чиясда Гӏисаца абуна:
– Тӏаде вахъун, рукъ бакьулъе вачӏа! – ян.
4Гьел гӏадамаздехун вуссун, Гӏисаца гьикъана:
– Шамат къоялъ лъикӏлъи гьукъун бугебищ, квешлъи гьабизе изну бугебищ? Чиясул рухӏ хвасар гьабизейищ кколеб, яги гьев хвезавизейищ кколев?
Гьел руцӏцӏун чӏана. 5Цо ццидалаб берги гьезда речӏчӏизабун, гьезул ракӏазул согӏлъиялдаса пашманлъарав Гӏисаца дов чиясда абуна:
– Квер гӏебеде битӏе, – ян.
Гьесги квер гӏебеде битӏула, гьебсагӏат гьебги сахлъула. 6Гьебмехалъ синагогаялъуса къватӏире рахъаралго, фарисеялги гьеродилалги данделъула Гӏиса киндай тӏагӏинавилаян тадбиралъе ургъизе.
Гӏисахъе гӏемераб халкъ бакӏарула
7-8Гӏиса жиндирго муридалгун цадахъ Галилеялъул ралъдал рагӏалде ана. Гьесда цадахъ добе багъарана Галилеялъул халкъалъул кӏудияб руккел. Ягьудиялдасаги, Иерусалималдасаги, Идумеялдасаги ва Иордан гӏурул доб рахъалдасаги гӏемераб гӏалам бачӏана гьенибе, Гӏисал хӏалкӏолъиялъул хабар рагӏун. Тиралъул ва Сидоналъул ракьалдаса рачӏаразулги чӏахӏиял руккалаби гӏуна гьенир. 9Гьениб муридазда гьес тӏадкъана жив тӏаде вахине раса хӏадур гьабеян: гӏадамазул гӏемерлъиялъ, гьел тӏаде къан рачӏине гурилан хӏинкъун вукӏана гьев. 10Гӏемерал унтарал гӏадамал сах гьарун рукӏана Гӏисаца, гьединлъидал черхалда унти-гӏузру бугел чагӏи гӏедегӏулел рукӏана гьесухъе, гьесда цо квергӏаги хъвазе щвелародаян. 11Гӏиса вихьараб мехалъ, хъубал жундуз ккурал чагӏи гьесда цере накабазда чӏолаан ва ахӏдолаан, мун Аллагьасул Вас кколилан. 12Амма Гӏисаца жундузда лъазабулаан жив щивали бицунгейилан.
Гӏисаца анцӏила кӏиго чапар тӏаса вищула
13Гьале Гӏиса магӏарде вахана. Гьес гьенире ахӏана жиндиего рокьарал муридал. Гьелги Гӏисада аскӏоре ана. 14Гьес анцӏила кӏигояв чапарзабилъун гьаруна, жиндаго цадахъ рукӏинеги, Рохалил хабар лъазабизе ритӏизеги, 15гӏадамазул чорхолъа жундул рачахъулеб къудрат кьезеги. 16Гьел рукӏана: Гӏисаца Пётр абун тӏокӏцӏар жиндие кьурав Симон, 17Зебедайил вас Якъуб, гьев Якъубилго вац Иоанн (гьев кӏиясего Гӏисаца кьун букӏана Боанергес абураб цӏар – гьебги ккола «Гъугъадиялъул васал» абураб магӏнаялъул рагӏи), 18Андрей, Филипп, Бартоломей, Матфей, Фома, Алфейил вас Якъуб, Фаддей, Симон Кӏанъанаъ#3:18 Кӏанъанаъ – Рималъул къайсарасул парччахӏлъиялда данде къеркьолеб букӏараб къокъаялъул чи. , 19хадув Гӏисае хилиплъарав Ягьуда Искариотги.
Илагьияб Рухӏги жундузул ханги
20Гӏиса тӏадвуссун рокъове щвана. Нахъеги гьенибе бакӏарараб халкъалъул гӏемерлъиялъ, Гӏисаеги гьесул муридазеги санагӏалъи ккечӏо гӏодорчӏун чадил мочӏу кӏалдиб лъезе. 21Гьев вуссун вукӏин лъан, гьесул бетӏер сверун бугилан абулебги рагӏун, Гӏисал цебесеб гӏагарлъиялъул чагӏи рачӏана гьев нахъе вачине.
22Иерусалималдаса рачӏарал диниял гӏалимзабазни абулеб букӏана жундузул хан вугин Гӏисал чорхолъе лъугьун, ва гьеле гьев жундузул ханас кумек гьабулеб бугин гьесие жундул рачахъизеян. 23Гьебмехалъ аскӏореги ахӏун, Гӏисаца гьезда, мисал бачун, бицана:
– Кин кӏолеб илбисалда жибго бачахъизе? 24Цо пуланаб ханлъиялда жаниб кьал ккани, гьеб ханлъи биххичӏого хутӏуларо. 25Цо хъизаналда жаниб кьал ккани, гьеб хъизанги биххичӏого хутӏуларо. 26Гьединго илбисги жибго жиндаго дандечӏун кьалда бугони, гьеб къечӏого хутӏуларо. Гьелъул иш лъугӏулагури гьебмехалъ. 27Цо къуватав чиясул рокъове лъугьун, гьесул боцӏи-рикъзи бикъизе кӏоларо, цин гьев вухь-вухьун рехун хадуб гурони. Гьебмехалъ кӏвела гьесул рукъ бикъизе.
28Хӏакълъун абулеб буго дица нужеда: гӏадамазул киналниги мунагьал ва кигӏан кӏудиял рукӏаниги гьесда лъурал бугьтанал тӏасалъугьун тезе руго Бетӏергьанас. 29Амма Илагьияб Рухӏалда бугьтан лъурав чиясе тӏасалъугьин киданиги букӏине гьечӏо. Абадиялъги тӏаса ккеларо гьесдаса гьеб мунагь.
30(Гӏисаца гьедин абуна, гьез абулеб букӏиндал гьев жундуз ккун вугилан.)
Гӏисахъе рачӏуна гьесул эбелги вацалги
31Цинги Гӏисахъе рачӏуна гьесул эбелги вацалги. Дора къватӏир жалгоги чӏун, гьев ахӏизе чи витӏула гьез. 32Гӏемерал гӏадамал рукӏана гьебмехалъ Гӏисада аскӏор. Гьесда абуна:
– Доле дора къватӏир духъ ралагьун чӏун руго дур эбелги вацалги. Мун цӏехон рачӏун руго дол.
33Гӏисаца гьезда абуна:
– Эбеллъун щий дие кколей ва вацаллъунги щал кколел?
34Цинги жинда сверухъ гӏодор чӏун ругезухъ берги тӏамун, Гӏисаца абуна:
– Гьале дир эбелги дир вацалги. 35Щайгурелъул Аллагьасул амру-нагью тӏубазе гьабулев чи щив вукӏаниги, гьев ккола дие вацги, яцги, эбелги.
Currently Selected:
Маркица бицараб Рохалил хабар 3: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Маркица бицараб Рохалил хабар 3
3
3 бетӏер
Гӏисаца сахлъизавула цо квер бакъварав чи
1Цоги нухалъ синагогаялъуве вачӏиндал, Гӏисада гьенив ватана цояб квер бакъварав чи. 2Гӏисада хадуб хал ккурал гӏадамалги рукӏана, гьес гьев чи сахлъизавуни, шамат къоялъ гьабураб хӏалтӏийилан, гьесде гӏайиб гӏунтӏизабизе бокьун. 3Квер бакъварав чиясда Гӏисаца абуна:
– Тӏаде вахъун, рукъ бакьулъе вачӏа! – ян.
4Гьел гӏадамаздехун вуссун, Гӏисаца гьикъана:
– Шамат къоялъ лъикӏлъи гьукъун бугебищ, квешлъи гьабизе изну бугебищ? Чиясул рухӏ хвасар гьабизейищ кколеб, яги гьев хвезавизейищ кколев?
Гьел руцӏцӏун чӏана. 5Цо ццидалаб берги гьезда речӏчӏизабун, гьезул ракӏазул согӏлъиялдаса пашманлъарав Гӏисаца дов чиясда абуна:
– Квер гӏебеде битӏе, – ян.
Гьесги квер гӏебеде битӏула, гьебсагӏат гьебги сахлъула. 6Гьебмехалъ синагогаялъуса къватӏире рахъаралго, фарисеялги гьеродилалги данделъула Гӏиса киндай тӏагӏинавилаян тадбиралъе ургъизе.
Гӏисахъе гӏемераб халкъ бакӏарула
7-8Гӏиса жиндирго муридалгун цадахъ Галилеялъул ралъдал рагӏалде ана. Гьесда цадахъ добе багъарана Галилеялъул халкъалъул кӏудияб руккел. Ягьудиялдасаги, Иерусалималдасаги, Идумеялдасаги ва Иордан гӏурул доб рахъалдасаги гӏемераб гӏалам бачӏана гьенибе, Гӏисал хӏалкӏолъиялъул хабар рагӏун. Тиралъул ва Сидоналъул ракьалдаса рачӏаразулги чӏахӏиял руккалаби гӏуна гьенир. 9Гьениб муридазда гьес тӏадкъана жив тӏаде вахине раса хӏадур гьабеян: гӏадамазул гӏемерлъиялъ, гьел тӏаде къан рачӏине гурилан хӏинкъун вукӏана гьев. 10Гӏемерал унтарал гӏадамал сах гьарун рукӏана Гӏисаца, гьединлъидал черхалда унти-гӏузру бугел чагӏи гӏедегӏулел рукӏана гьесухъе, гьесда цо квергӏаги хъвазе щвелародаян. 11Гӏиса вихьараб мехалъ, хъубал жундуз ккурал чагӏи гьесда цере накабазда чӏолаан ва ахӏдолаан, мун Аллагьасул Вас кколилан. 12Амма Гӏисаца жундузда лъазабулаан жив щивали бицунгейилан.
Гӏисаца анцӏила кӏиго чапар тӏаса вищула
13Гьале Гӏиса магӏарде вахана. Гьес гьенире ахӏана жиндиего рокьарал муридал. Гьелги Гӏисада аскӏоре ана. 14Гьес анцӏила кӏигояв чапарзабилъун гьаруна, жиндаго цадахъ рукӏинеги, Рохалил хабар лъазабизе ритӏизеги, 15гӏадамазул чорхолъа жундул рачахъулеб къудрат кьезеги. 16Гьел рукӏана: Гӏисаца Пётр абун тӏокӏцӏар жиндие кьурав Симон, 17Зебедайил вас Якъуб, гьев Якъубилго вац Иоанн (гьев кӏиясего Гӏисаца кьун букӏана Боанергес абураб цӏар – гьебги ккола «Гъугъадиялъул васал» абураб магӏнаялъул рагӏи), 18Андрей, Филипп, Бартоломей, Матфей, Фома, Алфейил вас Якъуб, Фаддей, Симон Кӏанъанаъ#3:18 Кӏанъанаъ – Рималъул къайсарасул парччахӏлъиялда данде къеркьолеб букӏараб къокъаялъул чи. , 19хадув Гӏисае хилиплъарав Ягьуда Искариотги.
Илагьияб Рухӏги жундузул ханги
20Гӏиса тӏадвуссун рокъове щвана. Нахъеги гьенибе бакӏарараб халкъалъул гӏемерлъиялъ, Гӏисаеги гьесул муридазеги санагӏалъи ккечӏо гӏодорчӏун чадил мочӏу кӏалдиб лъезе. 21Гьев вуссун вукӏин лъан, гьесул бетӏер сверун бугилан абулебги рагӏун, Гӏисал цебесеб гӏагарлъиялъул чагӏи рачӏана гьев нахъе вачине.
22Иерусалималдаса рачӏарал диниял гӏалимзабазни абулеб букӏана жундузул хан вугин Гӏисал чорхолъе лъугьун, ва гьеле гьев жундузул ханас кумек гьабулеб бугин гьесие жундул рачахъизеян. 23Гьебмехалъ аскӏореги ахӏун, Гӏисаца гьезда, мисал бачун, бицана:
– Кин кӏолеб илбисалда жибго бачахъизе? 24Цо пуланаб ханлъиялда жаниб кьал ккани, гьеб ханлъи биххичӏого хутӏуларо. 25Цо хъизаналда жаниб кьал ккани, гьеб хъизанги биххичӏого хутӏуларо. 26Гьединго илбисги жибго жиндаго дандечӏун кьалда бугони, гьеб къечӏого хутӏуларо. Гьелъул иш лъугӏулагури гьебмехалъ. 27Цо къуватав чиясул рокъове лъугьун, гьесул боцӏи-рикъзи бикъизе кӏоларо, цин гьев вухь-вухьун рехун хадуб гурони. Гьебмехалъ кӏвела гьесул рукъ бикъизе.
28Хӏакълъун абулеб буго дица нужеда: гӏадамазул киналниги мунагьал ва кигӏан кӏудиял рукӏаниги гьесда лъурал бугьтанал тӏасалъугьун тезе руго Бетӏергьанас. 29Амма Илагьияб Рухӏалда бугьтан лъурав чиясе тӏасалъугьин киданиги букӏине гьечӏо. Абадиялъги тӏаса ккеларо гьесдаса гьеб мунагь.
30(Гӏисаца гьедин абуна, гьез абулеб букӏиндал гьев жундуз ккун вугилан.)
Гӏисахъе рачӏуна гьесул эбелги вацалги
31Цинги Гӏисахъе рачӏуна гьесул эбелги вацалги. Дора къватӏир жалгоги чӏун, гьев ахӏизе чи витӏула гьез. 32Гӏемерал гӏадамал рукӏана гьебмехалъ Гӏисада аскӏор. Гьесда абуна:
– Доле дора къватӏир духъ ралагьун чӏун руго дур эбелги вацалги. Мун цӏехон рачӏун руго дол.
33Гӏисаца гьезда абуна:
– Эбеллъун щий дие кколей ва вацаллъунги щал кколел?
34Цинги жинда сверухъ гӏодор чӏун ругезухъ берги тӏамун, Гӏисаца абуна:
– Гьале дир эбелги дир вацалги. 35Щайгурелъул Аллагьасул амру-нагью тӏубазе гьабулев чи щив вукӏаниги, гьев ккола дие вацги, яцги, эбелги.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008