Маркица бицараб Рохалил хабар 5
5
5 бетӏер
Гӏисаца сахлъизавула жундуз ккурав чи
1Гьале гьал щвана Галилеялъул ралъдал добаб рахъалда бугеб герасеназул#5:1 Герасенал – Галилеялъул ралъдал рагӏалда яшав гьабун букӏараб халкъ. улкаялде. 2Гӏиса ракъдаде рещтӏараб мехалъ, цойидасанго гьесда дандчӏвана хабалазул нохъаздаса къватӏиве вачӏунев хъубал жундуз ккурав цо чи. 3Гьениб хабалазухъ букӏана гьесул чӏейи#5:3 Гьесул чӏейи букӏана кьурулъ рикӏун хабалазе гьарурал нохъазда жаниб. , ва гьанже щивниги вукӏинчӏо рахас бан гьев вухьине кӏолев чи. 4Кверазда рахсал ран, бохдузда маххал ран, чанцӏулго вухь-вухьана гӏадамаз гьев, амма рахсалги гьес тӏутӏун ралаан, маххалги гъурун рехулаан. Лъиданиги кӏолеб букӏинчӏо гьев квегъизе. 5Къасиги къадги – кидаго гохӏал, нохъал тирулаго ахӏдолев-чӏчӏичӏчӏидулев вукӏунаан гьев, ганчӏазда тункун лъурал ругъназул цӏун черхги букӏунаан. 6Рикӏкӏадасанго Гӏиса вихьидал, векерун вачӏун гьев гьасда цеве кӏалагъоркье речӏчӏана 7ва ахӏдезе лъугьана:
– Тӏадегӏанав Аллагьасул Вас Гӏиса! Щиб дуе дидасан къваригӏараб? Аллагьасул цӏар бахъун гьарулеб буго дуда, дие гӏазаб кьоге! – ян.
8(Гӏисаца шайтӏаналъе амру гьабун букӏиндалха гьесул чорхолъа къватӏибе лъугьаян.)
9Цинги Гӏисаца гьикъана дуда цӏар щибилан. Жаваб кьуна:
– «Бо» буго дида цӏар. Щайгурелъул ниж гӏемерал руго гьанир.
10Цинги Гӏисада цӏакъ гьардезе лъугьана, гьаб улкаялдаса жал нахъе гъогейилан. 11Гьениб цо мугӏрул ссанда кваналеб букӏана болъоназул кӏудияб рехьед. 12Жундуз Гӏисада гьарана жал гьел болъоназда гъорлъе риччайилан. 13Гьес изну кьуна. Гьев чиясул чорхолъа къватӏиреги рачӏун, хъубал жундул болъоназулъе лъугьана. Гьебсагӏат тӏубараб рехьед – кӏиазаргогӏанасеб болъон цо борхатаб бакӏалдасан цадахъго ралъдалъе кӏанцӏун ана ва гьенир гъанкъана.
14Болъоназул гӏухьби гьениса лъутун ана, ва шагьаралдаги росабалъги гьез бицана ккараб жо. Цинги лъугьа-бахъараб иш бихьизе гӏадамалги рачӏана гьенире. 15Гӏисада аскӏоре щведал, гьенив гӏодов чӏун ватана дов жундузул боялъ гьалаглъизавун вукӏарав чи: тӏад ретӏелги буго гьесда, камилаб гӏакълу-лъаялдаги вуго. Гӏадамазул рекӏелъе хӏинкъи лъугьана. 16Гьенир рукӏараз бицана жундуз ккун вукӏарасул лъугьарабги дол болъоназул ккарабги. 17Гьебмехалъ гьел гӏадамаз Гӏисада гьарана жидер ракьалдаса нахъе айилан. 18Гӏиса росоде вахиндал, дов жундуз ккун вукӏарав чияс гьесда гьарана живги цадахъ вачейилан. 19Амма Гӏисаца изну кьечӏо. Гьес абуна:
– Гьанже мун рокъове а ва дурго агьлуялда бице Бетӏергьанас дуего гьабураб лъикӏлъиялъулги, гьев дуда гурхӏараб куцалъулги хӏакъалъулъ.
20Инеги ун гьев чияс Анцӏшагьаралъул гӏадамазда гьоркьоб тӏибитӏизабуна Гӏисаца жиндие гьабураб хӏалкӏолъиялъул хабар. Киналго гьелда хӏикмалъун хутӏун рукӏана.
Гӏисаца унтарайги сахлъизаюла хварайги чӏаголъизаюла
21Нахъеги росодаги рекӏун, Гӏиса ралъдал добцояб рагӏалде щвараб мехалъ, гӏемераб халкъ бакӏарана гьесухъе. Гьев вукӏана ралъдал рагӏалда эхетун. 22Гьале, гьениве вачӏуна синагогаялъул хӏакимзабазул цояв. Яир букӏана гьесда цӏар. Гӏиса вачӏун вихьидал, гьев гьасда цеве накабазда чӏола, 23ва кутакалда гьардезе лъугьуна:
– Дир яс холей йиго, вачӏун дуца цо квер хъвани, сахлъила гьей, чӏаго хутӏила гьей.
24Гӏиса гьесда цадахъ уна.
Гъуркъун хадур рачӏунел гӏадамазул руккелалъ гьоркьов вазавун вукӏана гьев. 25Анцӏила кӏиго соналъ би къотӏичӏого ва черх бацӏцӏалъичӏого йикӏарай, 26жиндир бугебщинаб боцӏи-рикъзи тохтирзабазе кьуниги, дагьайги квеш лъугьун гурони, гьезда мадар лъугьинабизе кӏвечӏей цо пуланай чӏужугӏаданалъ, 27Гӏисал хабар рагӏидал ячӏун, халкъалъул гурулъ вугев гьесухъе нух бахъула ва нахъасан гьесул ратӏлида квер хъвала. 28Гӏисал ратӏлидагӏаги квер хъвазе щвани, жий сахлъилин ракӏалде кколаан гьелда. 29Гьебсагӏатго къотӏана гьелъул чорхолъа чвахулеб букӏараб би, ва гьеб гӏазабалдаса жийго хвасарлъарайлъи бичӏчӏана гьелда. 30Гьебго заманаялда Гӏисадаги лъана цо чи сахлъизавизе кӏолеб къуват жиндир чорхолъа араблъи.
– Лъица дир ратӏлида квер хъвараб? – абун гьикъана гьес, халкъалдехунги вуссун.
31Гьесул муридаз абуна:
– Дуда сверухъ гъуркъун бачӏунеб бугеб гӏалам бихьулагурищ дуда. Гьединги букӏаго, жинда хъварав чи щивилан абулеб буго дуца.
32Гӏисайин абуни, жиндир ратӏлида квер лъица хъварабали лъазе, сверухъе валагьахъдилев вукӏана. 33Жиндиего лъугьараб ишги бичӏчӏун, хӏинкъун сородилаго ячӏуна дой чӏужугӏадан Гӏисада аскӏое ва, кӏалагъоркье гьесда цееги речӏчӏун, гьелъ бицуна тӏолабго хӏакъикъат. 34Гӏисаца гьелда абула:
– Дурго божи-иманалъ хвасар гьаюна, яц, мун. Гьанже а дурго, сах хутӏагийин мун!
35Гьелдехун кӏалъалев Гӏиса вукӏаго, синагогаялъул хӏакимасул бакӏалдаса ругьел бачӏуна, дур яс хванилан, гӏадада Мугӏалимасул рахӏат хвезабун щайилан. 36Гьел рагӏабазул сан гьабичӏого, Гӏисаца ясалъул инсуда абула:
– Мун хӏинкъуге, божун вукӏа!
37Пётрги, Якъубги, Якъубил вац Иоаннги гурони, цогидав чиги цадахъ вачинчӏого, 38Гӏиса щола синагогаялъул хӏакимасул бакӏалде. Гьенир гьесда ратула ахӏи-хӏуралда гӏодилаго ва магӏу гьабулаго рихха-хочун ругел гӏадамал. 39Гӏисаца гьезда абула:
– Щай нуж гӏодулел? Щай рихха-хочулел? Гьей хун гьечӏогури. Кьижун ккун буго лъимер.
40Гьел гьасда тӏад релъанхъизе лъугьуна. Гӏисаца киналго къватӏире гъола. Ясалъул эбел-эменги ва жиндаго цадахъ рукӏаралги рачун, гьев лъугьуна яс егун йигеб рокъове. 41Ясалъул кверги ккун, Гӏисаца гьелда абула:
– Тӏелитаъ, кӏум! (Гьелъул магӏна букӏана – «Дуда буго абулеб: Тӏаде яхъа, ясай!»)
42Гьебсагӏат тӏадеги яхъун хьвадизе лъугьана гьей яс. (Гьелъул букӏана анцӏила кӏиго сон.) Гӏемерго гӏажаиблъун-хӏикмалъун, битӏахъе хаган хутӏана гӏадамал. 43Гӏисаца абуна гьей ясалъе квен кьеян, ва, воре, нужеца гьелъул хӏакъалъулъ лъиданиги бицунгеянги лъазабуна.
Currently Selected:
Маркица бицараб Рохалил хабар 5: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Маркица бицараб Рохалил хабар 5
5
5 бетӏер
Гӏисаца сахлъизавула жундуз ккурав чи
1Гьале гьал щвана Галилеялъул ралъдал добаб рахъалда бугеб герасеназул#5:1 Герасенал – Галилеялъул ралъдал рагӏалда яшав гьабун букӏараб халкъ. улкаялде. 2Гӏиса ракъдаде рещтӏараб мехалъ, цойидасанго гьесда дандчӏвана хабалазул нохъаздаса къватӏиве вачӏунев хъубал жундуз ккурав цо чи. 3Гьениб хабалазухъ букӏана гьесул чӏейи#5:3 Гьесул чӏейи букӏана кьурулъ рикӏун хабалазе гьарурал нохъазда жаниб. , ва гьанже щивниги вукӏинчӏо рахас бан гьев вухьине кӏолев чи. 4Кверазда рахсал ран, бохдузда маххал ран, чанцӏулго вухь-вухьана гӏадамаз гьев, амма рахсалги гьес тӏутӏун ралаан, маххалги гъурун рехулаан. Лъиданиги кӏолеб букӏинчӏо гьев квегъизе. 5Къасиги къадги – кидаго гохӏал, нохъал тирулаго ахӏдолев-чӏчӏичӏчӏидулев вукӏунаан гьев, ганчӏазда тункун лъурал ругъназул цӏун черхги букӏунаан. 6Рикӏкӏадасанго Гӏиса вихьидал, векерун вачӏун гьев гьасда цеве кӏалагъоркье речӏчӏана 7ва ахӏдезе лъугьана:
– Тӏадегӏанав Аллагьасул Вас Гӏиса! Щиб дуе дидасан къваригӏараб? Аллагьасул цӏар бахъун гьарулеб буго дуда, дие гӏазаб кьоге! – ян.
8(Гӏисаца шайтӏаналъе амру гьабун букӏиндалха гьесул чорхолъа къватӏибе лъугьаян.)
9Цинги Гӏисаца гьикъана дуда цӏар щибилан. Жаваб кьуна:
– «Бо» буго дида цӏар. Щайгурелъул ниж гӏемерал руго гьанир.
10Цинги Гӏисада цӏакъ гьардезе лъугьана, гьаб улкаялдаса жал нахъе гъогейилан. 11Гьениб цо мугӏрул ссанда кваналеб букӏана болъоназул кӏудияб рехьед. 12Жундуз Гӏисада гьарана жал гьел болъоназда гъорлъе риччайилан. 13Гьес изну кьуна. Гьев чиясул чорхолъа къватӏиреги рачӏун, хъубал жундул болъоназулъе лъугьана. Гьебсагӏат тӏубараб рехьед – кӏиазаргогӏанасеб болъон цо борхатаб бакӏалдасан цадахъго ралъдалъе кӏанцӏун ана ва гьенир гъанкъана.
14Болъоназул гӏухьби гьениса лъутун ана, ва шагьаралдаги росабалъги гьез бицана ккараб жо. Цинги лъугьа-бахъараб иш бихьизе гӏадамалги рачӏана гьенире. 15Гӏисада аскӏоре щведал, гьенив гӏодов чӏун ватана дов жундузул боялъ гьалаглъизавун вукӏарав чи: тӏад ретӏелги буго гьесда, камилаб гӏакълу-лъаялдаги вуго. Гӏадамазул рекӏелъе хӏинкъи лъугьана. 16Гьенир рукӏараз бицана жундуз ккун вукӏарасул лъугьарабги дол болъоназул ккарабги. 17Гьебмехалъ гьел гӏадамаз Гӏисада гьарана жидер ракьалдаса нахъе айилан. 18Гӏиса росоде вахиндал, дов жундуз ккун вукӏарав чияс гьесда гьарана живги цадахъ вачейилан. 19Амма Гӏисаца изну кьечӏо. Гьес абуна:
– Гьанже мун рокъове а ва дурго агьлуялда бице Бетӏергьанас дуего гьабураб лъикӏлъиялъулги, гьев дуда гурхӏараб куцалъулги хӏакъалъулъ.
20Инеги ун гьев чияс Анцӏшагьаралъул гӏадамазда гьоркьоб тӏибитӏизабуна Гӏисаца жиндие гьабураб хӏалкӏолъиялъул хабар. Киналго гьелда хӏикмалъун хутӏун рукӏана.
Гӏисаца унтарайги сахлъизаюла хварайги чӏаголъизаюла
21Нахъеги росодаги рекӏун, Гӏиса ралъдал добцояб рагӏалде щвараб мехалъ, гӏемераб халкъ бакӏарана гьесухъе. Гьев вукӏана ралъдал рагӏалда эхетун. 22Гьале, гьениве вачӏуна синагогаялъул хӏакимзабазул цояв. Яир букӏана гьесда цӏар. Гӏиса вачӏун вихьидал, гьев гьасда цеве накабазда чӏола, 23ва кутакалда гьардезе лъугьуна:
– Дир яс холей йиго, вачӏун дуца цо квер хъвани, сахлъила гьей, чӏаго хутӏила гьей.
24Гӏиса гьесда цадахъ уна.
Гъуркъун хадур рачӏунел гӏадамазул руккелалъ гьоркьов вазавун вукӏана гьев. 25Анцӏила кӏиго соналъ би къотӏичӏого ва черх бацӏцӏалъичӏого йикӏарай, 26жиндир бугебщинаб боцӏи-рикъзи тохтирзабазе кьуниги, дагьайги квеш лъугьун гурони, гьезда мадар лъугьинабизе кӏвечӏей цо пуланай чӏужугӏаданалъ, 27Гӏисал хабар рагӏидал ячӏун, халкъалъул гурулъ вугев гьесухъе нух бахъула ва нахъасан гьесул ратӏлида квер хъвала. 28Гӏисал ратӏлидагӏаги квер хъвазе щвани, жий сахлъилин ракӏалде кколаан гьелда. 29Гьебсагӏатго къотӏана гьелъул чорхолъа чвахулеб букӏараб би, ва гьеб гӏазабалдаса жийго хвасарлъарайлъи бичӏчӏана гьелда. 30Гьебго заманаялда Гӏисадаги лъана цо чи сахлъизавизе кӏолеб къуват жиндир чорхолъа араблъи.
– Лъица дир ратӏлида квер хъвараб? – абун гьикъана гьес, халкъалдехунги вуссун.
31Гьесул муридаз абуна:
– Дуда сверухъ гъуркъун бачӏунеб бугеб гӏалам бихьулагурищ дуда. Гьединги букӏаго, жинда хъварав чи щивилан абулеб буго дуца.
32Гӏисайин абуни, жиндир ратӏлида квер лъица хъварабали лъазе, сверухъе валагьахъдилев вукӏана. 33Жиндиего лъугьараб ишги бичӏчӏун, хӏинкъун сородилаго ячӏуна дой чӏужугӏадан Гӏисада аскӏое ва, кӏалагъоркье гьесда цееги речӏчӏун, гьелъ бицуна тӏолабго хӏакъикъат. 34Гӏисаца гьелда абула:
– Дурго божи-иманалъ хвасар гьаюна, яц, мун. Гьанже а дурго, сах хутӏагийин мун!
35Гьелдехун кӏалъалев Гӏиса вукӏаго, синагогаялъул хӏакимасул бакӏалдаса ругьел бачӏуна, дур яс хванилан, гӏадада Мугӏалимасул рахӏат хвезабун щайилан. 36Гьел рагӏабазул сан гьабичӏого, Гӏисаца ясалъул инсуда абула:
– Мун хӏинкъуге, божун вукӏа!
37Пётрги, Якъубги, Якъубил вац Иоаннги гурони, цогидав чиги цадахъ вачинчӏого, 38Гӏиса щола синагогаялъул хӏакимасул бакӏалде. Гьенир гьесда ратула ахӏи-хӏуралда гӏодилаго ва магӏу гьабулаго рихха-хочун ругел гӏадамал. 39Гӏисаца гьезда абула:
– Щай нуж гӏодулел? Щай рихха-хочулел? Гьей хун гьечӏогури. Кьижун ккун буго лъимер.
40Гьел гьасда тӏад релъанхъизе лъугьуна. Гӏисаца киналго къватӏире гъола. Ясалъул эбел-эменги ва жиндаго цадахъ рукӏаралги рачун, гьев лъугьуна яс егун йигеб рокъове. 41Ясалъул кверги ккун, Гӏисаца гьелда абула:
– Тӏелитаъ, кӏум! (Гьелъул магӏна букӏана – «Дуда буго абулеб: Тӏаде яхъа, ясай!»)
42Гьебсагӏат тӏадеги яхъун хьвадизе лъугьана гьей яс. (Гьелъул букӏана анцӏила кӏиго сон.) Гӏемерго гӏажаиблъун-хӏикмалъун, битӏахъе хаган хутӏана гӏадамал. 43Гӏисаца абуна гьей ясалъе квен кьеян, ва, воре, нужеца гьелъул хӏакъалъулъ лъиданиги бицунгеянги лъазабуна.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008