Маркица бицараб Рохалил хабар 9
9
9 бетӏер
Гӏиса хиса-басун лъугьуна
1Цоги Гӏисаца абуна:
– Хӏакълъун абулеб буго дица нужеда: тӏубараб къуваталда Аллагьасул Парччахӏлъи рещтӏунеб куц бихьичӏого, жидеца хвалил лълъар гьекъезе гьечӏел гӏадамалги ругелха гьанир эхетаразда гьоркьор.
2Гьелдаса хадуб анлъго къоялдасан, Пётрги, Якъубги, Иоаннги гурони тӏокӏав чиги цадахъ вачинчӏого, Гӏиса цо борхатаб магӏарде вахана. Гьелги ралагьун рукӏаго, хиса-басун лъугьана Гӏиса. 3Гьесул ретӏел лъугьана, гӏазухъахӏаб кьерги чӏван, кунчӏ-кунчӏизе; кигӏан цӏакъ чураниги кӏвелароан гьеб гьедин хъахӏлъизабизе. 4Цинги гьезда рихьана Илясги Мусаги. Гӏисагун гара-чӏварулел ругоан гьел. 5Гьениб Пётрица Гӏисада абуна:
– Я Мугӏалим! Лъикӏ буго гьаниб нилъее! Рачӏа, лъабго хъощ базин гьаниб: цо дуе, цо Мусае, цо Илясие.
6Гьедин абуна Пётрица, щиб абилебали лъаларого хутӏидал. Хӏакъикъаталдаги хӏинкъун лъугьана муридзаби гьенир. 7Гьебмехалъ цо хъахӏаб накӏкӏул парча бачӏун рахчизаруна гьел ва накӏкӏуда гьоркьосан бахъана цо гьаракь:
– Гьав вуго дие вокьулев дир Вас. Гьасухъ гӏенекке нуж!
8Цинги гьебсагӏат сверухъе ралагьидал, цохӏо Гӏиса тун батӏияв чи гьезда гьенив вихьичӏо. 9Магӏардаса гӏодоре рещтӏунаго, Гӏисаца гьезда лъазабуна хваралъуса вахъун Гӏадамил Лъимер вачӏинегӏан, гьаб нужеда бихьараб ишалъул лъиданиги бицунгейилан. 10Гьениб бихьарабщинаб жиделъго цӏунана гьез. Амма «хваралъуса вахъун вачӏиналъул» магӏна щибдайилан цоцазда цӏехолдулел рукӏана. 11Цинги гьез Гӏисада гьикъана:
– Щайха диниял гӏалимзабаз абулеб цин цеве Иляс авараг вачӏине кколилан?
12Гӏисаца гьезда абуна:
– Битӏараб буго, цин цеве Иляс вачӏуна ва гьес кинабго къачӏанги тола. Щайха Тӏухьдузда хъван бугеб Гӏадамил Лъимада гӏемераб гӏазаб-гӏакъуба бихьилилан ва гӏадамаз гьев инжит-хӏакъир гьавилилан? 13Гьале дица нужеда абулеб буго: Тӏухьдузда хъван бугеб куцалда, Иляс вачӏана; ва жидее бокьанщинаб гьабуна гьесие гӏадамаз.
Гӏисаца сахлъизавула жундуз ккурав цо вас
14Гӏиса дол жиндирго муридазда аскӏове тӏадвуссиндал, гӏемераб халкъ бакӏарун батана гьенибе. Диниял гӏалимзабиги ругоан гьасул муридалгун дагӏба-рагӏиялда. 15Гӏиса вихьидал, тӏолабго халкъ хӏикмалъун хутӏана, данде рортун гьесие салам кьезе лъугьана. 16Гӏисаца жиндирго муридазда гьикъана гьазулгун нужер бугеб дагӏба щибилан? 17Халкъалда гьоркьоса вачӏун цо чияс абуна:
– Я Мугӏалим! Дун духъе вачӏун вуго женалъ кӏал-мацӏ ккурав, кӏалъазе кӏоларев васги вачун. 18Гьеб жен киб кваланиги, дир вас гӏодов ккола, кӏалдиб полоп бала, цаби къерщезарула, цинги гьев цӏоро-гъорон лъугьуна. Гьал дур муридазда абуна дица гьесул чорхолъа жен бачахъеян, амма гьезухъа бажаричӏо.
19Гьездехун Гӏисаца абуна:
– Гӏай, нуж иман гьечӏеб уммат! Кидалъагӏан дун нужгун вукӏинев? Кидалъагӏан дица нуж хӏехьезе кколел? Ваче гьаниве дурго вас.
20Вас гьесухъе вачун вачӏана. Гӏиса вихьаравго, хъубаб женалъ васасул щукӏдул рукӏкӏинаруна; гьев гӏодов ккана, гевегахъдизе лъугьана ва гьесул кӏалдисан полоп бурана. 21Гӏисаца гьесул инсуда гьикъана:
– Вас гьедин лъугьаралдаса кигӏан мех бараб?
– Гьитӏинаб мехалдаса нахъего вуго гьев гьедин, – абун жаваб кьуна инсуца. 22– Чанги цӏадавеги рехана женалъ гьев, лъадалъеги рехана, хвезавизе бокьун. Дуда щибниги гьабизе кӏолеб батани, нижеда гурхӏун, кумек гьабе нижее.
23Гӏисаца гьесда абуна:
– Дагьабниги божизе дудаги кӏолеб батани, божа мунги. Божулев чиясда хӏалкӏолареб жо букӏунаребин!
24Гьебсагӏат васасул инсуца ахӏана:
– Дун божула, кумек гьабе дие – божуларесе!
25Тӏаде гурун бачӏунеб халкъги бихьун, гьеб женалъе амру гьабун, Гӏисаца абуна:
– Ле, мацӏ лъалареб ва гӏинкъаб жен! Дица дуе амру гьабулеб буго гьев васасул чорхолъа тӏагӏаян ва тӏокӏаб киданиги гьенибеги къагеян.
26Цо гьаракьги гьабун, кутакалда гьев васги сородизавун, шайтӏан къватӏибе кӏанцӏун бачӏана. Цинги хварав чи гӏадин лъугьана вас, хӏатта гьев хваниланцин абулеб букӏана гӏемерисез. 27Амма Гӏисаца квер цӏан тӏаде вахъинавидал, вас вахъун чӏана.
28Рокъоре щун, жалго хутӏидал, муридаз Гӏисада гьикъана:
– Нижеда щай кӏвечӏеб доб хъубаб жен бачахъизе?
29Гӏисаца гьезие жаваб кьуна:
– Доб тайпаялъул жундул рачахъизе кӏола гӏицӏго дугӏаялдалъун.
Гӏазаб-гӏакъубаялъул хӏакъалъулъ цоги нухалъ
30Гьениса рахъун Галилеялъул ракьалдасан унел рукӏана гьел. Гӏисае бокьун букӏинчӏо жив вачӏунев вукӏин лъиданиги лъазе. 31Жиндирго муридазе насихӏат гьабулев вукӏана гьев. Гӏисаца гьезда бицана:
– Гӏадамил Лъимер кьезе вуго гӏадамазда кодове, цинги гьез гьев чӏвала ва лъабабилеб къоялъ хваралъуса вахъина.
32Амма гьезда бичӏчӏичӏо гьел рагӏабазул магӏна, ва гьесда гьеб гьикъизеги хӏинкъана.
«Бищунго кӏудияв щив?»
33Цинги гьел Капернаумалде щола. Рокъоре щведал, Гӏисаца гьезда гьикъана:
– Гьанире рачӏунаго нухда сундул бицун дагӏбадулел нуж рукӏарал? – абун.
34Гьел руцӏцӏун чӏана. Щайгурелъул гьел дагӏбадулел рукӏиндал жидеда гьоркьов бищун кӏудиявлъун щивдай кколеван. 35Гӏиса гӏодов чӏана, ва жиндаго аскӏове анцӏила кӏиявго муридги ахӏун, гьес абуна:
– Бищунго кӏудиявлъун лъугьине бокьарав чи цогидазда гьоркьов бищунго гьитӏинавлъун вукӏа ва гьезие хъулухъалъе чӏа.
36Кодобе босун, Гӏисаца цо лъимер гьезда гьоркьоб эхетизабуна ва, гьеб лъимада къвалги бан, абуна:
37– Цо гьадинаб лъимер, дие гӏоло, лъицаниги къабул гьабуни, гьеб бащалъизе буго дун къабул гьавиялда. Дун къабул гьавурав чияс, цохӏо дун гуревги, дун нужехъе витӏарав Аллагьги къабул гьавулев вуго.
«Шапагӏаталдаса махӏрумлъизе гьечӏо...»
38Гьебмехалъ Иоанница абуна:
– Я Мугӏалим! Нижеда ватана цо чи дур цӏаралдалъун жундул рачахъулев; амма гьев чи нилъеда нахъвилълъунев гьечӏо. Нилъеда нахъвилълъунев гьечӏелъул, нижеца гьукъана досие гьеб иш гьабизе.
39Гӏисаца абуна:
– Гьукъуге гьесие гьеб. Дир цӏаралдалъун хӏикмат бихьизабурав чиясда кӏвезе гьечӏо гьелдаса хадуб гьебсагӏат дир хӏакъалъулъ квешаб рагӏи абизе. 40Нилъеда дандечӏоларев чи ккола нилъер рахъалда вугев чи. 41Хӏакълъун абулеб буго дица нужеда: нуж Масихӏил муридал рукӏинги лъан, дие гӏололъун нужее гьекъезе гел цӏун лъим кьурав чи кириялдаса махӏрумлъиларо. 42Амма диде иман лъуразда гьоркьоса цониги лъимер гӏадинав пулан мунагьалде цӏалев чи ккани, гьобоги горбода бухьун, ралъдалъе рехиго лъикӏаб букӏинаан гьесие.
«Мун мунагьалде цӏалев вугони...»
43-44Дур квералъ мун мунагьалде цӏалев вугони, къотӏун рехе гьеб. Цояб квер камун, алжаналде ин лъикӏ дуе, кӏиябго квергун жужахӏалъул свин гьечӏеб цӏадаве рехизегӏан. 45-46Дур бохалъ мун мунагьалде цӏалев вугони, къотӏун рехе гьеб. Цояб бох камун, алжаналде ин лъикӏ дуе, кӏиябго бохгун жужахӏалъуве рехизегӏан. 47Дур бералъ мун мунагьалде цӏалев вугони, бахъун рехе гьеб. Цо бергун Аллагьасул Парччахӏлъиялде ин лъикӏ дуе, кӏиябго бергун жужахӏалъуве рехизегӏан. 48Жужахӏалъул борхьазе хвелги букӏунареб, жужахӏалъул цӏадуе свинги букӏунареб!
49Къурбаналъул гьан, тӏаде цӏам щван, бацӏцӏад гьабулеб гӏадин, щивав чи цӏадудалъун вацӏцӏад гьавизе вуго. 50Цӏам лъикӏаб жо буго. Амма гьелъул цӏамгӏаллъи холеб бугони, кин нужеца гьеб нахъеги цӏамгӏаллъизабилеб? Цӏам цӏуне нужелъго, ва цоцазда гьоркьор ракълида рукӏа.
Currently Selected:
Маркица бицараб Рохалил хабар 9: AvrNT
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008
Маркица бицараб Рохалил хабар 9
9
9 бетӏер
Гӏиса хиса-басун лъугьуна
1Цоги Гӏисаца абуна:
– Хӏакълъун абулеб буго дица нужеда: тӏубараб къуваталда Аллагьасул Парччахӏлъи рещтӏунеб куц бихьичӏого, жидеца хвалил лълъар гьекъезе гьечӏел гӏадамалги ругелха гьанир эхетаразда гьоркьор.
2Гьелдаса хадуб анлъго къоялдасан, Пётрги, Якъубги, Иоаннги гурони тӏокӏав чиги цадахъ вачинчӏого, Гӏиса цо борхатаб магӏарде вахана. Гьелги ралагьун рукӏаго, хиса-басун лъугьана Гӏиса. 3Гьесул ретӏел лъугьана, гӏазухъахӏаб кьерги чӏван, кунчӏ-кунчӏизе; кигӏан цӏакъ чураниги кӏвелароан гьеб гьедин хъахӏлъизабизе. 4Цинги гьезда рихьана Илясги Мусаги. Гӏисагун гара-чӏварулел ругоан гьел. 5Гьениб Пётрица Гӏисада абуна:
– Я Мугӏалим! Лъикӏ буго гьаниб нилъее! Рачӏа, лъабго хъощ базин гьаниб: цо дуе, цо Мусае, цо Илясие.
6Гьедин абуна Пётрица, щиб абилебали лъаларого хутӏидал. Хӏакъикъаталдаги хӏинкъун лъугьана муридзаби гьенир. 7Гьебмехалъ цо хъахӏаб накӏкӏул парча бачӏун рахчизаруна гьел ва накӏкӏуда гьоркьосан бахъана цо гьаракь:
– Гьав вуго дие вокьулев дир Вас. Гьасухъ гӏенекке нуж!
8Цинги гьебсагӏат сверухъе ралагьидал, цохӏо Гӏиса тун батӏияв чи гьезда гьенив вихьичӏо. 9Магӏардаса гӏодоре рещтӏунаго, Гӏисаца гьезда лъазабуна хваралъуса вахъун Гӏадамил Лъимер вачӏинегӏан, гьаб нужеда бихьараб ишалъул лъиданиги бицунгейилан. 10Гьениб бихьарабщинаб жиделъго цӏунана гьез. Амма «хваралъуса вахъун вачӏиналъул» магӏна щибдайилан цоцазда цӏехолдулел рукӏана. 11Цинги гьез Гӏисада гьикъана:
– Щайха диниял гӏалимзабаз абулеб цин цеве Иляс авараг вачӏине кколилан?
12Гӏисаца гьезда абуна:
– Битӏараб буго, цин цеве Иляс вачӏуна ва гьес кинабго къачӏанги тола. Щайха Тӏухьдузда хъван бугеб Гӏадамил Лъимада гӏемераб гӏазаб-гӏакъуба бихьилилан ва гӏадамаз гьев инжит-хӏакъир гьавилилан? 13Гьале дица нужеда абулеб буго: Тӏухьдузда хъван бугеб куцалда, Иляс вачӏана; ва жидее бокьанщинаб гьабуна гьесие гӏадамаз.
Гӏисаца сахлъизавула жундуз ккурав цо вас
14Гӏиса дол жиндирго муридазда аскӏове тӏадвуссиндал, гӏемераб халкъ бакӏарун батана гьенибе. Диниял гӏалимзабиги ругоан гьасул муридалгун дагӏба-рагӏиялда. 15Гӏиса вихьидал, тӏолабго халкъ хӏикмалъун хутӏана, данде рортун гьесие салам кьезе лъугьана. 16Гӏисаца жиндирго муридазда гьикъана гьазулгун нужер бугеб дагӏба щибилан? 17Халкъалда гьоркьоса вачӏун цо чияс абуна:
– Я Мугӏалим! Дун духъе вачӏун вуго женалъ кӏал-мацӏ ккурав, кӏалъазе кӏоларев васги вачун. 18Гьеб жен киб кваланиги, дир вас гӏодов ккола, кӏалдиб полоп бала, цаби къерщезарула, цинги гьев цӏоро-гъорон лъугьуна. Гьал дур муридазда абуна дица гьесул чорхолъа жен бачахъеян, амма гьезухъа бажаричӏо.
19Гьездехун Гӏисаца абуна:
– Гӏай, нуж иман гьечӏеб уммат! Кидалъагӏан дун нужгун вукӏинев? Кидалъагӏан дица нуж хӏехьезе кколел? Ваче гьаниве дурго вас.
20Вас гьесухъе вачун вачӏана. Гӏиса вихьаравго, хъубаб женалъ васасул щукӏдул рукӏкӏинаруна; гьев гӏодов ккана, гевегахъдизе лъугьана ва гьесул кӏалдисан полоп бурана. 21Гӏисаца гьесул инсуда гьикъана:
– Вас гьедин лъугьаралдаса кигӏан мех бараб?
– Гьитӏинаб мехалдаса нахъего вуго гьев гьедин, – абун жаваб кьуна инсуца. 22– Чанги цӏадавеги рехана женалъ гьев, лъадалъеги рехана, хвезавизе бокьун. Дуда щибниги гьабизе кӏолеб батани, нижеда гурхӏун, кумек гьабе нижее.
23Гӏисаца гьесда абуна:
– Дагьабниги божизе дудаги кӏолеб батани, божа мунги. Божулев чиясда хӏалкӏолареб жо букӏунаребин!
24Гьебсагӏат васасул инсуца ахӏана:
– Дун божула, кумек гьабе дие – божуларесе!
25Тӏаде гурун бачӏунеб халкъги бихьун, гьеб женалъе амру гьабун, Гӏисаца абуна:
– Ле, мацӏ лъалареб ва гӏинкъаб жен! Дица дуе амру гьабулеб буго гьев васасул чорхолъа тӏагӏаян ва тӏокӏаб киданиги гьенибеги къагеян.
26Цо гьаракьги гьабун, кутакалда гьев васги сородизавун, шайтӏан къватӏибе кӏанцӏун бачӏана. Цинги хварав чи гӏадин лъугьана вас, хӏатта гьев хваниланцин абулеб букӏана гӏемерисез. 27Амма Гӏисаца квер цӏан тӏаде вахъинавидал, вас вахъун чӏана.
28Рокъоре щун, жалго хутӏидал, муридаз Гӏисада гьикъана:
– Нижеда щай кӏвечӏеб доб хъубаб жен бачахъизе?
29Гӏисаца гьезие жаваб кьуна:
– Доб тайпаялъул жундул рачахъизе кӏола гӏицӏго дугӏаялдалъун.
Гӏазаб-гӏакъубаялъул хӏакъалъулъ цоги нухалъ
30Гьениса рахъун Галилеялъул ракьалдасан унел рукӏана гьел. Гӏисае бокьун букӏинчӏо жив вачӏунев вукӏин лъиданиги лъазе. 31Жиндирго муридазе насихӏат гьабулев вукӏана гьев. Гӏисаца гьезда бицана:
– Гӏадамил Лъимер кьезе вуго гӏадамазда кодове, цинги гьез гьев чӏвала ва лъабабилеб къоялъ хваралъуса вахъина.
32Амма гьезда бичӏчӏичӏо гьел рагӏабазул магӏна, ва гьесда гьеб гьикъизеги хӏинкъана.
«Бищунго кӏудияв щив?»
33Цинги гьел Капернаумалде щола. Рокъоре щведал, Гӏисаца гьезда гьикъана:
– Гьанире рачӏунаго нухда сундул бицун дагӏбадулел нуж рукӏарал? – абун.
34Гьел руцӏцӏун чӏана. Щайгурелъул гьел дагӏбадулел рукӏиндал жидеда гьоркьов бищун кӏудиявлъун щивдай кколеван. 35Гӏиса гӏодов чӏана, ва жиндаго аскӏове анцӏила кӏиявго муридги ахӏун, гьес абуна:
– Бищунго кӏудиявлъун лъугьине бокьарав чи цогидазда гьоркьов бищунго гьитӏинавлъун вукӏа ва гьезие хъулухъалъе чӏа.
36Кодобе босун, Гӏисаца цо лъимер гьезда гьоркьоб эхетизабуна ва, гьеб лъимада къвалги бан, абуна:
37– Цо гьадинаб лъимер, дие гӏоло, лъицаниги къабул гьабуни, гьеб бащалъизе буго дун къабул гьавиялда. Дун къабул гьавурав чияс, цохӏо дун гуревги, дун нужехъе витӏарав Аллагьги къабул гьавулев вуго.
«Шапагӏаталдаса махӏрумлъизе гьечӏо...»
38Гьебмехалъ Иоанница абуна:
– Я Мугӏалим! Нижеда ватана цо чи дур цӏаралдалъун жундул рачахъулев; амма гьев чи нилъеда нахъвилълъунев гьечӏо. Нилъеда нахъвилълъунев гьечӏелъул, нижеца гьукъана досие гьеб иш гьабизе.
39Гӏисаца абуна:
– Гьукъуге гьесие гьеб. Дир цӏаралдалъун хӏикмат бихьизабурав чиясда кӏвезе гьечӏо гьелдаса хадуб гьебсагӏат дир хӏакъалъулъ квешаб рагӏи абизе. 40Нилъеда дандечӏоларев чи ккола нилъер рахъалда вугев чи. 41Хӏакълъун абулеб буго дица нужеда: нуж Масихӏил муридал рукӏинги лъан, дие гӏололъун нужее гьекъезе гел цӏун лъим кьурав чи кириялдаса махӏрумлъиларо. 42Амма диде иман лъуразда гьоркьоса цониги лъимер гӏадинав пулан мунагьалде цӏалев чи ккани, гьобоги горбода бухьун, ралъдалъе рехиго лъикӏаб букӏинаан гьесие.
«Мун мунагьалде цӏалев вугони...»
43-44Дур квералъ мун мунагьалде цӏалев вугони, къотӏун рехе гьеб. Цояб квер камун, алжаналде ин лъикӏ дуе, кӏиябго квергун жужахӏалъул свин гьечӏеб цӏадаве рехизегӏан. 45-46Дур бохалъ мун мунагьалде цӏалев вугони, къотӏун рехе гьеб. Цояб бох камун, алжаналде ин лъикӏ дуе, кӏиябго бохгун жужахӏалъуве рехизегӏан. 47Дур бералъ мун мунагьалде цӏалев вугони, бахъун рехе гьеб. Цо бергун Аллагьасул Парччахӏлъиялде ин лъикӏ дуе, кӏиябго бергун жужахӏалъуве рехизегӏан. 48Жужахӏалъул борхьазе хвелги букӏунареб, жужахӏалъул цӏадуе свинги букӏунареб!
49Къурбаналъул гьан, тӏаде цӏам щван, бацӏцӏад гьабулеб гӏадин, щивав чи цӏадудалъун вацӏцӏад гьавизе вуго. 50Цӏам лъикӏаб жо буго. Амма гьелъул цӏамгӏаллъи холеб бугони, кин нужеца гьеб нахъеги цӏамгӏаллъизабилеб? Цӏам цӏуне нужелъго, ва цоцазда гьоркьор ракълида рукӏа.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама гьабиялъул институт Москва 2008