Нүүдл 10
10
Нәәмдгч зовлң: царцаха
1Деед Эзн Мошед закчана:
– Хан тал йов. Хан болн энүнә мухлас урдк кевәрн догшн болдгар кенәв. Би эдн дунд Эврә өвәрц йовдлмудан үзүлхәр кеҗәх юмн болҗана. 2Яһҗ Би Египетин улст догшн йовдл үзүлснә болн Би Эврә өвәрц йовдлмудан һарһсна тускар тадн көвүдтән болн ачнртан келҗ өгхит. Болв энтн кен Деед Эзн болҗахинь тадн медтхә гиһәд кегдҗәнә!
3Моше болн Ахарон хан тал ирәд энүнд келҗәнә:
– Деед Эзн, евреймүдин Бурхн, чи ямр уданд Нанла хәрүцәд бәәхмбч гиҗәнә. Нанд мөргхин төлә Мини улсиг тәв! 4Кемрҗән эс тәвхләчн, Би маңһдур чини орн-нутгт царцаха орулнав! 5Тедн эн һазр үзгддгоһар цугинь бүркх, мөндрин хөөн үлдсн цуг өвсиг идх, кеер цуг моддыг идх! 6Чини гериг, чини мухласин гермүдиг болн Египетин гермүдиг цугтаһинь царцаха дүүргх. Эн һазр деер тадн бәәх цагас авн тана эцкнр, тана аавнр иим юмиг үзәд уга!
Моше эргәд хаана бәәрнәс һарв. 7Тиигхлә мухлас хаанд келҗәнә:
– Эн күүнәс көлтә бидн ямр уданд зовх зөвтәвидн? Эдниг тәвчктн, эврә Деед Эзн Бурхндан мөргтхә. Египет тарҗахинь Та үзҗәхшийт?
8Мошед болн Ахаронд хәрү ирхинь закв. Хан эднд келҗәнә:
– Йовад, эврәннь Деед Эзн Бурхндан мөргтн. Таднас кень йовхмб?
9Тиигхлә Моше келҗәнә:
– Бидн цугтан йовхвидн, баһчуд болн көгшд, көвүдтәһән болн күүкдтәһән, бод болн үүрмг малтаһан – энтн манад Деед Эзнә байр болх!
10Зуг хан инәв:
– Сән, тадниг кемр би күүкдтәһитн сулдххла, Деед Эзн тегәд Эврән харстха! Болһатн, тадн му юм һарһхар седҗәнәт! 11Тиигҗ болшго! Тана дуудсар һанцхн залус йовад Деед Эзнд мөргтхә!
Тегәд Моше Ахарон хойриг көөчкв.
12Деед Эзн Мошед закчана:
– Египетин һазр деегүр һаран өрг – царцаха нисч ирәд мөндрин хөөн үлдсн цуг урһмлыг идчкг.
13Моше Египетин һазр деегүр тайган дайлв. Деед Эзн Египетүр дорд үзгин сальк йовулв. Салькн өдрин болн сөөни дуусн үләһәд, маңһдуртнь дорд үзгәс царцаха авч ирв. 14Царцаха Египетин һазрур ирәд, цуг орн-нутгиг дүүргв. Урднь кезә чигн уга бәәсн, даруһас чигн уга болх царцахан тонь икдәд одв. 15Цуг һазриг эн бүркв, һазр харлҗ одв! Мөндрин хөөн үлдсн цуг өвсиг болн моддын темсиг царцаха идчкв. Египетин цуг һазрт көк өвсн чигн, моддын хамтхасд чигн үлдсн уга.
16Хан Мошег болн Ахарониг адһҗ дуудад, эднд келҗәнә:
– Тадна Бурхн Деед Эзнә өмн болн тадна өмн би килнц һарһсн болҗанав. 17Зуг ода килнцим тәвтн: нанас эн зовлңгиг уга кехин төлә эврәннь Деед Эзн Бурхнд мөргтн.
18Моше хаана бәәрнәс һарад, Деед Эзнд мөргв. 19Деед Эзн барун үзгәс ик сальк көдлгүләд, царцахаг көөһәд, энүг Улан теңгст#10:19 Улан теңгс – еврей келнд «Суф теңгс» гиҗ нерәдгднә, эс гиҗ «Хулста теңгс». хайв. Египетин һазрт нег чигн царцаха үлдсн уга. 20Болв Деед Эзн цаарандан хан һацад бәәхиг цугинь кев: эн Израилин улсиг тәвсн уга.
Йисдгч зовлң: таш харңһу
21Деед Эзн Мошед закчана:
– Һаран теңгрүр өрг – Египетин һазрт таш харңһу болх, әмтн харңһуд юм үзлго темтрәд йовтха!
22Моше һаран теңгрт сарвахла, Египетин һазрт һурвн өдртән таш харңһу болв. 23Әмтн нег-негән үзсн уга, һурвн өдртән ормасн көндрҗ чадсн уга. Зуг Израилин улсин бәәсн бәәрнд герлтә болв.
24Хан Мошег дуудад келҗәнә:
– Йовтн, Деед Эзндән мөргтн. Болв тадна бод болн үүрмг мал үлдтхә. Бичкдүдтн таднла йовтха.
25Моше хәрү өгнә:
– Бидн эврәннь Деед Эзндән шаталһ кех болн тәкл тәкх юмсиг цугинь мадна һарт бәрүләд өг. 26Цуг мана мал, негн чигн туру үлддгоһар, маднла йовх зөвтә. Тенд, бәәрндән, мана Деед Эзнд юуһар тәкл тәкхиг шүүҗ авхвидн! Юңгад гихлә тиигән эс иртл, Деед Эзнд ямр малар тәкл тәкхинь бидн медшговидн.
27Болв хан урдк кевәрн һацхиг Деед Эзн кев: эн тедниг тәвшгоһар седв.
28– Йов бийәсм цааран! – гиҗ хан Мошед келв. – Тегәд хәлә, дәкҗ нанур бичә ир. Ирхләрн – үкхич.
29– Тана келсәр болтха, би Таниг дәкҗ үзшгов, – гиҗ Моше хәрү өгв.
Currently Selected:
Нүүдл 10: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Нүүдл 10
10
Нәәмдгч зовлң: царцаха
1Деед Эзн Мошед закчана:
– Хан тал йов. Хан болн энүнә мухлас урдк кевәрн догшн болдгар кенәв. Би эдн дунд Эврә өвәрц йовдлмудан үзүлхәр кеҗәх юмн болҗана. 2Яһҗ Би Египетин улст догшн йовдл үзүлснә болн Би Эврә өвәрц йовдлмудан һарһсна тускар тадн көвүдтән болн ачнртан келҗ өгхит. Болв энтн кен Деед Эзн болҗахинь тадн медтхә гиһәд кегдҗәнә!
3Моше болн Ахарон хан тал ирәд энүнд келҗәнә:
– Деед Эзн, евреймүдин Бурхн, чи ямр уданд Нанла хәрүцәд бәәхмбч гиҗәнә. Нанд мөргхин төлә Мини улсиг тәв! 4Кемрҗән эс тәвхләчн, Би маңһдур чини орн-нутгт царцаха орулнав! 5Тедн эн һазр үзгддгоһар цугинь бүркх, мөндрин хөөн үлдсн цуг өвсиг идх, кеер цуг моддыг идх! 6Чини гериг, чини мухласин гермүдиг болн Египетин гермүдиг цугтаһинь царцаха дүүргх. Эн һазр деер тадн бәәх цагас авн тана эцкнр, тана аавнр иим юмиг үзәд уга!
Моше эргәд хаана бәәрнәс һарв. 7Тиигхлә мухлас хаанд келҗәнә:
– Эн күүнәс көлтә бидн ямр уданд зовх зөвтәвидн? Эдниг тәвчктн, эврә Деед Эзн Бурхндан мөргтхә. Египет тарҗахинь Та үзҗәхшийт?
8Мошед болн Ахаронд хәрү ирхинь закв. Хан эднд келҗәнә:
– Йовад, эврәннь Деед Эзн Бурхндан мөргтн. Таднас кень йовхмб?
9Тиигхлә Моше келҗәнә:
– Бидн цугтан йовхвидн, баһчуд болн көгшд, көвүдтәһән болн күүкдтәһән, бод болн үүрмг малтаһан – энтн манад Деед Эзнә байр болх!
10Зуг хан инәв:
– Сән, тадниг кемр би күүкдтәһитн сулдххла, Деед Эзн тегәд Эврән харстха! Болһатн, тадн му юм һарһхар седҗәнәт! 11Тиигҗ болшго! Тана дуудсар һанцхн залус йовад Деед Эзнд мөргтхә!
Тегәд Моше Ахарон хойриг көөчкв.
12Деед Эзн Мошед закчана:
– Египетин һазр деегүр һаран өрг – царцаха нисч ирәд мөндрин хөөн үлдсн цуг урһмлыг идчкг.
13Моше Египетин һазр деегүр тайган дайлв. Деед Эзн Египетүр дорд үзгин сальк йовулв. Салькн өдрин болн сөөни дуусн үләһәд, маңһдуртнь дорд үзгәс царцаха авч ирв. 14Царцаха Египетин һазрур ирәд, цуг орн-нутгиг дүүргв. Урднь кезә чигн уга бәәсн, даруһас чигн уга болх царцахан тонь икдәд одв. 15Цуг һазриг эн бүркв, һазр харлҗ одв! Мөндрин хөөн үлдсн цуг өвсиг болн моддын темсиг царцаха идчкв. Египетин цуг һазрт көк өвсн чигн, моддын хамтхасд чигн үлдсн уга.
16Хан Мошег болн Ахарониг адһҗ дуудад, эднд келҗәнә:
– Тадна Бурхн Деед Эзнә өмн болн тадна өмн би килнц һарһсн болҗанав. 17Зуг ода килнцим тәвтн: нанас эн зовлңгиг уга кехин төлә эврәннь Деед Эзн Бурхнд мөргтн.
18Моше хаана бәәрнәс һарад, Деед Эзнд мөргв. 19Деед Эзн барун үзгәс ик сальк көдлгүләд, царцахаг көөһәд, энүг Улан теңгст#10:19 Улан теңгс – еврей келнд «Суф теңгс» гиҗ нерәдгднә, эс гиҗ «Хулста теңгс». хайв. Египетин һазрт нег чигн царцаха үлдсн уга. 20Болв Деед Эзн цаарандан хан һацад бәәхиг цугинь кев: эн Израилин улсиг тәвсн уга.
Йисдгч зовлң: таш харңһу
21Деед Эзн Мошед закчана:
– Һаран теңгрүр өрг – Египетин һазрт таш харңһу болх, әмтн харңһуд юм үзлго темтрәд йовтха!
22Моше һаран теңгрт сарвахла, Египетин һазрт һурвн өдртән таш харңһу болв. 23Әмтн нег-негән үзсн уга, һурвн өдртән ормасн көндрҗ чадсн уга. Зуг Израилин улсин бәәсн бәәрнд герлтә болв.
24Хан Мошег дуудад келҗәнә:
– Йовтн, Деед Эзндән мөргтн. Болв тадна бод болн үүрмг мал үлдтхә. Бичкдүдтн таднла йовтха.
25Моше хәрү өгнә:
– Бидн эврәннь Деед Эзндән шаталһ кех болн тәкл тәкх юмсиг цугинь мадна һарт бәрүләд өг. 26Цуг мана мал, негн чигн туру үлддгоһар, маднла йовх зөвтә. Тенд, бәәрндән, мана Деед Эзнд юуһар тәкл тәкхиг шүүҗ авхвидн! Юңгад гихлә тиигән эс иртл, Деед Эзнд ямр малар тәкл тәкхинь бидн медшговидн.
27Болв хан урдк кевәрн һацхиг Деед Эзн кев: эн тедниг тәвшгоһар седв.
28– Йов бийәсм цааран! – гиҗ хан Мошед келв. – Тегәд хәлә, дәкҗ нанур бичә ир. Ирхләрн – үкхич.
29– Тана келсәр болтха, би Таниг дәкҗ үзшгов, – гиҗ Моше хәрү өгв.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023