Нүүдл 11
11
Арвдгч зовлңгин тускар урдаснь медүллһн
1Деед Эзн Мошед келҗәнә:
– Би хаанд болн Египетд дәкн нег зовлң учранав. Минь тиигхлә хан тадниг сулдхх, сулдхх бәәтхә, нам көөһәд һарһх. 2Чи болхла Израилин улст болн күүкдт хам-хоша бәәдг улсас цаһан мөңг болн алт суртха гиҗ заквр өг. 3Египет Израилин улсин туст цаһан санаһан медүлхинь Деед Эзн цугинь кев. Тиигчкәд цуг Египетин улс – хаана мухлас болну, эгл улс болну – Мошег алдр күүнд тоолдг билә.
4Моше хаанд келҗәнә:
– Сөөни өрәллә Би Египетәр йовнав, 5эн орн-нутгт бәәх ууһн үрд – ширә деер суудг хаана үрн, термин чолуһар һуйр теермдҗәх мухла күүкд күүнә ууһн үрн болн малын ууһн, цугтан үкхмн гиҗ Деед Эзн келҗәнә. 6Цуг Египетәр урднь соңсгдад уга, хөөннь чигн соңсгдшго күчтә түңшлһн болхмн. 7Болв Израилин улсур болн эднә малур чигн нам ноха хуцҗ чадшго! Тадн тегәд Деед Эзн Египет Израиль хойрин хоорнд ямаран йилһвр кеҗәхинь үзхит.
8– Тана мухлас, – Моше хаанд келҗәнә, – нанур ирәд, һазр элкдәд унад, намаг эврә улсла хамдан таднас йовҗ одхинь эрәд сурхмн. Тиигхлә би таднас йовхв.
Моше уурта бәәдлтәһәр хаана бәәрнәс һарв.
9Деед Эзн Мошед келҗәнә:
– Хан тадниг соңсҗахш. Эннь Египетд энүнәс икәр Мини өвәрц йовдлмуд учрхин төлә кегдх зөвтә.
10Моше болн Ахарон хаанд олн өвәрц йовдл үзүлв! Болв Деед Эзн иигҗ кев: хан һацад, Египетәс Израилин улсиг тәвлго бәәв.
Currently Selected:
Нүүдл 11: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
