Нүүдл 12
12
Песах
1Тенд, Египетд, Деед Эзн Мошед болн Ахаронд келв:
2– Эн сар тадна төлә сармудын түрүңкнь – җилин түрүн сар#12:2 Эннь мартын дундас апрелин дунд күртл еврей келәр авив эс гиҗ нисан гидг нертә. болх зөвтә. 3Эн сарин арвдгч өдрт өрк-бүл болһн сүрг малас неҗәһәд хурһ авх зөвтә гиҗ Израилин хамцанд келтн. 4Кемр бүл бичкн болад, бүкл хурһиг идҗ чадшго болхла, тиигхлә әмтнә тооһар, кен кедү мах идхинь тоолад, өөрхн хам-хоша бәәх өрк-бүлтә хамдан нег хурһиг авч болҗана. 5Хурһн һаң уга, эр, нег наста болх. Хурһиг хөөдәс эс гиҗ ямадас авч болҗана. 6Эн сарин арвн дөрвдгч өдр күртл бәрәд, бүрүллә хурһан алтн: Израилин хамцанд орҗах улс цугтан иигҗ кех зөвтә. 7Энүнә цус авад, мах идх гермүдт терүнә хойр тотхинь болн тотхин деерк көндлң модыг эн цусар лаштха. 8Махиг тер сөөднь идх кергтә. Энүг һалд шарад экн уга өдмгтә болн һашун өвстә идх кергтә. 9Эн махиг түүкәһәр эс гиҗ чанҗ бичә идтн: хурһн толһатаһан, көлтәһән, гесн-гүзәтәһән шаргдх йоста. 10Маңһдурк өдр күртл бичә умш үлдәтн: өрүн күртл эс идсән шатачктн. 11Бүс бүсләд, буршмган өмсәд, һартан тайгудан бәрәд махиг идтн. Адһад терүг идтн: энтн Деед Эзнә Песах#12:11 Песах – еврей келнәс орчулхла «Бурхн хаҗуһар һарв (евреймүдин гермүдин)». Иим йовдл еврей улсин хамгин чинртә нәәрин негнь болв. Бәрцд орулсн хөөнә хурһиг бас «Песах» гиҗ келдмн. мөн.
12Эн сөөһәр Би Египетәр йовад, эн орн-нутгт әмтнә болн малын цуг ууһн үрдиг алхув. Эннь Египетин цуг бурхд деер Мини зарһ болхмн. Би – Деед Эзн! 13Зуг тана гермүд цусар темдглгдх, Би цус үзчкәд давҗ һархув. Би Египетиг алнав, зуг тадниг үклин цоклһн давҗ һарх. 14Эн өдр тадна төлә санлын өдр болх зөвтә: энүг Деед Эзнә байр гиҗ темдглтн. Үйәс-үйд энүг нәәрлтн – эннь мөңкинд күцәгдх зокал болҗана.
15Долан хонгтан тадн экн уга өдмг идх зөвтәт. Түрүн өдртән эврәннь гермүдәс өдмг искәдг экиг уга кетн. Эн долан хонгт искәдг экәр болһсн өдмгиг идсн кен-негнь Израилин олн-әмтнәс уга кегдхмн.
16Эн өдрмүдин түрүңк болн доладгч өдртнь әрүн хург болх йоста. Минь тер өдр хот кехәс талдан нань ямр чигн көдлмш күцәҗ болшго – зуг иим көдлмшиг эн өдрмүдт күцәҗ болхмн.
17Эс искәсн һуйрин нәр темдглтн: эн өдр Би Египетәс тана цергиг һарһв. Үйәс-үйд эн өдриг темдглтн – эннь мөңкинд тана зокал. 18Түрүн сард, арвн дөрвдгч өдрин асхнас авн хөрн негдгч өдрин асхн күртл тадн зуг экн уга өдмг идх зөвтәт. 19Долан өдртән тана гермүдт өдмгин экн уга болх зөвтә. Эн өдрмүдт искәдг экәр болһсн өдмгиг идсн кен-негнь – нүүҗ ирсн эс гиҗ тана орн-нутгин бәәрн күн болну – тернь Израилин олн-әмтнә хамцанас уга кегдхмн. 20Альднь чигн бәәсн бийнь, эн өдрмүдт искәдг экәр болһсн өдмгиг бичә идтн, экн уга өдмг идтн.
21Моше Израилин көгшдиг цуглулад, эднд келв:
– Өрк-бүл болһн бийдән хурһ шүүҗ авад алад, Песах белдтхә. 22Дарунь хуссоп гидг урһмлын багла авад, цус кесн хәәснд норһад, эн цусар тотхиг болн үүднә хойр мөриг лашхмн. Тиигчкәд гертәс өрүн күртл күн бичә һартха! 23Деед Эзн Египетин улсиг алхар йовхларн, тотх деер болн үүднә мөрнд цус үзәд, эн үүднә өөгүр давҗ һарад, тана герт үкл орҗ тадниг алх арһ өгшго. 24Эн заавриг тадн болн тадна хөөт үйнр мөңкинд күцәтн. 25Деед Эзнә келсәр таднд өгх һазрт ирхләрн эн авъясиг тенд күцәтн. 26«Тадн ямр авъяс күцәҗәнәт?» – гиҗ тана күүкд сурхла, – 27«Энтн Деед Эзнд Песахин тәкл тәклһн болҗана. Деед Эзн Египетин улсиг алсн цагт Эн Израилин улсин гермүдиг давҗ һарад, мана өрк-бүлмүдиг аврв», – гиҗ теднд хәрү өгтн.
Цуг улс өкәһәд, Бурхна өмн һазр элкдәд унв. 28Дарунь Израилин улс йовад, Деед Эзн Мошед болн Ахаронд заквр өгснлә әдл кев.
Арвдгч зовлң: ууһн үрдин үкл
29Сөөни өрәллә Деед Эзн Египетд цуг ууһн үрдиг алв: ширә деер суусн хаана ууһн үрн, харңһу нүкнд суусн күүнә ууһн үрн болн малын түрүн төлнь үкв. 30Тер сөөһәр хан босад, энүнә мухлас болн цуг Египетин улс босад – цуг Египетәр ик түңшлһн соңсгдв: гер болһнд эс өңгрсн күн уга болв.
Израилин улс Египетәс һарч йовцхана
31Тер сөөһәр хан Мошег болн Ахарониг дуудад, эднд келҗәнә:
– Тадн болн Израилин цуг улс, бостн мини келн-улсас холд йовтн! Тадна сурсар Деед Эзнд мөргтн. 32Тадна сурсар үүрмг болн бод малыг бийләһән автн. Йовтн, намаг йөрәтн!
33Израилин улс эднә орн-нутгас шулуһар һархинь египетнр адһулв. «Эс гихлә, – тедн келв, – бидн цугтан үкхвидн!» 34Тегәд Израилин улст исәд уга һуйриг тавгтаһинь авч йовх кергтә болв, күн болһн терүг деерк хувцндан ораһад, ээм деерән авад йовв.
35Израилин улс Мошен заавриг күцәв – цаһан мөңгиг болн алтыг, хувц-хунриг Египетин әмтнәс сурв. 36Тедн Израилин улст цаһан седклән медүләд, теднд сурсинь цугинь өгхинь Деед Эзн күцәв. Тиигәд Израилин улс Египетәс ик зөөртә һарв! 37Күүкд улсиг болн күүкдиг тооллго 600 000 шаху йовһн залу – Израилин улс Раамсесас Сукотур йовв. 38Эднлә хамдан һазадын орна улс йовв, хөөдин, ямадын болн үкрмүдин сүргүд йовв. 39Египетәс авч йовсн эс искәсн һуйрар Израилин улс экн уга һуйр болһв. Һуйр нам цагтан иссн уга: эдниг Египетәс көөв, эдн удан бәәҗ чадсн уга, тегәд хаалһд хот белдҗ чадсн уга.
40Израилин улс Египетд 430 җилдән бәәв. 41Дөрвн зун һучн җил төгссн өдрт Деед Эзнә церг Египетәс һарв. 42Тер сө Деед Эзнә саг-сергг бәәлһнә сө болв: Эн Египетәс Израилин улсиг көтлҗ һарв. Эннь Бурхна сө мөн! Үйәс үйд эннь Израилин улсин саг-сергг бәәлһнә сө болв.
Песахин хотын туск заквр
43Деед Эзн Мошед болн Ахаронд келҗәнә:
– Энтн Песахин туск зокал мөн. Талын һазра күн Песахин хот идх зөв уга. 44Чини хулдҗ авсн мухла, зуг чи энүг керчүлснә хөөн Песахин хотыг идҗ чадх. 45Танад цаг зуур бәәх болн нәәмәдлҗ авсн күн Песахин хот идшго болҗана. 46Хурһиг гер дотран идх кергтә – гертәс энүнә махинь бичә һарһ. Энүнә ясинь бичә хамхлтн. 47Израилин цуг хамцан Песахиг күцәх йоста. 48Кемр танад бәәх нүүҗ ирсн күн Бурхна Песахиг күцәхәр седхлә, тиигхлә энүнә өрк-бүлд цуг залус керчүлгдх зөвтә, зуг энүнә хөөн ирәд Песахиг күцәтхә: эн тана орн-нутгин күүнлә әдл болх зөвтә. Зуг эс керчүлгдсн нег чигн күн Песахин хотыг идх зөв уга. 49Тана орн-нутгин бәәрн улсин болн танад бәәдг нүүҗ ирсн улсин төлә – нег закан мөн.
50Деед Эзн Мошед болн Ахаронд заквр өгсәр минь тиигҗ Израилин улс күцәв. 51Минь тер өдр Деед Эзн Египетәс Израилин улсиг церг болһарнь һарһв.
Currently Selected:
Нүүдл 12: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Нүүдл 12
12
Песах
1Тенд, Египетд, Деед Эзн Мошед болн Ахаронд келв:
2– Эн сар тадна төлә сармудын түрүңкнь – җилин түрүн сар#12:2 Эннь мартын дундас апрелин дунд күртл еврей келәр авив эс гиҗ нисан гидг нертә. болх зөвтә. 3Эн сарин арвдгч өдрт өрк-бүл болһн сүрг малас неҗәһәд хурһ авх зөвтә гиҗ Израилин хамцанд келтн. 4Кемр бүл бичкн болад, бүкл хурһиг идҗ чадшго болхла, тиигхлә әмтнә тооһар, кен кедү мах идхинь тоолад, өөрхн хам-хоша бәәх өрк-бүлтә хамдан нег хурһиг авч болҗана. 5Хурһн һаң уга, эр, нег наста болх. Хурһиг хөөдәс эс гиҗ ямадас авч болҗана. 6Эн сарин арвн дөрвдгч өдр күртл бәрәд, бүрүллә хурһан алтн: Израилин хамцанд орҗах улс цугтан иигҗ кех зөвтә. 7Энүнә цус авад, мах идх гермүдт терүнә хойр тотхинь болн тотхин деерк көндлң модыг эн цусар лаштха. 8Махиг тер сөөднь идх кергтә. Энүг һалд шарад экн уга өдмгтә болн һашун өвстә идх кергтә. 9Эн махиг түүкәһәр эс гиҗ чанҗ бичә идтн: хурһн толһатаһан, көлтәһән, гесн-гүзәтәһән шаргдх йоста. 10Маңһдурк өдр күртл бичә умш үлдәтн: өрүн күртл эс идсән шатачктн. 11Бүс бүсләд, буршмган өмсәд, һартан тайгудан бәрәд махиг идтн. Адһад терүг идтн: энтн Деед Эзнә Песах#12:11 Песах – еврей келнәс орчулхла «Бурхн хаҗуһар һарв (евреймүдин гермүдин)». Иим йовдл еврей улсин хамгин чинртә нәәрин негнь болв. Бәрцд орулсн хөөнә хурһиг бас «Песах» гиҗ келдмн. мөн.
12Эн сөөһәр Би Египетәр йовад, эн орн-нутгт әмтнә болн малын цуг ууһн үрдиг алхув. Эннь Египетин цуг бурхд деер Мини зарһ болхмн. Би – Деед Эзн! 13Зуг тана гермүд цусар темдглгдх, Би цус үзчкәд давҗ һархув. Би Египетиг алнав, зуг тадниг үклин цоклһн давҗ һарх. 14Эн өдр тадна төлә санлын өдр болх зөвтә: энүг Деед Эзнә байр гиҗ темдглтн. Үйәс-үйд энүг нәәрлтн – эннь мөңкинд күцәгдх зокал болҗана.
15Долан хонгтан тадн экн уга өдмг идх зөвтәт. Түрүн өдртән эврәннь гермүдәс өдмг искәдг экиг уга кетн. Эн долан хонгт искәдг экәр болһсн өдмгиг идсн кен-негнь Израилин олн-әмтнәс уга кегдхмн.
16Эн өдрмүдин түрүңк болн доладгч өдртнь әрүн хург болх йоста. Минь тер өдр хот кехәс талдан нань ямр чигн көдлмш күцәҗ болшго – зуг иим көдлмшиг эн өдрмүдт күцәҗ болхмн.
17Эс искәсн һуйрин нәр темдглтн: эн өдр Би Египетәс тана цергиг һарһв. Үйәс-үйд эн өдриг темдглтн – эннь мөңкинд тана зокал. 18Түрүн сард, арвн дөрвдгч өдрин асхнас авн хөрн негдгч өдрин асхн күртл тадн зуг экн уга өдмг идх зөвтәт. 19Долан өдртән тана гермүдт өдмгин экн уга болх зөвтә. Эн өдрмүдт искәдг экәр болһсн өдмгиг идсн кен-негнь – нүүҗ ирсн эс гиҗ тана орн-нутгин бәәрн күн болну – тернь Израилин олн-әмтнә хамцанас уга кегдхмн. 20Альднь чигн бәәсн бийнь, эн өдрмүдт искәдг экәр болһсн өдмгиг бичә идтн, экн уга өдмг идтн.
21Моше Израилин көгшдиг цуглулад, эднд келв:
– Өрк-бүл болһн бийдән хурһ шүүҗ авад алад, Песах белдтхә. 22Дарунь хуссоп гидг урһмлын багла авад, цус кесн хәәснд норһад, эн цусар тотхиг болн үүднә хойр мөриг лашхмн. Тиигчкәд гертәс өрүн күртл күн бичә һартха! 23Деед Эзн Египетин улсиг алхар йовхларн, тотх деер болн үүднә мөрнд цус үзәд, эн үүднә өөгүр давҗ һарад, тана герт үкл орҗ тадниг алх арһ өгшго. 24Эн заавриг тадн болн тадна хөөт үйнр мөңкинд күцәтн. 25Деед Эзнә келсәр таднд өгх һазрт ирхләрн эн авъясиг тенд күцәтн. 26«Тадн ямр авъяс күцәҗәнәт?» – гиҗ тана күүкд сурхла, – 27«Энтн Деед Эзнд Песахин тәкл тәклһн болҗана. Деед Эзн Египетин улсиг алсн цагт Эн Израилин улсин гермүдиг давҗ һарад, мана өрк-бүлмүдиг аврв», – гиҗ теднд хәрү өгтн.
Цуг улс өкәһәд, Бурхна өмн һазр элкдәд унв. 28Дарунь Израилин улс йовад, Деед Эзн Мошед болн Ахаронд заквр өгснлә әдл кев.
Арвдгч зовлң: ууһн үрдин үкл
29Сөөни өрәллә Деед Эзн Египетд цуг ууһн үрдиг алв: ширә деер суусн хаана ууһн үрн, харңһу нүкнд суусн күүнә ууһн үрн болн малын түрүн төлнь үкв. 30Тер сөөһәр хан босад, энүнә мухлас болн цуг Египетин улс босад – цуг Египетәр ик түңшлһн соңсгдв: гер болһнд эс өңгрсн күн уга болв.
Израилин улс Египетәс һарч йовцхана
31Тер сөөһәр хан Мошег болн Ахарониг дуудад, эднд келҗәнә:
– Тадн болн Израилин цуг улс, бостн мини келн-улсас холд йовтн! Тадна сурсар Деед Эзнд мөргтн. 32Тадна сурсар үүрмг болн бод малыг бийләһән автн. Йовтн, намаг йөрәтн!
33Израилин улс эднә орн-нутгас шулуһар һархинь египетнр адһулв. «Эс гихлә, – тедн келв, – бидн цугтан үкхвидн!» 34Тегәд Израилин улст исәд уга һуйриг тавгтаһинь авч йовх кергтә болв, күн болһн терүг деерк хувцндан ораһад, ээм деерән авад йовв.
35Израилин улс Мошен заавриг күцәв – цаһан мөңгиг болн алтыг, хувц-хунриг Египетин әмтнәс сурв. 36Тедн Израилин улст цаһан седклән медүләд, теднд сурсинь цугинь өгхинь Деед Эзн күцәв. Тиигәд Израилин улс Египетәс ик зөөртә һарв! 37Күүкд улсиг болн күүкдиг тооллго 600 000 шаху йовһн залу – Израилин улс Раамсесас Сукотур йовв. 38Эднлә хамдан һазадын орна улс йовв, хөөдин, ямадын болн үкрмүдин сүргүд йовв. 39Египетәс авч йовсн эс искәсн һуйрар Израилин улс экн уга һуйр болһв. Һуйр нам цагтан иссн уга: эдниг Египетәс көөв, эдн удан бәәҗ чадсн уга, тегәд хаалһд хот белдҗ чадсн уга.
40Израилин улс Египетд 430 җилдән бәәв. 41Дөрвн зун һучн җил төгссн өдрт Деед Эзнә церг Египетәс һарв. 42Тер сө Деед Эзнә саг-сергг бәәлһнә сө болв: Эн Египетәс Израилин улсиг көтлҗ һарв. Эннь Бурхна сө мөн! Үйәс үйд эннь Израилин улсин саг-сергг бәәлһнә сө болв.
Песахин хотын туск заквр
43Деед Эзн Мошед болн Ахаронд келҗәнә:
– Энтн Песахин туск зокал мөн. Талын һазра күн Песахин хот идх зөв уга. 44Чини хулдҗ авсн мухла, зуг чи энүг керчүлснә хөөн Песахин хотыг идҗ чадх. 45Танад цаг зуур бәәх болн нәәмәдлҗ авсн күн Песахин хот идшго болҗана. 46Хурһиг гер дотран идх кергтә – гертәс энүнә махинь бичә һарһ. Энүнә ясинь бичә хамхлтн. 47Израилин цуг хамцан Песахиг күцәх йоста. 48Кемр танад бәәх нүүҗ ирсн күн Бурхна Песахиг күцәхәр седхлә, тиигхлә энүнә өрк-бүлд цуг залус керчүлгдх зөвтә, зуг энүнә хөөн ирәд Песахиг күцәтхә: эн тана орн-нутгин күүнлә әдл болх зөвтә. Зуг эс керчүлгдсн нег чигн күн Песахин хотыг идх зөв уга. 49Тана орн-нутгин бәәрн улсин болн танад бәәдг нүүҗ ирсн улсин төлә – нег закан мөн.
50Деед Эзн Мошед болн Ахаронд заквр өгсәр минь тиигҗ Израилин улс күцәв. 51Минь тер өдр Деед Эзн Египетәс Израилин улсиг церг болһарнь һарһв.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023