Эклц 10
10
Ноахин көвүдин хөөт үйнр
1Шем, Хам болн Япет гидг Ноахин көвүдин уңг-тохм эн. Усна аюлын хөөн теднәс көвүд төрв.
2Япетин көвүд: Гомер, Магог, Мадай, Яван, Тувал, Мешех болн Тирас. 3Гомерин көвүд: Ашкеназ, Рипат болн Тогарма. 4Явана көвүд: Элиша, Таршиш, Киттим болн Роданим. 5Теңгсин көвәһәр бәәдг әмтн теднәс эврә һазрар түгвә. Тедн эврә әмтн дунд эврә келтә, эврә отгта болцхав.
6Хамин көвүд: Куш, Мицраим#10:6 Эс гихлә Египет; 13 шүлгт бас тиим., Пут болн Канан. 7Кушин көвүд: Сева, Хавила, Савта, Раама болн Савтеха. Раамаин көвүд: Шебә болн Дедан.
8Һазр деер түрүңк күчтә дәәч болсн Нимродын эцкнь бас Куш бәәҗ. 9Деед Эзнә евәләр тер күчтә аңһуч бәәҗ. Тегәд иигҗ келгднә: «Деед Эзнә евәләр күчтә аңһуч болсн Нимродла әдл». 10Терүнә орн-нутгт түрүләд ик чинртә бәәсн балһсд: Вавилон, Эрех, Аккад болн Калне – цугтан Шинар гидг һазрт бәәҗ. 11Тер һазрас Нимрод Ашур тал һарна. Тенд Ниневе, Реховот-Ир, Калах балһсд болн 12Ниневе Калах хойрин хоорнд Ресен гидг алдр балһс тосхв.
13Мицраим лудмудын, анамудын, лехавмудын, наптухмудын, 14патрусмудын, каслухмудын (каслухмудас пилистмүд үүдвә), каптормудын эцк.
15Канан Сидона эцк. Сидон энүнә түрүн үрн. Дәкәд хетин, 16евүсмүдин, амореймүдин, гергашмудын, 17хивеймүдин, аркеймүдин, синмүдин, 18арвадмудын, цемармудын болн хаматмудын эднә эцк Канан бәәҗ. Хөөннь Канана отга улс тарна. 19Канана һазрин меҗә Сидонас Герар тал, Газа нертә һазр күртл, тендәс Содом, Гомора, Адма болн Цевоим тал, Лаша балһснд күрнә. 20Хамин көвүд отгарн болн келәрн эврә һазрта, улста болсарн тиим болҗана.
21Япетин ах Шемәс бас көвүд төрнә. Эверин цуг хөөт үйнрин өвк эцкнь Шем болҗана. 22Шемин көвүд: Элам, Ашур, Арпакшад, Луд, Арам. 23Арамин көвүд: Уц, Хул, Гетер болн Маш. 24Арпакшадас Шелах төрнә. Шелахас Эвер төрнә. 25Эверәс хойр көвүн төрнә: негнднь Пелег#10:25 Пелег – эн нерн әәһәрн «салһх» гидг еврей келнә үгин бәәдлтә. гидг нер өгнә, яһад гихлә терүнә өдрмүдт һазр хувагдла. Терүнә дүүд Йоктан гидг нер өгнә. 26Йоктанас төрсн көвүднь: Алмодад, Шалеп, Хацармавет, Ярах, 27Хадорам, Узал, Дикла, 28Овал, Авимаэл, Шебә, 29Офир, Хавила болн Йовав. Эдн Йоктана көвүд. 30Теднә бүүрлсн һазр Мешаһас Сепар күртл дорд уулын нутгт бәәнә. 31Шемин көвүд отгарн болн келәрн эврә һазрта, эврә улста болсарн тиим болҗана.
32Ноахин көвүдин отг тохм улсарн тиим. Усна аюлын хөөн һазр деерәһүр теднәс цуг әмтн сална.
Currently Selected:
Эклц 10: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
