Эклц 29
29
Яков Паддан-Арамд ирнә
1Яков эврәннь зуульчллһан цаарандан кеһәд, дорд үзгә улс бәәдг һазрт ирнә. 2Кеер тер генткн худг үзнә, хаҗуднь һурвн сүрг хөн бәәнә. Юңгад гихлә, тер худгас хөд услдг билә. Худгин амн ик чолуһар дарата билә. 3Цуг сүргүд цуглрхла, хөөчнр тер чолуг авч хаяд, хөөдән услад, дарунь чолуг хәрү ормднь тәвдг бәәҗ.
4– Залус, тадн альдасвт? – гиҗ Яков хөөчнрәс сурна.
– Бидн Харранасвидн, – гиҗ тедн хәрү өгнә.
5– Тадн Нахорин ач Лаваниг меддвт? – гиҗ тер сурна.
– Э, меднәвидн, – гиҗ тедн хәрү өгнә.
6– Сән бәәнү? – гиҗ Яков сурна.
– Сән. Терүнә күүкн Рахел хөөдән дахҗ эн аашна, – гиҗ тедн келнә.
7– Нарн суухас эрт. Хөд цуглулх цаг болад уга. Хөөдән услад, хәрү идгтнь һарһтн, – гиҗ Яков келнә.
8– Цуг сүргүд цуглртл бидн тиигҗ чадшговидн. Тедниг ирхлә, чолуг худгин амнас авч хаяд бидн хөөдән услхвидн, – гиҗ тедн хәрү өгнә.
9Рахел эцкиннь хөд тууһад иртл, Яков хөөчнрлә күүндҗәв. Рахел хөд хәрүлдг билә. 10Яков эврәннь авһ Лавана Рахел гидг күүкиг, Лавана хөд үзхләрн худгин амн деерк чолуг авч хаяд, Лавана хөд услна. 11Дәкәд Яков Рахелиг үмсәд, байрлад уульна.
12– Эцкинчн төрл, Ребекан көвүньв, – гиҗ тер Рахелд келнә.
Рахел гүүһәд энүнә тускар эцкдән келнә. 13Лаван эврәннь зе Яковин туск зәңг соңсад, адһад тосна, терүг теврәд, үмсәд, герүрн авч ирнә. Яков терүнд цугинь келҗ өгнә.
14– Чи йосндан мини нег цусн-махн төрл болҗанач, – гиҗ Лаван терүнд келнә.
Яков Лавана күүкдиг буулһҗ авсна тускар
Яков Лаванад сардан бәәхләнь, 15Лаван терүнд иигҗ келнә:
– Чи мини төрл болв чигн, яһад өңгәр көдлхмч? Ю чамд өгхмб, нанд кел?
16Лаван хойр күүктә билә: ик күүкнә нернь Лия, бичкнәннь нернь – Рахел. 17Лиян нүднь сәәхн биш билә, Рахел болхла сәәхн цогцта, көркхн бәәдлтә. 18Яков Рахелд дурлна.
– Би танд 7 җилдән Рахелин төлә көдлнәв, – гиҗ Яков Лаванд келнә.
19– Күүкән талдан күүнд өгсн дорхнь, чамд өгсн деер. Мини герт үлд, – гиҗ Лаван келв.
20Рахелиг авхар Яков 7 җилдән заргдв, болв тернь цөөкн өдр болҗ терүнд медгдв. Яһад гихлә Яков Рахелд дурта билә.
21– Нанд гергим өгтн, би терүнлә өрк-бүл болад бәәнәв. Мини болзг күцв, – гиҗ дәкәд Яков Лаванд келнә.
22Лаван эргндән бәәх улсиг дуудад, хүрм кенә. 23Болв асхн болхла, Лияг Яков тал тер орулна. Яков терүнлә кевтнә. (24Лаван эврәннь зарц Зилпаг Лия күүкндән зарц болтха гиҗ өглә.) 25Өрүнднь хәләхлә, Яковин хаҗуд кевтснь Лия бәәҗ!
– Та юн гидг юм һарһвт нанла? Би Рахелин төлә танд заргдлусв! Яһад та намаг меклвт? – гиҗ Яков Лаванд келнә.
26– Бичкн күүкиг ик күүкнәс түрүлҗ мордулдг авъяс манад уга. 27Лияг хәрд һарсн 7 хонгинь күцә. Бидн чамд бичкн күүкән бас өгнәвидн, зуг чи терүнә төлә дәкәд 7 җилдән көдлхич, – гиҗ Лаван хәрү өгнә.
28Яков Лавана келсиг күцәнә. Лияла тер 7 хонгтан бәәнә, дәкәд Лаван терүнд эврәннь бичкн күүкн Рахелиг гергнь болтха гиһәд өгнә. (29Лаван эврәннь зарц Билхаг Рахелин зарц болтха гиҗ өгнә.) 30Яков Рахеллә бәәнә, Рахелд тер Лияһас икәр дурта билә. Яков Лаванд бас чигн 7 җилдән заргдв.
Яковин үрд
31Деед Эзн Яковиг Лияд дургоһинь үзәд, терүнд үр һарһх арһ өгнә. Рахел болхла, үр һарһдго билә. 32Лия саата болад, көвү һарһна. Көвүндән тер Рубен#29:32 Рубен – эн нерн әәһәрн «тер мини муульта бәәдл үзв» гисн еврей үгин бәәдлтә. Рубен гидг нерн «хәлә – көвүн» гидг чинртә. гидг нер өгнә. Яһад гихлә иигҗ келнә: «Учрнь юундв гихлә, Деед Эзн мини дуту хөвтә бәәдлиг үзв. Ода мини залу нанд дурта болх». 33Лия дәкн саата болна. Көвү һарһхларн, тер иигҗ келнә: «Деед Эзн нанд дургог соңсад, бас энүг нанд өгв». Лия терүндән Шимон#29:33 Шимон – эн нерн әәһәрн «соңсх» гидг еврей келнә үгин бәәдлтә. гидг нер өгнә. 34Лия дәкн саата болна. Көвү һарһхларн, тер иигҗ келнә: «Ода мини залу нанла иҗлдх. Яһад гихлә би терүнд һурвн көвү һарһҗ өгүв». Тегәд һурвдгч көвүнь Леви#29:34 Леви – эн нерн әәһәрн «боох» гидг еврей келнә үгин бәәдлтә. гидг нер зүүв. 35Дәкн Лия саата болна. Көвү һарһхларн, тер иигҗ келнә: «Эн саамдан би Деед Эзнд туурмҗ өргнәв». Тегәд көвүндән Йуда#29:35 Йуда – эн нерн әәһәрн «ханлтан өргх» гидг еврей келнә үгин бәәдлтә. гидг нер өгнә. Дәкҗ тер үр һарһдган уурв.
Currently Selected:
Эклц 29: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Эклц 29
29
Яков Паддан-Арамд ирнә
1Яков эврәннь зуульчллһан цаарандан кеһәд, дорд үзгә улс бәәдг һазрт ирнә. 2Кеер тер генткн худг үзнә, хаҗуднь һурвн сүрг хөн бәәнә. Юңгад гихлә, тер худгас хөд услдг билә. Худгин амн ик чолуһар дарата билә. 3Цуг сүргүд цуглрхла, хөөчнр тер чолуг авч хаяд, хөөдән услад, дарунь чолуг хәрү ормднь тәвдг бәәҗ.
4– Залус, тадн альдасвт? – гиҗ Яков хөөчнрәс сурна.
– Бидн Харранасвидн, – гиҗ тедн хәрү өгнә.
5– Тадн Нахорин ач Лаваниг меддвт? – гиҗ тер сурна.
– Э, меднәвидн, – гиҗ тедн хәрү өгнә.
6– Сән бәәнү? – гиҗ Яков сурна.
– Сән. Терүнә күүкн Рахел хөөдән дахҗ эн аашна, – гиҗ тедн келнә.
7– Нарн суухас эрт. Хөд цуглулх цаг болад уга. Хөөдән услад, хәрү идгтнь һарһтн, – гиҗ Яков келнә.
8– Цуг сүргүд цуглртл бидн тиигҗ чадшговидн. Тедниг ирхлә, чолуг худгин амнас авч хаяд бидн хөөдән услхвидн, – гиҗ тедн хәрү өгнә.
9Рахел эцкиннь хөд тууһад иртл, Яков хөөчнрлә күүндҗәв. Рахел хөд хәрүлдг билә. 10Яков эврәннь авһ Лавана Рахел гидг күүкиг, Лавана хөд үзхләрн худгин амн деерк чолуг авч хаяд, Лавана хөд услна. 11Дәкәд Яков Рахелиг үмсәд, байрлад уульна.
12– Эцкинчн төрл, Ребекан көвүньв, – гиҗ тер Рахелд келнә.
Рахел гүүһәд энүнә тускар эцкдән келнә. 13Лаван эврәннь зе Яковин туск зәңг соңсад, адһад тосна, терүг теврәд, үмсәд, герүрн авч ирнә. Яков терүнд цугинь келҗ өгнә.
14– Чи йосндан мини нег цусн-махн төрл болҗанач, – гиҗ Лаван терүнд келнә.
Яков Лавана күүкдиг буулһҗ авсна тускар
Яков Лаванад сардан бәәхләнь, 15Лаван терүнд иигҗ келнә:
– Чи мини төрл болв чигн, яһад өңгәр көдлхмч? Ю чамд өгхмб, нанд кел?
16Лаван хойр күүктә билә: ик күүкнә нернь Лия, бичкнәннь нернь – Рахел. 17Лиян нүднь сәәхн биш билә, Рахел болхла сәәхн цогцта, көркхн бәәдлтә. 18Яков Рахелд дурлна.
– Би танд 7 җилдән Рахелин төлә көдлнәв, – гиҗ Яков Лаванд келнә.
19– Күүкән талдан күүнд өгсн дорхнь, чамд өгсн деер. Мини герт үлд, – гиҗ Лаван келв.
20Рахелиг авхар Яков 7 җилдән заргдв, болв тернь цөөкн өдр болҗ терүнд медгдв. Яһад гихлә Яков Рахелд дурта билә.
21– Нанд гергим өгтн, би терүнлә өрк-бүл болад бәәнәв. Мини болзг күцв, – гиҗ дәкәд Яков Лаванд келнә.
22Лаван эргндән бәәх улсиг дуудад, хүрм кенә. 23Болв асхн болхла, Лияг Яков тал тер орулна. Яков терүнлә кевтнә. (24Лаван эврәннь зарц Зилпаг Лия күүкндән зарц болтха гиҗ өглә.) 25Өрүнднь хәләхлә, Яковин хаҗуд кевтснь Лия бәәҗ!
– Та юн гидг юм һарһвт нанла? Би Рахелин төлә танд заргдлусв! Яһад та намаг меклвт? – гиҗ Яков Лаванд келнә.
26– Бичкн күүкиг ик күүкнәс түрүлҗ мордулдг авъяс манад уга. 27Лияг хәрд һарсн 7 хонгинь күцә. Бидн чамд бичкн күүкән бас өгнәвидн, зуг чи терүнә төлә дәкәд 7 җилдән көдлхич, – гиҗ Лаван хәрү өгнә.
28Яков Лавана келсиг күцәнә. Лияла тер 7 хонгтан бәәнә, дәкәд Лаван терүнд эврәннь бичкн күүкн Рахелиг гергнь болтха гиһәд өгнә. (29Лаван эврәннь зарц Билхаг Рахелин зарц болтха гиҗ өгнә.) 30Яков Рахеллә бәәнә, Рахелд тер Лияһас икәр дурта билә. Яков Лаванд бас чигн 7 җилдән заргдв.
Яковин үрд
31Деед Эзн Яковиг Лияд дургоһинь үзәд, терүнд үр һарһх арһ өгнә. Рахел болхла, үр һарһдго билә. 32Лия саата болад, көвү һарһна. Көвүндән тер Рубен#29:32 Рубен – эн нерн әәһәрн «тер мини муульта бәәдл үзв» гисн еврей үгин бәәдлтә. Рубен гидг нерн «хәлә – көвүн» гидг чинртә. гидг нер өгнә. Яһад гихлә иигҗ келнә: «Учрнь юундв гихлә, Деед Эзн мини дуту хөвтә бәәдлиг үзв. Ода мини залу нанд дурта болх». 33Лия дәкн саата болна. Көвү һарһхларн, тер иигҗ келнә: «Деед Эзн нанд дургог соңсад, бас энүг нанд өгв». Лия терүндән Шимон#29:33 Шимон – эн нерн әәһәрн «соңсх» гидг еврей келнә үгин бәәдлтә. гидг нер өгнә. 34Лия дәкн саата болна. Көвү һарһхларн, тер иигҗ келнә: «Ода мини залу нанла иҗлдх. Яһад гихлә би терүнд һурвн көвү һарһҗ өгүв». Тегәд һурвдгч көвүнь Леви#29:34 Леви – эн нерн әәһәрн «боох» гидг еврей келнә үгин бәәдлтә. гидг нер зүүв. 35Дәкн Лия саата болна. Көвү һарһхларн, тер иигҗ келнә: «Эн саамдан би Деед Эзнд туурмҗ өргнәв». Тегәд көвүндән Йуда#29:35 Йуда – эн нерн әәһәрн «ханлтан өргх» гидг еврей келнә үгин бәәдлтә. гидг нер өгнә. Дәкҗ тер үр һарһдган уурв.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023