Эклц 36
36
Эсавин хөөт үйнр
1Эсавин (эс гихлә Эдомин) хөөт үйнр эн. 2Эсав Канана отга хойр гергтә билә: хет Элона күүкн Ада болн хивей Цибеона Анан Оголивама күүкн. 3Невайотын дү күүкн – Ишмаилин күүкн Басемат бас терүнә гергн. 4Адаһас Эсав Элипаз гидг үртә, Басематас – Реуэл, 5Оголивамас – Еуш, Ялам болн Корах үрдтә билә. Эдн Кананд төрсн Эсавин көвүд.
6Гергдән, көвүдән, күүкдән, бәәсн цуг әмтән, цуг малан, Кананд хоршасн эдл-уушан Эсав хураҗ авад, Яковас салад, талдан нутг орна. 7Тедн дегд ик эдл-уушта болад, хамдан бәәҗ чадад бәәцхәв. Теднә бәәрлҗ бәәсн һазрт малан бәрх арһ уга болад бәәв. 8Эсав (эс гихлә Эдом) Сеир гидг уулта һазрт бүүрлв.
9Эсавин – эдомудын өвкин хөөт үйнр эн. 10Эсавин көвүд: Адаһас һарсн Эсавин көвүн Элипаз, Басематас һарсн Эсавин көвүн Реуэл. 11Элипазин көвүд: Теман, Омар, Цепо, Гатам, Кеназ. 12Элипазин хөөт гергн Тимна терүнд Амалекиг һарһҗ өгв. Эннь Адаһас һарсн Эсавин хөөт үрд. 13Реуэлин көвүд: Нахат, Зерах, Шамма, Мизза. Эннь Басематас һарсн Эсавин хөөт үрд.
14Цибеона Анан Оголивама күүкнәс Еуш, Ялам, Корах эдн төрҗ. Оголивама Эсавин гергн билә.
15Эсавин хөөт үрдин тохм-уңг эн.
Эсавин түрүңк көвүн Элипазин хөөт үйнр: Темана тохм, Омарин тохм, Цепон тохм, Кеназин тохм, 16Корахин тохм, Гатамин тохм, Амалекин тохм. Эднь Адаһас һарсн Элипазин тохм-уңг Эдомин һазрт бәәцхәнә.
17Эсавин көвүн Реуэлин тохм-уңг: Нахатын тохм, Зерахин тохм, Шамман тохм, Миззан тохм. Эднь Басематас һарсн Эсавин хөөт үйнр – Реуэлин тохм-уңг. Тедн Эдомин һазрт бәәцхәнә.
18Оголивамас һарсн Эсавин хөөт үйнр: Еушин тохм, Яламин тохм, Корахин тохм. Эдн Анан күүкн Эсавин гергн Оголиваман тохм-уңг. 19Эсавин хөөт үйнр (эн Эдом нертә) болн теднә тохм-уңг тиим болҗана.
20Эн нутгт бәәсн хорей Сеирин көвүд: Лотан, Шовал, Цибеон, Ана, 21Дишон, Эцер болн Дишан. Эдн Эдомин нутгт бәәсн хореймүдин өвк Сеирин хөөт үйнрин тохм-уңг.
22Лотана көвүд: Хори болн Хемам. Лотана дү күүкнә нерн Тимна.
23Шовалын көвүд: Алван, Манахат, Эвал, Шепо болн Онам.
24Цибеона көвүд: Айя болн Ана (көдә һазрт эцкиннь элҗгнс хәрүлҗ йовад халун уста булг олҗ авсн Ана). 25Анан үрд: Анан көвүнь Дишон болн күүкнь Оголивама. 26Дишона көвүд: Хемдан, Эшбан, Итран болн Керан.
27Эцерин көвүд: Билхан, Зааван, Акан.
28Дишана көвүд: Уц болн Аран.
29Хореймүдин тохм-уңг иим: Лотана тохм, Шовалын тохм, Цибеона тохм, Анан тохм, 30Дишона тохм, Эцерин тохм, Дишана тохм. Эннь Сеир һазрт бәәсн хореймүдин тохмсин нерәдлһтә даран.
Эдомин хаадын нерд
31Израильд хан күн залхас урд Эдомд залҗасн хан залачнрин нерд эн:
32Түрүләд Эдомд Беорин көвүн Бела залҗала. Терүнә хотл балһсна нерн Динхава бәәҗ.
33Белаг өңгрснә хөөн Боцрад бәәдг Зерахин көвүн Йовав орминь эзлнә.
34Йовавиг өңгрснә хөөн Темана хөөт үйнрин нутгас Хушам орминь эзлнә.
35Хушамиг өңгрснә хөөн Бедадын көвүн Хадад орминь эзлнә. (Моавин нутгт мидьянмүдиг каалсн күн.) Терүнә хотл балһсн Авит билә.
36Хададыг өңгрснә хөөн Масрекад бәәдг Самла зална.
37Самлаг өңгрснә хөөн Епрат һолын хаҗуд бәәсн Реховот балһснас Шаул зална.
38Шаулыг өңгрснә хөөн Ахборин көвүн Баал-Ханан зална.
39Ахборин көвүн Баал-Ханан өңгрснә хөөн Хадар йос зална. Терүнә хотл балһсн Пау гидг нертә билә. Мезахаван зе күүкнә, Матредин күүкн Мехетавель терүнә гергн бәәҗ.
40Эсавин тохм-уңгин, теднә өрк-бүлмүдин, бәәрлсн һазрмудын нерд эн: Тимнан тохм, Алван тохм, Ететин тохм, 41Оголиваман тохм, Элан тохм, Пинонан тохм, 42Кеназин тохм, Темана тохм, Мивцарин тохм, 43Магдиэлин тохм, Ирамин тохм – эннь Эдомин тохмс. Теднә нерд бәәрн һазрмуд зүүнә. Эдомудын өвк эцкнь – Эсав.
Currently Selected:
Эклц 36: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
