San Juan 21
21
Jesús ique's̈ta̱jcʉs̈au siete ipʉctampajyat
1Mit cʉs̈ Jesús ique's̈ta̱jcʉs̈awatu ipʉctampajyat laguna-auni'c Tiberias. Mit yename iguique's̈ta̱jcʉ́s̈aj. 2Apʉcmuguic itsʉ̱nga Simón Pedro, Tomás inʉ'jywayey Gemelo, Natanael jeme tsʉ̱naway nʉ'jcopac Caná Galileajway na̱s̈, Zebedeo iwajyat, mit jamechc ipʉctampajyat. 3Simón Pedro inʉmgʉs̈au:
—Tʉnʉs̈p ma̱cpay.
Mit je'jat iguinʉmgajau:
—Tʉnʉs̈cámpey ʉjtsat mit mi̱.
Nʉs̈cau mit tʉgʉygau en tu'c aj. Mit ayé tsu' neti iga-actangawu. 4Mit tom icus̈ʉwiwa'n, coy Jesús laguna-auni'c. Po ipʉctampajyat igajawigawu te Jesús. 5Mit inʉmgʉs̈au:
—Mijchat tʉ-e'pcʉs̈pay as̈am tʉ̱wajyat, ¿inaguepcap tanti nacayámpay?
Mit iguipo'ngau:
—Tʉnga-aguepcap.
6Mit inʉmgʉs̈au:
—Ca'tsca intsamajcat i-oyimay laj ayé aj, mit impa̱tcáj.
Mit ica'tstʉgʉygau, cʉs̈ hasta ca-oyapate igui-acpíchinga ni'c mayo'c acs̈ i-íjtʉj. 7Cʉs̈ ayé pʉctampay jeme Jesús iwano'cpay inʉjmau Pedro:
—¡E'p, el Señor ayé!
Iguimarajw Simón Pedro ni'c el Señor ayé, icom ijamuc (ni'c chi'tigate iguimuyo'jy), mit nica'tstʉ́gʉjyʉu lagunani'c. 8Mit ayé pʉctampajyat jeme tangaway mingau ajni'c, mit iquebeptacmingau ayé tsamac ijtʉway acs̈, ni'c cayagatsu itsʉ̱ngaj laguna-auni'c, como cien metru. 9Ipíchingaj na̱s̈ni'c, i-is̈cau ni'c itnup jʉntʉ̱jts, mit tu'c acs̈ jʉntʉ̱tsyucuinm, mit itey ma̱s̈anʉ̱n. 10Jesús inʉmgʉs̈au:
—Muminga una̱c acs̈ jeme je'naj inactangaway.
11Cu't ajni'c Simón Pedro, mit i-acpichin ayé tsamac pa na̱s̈ni'c. Mit patsic itsʉ̱naj. Ijtʉu ciento cincuenta y tres puru majatway acs̈, po majawe'naj catetu ayé tsamac. 12Jesús inʉmgʉs̈au:
—Mi'n cayga.
Mit ayé pʉctampajyat como ijawigau ni'c je' el Señor, iga-ucyo'tcawu pʉn je'. 13Cʉs̈ Jesús icutomigʉs̈ mit ipʉc ayé ma̱s̈anʉ̱n mit imoygʉs̈, mit we'ney ayé acs̈.
14Ayʉ̱́j ayé imutu̱gupay viaje iguique's̈ta̱jcʉ́s̈aj Jesús ipʉctampajyat después ijutucta̱jc mam itsʉ̱nga á̱nimajat.
Cuida̱tcʉs̈ tʉnjayajwat
15Icʉ́s̈caj caypay, Jesús inʉjmau Simón Pedro:
—Simón, Jonás iway, ¿is̈wamp ʉ̱ más que incumpajlat?
Cʉs̈ iguipo'n:
—Jo̱, Señor, mi̱ injawip ni'c ʉ̱ tʉwamp.
Mit je' inʉjmau:
—Ajque's̈cʉs̈a tʉnjayajwat, ni'c je'jat as̈am borregujat jeme cunʉs̈igapay.
16Cʉs̈ inʉjmawatu:
—Simón, Jonás iway, ¿is̈wamp ʉ̱?
Pedro iguipo'n:
—Jo̱, Señor, mi̱ injawip ni'c ʉ̱ tʉwamp.
Mit inʉjmau:
—Cuida̱tcʉs̈ tʉnjayajwat as̈am nas̈cuida̱t borregujat.
17Mit cʉs̈ inʉjmau imutu̱gupay viaje:
—Simón, Jonás iway, ¿is̈wamp ʉ̱?
Cʉs̈ tu'no'c ijo̱jt Pedro ni'c iguinʉjmau tu̱gup viaje:
—¿Is̈wamp ʉ̱?
Mit iguipo'n:
—Señor, mi̱ injawip nu'pʉjʉn, mi̱ injawip ni'c tʉwamp.
Jesús inʉjmau:
—Ajque's̈cʉs̈a tʉnjayajwat, ni'c je'jat as̈am borregujat jeme cunʉs̈igapay. 18Iyacs̈ta'cway tʉnʉjmap: Cuandu más miyaunaj, incom injamuc mit minʉcs̈ mamu is̈wa'n. Po cuandu inya'wayiwa'n, jatu'c jayau is̈cutsumda'gáj mit is̈munʉs̈áj mam is̈cawa'n inyʉs̈wa'n.
19Inʉjmau we'n pa igui-actujawiwa'n nat i-o'cwa'n, mit we'n i-oyninʉmáj Dios. Iguinʉjm we'n, inʉjmawatu:
—Natspoguiyac.
Ayé pʉctampay iwano'cpay Jesús
20I-e'jpitujc Pedro, i-is̈ ni'c iguinatspoguigap ayé pʉctampay Jesús iwano'cpay. Ayé nije'yu jeme tsʉ̱naway tom mit Jesús cuandu i-u̱cmá̱gaj, mit jeme inʉjmaway: “Señor, ¿pʉn ayé is̈to'ctʉgʉyámpay?” 21Igui-is̈ Pedro ayé pʉctampay, inʉjmau Jesús:
—Señor, ¿ti iwatáj ayʉ̱́j jayau?
22Jesús iguinʉjmau:
—Te ʉ̱ tʉnwamp je' ma tan hasta tʉmi'nwa'n, mi̱ camwat cuenta. Natspoguiyac mi̱.
23Mit ayé inʉmway siguia̱t iguinʉmga nu'pʉjʉn hermanujat ni'c ayé pʉctampay ca-o'gáj. Po Jesús iganʉmu ni'c ca-o'gáj, po inʉm: “Te ʉ̱ tʉnwamp je' ma tan hasta tʉmi'nwa'n, mi̱ camwat cuenta.”
24Ʉ̱j ayé tʉpʉctampay tʉ-actujawigʉs̈pay ayʉ̱́j cosajat, mit ʉ̱ tʉnja'y ayʉ̱́j cosajat, mit tʉnjawip ni'c iyacs̈ta'cway lo que tʉnyʉmpay.
25Mit Jesús iwat japu̱t cosajat, mit ma ja'yga-ate nu'pʉjʉn, tʉs̈jawi ni'c catʉgʉybʉ'nájate en ayʉ̱́j mundu ayé librujat ija'ygámpay. Yam icʉs̈.
Currently Selected:
San Juan 21: PSNT
Highlight
Share
Copy
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
San Juan 21
21
Jesús ique's̈ta̱jcʉs̈au siete ipʉctampajyat
1Mit cʉs̈ Jesús ique's̈ta̱jcʉs̈awatu ipʉctampajyat laguna-auni'c Tiberias. Mit yename iguique's̈ta̱jcʉ́s̈aj. 2Apʉcmuguic itsʉ̱nga Simón Pedro, Tomás inʉ'jywayey Gemelo, Natanael jeme tsʉ̱naway nʉ'jcopac Caná Galileajway na̱s̈, Zebedeo iwajyat, mit jamechc ipʉctampajyat. 3Simón Pedro inʉmgʉs̈au:
—Tʉnʉs̈p ma̱cpay.
Mit je'jat iguinʉmgajau:
—Tʉnʉs̈cámpey ʉjtsat mit mi̱.
Nʉs̈cau mit tʉgʉygau en tu'c aj. Mit ayé tsu' neti iga-actangawu. 4Mit tom icus̈ʉwiwa'n, coy Jesús laguna-auni'c. Po ipʉctampajyat igajawigawu te Jesús. 5Mit inʉmgʉs̈au:
—Mijchat tʉ-e'pcʉs̈pay as̈am tʉ̱wajyat, ¿inaguepcap tanti nacayámpay?
Mit iguipo'ngau:
—Tʉnga-aguepcap.
6Mit inʉmgʉs̈au:
—Ca'tsca intsamajcat i-oyimay laj ayé aj, mit impa̱tcáj.
Mit ica'tstʉgʉygau, cʉs̈ hasta ca-oyapate igui-acpíchinga ni'c mayo'c acs̈ i-íjtʉj. 7Cʉs̈ ayé pʉctampay jeme Jesús iwano'cpay inʉjmau Pedro:
—¡E'p, el Señor ayé!
Iguimarajw Simón Pedro ni'c el Señor ayé, icom ijamuc (ni'c chi'tigate iguimuyo'jy), mit nica'tstʉ́gʉjyʉu lagunani'c. 8Mit ayé pʉctampajyat jeme tangaway mingau ajni'c, mit iquebeptacmingau ayé tsamac ijtʉway acs̈, ni'c cayagatsu itsʉ̱ngaj laguna-auni'c, como cien metru. 9Ipíchingaj na̱s̈ni'c, i-is̈cau ni'c itnup jʉntʉ̱jts, mit tu'c acs̈ jʉntʉ̱tsyucuinm, mit itey ma̱s̈anʉ̱n. 10Jesús inʉmgʉs̈au:
—Muminga una̱c acs̈ jeme je'naj inactangaway.
11Cu't ajni'c Simón Pedro, mit i-acpichin ayé tsamac pa na̱s̈ni'c. Mit patsic itsʉ̱naj. Ijtʉu ciento cincuenta y tres puru majatway acs̈, po majawe'naj catetu ayé tsamac. 12Jesús inʉmgʉs̈au:
—Mi'n cayga.
Mit ayé pʉctampajyat como ijawigau ni'c je' el Señor, iga-ucyo'tcawu pʉn je'. 13Cʉs̈ Jesús icutomigʉs̈ mit ipʉc ayé ma̱s̈anʉ̱n mit imoygʉs̈, mit we'ney ayé acs̈.
14Ayʉ̱́j ayé imutu̱gupay viaje iguique's̈ta̱jcʉ́s̈aj Jesús ipʉctampajyat después ijutucta̱jc mam itsʉ̱nga á̱nimajat.
Cuida̱tcʉs̈ tʉnjayajwat
15Icʉ́s̈caj caypay, Jesús inʉjmau Simón Pedro:
—Simón, Jonás iway, ¿is̈wamp ʉ̱ más que incumpajlat?
Cʉs̈ iguipo'n:
—Jo̱, Señor, mi̱ injawip ni'c ʉ̱ tʉwamp.
Mit je' inʉjmau:
—Ajque's̈cʉs̈a tʉnjayajwat, ni'c je'jat as̈am borregujat jeme cunʉs̈igapay.
16Cʉs̈ inʉjmawatu:
—Simón, Jonás iway, ¿is̈wamp ʉ̱?
Pedro iguipo'n:
—Jo̱, Señor, mi̱ injawip ni'c ʉ̱ tʉwamp.
Mit inʉjmau:
—Cuida̱tcʉs̈ tʉnjayajwat as̈am nas̈cuida̱t borregujat.
17Mit cʉs̈ inʉjmau imutu̱gupay viaje:
—Simón, Jonás iway, ¿is̈wamp ʉ̱?
Cʉs̈ tu'no'c ijo̱jt Pedro ni'c iguinʉjmau tu̱gup viaje:
—¿Is̈wamp ʉ̱?
Mit iguipo'n:
—Señor, mi̱ injawip nu'pʉjʉn, mi̱ injawip ni'c tʉwamp.
Jesús inʉjmau:
—Ajque's̈cʉs̈a tʉnjayajwat, ni'c je'jat as̈am borregujat jeme cunʉs̈igapay. 18Iyacs̈ta'cway tʉnʉjmap: Cuandu más miyaunaj, incom injamuc mit minʉcs̈ mamu is̈wa'n. Po cuandu inya'wayiwa'n, jatu'c jayau is̈cutsumda'gáj mit is̈munʉs̈áj mam is̈cawa'n inyʉs̈wa'n.
19Inʉjmau we'n pa igui-actujawiwa'n nat i-o'cwa'n, mit we'n i-oyninʉmáj Dios. Iguinʉjm we'n, inʉjmawatu:
—Natspoguiyac.
Ayé pʉctampay iwano'cpay Jesús
20I-e'jpitujc Pedro, i-is̈ ni'c iguinatspoguigap ayé pʉctampay Jesús iwano'cpay. Ayé nije'yu jeme tsʉ̱naway tom mit Jesús cuandu i-u̱cmá̱gaj, mit jeme inʉjmaway: “Señor, ¿pʉn ayé is̈to'ctʉgʉyámpay?” 21Igui-is̈ Pedro ayé pʉctampay, inʉjmau Jesús:
—Señor, ¿ti iwatáj ayʉ̱́j jayau?
22Jesús iguinʉjmau:
—Te ʉ̱ tʉnwamp je' ma tan hasta tʉmi'nwa'n, mi̱ camwat cuenta. Natspoguiyac mi̱.
23Mit ayé inʉmway siguia̱t iguinʉmga nu'pʉjʉn hermanujat ni'c ayé pʉctampay ca-o'gáj. Po Jesús iganʉmu ni'c ca-o'gáj, po inʉm: “Te ʉ̱ tʉnwamp je' ma tan hasta tʉmi'nwa'n, mi̱ camwat cuenta.”
24Ʉ̱j ayé tʉpʉctampay tʉ-actujawigʉs̈pay ayʉ̱́j cosajat, mit ʉ̱ tʉnja'y ayʉ̱́j cosajat, mit tʉnjawip ni'c iyacs̈ta'cway lo que tʉnyʉmpay.
25Mit Jesús iwat japu̱t cosajat, mit ma ja'yga-ate nu'pʉjʉn, tʉs̈jawi ni'c catʉgʉybʉ'nájate en ayʉ̱́j mundu ayé librujat ija'ygámpay. Yam icʉs̈.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].