San Marcos 3
3
Tu'c jayau o'guicway icʉ'
1Jesús tʉgʉywatu mam judíujat i-adora̱tca, mit tsʉ̱nau jem tu'c jayau jeme o'guicway icʉ'. 2Mit i-espia̱tcau Jesús te i-ac-oytanáj po'cs̈ans̈ʉuni'c, ni'c iwangau igui-acusa̱tcawa'n. 3Mit Jesús inʉjmau ayé jayau jeme o'guicway icʉ':
—Ca's̈ʉ'c mit tena es̈pu̱tum.
4Mit Jesús i-ucyo'tcʉs̈:
—¿Oy nas̈watwa'n oy po'cs̈ans̈ʉuni'c o nas̈watwa'n mal? ¿Oy nas̈salva̱twa'n vida o nas̈ago'cwa'n?
Po je'jat iganʉmgawu neti. 5Mit igui-is̈cʉs̈ nu'pʉjʉn, je' awa'niu mit tu'n ijo̱jt ni'c copacmʉgʉgo'jcat ayé jayajwat. Mit cʉs̈ Jesús inajau ayé jayau:
—Acyacs̈ incʉ'.
Mit i-acyacs̈, mit oytan jaran icʉ'. 6Mit ipíchingaj fariseujat, ni-acochigʉjʉu mit Herodes ijayau contra Jesús pa igui-ago'jcawa'n.
Jayaujucna' inatspoguip Jesús
7Po Jesús nʉcs̈ laguna-auni'c mit ipʉctampajyat, mit iguinatspoguigau may jayajwat Galileajway, mit Judeajway, 8Jerusalénway, Idumeajway mit tuganʉ-ájway Jordán, mit jeme tsʉ̱ngaway Tiro mit Sidón, mayo'c imíngaj mam Jesús ni'c imaraugau lo que iwatway. 9Mit Jesús inʉmgʉs̈au ipʉctampajyat ma oyajca tu'c aj pa je' pa ma iguigacutsʉmigac jayaujucna'. 10Ni'c i-ac-oytangʉs̈ mayo'c. Jemni'c nu'pʉjʉn jeme tu'nijatway itunijas̈cu'tcʉjʉu pa iguitsʉjcawa'n. 11Mit igui-ís̈caj demo̱nyujat, nicos̈atenda̱jcʉjʉu iwiná̱m Jesús mit ya̱s̈cau, inʉmgau:
—Mi̱j ayé Dios is̈wáy.
12Mit Jesús imanda̱tcʉs̈ mʉgʉc maganʉmgaja nepʉn ni'c je' Dios iway.
Jesús icupiugʉs̈p doce pʉctampajyat
13Mit cʉs̈ Jesús cu't copac-awa'tsam mit iya̱s̈cʉs̈ jeme icupiugʉs̈way, mit nʉs̈cau mam je'. 14Mit icupiugʉs̈ doce jayajwat pa ma yo'yga mit je', pa igui-ajyu'tcʉs̈wa'n nʉmdacyo'ypay, 15mit pa ma itcʉjʉ poder pa igui-ac-oytangawa'n tu'nijatway mit pa igui-acpichingawa'n demo̱nyujat. 16Icupiugʉs̈ ayʉ̱́j doce jayajwat: Simón jeme inʉ'jywayey Pedro, 17mit Jacobo Zebedeo iway, mit Juan Jacobo imajtsʉc, mit inʉ'jymoygʉs̈ Boanerges, ayé inʉmo'jcʉp ni'c je'jat as̈am ániway ni'c itcʉjʉp maj. 18Mit Andrés, Felipe, Bartolomé, Mateo, Tomás, Jacobo Alfeo iway, Tadeo, mit Simón inʉmgajapay cananista, 19mit Judas Iscariote jeme ito'ctʉgʉyway Jesús. Mit nʉs̈cau itʉcmat.
Itucotscap Espíritu Santu
20Mit ni-apʉcmujcʉjʉwatu tu'c jayaujuc hasta Jesús mit ipʉctampajyat ca-itcʉjʉwu tiempu pa icaygawa'n. 21Iguimáraugaj we'n ije̱wajyat, mingau pa iguimunʉs̈canuwa'n, ni'c inʉmgau ni'c je' pituc as̈am loco.
22Mit jeme i-ajque's̈capay ley mingau de Jerusalén, mit itucotscau Jesús, inʉmgau:
—Ayʉ̱́j jayau igui-actamp Beelzebú, mit mʉjway demo̱nyu iguimoyp poder pa igui-acpichingʉs̈wa'n demo̱nyujat.
23Mit Jesús iguiya̱s̈cʉs̈, itumuquips̈cʉs̈au tu'c cuentu, inʉm:
—¿Nat Awayagatsna' ini-acpichijnʉwa'n je'yu? 24Te jayajwat en tu'c na̱s̈ tsuguinwatí̱jcap, je'jatu nicʉs̈cʉjʉ̱́j. 25Mit te en tu'c tʉjc tsuguinwatí̱jcapey, ca-oyáj itsʉ̱nga jec. 26Mit te Awayagatsna' tsuguinwatp je'yu, mit te imuni-ago'jcʉs̈ʉp jeme imanda̱tcʉs̈pay, caja-oyáj imanda̱t, togoynújama.
27’Nepʉn ca-oyap itʉgʉy itujugum majaguepayna' pa iguinu'jmawa'n lo que ijtʉpay, solo te icutsumda̱jcʉ'cp majaguepayna', mit we'n oyap iguinu'jma lo que ijtʉpay je' itujugum.
28’Iyacs̈ta'cway tʉnʉmgʉs̈ap ni'c Dios oyáj iguiperdona̱tcʉs̈ nu'pʉjʉn jayajwat jeme iwatcapay mal mit nu'pʉjʉn itucotscapay Dios. 29Po ayé jayau jeme itucotsámpay Espíritu Santu, Dios nunca igajaperdona̱táj, po tanáj culpa̱tic pa siempre ni'c iwat ayé mal.
30Jesús inʉmgʉs̈au we'n ni'c iguinʉmgajau ni'c ijtʉp tu'c demo̱nyu.
Jesús ima̱m mit imajtsʉcwájat
31Jesús ima̱m mit imajtsʉcwájat coygau mam je' itsʉ̱na mit tangau pe'ta̱m, mit i-ajque's̈cajau Jesús. 32Mit apitucje̱guic itsʉ̱na mit tu'c jayaujuc, mit inʉmgajau:
—Marau, is̈che'ngap pe'ta̱m inma̱m mit inmajtsʉcwájat.
33Mit Jesús ipo'ngʉs̈:
—¿Pʉn ayé tʉn-e'pay as̈am tʉnma̱m mit tʉnmajtsʉcwájat?
34Mit igui-is̈cʉs̈ nu'pʉjʉn jeme tsʉ̱ngaway apitucje̱guic, inʉm:
—Ayʉ̱́j tʉn-e'pcʉs̈p as̈am tʉnma̱m mit tʉnmajtsʉcwájat. 35Ni'c pʉmba'tu jeme iwatpay lo que iwampay Dios, ayé tʉn-e'p as̈am tʉnmajtsʉcwájat mit tʉnma̱m.
Currently Selected:
San Marcos 3: PSNT
Highlight
Share
Copy
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
San Marcos 3
3
Tu'c jayau o'guicway icʉ'
1Jesús tʉgʉywatu mam judíujat i-adora̱tca, mit tsʉ̱nau jem tu'c jayau jeme o'guicway icʉ'. 2Mit i-espia̱tcau Jesús te i-ac-oytanáj po'cs̈ans̈ʉuni'c, ni'c iwangau igui-acusa̱tcawa'n. 3Mit Jesús inʉjmau ayé jayau jeme o'guicway icʉ':
—Ca's̈ʉ'c mit tena es̈pu̱tum.
4Mit Jesús i-ucyo'tcʉs̈:
—¿Oy nas̈watwa'n oy po'cs̈ans̈ʉuni'c o nas̈watwa'n mal? ¿Oy nas̈salva̱twa'n vida o nas̈ago'cwa'n?
Po je'jat iganʉmgawu neti. 5Mit igui-is̈cʉs̈ nu'pʉjʉn, je' awa'niu mit tu'n ijo̱jt ni'c copacmʉgʉgo'jcat ayé jayajwat. Mit cʉs̈ Jesús inajau ayé jayau:
—Acyacs̈ incʉ'.
Mit i-acyacs̈, mit oytan jaran icʉ'. 6Mit ipíchingaj fariseujat, ni-acochigʉjʉu mit Herodes ijayau contra Jesús pa igui-ago'jcawa'n.
Jayaujucna' inatspoguip Jesús
7Po Jesús nʉcs̈ laguna-auni'c mit ipʉctampajyat, mit iguinatspoguigau may jayajwat Galileajway, mit Judeajway, 8Jerusalénway, Idumeajway mit tuganʉ-ájway Jordán, mit jeme tsʉ̱ngaway Tiro mit Sidón, mayo'c imíngaj mam Jesús ni'c imaraugau lo que iwatway. 9Mit Jesús inʉmgʉs̈au ipʉctampajyat ma oyajca tu'c aj pa je' pa ma iguigacutsʉmigac jayaujucna'. 10Ni'c i-ac-oytangʉs̈ mayo'c. Jemni'c nu'pʉjʉn jeme tu'nijatway itunijas̈cu'tcʉjʉu pa iguitsʉjcawa'n. 11Mit igui-ís̈caj demo̱nyujat, nicos̈atenda̱jcʉjʉu iwiná̱m Jesús mit ya̱s̈cau, inʉmgau:
—Mi̱j ayé Dios is̈wáy.
12Mit Jesús imanda̱tcʉs̈ mʉgʉc maganʉmgaja nepʉn ni'c je' Dios iway.
Jesús icupiugʉs̈p doce pʉctampajyat
13Mit cʉs̈ Jesús cu't copac-awa'tsam mit iya̱s̈cʉs̈ jeme icupiugʉs̈way, mit nʉs̈cau mam je'. 14Mit icupiugʉs̈ doce jayajwat pa ma yo'yga mit je', pa igui-ajyu'tcʉs̈wa'n nʉmdacyo'ypay, 15mit pa ma itcʉjʉ poder pa igui-ac-oytangawa'n tu'nijatway mit pa igui-acpichingawa'n demo̱nyujat. 16Icupiugʉs̈ ayʉ̱́j doce jayajwat: Simón jeme inʉ'jywayey Pedro, 17mit Jacobo Zebedeo iway, mit Juan Jacobo imajtsʉc, mit inʉ'jymoygʉs̈ Boanerges, ayé inʉmo'jcʉp ni'c je'jat as̈am ániway ni'c itcʉjʉp maj. 18Mit Andrés, Felipe, Bartolomé, Mateo, Tomás, Jacobo Alfeo iway, Tadeo, mit Simón inʉmgajapay cananista, 19mit Judas Iscariote jeme ito'ctʉgʉyway Jesús. Mit nʉs̈cau itʉcmat.
Itucotscap Espíritu Santu
20Mit ni-apʉcmujcʉjʉwatu tu'c jayaujuc hasta Jesús mit ipʉctampajyat ca-itcʉjʉwu tiempu pa icaygawa'n. 21Iguimáraugaj we'n ije̱wajyat, mingau pa iguimunʉs̈canuwa'n, ni'c inʉmgau ni'c je' pituc as̈am loco.
22Mit jeme i-ajque's̈capay ley mingau de Jerusalén, mit itucotscau Jesús, inʉmgau:
—Ayʉ̱́j jayau igui-actamp Beelzebú, mit mʉjway demo̱nyu iguimoyp poder pa igui-acpichingʉs̈wa'n demo̱nyujat.
23Mit Jesús iguiya̱s̈cʉs̈, itumuquips̈cʉs̈au tu'c cuentu, inʉm:
—¿Nat Awayagatsna' ini-acpichijnʉwa'n je'yu? 24Te jayajwat en tu'c na̱s̈ tsuguinwatí̱jcap, je'jatu nicʉs̈cʉjʉ̱́j. 25Mit te en tu'c tʉjc tsuguinwatí̱jcapey, ca-oyáj itsʉ̱nga jec. 26Mit te Awayagatsna' tsuguinwatp je'yu, mit te imuni-ago'jcʉs̈ʉp jeme imanda̱tcʉs̈pay, caja-oyáj imanda̱t, togoynújama.
27’Nepʉn ca-oyap itʉgʉy itujugum majaguepayna' pa iguinu'jmawa'n lo que ijtʉpay, solo te icutsumda̱jcʉ'cp majaguepayna', mit we'n oyap iguinu'jma lo que ijtʉpay je' itujugum.
28’Iyacs̈ta'cway tʉnʉmgʉs̈ap ni'c Dios oyáj iguiperdona̱tcʉs̈ nu'pʉjʉn jayajwat jeme iwatcapay mal mit nu'pʉjʉn itucotscapay Dios. 29Po ayé jayau jeme itucotsámpay Espíritu Santu, Dios nunca igajaperdona̱táj, po tanáj culpa̱tic pa siempre ni'c iwat ayé mal.
30Jesús inʉmgʉs̈au we'n ni'c iguinʉmgajau ni'c ijtʉp tu'c demo̱nyu.
Jesús ima̱m mit imajtsʉcwájat
31Jesús ima̱m mit imajtsʉcwájat coygau mam je' itsʉ̱na mit tangau pe'ta̱m, mit i-ajque's̈cajau Jesús. 32Mit apitucje̱guic itsʉ̱na mit tu'c jayaujuc, mit inʉmgajau:
—Marau, is̈che'ngap pe'ta̱m inma̱m mit inmajtsʉcwájat.
33Mit Jesús ipo'ngʉs̈:
—¿Pʉn ayé tʉn-e'pay as̈am tʉnma̱m mit tʉnmajtsʉcwájat?
34Mit igui-is̈cʉs̈ nu'pʉjʉn jeme tsʉ̱ngaway apitucje̱guic, inʉm:
—Ayʉ̱́j tʉn-e'pcʉs̈p as̈am tʉnma̱m mit tʉnmajtsʉcwájat. 35Ni'c pʉmba'tu jeme iwatpay lo que iwampay Dios, ayé tʉn-e'p as̈am tʉnmajtsʉcwájat mit tʉnma̱m.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].