Génesis 38
38
Judá mëët yë Tamar
1Tëkok yë Judá ojts tpuwa'ktutnë yë myëkä'äxtëjk ets ojts nyijkxy tsënääpyë ma tu'uk yë ja'ayën jä'ä xyëëwajtyp Hirá, jam ënäty kyukajpnëty Adulam. 2Jam ojts tu'uk yë to'oxy'ëna'k t'ixy, yë'ë nyëëx tu'uk yë Canaán ja'ay, jä'ä xyëëwajtyp Sua ets ojts mëët pyiky. 3Ënät ojts wyi'imy u'unk mëët, e ko tyajmëxu'unk'ajty, jä'ä txëëwmooy Er. 4Ënät jatëkok wyë'ëmkojnëpë u'unk mëët, e ko tyajmëxu'unk'ajty, jä'ä txëëwmooy Onán. 5Tää wiinkpë u'unk maay tjaakyajmëxu'unk'ajty, jä'ä tukxëëwajty Selá, yë Selá jää ojts myëxu'unk'aty ma ënäty yë Judá jam yajpaatyën Quezib.
6Yë Judá ojts yë myaank tyajpëky mëti'ipë xyëëwajtypyën Er, jä'ä ënäty kä'äxkopk'ajtp; yë'ë mëët tyajpëjky tu'uk yë to'oxytyëjk mëti'ipë xyëëwajtypyën Tamar. 7Yë Er ëxëëk ënäty yë jyot wyinma'any ets ëxëëk ijty jyä'äy'äty; aakyë'ë tyuunpy mëti'ipë yë Tios ka'ap t'oy'ixyën, paaty yë jyuukyajtën ojts tpëjkë. 8Ënät yë Judá wiinkpë ja myaank t'ënëmaay mëti'ipë xyëëwajtypyën Onán:
Puwa'akë yë to'oxytyëjk mëti'ipë yë m'ajty të tku'ookyën, mijts jëtu'un mpatëp, jä'ä ko mijts mkäpy'ätyë. Jëtu'un yë m'ajty tmëët'atëty yë y'u'unk y'ok mëët mijtskyëjxm.
9E yë Onán tyaa ojts jyotwinmay, ko ja u'unk ëna'k mëti'ipë mëxu'unk'atëpën, ka'ap nëjkx yë'ë tjä'ä'aty. Paaty ko ënäty tmëëtko'knë ja ku'ooktyo'oxy mëti'ipë ja y'äjty të tni'o'ktu'utyën, ka'ap tsoky ets wyë'ëmëty u'unk mëët paaty ijty tnaki'tu'uty ënätyë këtiipë ja y'äjty ja y'u'unk y'ok tmëët'atëty mëët yë'ëkyëjxm. 10Yë Wintsën ka'ap jëtu'un oy t'ijxy ko jëtu'un yë Onán y'ëti'itsy, paaty ojts ja jyuukyajtën tpëjkë. 11Ënät yë Judá t'ënëmaay yë xyäkxy Tamar:
Wë'ëm jëtu'un atu'uk ma mteety yë tyëjkën, koonëm yë nmaankës, Selá y'ëkyääk, y'ëkpatëty.
Yë Judá namääpy natajp ënäty, jä'ä ko näjyëtu'un nëjkx ja myaank Selá y'ëk'o'knë, ijxtëm ënäty ja myëkä'äxtëjk të jyat të kyëpätën. Ënät yë Tamar ojts nyëjkxnë tsënääpyë ma ja tyeety ja tyëjkën.
12Nyäjxy jëtu'un yë xëëw jëmëjt, ok ojts y'o'knë ja Judá ja tyo'oxytyëjk, ja nyëëx ja Súa. Ko ja Judá nyäjxy ja myonyë tyukyë, mëët ko ënäty ja tyo'oxytyëjk të y'ooky, tä tsyo'ony ets ojts nyijkxy ma tu'uk yë kajpn txëëwatyën Timnat, ma ja ënäty ja ja'ayëtyën jam mëti'ipë ja kupixyny ja jyëmk kyä'ptëpën, yë'ë ojts mëët nyijkxy yë myëku'uk mëti'ipë xyëëwajtypyën Hirá, Adulam ja'ay ënäty. 13Ko yë Tamar tnija'awëy ko ënäty ja tyu'u të nyijkxy jam Timnat ets tnikääpa'any yë kyupixyny. 14Ënät tjeeny ja wyit mëti'ipë myëku'ookytyo'oxy'äjtypyën ets nyätyukwinkuyä'pëy yë wit këtiipë pën y'ixkapëtëty ets jam nyaaxwe'tsy tu'u'am, ma ja kajpn yajnitëkën, mëti'ipë xyëëwajtypyën Enaim. Jam yë tu'u nyäxy mëti'ipë nëjkxpën Timnat. Paaty jëtu'un yë Tamar wyinma'anypyäty ets jëtu'un y'ëtë'ëtsëty, jä'ä ko jya'ijxnëp ënäty ko ja Selá myëjnë'ajnë, e ka'ap nyäky pyiky mëët yë'ë.
15Ko yë Judá t'ijxy jëtu'un jyotwinmaay, ko yë'ë to'oxytyëjk mëti'ipë nätyo'këpën, jä'ä ko tëë ënäty nyäwyinkuyä'äpëty mëët yë wit. 16Ënät ojts tpuwa'ktu'uty ja myëku'uk ets tmëkajpxa'any ja to'oxytyëjk, ni tkanijawë pën jä'ätëm ja xyäkxy, ënät t'ënëmaay:
¿M'a'ixëp ets nmëët'itëtyë?
Ënät y'ëtsooy ja to'oxytyëjk:
¿Tii mnayakëp koos xymyëët'itëty?
17Ënät ja Judá y'ëtsooy:
Tsajppax tu'uk ntuknikäxëp.
Tää ja to'oxytyëjk y'ëtsooy:
Oy'atëp, e yajwë'ëm oynatii mëti'ipës ntukmëpëkëpën ko xyjyänty kyäxa'any.
18Ënät yë Judá tyajtëëy:
¿Tiixë mtsojkpy ets ntukmëwë'ëmëty?
Mooykyës yë mëti'ipë jëyujk mtuktsääpyën mëët yë nyipiity ets nän mooykyës yë mtajk, mëti'ipë jam mkë'ë'am'ajtypyën.
Ënät ja Judá tmooy ets ojts tmëëtko'knë ja to'oxytyëjk, tä ojts tyajwë'ëmy u'unk mëët. 19Tä yë Tamar ojts jatëkok nyëjkxkojnë ets nyätyukwinpëjktutë ja wit jatëkok, mëti'ipë ënäty jam wyinpëk'ajtypyën, tääts tuktëjkëy ja wyit mëti'ipë ënäty ku'ookytyo'oxy yajkëxë'këpën.
20Komjeky yë Judá ojts ja myëku'uk Adulam ja'ay tukmëkäxë yë tsajppax ma ja to'oxytyëjkën ets ja to'oxytyëjk jatëkok myooywinpitëtëty ja mëti'ipë ënäty të tyajwë'ëmyën mëët yë'ë. E ja myëku'uk ka'ap ojts ja to'oxytyëjk t'ëkpatnë. 21Tä tjayajtëëy ma ja ja'ayëtyën, mëti'ipë jam tsënaaytyëpën:
Maa ënät ja to'oxytyëjk mëti'ipë nätyo'këpën jampë tsyoonyën Enaim, mëti'ipë naamnëm jam tu'u'am npatëpësën.
Ënät y'ëtsoowtë ja ja'ayëty:
Ka'ap yaa nijëna'a ma yaj'ixy yë to'oxytyëjk mëti'ipë nätyo'këpën.
22Ënät ojts jatëkok wyimpijnë ma ja Judájën ets t'ënëmaay:
Ka'apës të npaaty ja to'oxytyëjk, tëës njayajtëy yë ja'ayëty mëti'ipë jam tsënaaytyëpën, jëtu'unës të xy'ëtsowtë, ko ka'apëk jam nijëna'a t'ixtë to'oxytyëjk, mëti'ipë nätyo'këpën.
23Ënät ja Judá y'ëtsooy:
Wä'änts tmëwë'ëmy mëti'ipës të nmo'oyën, këtiipës tukxi'iky nwë'ëmëty, ëjts tëëjës njaakuuytyuny, mëti'ipës ntukwinwa'anëyën ets mijts tëë xyjyamë'otsy ja tsajppax ets ka'ap të xypyääty.
24Kom tëkëëk po'o ojts ja Judá ja ja'ayëty nyimiinëtë ets y'ënëmaayë:
Yë Tamar, mijts yë mxäkxy, tëë yë ye'etyëjk myëët'atyë ets të wyi'imy u'unk mëët.
Ënät yë Judá mëk jyänty yujk'ënany:
Yajpëtsëmtë ets nino'oktë.
25Ko ënäty jam jëtu'un tyajpëtsëmtë ja to'oxytyëjk ets tnino'oka'antë, ënät tnikäjxëy ja tsyu'u ets t'ënëmaay: Ya'atë tsa'a mëët yë nyipiity ets ya'atë tajk yë nyiwintsën, yë'ëjës të xy'u'unkmo'oy, ijxkap yajxon pën yë jyä'ä. 26Ko yë Judá t'ixkäjpy ko yë'ë jyä'ä ja tsa'a mëët yë nyipiity ets ja tajk, ënät y'ënäny: Yë'ë oy jëtu'un tä të wyinma'anypyäätyën, ëjts tëy yë poky nmëët'ajtyp, koos të nkayajpëky mëët yë nmaankës Selá. Ka'ap yë Judá ojts nijëna'a t'ëkmëëtko'knaaynyë ja Tamar.
27Ko yë Tamar yë y'u'unk myääy tyajmëxu'unk'ajty, amäjtsk ojts myintë naaxwiiny, 28tu'uk ojts yë kyë'ë txajpëtsëmy ma to'oxytyëjk yë y'u'unk myääy tyajmëxu'unk'atyën. Ënät ja to'oxytyëjk, mëti'ipë ënäty jam këwent'ajtëpën, tkë'ëtsuumy ja pi'k'ëna'k mëët tu'uk yë tsaptspiity ets y'ënäny: Ya'atë jëtu'un të myëxu'unk'aty jëyëjp. 29Ënätyë ojts ja pi'k'ëna'k jatëkok ja kyë'ë t'atijë ets ja myëku'uk jä'ä jëyëjp myiiny naaxwiiny. Paaty ja to'oxytyëjk mëti'ipë ënäty putëjkëpën ma ja Tamarën tyajxëëwpejty ja pi'k'ëna'k, mëti'ipë jëyëjp miinën Fares. Jä'ä ko y'ënäny: Tëë yë mtu'u xyajni'ëwaatsë. 30Ënät ojts jyä'ty ok naaxwiiny ja mëti'ipë ënäty myëët'ajtypyën ja tsaptspiity ma kyë'ëjën ets txëëwmooy Zérah.
Currently Selected:
Génesis 38: QUETZMIXE
Highlight
Share
Copy

Want to have your highlights saved across all your devices? Sign up or sign in
Biblia en Mixe de Quetzaltepec, Oaxaca, México © Sociedad Bíblica de México, A.C., 2013. Active Translation in Process
Génesis 38
38
Judá mëët yë Tamar
1Tëkok yë Judá ojts tpuwa'ktutnë yë myëkä'äxtëjk ets ojts nyijkxy tsënääpyë ma tu'uk yë ja'ayën jä'ä xyëëwajtyp Hirá, jam ënäty kyukajpnëty Adulam. 2Jam ojts tu'uk yë to'oxy'ëna'k t'ixy, yë'ë nyëëx tu'uk yë Canaán ja'ay, jä'ä xyëëwajtyp Sua ets ojts mëët pyiky. 3Ënät ojts wyi'imy u'unk mëët, e ko tyajmëxu'unk'ajty, jä'ä txëëwmooy Er. 4Ënät jatëkok wyë'ëmkojnëpë u'unk mëët, e ko tyajmëxu'unk'ajty, jä'ä txëëwmooy Onán. 5Tää wiinkpë u'unk maay tjaakyajmëxu'unk'ajty, jä'ä tukxëëwajty Selá, yë Selá jää ojts myëxu'unk'aty ma ënäty yë Judá jam yajpaatyën Quezib.
6Yë Judá ojts yë myaank tyajpëky mëti'ipë xyëëwajtypyën Er, jä'ä ënäty kä'äxkopk'ajtp; yë'ë mëët tyajpëjky tu'uk yë to'oxytyëjk mëti'ipë xyëëwajtypyën Tamar. 7Yë Er ëxëëk ënäty yë jyot wyinma'any ets ëxëëk ijty jyä'äy'äty; aakyë'ë tyuunpy mëti'ipë yë Tios ka'ap t'oy'ixyën, paaty yë jyuukyajtën ojts tpëjkë. 8Ënät yë Judá wiinkpë ja myaank t'ënëmaay mëti'ipë xyëëwajtypyën Onán:
Puwa'akë yë to'oxytyëjk mëti'ipë yë m'ajty të tku'ookyën, mijts jëtu'un mpatëp, jä'ä ko mijts mkäpy'ätyë. Jëtu'un yë m'ajty tmëët'atëty yë y'u'unk y'ok mëët mijtskyëjxm.
9E yë Onán tyaa ojts jyotwinmay, ko ja u'unk ëna'k mëti'ipë mëxu'unk'atëpën, ka'ap nëjkx yë'ë tjä'ä'aty. Paaty ko ënäty tmëëtko'knë ja ku'ooktyo'oxy mëti'ipë ja y'äjty të tni'o'ktu'utyën, ka'ap tsoky ets wyë'ëmëty u'unk mëët paaty ijty tnaki'tu'uty ënätyë këtiipë ja y'äjty ja y'u'unk y'ok tmëët'atëty mëët yë'ëkyëjxm. 10Yë Wintsën ka'ap jëtu'un oy t'ijxy ko jëtu'un yë Onán y'ëti'itsy, paaty ojts ja jyuukyajtën tpëjkë. 11Ënät yë Judá t'ënëmaay yë xyäkxy Tamar:
Wë'ëm jëtu'un atu'uk ma mteety yë tyëjkën, koonëm yë nmaankës, Selá y'ëkyääk, y'ëkpatëty.
Yë Judá namääpy natajp ënäty, jä'ä ko näjyëtu'un nëjkx ja myaank Selá y'ëk'o'knë, ijxtëm ënäty ja myëkä'äxtëjk të jyat të kyëpätën. Ënät yë Tamar ojts nyëjkxnë tsënääpyë ma ja tyeety ja tyëjkën.
12Nyäjxy jëtu'un yë xëëw jëmëjt, ok ojts y'o'knë ja Judá ja tyo'oxytyëjk, ja nyëëx ja Súa. Ko ja Judá nyäjxy ja myonyë tyukyë, mëët ko ënäty ja tyo'oxytyëjk të y'ooky, tä tsyo'ony ets ojts nyijkxy ma tu'uk yë kajpn txëëwatyën Timnat, ma ja ënäty ja ja'ayëtyën jam mëti'ipë ja kupixyny ja jyëmk kyä'ptëpën, yë'ë ojts mëët nyijkxy yë myëku'uk mëti'ipë xyëëwajtypyën Hirá, Adulam ja'ay ënäty. 13Ko yë Tamar tnija'awëy ko ënäty ja tyu'u të nyijkxy jam Timnat ets tnikääpa'any yë kyupixyny. 14Ënät tjeeny ja wyit mëti'ipë myëku'ookytyo'oxy'äjtypyën ets nyätyukwinkuyä'pëy yë wit këtiipë pën y'ixkapëtëty ets jam nyaaxwe'tsy tu'u'am, ma ja kajpn yajnitëkën, mëti'ipë xyëëwajtypyën Enaim. Jam yë tu'u nyäxy mëti'ipë nëjkxpën Timnat. Paaty jëtu'un yë Tamar wyinma'anypyäty ets jëtu'un y'ëtë'ëtsëty, jä'ä ko jya'ijxnëp ënäty ko ja Selá myëjnë'ajnë, e ka'ap nyäky pyiky mëët yë'ë.
15Ko yë Judá t'ijxy jëtu'un jyotwinmaay, ko yë'ë to'oxytyëjk mëti'ipë nätyo'këpën, jä'ä ko tëë ënäty nyäwyinkuyä'äpëty mëët yë wit. 16Ënät ojts tpuwa'ktu'uty ja myëku'uk ets tmëkajpxa'any ja to'oxytyëjk, ni tkanijawë pën jä'ätëm ja xyäkxy, ënät t'ënëmaay:
¿M'a'ixëp ets nmëët'itëtyë?
Ënät y'ëtsooy ja to'oxytyëjk:
¿Tii mnayakëp koos xymyëët'itëty?
17Ënät ja Judá y'ëtsooy:
Tsajppax tu'uk ntuknikäxëp.
Tää ja to'oxytyëjk y'ëtsooy:
Oy'atëp, e yajwë'ëm oynatii mëti'ipës ntukmëpëkëpën ko xyjyänty kyäxa'any.
18Ënät yë Judá tyajtëëy:
¿Tiixë mtsojkpy ets ntukmëwë'ëmëty?
Mooykyës yë mëti'ipë jëyujk mtuktsääpyën mëët yë nyipiity ets nän mooykyës yë mtajk, mëti'ipë jam mkë'ë'am'ajtypyën.
Ënät ja Judá tmooy ets ojts tmëëtko'knë ja to'oxytyëjk, tä ojts tyajwë'ëmy u'unk mëët. 19Tä yë Tamar ojts jatëkok nyëjkxkojnë ets nyätyukwinpëjktutë ja wit jatëkok, mëti'ipë ënäty jam wyinpëk'ajtypyën, tääts tuktëjkëy ja wyit mëti'ipë ënäty ku'ookytyo'oxy yajkëxë'këpën.
20Komjeky yë Judá ojts ja myëku'uk Adulam ja'ay tukmëkäxë yë tsajppax ma ja to'oxytyëjkën ets ja to'oxytyëjk jatëkok myooywinpitëtëty ja mëti'ipë ënäty të tyajwë'ëmyën mëët yë'ë. E ja myëku'uk ka'ap ojts ja to'oxytyëjk t'ëkpatnë. 21Tä tjayajtëëy ma ja ja'ayëtyën, mëti'ipë jam tsënaaytyëpën:
Maa ënät ja to'oxytyëjk mëti'ipë nätyo'këpën jampë tsyoonyën Enaim, mëti'ipë naamnëm jam tu'u'am npatëpësën.
Ënät y'ëtsoowtë ja ja'ayëty:
Ka'ap yaa nijëna'a ma yaj'ixy yë to'oxytyëjk mëti'ipë nätyo'këpën.
22Ënät ojts jatëkok wyimpijnë ma ja Judájën ets t'ënëmaay:
Ka'apës të npaaty ja to'oxytyëjk, tëës njayajtëy yë ja'ayëty mëti'ipë jam tsënaaytyëpën, jëtu'unës të xy'ëtsowtë, ko ka'apëk jam nijëna'a t'ixtë to'oxytyëjk, mëti'ipë nätyo'këpën.
23Ënät ja Judá y'ëtsooy:
Wä'änts tmëwë'ëmy mëti'ipës të nmo'oyën, këtiipës tukxi'iky nwë'ëmëty, ëjts tëëjës njaakuuytyuny, mëti'ipës ntukwinwa'anëyën ets mijts tëë xyjyamë'otsy ja tsajppax ets ka'ap të xypyääty.
24Kom tëkëëk po'o ojts ja Judá ja ja'ayëty nyimiinëtë ets y'ënëmaayë:
Yë Tamar, mijts yë mxäkxy, tëë yë ye'etyëjk myëët'atyë ets të wyi'imy u'unk mëët.
Ënät yë Judá mëk jyänty yujk'ënany:
Yajpëtsëmtë ets nino'oktë.
25Ko ënäty jam jëtu'un tyajpëtsëmtë ja to'oxytyëjk ets tnino'oka'antë, ënät tnikäjxëy ja tsyu'u ets t'ënëmaay: Ya'atë tsa'a mëët yë nyipiity ets ya'atë tajk yë nyiwintsën, yë'ëjës të xy'u'unkmo'oy, ijxkap yajxon pën yë jyä'ä. 26Ko yë Judá t'ixkäjpy ko yë'ë jyä'ä ja tsa'a mëët yë nyipiity ets ja tajk, ënät y'ënäny: Yë'ë oy jëtu'un tä të wyinma'anypyäätyën, ëjts tëy yë poky nmëët'ajtyp, koos të nkayajpëky mëët yë nmaankës Selá. Ka'ap yë Judá ojts nijëna'a t'ëkmëëtko'knaaynyë ja Tamar.
27Ko yë Tamar yë y'u'unk myääy tyajmëxu'unk'ajty, amäjtsk ojts myintë naaxwiiny, 28tu'uk ojts yë kyë'ë txajpëtsëmy ma to'oxytyëjk yë y'u'unk myääy tyajmëxu'unk'atyën. Ënät ja to'oxytyëjk, mëti'ipë ënäty jam këwent'ajtëpën, tkë'ëtsuumy ja pi'k'ëna'k mëët tu'uk yë tsaptspiity ets y'ënäny: Ya'atë jëtu'un të myëxu'unk'aty jëyëjp. 29Ënätyë ojts ja pi'k'ëna'k jatëkok ja kyë'ë t'atijë ets ja myëku'uk jä'ä jëyëjp myiiny naaxwiiny. Paaty ja to'oxytyëjk mëti'ipë ënäty putëjkëpën ma ja Tamarën tyajxëëwpejty ja pi'k'ëna'k, mëti'ipë jëyëjp miinën Fares. Jä'ä ko y'ënäny: Tëë yë mtu'u xyajni'ëwaatsë. 30Ënät ojts jyä'ty ok naaxwiiny ja mëti'ipë ënäty myëët'ajtypyën ja tsaptspiity ma kyë'ëjën ets txëëwmooy Zérah.
Currently Selected:
:
Highlight
Share
Copy

Want to have your highlights saved across all your devices? Sign up or sign in
Biblia en Mixe de Quetzaltepec, Oaxaca, México © Sociedad Bíblica de México, A.C., 2013. Active Translation in Process