MATEO 20
20
Te seña-kꞌop te jꞌaꞌteleltike
1La yal te Jesuse: —Te tutꞌil ay ta ajwalinel te Diose, jaꞌ pajal sok te yajwal pinkae te sakub nax kꞌinal te lokꞌ sle yaj-aꞌtel yuꞌun ya skꞌokbe ochel sit te yawal-stsꞌunube. 2La xchap sok te yaj-aꞌtele te ya xtojtalanot jun denario-takꞌin te jun kꞌaale, y la stikonlan bael ta aꞌtel te ba ay te yubailtike.
3“Las noeve patajel a lokꞌ xan bael y la yil tekꞌatik ta parke te yan winketike te maꞌyuk staoj yaꞌtelike. 4La yaltalanbe: “Baanik ta aꞌtel te ba ay te kubailtike. Ya jtojex te tutꞌil ya apasik ganare”, xyut. Y laj bajt ta aꞌtel.
5“Te yajwal pinkae lokꞌ xan bael ol kꞌaal a, y lok xan bael ta las tres mal kꞌaal. Te jujun buelta lokꞌe jicha spasulan. 6Ta las sinko mal kꞌaal a lokꞌ xan bael ta parke y kꞌo sta xan yan te ma to staojuk yaꞌtelike. La sjojkꞌobe: “¿Tuꞌun te liꞌiyex spꞌejel kꞌaale te makꞌ xꞌaꞌtejexe?” xyut. 7La yalik: “Yuꞌun maꞌyuk machꞌa yikꞌotik ta aꞌtel”, xchiik. Jicha altalanbot yuꞌun: “Baanik ta aꞌtel te ba kaꞌtele”, xyut.
8“Te kꞌalal sutꞌetix a te kꞌinale te yajwal pinkae la yalbe te yaj-kaporale: “Ikꞌa tal te jꞌatꞌeletike y tojtalana. Tojtalana nailuk te machꞌatik patil a och ta aꞌtele. Patil ya atojtalan te machꞌa nail a och ta aꞌtele”, xyut.
9“Jicha laj tal te machꞌatik te las sinko mal kꞌaal te laj och ta aꞌtele. Tsꞌakal a tojtalanot jun denario-takꞌin te jun kꞌaale. 10Patil a tojtalanot te machꞌatik nail a och ta aꞌtele. La skuyik te kꞌaxem ya xtojtalanote, pero pajal a tojtalanot jun denario ta kꞌaal te jujutule. 11Laj ta tojtalanel, lijk yaꞌabiyanik te yajwal pinkae. 12La yalik: “Te winketik to patilix a laj tal. Jun xanix ora laj aꞌtej. ¿Tuꞌun te pajal atojotik soke? Te joꞌotike juꞌ kuꞌuntik spꞌejel kꞌaal te aꞌtele sok te xkꞌuxul kꞌajkꞌale”, xchiik ta kꞌop.
13“Te yajwal pinkae la sjakꞌbey te jtule: “Kere, ma yuꞌunuk ya jlolayat. ¿Meꞌn ma jichuk a jchaptik te jun denario ya jtojat te jun kꞌaale? 14Ichꞌa bael te atojole y baan. Te joꞌone jich a skꞌan koꞌtan te jich a jtoj te machꞌa patil a och ta aꞌtele, jich tutꞌil te la kaꞌbeyat te jaꞌate. 15Joꞌon ya jnaꞌ te tut ya jpas sok te jtakꞌine. ¿O yuꞌun ma tsaꞌamuk awoꞌtan yuꞌun te ben lekone?” xyut.
16“Jaꞌ yuꞌun te machꞌatik patil a laj tale, nail ya xlaj kꞌot stukel. Yan te machꞌatik nail a laj tale, patil me ya xlaj kꞌot stukel. Porke bayal machꞌatik ya xꞌikꞌtalanot. Pero ma bayaluk te machꞌa tsajtalanbile —xchi te Jesuse.
Te Jesuse yoxmelelix ya yal a te ya xchame
17Te Jesuse yipal kꞌael ta beel ta sbelel Jerusalen. La yikꞌ tal ta parte te lajchaytul te jnopojeletik yuꞌune. Jicha yaltalanbe:
18—Aꞌibeyaik awaꞌiy sluwar ora to ya xbotikix ta Jerusalen. Te Nichꞌanile ya me xꞌakꞌot ta skꞌab te statal-saserdoteetike sok ta skꞌab te maestroetik yuꞌun te mantaliletike. Sok ya me xchapik te ya yichꞌ milele. 19Ya me xꞌakꞌot ta skꞌab te jyanlumetike y ya me xꞌikꞌtinot. Sok ya me yichꞌ aresial ta nujkul sok ya me xꞌakꞌot ta milel ta krus. Pero ta yoxebal kꞌaal ya me kichꞌ chaꞌkusesel —xchi te Jesuse.
Te tuti ba skꞌan ta stojol Jesus te smeꞌ te Jacobo sok te Juane
20Te smeꞌ te yuntikil Zebedeoe tijilaj tal ta stojol te Jesuse. Soyinej tal te cheb yuntikile. Te antse la skejan sba ta sit te Jesuse yuꞌun ay tut ya skꞌanbey. 21Te Jesuse la sjojkꞌobe:
—¿Tut ya akꞌan? —xchi.
La yal te antse:
—Te yauk awal mantal te ya xnajkaj jtul ta abatsꞌil sok jtul ta akꞌexom xchebal te kuntikile te kꞌalal ya awichꞌ awaꞌtele —xchi te antse.
22La sjakꞌbe te Jesuse:
—Ma xꞌanaꞌbe sluwar te tut ya akꞌanike. ¿Meꞌn ya wan xjuꞌ awuꞌunik te wokol te ya yaꞌbelone sok te ilbajinel te ya kichꞌ te joꞌone? —xchi.
La yalik:
—Yak. Ya xjuꞌ kuꞌuntik —xchiik.
23Te Jesuse la sjakꞌtalanbe:
—Jich te jaꞌexe ya yaꞌbelex euk te wokole sok te ilbajinele jich tutꞌil ya kichꞌ te joꞌone. Pero tutꞌil ya akꞌan xnajkajex ta jbatsꞌil sok ta jkꞌexome, ma joꞌukon ay ta jkuenta. Ja chikan stukel te jTate te machꞌatik xchajpoj te ya yakꞌ najkajuk teꞌae —xchi te Jesuse.
24Te kꞌalal la yaꞌiybeyik sluwar te lajuntul te jnopojeletike, la yilintayik te cheb te jun nax smeꞌ-statike. 25Te Jesuse la yikꞌtalan tal y la yaltalanbe:
—Te jaꞌexe ya anaꞌik tutꞌil ay te machꞌa ya yichꞌ yaꞌtel yuꞌun te slumale, ya yakꞌ sbaik ta akꞌel ta jkuenta yuꞌun te slumale. Sok te machꞌatik ben mukꞌ ya yakꞌ sba sok te yaꞌtelike tulan ya xmantalejik te ba slumalike. 26Ma me ayuk machꞌa jich ay ta awolilik te jaꞌexe. Yan teme ya akꞌan te ya yakꞌelex ta jkuentae, akꞌa me abaik ta abatinel yuꞌun te yane. 27Teme ay jaꞌex te ya skꞌan awoꞌtan te mukꞌ akꞌoplal ya xkꞌoate, jaꞌ me moso ya awakꞌ aba ta stojol te yanetike. 28Jich tutꞌil te Nichꞌanile ma jaꞌuk a tal yuꞌun teme ay machꞌa ya smantaltese. Jaꞌ a tal yuꞌun te ya yakꞌ sba ta mantaltesel sok te ya yakꞌ sba ta milele. Yuꞌun jich me ya xwejt skolelik a te ipal genteetike —xchi te Jesuse.
Te Jesuse la slekutesbe sit cheb choketik
29Te kꞌalal lokꞌik bael ta jtejklum Jerico, bayal genteetik a tsꞌakliyot bael yuꞌun te Jesuse. 30Ay cheb choketik nakajtik ta tiꞌbe. Kꞌalal la yaꞌiybeyik sluwar te yipal kꞌael ta kꞌaxel teꞌa te Jesuse, lijk yawutayik:
—¡Kajwal, te stsꞌumbalat jDavide, kꞌuxtayaotik! —xchiik.
31Te genteetike la skomik te manchuk ya xꞌawunike, pero mas tulan a lijkꞌik xan ta aw:
—¡Kajwal, te stsꞌumbalat jDavide, kꞌuxtayaotik! —xchiik.
32Te Jesuse la stejkꞌan sba. La yikꞌ tal te choketike, la sjojkꞌolanbe:
—¿Meꞌn ay tut ya akꞌan ya jpasbeyex? —xyut.
33La sjakꞌik:
—Kajwal, ya jkꞌan ya ajambotik jsitik —xchiik.
34Te Jesuse la snaꞌbe yoꞌolil sbaik. La spikbe te sitike. Ora jam te sitike, y la stsꞌakliyik bael te Jesuse.
Currently Selected:
MATEO 20: AMANNT
Highlight
Share
Copy
Want to have your highlights saved across all your devices? Sign up or sign in
Nuevo Testamento Tzeltal de Amatenango © Sociedad Bíblica de México, 2006.
MATEO 20
20
Te seña-kꞌop te jꞌaꞌteleltike
1La yal te Jesuse: —Te tutꞌil ay ta ajwalinel te Diose, jaꞌ pajal sok te yajwal pinkae te sakub nax kꞌinal te lokꞌ sle yaj-aꞌtel yuꞌun ya skꞌokbe ochel sit te yawal-stsꞌunube. 2La xchap sok te yaj-aꞌtele te ya xtojtalanot jun denario-takꞌin te jun kꞌaale, y la stikonlan bael ta aꞌtel te ba ay te yubailtike.
3“Las noeve patajel a lokꞌ xan bael y la yil tekꞌatik ta parke te yan winketike te maꞌyuk staoj yaꞌtelike. 4La yaltalanbe: “Baanik ta aꞌtel te ba ay te kubailtike. Ya jtojex te tutꞌil ya apasik ganare”, xyut. Y laj bajt ta aꞌtel.
5“Te yajwal pinkae lokꞌ xan bael ol kꞌaal a, y lok xan bael ta las tres mal kꞌaal. Te jujun buelta lokꞌe jicha spasulan. 6Ta las sinko mal kꞌaal a lokꞌ xan bael ta parke y kꞌo sta xan yan te ma to staojuk yaꞌtelike. La sjojkꞌobe: “¿Tuꞌun te liꞌiyex spꞌejel kꞌaale te makꞌ xꞌaꞌtejexe?” xyut. 7La yalik: “Yuꞌun maꞌyuk machꞌa yikꞌotik ta aꞌtel”, xchiik. Jicha altalanbot yuꞌun: “Baanik ta aꞌtel te ba kaꞌtele”, xyut.
8“Te kꞌalal sutꞌetix a te kꞌinale te yajwal pinkae la yalbe te yaj-kaporale: “Ikꞌa tal te jꞌatꞌeletike y tojtalana. Tojtalana nailuk te machꞌatik patil a och ta aꞌtele. Patil ya atojtalan te machꞌa nail a och ta aꞌtele”, xyut.
9“Jicha laj tal te machꞌatik te las sinko mal kꞌaal te laj och ta aꞌtele. Tsꞌakal a tojtalanot jun denario-takꞌin te jun kꞌaale. 10Patil a tojtalanot te machꞌatik nail a och ta aꞌtele. La skuyik te kꞌaxem ya xtojtalanote, pero pajal a tojtalanot jun denario ta kꞌaal te jujutule. 11Laj ta tojtalanel, lijk yaꞌabiyanik te yajwal pinkae. 12La yalik: “Te winketik to patilix a laj tal. Jun xanix ora laj aꞌtej. ¿Tuꞌun te pajal atojotik soke? Te joꞌotike juꞌ kuꞌuntik spꞌejel kꞌaal te aꞌtele sok te xkꞌuxul kꞌajkꞌale”, xchiik ta kꞌop.
13“Te yajwal pinkae la sjakꞌbey te jtule: “Kere, ma yuꞌunuk ya jlolayat. ¿Meꞌn ma jichuk a jchaptik te jun denario ya jtojat te jun kꞌaale? 14Ichꞌa bael te atojole y baan. Te joꞌone jich a skꞌan koꞌtan te jich a jtoj te machꞌa patil a och ta aꞌtele, jich tutꞌil te la kaꞌbeyat te jaꞌate. 15Joꞌon ya jnaꞌ te tut ya jpas sok te jtakꞌine. ¿O yuꞌun ma tsaꞌamuk awoꞌtan yuꞌun te ben lekone?” xyut.
16“Jaꞌ yuꞌun te machꞌatik patil a laj tale, nail ya xlaj kꞌot stukel. Yan te machꞌatik nail a laj tale, patil me ya xlaj kꞌot stukel. Porke bayal machꞌatik ya xꞌikꞌtalanot. Pero ma bayaluk te machꞌa tsajtalanbile —xchi te Jesuse.
Te Jesuse yoxmelelix ya yal a te ya xchame
17Te Jesuse yipal kꞌael ta beel ta sbelel Jerusalen. La yikꞌ tal ta parte te lajchaytul te jnopojeletik yuꞌune. Jicha yaltalanbe:
18—Aꞌibeyaik awaꞌiy sluwar ora to ya xbotikix ta Jerusalen. Te Nichꞌanile ya me xꞌakꞌot ta skꞌab te statal-saserdoteetike sok ta skꞌab te maestroetik yuꞌun te mantaliletike. Sok ya me xchapik te ya yichꞌ milele. 19Ya me xꞌakꞌot ta skꞌab te jyanlumetike y ya me xꞌikꞌtinot. Sok ya me yichꞌ aresial ta nujkul sok ya me xꞌakꞌot ta milel ta krus. Pero ta yoxebal kꞌaal ya me kichꞌ chaꞌkusesel —xchi te Jesuse.
Te tuti ba skꞌan ta stojol Jesus te smeꞌ te Jacobo sok te Juane
20Te smeꞌ te yuntikil Zebedeoe tijilaj tal ta stojol te Jesuse. Soyinej tal te cheb yuntikile. Te antse la skejan sba ta sit te Jesuse yuꞌun ay tut ya skꞌanbey. 21Te Jesuse la sjojkꞌobe:
—¿Tut ya akꞌan? —xchi.
La yal te antse:
—Te yauk awal mantal te ya xnajkaj jtul ta abatsꞌil sok jtul ta akꞌexom xchebal te kuntikile te kꞌalal ya awichꞌ awaꞌtele —xchi te antse.
22La sjakꞌbe te Jesuse:
—Ma xꞌanaꞌbe sluwar te tut ya akꞌanike. ¿Meꞌn ya wan xjuꞌ awuꞌunik te wokol te ya yaꞌbelone sok te ilbajinel te ya kichꞌ te joꞌone? —xchi.
La yalik:
—Yak. Ya xjuꞌ kuꞌuntik —xchiik.
23Te Jesuse la sjakꞌtalanbe:
—Jich te jaꞌexe ya yaꞌbelex euk te wokole sok te ilbajinele jich tutꞌil ya kichꞌ te joꞌone. Pero tutꞌil ya akꞌan xnajkajex ta jbatsꞌil sok ta jkꞌexome, ma joꞌukon ay ta jkuenta. Ja chikan stukel te jTate te machꞌatik xchajpoj te ya yakꞌ najkajuk teꞌae —xchi te Jesuse.
24Te kꞌalal la yaꞌiybeyik sluwar te lajuntul te jnopojeletike, la yilintayik te cheb te jun nax smeꞌ-statike. 25Te Jesuse la yikꞌtalan tal y la yaltalanbe:
—Te jaꞌexe ya anaꞌik tutꞌil ay te machꞌa ya yichꞌ yaꞌtel yuꞌun te slumale, ya yakꞌ sbaik ta akꞌel ta jkuenta yuꞌun te slumale. Sok te machꞌatik ben mukꞌ ya yakꞌ sba sok te yaꞌtelike tulan ya xmantalejik te ba slumalike. 26Ma me ayuk machꞌa jich ay ta awolilik te jaꞌexe. Yan teme ya akꞌan te ya yakꞌelex ta jkuentae, akꞌa me abaik ta abatinel yuꞌun te yane. 27Teme ay jaꞌex te ya skꞌan awoꞌtan te mukꞌ akꞌoplal ya xkꞌoate, jaꞌ me moso ya awakꞌ aba ta stojol te yanetike. 28Jich tutꞌil te Nichꞌanile ma jaꞌuk a tal yuꞌun teme ay machꞌa ya smantaltese. Jaꞌ a tal yuꞌun te ya yakꞌ sba ta mantaltesel sok te ya yakꞌ sba ta milele. Yuꞌun jich me ya xwejt skolelik a te ipal genteetike —xchi te Jesuse.
Te Jesuse la slekutesbe sit cheb choketik
29Te kꞌalal lokꞌik bael ta jtejklum Jerico, bayal genteetik a tsꞌakliyot bael yuꞌun te Jesuse. 30Ay cheb choketik nakajtik ta tiꞌbe. Kꞌalal la yaꞌiybeyik sluwar te yipal kꞌael ta kꞌaxel teꞌa te Jesuse, lijk yawutayik:
—¡Kajwal, te stsꞌumbalat jDavide, kꞌuxtayaotik! —xchiik.
31Te genteetike la skomik te manchuk ya xꞌawunike, pero mas tulan a lijkꞌik xan ta aw:
—¡Kajwal, te stsꞌumbalat jDavide, kꞌuxtayaotik! —xchiik.
32Te Jesuse la stejkꞌan sba. La yikꞌ tal te choketike, la sjojkꞌolanbe:
—¿Meꞌn ay tut ya akꞌan ya jpasbeyex? —xyut.
33La sjakꞌik:
—Kajwal, ya jkꞌan ya ajambotik jsitik —xchiik.
34Te Jesuse la snaꞌbe yoꞌolil sbaik. La spikbe te sitike. Ora jam te sitike, y la stsꞌakliyik bael te Jesuse.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Tzeltal de Amatenango © Sociedad Bíblica de México, 2006.