MATEO 23
23
Te Jesuse la yalbe ta jamal smulik te fariseoetike sok te maestroetike
1Ta patil te Jesuse lijk yaltalanbe te genteetike sok te jnopojeletik yuꞌune:
2—Te maestroetik yuꞌun te mantaliletike sok te fariseoetike ay ta skuentaik te ya yakꞌ ta nopel te mantaliletik te stsꞌibayoj jilel te jMoisese. 3Jaꞌ yuꞌun chꞌuunaik spasel te tut ya yalbeyexe, pero ma me akꞌayinik spasel te tut ya spasik stukelike. Yuꞌun te tut ya yakꞌik ta nopele ma xchꞌuunik spasel stukelik. 4Jaꞌ pajal kꞌoemik sok te machꞌatik ya stsꞌalik ijkatsil te lom al ta kuchele, te jaꞌ ya yaꞌbe skuch te genteetike. Yan te stukelike ni ma skꞌan slik chꞌinuk ta yal skꞌabik. 5Spisil te tut ya spasike jaꞌ nax ya yakꞌ sbaik ta akꞌel ta jkuenta a yuꞌun te genteetike. Yuꞌun ya skꞌupinik yichꞌel ta yelawik sok ta skꞌabik te chꞌin yawil Sjun Dios te tsꞌibabile, sok ya skꞌupinik te ben najt stsijtsomal te skꞌuꞌ-spakꞌ ya slapike. 6Sok ya me smakik ta ora te primero naktajibaletik yuꞌun te ba ya xweꞌike, sok te naktajibaletik ta sinagogaetik yuꞌun ya skꞌanik akꞌel ta jkuenta teꞌa. 7Sok ya skꞌupinik te ya xꞌujtsꞌibot skꞌab ta sitil komon te ba kayae. Sok ya skꞌupinik te “maestro” ya xꞌalbot yuꞌun te genteetike.
8“Yan te jaꞌexe ma me akꞌanik te “maestro” ya yalbeyex te genteetike, yuꞌun awermano abaik ta apisilik sok jun nax maestro ay awuꞌunik ta apisilik, jaꞌ bi joꞌon te Cristoone. 9Ma me ayuk jtuluk ta balmilal te ya akuyik ta atatike, porke jtul nax te Atatike, jaꞌ te Machꞌa ay ta chꞌulchane. 10Ma me akꞌanik te “ajwalil” te ya yalbeyex te genteetike, yuꞌun jtul nax te Ajwalil awuꞌunike, jaꞌ bi, joꞌon te Cristoone. 11Te machꞌa mukꞌ ay ta awolilike jaꞌ te machꞌa ya yakꞌ sba ta abatinel yuꞌun te yanetike. 12Jich te machꞌa mukꞌ ya yakꞌ sbae, chꞌin me ya xkꞌot. Yan te machꞌa chꞌin ya yakꞌ sbae, jaꞌ me mukꞌ ya xkꞌot stukel.
13“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Yuꞌun te jaꞌexe atsꞌusojikix ta yawe kꞌoem ta stojol te genteetik te spuertaul te ba ay ta mantal te Diose. Ni makꞌ xꞌochex teꞌa te jaꞌexe, sok ma xꞌawakꞌik te ay machꞌa ya skꞌan ya xꞌochik teꞌae.
14“Ay pe jal jaꞌex, te maestroex yuꞌun te mantaliletike sok jaꞌex te fariseoexe jaꞌex te ma tsaꞌamuk awoꞌtanike. Yuꞌun te jaꞌexe ya apojbeyik sna sok stutik yuꞌun te meꞌba antstike. Pero jal ya akꞌoponik Dios ta sitil komon yuꞌun ya skuyelex te ben lek awoꞌtanike. Jaꞌ yuꞌun te jaꞌexe mas tulan kastigo ya awichꞌik atukelik.
15“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Yuꞌun te jaꞌexe bayuk nax ya xbeenex yuꞌun ya awaꞌbeyik xchꞌuun Dios ta akꞌopik te genteetike. Pero teme ay la ataik jtuluke, kꞌax jich yuꞌun infierno ya xtꞌot a te tutꞌil jaꞌexe.
16“Ay pe jal jaꞌex, te chok jtsobawexe te tutꞌil te jich ya awalike: “Teme ay tut ya kaltik te ya jpastike teme jaꞌ a kakꞌtik ta testigo te temploe, ma puersauk te ya jpastike. Yan teme jaꞌ a kakꞌtik ta testigo te oro yuꞌun te temploe, puersa me ya jpastik stukel te tuti kaltike”, xchaex. 17Maꞌyuk tut ya xkꞌot ta awoꞌtanik. Jmel ma xꞌawilik kꞌinal te jaꞌexe. ¿Tut a te mas tulan skꞌoplal ya awaꞌiyike? ¿Me jaꞌ te oroe o jaꞌ te temploe te ya yalbe skꞌoplal te oro te teꞌey ae? 18Sok jich ya awalik euk te jaꞌexe: “Teme ay tut ya kaltik te ya jpastike, teme jaꞌ ya kakꞌtik ta testigo te xchikꞌojibal smajtan Diose, ma puersauk te ya jpastike. Yan teme jaꞌ a kakꞌtik ta testigo te smajtan Dios te kajaj ay te ba xchikꞌojibale, puersa me ya jpastik stukel”, xchaex. 19¡Tulan awoꞌtanik sok chokex! ¿Tut a te ben tulan skꞌoplal ya awaꞌiyike? ¿Me jaꞌ te smajtan Diose o jaꞌ te xchikꞌojibal te ya yaꞌbe skꞌoplal te majtanile? 20Te machꞌa la yakꞌ ta testigo xchikꞌojibal smajtan te Diose ma jaꞌuk nax a yakꞌ ta testigo te xchikꞌojibale. Jaꞌ a yakꞌix ta testigo spisil euk te tut ay ta sbae. 21Sok te machꞌa la yakꞌ ta testigo te mukꞌul temploe, ma jaꞌuk nax a yakꞌ ta testigo te temploe. Jaꞌ a yakꞌix ta testigo te Dios te teꞌey ae. 22Sok euk te machꞌa ya yakꞌ ta testigo te chꞌulchane jaꞌ a yakꞌix ta testigo ekꞌa te smukꞌul snaktajib te Diose. Spisil a yakꞌix ta testigo sok te Dios te nakal teꞌae.
23“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Jich te jaꞌexe ya awaꞌbeyik smajtanin Dios jun ta slajunebal te atulpimil sok te ajoꞌoxe sok te akulantue. Yan te tut tulan skꞌoplal ta pasel te ya yal te mantaliletike, jaꞌ ma tulanuk skꞌoplal ta awoꞌtanik stukel. Jich tutꞌil ya skꞌan pasel te tut leke sok te ya xkꞌuxutaywanotike. Sok te ben jun koꞌtantik ya jchꞌuuntik te Diose. Jaꞌ to jaꞌ ya skꞌan ya apasik sok euk te yan te yipalex ta spasele. 24Jaꞌex, chok jtsobawexe, jaꞌ pajal kꞌoemex sok te machꞌa la stsak lokꞌel ta tasa te chꞌin use. Yan te kameyo te teꞌey ae skojtol a sbikꞌ koel stukel.
25“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Te jaꞌexe jaꞌ nax ya apokbeyik te spat te posiyoetike sok te platoetike, pero te yutile teꞌ nojel a te elekꞌe sok te sbikꞌtal awoꞌtanike. 26Jaꞌat fariseo te chokate, nail xꞌapokbe yutil te platoe. Jich me pokbil ya xkꞌot euk te spate.
27“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Jaꞌexe jich kꞌoemex te tutꞌil majtanubil snaul animaetik te ben tsaꞌam te spate, pero te yutile nojel ta sbakel animaetik sok yilobal te skꞌaꞌemale. 28Jich kꞌoemex te jaꞌexe. Ben lek ta ilel ya yilex te genteetike, pero te yutil awoꞌtanike nojel ta loꞌlawane sok ta skꞌaxintayel mantal.
29“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Te jaꞌexe ya apasbeyik snaul te anima jꞌalwanejetik yuꞌun te Diose. Sok ya achapbeyik snaul te animaetik te machꞌatik ben lek yoꞌtanik a laj kꞌaxe. 30Sok jich ya awalik: “Te jaꞌuk kuxulotik a te kꞌax ta balmilal te antibo jmeꞌ-jtatike, ma kakꞌ jbajtik ta smilel te jꞌalwanejetik yuꞌun Dios te jichuke”, xchaex. 31Jich ya awakꞌik ta naꞌel te tutꞌil jaꞌex stsꞌumbalex te machꞌatik la smilik te jꞌalwanejetik yuꞌun te Diose. 32Jich yuꞌun lajinaik sjuꞌtesel te yaꞌtel te antibo ameꞌ-atatike te lijkem ta pasel yuꞌunike.
33“Jaꞌ pajalex sok chanetik te stsꞌumbal te jtiꞌawal chane. ¿Tutꞌil kꞌan kolanik te ba kastigoe? 34Ja sluwaril te ya jtikonbeyex tal te jꞌalwanejetik sok te machꞌatik ay spꞌijil yoꞌtanike sok te jpꞌijuteswanejetike. Ay ya amilik sok ay ya ajipanik ta krus. Sok ay ya amajik ta sinagogaetik sok ay tojtoj tenel lokꞌel awuꞌunik ta jujun jtejklume. 35Jich euk te jaꞌexe ya me akuchbeyik smalel xchꞌichꞌel spisil te machꞌatik ben lek yoꞌtanik te chamik baele. Jaꞌ to ta jꞌAbel te ben lek yoꞌtane jaꞌ to kꞌalal ta Zacarias te xnichꞌan Berequiase, te milot te ba xchikꞌojibal smajtan Dios te ba stiꞌil te temploe. 36Jamal ya kalbeyex: Jaꞌ me ya akuchik ta apisilik jaꞌex te kuxulex ta balmilal te ora to.
Te Jesuse la yokꞌetay te Jerusalene
37“Jaꞌex jtejklum Jerusalen te kꞌayemex ta smilel te alwanejetik yuꞌun te Diose sok te kꞌayemex ta swolel ta ton te machꞌatik Dios ya stikombeyex tal ta kꞌop ta atojolike. Bayal buelta te kꞌan jtsobex sok te awuntikilike, jich tutꞌil te mut te ya slutsꞌ ta yanil xikꞌ te xchꞌinik yale, pero ma la akꞌanik. 38Aꞌibeyaik awaꞌiy sluwar, ya me xjil ta akuenta atukelik te alumalike. 39Ya kalbeyex mismo ora to makꞌ me ya awilbikonix jsit a jaꞌ to teme ya awalik: “Ben tsaꞌam slekil te machꞌa tikonbil tal yuꞌun te Kajwaltike”, teme xchaexe —xchi te Jesuse.
Currently Selected:
MATEO 23: AMANNT
Highlight
Share
Copy
Want to have your highlights saved across all your devices? Sign up or sign in
Nuevo Testamento Tzeltal de Amatenango © Sociedad Bíblica de México, 2006.
MATEO 23
23
Te Jesuse la yalbe ta jamal smulik te fariseoetike sok te maestroetike
1Ta patil te Jesuse lijk yaltalanbe te genteetike sok te jnopojeletik yuꞌune:
2—Te maestroetik yuꞌun te mantaliletike sok te fariseoetike ay ta skuentaik te ya yakꞌ ta nopel te mantaliletik te stsꞌibayoj jilel te jMoisese. 3Jaꞌ yuꞌun chꞌuunaik spasel te tut ya yalbeyexe, pero ma me akꞌayinik spasel te tut ya spasik stukelike. Yuꞌun te tut ya yakꞌik ta nopele ma xchꞌuunik spasel stukelik. 4Jaꞌ pajal kꞌoemik sok te machꞌatik ya stsꞌalik ijkatsil te lom al ta kuchele, te jaꞌ ya yaꞌbe skuch te genteetike. Yan te stukelike ni ma skꞌan slik chꞌinuk ta yal skꞌabik. 5Spisil te tut ya spasike jaꞌ nax ya yakꞌ sbaik ta akꞌel ta jkuenta a yuꞌun te genteetike. Yuꞌun ya skꞌupinik yichꞌel ta yelawik sok ta skꞌabik te chꞌin yawil Sjun Dios te tsꞌibabile, sok ya skꞌupinik te ben najt stsijtsomal te skꞌuꞌ-spakꞌ ya slapike. 6Sok ya me smakik ta ora te primero naktajibaletik yuꞌun te ba ya xweꞌike, sok te naktajibaletik ta sinagogaetik yuꞌun ya skꞌanik akꞌel ta jkuenta teꞌa. 7Sok ya skꞌupinik te ya xꞌujtsꞌibot skꞌab ta sitil komon te ba kayae. Sok ya skꞌupinik te “maestro” ya xꞌalbot yuꞌun te genteetike.
8“Yan te jaꞌexe ma me akꞌanik te “maestro” ya yalbeyex te genteetike, yuꞌun awermano abaik ta apisilik sok jun nax maestro ay awuꞌunik ta apisilik, jaꞌ bi joꞌon te Cristoone. 9Ma me ayuk jtuluk ta balmilal te ya akuyik ta atatike, porke jtul nax te Atatike, jaꞌ te Machꞌa ay ta chꞌulchane. 10Ma me akꞌanik te “ajwalil” te ya yalbeyex te genteetike, yuꞌun jtul nax te Ajwalil awuꞌunike, jaꞌ bi, joꞌon te Cristoone. 11Te machꞌa mukꞌ ay ta awolilike jaꞌ te machꞌa ya yakꞌ sba ta abatinel yuꞌun te yanetike. 12Jich te machꞌa mukꞌ ya yakꞌ sbae, chꞌin me ya xkꞌot. Yan te machꞌa chꞌin ya yakꞌ sbae, jaꞌ me mukꞌ ya xkꞌot stukel.
13“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Yuꞌun te jaꞌexe atsꞌusojikix ta yawe kꞌoem ta stojol te genteetik te spuertaul te ba ay ta mantal te Diose. Ni makꞌ xꞌochex teꞌa te jaꞌexe, sok ma xꞌawakꞌik te ay machꞌa ya skꞌan ya xꞌochik teꞌae.
14“Ay pe jal jaꞌex, te maestroex yuꞌun te mantaliletike sok jaꞌex te fariseoexe jaꞌex te ma tsaꞌamuk awoꞌtanike. Yuꞌun te jaꞌexe ya apojbeyik sna sok stutik yuꞌun te meꞌba antstike. Pero jal ya akꞌoponik Dios ta sitil komon yuꞌun ya skuyelex te ben lek awoꞌtanike. Jaꞌ yuꞌun te jaꞌexe mas tulan kastigo ya awichꞌik atukelik.
15“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Yuꞌun te jaꞌexe bayuk nax ya xbeenex yuꞌun ya awaꞌbeyik xchꞌuun Dios ta akꞌopik te genteetike. Pero teme ay la ataik jtuluke, kꞌax jich yuꞌun infierno ya xtꞌot a te tutꞌil jaꞌexe.
16“Ay pe jal jaꞌex, te chok jtsobawexe te tutꞌil te jich ya awalike: “Teme ay tut ya kaltik te ya jpastike teme jaꞌ a kakꞌtik ta testigo te temploe, ma puersauk te ya jpastike. Yan teme jaꞌ a kakꞌtik ta testigo te oro yuꞌun te temploe, puersa me ya jpastik stukel te tuti kaltike”, xchaex. 17Maꞌyuk tut ya xkꞌot ta awoꞌtanik. Jmel ma xꞌawilik kꞌinal te jaꞌexe. ¿Tut a te mas tulan skꞌoplal ya awaꞌiyike? ¿Me jaꞌ te oroe o jaꞌ te temploe te ya yalbe skꞌoplal te oro te teꞌey ae? 18Sok jich ya awalik euk te jaꞌexe: “Teme ay tut ya kaltik te ya jpastike, teme jaꞌ ya kakꞌtik ta testigo te xchikꞌojibal smajtan Diose, ma puersauk te ya jpastike. Yan teme jaꞌ a kakꞌtik ta testigo te smajtan Dios te kajaj ay te ba xchikꞌojibale, puersa me ya jpastik stukel”, xchaex. 19¡Tulan awoꞌtanik sok chokex! ¿Tut a te ben tulan skꞌoplal ya awaꞌiyike? ¿Me jaꞌ te smajtan Diose o jaꞌ te xchikꞌojibal te ya yaꞌbe skꞌoplal te majtanile? 20Te machꞌa la yakꞌ ta testigo xchikꞌojibal smajtan te Diose ma jaꞌuk nax a yakꞌ ta testigo te xchikꞌojibale. Jaꞌ a yakꞌix ta testigo spisil euk te tut ay ta sbae. 21Sok te machꞌa la yakꞌ ta testigo te mukꞌul temploe, ma jaꞌuk nax a yakꞌ ta testigo te temploe. Jaꞌ a yakꞌix ta testigo te Dios te teꞌey ae. 22Sok euk te machꞌa ya yakꞌ ta testigo te chꞌulchane jaꞌ a yakꞌix ta testigo ekꞌa te smukꞌul snaktajib te Diose. Spisil a yakꞌix ta testigo sok te Dios te nakal teꞌae.
23“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Jich te jaꞌexe ya awaꞌbeyik smajtanin Dios jun ta slajunebal te atulpimil sok te ajoꞌoxe sok te akulantue. Yan te tut tulan skꞌoplal ta pasel te ya yal te mantaliletike, jaꞌ ma tulanuk skꞌoplal ta awoꞌtanik stukel. Jich tutꞌil ya skꞌan pasel te tut leke sok te ya xkꞌuxutaywanotike. Sok te ben jun koꞌtantik ya jchꞌuuntik te Diose. Jaꞌ to jaꞌ ya skꞌan ya apasik sok euk te yan te yipalex ta spasele. 24Jaꞌex, chok jtsobawexe, jaꞌ pajal kꞌoemex sok te machꞌa la stsak lokꞌel ta tasa te chꞌin use. Yan te kameyo te teꞌey ae skojtol a sbikꞌ koel stukel.
25“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Te jaꞌexe jaꞌ nax ya apokbeyik te spat te posiyoetike sok te platoetike, pero te yutile teꞌ nojel a te elekꞌe sok te sbikꞌtal awoꞌtanike. 26Jaꞌat fariseo te chokate, nail xꞌapokbe yutil te platoe. Jich me pokbil ya xkꞌot euk te spate.
27“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Jaꞌexe jich kꞌoemex te tutꞌil majtanubil snaul animaetik te ben tsaꞌam te spate, pero te yutile nojel ta sbakel animaetik sok yilobal te skꞌaꞌemale. 28Jich kꞌoemex te jaꞌexe. Ben lek ta ilel ya yilex te genteetike, pero te yutil awoꞌtanike nojel ta loꞌlawane sok ta skꞌaxintayel mantal.
29“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Te jaꞌexe ya apasbeyik snaul te anima jꞌalwanejetik yuꞌun te Diose. Sok ya achapbeyik snaul te animaetik te machꞌatik ben lek yoꞌtanik a laj kꞌaxe. 30Sok jich ya awalik: “Te jaꞌuk kuxulotik a te kꞌax ta balmilal te antibo jmeꞌ-jtatike, ma kakꞌ jbajtik ta smilel te jꞌalwanejetik yuꞌun Dios te jichuke”, xchaex. 31Jich ya awakꞌik ta naꞌel te tutꞌil jaꞌex stsꞌumbalex te machꞌatik la smilik te jꞌalwanejetik yuꞌun te Diose. 32Jich yuꞌun lajinaik sjuꞌtesel te yaꞌtel te antibo ameꞌ-atatike te lijkem ta pasel yuꞌunike.
33“Jaꞌ pajalex sok chanetik te stsꞌumbal te jtiꞌawal chane. ¿Tutꞌil kꞌan kolanik te ba kastigoe? 34Ja sluwaril te ya jtikonbeyex tal te jꞌalwanejetik sok te machꞌatik ay spꞌijil yoꞌtanike sok te jpꞌijuteswanejetike. Ay ya amilik sok ay ya ajipanik ta krus. Sok ay ya amajik ta sinagogaetik sok ay tojtoj tenel lokꞌel awuꞌunik ta jujun jtejklume. 35Jich euk te jaꞌexe ya me akuchbeyik smalel xchꞌichꞌel spisil te machꞌatik ben lek yoꞌtanik te chamik baele. Jaꞌ to ta jꞌAbel te ben lek yoꞌtane jaꞌ to kꞌalal ta Zacarias te xnichꞌan Berequiase, te milot te ba xchikꞌojibal smajtan Dios te ba stiꞌil te temploe. 36Jamal ya kalbeyex: Jaꞌ me ya akuchik ta apisilik jaꞌex te kuxulex ta balmilal te ora to.
Te Jesuse la yokꞌetay te Jerusalene
37“Jaꞌex jtejklum Jerusalen te kꞌayemex ta smilel te alwanejetik yuꞌun te Diose sok te kꞌayemex ta swolel ta ton te machꞌatik Dios ya stikombeyex tal ta kꞌop ta atojolike. Bayal buelta te kꞌan jtsobex sok te awuntikilike, jich tutꞌil te mut te ya slutsꞌ ta yanil xikꞌ te xchꞌinik yale, pero ma la akꞌanik. 38Aꞌibeyaik awaꞌiy sluwar, ya me xjil ta akuenta atukelik te alumalike. 39Ya kalbeyex mismo ora to makꞌ me ya awilbikonix jsit a jaꞌ to teme ya awalik: “Ben tsaꞌam slekil te machꞌa tikonbil tal yuꞌun te Kajwaltike”, teme xchaexe —xchi te Jesuse.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Tzeltal de Amatenango © Sociedad Bíblica de México, 2006.