MATEO 28
28
Jicha kux tal te Jesuse
1Kꞌaxemix a te skꞌaalel te kuxo-oꞌtane, y sakubix tal a te kꞌinale ta primero kꞌaal yuꞌun te semanae, te xMaria Magdalena sok te jtul xan xMariae ba yilik te ba mukule. 2Tal tulan jikichab ta balmilal, yuꞌun jtul chꞌul ángel yuꞌun te Kajwaltike koj tal ta chꞌulchan. Tijilaj tal te ba mukule, la slokꞌes te mam mukꞌul ton te makbil aye y la snajkan sba ta sba te tone. 3Te chꞌul ángele xlemet jich tutꞌil te sanselawe. Ben sak te skꞌuꞌ-spakꞌe jich tutꞌil te jome. 4Kꞌalal la yilik te soltaroetike lom cham a yaꞌiyik yuꞌun, y chamen a laj jil yuꞌun te xiꞌele. 5Te chꞌul ángele la yalbe te antstike:
—Ma me xiꞌanik. Ya jnaꞌ te jaꞌ ya aleik te Jesus te milot ta kruse. 6Ma liꞌ ayukix to. Chaꞌkuxemix bael, jich tutꞌil te la yale. Laꞌ, ilawilik te ba la yakꞌik jilel te stiꞌbalule. 7Baanik ta ora, baan albeyaik te jnopojeletike te chaꞌkuxemix baele. Y ya me xnalaj bael awuꞌunik te ba Galileae. Teꞌ me ya xkꞌo awilik a. Jaꞌ me te tut ya kalbeyex to —xchi te chꞌul ángele.
8Jich te antstike la sjilesik te ba mukule, bajtik ta ora. Ben jun yoꞌtanik yuꞌun, aunke ya xiꞌik chꞌinuk te tuti altalanbote. Xyalajan kꞌoel ta yalbeyel te jnopojeletike. 9Pero te Jesuse la stajtalan ta be y la spatbe yoꞌtanik. Te antstike laj tijilajik tal te ba ay te Jesuse, la skejan sbaik y la skꞌechbeyik te yoke. 10Te Jesuse jich a yaltalanbe:
—Ma me xiꞌanik. Baanik, albeyaik te kermanotaktike aꞌ me bajtikuk te ba Galileae. Teꞌ me ya xkꞌo yilikon a —xchi te Jesuse.
Te tutik a kꞌo yalik te soltaroetike
11Te kꞌalal yipalik bael ta beel a te antstike, kꞌot euk te ba jtejklum te soltaroetik te skanantayeje te ba mujkeme. Kꞌo xcholbe yaꞌiyik te statal-saserdoteetik spisil te tuti kꞌot ta pasele. 12Jich te statal-saserdoteetik ba snop skꞌopik sok te moletik yuꞌun te jtejklume. La yaꞌbeyik bayal takꞌin te soltaroetike, 13sok la stsitsik bael:
—Te jaꞌexe jich me xꞌawalik: “Te tutꞌil wayalotik ta ajkꞌubal ae, tal te jnopojeletik yuꞌun te Jesuse, la yelkꞌanbeyik bael te stiꞌbalule”, xchaex me. 14Sok teme la yaꞌibe sluwaril te gobiernoe, joꞌotik me ya xba kꞌopojukotik awuꞌunik. Jich me makꞌ ya ata awokolik euk te jaꞌexe —xchiik.
15Jich te soltaroetike la yichꞌik te takꞌine y jicha lijk yalik te tut altalanbile. Te juriyoetike jich sigue ya yalbeyik skꞌoplal asta ora to.
Te Jesuse la yaꞌbe jilel yaꞌtel te jnopojeletike
16Jich te buluchtul jnopojeletik yuꞌun te Jesuse laj bajtik ta slum Galilea te ba wits te altalanbile. 17Te kꞌalal la yilik teꞌa te Jesuse, la skejan sbaik ta stojol. Pero ay chaꞌoxtul te ma spisiluk yoꞌtanik la xchꞌuunik te jaꞌ te Jesuse.
18Te Jesuse tijilaj tal te ba ayike. Jicha yal:
—Dios a yaꞌbonix ta jkuenta spisil te chꞌulchan sok te balmilale. 19Jich yuꞌun baanik, benanik ta bayuk. Albeyaik te ya xꞌochik ta jnopojel kuꞌune spisil ta jkaj te genteetik ta balmilale. Aꞌbeyaik yichꞌ jaꞌ ta sbiil te jTate sok ta jkuenta euk te Nichꞌanilone, sok ta skuenta te Chꞌul Espiritue. 20Sok aꞌbeyaik snopik xchꞌuunel spisil te jmantal te kalojbeyexe. Ma me xchꞌay ta awoꞌtanik te sil tiempo joyinejex ta jujun kꞌaale jaꞌto teme laj te balmilale —xchi te Jesuse. Jichuk.
Currently Selected:
MATEO 28: AMANNT
Highlight
Share
Copy
Want to have your highlights saved across all your devices? Sign up or sign in
Nuevo Testamento Tzeltal de Amatenango © Sociedad Bíblica de México, 2006.
MATEO 28
28
Jicha kux tal te Jesuse
1Kꞌaxemix a te skꞌaalel te kuxo-oꞌtane, y sakubix tal a te kꞌinale ta primero kꞌaal yuꞌun te semanae, te xMaria Magdalena sok te jtul xan xMariae ba yilik te ba mukule. 2Tal tulan jikichab ta balmilal, yuꞌun jtul chꞌul ángel yuꞌun te Kajwaltike koj tal ta chꞌulchan. Tijilaj tal te ba mukule, la slokꞌes te mam mukꞌul ton te makbil aye y la snajkan sba ta sba te tone. 3Te chꞌul ángele xlemet jich tutꞌil te sanselawe. Ben sak te skꞌuꞌ-spakꞌe jich tutꞌil te jome. 4Kꞌalal la yilik te soltaroetike lom cham a yaꞌiyik yuꞌun, y chamen a laj jil yuꞌun te xiꞌele. 5Te chꞌul ángele la yalbe te antstike:
—Ma me xiꞌanik. Ya jnaꞌ te jaꞌ ya aleik te Jesus te milot ta kruse. 6Ma liꞌ ayukix to. Chaꞌkuxemix bael, jich tutꞌil te la yale. Laꞌ, ilawilik te ba la yakꞌik jilel te stiꞌbalule. 7Baanik ta ora, baan albeyaik te jnopojeletike te chaꞌkuxemix baele. Y ya me xnalaj bael awuꞌunik te ba Galileae. Teꞌ me ya xkꞌo awilik a. Jaꞌ me te tut ya kalbeyex to —xchi te chꞌul ángele.
8Jich te antstike la sjilesik te ba mukule, bajtik ta ora. Ben jun yoꞌtanik yuꞌun, aunke ya xiꞌik chꞌinuk te tuti altalanbote. Xyalajan kꞌoel ta yalbeyel te jnopojeletike. 9Pero te Jesuse la stajtalan ta be y la spatbe yoꞌtanik. Te antstike laj tijilajik tal te ba ay te Jesuse, la skejan sbaik y la skꞌechbeyik te yoke. 10Te Jesuse jich a yaltalanbe:
—Ma me xiꞌanik. Baanik, albeyaik te kermanotaktike aꞌ me bajtikuk te ba Galileae. Teꞌ me ya xkꞌo yilikon a —xchi te Jesuse.
Te tutik a kꞌo yalik te soltaroetike
11Te kꞌalal yipalik bael ta beel a te antstike, kꞌot euk te ba jtejklum te soltaroetik te skanantayeje te ba mujkeme. Kꞌo xcholbe yaꞌiyik te statal-saserdoteetik spisil te tuti kꞌot ta pasele. 12Jich te statal-saserdoteetik ba snop skꞌopik sok te moletik yuꞌun te jtejklume. La yaꞌbeyik bayal takꞌin te soltaroetike, 13sok la stsitsik bael:
—Te jaꞌexe jich me xꞌawalik: “Te tutꞌil wayalotik ta ajkꞌubal ae, tal te jnopojeletik yuꞌun te Jesuse, la yelkꞌanbeyik bael te stiꞌbalule”, xchaex me. 14Sok teme la yaꞌibe sluwaril te gobiernoe, joꞌotik me ya xba kꞌopojukotik awuꞌunik. Jich me makꞌ ya ata awokolik euk te jaꞌexe —xchiik.
15Jich te soltaroetike la yichꞌik te takꞌine y jicha lijk yalik te tut altalanbile. Te juriyoetike jich sigue ya yalbeyik skꞌoplal asta ora to.
Te Jesuse la yaꞌbe jilel yaꞌtel te jnopojeletike
16Jich te buluchtul jnopojeletik yuꞌun te Jesuse laj bajtik ta slum Galilea te ba wits te altalanbile. 17Te kꞌalal la yilik teꞌa te Jesuse, la skejan sbaik ta stojol. Pero ay chaꞌoxtul te ma spisiluk yoꞌtanik la xchꞌuunik te jaꞌ te Jesuse.
18Te Jesuse tijilaj tal te ba ayike. Jicha yal:
—Dios a yaꞌbonix ta jkuenta spisil te chꞌulchan sok te balmilale. 19Jich yuꞌun baanik, benanik ta bayuk. Albeyaik te ya xꞌochik ta jnopojel kuꞌune spisil ta jkaj te genteetik ta balmilale. Aꞌbeyaik yichꞌ jaꞌ ta sbiil te jTate sok ta jkuenta euk te Nichꞌanilone, sok ta skuenta te Chꞌul Espiritue. 20Sok aꞌbeyaik snopik xchꞌuunel spisil te jmantal te kalojbeyexe. Ma me xchꞌay ta awoꞌtanik te sil tiempo joyinejex ta jujun kꞌaale jaꞌto teme laj te balmilale —xchi te Jesuse. Jichuk.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Tzeltal de Amatenango © Sociedad Bíblica de México, 2006.