MARCOS 4
4
Seña-kꞌop yuꞌun tsꞌunbajel
1Lijk xan ta pꞌijuteswane Jesus ta tiꞌmar. La stsob sbaik tal bayal genteetik y te Jesuse ba snakan sba ta barko te ay ta tiꞌmare. Spisil te genteetike tekꞌatik jilel ta tiꞌjaꞌ. 2Yo lijk ta nopeswane bayal tutik ta seña-kꞌop. Jich a yal ta nojpeswane:
3—Aꞌiya awaꞌiyik to: Ay jtul winik te bajt ta tsꞌunbajel. 4Te yipal ta swajel a te stsꞌunube, ay pꞌekajtik kꞌoel ta be. Tal tsꞌiin te teꞌtikil mutetike, la sweꞌik bael te tsꞌunubile. 5Yan kꞌot ta yolil tonetik te ba maꞌyuk lek slumile. Te tsꞌunubile chꞌi tal ta ora yuꞌun maꞌyuk lek slumil a. 6Kꞌalal lokꞌ tal te kꞌajkꞌale la xchikꞌ, yuꞌun maꞌyuk lek yisim. Tsꞌin a takej. 7Te yan tsꞌunubile kꞌot ta chꞌixetik. Y chꞌi te chꞌixetike y la stenik te tsꞌunubile. Ma yakꞌ sit tsꞌiin. 8Te yan tsꞌunubile kꞌot ta lekil lum. Chꞌi moel y toj lek a yakꞌ sit. Ay la yakꞌ treinta ta jpꞌej ta jun tsꞌunubil, te yane la yakꞌ sesenta ta jpꞌej, y te yane sien ta pꞌej —xchi te Jesuse.
9La yal tsꞌiin te Jesuse:
—Machꞌa ay xchikin a me yaꞌi te sluwar —xchi te Jesuse.
Te tut sluwaril te seña-kꞌopetike
10Kꞌalal xchꞌul tukel a jil te Jesuse, te machꞌatik tijil ay soke y sok te lajchaytul jnopojeletik lijk sjojkꞌobeyik tutꞌil ay sluwaril te seña-kꞌop te la yale. 11Te Jesuse la yalbe:
—Te jaꞌexe, Dios ya yaꞌbeyex anaꞌik te tutꞌil ay ta ajwalinel te maꞌyuk ta naꞌel skꞌoplal ta nail toe. Jaꞌ tsꞌiin te machꞌatik ayik ta afuera ya xꞌaltalanbot puru ta seña-kꞌop, 12yuꞌun jayebuk te ya yilik ta sitik, maꞌ snaꞌbeyik sluwaril, sok yuꞌun jayebuk buelta te ya xꞌalbote ma xkꞌot ta yoꞌtanik. Jich ma sujtes yoꞌtanik ta skuenta Dios sok makꞌ spasbot perdon a —xchi te Jesuse.
Jesus la yalbey sluwaril te seña-kꞌop te machꞌa bajt ta tsꞌunbajele
13Jich a yalbe:
—¿Ma xꞌanaꞌbeyik sluwaril te seña-kꞌop to? ¿Tutꞌil me ya anaꞌbeyik sluwaril te yanetik seña-kꞌop to? 14Te machꞌa ya stsꞌun te tsꞌunubile jajchik kꞌoem te machꞌa ya yal te skꞌop Diose. 15Te tsꞌunubil te kꞌot ta bee pajal kꞌoem sok te machꞌatik ya yaꞌiyik te skꞌop Diose, pero laj to nax yoꞌtanik ta yaꞌiyel a, ya xtal te Satanase, ya spojbe te skꞌop Dios te tsꞌunbot ta yoꞌtane. 16Te tsꞌunubil te kꞌot ta yolil tonetik pajal kꞌoem sok te machꞌatik ya yaꞌiyik te skꞌop Dios y ben gusto ya skꞌanik. 17Pero komo ma bayaluk ismajem ta yoꞌtanik te skꞌop Diose, jich ma xjalajik. Jaꞌ yuꞌun teme ya xkꞌax swokolik o teme ya xtal ilbajinel ta skaj te skꞌop Diose, ora ya xchꞌay te xchꞌuunel yoꞌtanik yuꞌun. 18Te tsꞌunubil te kꞌot ta yolil chꞌixetik pajal kꞌoem sok te machꞌatik ya yaꞌiyik te skꞌop Diose, 19pero te tutik skuenta balmilal jaꞌ ya smak sbaik a. Te slekil te kꞌulejalile jaꞌ ya xloꞌlaylanot yuꞌun, sok jaꞌ ya xbikꞌtaj yoꞌtanik yuꞌun spisil te tutik aye. Spisil to ya xkꞌot ta skuentaik ya smuk te skꞌop Diose jich ma xyakꞌ sitinuk. 20Pero ay yanetik ya yaꞌiyik te skꞌop Diose y ya xchꞌuunik sok ya yakꞌ lek sit, jich kꞌoem tutꞌil te tsꞌunubil te kꞌot ta lekil lume. Ay machꞌa jich a kꞌot tutꞌil mitsꞌojel te ya yakꞌ treinta ta pꞌej jun tsꞌunubil, te yane ya yakꞌ sesenta, y te yane ya yakꞌ sien ta pꞌej —xchi te Jesuse.
Seña kꞌop te kantil
21Sok la yalbe xan:
—Teme ya awichꞌ tal kantil, ¿me ya wan spas te ya atsꞌus ta kajon o ta yanil wayibal? Ma spas. Jun kantil toyol ya skꞌan tujchanel yuꞌun ya sakutes kꞌinal a. 22Jich mismo tsꞌin ekꞌa, maꞌyuk tut nakꞌal te ma xkꞌot ta chiknajele, sok maꞌyuk tut mukul a te ma xkꞌo yakꞌ sba ta chiknajele. 23Te machꞌa ay xchikinik, a me yaꞌi —xchi te Jesuse.
24Sok la yalbe xan:
—Akꞌa me ta awoꞌtanik te tut yipalex ta yaꞌiyele. Mismo te spꞌisil te tut ya apꞌisik ae, mismo jachik ya spꞌisbeyex ekꞌa te Diose, y ya me yaꞌbeyex ta mas to xan a. 25Pues te machꞌa te ay yuꞌune, ya xꞌaꞌbot xan ta mas. Pero te machꞌa maꞌyuk yuꞌune, spisil te chꞌin nax ay yuꞌune ya xpojbot sujtel —xchi te Jesuse.
Te seña-kꞌop te tutꞌil ya xchꞌi te tsꞌunubile
26Jesus la yal xan:
—Te tutꞌil ya xkꞌot ta ajwalil te Diose pajal kꞌoem sok te jtul winik te ya stsꞌun tsꞌunubil ta slum. 27Te winike ya xway ta ajkꞌubal sok ya xjajch ta sakubel kꞌinal, y te tsꞌunubile ya xchꞌi tal lokꞌel. Te winike maꞌyuk ta naꞌel yuꞌun te tutꞌil yipal tal ta chꞌiele. 28Jaꞌ te lume te ya yakꞌ chꞌiuk stukel. Nail ya xlokꞌ yaꞌnimal, patil ya yakꞌ sit, ta patil te site ya xyijub. 29Kꞌalal yijix a te site, ya xkꞌax ta tsobel, yuꞌun kꞌotix skꞌaalel a te kꞌajoje —xchi te Jesuse.
Te seña-kꞌop yuꞌun te sbakꞌ mostesiae
30La yal xan te Jesuse:
—¿Tut a te pajal kꞌoem sok te tutꞌil ya xkꞌot ta ajwalinel te Diose? ¿Tut ya jpatik sok a? 31Pajal sok jun sbakꞌ mostesiae te ya xtsꞌunot ta lume. Jaꞌ mas chꞌin yuꞌun spisil te tsꞌunubil te ay ta balmilale. 32Teme ya xtsꞌunote ya xchꞌi y mas mukꞌ ya xkꞌot yuꞌun spisil wamaletik te ba ortalisae. Mukꞌ ya xkꞌot skꞌabkꞌabe asta ya xtal yakꞌ xpechechik te teꞌtikil mutetik ta yanil te yaꞌnimal —xchi te Jesuse.
Te Jesuse bayal seña-kꞌop a yal
33Jich a yal ta pꞌijuteswanej ta skꞌop Dios te Jesuse ta puro ta seña kꞌop chikan te ba kꞌalal la yaꞌiybeyik sluware. 34Pero maꞌyuk a yal te ma ta seña-kꞌopuke. Yan te jnopojeletik klaro la yalbe spisil ta parte.
Jesus la skom te ikꞌe sok te spuersa jaꞌe
35Ta yochel ajkꞌubal ja mismo kꞌaal, Jesus la yalbe te jnopojeletik yuꞌune:
—Konik ta jechjaꞌ —xchi.
36Jaꞌ yuꞌun la sjilesik tsꞌin te genteetike y la yikꞌik bael ta barko te Jesuse. Sok ay xan barkoetik te ya sjoyinik baele. 37Jich a tal ben tulan ikꞌ tsꞌiin, asta och jaꞌ ekꞌa te ta yutil te barkoe, asta kꞌan nojuk ta jaꞌ. 38Te Jesuse wayal ta yit barko sok yichꞌoj stsꞌamjol. Te jnopojeletik la stijik y la yalbeyik:
—¡Maestro! ¿Meꞌn ma yajtaluk awoꞌtan te yipalotik ta mujkele? —xchiik.
39Jajch tsꞌiin te Jesuse. La yalbe mantal te ikꞌe sok la yalbe ekꞌa te mare:
—¡Chꞌenan, senan aba! —la yut.
Kom tsꞌiin te ikꞌe, y ben tsaꞌam a jil. 40Patil la yalbe Jesus te nopojeletike:
—¿Tuꞌun bayal xiꞌexe? ¿Me yuꞌun ma to ayuk xchꞌuunel awoꞌtanik? —xchi.
41Pero te stukelike bayal xiꞌel ay ta yoꞌtanik. La sjokꞌobey sbaik:
—¿Machꞌa wan a to, asta ikꞌ sok mar ya xchꞌuumbot smantal yuꞌun? —xchiik.
Currently Selected:
MARCOS 4: AMANNT
Highlight
Share
Copy
Want to have your highlights saved across all your devices? Sign up or sign in
Nuevo Testamento Tzeltal de Amatenango © Sociedad Bíblica de México, 2006.
MARCOS 4
4
Seña-kꞌop yuꞌun tsꞌunbajel
1Lijk xan ta pꞌijuteswane Jesus ta tiꞌmar. La stsob sbaik tal bayal genteetik y te Jesuse ba snakan sba ta barko te ay ta tiꞌmare. Spisil te genteetike tekꞌatik jilel ta tiꞌjaꞌ. 2Yo lijk ta nopeswane bayal tutik ta seña-kꞌop. Jich a yal ta nojpeswane:
3—Aꞌiya awaꞌiyik to: Ay jtul winik te bajt ta tsꞌunbajel. 4Te yipal ta swajel a te stsꞌunube, ay pꞌekajtik kꞌoel ta be. Tal tsꞌiin te teꞌtikil mutetike, la sweꞌik bael te tsꞌunubile. 5Yan kꞌot ta yolil tonetik te ba maꞌyuk lek slumile. Te tsꞌunubile chꞌi tal ta ora yuꞌun maꞌyuk lek slumil a. 6Kꞌalal lokꞌ tal te kꞌajkꞌale la xchikꞌ, yuꞌun maꞌyuk lek yisim. Tsꞌin a takej. 7Te yan tsꞌunubile kꞌot ta chꞌixetik. Y chꞌi te chꞌixetike y la stenik te tsꞌunubile. Ma yakꞌ sit tsꞌiin. 8Te yan tsꞌunubile kꞌot ta lekil lum. Chꞌi moel y toj lek a yakꞌ sit. Ay la yakꞌ treinta ta jpꞌej ta jun tsꞌunubil, te yane la yakꞌ sesenta ta jpꞌej, y te yane sien ta pꞌej —xchi te Jesuse.
9La yal tsꞌiin te Jesuse:
—Machꞌa ay xchikin a me yaꞌi te sluwar —xchi te Jesuse.
Te tut sluwaril te seña-kꞌopetike
10Kꞌalal xchꞌul tukel a jil te Jesuse, te machꞌatik tijil ay soke y sok te lajchaytul jnopojeletik lijk sjojkꞌobeyik tutꞌil ay sluwaril te seña-kꞌop te la yale. 11Te Jesuse la yalbe:
—Te jaꞌexe, Dios ya yaꞌbeyex anaꞌik te tutꞌil ay ta ajwalinel te maꞌyuk ta naꞌel skꞌoplal ta nail toe. Jaꞌ tsꞌiin te machꞌatik ayik ta afuera ya xꞌaltalanbot puru ta seña-kꞌop, 12yuꞌun jayebuk te ya yilik ta sitik, maꞌ snaꞌbeyik sluwaril, sok yuꞌun jayebuk buelta te ya xꞌalbote ma xkꞌot ta yoꞌtanik. Jich ma sujtes yoꞌtanik ta skuenta Dios sok makꞌ spasbot perdon a —xchi te Jesuse.
Jesus la yalbey sluwaril te seña-kꞌop te machꞌa bajt ta tsꞌunbajele
13Jich a yalbe:
—¿Ma xꞌanaꞌbeyik sluwaril te seña-kꞌop to? ¿Tutꞌil me ya anaꞌbeyik sluwaril te yanetik seña-kꞌop to? 14Te machꞌa ya stsꞌun te tsꞌunubile jajchik kꞌoem te machꞌa ya yal te skꞌop Diose. 15Te tsꞌunubil te kꞌot ta bee pajal kꞌoem sok te machꞌatik ya yaꞌiyik te skꞌop Diose, pero laj to nax yoꞌtanik ta yaꞌiyel a, ya xtal te Satanase, ya spojbe te skꞌop Dios te tsꞌunbot ta yoꞌtane. 16Te tsꞌunubil te kꞌot ta yolil tonetik pajal kꞌoem sok te machꞌatik ya yaꞌiyik te skꞌop Dios y ben gusto ya skꞌanik. 17Pero komo ma bayaluk ismajem ta yoꞌtanik te skꞌop Diose, jich ma xjalajik. Jaꞌ yuꞌun teme ya xkꞌax swokolik o teme ya xtal ilbajinel ta skaj te skꞌop Diose, ora ya xchꞌay te xchꞌuunel yoꞌtanik yuꞌun. 18Te tsꞌunubil te kꞌot ta yolil chꞌixetik pajal kꞌoem sok te machꞌatik ya yaꞌiyik te skꞌop Diose, 19pero te tutik skuenta balmilal jaꞌ ya smak sbaik a. Te slekil te kꞌulejalile jaꞌ ya xloꞌlaylanot yuꞌun, sok jaꞌ ya xbikꞌtaj yoꞌtanik yuꞌun spisil te tutik aye. Spisil to ya xkꞌot ta skuentaik ya smuk te skꞌop Diose jich ma xyakꞌ sitinuk. 20Pero ay yanetik ya yaꞌiyik te skꞌop Diose y ya xchꞌuunik sok ya yakꞌ lek sit, jich kꞌoem tutꞌil te tsꞌunubil te kꞌot ta lekil lume. Ay machꞌa jich a kꞌot tutꞌil mitsꞌojel te ya yakꞌ treinta ta pꞌej jun tsꞌunubil, te yane ya yakꞌ sesenta, y te yane ya yakꞌ sien ta pꞌej —xchi te Jesuse.
Seña kꞌop te kantil
21Sok la yalbe xan:
—Teme ya awichꞌ tal kantil, ¿me ya wan spas te ya atsꞌus ta kajon o ta yanil wayibal? Ma spas. Jun kantil toyol ya skꞌan tujchanel yuꞌun ya sakutes kꞌinal a. 22Jich mismo tsꞌin ekꞌa, maꞌyuk tut nakꞌal te ma xkꞌot ta chiknajele, sok maꞌyuk tut mukul a te ma xkꞌo yakꞌ sba ta chiknajele. 23Te machꞌa ay xchikinik, a me yaꞌi —xchi te Jesuse.
24Sok la yalbe xan:
—Akꞌa me ta awoꞌtanik te tut yipalex ta yaꞌiyele. Mismo te spꞌisil te tut ya apꞌisik ae, mismo jachik ya spꞌisbeyex ekꞌa te Diose, y ya me yaꞌbeyex ta mas to xan a. 25Pues te machꞌa te ay yuꞌune, ya xꞌaꞌbot xan ta mas. Pero te machꞌa maꞌyuk yuꞌune, spisil te chꞌin nax ay yuꞌune ya xpojbot sujtel —xchi te Jesuse.
Te seña-kꞌop te tutꞌil ya xchꞌi te tsꞌunubile
26Jesus la yal xan:
—Te tutꞌil ya xkꞌot ta ajwalil te Diose pajal kꞌoem sok te jtul winik te ya stsꞌun tsꞌunubil ta slum. 27Te winike ya xway ta ajkꞌubal sok ya xjajch ta sakubel kꞌinal, y te tsꞌunubile ya xchꞌi tal lokꞌel. Te winike maꞌyuk ta naꞌel yuꞌun te tutꞌil yipal tal ta chꞌiele. 28Jaꞌ te lume te ya yakꞌ chꞌiuk stukel. Nail ya xlokꞌ yaꞌnimal, patil ya yakꞌ sit, ta patil te site ya xyijub. 29Kꞌalal yijix a te site, ya xkꞌax ta tsobel, yuꞌun kꞌotix skꞌaalel a te kꞌajoje —xchi te Jesuse.
Te seña-kꞌop yuꞌun te sbakꞌ mostesiae
30La yal xan te Jesuse:
—¿Tut a te pajal kꞌoem sok te tutꞌil ya xkꞌot ta ajwalinel te Diose? ¿Tut ya jpatik sok a? 31Pajal sok jun sbakꞌ mostesiae te ya xtsꞌunot ta lume. Jaꞌ mas chꞌin yuꞌun spisil te tsꞌunubil te ay ta balmilale. 32Teme ya xtsꞌunote ya xchꞌi y mas mukꞌ ya xkꞌot yuꞌun spisil wamaletik te ba ortalisae. Mukꞌ ya xkꞌot skꞌabkꞌabe asta ya xtal yakꞌ xpechechik te teꞌtikil mutetik ta yanil te yaꞌnimal —xchi te Jesuse.
Te Jesuse bayal seña-kꞌop a yal
33Jich a yal ta pꞌijuteswanej ta skꞌop Dios te Jesuse ta puro ta seña kꞌop chikan te ba kꞌalal la yaꞌiybeyik sluware. 34Pero maꞌyuk a yal te ma ta seña-kꞌopuke. Yan te jnopojeletik klaro la yalbe spisil ta parte.
Jesus la skom te ikꞌe sok te spuersa jaꞌe
35Ta yochel ajkꞌubal ja mismo kꞌaal, Jesus la yalbe te jnopojeletik yuꞌune:
—Konik ta jechjaꞌ —xchi.
36Jaꞌ yuꞌun la sjilesik tsꞌin te genteetike y la yikꞌik bael ta barko te Jesuse. Sok ay xan barkoetik te ya sjoyinik baele. 37Jich a tal ben tulan ikꞌ tsꞌiin, asta och jaꞌ ekꞌa te ta yutil te barkoe, asta kꞌan nojuk ta jaꞌ. 38Te Jesuse wayal ta yit barko sok yichꞌoj stsꞌamjol. Te jnopojeletik la stijik y la yalbeyik:
—¡Maestro! ¿Meꞌn ma yajtaluk awoꞌtan te yipalotik ta mujkele? —xchiik.
39Jajch tsꞌiin te Jesuse. La yalbe mantal te ikꞌe sok la yalbe ekꞌa te mare:
—¡Chꞌenan, senan aba! —la yut.
Kom tsꞌiin te ikꞌe, y ben tsaꞌam a jil. 40Patil la yalbe Jesus te nopojeletike:
—¿Tuꞌun bayal xiꞌexe? ¿Me yuꞌun ma to ayuk xchꞌuunel awoꞌtanik? —xchi.
41Pero te stukelike bayal xiꞌel ay ta yoꞌtanik. La sjokꞌobey sbaik:
—¿Machꞌa wan a to, asta ikꞌ sok mar ya xchꞌuumbot smantal yuꞌun? —xchiik.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Tzeltal de Amatenango © Sociedad Bíblica de México, 2006.