Jang 3
3
1Pêtrôs păng Yôhan năm tơ hnam akŭm 'Bok Kei-Dei tơm. Sư pơtơm dih băl đơ̆ng pêng jơ kơsơ̆ wă akŭm krao khan păng đe. 2Đei minh 'nu bơngai hơwen hơwo đơ̆ng nge, đơ̆ng mĕ sư tơpŭ. Rim năr đei bơngai năm tung ba sư tơ hnam akŭm 'Bok Kei-Dei tơm tơoei sư 'bơ̆t 'măng tơm. 'Măng tơm ei đe anăn 'Măng Tơm 'Lơ̆ng Rŏ. Na bơngai hơwen hơwo ei apinh jên lu bơngai năm akŭm. 3Lăp sư 'bôh bre Pêtrôs păng Yôhan wă mơ̆t akŭm, sư apinh jên bre sư. 4Bre Pêtrôs lăng sư pơnhên. Đơ̆ng noh Pêtrôs khan: “Bơngai hơwen hơwo, ih lăng nhi.”
5Na sư lăng bre sư. Sư ngêh kơ bre Pêtrôs wă ăn kơ sư jên. 6Mă-lei Pêtrôs khan kơ sư: “Inh ưh kơ đei jên ôh, mă-lei inh tơgŭm ih. Yua anăn Yêsu Krist Pơlei Nasaret, yak bĕ.”
7Đơ̆ng noh Pêtrôs rôp ti sư gah 'ma tơiung sư. Jơ̆ng sư jing pran hloi. 8Sư iung 'ngrơh gơh yak. Sư hơdai wang mơ̆t tơ hnam akŭm 'Bok Kei-Dei hơdai bre Pêtrôs păng Yôhan mơ̆n. Sư yak 'lơ̆ng, jơhngơ̆m sư hiôk păng sư bơnê kơ 'Bok Kei-Dei pơklaih sư. 9Đĭ-đăng bơngai lăm hnam akŭm ei 'bôh sư gơh yak păng bơnê kơ 'Bok Kei-Dei. 10Đe kơnăl kơ sư đêl hmă oei 'bơ̆t 'măng tơm apinh jên. Na đe lăm hnam ei sơleng kơ đon yua kơ sư gơh yak boih.
Pêtrôs bơtho đe tơ Pra Sôlômôn
11Bơngai hơwen hơwo ei rôp ti bre Pêtrôs păng Yôhan. Lu sư oei 'bơ̆t pra hnam akŭm 'Bok Kei-Dei tơm, anăn Pra Sôlômôn. Na đĭ-đăng bơngai tơ ei sơleng kơ đon năm tơ lu sư. 12Pêtrôs 'bôh lu sư năm na khan kơ lu sư: “Ơ khŭl Isơrael, iĕm ưh pơwao kiơ kơ đon, na iĕm lăng 'bloh kơ nhi tơdrong nhi pơklaih bơngai hơwen hơwo âu khan tơdrong mơsêh nhi pơm kơdih yua kơ nhi bơngai 'lơ̆ng? Ưh ôh. 13-14'Nâu dơ̆ng, lu kơdră bơ̆n sơ̆ thoi đe Abraham, Isăk, Jakôp, sư lui kơ 'Bok Kei-Dei. Na dang ei 'Bok Kei-Dei pôk atŏk Kon Sư Yêsu pơm tih. Ki iĕm jao Yêsu tơ Pilat wă sek tơlang Yêsu bơngai 'lơ̆ng tơpăt, na Pilat wă achăng Sư ră, mă-lei lu iĕm ưh kơ wă kơ Yêsu ôh. Lu iĕm khan wă pơ̆ng pơlôch Sư tơ 'long pơglang đĕch. Iĕm apinh Pilat tơlĕch ăn kơ iĕm bơngai juăt kơ pơlôch đe, 15iĕm pơlôch Yêsu bơngai mă gơh ăn kơ bơ̆n arih ling-lang. Mă-lei 'Bok Kei-Dei tơiung arih Sư boih. Nhôn kư̆m 'bôh Sư arih boih tơpă. 16Yua kơ Yêsu, bơngai âu jing pran dơ̆ng. Iĕm băt boih kơ bơngai hơwen hơwo âu đơ̆ng sơ̆. Yua kơ nhôn gơnang kơ Yêsu tơpă na bơngai hơwen hơwo âu gơh klaih. Dang ei iĕm 'bôh sư klaih boih.
17“Ơ đe 'nhŏng oh, iĕm ưh kơ băt kơ Sư na iĕm pơlôch Sư Kon 'Bok Kei-Dei, lu 'bok tih iĕm kư̆m hơdai ưh kơ băt mơ̆n. 18Mă-lei tơdrong noh trŏ kơ 'Bok Kei-Dei pơkă sơ̆. 'Bok Kei-Dei yua đĭ-đăng lu bơngai khan lê̆ hơdrol sơ̆ pơkă 'Bok Krist gô lôch pơmat. 19Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt; 20Sư gô wơh Yêsu Krist 'Bok Dŏng Pơklaih mă Sư rơih boih jur wă pơgơ̆r bơ̆n. 21Dang ei Yêsu oei tơ plĕnh truh tơ năr tôch kơnh. Sư wă jur tơ teh dơ̆ng na Sư gô pơm ming tôm tơdrong 'nao 'lơ̆ng dơ̆ng, kư̆m thoi 'Bok Kei-Dei ăn lu bơngai khan lê̆ hơdrol sơ̆. 22Thoi Môis khan sơ̆: ‘'Bok Kei-Dei gô ăn kơ iĕm minh 'nu bơngai đơ̆ng khŭl bơ̆n wă pơtruh nơ̆r Sư kư̆m thoi inh mơ̆n. Iĕm athei chu mơ̆ng dôm nơ̆r Sư pơma kơ iĕm. 23Bơngai bu ưh kơ chu yom Sư, iĕm athei pơlôch tŭk sư.’ 24Đĭ-đăng bơngai pơtruh nơ̆r 'Bok Kei-Dei sơ̆ jô̆ đơ̆ng 'bok Samuel kư̆m khan lê̆ hơdrol gah tơdrong Yêsu mă bơ̆n 'bôh dang ei.
25“Bơ̆n boih kon sâu lu bơngai khan lê̆ hơdrol noh. 'Bok Kei-Dei pơkă ăn kơ lu 'bok kơdră bơ̆n sơ̆, Sư kư̆m pơkă ăn kơ bơ̆n lei-lăi mơ̆n. Sư khan kơ Abraham: ‘Yua kơ đei minh 'nu Kon Sâu ih na đĭ-đăng khŭl bơngai ala teh gô hiôk.’ 26'Bok Kei-Dei wơh Kon Sư năm tơ bơ̆n đe khŭl Isơrael hơdrol 'mơ̆i wă pơklaih đĭ-đăng kơ bơ̆n đơ̆ng tơdrong yoch ăn kơ bơ̆n hiôk ling-lang.”
Lu kră bơngai Juđê sek tơlang bre Pêtrôs păng Yôhan
Currently Selected:
Jang 3: bdq
Highlight
Share
Copy
Want to have your highlights saved across all your devices? Sign up or sign in
©Bahnar Bible Association. All rights reserved.
Jang 3
3
1Pêtrôs păng Yôhan năm tơ hnam akŭm 'Bok Kei-Dei tơm. Sư pơtơm dih băl đơ̆ng pêng jơ kơsơ̆ wă akŭm krao khan păng đe. 2Đei minh 'nu bơngai hơwen hơwo đơ̆ng nge, đơ̆ng mĕ sư tơpŭ. Rim năr đei bơngai năm tung ba sư tơ hnam akŭm 'Bok Kei-Dei tơm tơoei sư 'bơ̆t 'măng tơm. 'Măng tơm ei đe anăn 'Măng Tơm 'Lơ̆ng Rŏ. Na bơngai hơwen hơwo ei apinh jên lu bơngai năm akŭm. 3Lăp sư 'bôh bre Pêtrôs păng Yôhan wă mơ̆t akŭm, sư apinh jên bre sư. 4Bre Pêtrôs lăng sư pơnhên. Đơ̆ng noh Pêtrôs khan: “Bơngai hơwen hơwo, ih lăng nhi.”
5Na sư lăng bre sư. Sư ngêh kơ bre Pêtrôs wă ăn kơ sư jên. 6Mă-lei Pêtrôs khan kơ sư: “Inh ưh kơ đei jên ôh, mă-lei inh tơgŭm ih. Yua anăn Yêsu Krist Pơlei Nasaret, yak bĕ.”
7Đơ̆ng noh Pêtrôs rôp ti sư gah 'ma tơiung sư. Jơ̆ng sư jing pran hloi. 8Sư iung 'ngrơh gơh yak. Sư hơdai wang mơ̆t tơ hnam akŭm 'Bok Kei-Dei hơdai bre Pêtrôs păng Yôhan mơ̆n. Sư yak 'lơ̆ng, jơhngơ̆m sư hiôk păng sư bơnê kơ 'Bok Kei-Dei pơklaih sư. 9Đĭ-đăng bơngai lăm hnam akŭm ei 'bôh sư gơh yak păng bơnê kơ 'Bok Kei-Dei. 10Đe kơnăl kơ sư đêl hmă oei 'bơ̆t 'măng tơm apinh jên. Na đe lăm hnam ei sơleng kơ đon yua kơ sư gơh yak boih.
Pêtrôs bơtho đe tơ Pra Sôlômôn
11Bơngai hơwen hơwo ei rôp ti bre Pêtrôs păng Yôhan. Lu sư oei 'bơ̆t pra hnam akŭm 'Bok Kei-Dei tơm, anăn Pra Sôlômôn. Na đĭ-đăng bơngai tơ ei sơleng kơ đon năm tơ lu sư. 12Pêtrôs 'bôh lu sư năm na khan kơ lu sư: “Ơ khŭl Isơrael, iĕm ưh pơwao kiơ kơ đon, na iĕm lăng 'bloh kơ nhi tơdrong nhi pơklaih bơngai hơwen hơwo âu khan tơdrong mơsêh nhi pơm kơdih yua kơ nhi bơngai 'lơ̆ng? Ưh ôh. 13-14'Nâu dơ̆ng, lu kơdră bơ̆n sơ̆ thoi đe Abraham, Isăk, Jakôp, sư lui kơ 'Bok Kei-Dei. Na dang ei 'Bok Kei-Dei pôk atŏk Kon Sư Yêsu pơm tih. Ki iĕm jao Yêsu tơ Pilat wă sek tơlang Yêsu bơngai 'lơ̆ng tơpăt, na Pilat wă achăng Sư ră, mă-lei lu iĕm ưh kơ wă kơ Yêsu ôh. Lu iĕm khan wă pơ̆ng pơlôch Sư tơ 'long pơglang đĕch. Iĕm apinh Pilat tơlĕch ăn kơ iĕm bơngai juăt kơ pơlôch đe, 15iĕm pơlôch Yêsu bơngai mă gơh ăn kơ bơ̆n arih ling-lang. Mă-lei 'Bok Kei-Dei tơiung arih Sư boih. Nhôn kư̆m 'bôh Sư arih boih tơpă. 16Yua kơ Yêsu, bơngai âu jing pran dơ̆ng. Iĕm băt boih kơ bơngai hơwen hơwo âu đơ̆ng sơ̆. Yua kơ nhôn gơnang kơ Yêsu tơpă na bơngai hơwen hơwo âu gơh klaih. Dang ei iĕm 'bôh sư klaih boih.
17“Ơ đe 'nhŏng oh, iĕm ưh kơ băt kơ Sư na iĕm pơlôch Sư Kon 'Bok Kei-Dei, lu 'bok tih iĕm kư̆m hơdai ưh kơ băt mơ̆n. 18Mă-lei tơdrong noh trŏ kơ 'Bok Kei-Dei pơkă sơ̆. 'Bok Kei-Dei yua đĭ-đăng lu bơngai khan lê̆ hơdrol sơ̆ pơkă 'Bok Krist gô lôch pơmat. 19Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt; 20Sư gô wơh Yêsu Krist 'Bok Dŏng Pơklaih mă Sư rơih boih jur wă pơgơ̆r bơ̆n. 21Dang ei Yêsu oei tơ plĕnh truh tơ năr tôch kơnh. Sư wă jur tơ teh dơ̆ng na Sư gô pơm ming tôm tơdrong 'nao 'lơ̆ng dơ̆ng, kư̆m thoi 'Bok Kei-Dei ăn lu bơngai khan lê̆ hơdrol sơ̆. 22Thoi Môis khan sơ̆: ‘'Bok Kei-Dei gô ăn kơ iĕm minh 'nu bơngai đơ̆ng khŭl bơ̆n wă pơtruh nơ̆r Sư kư̆m thoi inh mơ̆n. Iĕm athei chu mơ̆ng dôm nơ̆r Sư pơma kơ iĕm. 23Bơngai bu ưh kơ chu yom Sư, iĕm athei pơlôch tŭk sư.’ 24Đĭ-đăng bơngai pơtruh nơ̆r 'Bok Kei-Dei sơ̆ jô̆ đơ̆ng 'bok Samuel kư̆m khan lê̆ hơdrol gah tơdrong Yêsu mă bơ̆n 'bôh dang ei.
25“Bơ̆n boih kon sâu lu bơngai khan lê̆ hơdrol noh. 'Bok Kei-Dei pơkă ăn kơ lu 'bok kơdră bơ̆n sơ̆, Sư kư̆m pơkă ăn kơ bơ̆n lei-lăi mơ̆n. Sư khan kơ Abraham: ‘Yua kơ đei minh 'nu Kon Sâu ih na đĭ-đăng khŭl bơngai ala teh gô hiôk.’ 26'Bok Kei-Dei wơh Kon Sư năm tơ bơ̆n đe khŭl Isơrael hơdrol 'mơ̆i wă pơklaih đĭ-đăng kơ bơ̆n đơ̆ng tơdrong yoch ăn kơ bơ̆n hiôk ling-lang.”
Lu kră bơngai Juđê sek tơlang bre Pêtrôs păng Yôhan
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bahnar Bible Association. All rights reserved.