Le 14
14
Pharaôn păng linh sư druh kon pơlei Isơrael
1Kră Yang khan kơ Môis: 2Roi tơbăt bĕ kơ kon pơlei Isơrael athei năm wơ̆t tơ rŏng pơm anih pơdơh tơ jê̆ Pi Hahirôt, sơlam Mikdôl păng đak dơsĭ, tơklă Baal Sêphôn lu iĕm athei oei pơdơh pơm anih, jê̆ đak dơsĭ. 3Pharaôn khan lu kon pơlei Isơrael gô wơ̆l kơ trong, chă wih wơ̆t lăm char glă. 4Inh gô pơm kơ Pharaôn arăng kơ̆l ưh kơ chu, sư gô druh kon pơlei Isơrael Inh gô đei ư-ang yua kơ đơ̆ng Pharaôn păng lu linh sư; na bơngai Êyiptơ gô băt Inh bơih Kră Yang. Kon pơlei Isơrael mă pơm thoi noh.
5Kơplah đe roi kơ pơtao Êyiptơ khan kon pơlei Hêbrơ kơdâu jăk đĭ boih, jơhngơ̆m Pharaôn păng lu bơngai bơ̆jang kơ sư, tơplih hloi, lu sư khan: Lu bơ̆n pơm thoi âu, achăng lê̆ kon pơlei Isơrael năm, ưh pă bơ̆jang kơ bơ̆n dơ̆ng. 6Pharaôn tŏk gre aseh hloi păng chông ba lu linh kiơ̆ sư. 7Sư iŏk chĕp ba tơdrâu-hrĕng tŏ gre aseh mă 'lơ̆ng hloh păng đĭ-đăng gre aseh nai dơ̆ng đơ̆ng lăm dêh Êyiptơ, rim kơ gre aseh noh đei lu yŏng linh kiơ̆ pơgơ̆r. 8Kră Yang pơm kơ Pharaôn pơtao dêh Êyiptơ, arăng kơ̆l, druh kon pơlei Isơrael; mă-lei kon pơlei Isơrael nuih yak năm tơpăt tơ anăp hloi. 9Bơngai Êyiptơ druh lu sư păng đĭ-đăng aseh gre aseh, lu linh chĕp gre aseh păng lu linh Pharaôn, druh tam kon pơlei Isơrael, oei pơdơh tơ jê̆ đak dơsĭ, Phihahirôt, tơklă Baal Sêphôn.
10Wă lăp 'bôh Pharaôn păng lu linh dêh Êyiptơ druh wă tam đơ̆ng rŏng lu sư, na lu kon pơlei Isơrael hli dêh krao ôr apinh Kră Yang. 11Lu sư khan kơ Môis: “Tơ dêh Êyiptơ ưh kơ đei anih 'bŭ bơngai ôh hă, na ih ngĕ kơ chông ba lu nhôn năm lôch tơ char glă? Ih wă pơm kiơ kơ nhôn, ăn kơ lu nhôn lĕch đơ̆ng dêh Êyiptơ? 12Kơplah oei tơ dêh Êyiptơ lu nhôn đei khan kơ ih bơih. Lê̆ lu nhôn pơm đĭch đam kon pơlei Êyiptơ, chu bơ̆jang ăn lu sư đĕch hiôk hloh kơ wă lôch tơ char glă!”
13Môis drơ̆ng kon pơlei khan: 'Nĕ kơ hli ôh, oei mă kơjăp bĕ, na lăng lu iĕm gô 'bôh tơdrong dŏng pơklaih đơ̆ng Kră Yang năr âu, lu bơngai Êyiptơ mă lu iĕm 'bôh lu sư năr 'nâu, lu iĕm ưh pă đei layơ wă 'bôh lu sư dơ̆ng. 14Kră Yang gô tơblah tơgŭm iĕm, lu iĕm kư̆ oei mă hơđơ̆ng.
15Kră Yang khan kơ Môis: Liơ lu iĕm ôr krao chă Inh? Khan kơ kon pơlei Isơrael kư̆ yak tơ anăp; 16Na ih athei yơ̆r 'long jra tơ kơpal, chro ti tơ đak dơsĭ, tơklah lê̆ đak 'bar pah, na kon pơlei Isơrael gô jur lăm đak dơsĭ yak năm thoi kơpal teh hrĕng. 17Na Inh gô pơm kơ kon pơlei Êyiptơ kơ̆l arăng gô jur druh kiơ̆ kon pơlei Isơrael lăm đak dơsĭ, đơ̆ng noh Anăn Inh gô đei ư-ang yua kơ Pharaôn păng đĭ-đăng lu linh sư, lu bơngai chĕp gre aseh sư. 18Anăn Inh gô ư-ang yua kơ Pharaôn, gre aseh sư, lu linh chĕp gre aseh sư, lei na bơngai Êyiptơ gô băt kơ Inh Kră Yang.
19Linh jang 'lơ̆ng Kră Yang 'Bok Kei-Dei oei năm adrol kơ lu kon pơlei Isơrael kơplah noh păng hơlơ̆k yak kiơ̆ đơ̆ng rŏng lu sư; na jrăng hơmơ̆l kư̆m năm đơ̆ng rŏng kơ kon pơlei; 20Jrăng hơmơ̆l dơ̆ng sơlam khŭl linh bơngai Êyiptơ păng khŭl linh kon pơlei Isơrael, đei hơmơ̆l găn măng mu tơ minh pah âu, na minh pah to hơdah na prăt măng 'bar khŭl ưh kơ đei gơh năm tơ jê̆ băl.
Truh hlôi kơ đak dơsĭ 'brê; linh Êyiptơ glơ̆k kơ đak
21Môis yơ̆r ti sư tơ đak dơsĭ Kră Yang pơm kial tih đơ̆ng gah hơlĕch tơthu tơ đak dơsĭ pơm kơ đak akŭm tơklah asong 'bar pah jing teh hrĕng, 22kon pơlei Isơrael jur lăm đak dơsĭ, yak năm thoi kơpal teh hrĕng; na đak pĕng thoi bơnơ̆ tơ 'bar pah gah 'ma păng gah 'ngiĕo kơ lu sư.
23Lu bơngai Êyiptơ druh kiơ̆ lu sư; đĭ-đăng aseh, gre aseh sư păng lu chĕp gre aseh Pharaôn, lu sư mơ̆t kiơ̆ đơ̆ng rŏng jur lăm tŏk-bŏk đak dơsĭ. 24Đơ̆ng noh lăp măng wă đĭ, Kră Yang đơ̆ng lăm jrăng hơmơ̆l păng jrăng ŭnh, lăng tơ khŭl linh bơngai Êyiptơ, pơm hloi kơ lu sư hli hơwơ̆l hơwang. 25Kră Yang pơm kơ lu jơ̆ng gre lu sư, tơplôh lu sư tŭn hor pơmat-tat gre aseh pă gơh kơdâu. Na bơngai Êyiptơ khan dih băl: Bĕ bơ̆n kơdâu weh đơ̆ng kon pơlei Isơrael, yua kơ Kră Yang tơblah bơngai Êyiptơ dŏng lu sư.
26Kră Yang khan kơ Môis: Yơ̆r bĕ ti ih tơ đak dơsĭ, wă kơ đak dơsĭ lơ̆p lu bơngai Êyiptơ păng khŭl linh chĕp gre aseh lu sư. 27Thoi noh Môis yơ̆r ti sư hloi tơ đak dơsĭ, kiơ̆ pơgê oei hrôih, na đak dơsĭ hơlơ̆k klơ̆p thoi đêl, lu bơngai Êyiptơ kơdâu weh ră mă-lei Kră Yang tơlơ̆ pơlôch đĭ lu sư lăm đak dơsĭ. 28Na đak lơ̆p klơ̆p đĭ hloi khŭl linh chĕp gre aseh, hăm đĭ-đăng lu linh Pharaôn lu druh jur kiơ̆ kon pơlei Isơrael lăm đak dơsĭ, ưh kơ đei minh 'nu bu klaih.
29Mă-lei lu kon pơlei Isơrael năm yak tŏk-bŏk đak dơsĭ thoi kơpal teh kông hrĕng; đak pơm bơnơ̆ pĕng gah 'ma păng gah 'ngiĕo. 30Lăm năr 'noh, Kră Yang pơklaih kon pơlei Isơrael đơ̆ng ti bơngai Êyiptơ; kon pơlei Isơrael 'bôh hnơ̆k hnăk bơngai Êyiptơ lôch cheng đak dơsĭ. 31Kon pơlei Isơrael 'bôh bơih tơdrong tih mă Kră Yang đei pơm kơ bơngai Êyiptơ, na lu kon pơlei Isơrael hli yom gơnang kơ Kră Yang păng lui kơ Môis, đĭch đam Sư.
Currently Selected:
Le 14: bdq
Highlight
Copy
Compare
Share
Want to have your highlights saved across all your devices? Sign up or sign in
©Bahnar Bible Association. All rights reserved.
Le 14
14
Pharaôn păng linh sư druh kon pơlei Isơrael
1Kră Yang khan kơ Môis: 2Roi tơbăt bĕ kơ kon pơlei Isơrael athei năm wơ̆t tơ rŏng pơm anih pơdơh tơ jê̆ Pi Hahirôt, sơlam Mikdôl păng đak dơsĭ, tơklă Baal Sêphôn lu iĕm athei oei pơdơh pơm anih, jê̆ đak dơsĭ. 3Pharaôn khan lu kon pơlei Isơrael gô wơ̆l kơ trong, chă wih wơ̆t lăm char glă. 4Inh gô pơm kơ Pharaôn arăng kơ̆l ưh kơ chu, sư gô druh kon pơlei Isơrael Inh gô đei ư-ang yua kơ đơ̆ng Pharaôn păng lu linh sư; na bơngai Êyiptơ gô băt Inh bơih Kră Yang. Kon pơlei Isơrael mă pơm thoi noh.
5Kơplah đe roi kơ pơtao Êyiptơ khan kon pơlei Hêbrơ kơdâu jăk đĭ boih, jơhngơ̆m Pharaôn păng lu bơngai bơ̆jang kơ sư, tơplih hloi, lu sư khan: Lu bơ̆n pơm thoi âu, achăng lê̆ kon pơlei Isơrael năm, ưh pă bơ̆jang kơ bơ̆n dơ̆ng. 6Pharaôn tŏk gre aseh hloi păng chông ba lu linh kiơ̆ sư. 7Sư iŏk chĕp ba tơdrâu-hrĕng tŏ gre aseh mă 'lơ̆ng hloh păng đĭ-đăng gre aseh nai dơ̆ng đơ̆ng lăm dêh Êyiptơ, rim kơ gre aseh noh đei lu yŏng linh kiơ̆ pơgơ̆r. 8Kră Yang pơm kơ Pharaôn pơtao dêh Êyiptơ, arăng kơ̆l, druh kon pơlei Isơrael; mă-lei kon pơlei Isơrael nuih yak năm tơpăt tơ anăp hloi. 9Bơngai Êyiptơ druh lu sư păng đĭ-đăng aseh gre aseh, lu linh chĕp gre aseh păng lu linh Pharaôn, druh tam kon pơlei Isơrael, oei pơdơh tơ jê̆ đak dơsĭ, Phihahirôt, tơklă Baal Sêphôn.
10Wă lăp 'bôh Pharaôn păng lu linh dêh Êyiptơ druh wă tam đơ̆ng rŏng lu sư, na lu kon pơlei Isơrael hli dêh krao ôr apinh Kră Yang. 11Lu sư khan kơ Môis: “Tơ dêh Êyiptơ ưh kơ đei anih 'bŭ bơngai ôh hă, na ih ngĕ kơ chông ba lu nhôn năm lôch tơ char glă? Ih wă pơm kiơ kơ nhôn, ăn kơ lu nhôn lĕch đơ̆ng dêh Êyiptơ? 12Kơplah oei tơ dêh Êyiptơ lu nhôn đei khan kơ ih bơih. Lê̆ lu nhôn pơm đĭch đam kon pơlei Êyiptơ, chu bơ̆jang ăn lu sư đĕch hiôk hloh kơ wă lôch tơ char glă!”
13Môis drơ̆ng kon pơlei khan: 'Nĕ kơ hli ôh, oei mă kơjăp bĕ, na lăng lu iĕm gô 'bôh tơdrong dŏng pơklaih đơ̆ng Kră Yang năr âu, lu bơngai Êyiptơ mă lu iĕm 'bôh lu sư năr 'nâu, lu iĕm ưh pă đei layơ wă 'bôh lu sư dơ̆ng. 14Kră Yang gô tơblah tơgŭm iĕm, lu iĕm kư̆ oei mă hơđơ̆ng.
15Kră Yang khan kơ Môis: Liơ lu iĕm ôr krao chă Inh? Khan kơ kon pơlei Isơrael kư̆ yak tơ anăp; 16Na ih athei yơ̆r 'long jra tơ kơpal, chro ti tơ đak dơsĭ, tơklah lê̆ đak 'bar pah, na kon pơlei Isơrael gô jur lăm đak dơsĭ yak năm thoi kơpal teh hrĕng. 17Na Inh gô pơm kơ kon pơlei Êyiptơ kơ̆l arăng gô jur druh kiơ̆ kon pơlei Isơrael lăm đak dơsĭ, đơ̆ng noh Anăn Inh gô đei ư-ang yua kơ Pharaôn păng đĭ-đăng lu linh sư, lu bơngai chĕp gre aseh sư. 18Anăn Inh gô ư-ang yua kơ Pharaôn, gre aseh sư, lu linh chĕp gre aseh sư, lei na bơngai Êyiptơ gô băt kơ Inh Kră Yang.
19Linh jang 'lơ̆ng Kră Yang 'Bok Kei-Dei oei năm adrol kơ lu kon pơlei Isơrael kơplah noh păng hơlơ̆k yak kiơ̆ đơ̆ng rŏng lu sư; na jrăng hơmơ̆l kư̆m năm đơ̆ng rŏng kơ kon pơlei; 20Jrăng hơmơ̆l dơ̆ng sơlam khŭl linh bơngai Êyiptơ păng khŭl linh kon pơlei Isơrael, đei hơmơ̆l găn măng mu tơ minh pah âu, na minh pah to hơdah na prăt măng 'bar khŭl ưh kơ đei gơh năm tơ jê̆ băl.
Truh hlôi kơ đak dơsĭ 'brê; linh Êyiptơ glơ̆k kơ đak
21Môis yơ̆r ti sư tơ đak dơsĭ Kră Yang pơm kial tih đơ̆ng gah hơlĕch tơthu tơ đak dơsĭ pơm kơ đak akŭm tơklah asong 'bar pah jing teh hrĕng, 22kon pơlei Isơrael jur lăm đak dơsĭ, yak năm thoi kơpal teh hrĕng; na đak pĕng thoi bơnơ̆ tơ 'bar pah gah 'ma păng gah 'ngiĕo kơ lu sư.
23Lu bơngai Êyiptơ druh kiơ̆ lu sư; đĭ-đăng aseh, gre aseh sư păng lu chĕp gre aseh Pharaôn, lu sư mơ̆t kiơ̆ đơ̆ng rŏng jur lăm tŏk-bŏk đak dơsĭ. 24Đơ̆ng noh lăp măng wă đĭ, Kră Yang đơ̆ng lăm jrăng hơmơ̆l păng jrăng ŭnh, lăng tơ khŭl linh bơngai Êyiptơ, pơm hloi kơ lu sư hli hơwơ̆l hơwang. 25Kră Yang pơm kơ lu jơ̆ng gre lu sư, tơplôh lu sư tŭn hor pơmat-tat gre aseh pă gơh kơdâu. Na bơngai Êyiptơ khan dih băl: Bĕ bơ̆n kơdâu weh đơ̆ng kon pơlei Isơrael, yua kơ Kră Yang tơblah bơngai Êyiptơ dŏng lu sư.
26Kră Yang khan kơ Môis: Yơ̆r bĕ ti ih tơ đak dơsĭ, wă kơ đak dơsĭ lơ̆p lu bơngai Êyiptơ păng khŭl linh chĕp gre aseh lu sư. 27Thoi noh Môis yơ̆r ti sư hloi tơ đak dơsĭ, kiơ̆ pơgê oei hrôih, na đak dơsĭ hơlơ̆k klơ̆p thoi đêl, lu bơngai Êyiptơ kơdâu weh ră mă-lei Kră Yang tơlơ̆ pơlôch đĭ lu sư lăm đak dơsĭ. 28Na đak lơ̆p klơ̆p đĭ hloi khŭl linh chĕp gre aseh, hăm đĭ-đăng lu linh Pharaôn lu druh jur kiơ̆ kon pơlei Isơrael lăm đak dơsĭ, ưh kơ đei minh 'nu bu klaih.
29Mă-lei lu kon pơlei Isơrael năm yak tŏk-bŏk đak dơsĭ thoi kơpal teh kông hrĕng; đak pơm bơnơ̆ pĕng gah 'ma păng gah 'ngiĕo. 30Lăm năr 'noh, Kră Yang pơklaih kon pơlei Isơrael đơ̆ng ti bơngai Êyiptơ; kon pơlei Isơrael 'bôh hnơ̆k hnăk bơngai Êyiptơ lôch cheng đak dơsĭ. 31Kon pơlei Isơrael 'bôh bơih tơdrong tih mă Kră Yang đei pơm kơ bơngai Êyiptơ, na lu kon pơlei Isơrael hli yom gơnang kơ Kră Yang păng lui kơ Môis, đĭch đam Sư.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bahnar Bible Association. All rights reserved.