Bl 18
18
Lu linh jang jur ngôi tơ Abraham
1Kră Yang pơdah akâu sư kơ Abraham lăm kơdrơ̆ng 'long kôih Mamrê, kơplah sư oei ngôi 'bơ̆t 'măng bơsŭn sư kơ'năr drang tŏ. 2Abraham ngơk lăng đei 'bôh pêng 'nu dơ̆ng jê̆ sư. Lăp sư 'bôh, sư kơdâu đơ̆ng 'măng bơsŭn sư tơkan tơ pêng 'nu noh, sư drap bon tơ teh.
3Păng khan thoi âu: “Kră Yang dah Ih mơnat kơ inh lei apinh Ih drong ngôi tơ hnam inh đĭch đam Ih, 'nĕ kơ yak yoh. 4Apinh lu iĕm ăn kơ inh iŏk đak ôp jơ̆ng lu iĕm păng apinh iĕm ngôi pơdơh tơ ala yơ̆p 'long âu wă kơ rơngơp. 5Inh gô năm iŏk 'bĕng pôk ăn kơ iĕm sa wă kơ đei jơhngơ̆m na lu iĕm yak; yua kơ iĕm đei jur ngôi tơ hnam đĭch đam iĕm boih.”
Lu sư noh khan: “Pơm bĕ thoi ih pơma.”
6Na, Abraham hăt hot mơ̆t lăm bơsŭn truh tơ Sara na khan: “Mă tĕnh tĕnh bĕ iŏk pêng hnŏng tơpŭng pơjrâu man bĕ, pơm 'bĕng iĕ.”
7Abraham kơdâu năm tơ khŭl sem dơrong rôp minh pôm rơmo kon 'lơ̆ng, jao ăn kơ đĭch đam sư athei pai hơmet mă tĕnh tĕnh. 8Đơ̆ng noh sư iŏk rơmă đak toh, đak toh păng 'nhĕm rơmo kon mă pai đang boih, pôk ăn kơ lu pêng 'nu đe ei sa; gah sư dơ̆ng 'bơ̆t anăp awih awăn, lăm kơdrơ̆ng 'long. Thoi noh lu đe ei sa.
Kră Yang 'Bok Kei-Dei roi tơbăt wă đei Isăk
9Lu sư jet Abraham: “Sara akăn ih tơ yơ? Sư khan:
“To, sư oei tơ lăm bơsŭn.”
10Na Kră Yang khan: “Lăm minh sơnăm dơ̆ng, Inh gô năm tơ âu, wă ngôi tơ ih, ưh kơ pơngiĕl ôh păng kơplah noh Sara, akăn ih, gô đei minh 'nu hơ'lơ̆p drŏ-nglo.”
Sara oei ngôi tơ rŏng kơ Kră Yang 'bơ̆t anăp 'măng bơsŭn, kơtơ̆ng dôm lu nơ̆r noh. 11Âu, Abraham păng Sara đĭ kră boih, sơnăm bre sư đĭ lơ, Sara ưh pă gơh pơjing hơ'lơ̆p kiơ̆ kơ bơngai drŏ-kăn hmă. 12Sara hiĕk lăm to păng khan: “Kră akar thoi inh âu, 'bônh ah đei tơdrong chơt hiôk noh? Gah yŏng inh kư̆m kră pă kĕ boih!”
13Kră Yang pơma jet Abraham thoi âu: “Yua kơ kiơ Sara hiĕk thoi noh khan: ‘Hăm sĭt đei tơpă inh đĭ kră boih lâu khan đei kon?’ 14Hăm đei tơdrong kiơ mă Kră Yang ưh kơ gơh pơm? Truh năr đêl pơkă, lăm minh sơnăm dơ̆ng, inh gô hơlơ̆k tơ ih păng Sara gô đei tơpŭ kơ minh 'nu kon drŏ-nglo.”
15Yua kơ Sara hli, na sơngah khan: “Inh đei hiĕk tơ yơ.”
Mă sư khan thoi âu: “Tơpă, ih đei hiĕk!”
Abraham krao khan apinh ăn kơ kon pơlei Sôđôm
16Lu sư iung wă yak tơ nai, lăng tơ gah Sôđôm. Abraham kư̆m yak kiơ̆ lu sư. 17Kră Yang khan lăm to thoi âu: “Liơ Inh wă ôn kơ Abraham dôm tơdrong kiơ inh wă pơm? 18Yua kơ Abraham gô jing minh adrĕch adrung tih păng pran; rim adrĕch kon bơngai kơpal teh gô đei pŭn hiôk yua kơ đơ̆ng sư. 19Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”
20Kră Yang khan kơ Abraham thoi âu: “Nơ̆r krao ôr kơ tơdrong Sôđôm păng Gômôrơ pơm kơnê̆ dêh tơpă. 21Na Inh gô jur wă lăng pơnhen lăm lu sư arih sa hăm trŏ thoi nơ̆r đei krao ôr mă đei truh tơ Inh; dah ưh kơ tơpă, na Inh gô băt.”
22Thoi noh, 'bar 'nu lăm lu sư yak đơ̆ng noh năm tơpăt tơ pơlei Sôđôm: Mă-lei Abraham oei dơ̆ng 'bơ̆t anăp Kră Yang. 23Abraham năm jê̆ na khan thoi âu: “Kră Yang wă pơlôch đĭ lu bơngai 'lơ̆ng hơdai hăm lu bơngai kơnê̆ aah? 24Dah lăm pơlei đei pơđăm-jĭt 'nu bơngai tơpăt, Kră Yang kư̆m wă pơlôch lu sư hai aah? Ih ưh kơ mơnat ăn kơ pơlei noh hă yua kơ đei pơđăm-jĭt 'nu bơngai tơpăt oei lăm noh? 25Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”
26Kră Yang khan: “Dah Inh 'bôh đei lăm pơlei Sôđôm đei pơđăm-jĭt 'nu bơngai tơpăt, yua kơ lu sư Inh gô mơnat đĭ kon pơlei.”
27Abraham khan dơ̆ng thoi âu: “Mă khan inh âu 'mui teh đĕch ră, mă-lei inh kư̆m oei nuih pơ̆n pơma hăm Ih. 28Dah pơđăm-jĭt 'nu ưh kơ tôm oei pă pơđăm 'nu, Ih kư̆m wă pơlôch đĭ pơlei hă?” Kră Yang tơl thoi âu:
“Dah Inh đei 'bôh lăm noh đei puăn-jĭt pơđăm 'nu, Inh ưh kơ pơlôch pơlei noh ôh.”
29Abraham kư̆ hrăn apinh: “Dah lăm pơlei đei lăp 'blep puăn-jĭt 'nu tơpăt đĕch, lei lơliơ?” Kră Yang tơl: “Inh ưh kơ pơlôch ôh, yua kơ mơnat kơ puăn-jĭt 'nu 'nâu.”
30Abraham hơnơ̆ng kơ apinh: “Inh apinh Kră Yang 'nĕ hil, na inh khan: Dah lăm pơlei noh đei lăp pêng-jĭt 'nu đĕch, lei lơliơ?”
Kră Yang khan: “Dah Inh chă đei 'bôh pêng-jĭt 'nu bơngai tơpăt lăm noh, Inh ưh kơ pơlôch ôh.”
31Abraham apinh dơ̆ng: “Inh âu kư̆m nuih pơ̆n apinh Kră Yang: Dah đei lăp 'bar-jĭt 'nu, mưh lei lơliơ?” Kră Yang khan: “Yua kơ 'mêm mơnat kơ 'bar-jĭt 'nu noh, Inh huay pơlôch pơlei noh ôh.”
32Abraham apinh dơ̆ng: “Apinh Kră Yang 'nĕ hil, inh kơkuh apinh pă minh wơ̆t âu boih: Dah oei đei đăi mơjĭt 'nu, lei Ih tơchĕng thoi yơ?” Kră Yang khan: “Inh kư̆m huay kơ pơlôch pơlei noh ôh, yua kơ mơnat 'mêm kơ mơjĭt 'nu noh.”
33Lăp Kră Yang pơma đang boih hăm Abraham, na sư tŏk tơ ti, gah Abraham wih brŏk tơ bơsŭn sư.
Currently Selected:
Bl 18: bdq
Highlight
Share
Copy
Want to have your highlights saved across all your devices? Sign up or sign in
©Bahnar Bible Association. All rights reserved.
Bl 18
18
Lu linh jang jur ngôi tơ Abraham
1Kră Yang pơdah akâu sư kơ Abraham lăm kơdrơ̆ng 'long kôih Mamrê, kơplah sư oei ngôi 'bơ̆t 'măng bơsŭn sư kơ'năr drang tŏ. 2Abraham ngơk lăng đei 'bôh pêng 'nu dơ̆ng jê̆ sư. Lăp sư 'bôh, sư kơdâu đơ̆ng 'măng bơsŭn sư tơkan tơ pêng 'nu noh, sư drap bon tơ teh.
3Păng khan thoi âu: “Kră Yang dah Ih mơnat kơ inh lei apinh Ih drong ngôi tơ hnam inh đĭch đam Ih, 'nĕ kơ yak yoh. 4Apinh lu iĕm ăn kơ inh iŏk đak ôp jơ̆ng lu iĕm păng apinh iĕm ngôi pơdơh tơ ala yơ̆p 'long âu wă kơ rơngơp. 5Inh gô năm iŏk 'bĕng pôk ăn kơ iĕm sa wă kơ đei jơhngơ̆m na lu iĕm yak; yua kơ iĕm đei jur ngôi tơ hnam đĭch đam iĕm boih.”
Lu sư noh khan: “Pơm bĕ thoi ih pơma.”
6Na, Abraham hăt hot mơ̆t lăm bơsŭn truh tơ Sara na khan: “Mă tĕnh tĕnh bĕ iŏk pêng hnŏng tơpŭng pơjrâu man bĕ, pơm 'bĕng iĕ.”
7Abraham kơdâu năm tơ khŭl sem dơrong rôp minh pôm rơmo kon 'lơ̆ng, jao ăn kơ đĭch đam sư athei pai hơmet mă tĕnh tĕnh. 8Đơ̆ng noh sư iŏk rơmă đak toh, đak toh păng 'nhĕm rơmo kon mă pai đang boih, pôk ăn kơ lu pêng 'nu đe ei sa; gah sư dơ̆ng 'bơ̆t anăp awih awăn, lăm kơdrơ̆ng 'long. Thoi noh lu đe ei sa.
Kră Yang 'Bok Kei-Dei roi tơbăt wă đei Isăk
9Lu sư jet Abraham: “Sara akăn ih tơ yơ? Sư khan:
“To, sư oei tơ lăm bơsŭn.”
10Na Kră Yang khan: “Lăm minh sơnăm dơ̆ng, Inh gô năm tơ âu, wă ngôi tơ ih, ưh kơ pơngiĕl ôh păng kơplah noh Sara, akăn ih, gô đei minh 'nu hơ'lơ̆p drŏ-nglo.”
Sara oei ngôi tơ rŏng kơ Kră Yang 'bơ̆t anăp 'măng bơsŭn, kơtơ̆ng dôm lu nơ̆r noh. 11Âu, Abraham păng Sara đĭ kră boih, sơnăm bre sư đĭ lơ, Sara ưh pă gơh pơjing hơ'lơ̆p kiơ̆ kơ bơngai drŏ-kăn hmă. 12Sara hiĕk lăm to păng khan: “Kră akar thoi inh âu, 'bônh ah đei tơdrong chơt hiôk noh? Gah yŏng inh kư̆m kră pă kĕ boih!”
13Kră Yang pơma jet Abraham thoi âu: “Yua kơ kiơ Sara hiĕk thoi noh khan: ‘Hăm sĭt đei tơpă inh đĭ kră boih lâu khan đei kon?’ 14Hăm đei tơdrong kiơ mă Kră Yang ưh kơ gơh pơm? Truh năr đêl pơkă, lăm minh sơnăm dơ̆ng, inh gô hơlơ̆k tơ ih păng Sara gô đei tơpŭ kơ minh 'nu kon drŏ-nglo.”
15Yua kơ Sara hli, na sơngah khan: “Inh đei hiĕk tơ yơ.”
Mă sư khan thoi âu: “Tơpă, ih đei hiĕk!”
Abraham krao khan apinh ăn kơ kon pơlei Sôđôm
16Lu sư iung wă yak tơ nai, lăng tơ gah Sôđôm. Abraham kư̆m yak kiơ̆ lu sư. 17Kră Yang khan lăm to thoi âu: “Liơ Inh wă ôn kơ Abraham dôm tơdrong kiơ inh wă pơm? 18Yua kơ Abraham gô jing minh adrĕch adrung tih păng pran; rim adrĕch kon bơngai kơpal teh gô đei pŭn hiôk yua kơ đơ̆ng sư. 19Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”
20Kră Yang khan kơ Abraham thoi âu: “Nơ̆r krao ôr kơ tơdrong Sôđôm păng Gômôrơ pơm kơnê̆ dêh tơpă. 21Na Inh gô jur wă lăng pơnhen lăm lu sư arih sa hăm trŏ thoi nơ̆r đei krao ôr mă đei truh tơ Inh; dah ưh kơ tơpă, na Inh gô băt.”
22Thoi noh, 'bar 'nu lăm lu sư yak đơ̆ng noh năm tơpăt tơ pơlei Sôđôm: Mă-lei Abraham oei dơ̆ng 'bơ̆t anăp Kră Yang. 23Abraham năm jê̆ na khan thoi âu: “Kră Yang wă pơlôch đĭ lu bơngai 'lơ̆ng hơdai hăm lu bơngai kơnê̆ aah? 24Dah lăm pơlei đei pơđăm-jĭt 'nu bơngai tơpăt, Kră Yang kư̆m wă pơlôch lu sư hai aah? Ih ưh kơ mơnat ăn kơ pơlei noh hă yua kơ đei pơđăm-jĭt 'nu bơngai tơpăt oei lăm noh? 25Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”
26Kră Yang khan: “Dah Inh 'bôh đei lăm pơlei Sôđôm đei pơđăm-jĭt 'nu bơngai tơpăt, yua kơ lu sư Inh gô mơnat đĭ kon pơlei.”
27Abraham khan dơ̆ng thoi âu: “Mă khan inh âu 'mui teh đĕch ră, mă-lei inh kư̆m oei nuih pơ̆n pơma hăm Ih. 28Dah pơđăm-jĭt 'nu ưh kơ tôm oei pă pơđăm 'nu, Ih kư̆m wă pơlôch đĭ pơlei hă?” Kră Yang tơl thoi âu:
“Dah Inh đei 'bôh lăm noh đei puăn-jĭt pơđăm 'nu, Inh ưh kơ pơlôch pơlei noh ôh.”
29Abraham kư̆ hrăn apinh: “Dah lăm pơlei đei lăp 'blep puăn-jĭt 'nu tơpăt đĕch, lei lơliơ?” Kră Yang tơl: “Inh ưh kơ pơlôch ôh, yua kơ mơnat kơ puăn-jĭt 'nu 'nâu.”
30Abraham hơnơ̆ng kơ apinh: “Inh apinh Kră Yang 'nĕ hil, na inh khan: Dah lăm pơlei noh đei lăp pêng-jĭt 'nu đĕch, lei lơliơ?”
Kră Yang khan: “Dah Inh chă đei 'bôh pêng-jĭt 'nu bơngai tơpăt lăm noh, Inh ưh kơ pơlôch ôh.”
31Abraham apinh dơ̆ng: “Inh âu kư̆m nuih pơ̆n apinh Kră Yang: Dah đei lăp 'bar-jĭt 'nu, mưh lei lơliơ?” Kră Yang khan: “Yua kơ 'mêm mơnat kơ 'bar-jĭt 'nu noh, Inh huay pơlôch pơlei noh ôh.”
32Abraham apinh dơ̆ng: “Apinh Kră Yang 'nĕ hil, inh kơkuh apinh pă minh wơ̆t âu boih: Dah oei đei đăi mơjĭt 'nu, lei Ih tơchĕng thoi yơ?” Kră Yang khan: “Inh kư̆m huay kơ pơlôch pơlei noh ôh, yua kơ mơnat 'mêm kơ mơjĭt 'nu noh.”
33Lăp Kră Yang pơma đang boih hăm Abraham, na sư tŏk tơ ti, gah Abraham wih brŏk tơ bơsŭn sư.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bahnar Bible Association. All rights reserved.