Bl 38
38
Juđa păng mŏ mai sư duch Tamar
1Kơplah noh Juđa oei ataih đơ̆ng 'nhŏng oh sư,a oei hơdai hăm minh 'nu bơngai Ađulam, anăn Hira. 2Tơ noh Juđa 'bôh minh 'nu adruh Kanaan, kon 'bok Sua, na iŏk pơm akăn, oei hloi hăm sư. 3Sư anăp na tơpŭ kơ minh 'nu kon drŏ-nglo, krao anăn sư Er, 4akăn sư anăp dơ̆ng tơpŭ kơ minh 'nu kon drŏ-nglo dơ̆ng, anăn Ônan; 5akăn sư anăp dơ̆ng tơpŭ kơ minh 'nu kon drŏ-nglo anăn hĭ Sêla. Na kơplah akăn sư đei pơjing kơ hơ'lơ̆p ei, Juđa sư oei tơ Kêsip.
6Juđa rôp ăn kơ kon kơdră sư Er akăn, anăn sư Tamar. 7Mă-lei Er pơm kơnê̆ dêh 'bơ̆t anăp Kră Yang Kră Yang 'Bok Kei-Dei, na Kră Yang 'Bok Kei-Dei pơlôch hĭ sư.
8Juđa khan kơ Ônan thoi âu. To năm oei hơdai akăn 'nhŏng e, pơm buăl hăm sư kiơ̆ kơ tơdrong juăt e oh klo sư, wă pơtrơp adrĕch adrung 'nhŏng. 9Mă-lei Ônan băt tơdah đei kon kư̆m ưh kơ jô̆ kon sư na sư lê̆ đak lĕch tơ 'nguaih wă kơ Tamar ưh kơ đei kon hăm sư. 10Mă-lei tơdrong sư pơm thoi noh Kră Yang ưh kơ lăp đon, na Kră Yang kư̆m pơlôch sư dơ̆ng.
11Đơ̆ng noh Juđa khan kơ Tamar mŏ mai sư thoi âu: Brŏk bĕ tơ hnam 'bă ih oei adro dĭng dang yơ Sêla kon drŏ-nglo inh hlôh 'mơ̆i. Yua kơ sư đei khan: Lu bơngai lăng hli kơ dơning dơmônh sư kư̆m lôch thoi bre 'nhŏng sư. Thoi noh Tamar brŏk oei tơ hnam 'bă sư.
12Đunh khei năr boih kon adruh Sua, akăn Juđa, lôch. Kơplah jơhngơ̆m sư dă 'biơ̆ kơ sơ'ngon boih, Juđa năm hơdai buăl sư Hira, bơngai Ađulam, yak tŏk truh tơ lu thơ̆ yuă sŏk triu sư, tơ Thimna.
13Lu đe tơbăt kơ Tamar mŏ mai sư khan: Tơnei ih năm tơ Thimna wă yuă sŏk triu, 14Na Tamar plôh hloi ao adro sư iŏk hloi hơdrao klơ̆p hloi muh măt sư păng pơ̆n lê̆ akâu, đơ̆ng noh tơoei 'bơ̆t 'măng jang pơlei Ênaim, trong mă năm tơ Thimna; pơm thoi noh yua kơ 'bôh Sêla 'lŏ boih, mă-lei Juđa ưh tam mă ăn oei kơ sư.
15Juđa 'bôh sư, ngeh kơ minh 'nu adruh đi, yua kơ sư gom lê̆ muh măt sư. 16Juđa năm jê̆ păng khan: Ăn bĕ kơ inh năm tơ ih, yua kơ Juđa ưh kơ băt adruh noh mŏ mai sư.
Duch ei khan: Ih wă ăn kơ inh kiơ ih wă năm tơ inh?
17Sư tơl: Inh gô ăn kơ ih minh pôm bơbe lăm khŭl inh noh. Duch ei khan ih đei tơmam kiơ wă pơkăm, mă dĭng layơ bơbe noh truh?
18Sư tơl: Inh đei tơmam kiơ wă pơkăm hăm ih dang ei?
Duch ei tơl: Tơmam tơdra pơsĭt, tơlei păng 'long jra mă ih chĕp tơ ti noh wă pơm kong kơnol pơsĭt. Juđa ăn hloi, na năm 'bĭch hơdai, duch ei anăp hloi đơ̆ng măr sư. Đơ̆ng noh, duch ei iung brŏk. 19Pơih lê̆ hơdrao, na iŏk hơbĕn ao adro hrŭk dơ̆ng.
20Juđa gơnang kơ buăl sư bơngai Ađulam chĕp ba bơbe kon wă năm iŏk dôm lu tơmam đêl pơkăm đơ̆ng duch ei hei; mă-lei chă duch ưh kơ 'bôh. 21Buăl sư ei apinh anih mă duch ei oei thoi âu: Bơngai drŏ-kăn đi ki sư ngôi 'bơ̆t trong 'măng jang pơlei Ênaim tơ yơ kih?
Lu sư tơl thoi âu: Tơ âu ưh kơ đei adruh đi.
22Buăl ei wih brŏk tơ Juđa păng khan: Inh chă sư ưh kơ tơ'bơ̆p; păng lu kon pơlei pơla khan: Tơ âu ưh kơ đei minh 'nu adruh đi ôh.
23Juđa khan: Lê̆ bưh inh đei gơih boih ră kon bơbe, mă-lei buăl chă duch ưh kơ tơ'bơ̆p thoi ei lê̆ kơ duch noh chĕp tơmam pơsĭt noh bưh, bơ̆n huay pă mơlâu boih.
24Dang pêng khei đơ̆ng rŏng, đe đei roi dơ̆ng kơ Juđa thoi âu: Tamar, mŏ mai ih pơm adruh đi păng yua kơ thoi noh na sư đei anăp.
Juđa khan rôp tơlĕch soh lê̆ sư bĕ. 25Kơplah đe chông tơlĕch sư, na sư năm wơh bơngai khan kơ tơnei sư thoi âu: Apinh ih lăng tơmam pơsĭt, tơlei âu păng 'long jra bu âu? Inh mă đei anăp âu đơ̆ng bơngai mă đei pơkăm âu.
26Juđa lăng kơnăl dôm lu tơmam noh na sư khan: Sư tơpăt hloh kơ inh, yua kơ inh ưh kơ ăn Sêla, kon tơdăm inh kơ sư, wă oei hơdai hăm sư. Đơ̆ng noh Juđa ưh pă oei hơdai hăm Tamar dơ̆ng.
27Truh tơ năr sư hơiơch, âu đơ̆ng lăm klak sư đei kon kơmar. 28Kơplah sư tơpŭ, đei minh 'nu lăm 'bar 'nu noh ăn ti adrol; yă kơ'mĭn ei rôp ti noh chô̆ tơlei 'brê păng khan: Bơngai âu jruh adrol. 29Mă-lei sư dui tơmơ̆t lê̆ ti sư dơ̆ng, na 'bôh 'nhŏng sư jruh, yă kơ'mĭn ei khan dơ̆ng e blŭng hiah trong 'nâu! Na đe krao anăn sư Pêres.b
30Đơ̆ng noh oh sư bơngai mă đei chô̆ brai 'brê tơ ti sư truh păng đe anăn sư Sêrak.c
Currently Selected:
Bl 38: bdq
Highlight
Copy
Compare
Share
Want to have your highlights saved across all your devices? Sign up or sign in
©Bahnar Bible Association. All rights reserved.
