KUZOYA 21
21
Kuvalwa kwa Isaaka
1BWANA ukamchea Sara sa iji koni oreghorieghe, na kum'bonyera Sara sa iji koni orelaghirieghe. 2Nao Sara ukapata kifu, ukamvaia Abrahamu mwana wa womi ngelo ya wughosi ghwake, kwa kimu chija cheni cherelaghiriloghe ni Mlungu.#Waeb. 11.11 3Abrahamu ukammbanga mwana wake Isaaka uo Sara oremvaieghe; 4ukamshamisha ituku ja wunyanya, sa iji koni Mlungu oremlaghirieghe.#Kuz. 17.12; Mab. 7.8 5Abrahamu orekoghe mundu wa miaka ighana jimweri iji Isaaka orevaloghe. 6Nao Sara ukaghamba, “Mlungu wanibonyera iseko, kula mundu uchaasikira uchaseka andwamweri nani.” 7Nao ukachuria kughora, “Ni ani oredimagha kumzera Abrahamu wei Sara uchaongosha wana? Na sena hoku namvaia mwana wa womi ngelo ya wughosi ghwake.”
8Mwana ukazoghua hata ituku jesighishwa mariwa, Abrahamu ukabonya karamu mbaa.
Kuwingwa kwa Hagari na mwana wake Ishmaeli
9Nao Sara ukammbona mwana wa Hagari uja Mmisri oremvaieghe Abrahamu ukisarigha na mwana wake Isaaka. 10Ukamzera Abrahamu, “Mmbinge noko uhu muka mzumba na mwana wake, kwa kukaia mwana wa muka mzumba ndechaawagha ifwa jingi andwamweri na mwana wapo Isaaka anduangi.”#Wagal. 4.29-30 11Ela ilagho ijo jikamzamia na ndighi Abrahamu, kwa wundu ghwa mwana wake Ishmaeli. 12Nao Mlungu ukamzera Abrahamu, “Kusakezamilwa kwa wundu ghwa mwana na uo muka wako mzumba. Ijo jose Sara uchaakuzera kujibonye, bonya wokoni; angu kivalwa chako chichawangwa kwa Isaaka.#War. 9.7; Waeb. 11.18 13Na uja mwana wa muka mzumba nicham'bonya ukaie mbari, angu nao moni wori ni mwana wako.” 14Abrahamu ukawuka nakesho kio, ukawusa mkate na kiriba cha machi ukamneka Hagari ukichiwikiria maweghenyi kwake, andwamweri na mwana wake, ukammbinga wighende. Hagari ukaghenda, ukazoya kumara-mara andenyi ya kireti cha Beer-sheba. 15Hata iji machi ghameria kusia, ukamsigha mwana a kisachinyi. 16Nao moni ukaghenda na kusea kidombo kakula sa wukula ghwa kukumba iwanu, angu oreghambieghe, “Sikunde kuwona mwana ukifwa.” Nao iji orekoghe kidombo kulengana nao, uo mwana ukazoya kulila. 17Mlungu ukachisikira kililo cha mwana, na malaika wa Mlungu ukammbanga Hagari kufuma mlungunyi ukighamba, “Niki chikujishagha wasi Hagari? Kusakeobua angu Mlungu wameria kusikira kililo cha mwana andu uko. 18Wuka kummbusire mwana kummbwadie mikonunyi kwako, angu nicham'bonya uo ukaie mbari mbaa.” 19Nao Mlungu ukaghitambua meso ghake, ukawona kiriwa cha machi ukaghenda ukachichura kiriba chake, ukamnyosha mwana. 20Mlungu ukakaia andwamweri na uo mwana, ukazoghua ukikaia kireti; nao ukawuya ing'oni jekumba ndana. 21Ukakaia kireti cha Parani, na mae ukamlowora muka kufuma isanga ja Misri.
Mapatano gha Abrahamu na Abimeleki
22Ngelo iyo, Abimeleki na Fikoli, m'baa wa majeshi ghake, wikamzera Abrahamu, “Mlungu oko andwamweri na oho kwa maza rose kuribonyagha;#Kuz. 26.26 23kwa wundu ughu, nakulomba kunighemie imbiri ya Mlungu kukaia ndekuchaanibonyera wukalo ghungi ini, wana wapo, na kivalwa chapo chose; ela sa iji ini nerekoghe mloli kwako, na oho kunibonyere wokoni, hata na iji isanga kwawuyajikaia wori.” 24Nao Abrahamu ukaghamba, “Nichaghema.” 25Hata iji Abrahamu oremlalamikieghe Abimeleki kwa wundu ghwa kiriwa cha machi oresokeloghe ni wadumiki wake, 26Abimeleki ukaghamba, “Ini simanyire mundu ubonyere ilagho ijo, hata na oho wori ndekunighorie anduangi, ijo ilagho naajisikira linu koni.” 27Nao Abrahamu ukamneka Abimeleki ng'ondi na ng'ombe, nawo waja wawi wikabonya mapatano. 28Abrahamu ukasaghua wana wa ng'ondi mfungade, ukawiwika kula na wambao. 29Abimeleki ukamkotia Abrahamu, “Awa wana wa ng'ondi mfungade kwawitanya na wambao kutambua kwaro niki?”
30Nao ukamtumbulia, “Awa wana wa ng'ondi mfungade kuawiwusa ghukaie wushuhuda angu ni ini moni nerechikotereghe ichi kiriwa.” 31Niko andu aho kukawangwa Beer-sheba, angu aho niko wose wawi werebonyereghe mapatano kwa ighemi. 32Nao wikabonya mapatano aja Beer-sheba, na Abimeleki andwamweri na Fikoli, m'baa wa majeshi ghake, wikawuka na kuwuya cha isanga ja Wafilisti. 33Abrahamu ukawa mkwachu aho Beer-sheba, ukamtasa BWANA Mlungu wa kala na kala. 34Abrahamu ukakaia luma isanga ja Wafilisti.
Currently Selected:
KUZOYA 21: TAITA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1997
All rights reserved.
KUZOYA 21
21
Kuvalwa kwa Isaaka
1BWANA ukamchea Sara sa iji koni oreghorieghe, na kum'bonyera Sara sa iji koni orelaghirieghe. 2Nao Sara ukapata kifu, ukamvaia Abrahamu mwana wa womi ngelo ya wughosi ghwake, kwa kimu chija cheni cherelaghiriloghe ni Mlungu.#Waeb. 11.11 3Abrahamu ukammbanga mwana wake Isaaka uo Sara oremvaieghe; 4ukamshamisha ituku ja wunyanya, sa iji koni Mlungu oremlaghirieghe.#Kuz. 17.12; Mab. 7.8 5Abrahamu orekoghe mundu wa miaka ighana jimweri iji Isaaka orevaloghe. 6Nao Sara ukaghamba, “Mlungu wanibonyera iseko, kula mundu uchaasikira uchaseka andwamweri nani.” 7Nao ukachuria kughora, “Ni ani oredimagha kumzera Abrahamu wei Sara uchaongosha wana? Na sena hoku namvaia mwana wa womi ngelo ya wughosi ghwake.”
8Mwana ukazoghua hata ituku jesighishwa mariwa, Abrahamu ukabonya karamu mbaa.
Kuwingwa kwa Hagari na mwana wake Ishmaeli
9Nao Sara ukammbona mwana wa Hagari uja Mmisri oremvaieghe Abrahamu ukisarigha na mwana wake Isaaka. 10Ukamzera Abrahamu, “Mmbinge noko uhu muka mzumba na mwana wake, kwa kukaia mwana wa muka mzumba ndechaawagha ifwa jingi andwamweri na mwana wapo Isaaka anduangi.”#Wagal. 4.29-30 11Ela ilagho ijo jikamzamia na ndighi Abrahamu, kwa wundu ghwa mwana wake Ishmaeli. 12Nao Mlungu ukamzera Abrahamu, “Kusakezamilwa kwa wundu ghwa mwana na uo muka wako mzumba. Ijo jose Sara uchaakuzera kujibonye, bonya wokoni; angu kivalwa chako chichawangwa kwa Isaaka.#War. 9.7; Waeb. 11.18 13Na uja mwana wa muka mzumba nicham'bonya ukaie mbari, angu nao moni wori ni mwana wako.” 14Abrahamu ukawuka nakesho kio, ukawusa mkate na kiriba cha machi ukamneka Hagari ukichiwikiria maweghenyi kwake, andwamweri na mwana wake, ukammbinga wighende. Hagari ukaghenda, ukazoya kumara-mara andenyi ya kireti cha Beer-sheba. 15Hata iji machi ghameria kusia, ukamsigha mwana a kisachinyi. 16Nao moni ukaghenda na kusea kidombo kakula sa wukula ghwa kukumba iwanu, angu oreghambieghe, “Sikunde kuwona mwana ukifwa.” Nao iji orekoghe kidombo kulengana nao, uo mwana ukazoya kulila. 17Mlungu ukachisikira kililo cha mwana, na malaika wa Mlungu ukammbanga Hagari kufuma mlungunyi ukighamba, “Niki chikujishagha wasi Hagari? Kusakeobua angu Mlungu wameria kusikira kililo cha mwana andu uko. 18Wuka kummbusire mwana kummbwadie mikonunyi kwako, angu nicham'bonya uo ukaie mbari mbaa.” 19Nao Mlungu ukaghitambua meso ghake, ukawona kiriwa cha machi ukaghenda ukachichura kiriba chake, ukamnyosha mwana. 20Mlungu ukakaia andwamweri na uo mwana, ukazoghua ukikaia kireti; nao ukawuya ing'oni jekumba ndana. 21Ukakaia kireti cha Parani, na mae ukamlowora muka kufuma isanga ja Misri.
Mapatano gha Abrahamu na Abimeleki
22Ngelo iyo, Abimeleki na Fikoli, m'baa wa majeshi ghake, wikamzera Abrahamu, “Mlungu oko andwamweri na oho kwa maza rose kuribonyagha;#Kuz. 26.26 23kwa wundu ughu, nakulomba kunighemie imbiri ya Mlungu kukaia ndekuchaanibonyera wukalo ghungi ini, wana wapo, na kivalwa chapo chose; ela sa iji ini nerekoghe mloli kwako, na oho kunibonyere wokoni, hata na iji isanga kwawuyajikaia wori.” 24Nao Abrahamu ukaghamba, “Nichaghema.” 25Hata iji Abrahamu oremlalamikieghe Abimeleki kwa wundu ghwa kiriwa cha machi oresokeloghe ni wadumiki wake, 26Abimeleki ukaghamba, “Ini simanyire mundu ubonyere ilagho ijo, hata na oho wori ndekunighorie anduangi, ijo ilagho naajisikira linu koni.” 27Nao Abrahamu ukamneka Abimeleki ng'ondi na ng'ombe, nawo waja wawi wikabonya mapatano. 28Abrahamu ukasaghua wana wa ng'ondi mfungade, ukawiwika kula na wambao. 29Abimeleki ukamkotia Abrahamu, “Awa wana wa ng'ondi mfungade kwawitanya na wambao kutambua kwaro niki?”
30Nao ukamtumbulia, “Awa wana wa ng'ondi mfungade kuawiwusa ghukaie wushuhuda angu ni ini moni nerechikotereghe ichi kiriwa.” 31Niko andu aho kukawangwa Beer-sheba, angu aho niko wose wawi werebonyereghe mapatano kwa ighemi. 32Nao wikabonya mapatano aja Beer-sheba, na Abimeleki andwamweri na Fikoli, m'baa wa majeshi ghake, wikawuka na kuwuya cha isanga ja Wafilisti. 33Abrahamu ukawa mkwachu aho Beer-sheba, ukamtasa BWANA Mlungu wa kala na kala. 34Abrahamu ukakaia luma isanga ja Wafilisti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1997
All rights reserved.