Bɛ̈n 18
18
Jethro Akëny Mothe
1Jethro, monywun ë Mothe, bɛ̈ny dïït de kake Nhialic wun ë Midian, acï këriëëc cïï Nhialic luöi Mothe piŋ ëbɛ̈n, ku piŋ ka cï luöi kɔc ke Yithriɛl ɣɔn bïï en ke bei piny ë Rip. 2#Bɛ̈n 2:21,22. Go Jethro monywun Mothe kɛ̈ny kekë Dhipoora tiiŋ ë Mothe wään cï döŋ, 3#Luɔi 7:29. ku lɔ wɛ̈ɛ̈t ke Mothe kaarou, Gercom kekë Eliedher. Aa cïï Mothe lueel an, “Yɛn rɛ̈ɛ̈r ke yɛn ye kaman piny lei. Go wëndɛn tök cäk an Gercom (Kaman).#18:3: Gercom: Rinkë në Ɣeberuu acït “alei.” 4Ku be lueel an, “Nhialic de wää ë ya luäk bei në melik ë Rip cin ade cï ya nɔ̈k. Go wëndɛn däŋë cäk an Eliedher (Nhialic ë ya kony).#18:4: Eliedher: Rinkë në Ɣeberuu acït “Nhialic ë ya kony.” 5Go Jethro lɔ ë jɔ̈ɔ̈ric në kuur ë Nhialic lɔ̈ɔ̈m të nu Mothe, ke cath kekë tiiŋ ë Mothe ku wɛ̈ɛ̈tke kaarou. 6Go Jethro Mothe tɔ yïnë thok luɔi bï kek. 7Go Mothe ke luɔɔr nïïm biic. Na wën ke lɔ yenɔm guöt piny në Jethro nɔm, ku ciim thok. Ku lopkï röt në pial ë guöp, ku jëlkï lekï në Paany ë Mothe yic. 8Go Mothe Jethro tɛ̈t këriëëc ëbɛ̈n, ka wään cïï Bɛ̈nydït luöi melik ë Rip, kekë kɔc ke Rip ɣɔn luɛ̈k en kɔc ke Yithriɛl bei. Ku tët katuc thook wään cï ke yök kueer, ku luɔɔi cïï Bɛ̈nydït ke kony. 9Na wën, aa piŋ Jethro ee kakë kedhie, ke mit piɔ̈u, 10ku lueel an, “Lec Bɛ̈nydït ë luɛ̈k yïn bei në melik ë Rip ciin kekë kɔc ke Rip! Lec Bɛ̈nydït cï kɔc ke Yithriɛl luäk bei në lïïmic! 11Acä jɔ ŋic nɔn Yen Bɛ̈nydït Yen dït awär yiëth kedhie. Në luɔi cï yen kɔc ke Yithriɛl luök ɣɔn luui ë kɔc ke Rip keek në dhääl.” 12Na wën, ke Jethro bïï miɔ̈c bï bɛ̈n nyop ëbɛ̈n. Ku bïï miɔ̈c däŋ bï bɛ̈n gäm Nhialic! Go Aron lɔ ke yen ku lɔ röördït ke Yithriɛl, lek këcam cam në Nhialic nɔm.
Kuɛ̈ny de Bäny ke Luk
(Nyöŋ 1:9-18)
13Na ɣɔn amiäk, ke Mothe ë nyuc ke guiir luŋ de kɔc. Go kɔc kɔ̈ɔ̈c në yelɔ̈ɔ̈m ë caŋ amiäk agut cï thëën. 14Na wën, aa tïŋ ë Jethro këriëëc dïït looi ë Mothe, ke lop an, “Eeŋö ë kakiith luöiyë kɔcë? Eeŋö yïn ee kakiith looi yïtök, ku jɔ kɔc tɔ kääc në yïnɔm ëbɛ̈n ë caŋ amiäk agut cï thëën?”
15Go Mothe puk nɔm an, “Ee luɔi ye kɔc këde Nhialic piɔ̈u bɛ̈n luɔp në yɛn. 16Na de kɔc cï kɛ̈ɛ̈k, ayek bɛ̈n të nu yɛnë bä raan de nɔm yic bɛ̈n tïŋ në keyiic. Ku nyuöth keek lööŋ ke Nhialic ku ka cïï Nhialic lueel.”
17Go Jethro lɛ̈k en an, “Kë loiyë acïï piɛth. 18Yïn bï rɔt bääp ku bääpë kɔc aya. Acïï rɔ̈ŋ bä luɔiyë aa looi yïtök. 19Ku ënɔɔnë, piŋ kë lɛ̈k yïn. Yïn bä nyuöth kueer, ku Nhialic abï tɔ̈u ke yïn! Ye bɛ̈n në Nhialic nɔm në nyin ë kɔciic. Ku bɛ̈ɛ̈iyë göönyden në Nhialic nɔm ayadäŋ. 20Ye ke nyuöth kë cïï Nhialic lueel. Ku wɛ̈ɛ̈rë ke rëër bï kek aa rëër, ayï kë bïk aa looi. 21Ku däŋ nu aya, ee luɔi bï yïn kɔc lëu luɔɔi kuany. Ku tɔ keek ee bäny: bäny ke aguum ke kɔc, ku bäny ke bot, ku bäny ke thiërdhïc, ku bäny ke thiëër. Ke ke ye kɔc ee Nhialic riëëu, kɔc cï gam, ku cïkï kumthok bï ya nööm. 22Ku ye ke tɔ guiir luŋ ë kɔc ë cieŋ, ye keek tɔ guiir jiɛɛm piɔliic kedhie kapäc. Na de jam rilic ke bïk aa yiɛ̈n yïn. Ku ëtɛ̈ɛ̈n, abï ŋuɛ̈ɛ̈n ë määth, abïk yïn aa kuɔny në luɔiduön dïïtë. 23Na loi cït man cïï Nhialic e lueel, ke yïn cïï rɔt bï bääp, ku ŋɛk abï rɔt aa puɔ̈k baai ke jamde ë cï thök në guiɛɛr.”
24Go Mothe jam de Jethro gam, 25ku kuɛny kɔc lëthiic në kɔc ke Yithriɛliic ëbɛ̈n. Kuɛny keek tɔ ke ee bäny ke aguum ke kɔc, ku bäny ke bot, ku bäny ke thiërdhïc, ku bäny ke thiëër. 26Gokï kɔc aa kuum në kueer yic, ku yek jiɛɛm riliic yiɛ̈n Mothe, ku guiirkï jiɛɛm piɔliic kapäc.
27Na wën, ke Mothe ë ruɛc Jethro cök kueer, go Jethro jäl ke lɔ wunde.
Currently Selected:
Bɛ̈n 18: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Bɛ̈n 18
18
Jethro Akëny Mothe
1Jethro, monywun ë Mothe, bɛ̈ny dïït de kake Nhialic wun ë Midian, acï këriëëc cïï Nhialic luöi Mothe piŋ ëbɛ̈n, ku piŋ ka cï luöi kɔc ke Yithriɛl ɣɔn bïï en ke bei piny ë Rip. 2#Bɛ̈n 2:21,22. Go Jethro monywun Mothe kɛ̈ny kekë Dhipoora tiiŋ ë Mothe wään cï döŋ, 3#Luɔi 7:29. ku lɔ wɛ̈ɛ̈t ke Mothe kaarou, Gercom kekë Eliedher. Aa cïï Mothe lueel an, “Yɛn rɛ̈ɛ̈r ke yɛn ye kaman piny lei. Go wëndɛn tök cäk an Gercom (Kaman).#18:3: Gercom: Rinkë në Ɣeberuu acït “alei.” 4Ku be lueel an, “Nhialic de wää ë ya luäk bei në melik ë Rip cin ade cï ya nɔ̈k. Go wëndɛn däŋë cäk an Eliedher (Nhialic ë ya kony).#18:4: Eliedher: Rinkë në Ɣeberuu acït “Nhialic ë ya kony.” 5Go Jethro lɔ ë jɔ̈ɔ̈ric në kuur ë Nhialic lɔ̈ɔ̈m të nu Mothe, ke cath kekë tiiŋ ë Mothe ku wɛ̈ɛ̈tke kaarou. 6Go Jethro Mothe tɔ yïnë thok luɔi bï kek. 7Go Mothe ke luɔɔr nïïm biic. Na wën ke lɔ yenɔm guöt piny në Jethro nɔm, ku ciim thok. Ku lopkï röt në pial ë guöp, ku jëlkï lekï në Paany ë Mothe yic. 8Go Mothe Jethro tɛ̈t këriëëc ëbɛ̈n, ka wään cïï Bɛ̈nydït luöi melik ë Rip, kekë kɔc ke Rip ɣɔn luɛ̈k en kɔc ke Yithriɛl bei. Ku tët katuc thook wään cï ke yök kueer, ku luɔɔi cïï Bɛ̈nydït ke kony. 9Na wën, aa piŋ Jethro ee kakë kedhie, ke mit piɔ̈u, 10ku lueel an, “Lec Bɛ̈nydït ë luɛ̈k yïn bei në melik ë Rip ciin kekë kɔc ke Rip! Lec Bɛ̈nydït cï kɔc ke Yithriɛl luäk bei në lïïmic! 11Acä jɔ ŋic nɔn Yen Bɛ̈nydït Yen dït awär yiëth kedhie. Në luɔi cï yen kɔc ke Yithriɛl luök ɣɔn luui ë kɔc ke Rip keek në dhääl.” 12Na wën, ke Jethro bïï miɔ̈c bï bɛ̈n nyop ëbɛ̈n. Ku bïï miɔ̈c däŋ bï bɛ̈n gäm Nhialic! Go Aron lɔ ke yen ku lɔ röördït ke Yithriɛl, lek këcam cam në Nhialic nɔm.
Kuɛ̈ny de Bäny ke Luk
(Nyöŋ 1:9-18)
13Na ɣɔn amiäk, ke Mothe ë nyuc ke guiir luŋ de kɔc. Go kɔc kɔ̈ɔ̈c në yelɔ̈ɔ̈m ë caŋ amiäk agut cï thëën. 14Na wën, aa tïŋ ë Jethro këriëëc dïït looi ë Mothe, ke lop an, “Eeŋö ë kakiith luöiyë kɔcë? Eeŋö yïn ee kakiith looi yïtök, ku jɔ kɔc tɔ kääc në yïnɔm ëbɛ̈n ë caŋ amiäk agut cï thëën?”
15Go Mothe puk nɔm an, “Ee luɔi ye kɔc këde Nhialic piɔ̈u bɛ̈n luɔp në yɛn. 16Na de kɔc cï kɛ̈ɛ̈k, ayek bɛ̈n të nu yɛnë bä raan de nɔm yic bɛ̈n tïŋ në keyiic. Ku nyuöth keek lööŋ ke Nhialic ku ka cïï Nhialic lueel.”
17Go Jethro lɛ̈k en an, “Kë loiyë acïï piɛth. 18Yïn bï rɔt bääp ku bääpë kɔc aya. Acïï rɔ̈ŋ bä luɔiyë aa looi yïtök. 19Ku ënɔɔnë, piŋ kë lɛ̈k yïn. Yïn bä nyuöth kueer, ku Nhialic abï tɔ̈u ke yïn! Ye bɛ̈n në Nhialic nɔm në nyin ë kɔciic. Ku bɛ̈ɛ̈iyë göönyden në Nhialic nɔm ayadäŋ. 20Ye ke nyuöth kë cïï Nhialic lueel. Ku wɛ̈ɛ̈rë ke rëër bï kek aa rëër, ayï kë bïk aa looi. 21Ku däŋ nu aya, ee luɔi bï yïn kɔc lëu luɔɔi kuany. Ku tɔ keek ee bäny: bäny ke aguum ke kɔc, ku bäny ke bot, ku bäny ke thiërdhïc, ku bäny ke thiëër. Ke ke ye kɔc ee Nhialic riëëu, kɔc cï gam, ku cïkï kumthok bï ya nööm. 22Ku ye ke tɔ guiir luŋ ë kɔc ë cieŋ, ye keek tɔ guiir jiɛɛm piɔliic kedhie kapäc. Na de jam rilic ke bïk aa yiɛ̈n yïn. Ku ëtɛ̈ɛ̈n, abï ŋuɛ̈ɛ̈n ë määth, abïk yïn aa kuɔny në luɔiduön dïïtë. 23Na loi cït man cïï Nhialic e lueel, ke yïn cïï rɔt bï bääp, ku ŋɛk abï rɔt aa puɔ̈k baai ke jamde ë cï thök në guiɛɛr.”
24Go Mothe jam de Jethro gam, 25ku kuɛny kɔc lëthiic në kɔc ke Yithriɛliic ëbɛ̈n. Kuɛny keek tɔ ke ee bäny ke aguum ke kɔc, ku bäny ke bot, ku bäny ke thiërdhïc, ku bäny ke thiëër. 26Gokï kɔc aa kuum në kueer yic, ku yek jiɛɛm riliic yiɛ̈n Mothe, ku guiirkï jiɛɛm piɔliic kapäc.
27Na wën, ke Mothe ë ruɛc Jethro cök kueer, go Jethro jäl ke lɔ wunde.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.