Bɛ̈n 37
37
Luɔi de Athänduŋ de Mät
(Bɛ̈n 25:10-22)
1Bedhalel aa loi athänduŋ de mät në tim de aluii ku bɛ̈ɛ̈r de yenkɔ̈u aa ye mitïr ku biäk. Ku looi dït de yeyic ke ye biäk de mitïr. Ku tɔ bɛ̈ɛ̈r de yekɔ̈u ke lɔ nhial ee mitïr ku biäk. 2Ku rɔɔthic thïn në adhäm awai. Ku rɔɔth kɔ̈u biic ayadäŋ në yen. Ku wil nɔm ëbɛ̈n në atheer adhääp. 3Ku lui joth dhuɔɔkiic kaŋuan në adhääp bï ye aa ɣääc. Ku cuëëc keek në aguuk nïïm kaŋuan, rou ë baŋë ku rou ë baŋë. 4Ku looi wai bï ye aa ɣääc në tim de aluii. Ku rɔɔth kekɔ̈ɔ̈th në adhääp. 5Ku lut keek në joth dhuɔɔkiic në Athänduk nɔm baŋë ku baŋë. 6Ku looi akum në adhäm awai, ke bɛ̈ɛ̈r de yenkɔ̈u ee mitïr ku biäk. Ku dït de yenyic tɔ ye biäk de mitïr. 7Ku cuëëc cerubiim në adhäm cï deŋ, 8cerubiim tök në akum thok baŋë, ku tök në baŋ däŋë. Ku cuëëc keek në akum guöp. 9Ku cerubiim tuum kenïïm, ku aake cï akum gɛ̈l piny në kewuök.
Luɔi de Paam
(Bɛ̈n 25:23-30)
10Ku looi paam në tim de aluii, ke bɛ̈ɛ̈r de yekɔ̈u ë ye mitïr, ku tɔ dït de yenyic ee biäk de mitïr. Ku tɔ bɛ̈ɛ̈rde ke lɔ nhial ee biäk de mitïr. 11Ku rɔɔth nɔm në adhäm awai, ku wil këc në atheer adhääp. 12Ku wil nɔm ëbɛ̈n në atheer duëërë them në ciin nɔm. Ku wil atheer piny në atheer adhääp. 13Ku lui joth dhuɔɔkiic kaŋuan në adhääp, joth bï ye aa ɣääc, ku tɛ̈ɛ̈u ke në aguukiic kaŋuan ke ke tiŋ cök nïïm. 14Ku joth dhuɔɔkiic ye ke paam ɣääc tɛ̈ɛ̈uwë keek në atheer lɔ̈ɔ̈m. 15Ku looi wai në tim de aluii, ku rɔɔth kɔ̈u në adhääp. 16Ku looi këriëëc de paam ëbɛ̈n në adhäm awai: aduuk, ku thɛ̈k ke wal ŋïr, ku guöl ku abïny bï mɔ̈n cï gam aa dek.
Luɔi de kë Ye Manyalath Cäp Thar Thïn
(Bɛ̈n 25:31-40)
17Ku looi kë ye manyalath tääu në yenɔm në adhäm awai. Ku looi kunyde në adhäm cï deŋ, ayï yekɔ̈u, ayï akɛɛn ke walke, ayï ŋolke, ku gɛkke, ku tɔ keek ee tök në yen. 18Ku kër kadhetem ë ke këër bei në yekëc. Kër kadiäk baŋë, ku diäk në baŋ däŋë. 19Ku loikï abïïny kaarou, abïïny cït man akɛɛn de almon. Ku ë ke deyiic akɛɛn, ku ŋol në kër kɔ̈ɔ̈th kedhie, kër këër bei në kë ye manyalath cäp thar thïn. 20Ku kë ye manyalath cäp thar thïn guöpde, aa de kɔ̈u abïïny kaŋuan, abïïny cï looi cït man almon cï ŋuɔl moc gaak. 21Ku ŋol tök në kër thäär piny kedhie kadhetem. 22Ku kër rɛk në ŋol ëtök, loike kedhie në adhäm cï deŋ, adhäm awai. 23Agokï mɛ̈c ke many alath looi kedhie kadhorou në adhäm awai, ayï kë ye mac cuääny thok, ayï atɛ̈nyde. 24Ku loikï kë ye manyalath cäp thar thïn, kekë kake kedhie në adhäm awai.
Yïïŋ de Nyum ë Wal Ŋïr
(Bɛ̈n 30:1-5)
25Agokï looi yïïŋ de nyum ë wal ŋïr në tim de aluii. Ku bɛ̈ɛ̈r de yenkɔ̈u aaye biäk de mitïr. Ku dït de yeyic aaye biäk de mitïr. Ku bɛ̈ɛ̈rde yenkɔ̈u ke lɔ nhial aaye mitïr tök. Ku tuŋke rɛk në yeguöp. 26Ku rɔthkï kɔ̈u, ayï yenɔm ëbɛ̈n në adhäm awai. Ku luikï kɔ̈u kuëër adhääp ëbɛ̈n. 27Ku luikï joth dhuɔɔkiic ke adhääp kaarou në kuëër de adhääp thar piny, tök ë baŋë ku däŋë ë baŋë bï wai ɣɛ̈ɛ̈cë ye aa tääu thïn. 28Ku loikï wai në tim de aluii, ku rɔthkï kekɔ̈ɔ̈th në adhääp.
Luɔi de Miök ë Tɔc kekë Miök Ŋïr
(Bɛ̈n 30:22-38)
29 #
Bɛ̈n 30:22-38. Gokï miök ɣeric de tɔc looi, ku loikï wɛ̈ɛ̈l ŋïr awai, cïï looi në atëët ee miök liääp apiɛth.
Currently Selected:
Bɛ̈n 37: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
