Bɛ̈n 39
39
Luɔi de Lupɔɔ ke Bäny ke Kake Nhialic
(Bɛ̈n 28:1-14)
1Na wën, ke ke loi lupɔɔ piɛth ke bäny ke kake Nhialic bïk keek aa cieŋ të le kek tëɣeric. Aake loikï në lupɔ aräu, ku lupɔ amujuŋ, ku lupɔ thith. Ku luikï Aron lupɔɔ ke bäny ke kake Nhialic ayadäŋ cït man cïï Bɛ̈nydït ye lɛ̈k Mothe.
2Gokï ajïpɔ de adhääp looi në linɔn lɔ mot, ku lupɔ aräu, ku lupɔ amujuŋ, ku alanh atuöl aŋirŋir. 3Ku deŋkï thalɛɛŋ ke adhääp, bï keek guöt në linɔn kɔ̈u, ku gutë keek në lupɔ aräu kɔ̈u, ku lupɔ amujuŋ kɔ̈u, ku lupɔ thith kɔ̈u. 4Ku luikï ajïpɔ kët ka lɔ yueryuer, ku kɛɛcë keek në yeŋɛŋ bï ye aa duut. 5Ku acïk thiönh cï ŋiëc gut apiɛth në linɔn lɔ mot, ku adhääp ku, ku lupɔ aräu, ku lupɔ amujuŋ, ku alanh atuöl aŋirŋir, cïï atëët gut bɛ̈n rɛk në ajïpɔ kɔ̈u mɛt kek en thok tëtök cït man cï Bɛ̈nydït e lɛ̈k Mothe. 6Ku nömkï kur ke onik kaarou ku kum kekɔ̈ɔ̈th në adhääp, ku tueŋkï rin ke wɛ̈ɛ̈t ke Jakop në kekɔ̈ɔ̈th apiɛth kathiëër ku rou. 7Ku duutkï keek në ka lɔ yueryuer ke ajïpɔ thook, ke ke bï wɛ̈ɛ̈t ke Jakop aa nyuɔɔth cït man cïï Bɛ̈nydït e lɛ̈k Mothe.
Luɔi de Lupɔ de Yɔu
(Bɛ̈n 28:15-30)
8Gokï lupɔ de yɔu guöt tëët cït man cï kek ajïpɔ looi në adhääp ku linɔn lɔ mot, ku lupɔ aräu, ku lupɔ amujuŋ, ku alanh atuöl aŋirŋir. 9Ku aaye yic arɔm ke matic ë rou. Ku bɛ̈ɛ̈r de yekɔ̈u acï rueetic, ayï dït de yeyic acï rueetic aya. 10Ku acïk kueer thok në aber ee yic ŋuan në kur tuc ë ɣööcden. Acïk aber tueŋ kueer në kuur ë thardiɔn, ku kuur ë topadh, ku kuur ë garnet. 11Ku kueerkï aber de rou thok në kuur ë ameral, ku kuur ë thapiro, ku kuur ë daimon. 12Ku kueerkï aber de diäk thok në kuur ë jakintho, ku kuur ë agat, ku kuur ë amethit. 13Ku kueerkï aber de ŋuan thok në kuur ë beril, ku kuur ë onik, ku kuur ë jathpi. Ku kakë kedhie aake cï diir thook në adhääp. 14Ku kurkë kedhie kathiëër ku rou, acï ke gäär kɔ̈ɔ̈th rin ke wɛ̈ɛ̈t ke Yithriɛl, acïtkï guela, kuur tök ke rin ke wën tök. Ku ye dhiëën ke Yithriɛl nyuɔɔth kathiëër ku rou. 15Ku luikï lupɔ de yɔu thok kuɛɛt ke adhäm awai, kuɛɛt cï deŋ. 16Ku loikï joth dhuɔɔkiic kaarou, ku kuc ke adhääp kaarou. Ku rekkï keek në lupɔ de yɔu thok në biäk nhial. 17Ku rekkï joth ke adhääp kaarou në kuc ke adhääp kɔ̈ɔ̈th kaarou. 18Ku rekkï joth thook biäk däŋë në kuc kɔ̈ɔ̈th, ku rekkï kethook në ajïpɔ kɔ̈u. 19Ku loikï kuc ke adhääp kaarou, ku rekkï thook piny në lupɔ de yɔu në biäk thïn de ajïpɔ. 20Ku bekï kuc kɔ̈k ke adhääp looi kaarou, ku rekkï keek thook në lupɔ de kët thok piny në ajïpɔ kɔ̈u në baŋ tueŋ, të thiääk ke thiönh cï ŋiëc gut apiɛth. 21Ku duutkï kuc ke lupɔ de yɔu në kuc ke ajïpɔ kɔ̈ɔ̈th aril në alanh aräu. Mɛtkï kethook piny në thiööth kɔ̈u ke ke cïï bï däk, cït man wään cïï Bɛ̈nydït e lɛ̈k Mothe.
Lupɔɔ Kɔ̈k ke Bäny ke Kake Nhialic
(Bɛ̈n 28:31-43)
22Ku loikï lupɔ de epotic thïn në alanh aräu. 23Ku dirkï të ɣɔ̈ɔ̈r ye nɔm tëëk thok në atheer cï nai ke cï bï rɛt. 24Ku luikï thok dhuur në mïth ke tim de pomegraneet në ye thok piny në alanh aräu, ku alanh amujuŋ, ku kë thith, ku linɔn atuöl aŋirŋir. 25Ku loikï aruuruu në adhäm awai, ku guelkï keek në dhuur ke pomegraneet yiic në lupɔ thok piny. 26Ku dhuur ke pomegraneet cï guel në aruuruu nu në lupɔ kɔ̈u abï keek aa cieŋ në thaar ë luɔi, cït man cïï Bɛ̈nydït e lɛ̈k Mothe.
27Gokï Aron luöi aluluut ke lupɔ piɛth lɔ mot kekë wɛ̈ɛ̈tke. 28Ku loikï lupɔɔ ke dër ë nɔm në lupɔ piɛth lɔ mot, ku atɛ̈ny, ku athuruɛl de lupɔ piɛth lɔ mot. 29Ku loikï lupɔ de kët në linɔn lɔ mot cïï atëët ŋiëc gut apiɛth në lupɔ aräu, ku lupɔ amujuŋ, ku lupɔ thith cït man cïï Bɛ̈nydït e lɛ̈k Mothe. 30Ku cuëckï aduök në göl ɣeric në adhäm awai. Ku gɔ̈ɔ̈rkï yic an, “Ee kë cï gäm Bɛ̈nydït!” 31Ku mäckï thar alanh aräu. Ku ruökkï në lupɔ de dër ë nɔm kɔ̈u në baŋ tueŋ cït man cïï Bɛ̈nydït e lɛ̈k Mothe.
Thök de luɔi
(Bɛ̈n 35:10-19)
32Na ɣɔn, ke luɔi de paany de mät ë jɔ thök. Kɔc ke Yithriɛl acïk këriëëc bɛ̈n looi ëbɛ̈n cït man cïï Bɛ̈nydït e lɛ̈k Mothe. 33Na wën, ke ke jɔ paany yiɛ̈n Mothe kekë kakɛn tɔ̈u thïn ëbɛ̈n: yï këërkëër, ayï thiliikkɛn dhuɔɔk nïïm, ayï rïurïuke, ayï këŋke, ayï kucke. 34Ku akum de dël ke nyök amɛ̈l cï tɔc në kïn thith, ku akum de dël ke ɣɔ̈k lɔ mot, ku gëlgël. 35Ku athänduŋ de mät ke de yic kur pätiic kaarou, ku waike, ku akumde. 36Ku paam, kekë kake kedhie, ayï kuïn cï kuïn cï pam ɣeric Nhialic. 37Ku kë ye manyalath cäp thar thïn cï cuëëc në adhäm awai, kekë mɛ̈ckealath, ku kake kedhie, ayï miökde. 38Ku yïïŋ de adhääp, ku miök de tɔc, ku wɛ̈ɛ̈l ŋïr, ku gëlgël de paany thok. 39Ku yïïŋ de maläŋ, kekë bɔi maläŋ, ku waike, ku kake kedhie, ku thaaŋ ë wɛ̈k kekë kunyde. 40Ku gëlgël de kal, kekë këŋke, ku kuc, ku gëlgël de kal thok, kekë waike, ku lɔ̈c ke paany de mät, ku kake luɔi ëbɛ̈n në paany de mätic. 41Ku lupɔɔ piɛth lɔ yum, lupɔɔ bï bäny ke kake Nhialic ke cieŋ, të luui kek tëɣeric, lupɔɔ ɣeriic, lupɔɔ ke Aron kekë wɛ̈ɛ̈tke. 42Go kɔc ke Yithriɛl luɔi looi ëbɛ̈n, cït man cïï Bɛ̈nydït e lɛ̈k Mothe. 43Na wën, ke jɔ Mothe ye caath guöp ëbɛ̈n, go yök acï looi ëbɛ̈n ëgɔk cït man cïï Bɛ̈nydït e lɛ̈k en. Go Mothe keek thieei.
Currently Selected:
Bɛ̈n 39: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Bɛ̈n 39
39
Luɔi de Lupɔɔ ke Bäny ke Kake Nhialic
(Bɛ̈n 28:1-14)
1Na wën, ke ke loi lupɔɔ piɛth ke bäny ke kake Nhialic bïk keek aa cieŋ të le kek tëɣeric. Aake loikï në lupɔ aräu, ku lupɔ amujuŋ, ku lupɔ thith. Ku luikï Aron lupɔɔ ke bäny ke kake Nhialic ayadäŋ cït man cïï Bɛ̈nydït ye lɛ̈k Mothe.
2Gokï ajïpɔ de adhääp looi në linɔn lɔ mot, ku lupɔ aräu, ku lupɔ amujuŋ, ku alanh atuöl aŋirŋir. 3Ku deŋkï thalɛɛŋ ke adhääp, bï keek guöt në linɔn kɔ̈u, ku gutë keek në lupɔ aräu kɔ̈u, ku lupɔ amujuŋ kɔ̈u, ku lupɔ thith kɔ̈u. 4Ku luikï ajïpɔ kët ka lɔ yueryuer, ku kɛɛcë keek në yeŋɛŋ bï ye aa duut. 5Ku acïk thiönh cï ŋiëc gut apiɛth në linɔn lɔ mot, ku adhääp ku, ku lupɔ aräu, ku lupɔ amujuŋ, ku alanh atuöl aŋirŋir, cïï atëët gut bɛ̈n rɛk në ajïpɔ kɔ̈u mɛt kek en thok tëtök cït man cï Bɛ̈nydït e lɛ̈k Mothe. 6Ku nömkï kur ke onik kaarou ku kum kekɔ̈ɔ̈th në adhääp, ku tueŋkï rin ke wɛ̈ɛ̈t ke Jakop në kekɔ̈ɔ̈th apiɛth kathiëër ku rou. 7Ku duutkï keek në ka lɔ yueryuer ke ajïpɔ thook, ke ke bï wɛ̈ɛ̈t ke Jakop aa nyuɔɔth cït man cïï Bɛ̈nydït e lɛ̈k Mothe.
Luɔi de Lupɔ de Yɔu
(Bɛ̈n 28:15-30)
8Gokï lupɔ de yɔu guöt tëët cït man cï kek ajïpɔ looi në adhääp ku linɔn lɔ mot, ku lupɔ aräu, ku lupɔ amujuŋ, ku alanh atuöl aŋirŋir. 9Ku aaye yic arɔm ke matic ë rou. Ku bɛ̈ɛ̈r de yekɔ̈u acï rueetic, ayï dït de yeyic acï rueetic aya. 10Ku acïk kueer thok në aber ee yic ŋuan në kur tuc ë ɣööcden. Acïk aber tueŋ kueer në kuur ë thardiɔn, ku kuur ë topadh, ku kuur ë garnet. 11Ku kueerkï aber de rou thok në kuur ë ameral, ku kuur ë thapiro, ku kuur ë daimon. 12Ku kueerkï aber de diäk thok në kuur ë jakintho, ku kuur ë agat, ku kuur ë amethit. 13Ku kueerkï aber de ŋuan thok në kuur ë beril, ku kuur ë onik, ku kuur ë jathpi. Ku kakë kedhie aake cï diir thook në adhääp. 14Ku kurkë kedhie kathiëër ku rou, acï ke gäär kɔ̈ɔ̈th rin ke wɛ̈ɛ̈t ke Yithriɛl, acïtkï guela, kuur tök ke rin ke wën tök. Ku ye dhiëën ke Yithriɛl nyuɔɔth kathiëër ku rou. 15Ku luikï lupɔ de yɔu thok kuɛɛt ke adhäm awai, kuɛɛt cï deŋ. 16Ku loikï joth dhuɔɔkiic kaarou, ku kuc ke adhääp kaarou. Ku rekkï keek në lupɔ de yɔu thok në biäk nhial. 17Ku rekkï joth ke adhääp kaarou në kuc ke adhääp kɔ̈ɔ̈th kaarou. 18Ku rekkï joth thook biäk däŋë në kuc kɔ̈ɔ̈th, ku rekkï kethook në ajïpɔ kɔ̈u. 19Ku loikï kuc ke adhääp kaarou, ku rekkï thook piny në lupɔ de yɔu në biäk thïn de ajïpɔ. 20Ku bekï kuc kɔ̈k ke adhääp looi kaarou, ku rekkï keek thook në lupɔ de kët thok piny në ajïpɔ kɔ̈u në baŋ tueŋ, të thiääk ke thiönh cï ŋiëc gut apiɛth. 21Ku duutkï kuc ke lupɔ de yɔu në kuc ke ajïpɔ kɔ̈ɔ̈th aril në alanh aräu. Mɛtkï kethook piny në thiööth kɔ̈u ke ke cïï bï däk, cït man wään cïï Bɛ̈nydït e lɛ̈k Mothe.
Lupɔɔ Kɔ̈k ke Bäny ke Kake Nhialic
(Bɛ̈n 28:31-43)
22Ku loikï lupɔ de epotic thïn në alanh aräu. 23Ku dirkï të ɣɔ̈ɔ̈r ye nɔm tëëk thok në atheer cï nai ke cï bï rɛt. 24Ku luikï thok dhuur në mïth ke tim de pomegraneet në ye thok piny në alanh aräu, ku alanh amujuŋ, ku kë thith, ku linɔn atuöl aŋirŋir. 25Ku loikï aruuruu në adhäm awai, ku guelkï keek në dhuur ke pomegraneet yiic në lupɔ thok piny. 26Ku dhuur ke pomegraneet cï guel në aruuruu nu në lupɔ kɔ̈u abï keek aa cieŋ në thaar ë luɔi, cït man cïï Bɛ̈nydït e lɛ̈k Mothe.
27Gokï Aron luöi aluluut ke lupɔ piɛth lɔ mot kekë wɛ̈ɛ̈tke. 28Ku loikï lupɔɔ ke dër ë nɔm në lupɔ piɛth lɔ mot, ku atɛ̈ny, ku athuruɛl de lupɔ piɛth lɔ mot. 29Ku loikï lupɔ de kët në linɔn lɔ mot cïï atëët ŋiëc gut apiɛth në lupɔ aräu, ku lupɔ amujuŋ, ku lupɔ thith cït man cïï Bɛ̈nydït e lɛ̈k Mothe. 30Ku cuëckï aduök në göl ɣeric në adhäm awai. Ku gɔ̈ɔ̈rkï yic an, “Ee kë cï gäm Bɛ̈nydït!” 31Ku mäckï thar alanh aräu. Ku ruökkï në lupɔ de dër ë nɔm kɔ̈u në baŋ tueŋ cït man cïï Bɛ̈nydït e lɛ̈k Mothe.
Thök de luɔi
(Bɛ̈n 35:10-19)
32Na ɣɔn, ke luɔi de paany de mät ë jɔ thök. Kɔc ke Yithriɛl acïk këriëëc bɛ̈n looi ëbɛ̈n cït man cïï Bɛ̈nydït e lɛ̈k Mothe. 33Na wën, ke ke jɔ paany yiɛ̈n Mothe kekë kakɛn tɔ̈u thïn ëbɛ̈n: yï këërkëër, ayï thiliikkɛn dhuɔɔk nïïm, ayï rïurïuke, ayï këŋke, ayï kucke. 34Ku akum de dël ke nyök amɛ̈l cï tɔc në kïn thith, ku akum de dël ke ɣɔ̈k lɔ mot, ku gëlgël. 35Ku athänduŋ de mät ke de yic kur pätiic kaarou, ku waike, ku akumde. 36Ku paam, kekë kake kedhie, ayï kuïn cï kuïn cï pam ɣeric Nhialic. 37Ku kë ye manyalath cäp thar thïn cï cuëëc në adhäm awai, kekë mɛ̈ckealath, ku kake kedhie, ayï miökde. 38Ku yïïŋ de adhääp, ku miök de tɔc, ku wɛ̈ɛ̈l ŋïr, ku gëlgël de paany thok. 39Ku yïïŋ de maläŋ, kekë bɔi maläŋ, ku waike, ku kake kedhie, ku thaaŋ ë wɛ̈k kekë kunyde. 40Ku gëlgël de kal, kekë këŋke, ku kuc, ku gëlgël de kal thok, kekë waike, ku lɔ̈c ke paany de mät, ku kake luɔi ëbɛ̈n në paany de mätic. 41Ku lupɔɔ piɛth lɔ yum, lupɔɔ bï bäny ke kake Nhialic ke cieŋ, të luui kek tëɣeric, lupɔɔ ɣeriic, lupɔɔ ke Aron kekë wɛ̈ɛ̈tke. 42Go kɔc ke Yithriɛl luɔi looi ëbɛ̈n, cït man cïï Bɛ̈nydït e lɛ̈k Mothe. 43Na wën, ke jɔ Mothe ye caath guöp ëbɛ̈n, go yök acï looi ëbɛ̈n ëgɔk cït man cïï Bɛ̈nydït e lɛ̈k en. Go Mothe keek thieei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.