Bɛ̈n 9
9
Thon ë Läi
1Go Bɛ̈nydït lɛ̈k Mothe an, “Lɔ lɛ̈kë melik an acïï Bɛ̈nydït Nhialic de Ɣeberuu lueel an, ‘Tɔ kɔckï jäl lek A lam. 2Na lɔ ke bɛ pɛ̈n jäl, 3wek bä luöi këtuc. Läikuön nu roor kedhie, abä keek tuöc jɔɔk, ɣɔ̈k ku thök, ku jöŋgöör, ku mul, ku thɔ̈rɔ̈l. 4Ku akeu abä looi në kaam de ɣɔ̈k ke Yithriɛl në ɣɔ̈kkun. Acïn weŋ töŋ bï thou në ɣɔ̈k ke Yithriɛliic taitai. 5Ee yɛn Bɛ̈nydït, miäk yen acä lɔc bän ɣɔ̈kkun nɔ̈k.’ ”
6Na ɣɔn amiäk, ke Bɛ̈nydït ë näk läi ke kɔc ke Rip kedhie cït man cï Yen e lueel. Go ɣɔ̈k ke Rip thou kedhie, ku cïn weŋ töŋ thou në ɣɔ̈k ke Yithriɛliic. 7Na wën, ke melik ë lop në kë cï rɔt looi. Go lɛ̈k en nɔn cïn en weŋ töŋ cï thou në ɣɔ̈k ke Yithriɛliic. Go ŋoot ke ril nɔm, ku cïï kɔc ke Yithriɛl päl ajäl.
Poor
8Go Bɛ̈nydït lɛ̈k Mothe kekë Aron an, “Thiäŋkï wecin në ŋenh ë purun, ku ë weer ë Mothe ye nhial ë yomic në melik nɔm. 9Abï piny ë Rip paatic ëbɛ̈n, ke ye ŋenh thiin lɔ mot. Ku abï kɔc poor gup ëbɛ̈n, ku tɔ rɔt ee tëtöök në kɔc gup, ayï läi.” 10#Nyu 16:2. Gokï ŋeth nööm, ku lekï tëde melik. Na wën aa cïk lɔ, ke Mothe ë weer ŋeth nhial në melik nɔm. Go ŋeth kɔc poor gup, ku tɔ rɔt tɔ ee tëtöök në kɔc gup, ku ɣɔ̈k. 11Ku tït akënkï bɛ̈n bɛ bɛ̈n të nu Mothe thïn, në luɔi ë cï kek gup poor ayadäŋ në kɔc ke Rip ëtök. 12Ku Bɛ̈nydït ë melik bɛ̈n tɔ ril nɔm cït man wään cïï Yen e lueel an melik acïï jam de Mothe bï piŋ kekë Aron.
Deŋ ë Kɔɔi
13Go Bɛ̈nydït bɛ lɛ̈k Mothe an, “Miäk aduduur, ke yï riɛɛl tëde melik. Lɔ lɛ̈kë yen an acïï Bɛ̈nydït Nhialic de Ɣeberuu lueel an, ‘Tɔ kɔckï jäl lek A lam. 14Në ee kë ciëënë, acie bänyku, ku kɔcku kek bä luöi këtuc kapäc. Yïn guöpdu, yïn bä luöi këtuc ayadäŋ. Yen abï yïn en jɔ ŋic nɔn cïn en raan kït ke Yɛn në piny nɔm ëbɛ̈n. 15Na ë Ya cï A ciin yɔɔk, ku ta yï dɔm ë jɔɔk wekë kɔcku, adï cäk nyïïn riäär ë taiwei ënɔɔnë. 16#Rom 9:17. Yïn aa ta pïïr në baŋ bän riɛldï nyuɔɔth, ke kɔc ke piny nɔm ë ke bï Ya ŋic kedhie. 17Ke yï go yïnɔm ɣääc, ku pɛ̈në kɔckï jäl. 18Miäk aköl wälë, deŋ dïït ë kɔɔi abä tɔ tueny, deŋ kën ë kɔc ke Rip kɔn tïŋ ë caaŋden. 19Ka week, yɔ̈ɔ̈kkï tïït ke ɣɔ̈kkun tɔ̈u roor, takï ke tɛ̈ɛ̈u ɣɔ̈k ë luëkiic. Ɣɔ̈k lɔ döŋ biic ke ke kënë tääu luɛɛk, abï deŋ ë kɔɔi ke nɔ̈k kedhie, mɛ̈tkï në kɔc lɔ döŋ biic aya.’ ”
20Na wën, ke bäny kɔ̈k në bäny ke melikiic acïk ɣɔ̈kken kuaath ë luëkiic, bäny wën cï riɔ̈ɔ̈c në kë cïï Bɛ̈nydït lueel, ku tɔkï lïïmken lɔ ë ɣöötiic. 21Ku kɔc cï jam ë Bɛ̈nydït dhɔ̈lic, acïk ɣɔ̈kken bɛ̈n puɔ̈l roor ëtɛ̈ɛ̈n, ayï lïïmken.
22Na wën, ke lëk ë Bɛ̈nydït Mothe an, “Yaakë yïcin nhial, ke deŋ ë kɔɔi ë bï tuɛny piny ë Rip ëbɛ̈n, tuëny kɔc, ku läi, ku këriëëc ee cil ëbɛ̈n roor.” 23Go Mothe thienyde yaak nhial, go Bɛ̈nydït deŋ ë kɔɔi tɔ lɔ piny, ku nyop piny de Rip nɔm në rel ë deŋ. Bɛ̈nydït ë deŋ dïït ë kɔɔi bɛ̈n tɔ tueny piny ë Rip, 24#Nyu 8:7; 16:21. deŋ kën kɔn tuɛny Rip ë caaŋdɛn yen jur. Deŋ tueny ë kɔɔi, ku lɔ lɔ̈k ë mac. Go lɔ̈k ë mac riau në kɔi yiic. 25Deŋ ë kɔɔi ë këriëëc nu roor bɛ̈n riɔ̈ɔ̈k ëbɛ̈n piny ë Rip, kɔc mɛ̈tkï në läi. Go wal roor tääc kedhie, ku dhuuŋ tiim roor ëbɛ̈n. 26Ku piny de Gocen yetök yen akën ë deŋ ë kɔɔi tuɛny thïn, piny rëër ë kɔc ke Yithriɛl thïn.
27Na wën, ke melik ë tɔ Mothe cɔl kekë Aron, ku lëk keek an, “Bɛ̈nydït ade nɔm yic. Ee yɛn ë wäc en wokë kɔckï. 28Ka week, läŋkï Bɛ̈nydït! Wok ë bec në rel ë deŋ, ku kɔɔi! Acä gam nɔn bän we tɔ jäl. Wek cï bï bɛ rëër eenë.”
29Go Mothe lueel an, “Të lan jäl wut eenë, yɛn bï yacin lɔ yaak nhial läŋ Bɛ̈nydït tɔ rel kääc, kekë deŋ, ku abïk kɔ̈ɔ̈c. Yen abï yïn en jɔ ŋic nɔn ye piny piny ë Bɛ̈nydït. 30Ku aŋiɛc nɔn ŋoot yïn ke yï cie riɔ̈ɔ̈c në Bɛ̈nydït Nhialic, wedhie wekë bänyku.”
31Ku deŋ ë rap cɔl plak bɛ̈n riɔ̈ɔ̈k kekë rap cɔl barli, në luɔi ë cïï barli luɔk, ku plak aa moc akɛɛn. 32Ku agamɔ kekë awuööu akënkï riääk, në luɔi ye kek luɔk ciëën.
33Na wën, ke Mothe nyiëëŋ melik piny, ku jël wutic, le Bɛ̈nydït lɔ̈ŋ. Na wën, ke këriëëc ëbɛ̈n ë kääc, rel ku deŋ, ku kɔɔi.
34Na wën aa tïŋ melik nɔn cïï ë deŋ kɔ̈ɔ̈c, ku kääc kɔɔi, ku rel, ke melik ë be awäc nyɔk. Yen kekë bänyke acïk bɛ̈n ŋoot ë ke ril nïïm, cït man wään tueŋ. 35Ago melik nɔm riɛl ŋak, ku akën kɔc ke Yithriɛl bɛ̈n tɔ jäl, cït man wään cïï Bɛ̈nydït e lɛ̈k Mothe an, melik acïï kɔc ke Yithriɛl bï pɔ̈l ajäl.
Currently Selected:
Bɛ̈n 9: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Bɛ̈n 9
9
Thon ë Läi
1Go Bɛ̈nydït lɛ̈k Mothe an, “Lɔ lɛ̈kë melik an acïï Bɛ̈nydït Nhialic de Ɣeberuu lueel an, ‘Tɔ kɔckï jäl lek A lam. 2Na lɔ ke bɛ pɛ̈n jäl, 3wek bä luöi këtuc. Läikuön nu roor kedhie, abä keek tuöc jɔɔk, ɣɔ̈k ku thök, ku jöŋgöör, ku mul, ku thɔ̈rɔ̈l. 4Ku akeu abä looi në kaam de ɣɔ̈k ke Yithriɛl në ɣɔ̈kkun. Acïn weŋ töŋ bï thou në ɣɔ̈k ke Yithriɛliic taitai. 5Ee yɛn Bɛ̈nydït, miäk yen acä lɔc bän ɣɔ̈kkun nɔ̈k.’ ”
6Na ɣɔn amiäk, ke Bɛ̈nydït ë näk läi ke kɔc ke Rip kedhie cït man cï Yen e lueel. Go ɣɔ̈k ke Rip thou kedhie, ku cïn weŋ töŋ thou në ɣɔ̈k ke Yithriɛliic. 7Na wën, ke melik ë lop në kë cï rɔt looi. Go lɛ̈k en nɔn cïn en weŋ töŋ cï thou në ɣɔ̈k ke Yithriɛliic. Go ŋoot ke ril nɔm, ku cïï kɔc ke Yithriɛl päl ajäl.
Poor
8Go Bɛ̈nydït lɛ̈k Mothe kekë Aron an, “Thiäŋkï wecin në ŋenh ë purun, ku ë weer ë Mothe ye nhial ë yomic në melik nɔm. 9Abï piny ë Rip paatic ëbɛ̈n, ke ye ŋenh thiin lɔ mot. Ku abï kɔc poor gup ëbɛ̈n, ku tɔ rɔt ee tëtöök në kɔc gup, ayï läi.” 10#Nyu 16:2. Gokï ŋeth nööm, ku lekï tëde melik. Na wën aa cïk lɔ, ke Mothe ë weer ŋeth nhial në melik nɔm. Go ŋeth kɔc poor gup, ku tɔ rɔt tɔ ee tëtöök në kɔc gup, ku ɣɔ̈k. 11Ku tït akënkï bɛ̈n bɛ bɛ̈n të nu Mothe thïn, në luɔi ë cï kek gup poor ayadäŋ në kɔc ke Rip ëtök. 12Ku Bɛ̈nydït ë melik bɛ̈n tɔ ril nɔm cït man wään cïï Yen e lueel an melik acïï jam de Mothe bï piŋ kekë Aron.
Deŋ ë Kɔɔi
13Go Bɛ̈nydït bɛ lɛ̈k Mothe an, “Miäk aduduur, ke yï riɛɛl tëde melik. Lɔ lɛ̈kë yen an acïï Bɛ̈nydït Nhialic de Ɣeberuu lueel an, ‘Tɔ kɔckï jäl lek A lam. 14Në ee kë ciëënë, acie bänyku, ku kɔcku kek bä luöi këtuc kapäc. Yïn guöpdu, yïn bä luöi këtuc ayadäŋ. Yen abï yïn en jɔ ŋic nɔn cïn en raan kït ke Yɛn në piny nɔm ëbɛ̈n. 15Na ë Ya cï A ciin yɔɔk, ku ta yï dɔm ë jɔɔk wekë kɔcku, adï cäk nyïïn riäär ë taiwei ënɔɔnë. 16#Rom 9:17. Yïn aa ta pïïr në baŋ bän riɛldï nyuɔɔth, ke kɔc ke piny nɔm ë ke bï Ya ŋic kedhie. 17Ke yï go yïnɔm ɣääc, ku pɛ̈në kɔckï jäl. 18Miäk aköl wälë, deŋ dïït ë kɔɔi abä tɔ tueny, deŋ kën ë kɔc ke Rip kɔn tïŋ ë caaŋden. 19Ka week, yɔ̈ɔ̈kkï tïït ke ɣɔ̈kkun tɔ̈u roor, takï ke tɛ̈ɛ̈u ɣɔ̈k ë luëkiic. Ɣɔ̈k lɔ döŋ biic ke ke kënë tääu luɛɛk, abï deŋ ë kɔɔi ke nɔ̈k kedhie, mɛ̈tkï në kɔc lɔ döŋ biic aya.’ ”
20Na wën, ke bäny kɔ̈k në bäny ke melikiic acïk ɣɔ̈kken kuaath ë luëkiic, bäny wën cï riɔ̈ɔ̈c në kë cïï Bɛ̈nydït lueel, ku tɔkï lïïmken lɔ ë ɣöötiic. 21Ku kɔc cï jam ë Bɛ̈nydït dhɔ̈lic, acïk ɣɔ̈kken bɛ̈n puɔ̈l roor ëtɛ̈ɛ̈n, ayï lïïmken.
22Na wën, ke lëk ë Bɛ̈nydït Mothe an, “Yaakë yïcin nhial, ke deŋ ë kɔɔi ë bï tuɛny piny ë Rip ëbɛ̈n, tuëny kɔc, ku läi, ku këriëëc ee cil ëbɛ̈n roor.” 23Go Mothe thienyde yaak nhial, go Bɛ̈nydït deŋ ë kɔɔi tɔ lɔ piny, ku nyop piny de Rip nɔm në rel ë deŋ. Bɛ̈nydït ë deŋ dïït ë kɔɔi bɛ̈n tɔ tueny piny ë Rip, 24#Nyu 8:7; 16:21. deŋ kën kɔn tuɛny Rip ë caaŋdɛn yen jur. Deŋ tueny ë kɔɔi, ku lɔ lɔ̈k ë mac. Go lɔ̈k ë mac riau në kɔi yiic. 25Deŋ ë kɔɔi ë këriëëc nu roor bɛ̈n riɔ̈ɔ̈k ëbɛ̈n piny ë Rip, kɔc mɛ̈tkï në läi. Go wal roor tääc kedhie, ku dhuuŋ tiim roor ëbɛ̈n. 26Ku piny de Gocen yetök yen akën ë deŋ ë kɔɔi tuɛny thïn, piny rëër ë kɔc ke Yithriɛl thïn.
27Na wën, ke melik ë tɔ Mothe cɔl kekë Aron, ku lëk keek an, “Bɛ̈nydït ade nɔm yic. Ee yɛn ë wäc en wokë kɔckï. 28Ka week, läŋkï Bɛ̈nydït! Wok ë bec në rel ë deŋ, ku kɔɔi! Acä gam nɔn bän we tɔ jäl. Wek cï bï bɛ rëër eenë.”
29Go Mothe lueel an, “Të lan jäl wut eenë, yɛn bï yacin lɔ yaak nhial läŋ Bɛ̈nydït tɔ rel kääc, kekë deŋ, ku abïk kɔ̈ɔ̈c. Yen abï yïn en jɔ ŋic nɔn ye piny piny ë Bɛ̈nydït. 30Ku aŋiɛc nɔn ŋoot yïn ke yï cie riɔ̈ɔ̈c në Bɛ̈nydït Nhialic, wedhie wekë bänyku.”
31Ku deŋ ë rap cɔl plak bɛ̈n riɔ̈ɔ̈k kekë rap cɔl barli, në luɔi ë cïï barli luɔk, ku plak aa moc akɛɛn. 32Ku agamɔ kekë awuööu akënkï riääk, në luɔi ye kek luɔk ciëën.
33Na wën, ke Mothe nyiëëŋ melik piny, ku jël wutic, le Bɛ̈nydït lɔ̈ŋ. Na wën, ke këriëëc ëbɛ̈n ë kääc, rel ku deŋ, ku kɔɔi.
34Na wën aa tïŋ melik nɔn cïï ë deŋ kɔ̈ɔ̈c, ku kääc kɔɔi, ku rel, ke melik ë be awäc nyɔk. Yen kekë bänyke acïk bɛ̈n ŋoot ë ke ril nïïm, cït man wään tueŋ. 35Ago melik nɔm riɛl ŋak, ku akën kɔc ke Yithriɛl bɛ̈n tɔ jäl, cït man wään cïï Bɛ̈nydït e lɛ̈k Mothe an, melik acïï kɔc ke Yithriɛl bï pɔ̈l ajäl.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.