Cäk 16
16
Ɣajer kekë Yicmiɛl
1Ku Tharai tiiŋ ë Abram acïn mɛnh ë cï dhiëëth. Ku ade nɔm nyan ë Rip cɔl Ɣajer, nyan ë lui ke yen baai ke ye lïmde. 2Ago Tharai lɛ̈k Abram an, “Ënɔɔnë, Bɛ̈nydït ë ya pɛ̈n dhiëth. Eeŋö cïn lɔ wekë Ɣajer nyan lïmdï? Abï ya dhil dhiëth meth.” Ago Abram jam ë Tharai gam. 3Na ɣɔn, acï Abram run kathiëër thöl ke rɛ̈ɛ̈r piny ë Kanaan, ke Tharai tiiŋ ë Abram ë nöm Ɣajer lïmde, nyan ë Rip, ku gëm Abram monyde ke ye tik. 4Ago Abram lɔ ɣöt kekë Ɣajer, go liac. Na wën, alɔ Ɣajer rɔt yök ke liac, ke ye Tharai guɔ woi ke biɔɔn guöp.
5Ago Tharai lɛ̈k Abram an, “Kë yɔŋë Ɣajer ɛn acath ke yïn.#16:5: Aa awänydu...yɛn; nɔn Bä dhil gum në awäny cï luöi yɛn. Ee yɛn ë gëmë yïn, yɛn guöpdï. Ku nɔn ë yök en rɔt ke liac, ke cak luɔi yen awoi ke biɔn a guöp. Bɛ̈nydït Yen abï raan de nɔm yic tïŋ në woyiic, nɔn ee yïn ku nɔn ee yɛn.”
6Ago Abram puɔ̈k nɔm Tharai an, “Nyan lïmdu arɛ̈ɛ̈r në riɛldu, luöiyë kë kɔɔr në yïpiɔ̈u.” Ago Tharai Ɣajer looi arac, go Ɣajer rɔt kual.
7Ago tunynhial ë Bɛ̈nydït ye yök në nyin ë pïïu nɔm ë jɔ̈ɔ̈ric; nyin nu në kueer lɔ wun cɔl Cur kɔ̈u. 8Ku lëk en an, “Ɣajer, nyan lïm de Tharai, bä ë nou ku lɔ ë nou?”
Go Ɣajer puk nɔm an, “Yɛn kɔt në Tharai bɛ̈nydï.”
9Go tunynhial ë Bɛ̈nydït lɛ̈k en an, “Dɔ̈kë yïnɔm en, ku tɔ rɔt ee lïmde.” 10Ku be tunynhial ë Bɛ̈nydït lɛ̈k en an, “Yïn bä gäm mïth juëc aläl, ku acïn raan bï ke lëu në kuɛ̈n.” 11Ago tunynhial ë Bɛ̈nydït ë bɛ lɛ̈k en an, “Ënɔɔnë, yïn bï mɛwä dhiëëth, ku abä cäk an Yicmiɛl#16:11: Yicmiɛl: Rinkë në Ɣeberuu aluelkï an “Nhialic ee piŋ.” (ku ee rinkë në thoŋda aluelkï an acï Nhialic piŋ), në luɔi cï Bɛ̈nydït kiɛɛu de këtuc piŋ, këtuc cï yï dhal. 12Ku wëndu abï ciët mul roor në pïïrde yic. Abï cin aa nu në kɔc gup, ku kɔc abïk cin aa tɔ̈u në yeguöp ayadäŋ kedhie. Abï puɔ̈k ke kɔcke kedhie.”
13Ago Ɣajer rɔt luɔp yetök an, “Cä Nhialic tïŋ ë yic, ku ŋuɔɔt ke ya pïïr?”#16:13: Këcïgɔ̈ɔ̈r aa pïïr në biäk bï yen këde lueel?; Ɣeberuu acïï ŋic. Go Bɛ̈nydït ë jam ke yen cäk an, “Nhialic ee daai.” 14Yen aa ciëk ë kɔc yinh nu në kaam de Kadec kekë Bered an, “Yinh de Raan Töŋ Pïïr, Raan ee yɛn tïŋ.”
15 #
Gal 4:22. Ago Ɣajer mɛnh ë Abram dhiëëth. Go Abram wëndɛn cï Ɣajer dhiëëth cäk an Yicmiɛl. 16Ku run ke Abram aake ye thiërbɛ̈t ku dhetem, ɣɔn dhiëëth ë Ɣajer Yicmiɛl.
Currently Selected:
Cäk 16: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Cäk 16
16
Ɣajer kekë Yicmiɛl
1Ku Tharai tiiŋ ë Abram acïn mɛnh ë cï dhiëëth. Ku ade nɔm nyan ë Rip cɔl Ɣajer, nyan ë lui ke yen baai ke ye lïmde. 2Ago Tharai lɛ̈k Abram an, “Ënɔɔnë, Bɛ̈nydït ë ya pɛ̈n dhiëth. Eeŋö cïn lɔ wekë Ɣajer nyan lïmdï? Abï ya dhil dhiëth meth.” Ago Abram jam ë Tharai gam. 3Na ɣɔn, acï Abram run kathiëër thöl ke rɛ̈ɛ̈r piny ë Kanaan, ke Tharai tiiŋ ë Abram ë nöm Ɣajer lïmde, nyan ë Rip, ku gëm Abram monyde ke ye tik. 4Ago Abram lɔ ɣöt kekë Ɣajer, go liac. Na wën, alɔ Ɣajer rɔt yök ke liac, ke ye Tharai guɔ woi ke biɔɔn guöp.
5Ago Tharai lɛ̈k Abram an, “Kë yɔŋë Ɣajer ɛn acath ke yïn.#16:5: Aa awänydu...yɛn; nɔn Bä dhil gum në awäny cï luöi yɛn. Ee yɛn ë gëmë yïn, yɛn guöpdï. Ku nɔn ë yök en rɔt ke liac, ke cak luɔi yen awoi ke biɔn a guöp. Bɛ̈nydït Yen abï raan de nɔm yic tïŋ në woyiic, nɔn ee yïn ku nɔn ee yɛn.”
6Ago Abram puɔ̈k nɔm Tharai an, “Nyan lïmdu arɛ̈ɛ̈r në riɛldu, luöiyë kë kɔɔr në yïpiɔ̈u.” Ago Tharai Ɣajer looi arac, go Ɣajer rɔt kual.
7Ago tunynhial ë Bɛ̈nydït ye yök në nyin ë pïïu nɔm ë jɔ̈ɔ̈ric; nyin nu në kueer lɔ wun cɔl Cur kɔ̈u. 8Ku lëk en an, “Ɣajer, nyan lïm de Tharai, bä ë nou ku lɔ ë nou?”
Go Ɣajer puk nɔm an, “Yɛn kɔt në Tharai bɛ̈nydï.”
9Go tunynhial ë Bɛ̈nydït lɛ̈k en an, “Dɔ̈kë yïnɔm en, ku tɔ rɔt ee lïmde.” 10Ku be tunynhial ë Bɛ̈nydït lɛ̈k en an, “Yïn bä gäm mïth juëc aläl, ku acïn raan bï ke lëu në kuɛ̈n.” 11Ago tunynhial ë Bɛ̈nydït ë bɛ lɛ̈k en an, “Ënɔɔnë, yïn bï mɛwä dhiëëth, ku abä cäk an Yicmiɛl#16:11: Yicmiɛl: Rinkë në Ɣeberuu aluelkï an “Nhialic ee piŋ.” (ku ee rinkë në thoŋda aluelkï an acï Nhialic piŋ), në luɔi cï Bɛ̈nydït kiɛɛu de këtuc piŋ, këtuc cï yï dhal. 12Ku wëndu abï ciët mul roor në pïïrde yic. Abï cin aa nu në kɔc gup, ku kɔc abïk cin aa tɔ̈u në yeguöp ayadäŋ kedhie. Abï puɔ̈k ke kɔcke kedhie.”
13Ago Ɣajer rɔt luɔp yetök an, “Cä Nhialic tïŋ ë yic, ku ŋuɔɔt ke ya pïïr?”#16:13: Këcïgɔ̈ɔ̈r aa pïïr në biäk bï yen këde lueel?; Ɣeberuu acïï ŋic. Go Bɛ̈nydït ë jam ke yen cäk an, “Nhialic ee daai.” 14Yen aa ciëk ë kɔc yinh nu në kaam de Kadec kekë Bered an, “Yinh de Raan Töŋ Pïïr, Raan ee yɛn tïŋ.”
15 #
Gal 4:22. Ago Ɣajer mɛnh ë Abram dhiëëth. Go Abram wëndɛn cï Ɣajer dhiëëth cäk an Yicmiɛl. 16Ku run ke Abram aake ye thiërbɛ̈t ku dhetem, ɣɔn dhiëëth ë Ɣajer Yicmiɛl.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.