Cäk 18
18
Abraɣam Athönë Meth
1Go Bɛ̈nydït tuöl tëde Abraɣam në tiim ke ɣok ke Mameeriic, ke rɛ̈ɛ̈r në paanyde thok, të wën cï akɔ̈l tuöc. 2#Ɣeb 13:2. Na wën, ke jɔt yenyin nhial, go röör kadiäk tïŋ në yenɔm tueŋ. Go rɔt gap nhial, ku loor kenïïm ke riŋ. Ku le yenɔm guöt piny në kenïïm arëk abï piny jak në yenɔm. 3Ku lueel an, “Bänykï, na riëëukï yaguöp, ke wek cï lïmdun bï winythok. 4Wek bä lɔ yiɛ̈n pïïu, bäk wecök bɛ̈n waak. Ku takï röt lɔ̈ŋ ë tim thar. 5Ku yɛn bï këcam thiinë lɔ bɛ̈ɛ̈i, ke bï we gäm riɛl, ku bäk jɔ baaric. Yɛn ë piɔ̈u miɛt në luɔi cä wek bɛ̈n ɣön ë lïmdun, ku në biäk de ee kënë jakï ya tɔ luui week.”
Agokï gam ku lëkkï yen an, “Loi cït man ë kë cï lueel.”
6Go Abraɣam yecök gɔp ke lɔ ë paanyic të nu Thara, ku lëk en an, “Nöm aɣaar në aɣar piɛɛthë yic aruööth. Ku wuur, ku thal kuïn.” 7Ku kɔt Abraɣam ke lɔ ë luny ë ɣɔ̈kic, le ku dɔm dan läk ke cuai, ku gëm lïm. Go lïm en guɔ kiëët ëthiäu. 8Ago Abraɣam miɔk nööm, ku nööm guer, ku rïïŋ de dɔu cï thaal apiɛth, ku yïn ke keek. Ku kɛ̈ɛ̈c në kelɔ̈m ë tim thar wën ciëm kek. 9Agokï Abraɣam luɔp an, “Thara tiiŋdu nu ë nou?”
Go lueel an, “Thara anu ë paanyic.”
10 #
Rom 9:9. Go Bɛ̈nydït lueel an, “Yɛn bï yanɔm dɔ̈k eenë ëlë yaak wälë alë ruöön,#18:10: Pɛ̈i kadhoŋuan gɔl ënɔɔnë; nɔn ee Ëlë yaak wälë alë ruöön. ku Thara tiiŋdu abï nɔm dɛ mɛwä.”
Ku Thara aa rɛ̈ɛ̈r në paany thok në yekɔ̈u ciëën ke pïŋ. 11Ku Abraɣam kekë Thara aake cï dhiɔp arëët. Ku riɛm de dhiëth acï kɔ̈ɔ̈c tëde Thara. 12#1 Pet 3:6. Go Thara rɔt dɔl yetök, ku lueel an, “Duɛ̈ɛ̈r nïn bɛ lëu wo moc ke ya cï dhiɔp cït ee mandiënë? Ku monydï ë dhiɔp ayadäŋ.”
13Go Bɛ̈nydït lɛ̈k Abraɣam an, “Eeŋö dɔl ë Thara, ku lueel an, ‘Ë yic bä bɛ dhiëth ë meth ke ya cï dhiɔp cït ë mandiënë?’ 14#Luk 1:37. De kë duëër Bɛ̈nydït dhal? Në të cä lueelë, Yɛn bï bɛ̈n të nu wek ëlë yaak wälë, ku Thara abï dɛ mɛwä.”
15Ku Thara acï riɔ̈ɔ̈c go jai an, “Yɛn kën dɔl.”
Go Bɛ̈nydït lueel an, “Yïn ë dɔl.”
Abraɣam akony Thɔdom
16Go kɔc jäl ëtɛ̈ɛ̈n, lekï të duëër kek Thɔdom woi. Go Abraɣam lɔ ke keek, le ke ruac cök kueer. 17Ago Bɛ̈nydït lueel an, “Bä kë kaar bä looi thiaan në Abraɣam. 18Ku Abraɣam abï ya jur dïït ril. Ku juöör ke piny nɔm kedhie abä keek thieei në këde.#18:18: yïyic...juöör nɔn juöör ëbɛ̈n abïk ɛn aa thiëëc bä keek thieei cït man cän yen thieei. 19Ei, në luɔi cän e lɔc nɔn bï yen mïthke yɔ̈ɔ̈k, ku yöök baaide, luɔi bï kek kueer ë Bɛ̈nydït lɔ̈ɔ̈k döt në yecök. Në luɔi bï kek kake piathëpiɔ̈u aa looi, ku loikï yith ë cieŋ. Ke Bɛ̈nydït ë bï Abraɣam yiɛ̈n kë cï thɔ̈n en.”
20Go Bɛ̈nydït lɛ̈k Abraɣam an, “Në biäk cï kiɛɛu de Thɔdom dït kekë Gomoora, ku cï karɛcken dït arëët, 21Yɛn lɔ la tïŋ, nɔn cïk ka cä piŋ looi ë yic kedhie. Ku nɔn kënkï ke looi abä lɔ ŋic.”
22Agokï röt thuöör Thɔdom, ku dɔ̈ŋ Abraɣam ke kääc në Bɛ̈nydït nɔm. 23Ago Abraɣam rɔt cuöt Bɛ̈nydït, ku lueel an, “Ë yic bä kɔc cïn gup awɛ̈ɛ̈c riɔ̈ɔ̈k në kɔc de gup awɛ̈ɛ̈c ëtök? 24Na de kɔc cïn gup awɛ̈ɛ̈c kathiërdhïc wutic, bä wut riɔ̈ɔ̈k, cï wut bï puɔ̈l në këden? 25Aŋiɛc ëgɔk nɔn cïn kɔc cïn gup awäc bï nɔ̈k në kɔc de gup awɛ̈ɛ̈c. Acïï rɔt duëër lëu! Yïn cï kë cït ee kënë duëër looi. Ku na lɔ looi, ke kɔc cïn gup awɛ̈ɛ̈c, abï keek jɔ kuum në kɔc de gup awɛ̈ɛ̈c ëtök. Ku kënë acïï rɔt duëër lëu. Raan ee löŋ guiir ë pinynɔm ëbɛ̈n cï bï looi në yith?”
26Go Bɛ̈nydït lueel an, “Na la kɔc cïn gup awɛ̈ɛ̈c yök kathiërdhïc ë Thɔdom, ke wut ëbɛ̈n abä puɔ̈l në këden.”
27Ago Abraɣam puk nɔm an, “Pälë yɛn nɔm riɛldï, nɔm riɛl cän jam cuuth wo Yïn, Bɛ̈nydït. Yɛn ee raan tei, ku yɛn cïn nɔm yic bä dɛ kë luɛɛl wo Yïn. 28Ku na ee kɔc kathiërŋuan ku dhïc kek cïn gup awäc, ku dɛ̈ɛ̈kkï thiërdhïc në kɔc kadhïc, bä wut riɔ̈ɔ̈k në luɔi cï kɔc kadhïc dak?”
Go Bɛ̈nydït puk nɔm an, “Wut acä bï riɔ̈ɔ̈k të lan kɔc cïn gup awɛ̈ɛ̈c yök thïn kathiërŋuan ku dhïc.”
29Ago Abraɣam bɛ ŋoot ke jam, lueel an, “Ku na le lɔ aa kɔc kathiërŋuan tei?”
Go Bɛ̈nydït puk nɔm an, “Në biäk de ee kɔckë kathiërŋuan, wut acä bï riɔ̈ɔ̈k.”
30Ago Abraɣam lueel an, “Du piɔ̈u bï diu wekë yɛn Bɛ̈nydït, yɛn bï ŋoot ke ya jam. Na le ee kɔc kathiërdiäk kek lɔ yök?”
Go puk nɔm an, “Acä bï riɔ̈ɔ̈k të lan kɔc kathiërdiäk yök.”
31Ago Abraɣam lueel an, “Pälë ya nɔm riɛldï Bɛ̈nydït, nɔm riɛl cän jam cuuth wo Yïn. Na lɔ thiërrou yök?”
Go puk nɔm an, “Yɛn cï wut bï riɔ̈ɔ̈k të lan kɔc kathiërrou yök thïn.”
32Ago Abraɣam lueel an, “Du piɔ̈u bï diu wekë yɛn, Bɛ̈nydït. Ee töŋë yen bä lueel yetök. Ku na lɔ kɔc kathiëër yök?”
Go lueel an, “Yɛn cï wut bï riɔ̈ɔ̈k të lan kɔc kathiëër yök thïn.” 33Na wën, aa lɔ Bɛ̈nydït thök në jam kekë Abraɣam, ke jël ku puk Abraɣam enɔm baaide.
Currently Selected:
Cäk 18: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Cäk 18
18
Abraɣam Athönë Meth
1Go Bɛ̈nydït tuöl tëde Abraɣam në tiim ke ɣok ke Mameeriic, ke rɛ̈ɛ̈r në paanyde thok, të wën cï akɔ̈l tuöc. 2#Ɣeb 13:2. Na wën, ke jɔt yenyin nhial, go röör kadiäk tïŋ në yenɔm tueŋ. Go rɔt gap nhial, ku loor kenïïm ke riŋ. Ku le yenɔm guöt piny në kenïïm arëk abï piny jak në yenɔm. 3Ku lueel an, “Bänykï, na riëëukï yaguöp, ke wek cï lïmdun bï winythok. 4Wek bä lɔ yiɛ̈n pïïu, bäk wecök bɛ̈n waak. Ku takï röt lɔ̈ŋ ë tim thar. 5Ku yɛn bï këcam thiinë lɔ bɛ̈ɛ̈i, ke bï we gäm riɛl, ku bäk jɔ baaric. Yɛn ë piɔ̈u miɛt në luɔi cä wek bɛ̈n ɣön ë lïmdun, ku në biäk de ee kënë jakï ya tɔ luui week.”
Agokï gam ku lëkkï yen an, “Loi cït man ë kë cï lueel.”
6Go Abraɣam yecök gɔp ke lɔ ë paanyic të nu Thara, ku lëk en an, “Nöm aɣaar në aɣar piɛɛthë yic aruööth. Ku wuur, ku thal kuïn.” 7Ku kɔt Abraɣam ke lɔ ë luny ë ɣɔ̈kic, le ku dɔm dan läk ke cuai, ku gëm lïm. Go lïm en guɔ kiëët ëthiäu. 8Ago Abraɣam miɔk nööm, ku nööm guer, ku rïïŋ de dɔu cï thaal apiɛth, ku yïn ke keek. Ku kɛ̈ɛ̈c në kelɔ̈m ë tim thar wën ciëm kek. 9Agokï Abraɣam luɔp an, “Thara tiiŋdu nu ë nou?”
Go lueel an, “Thara anu ë paanyic.”
10 #
Rom 9:9. Go Bɛ̈nydït lueel an, “Yɛn bï yanɔm dɔ̈k eenë ëlë yaak wälë alë ruöön,#18:10: Pɛ̈i kadhoŋuan gɔl ënɔɔnë; nɔn ee Ëlë yaak wälë alë ruöön. ku Thara tiiŋdu abï nɔm dɛ mɛwä.”
Ku Thara aa rɛ̈ɛ̈r në paany thok në yekɔ̈u ciëën ke pïŋ. 11Ku Abraɣam kekë Thara aake cï dhiɔp arëët. Ku riɛm de dhiëth acï kɔ̈ɔ̈c tëde Thara. 12#1 Pet 3:6. Go Thara rɔt dɔl yetök, ku lueel an, “Duɛ̈ɛ̈r nïn bɛ lëu wo moc ke ya cï dhiɔp cït ee mandiënë? Ku monydï ë dhiɔp ayadäŋ.”
13Go Bɛ̈nydït lɛ̈k Abraɣam an, “Eeŋö dɔl ë Thara, ku lueel an, ‘Ë yic bä bɛ dhiëth ë meth ke ya cï dhiɔp cït ë mandiënë?’ 14#Luk 1:37. De kë duëër Bɛ̈nydït dhal? Në të cä lueelë, Yɛn bï bɛ̈n të nu wek ëlë yaak wälë, ku Thara abï dɛ mɛwä.”
15Ku Thara acï riɔ̈ɔ̈c go jai an, “Yɛn kën dɔl.”
Go Bɛ̈nydït lueel an, “Yïn ë dɔl.”
Abraɣam akony Thɔdom
16Go kɔc jäl ëtɛ̈ɛ̈n, lekï të duëër kek Thɔdom woi. Go Abraɣam lɔ ke keek, le ke ruac cök kueer. 17Ago Bɛ̈nydït lueel an, “Bä kë kaar bä looi thiaan në Abraɣam. 18Ku Abraɣam abï ya jur dïït ril. Ku juöör ke piny nɔm kedhie abä keek thieei në këde.#18:18: yïyic...juöör nɔn juöör ëbɛ̈n abïk ɛn aa thiëëc bä keek thieei cït man cän yen thieei. 19Ei, në luɔi cän e lɔc nɔn bï yen mïthke yɔ̈ɔ̈k, ku yöök baaide, luɔi bï kek kueer ë Bɛ̈nydït lɔ̈ɔ̈k döt në yecök. Në luɔi bï kek kake piathëpiɔ̈u aa looi, ku loikï yith ë cieŋ. Ke Bɛ̈nydït ë bï Abraɣam yiɛ̈n kë cï thɔ̈n en.”
20Go Bɛ̈nydït lɛ̈k Abraɣam an, “Në biäk cï kiɛɛu de Thɔdom dït kekë Gomoora, ku cï karɛcken dït arëët, 21Yɛn lɔ la tïŋ, nɔn cïk ka cä piŋ looi ë yic kedhie. Ku nɔn kënkï ke looi abä lɔ ŋic.”
22Agokï röt thuöör Thɔdom, ku dɔ̈ŋ Abraɣam ke kääc në Bɛ̈nydït nɔm. 23Ago Abraɣam rɔt cuöt Bɛ̈nydït, ku lueel an, “Ë yic bä kɔc cïn gup awɛ̈ɛ̈c riɔ̈ɔ̈k në kɔc de gup awɛ̈ɛ̈c ëtök? 24Na de kɔc cïn gup awɛ̈ɛ̈c kathiërdhïc wutic, bä wut riɔ̈ɔ̈k, cï wut bï puɔ̈l në këden? 25Aŋiɛc ëgɔk nɔn cïn kɔc cïn gup awäc bï nɔ̈k në kɔc de gup awɛ̈ɛ̈c. Acïï rɔt duëër lëu! Yïn cï kë cït ee kënë duëër looi. Ku na lɔ looi, ke kɔc cïn gup awɛ̈ɛ̈c, abï keek jɔ kuum në kɔc de gup awɛ̈ɛ̈c ëtök. Ku kënë acïï rɔt duëër lëu. Raan ee löŋ guiir ë pinynɔm ëbɛ̈n cï bï looi në yith?”
26Go Bɛ̈nydït lueel an, “Na la kɔc cïn gup awɛ̈ɛ̈c yök kathiërdhïc ë Thɔdom, ke wut ëbɛ̈n abä puɔ̈l në këden.”
27Ago Abraɣam puk nɔm an, “Pälë yɛn nɔm riɛldï, nɔm riɛl cän jam cuuth wo Yïn, Bɛ̈nydït. Yɛn ee raan tei, ku yɛn cïn nɔm yic bä dɛ kë luɛɛl wo Yïn. 28Ku na ee kɔc kathiërŋuan ku dhïc kek cïn gup awäc, ku dɛ̈ɛ̈kkï thiërdhïc në kɔc kadhïc, bä wut riɔ̈ɔ̈k në luɔi cï kɔc kadhïc dak?”
Go Bɛ̈nydït puk nɔm an, “Wut acä bï riɔ̈ɔ̈k të lan kɔc cïn gup awɛ̈ɛ̈c yök thïn kathiërŋuan ku dhïc.”
29Ago Abraɣam bɛ ŋoot ke jam, lueel an, “Ku na le lɔ aa kɔc kathiërŋuan tei?”
Go Bɛ̈nydït puk nɔm an, “Në biäk de ee kɔckë kathiërŋuan, wut acä bï riɔ̈ɔ̈k.”
30Ago Abraɣam lueel an, “Du piɔ̈u bï diu wekë yɛn Bɛ̈nydït, yɛn bï ŋoot ke ya jam. Na le ee kɔc kathiërdiäk kek lɔ yök?”
Go puk nɔm an, “Acä bï riɔ̈ɔ̈k të lan kɔc kathiërdiäk yök.”
31Ago Abraɣam lueel an, “Pälë ya nɔm riɛldï Bɛ̈nydït, nɔm riɛl cän jam cuuth wo Yïn. Na lɔ thiërrou yök?”
Go puk nɔm an, “Yɛn cï wut bï riɔ̈ɔ̈k të lan kɔc kathiërrou yök thïn.”
32Ago Abraɣam lueel an, “Du piɔ̈u bï diu wekë yɛn, Bɛ̈nydït. Ee töŋë yen bä lueel yetök. Ku na lɔ kɔc kathiëër yök?”
Go lueel an, “Yɛn cï wut bï riɔ̈ɔ̈k të lan kɔc kathiëër yök thïn.” 33Na wën, aa lɔ Bɛ̈nydït thök në jam kekë Abraɣam, ke jël ku puk Abraɣam enɔm baaide.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.