Cäk 22

Thɛɛm de Abraɣam

1 # Ɣeb 11:17-19. Na wën, alɔ aköölkë thök, ke Nhialic ë them Abraɣam, cɔɔl an, “Abraɣam!”

Ago Abraɣam gam, lueel an, “Yakï.”

2 # 2 Lëk 3:1. Go Nhialic lɛ̈k en an, “Jɔt Yithaak, wënduön töŋ nhiaar aläl. Ku lɔ piny ë Moria në kuur nɔm ëtɛ̈ɛ̈n, të bä lɔ nyuöth yïn, ku näkë Yɛn ke ee miɔ̈cdï.”

3Ago Abraɣam pääc ɣɔn amiäk aduduur, ku tem tiim bï ke miaac lɔ nyop, ku dut mulde kɔ̈u. Ku jɔt Yithaak wënde kekë wɛ̈ɛ̈t lïïmke kaarou, ku jëlkï ke ke lɔ të cï Nhialic lɛ̈k en. 4Ku në kööl ye akööl diäk, ke Abraɣam ë tïŋ të ë lëk ë Nhialic en ke ŋoot ke mec. 5Go Abraɣam lɛ̈k lïïmke an, “Dɔ̈ŋkï eenë në muul, ku yɛn wokë meth, wok bï lɔ tueŋ buk Nhialic lɔ lam ëtɛ̈ɛ̈n, ku wok bï lɔ bɛ̈n eenë.

6Ago Abraɣam tiim ke miaac jat ë Yithaak kët. Ku muk Abraɣam mac kekë lem, ku lekï kaarou. 7Ago Yithaak wun cɔɔl an, “Wää.”

Go wun gam, ku lueel an, “Yakï mɛnhdï.”

Go Yithaak en luɔp an, “Yïn de nɔm mac, ku tiim, ku na nyɔɔŋ lɔ nɔ̈k nu ënou?”

8Ago Abraɣam puk nɔm an, “Nhialic abï nyɔk guik yetök mɛnhdï.” Ku barkï yic.

9 # Jak 2:21. Na wën, aa lek ɣet të cï Nhialic lɛ̈k en, ke Abraɣam ë yïk yïk ëtɛ̈ɛ̈n. Ku guiir tiim në yenɔm, ku dut Yithaak wënde, ku tɛ̈ɛ̈c ë tiim kɔ̈ɔ̈th nhial. 10Ku kuɛny Abraɣam lem an teem wënde röl. 11Go tunynhial ë Bɛ̈nydït cööt ke nu nhial, lueel an, “Abraɣam, Abraɣam!”

Go Abraɣam gam, ku lueel an, “Yakï eenë.”

12Go tunynhial lɛ̈k en an, “Du meth jak, ku du de kë luɔiyë yen. Acä ŋic ëgɔk ënɔɔnë, nɔn ee yïn Nhialic riëëu, në luɔi kën yïn wënduön töŋë pɛ̈n Bɛ̈nydït.”

13Ago Abraɣam yenyin jat nhial, go gök ë nyɔɔŋ amääl tïŋ në yekɔ̈u ciëën ke cï rɔk dɔm tuŋ. Go Abraɣam e lɔ diëc, ku bï bɛ̈n teem röl në nyin ë wënde yic, ku nyop ke ye miɔ̈cde. 14Ago Abraɣam ëtɛ̈ɛ̈n cäk an, “Bɛ̈nydït abï aa miööc.”#22:14: Miööc; nɔn ë Tïŋ. Ku agut cï ee köölë aye kɔc lueel an, “Në kuur ë Bɛ̈nydït nɔm abï miööc.”#22:14: miööc; nɔn ee daai.

15Ago tunynhial ë Bɛ̈nydït Abraɣam nyɔk ë cɔɔl en en ke nu nhial, 16#Ɣeb 6:13,14. lueel an, “Acï Bɛ̈nydït lueel an, Yɛn ë kuëëŋ në rinkï yatök në luɔi kën yïn Ɛn pɛ̈n wënduön töŋë. 17#Ɣeb 11:12. Yïn bä thieei aläl, mïthku abä keek ŋuak nyïïn, ka bïk juëc cït man ë kuɛl nhial, ku cïtkï liɛɛt ë wɛ̈ɛ̈r yɔu. Ku mïthku abïk kɔc de kek ater aa tiaam. 18#Luɔi 3:25. Juöör ke piny nɔm kedhie abïk athiɛɛi aa lip tëde Yɛn, an thiɛɛi keek cït man cän mïthku thieei. Në luɔi cïn löŋdï döt.” 19Ago Abraɣam yenɔm dɔ̈k lïïmke, ku jëlkï kedhie ke ke lɔ Biirceba, ku lɔ Abraɣam rëër ëtɛ̈ɛ̈n.

Käu de Naɣor

20Ago Abraɣam ë bɛ̈n ŋic nɔn cï Milka Naɣor mänhë dhiëth mïth kabɛ̈t: 21Udh ee yen ee kɛ̈ɛ̈i, ku lɔ Budh mänhë, ku Kemiɛl wun Aram, 22ku Kithed, ku Ɣadho, ku Pildac, ku Jidilap, ku Bethwɛl, 23wun Rebeka. Milka acï Naɣor mänhë Abraɣam dhiëth ee mïthkë kabɛ̈t. 24Ku Ruma, tiiŋ mɔ̈th de Naɣor aya acï ye dhiëth Tiba, ku Gaɣam, ku Teiɣac, ku Maaka.

Currently Selected:

Cäk 22: dip-JPB

Highlight

Copy