Cäk 41
41
Jothep Awer Nyuöth ë Melikic
1Na ɣɔn, aacï run aa rou, ke melik de Rip ë nyuöth ke kääc ë Kiir thok. 2Ku ee tëthiinë, ke ɣɔ̈k cuɛi cï gup lipëlip ë ke bɔ̈ bei Kiir kadhorou. Ku gokï lëu ë waliic nyuɛ̈thkï. 3Ku be ɣɔ̈k kɔ̈k kadhorou lɔ̈ɔ̈k bɛ̈n bei Kiir në kecök, ɣɔ̈k nɔl arëët, ka yomken atïckï biic ëgaŋaŋ. Gokï bɛ̈n, ku kɛ̈ɛ̈ckï në ɣɔ̈k cuɛikë lɔ̈m në Kiir thok ëtɛ̈ɛ̈n. 4Na wën, ke ɣɔ̈k nɔlkë ke ke cuet ɣɔ̈k cuɛikë. Na wën, ke melik ë riëër në nïnic. 5Ku be ruäi nïïn, go bɛ nyuöth ë nyuöth däŋ. Ke bëël töŋ ë rap ë lok në nïïm kadhorou, nïïm dït cï nyïïn lɔ gak. 6Ku löök nïïm kɔ̈k ke rap kadhorou luɔk ke ke kor nïïm, ku cïnkï nyïïn rap apiɛth në biäk de abiɔ̈r ë yom de aköl amiäk. 7Ago nïïm korkë, nïïm dïtkë liek. Na wën, aa pääc melik, ke ŋic nɔn ë nyuöth en. 8#Dan 2:2. Na ɣɔn amiäk, ke pääc ke cï nɔm mum. Go melik tït ke Rip cɔɔl kedhie, ku cɔɔl röör pelnïïm. Ku guïïr keek nyuöthde. Ku acïn raan töŋ cï ke bɛ̈n lëu në wër ë yic.
9Go raan ee mäu ke melik thiëëp lɛ̈k melik, an, “Yɛn ë nɔm tak në awänydiën wään cä looi ee köölë. 10Wään cïn piɔ̈u diu we wook, yɛn wokë bɛ̈ny ee kuïïn cï pam thaal. Go wook lɔ mac ɣön ë bɛ̈ny ë kɔc ee ɣöt tiit thok. 11Na ɣɔn, ë kööl tök, ke wo nyuöth wodhie. Ku nyuöthkuɔ aake wuöc. 12Ku ade dhuŋ thiin ë Ɣeberuu ë mac ke wook ëtɛ̈ɛ̈n, wën lïm ë bɛ̈ny ë kɔc ee ɣöt tiit thok. Acuk bɛ̈n tɛ̈t nyuöthkuɔ. Go keek wɛ̈ɛ̈riic wook. 13Ku kak ë lueel acïk röt bɛ̈n tiiŋ kedhie cït man ë tët en ke wook. Yïn cï yɛn bɛ̈n dak nɔm ë luɔidï yic, ku nök bɛ̈ny ë kuïïn cï pam thaal.”
14Go melik Jothep tɔ dïcë. Go Jothep guɔ lɔ bɛ̈ɛ̈i ënɔnthiinë ɣön ë mac. Na wën, aacï mut, ku wɛɛr lupɔɔke, ke bɔ̈ të nu melik. 15Go melik lɛ̈k en an, “Yɛn ë nyuöth, ku acïn raan wëërë yic ɛn. Ku acä piŋ nɔn yïn nyuöth weeriic.”
16Go Jothep puk nɔm an, “Acä duëër lëu yɛn në wër ë yic, ee Nhialic Yen abï melik gäm wër ë yic bï yï miët piɔ̈u.”
17Go melik lueel an, “Yɛn aa nyuöth ke ya kääc ë Kiir thok. 18Na të thiinë, ke ɣɔ̈k cuɛi cï gup lipëlip kadhorou ë ke bɔ̈ bei Kiir, ku lëukï ë waliic nyuɛ̈thkï. 19Ku be ɣɔ̈k kɔ̈k nɔl kadhorou lɔ̈ɔ̈k bɛ̈n bei në kecök. Ɣɔ̈k cï yomken lɔ gaŋaŋ biic. Acïn ɣɔ̈k nɔɔl rɛɛc cït keek cä kɔn tïŋ piny ë Rip ëbɛ̈n anandï. 20Ago ɣɔ̈k nɔlkë ɣɔ̈k cuɛikë cuet. 21Ku na cakaa nɔndɛn cï kek ke cuet, acïn raandɛn duëër en ŋic luɔi cï kek ke cuet. Në luɔi ë ŋoot kek ke ke nɔl cït ee mandɛnë. Aguɔ riëër ë nïnic. 22Ku bɛ nyuöth ke ya cï nïïm ke rap tïŋ kadhorou. Nïïm cï luɔk ke ke dït nyïïn në bëël tök nɔm. 23Ku löök nïïm kɔ̈k kadhorou luɔk, ke ke kor nïïm, ku cïnkï nyïïn rap apiɛth. Në luɔi ye abiɔ̈r ë yom de aköl amiäk ke biöör. 24Ago nïïm ke rap cï luɔk ke ke kor nyïïn, nïïm dïtkë liek. Aguɔ ke tɛ̈t tït kedhie, ku acïn tiët töŋ cï ke lëu në wër ë yic.”
25Go Jothep lɛ̈k melik, an, “Nyuöthku kaarou aluelkï tök: Nhialic ë yï lɛ̈k kë kɔɔr bï looi. 26Ɣɔ̈k cuɛikë kadhorou ee run kadhorou. Ku nïïm ke rap cï ŋiëc luɔk apiɛthë kadhorou ee run kadhorou ayadäŋ. Kedhie aluelkï tök. 27Ku ɣɔ̈k nɔlkë kadhorou, ku nïïm ke rap kën ŋiëc luɔkë kadhorou, në këde abiɔ̈r ë yom de aköl amiäk, ee run ke cɔk. 28Cït man awën cän e lɛ̈k yïn, an Nhialic ë yï nyuöth kë kɔɔr bï looi. 29Run ke kuɛth abïk bɛ̈n kadhorou. Ka kacaam abïk juëc piny ë Rip arëët. 30Ku në kecök ciëën, run ke cɔk abïk bɛ̈n kadhorou. Ka kɔc abïk nïïm määr në run ke kuɛth. Në luɔi bï cɔk piny riɔ̈ɔ̈k arëët. 31Ku kɔc abïk nïïm määr taitai në run ke kuɛth, në biäk bï cɔk tuöc arëët. 32Ku nyöŋ cïn nyuöthdu nyɔkic, anyooth luɔi cï Nhialic jam tɔ ye yic, ku abï dap tɔ loi rɔt.
33“Ku ënɔɔnë, kë kɔɔr rɔt, ee luɔi bï yïn raan tök kuany. Raan pel nɔm, ku de kë ŋic. Ku gämë bääny de wut. 34Ku kuany bäny kɔ̈k ayadäŋ, bäny bï ka ye käŋ dhïc aa nööm në rapiic, në run ke kuɛthë kadhorou. 35Ku lɛ̈kë keek bïk kacaam määtiic ëbɛ̈n, në run bï käŋ juëc thïn. Ku tɔ ke tɔ̈u rap në pɛ̈ɛ̈nydïtiic ëbɛ̈n, ku titkï keek. 36Kek ee kacaamkë kek abï ya agɔ̈ɔ̈r de run ke cɔŋ bɔ̈ Ripë kadhorou. Yen acïï cɔk piny bï riɔ̈ɔ̈k.”
Jothep acï ya bɛ̈ny ë Rip
37Go melik ee jamë gam kekë bänyke. 38Ku lëk ë melik kɔcke, an, “Acïn raan piɛɛth däŋ buk yök pei të cïn Jothep, raan de guöp wëi ke Nhialic.” 39Ku lëk ë melik Jothep an, “Nhialic ë yï nyuöth ee kakë kedhie. Ku kënë, anyooth nɔn yïn raan pel nɔm, ku ye raan ŋic käŋ awär raan ëbɛ̈n. 40#Luɔi 7:10. Yïn bä gäm bääny de wundï ëbɛ̈n. Ku kɔckï kedhie, abïk kë luel aa piŋ. Ku në biäk de thööc ee yïn abï nu në yacök. 41Yïn cä kuany ke yï ye bɛ̈ny de Rip ëbɛ̈n.” 42#Dan 5:29. Ku puut melik guelade bei në yeciin, ku tɛ̈ɛ̈u në Jothep ciin. Ku yïk Jothep kɔ̈u lupɔ piɛth lɔ mot, ku yïk yeth kuat adhääp. 43Ku tɔ kɛɛc në abëlde yic, abël ye abëëlke rou. Ku tɔ kɔckɛn ee yen tiit lɔ në yenɔm tueŋ, ke lueelkï an, “Guötkï wemiöl piny.” Ku jɔ Jothep tɔ ye bɛ̈ny de Rip ëbɛ̈n. 44Ku lëk ë melik en an, “Ee yɛn ee melik, acïn raan tök piny ë Rip ëbɛ̈n, raan bï këdäŋ aa looi kë kɛ̈në lɛ̈k yïn.” 45Ku ciëk melik Jothep në rin ke Rip an Dhapenath Pania. Ku gëm nyan cɔl Athenath, nyan ë Pɔtipera, bɛ̈ny de kake Nhialic ë wun cɔl Ɣiliopolith. Go Jothep piny ë Rip lɔ caath ëbɛ̈n.
46Jothep aaye run thiërdiäk, ɣɔn gɔl en luɔide kekë melik de Rip. Ago Jothep melik nyääŋ piny, ku le piny ë Rip caath ëbɛ̈n. 47Ku në ee run ke kuɛthë yiic, piny acï luɔk ëbɛ̈n në rap arëët. 48Go Jothep rap tɔ̈ɔ̈u në wuöt ke Ripiic ëbɛ̈n, rap ke run ke kuɛth kadhorou. Ku Jothep aaye rɛɛp ke pɛ̈ɛ̈nydït tɔ̈ɔ̈u në dum thiääk në pänydït. 49Ku Jothep acï rɛɛp juëc arëët tɔ̈ɔ̈u, rɛɛp juëc cït liɛɛt ë wɛ̈ɛ̈r yɔu.
50Na wään, aŋoot run ke cɔk ke ke kën guɔ bɛ̈n, ke Jothep ë dhiëth mïth kaarou kekë Athenath tiiŋde, nyan de Pɔtipera. 51Ago Jothep lueel, an, “Nhialic ë ya tɔ mär nɔm në karɛc wään guööm keek, ku tɔ ya mär nɔm në baaida ayadäŋ.” Go wëndɛn kɛ̈ɛ̈i cäk an Manatha (acï ya tɔ Mär nɔm).#41:51: Manatha: Rinkë në Ɣeberuu acït “tɔ mär nɔm.” 52Ku be lueel an, “Nhialic ë ya gäm mïth në piny yɔŋë ya thïn.” Go wëndɛn däŋë cäk an Eparaim (acï ya gäm mïth).#41:52: Eparaim: Rinkë në Ɣeberuu acït “gamë mïth.”
53Na ɣɔn, ke run ke kuɛth wään tɔ̈u Rip ë ke thök kadhorou. 54#Luɔi 7:11. Ku gɔl run ke cɔk röt ë määth, cït man wään cï Jothep ë lueel. Go cɔk kɔc dɔm në wuöt kɔ̈kiic, ku Rip ëbɛ̈n ade nɔm kacaam. 55#Jɔn 2:5. Na wään, akɔɔr cɔk abï kɔc ke Rip dɔm, kɔc acïk melik bɛ̈n yɔ̈ɔ̈k bï ke gäm kacaam. Ago melik lɛ̈k keek, an, “Lakï të nu Jothep, ku na de kë cï lɛ̈k week, ke luɔikï.” 56Na wään, aacï cɔk yenyin ŋuak, ku cï piny ë Rip paat ëbɛ̈n: ke Jothep ë tuer ɣööt ke rap thook, ku ɣöc kɔc ke Rip rap. 57Ago kɔc ke piny nɔm lɔ Rip kedhie, lek ɣööc ë rap tëde Jothep. Në luɔi ë cï cɔk thok tuöc arëët në piny nɔm ëbɛ̈n.
Currently Selected:
Cäk 41: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Cäk 41
41
Jothep Awer Nyuöth ë Melikic
1Na ɣɔn, aacï run aa rou, ke melik de Rip ë nyuöth ke kääc ë Kiir thok. 2Ku ee tëthiinë, ke ɣɔ̈k cuɛi cï gup lipëlip ë ke bɔ̈ bei Kiir kadhorou. Ku gokï lëu ë waliic nyuɛ̈thkï. 3Ku be ɣɔ̈k kɔ̈k kadhorou lɔ̈ɔ̈k bɛ̈n bei Kiir në kecök, ɣɔ̈k nɔl arëët, ka yomken atïckï biic ëgaŋaŋ. Gokï bɛ̈n, ku kɛ̈ɛ̈ckï në ɣɔ̈k cuɛikë lɔ̈m në Kiir thok ëtɛ̈ɛ̈n. 4Na wën, ke ɣɔ̈k nɔlkë ke ke cuet ɣɔ̈k cuɛikë. Na wën, ke melik ë riëër në nïnic. 5Ku be ruäi nïïn, go bɛ nyuöth ë nyuöth däŋ. Ke bëël töŋ ë rap ë lok në nïïm kadhorou, nïïm dït cï nyïïn lɔ gak. 6Ku löök nïïm kɔ̈k ke rap kadhorou luɔk ke ke kor nïïm, ku cïnkï nyïïn rap apiɛth në biäk de abiɔ̈r ë yom de aköl amiäk. 7Ago nïïm korkë, nïïm dïtkë liek. Na wën, aa pääc melik, ke ŋic nɔn ë nyuöth en. 8#Dan 2:2. Na ɣɔn amiäk, ke pääc ke cï nɔm mum. Go melik tït ke Rip cɔɔl kedhie, ku cɔɔl röör pelnïïm. Ku guïïr keek nyuöthde. Ku acïn raan töŋ cï ke bɛ̈n lëu në wër ë yic.
9Go raan ee mäu ke melik thiëëp lɛ̈k melik, an, “Yɛn ë nɔm tak në awänydiën wään cä looi ee köölë. 10Wään cïn piɔ̈u diu we wook, yɛn wokë bɛ̈ny ee kuïïn cï pam thaal. Go wook lɔ mac ɣön ë bɛ̈ny ë kɔc ee ɣöt tiit thok. 11Na ɣɔn, ë kööl tök, ke wo nyuöth wodhie. Ku nyuöthkuɔ aake wuöc. 12Ku ade dhuŋ thiin ë Ɣeberuu ë mac ke wook ëtɛ̈ɛ̈n, wën lïm ë bɛ̈ny ë kɔc ee ɣöt tiit thok. Acuk bɛ̈n tɛ̈t nyuöthkuɔ. Go keek wɛ̈ɛ̈riic wook. 13Ku kak ë lueel acïk röt bɛ̈n tiiŋ kedhie cït man ë tët en ke wook. Yïn cï yɛn bɛ̈n dak nɔm ë luɔidï yic, ku nök bɛ̈ny ë kuïïn cï pam thaal.”
14Go melik Jothep tɔ dïcë. Go Jothep guɔ lɔ bɛ̈ɛ̈i ënɔnthiinë ɣön ë mac. Na wën, aacï mut, ku wɛɛr lupɔɔke, ke bɔ̈ të nu melik. 15Go melik lɛ̈k en an, “Yɛn ë nyuöth, ku acïn raan wëërë yic ɛn. Ku acä piŋ nɔn yïn nyuöth weeriic.”
16Go Jothep puk nɔm an, “Acä duëër lëu yɛn në wër ë yic, ee Nhialic Yen abï melik gäm wër ë yic bï yï miët piɔ̈u.”
17Go melik lueel an, “Yɛn aa nyuöth ke ya kääc ë Kiir thok. 18Na të thiinë, ke ɣɔ̈k cuɛi cï gup lipëlip kadhorou ë ke bɔ̈ bei Kiir, ku lëukï ë waliic nyuɛ̈thkï. 19Ku be ɣɔ̈k kɔ̈k nɔl kadhorou lɔ̈ɔ̈k bɛ̈n bei në kecök. Ɣɔ̈k cï yomken lɔ gaŋaŋ biic. Acïn ɣɔ̈k nɔɔl rɛɛc cït keek cä kɔn tïŋ piny ë Rip ëbɛ̈n anandï. 20Ago ɣɔ̈k nɔlkë ɣɔ̈k cuɛikë cuet. 21Ku na cakaa nɔndɛn cï kek ke cuet, acïn raandɛn duëër en ŋic luɔi cï kek ke cuet. Në luɔi ë ŋoot kek ke ke nɔl cït ee mandɛnë. Aguɔ riëër ë nïnic. 22Ku bɛ nyuöth ke ya cï nïïm ke rap tïŋ kadhorou. Nïïm cï luɔk ke ke dït nyïïn në bëël tök nɔm. 23Ku löök nïïm kɔ̈k kadhorou luɔk, ke ke kor nïïm, ku cïnkï nyïïn rap apiɛth. Në luɔi ye abiɔ̈r ë yom de aköl amiäk ke biöör. 24Ago nïïm ke rap cï luɔk ke ke kor nyïïn, nïïm dïtkë liek. Aguɔ ke tɛ̈t tït kedhie, ku acïn tiët töŋ cï ke lëu në wër ë yic.”
25Go Jothep lɛ̈k melik, an, “Nyuöthku kaarou aluelkï tök: Nhialic ë yï lɛ̈k kë kɔɔr bï looi. 26Ɣɔ̈k cuɛikë kadhorou ee run kadhorou. Ku nïïm ke rap cï ŋiëc luɔk apiɛthë kadhorou ee run kadhorou ayadäŋ. Kedhie aluelkï tök. 27Ku ɣɔ̈k nɔlkë kadhorou, ku nïïm ke rap kën ŋiëc luɔkë kadhorou, në këde abiɔ̈r ë yom de aköl amiäk, ee run ke cɔk. 28Cït man awën cän e lɛ̈k yïn, an Nhialic ë yï nyuöth kë kɔɔr bï looi. 29Run ke kuɛth abïk bɛ̈n kadhorou. Ka kacaam abïk juëc piny ë Rip arëët. 30Ku në kecök ciëën, run ke cɔk abïk bɛ̈n kadhorou. Ka kɔc abïk nïïm määr në run ke kuɛth. Në luɔi bï cɔk piny riɔ̈ɔ̈k arëët. 31Ku kɔc abïk nïïm määr taitai në run ke kuɛth, në biäk bï cɔk tuöc arëët. 32Ku nyöŋ cïn nyuöthdu nyɔkic, anyooth luɔi cï Nhialic jam tɔ ye yic, ku abï dap tɔ loi rɔt.
33“Ku ënɔɔnë, kë kɔɔr rɔt, ee luɔi bï yïn raan tök kuany. Raan pel nɔm, ku de kë ŋic. Ku gämë bääny de wut. 34Ku kuany bäny kɔ̈k ayadäŋ, bäny bï ka ye käŋ dhïc aa nööm në rapiic, në run ke kuɛthë kadhorou. 35Ku lɛ̈kë keek bïk kacaam määtiic ëbɛ̈n, në run bï käŋ juëc thïn. Ku tɔ ke tɔ̈u rap në pɛ̈ɛ̈nydïtiic ëbɛ̈n, ku titkï keek. 36Kek ee kacaamkë kek abï ya agɔ̈ɔ̈r de run ke cɔŋ bɔ̈ Ripë kadhorou. Yen acïï cɔk piny bï riɔ̈ɔ̈k.”
Jothep acï ya bɛ̈ny ë Rip
37Go melik ee jamë gam kekë bänyke. 38Ku lëk ë melik kɔcke, an, “Acïn raan piɛɛth däŋ buk yök pei të cïn Jothep, raan de guöp wëi ke Nhialic.” 39Ku lëk ë melik Jothep an, “Nhialic ë yï nyuöth ee kakë kedhie. Ku kënë, anyooth nɔn yïn raan pel nɔm, ku ye raan ŋic käŋ awär raan ëbɛ̈n. 40#Luɔi 7:10. Yïn bä gäm bääny de wundï ëbɛ̈n. Ku kɔckï kedhie, abïk kë luel aa piŋ. Ku në biäk de thööc ee yïn abï nu në yacök. 41Yïn cä kuany ke yï ye bɛ̈ny de Rip ëbɛ̈n.” 42#Dan 5:29. Ku puut melik guelade bei në yeciin, ku tɛ̈ɛ̈u në Jothep ciin. Ku yïk Jothep kɔ̈u lupɔ piɛth lɔ mot, ku yïk yeth kuat adhääp. 43Ku tɔ kɛɛc në abëlde yic, abël ye abëëlke rou. Ku tɔ kɔckɛn ee yen tiit lɔ në yenɔm tueŋ, ke lueelkï an, “Guötkï wemiöl piny.” Ku jɔ Jothep tɔ ye bɛ̈ny de Rip ëbɛ̈n. 44Ku lëk ë melik en an, “Ee yɛn ee melik, acïn raan tök piny ë Rip ëbɛ̈n, raan bï këdäŋ aa looi kë kɛ̈në lɛ̈k yïn.” 45Ku ciëk melik Jothep në rin ke Rip an Dhapenath Pania. Ku gëm nyan cɔl Athenath, nyan ë Pɔtipera, bɛ̈ny de kake Nhialic ë wun cɔl Ɣiliopolith. Go Jothep piny ë Rip lɔ caath ëbɛ̈n.
46Jothep aaye run thiërdiäk, ɣɔn gɔl en luɔide kekë melik de Rip. Ago Jothep melik nyääŋ piny, ku le piny ë Rip caath ëbɛ̈n. 47Ku në ee run ke kuɛthë yiic, piny acï luɔk ëbɛ̈n në rap arëët. 48Go Jothep rap tɔ̈ɔ̈u në wuöt ke Ripiic ëbɛ̈n, rap ke run ke kuɛth kadhorou. Ku Jothep aaye rɛɛp ke pɛ̈ɛ̈nydït tɔ̈ɔ̈u në dum thiääk në pänydït. 49Ku Jothep acï rɛɛp juëc arëët tɔ̈ɔ̈u, rɛɛp juëc cït liɛɛt ë wɛ̈ɛ̈r yɔu.
50Na wään, aŋoot run ke cɔk ke ke kën guɔ bɛ̈n, ke Jothep ë dhiëth mïth kaarou kekë Athenath tiiŋde, nyan de Pɔtipera. 51Ago Jothep lueel, an, “Nhialic ë ya tɔ mär nɔm në karɛc wään guööm keek, ku tɔ ya mär nɔm në baaida ayadäŋ.” Go wëndɛn kɛ̈ɛ̈i cäk an Manatha (acï ya tɔ Mär nɔm).#41:51: Manatha: Rinkë në Ɣeberuu acït “tɔ mär nɔm.” 52Ku be lueel an, “Nhialic ë ya gäm mïth në piny yɔŋë ya thïn.” Go wëndɛn däŋë cäk an Eparaim (acï ya gäm mïth).#41:52: Eparaim: Rinkë në Ɣeberuu acït “gamë mïth.”
53Na ɣɔn, ke run ke kuɛth wään tɔ̈u Rip ë ke thök kadhorou. 54#Luɔi 7:11. Ku gɔl run ke cɔk röt ë määth, cït man wään cï Jothep ë lueel. Go cɔk kɔc dɔm në wuöt kɔ̈kiic, ku Rip ëbɛ̈n ade nɔm kacaam. 55#Jɔn 2:5. Na wään, akɔɔr cɔk abï kɔc ke Rip dɔm, kɔc acïk melik bɛ̈n yɔ̈ɔ̈k bï ke gäm kacaam. Ago melik lɛ̈k keek, an, “Lakï të nu Jothep, ku na de kë cï lɛ̈k week, ke luɔikï.” 56Na wään, aacï cɔk yenyin ŋuak, ku cï piny ë Rip paat ëbɛ̈n: ke Jothep ë tuer ɣööt ke rap thook, ku ɣöc kɔc ke Rip rap. 57Ago kɔc ke piny nɔm lɔ Rip kedhie, lek ɣööc ë rap tëde Jothep. Në luɔi ë cï cɔk thok tuöc arëët në piny nɔm ëbɛ̈n.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.