Leb 25
25
Ruöön de Dhorou
(Nyöŋ 15:1-11)
1 #
Bɛ̈n 23:10,11. Go Bɛ̈nydït Mothe yɔ̈ɔ̈k, në kuur ë Thinai nɔm an, 2Jäämë kɔc ke Yithriɛl ku lɛ̈kë keek an, të la wek lɔ piny la gäm week, yen piny guöpde abï dɛ ruöön de Thabathde këde Bɛ̈nydït. 3Në run kadhetem yiic yak duumkun com, ku në run kadhetem yak tiimkun guaar nïïm ku yak mïthken tet. 4Ku në ruöön de dhorou, piny abï dhil lɔ̈ŋ, ee Thabath de Bɛ̈nydït. Duökï duumkun com ku duökï tiimkun guar nïïm. 5Duökï ka cï luɔk kapäc tem. Ku duökï mïth ke enap kënkï keek tiit tet, piny abï nɔm dɛ ruöön de lɔ̈ŋ. 6Ku bï luɔk piny ëbɛ̈n ë ruöön de Thabath ë dhorou, abï ya këcamdun wegup, ayï röör lïïmkun ayï duet lïïmkun ayï kɔc lui në week ayï kamaan rɛ̈ɛ̈r në week ë nïn liiakäŋ. 7Ayï ɣɔ̈kkun aya, ku läi roor nu paandun. Ka lɔ luɔk piny kedhie aduëër ë keek cam.
Ruöön de Cuölëkäŋ
8Kuen run kadhorou raandhorou ee run kathiërŋuan ku dhoŋuan kedhie. 9Na ëlë në kööl de thiëër ë pɛɛi de dhorou, Kööl de atɛɛm, toc raan bï kaaŋ lɔ kooth ë wuötiic paandun ëbɛ̈n 10Në ee kueerë wek bï ruöön ye kek dhïc tɔ̈ɔ̈u pei, ku lɛ̈kkï nɔmlääu kɔc ceŋ piny kedhie. Ku në ee ruöönë yic ka cï keek ɣaac kedhie, abï keek pɔ̈k nïïm raandɛn tueŋ ku nɔn ee yen mïth ke mïthke, ku raan cï ɣaac ke ee lïm abï rɔt pɔ̈k paanden. 11Wek cïï duumkun bï com ku cäkï rɛɛp cï luɔk kapäc bï tem, ku cäkï mïth ke enap kënkï guar bï tet. 12Yen ruöön ëbɛ̈n abï yic ɣɛɛr tëde week kë bäk cam yetök ee ka cï luɔk ë duumiic kapäc.
13Në ee ruöönë yic ka wään cï ɣaac ëbɛ̈n, abï keek dɔ̈k nïïm raandɛn tueŋ. 14Ka të ɣɔ̈c yïn raande Yithriɛl piny ku nɔn ee piny yen ɣɔc tëde yen, duökï ee luui në ruëëny. 15Kuën aduëër ë mac, cït man ë run ke luɔk de dom, të ŋoot ë ruöön bï ë ye pɔ̈k nɔm wun wei. 16Ku na de run juëc, ke kuën abï lɔ nhial, ku na lik run ke kuën abï nu ciëën, në luɔi ee yen kë bï dom bɛ̈ɛ̈i të ciën luɔk yen ɣɛɛcë. 17Duökï raanduön de Yithriɛl ee cam, yak riɔ̈ɔ̈c ë Nhialicdun, ee Yɛn Bɛ̈nydït Nhialicdun.
Nuɛɛn ke Ruöön de Dhorou.
18Riëëukï lööŋ ke Bɛ̈nydït kedhie ku wëëtde. Aguɔkï rɛ̈ɛ̈r apiɛth paan bïï gäm week. 19Piny abï luɔk në rɛɛpke, ku wek bï nïïm de këcam kaarkï ëbɛ̈n, ku wek bï rɛ̈ɛ̈r apiɛth.
20Tɛk däŋ bäk lop an, Eeŋö buk cam në ruöönë dhorou, na cuku cum ku cuku rɛɛpkuɔ tem? 21Wek bä tuöc athiɛɛi dït në ruöön de dhetem, ka pinydun abï luɔk në rɛɛp ke run kadiäk. 22Të la wek com në ruöön de bɛ̈t, wek bï cam në rɛɛp thɛɛr yiic ku we bï ŋoot ke we cäm thïn agut cï të le tëm de ruöön ë dhorou bɛ̈n thïn.
Cuöl de Käŋ
23Piny acïï bï dhil ɣaac liŋliŋ, në biäk ye piny këdï, ku week ee kɔc lei tei, ku yak kɔckiën ee tïït.
24Ku në piny rɛ̈ɛ̈r wek thïn ëbɛ̈n ke ee këdun, wek bï këdäŋ dhil aa tääu piny waar wek piny. 25Na cï raan tök nyin kuany në kɔc wundun yiic, ku ɣɛɛc kakɛn kɔ̈k, raan raan kekë yen aläl, aduëër bɛ̈n ku wɛɛr ka cï raanden ke ɣaac. 26Ku na cïn raan nɔm raandɛn duëër käŋ wɛ̈ɛ̈r en, ku cïn raan kueth, ku jɔ nɔm dɛ ka röŋ ke luɔi wɛɛr en en. 27Ka aduëër kuën ke run ɣɔn ɣɛɛc yen en thɔ̈ɔ̈ŋ, ku cul raan wään ɣɔc piny tëde yen wëukɛn kɔ̈k, ku ëtɛ̈ɛ̈n aduëër jɔ lɔ ciëën ë kake yiic. 28Ku na le ciën ka cï keek yök bï en ke raan cuööt, ke kë cï ɣaac abï ya këde raan ë ɣɔɔc en, agut cï ruöön de cuöl ë käŋ. Ku ëtɛ̈ɛ̈n aduëër jɔ lɔ ciëën në kake yiic.
29Na cï raan ɣöt ɣaac në pänydït yic, aduëër ŋoot ke ee kë bï waar aɣët të le en ruöön tök thöl në ɣɛɛcde, aduëër waar në ee kaamë yic. 30Na lɔ ruöön wan, ke kuën ë waar ke ɣön nu ë pänydïtic abï aa këde raan ë ɣɔ̈c kekë mïth ke mïthke liŋliŋ. Acïï bï bɛ puk nɔm në ruöön ë cuöl ë käŋ. 31Ku ɣööt nu në bɛ̈i yiic bɛ̈i kënë ke luöi kɛ̈l, abïï keek tɔ ee duum biic, aduëër ë keek aa waar, ku abï keek dhil aa puk nïïm në ruöön ë cuöl ë käŋ. 32Ku kɔc ke Lebai adekï nïïm yicdɛn bï kek ɣöötken aa waar në pɛ̈ɛ̈nydït ke Lebai yiic, pɛ̈ɛ̈nydïtkɛn cieŋkï keek. 33Ka kake kɔc ke Lebai abï keek aa waar yen ɣön cïk ɣaac në ruöön de cuölëkäŋ#25:33: Këcïgɔ̈ɔ̈r Na ee ɣöt...Cuöl de käŋ; Acie yökic në Ɣeberuu. në biäk ye ɣööt wën nu ë pɛ̈ɛ̈nydït ke Lebai yiic kaken në kɔc ke Yithriɛl yiic. 34Ku ɣään ke nyuäth nu ë pɛ̈ɛ̈nydïtken yiic acïï keek bï dhil ɣaac ee kaken liŋliŋ.
Ka cï Dhɛ̈n Kɔc Kuany nyïïn
35 #
Nyöŋ 15:7,8. Na cï raan tök nyin kuany në kɔc wundun yiic, ku acïn luɔi lëu en rɔt në weyiic, kuɔnykï cït man duëër wek raan lei kony ku nɔn ee kaman, aŋoot ke rɛ̈ɛ̈r në weyiic. Duökï kajuëc nöm tëde yen, yak riɔ̈ɔ̈c ë Nhialicdun, ago raan wundun ŋoot ke rɛ̈ɛ̈r ë weyiic. 36Duökï dhën wëu bï kenyïïn ŋuak, ku duökï ɣɔ̈c këcam në wëu juëc. 37#Bɛ̈n 22:25; Nyöŋ 23:19,20. Ee Yɛn Bɛ̈nydït Nhialicdun, raan ë bïï we bei në Rip, bïï we bɛ̈n gäm piny de Kanaan, ku bïï aa Nhialicdun. 38Na cï raan wundun tök nyin kuany në weyiic, ku ɣɔ̈c rɔt week, duökï tɔ lui cït man ë lïm.
Luny de Lïïm
39 #
Bɛ̈n 21:2-6; Nyöŋ 15:12-18. Abï dhiɛl luööi cït man ë raan lui në wëu, ku nɔn ee kaman ë weyiic, abï dhil lui ke week agut cï ruöön de cuölëkäŋ. 40Ëtɛ̈ɛ̈n yen kekë baaide abïï keek jɔ lony, ku abï jɔ lɔ ciëën të nu dhiënden ku jɔ lɔ piny de wärken. 41Në biäk ye kɔc ke Yithriɛl lïïmkiën ë bɛ̈ɛ̈i bei Rip, acïï keek bï dhil ɣaac ke ke ye lïïm. 42Duökï keek ceŋ arac. Yak riɔ̈ɔ̈c në Nhialicdun. 43Lïïmkuön röör ku lïïm duet, abäk keek bɛ̈ɛ̈i në juöör thiääk ë week yiic. We bï lïïm ɣɔɔc në keyiic. 44Ku wek duëër ɣɔ̈ɔ̈c në kɔc rɛ̈ɛ̈r ë weyiic ke ke ye kamaan, ayï juöör ë dhiëth wundun wek duëër lïïmkun ɣɔɔc në keyiic, ku abïk aa kakun. 45Aduëërkï keek tɔ lak ë mïthku, ku abïk aa kaken në pïïrden yic. Ku wek cïï kɔckun ke Yithriɛl bï ceŋ arac. 46Na cï raan lei ku nɔn ee kaman rɛ̈ɛ̈r ë weyiic kuɛth, ku lɔ raanduön tök nyin kuany ku lee rɔt ɣɔ̈c raan lei ku nɔn ee kaman rɛ̈ɛ̈r ë weyiic.
47Ade nɔm yic bï ë yen waar të cï yen rɔt ɣaac. Raan töŋ de kɔcken aduëër en waar. 48Wuulënë ku nɔn ee wënwuun ayï raan raan kekë yen, raan dhiënden, aduëër yen waar, ku na cï rɔ lɔ yɔ̈k wëu juëc aduëër rɔt waar. 49Yen kekë raan ë ɣɔ̈c yen, abïk kaam kueen, gɔl ë ruöön ë ɣɛɛc en rɔt aɣët cï ruöön de cuölëkäŋ. Ku kuën bï ë yen waar, abï ya kuën ye gäm raan lui, në pëk ë kuɛ̈n de run. 50Na ee run juëc kek cï döŋ, ke abï wëu dhil cool bï en ke rɔt waar në wëu ke ɣööcde.
51Na ee run liaakäŋ ke cï döŋ tei në bɛ̈n ë ruöön ë cuölëkäŋ. Ke abï ë kakë kiëët nïïm ku cool wëu wɛɛr en rɔt në ka röŋ. 52Ku na lee luööi në luɔi de raan lui ë run nyin ëbɛ̈n. Ke abäk dhil döt ë gɔk nɔn cïï raande yen, ye bï luööi arac. 53Cakaa yen ë kënë waar në kueer ë yic yen kekë mïthkë abï keek lony në ruöön ë cuölëkäŋ 54Na kënë lony në kueer tök në ee kuɛɛrkë yiic, yen kekë mïthke aduëërë keek lony në ruöön däŋ bïï ë kɔc bɛ lony. 55Raan de Yithriɛl acïï duëër aa lïm athɛɛr, në biäk ye kɔc ke Yithriɛl lïïm ke Bɛ̈nydït. Acï ke bɛ̈ɛ̈i bei ë Rip, ee Yɛn Bɛ̈nydït Nhialicden.
Currently Selected:
Leb 25: dip-JPB
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.