Mak 1

Wɛ̈ɛ̈t de Jɔn Baptith

(Math 3:1-12; Luk 3:1-18; Jɔn 1:19-28)

1Göl ë wëlpiɛth kï, wëlpiɛth ke Yecu Kërtho, Wën ë Nhialic. 2#Mal 3:1. Acït man cï e gɔ̈ɔ̈r ë awerek de tiët Yithaya yic, an,

“Tïŋ, ‘Yɛn tooc tunydï ë yïnɔm tueŋ,

Raan bï kueerdu lɔ looi.’

3 # Yith 40:3 (LXX). Röl de raan cöt ë jɔ̈ɔ̈ric an,

‘Luɔikï kuɛɛr ke Bɛ̈nydït

abïk lɔ cit!”’

4Go Jɔn bɛ̈n, raan ee kɔc baptith ë jɔ̈ɔ̈ric,#1:4: Jɔn aa tul ë jɔ̈ɔ̈ric, ke loi baptith ku piööc kɔc; këcïgɔ̈ɔ̈r däŋ ade yicJɔn de Baptith aa tul ë jɔ̈ɔ̈ric, piööc kɔc. ku ye kɔc guiëër në baptith ë puŋëpiɔ̈u në päl bïï karɛc pɔ̈l. 5Na wën, ke kɔc ke piny ë Juda kedhie, ku kɔc ke Jeruthalem, ke ke lɔ biic të nu yen, go ke baptith në yen kedhie ë wɛ̈ɛ̈r de Jordan yic, ku gamkï karɛcken.

6 # 2 Mel 1:8. Ku ye Jɔn lupɔ cieŋ lupɔ cï cuëëc ë nhïm ke thɔ̈rɔ̈l, ku ye thiönh ë dɛ̈l cieŋ ë yethar, ku ye kɔyɔm cam ku ciɛm miök de kiëc nu röör. 7Ku ye guiir an, “Ade raan bɔ̈ ë yacök ciëën, raan ril ë yɛn, ku yɛn cï röŋ në luɔi duɛ̈ɛ̈r ɛn guŋ dak thiönh ë wɛɛrke. 8Yɛn ë we baptith ë pïïu: ku raanë abï we baptith në Wëidït ɣer.”

Baptith ku Thëm de Yecu

(Math 3:13–4:11; Luk 3:21-22; 4:1-13)

9Na wën, ë aköölkë, ke Yecu bɔ̈ Nadhareth de Galili, ago baptith ë Jɔn ë Jordanic. 10Na wën, ënɔntöŋ ë bïï en biic ë pïïu yiic, ke tënhial ë liep yeyic, ku tïŋ Wëidït ɣer abɔ̈ piny nhial lekï ë yeguöp acït guöp guuk. 11#Cäk 22:2; Diɛt 2:7; Yith 42:1; Math 3:17; 12:18; Mak 9:7; Luk 3:22. Ku bɔ̈ röl paannhial an, “Yïn ee Wëndiën nhiaar, Yɛn mit piɔ̈u wo yïn arëët.”

12Na wën, ë tëthiinë, ke dap lɛɛr ë jɔ̈ɔ̈ric ë Wëidït. 13Ku jɔ lɔ tɔ̈u ë jɔ̈ɔ̈ric ë nïn kathiërŋuan, ke ye Catan them, ku ye tɔ̈u kekë läi roor ëtök, ku ye luööi ë tuucnhial.

Yecu Acɔl Kɔc ee Rec Deep Kaŋuan

(Math 4:12-22; Luk 4:15; 5:1-11)

14Na ɣɔn, aacï Jɔn mac, ke Yecu bɔ̈ Galili, ke ye Wëlpiɛth ke Nhialic guiir, 15#Math 3:2. aaye lueel an, “Piny ë thök, ku ciɛɛŋ de Nhialic acï guɔ thiɔ̈k! Pɔ̈kkï wepiɔ̈ɔ̈th, ku gamkï Wëlpiɛth!”

16Na wën, aa ciɛth ë Baar ë Galili yɔu, ke tïŋ Thimon ku Andereya mänhë ë Thimon ke ke deeny bɔi wïïr: luɔi ee kek kɔc ee dep. 17Go Yecu keek yɔ̈ɔ̈k an, “Bäkï ë yacök, ke we bä tɔ ye kɔc ë kɔc deep.” 18Gokï bɔɔiken dap pɔ̈l ënɔnthiinë, ku kuanykï cök.

19Na wën, acï lɔ tueŋ tëthiinakäŋ, ke tïŋ Jakop wën ë Dhebedayo kekë Jɔn mänhë, kɔc nu ë abëlic ayadäŋ, arukkï bɔɔiken. 20Go keek cɔɔl ënɔnthiinë: gokï wuönden Dhebedayo nyääŋ ë abëlic kekë kɔc ë luui ë wëu, ku biɔthkï cök.

Raan de Guöp Jɔŋdïtrac

(Luk 4:31-37)

21Gokï lɔ Kapernaum, na wën, ëkööl ë Thabath, ke dap lɔ ɣön ë Nhialic le wëët. 22#Math 7:28,29. Gokï gäi në wëëtde: luɔi ee yen keek wɛ̈ɛ̈t cït man ë raan cath ke riɛl, ku acïï cït man ë kɔc ë löŋ gɔ̈ɔ̈r.

23Na wën, ke raan anu ë ɣöndɛn ë Nhialic yic raan de guöp jɔŋ rac, go rel an, 24“Yecu! Eeŋöda në yïn, yïn Yecu de Nadhareth? Cï bɛ̈n bä wo bɛ̈n riɔ̈ɔ̈k? Yïn ŋiɛc nɔn ee yïn Raan ɣeric de Nhialic!”

25Go Yecu jɔ̈ɔ̈ny an, “Lɔ lik, ku bä bei ë yeguöp!”

26Na wën, aacï jɔŋ rac raan tɔ lɔ juɔ̈kläŋ, ke jɔ cööt ë röl dït, ku bïï bei ë yeguöp. 27Gokï gäi kedhie, arëk abïk röt thiëëc kapäc an, “Ee käŋö ee kënë? Ee wëët ŋö ee kënë wëët cï piac bɛ̈në? Acakaa jɔɔk rac aye ke yɔ̈ɔ̈k në riɛl, agokï këde piŋ!”

28Go rinke tïc ënɔnthiinë në wuöt thiɔ̈k ke piny de Galili yic ëbɛ̈n.

Yecu Atɔ Kɔc Juëc Waar

(Math 8:14-17; Luk 4:38-41)

29Na wën, aa cïk bɛ̈n biic ɣön ë Nhialic, ke ke dap lɔ ɣön ë Thimon ku Andereya, aciɛthkï në Jakop ku Jɔn. 30Ku dhiɔm de Thimon adhɔt piny ke juäi, agokï këde dap lɛ̈k Yecu. 31Go bɛ̈n, bïï ku dɔm cin, jɔt nhial, go juäi päl piny ënɔnthiinë, go kaken looi.

32Na ɣɔn thëën, të cï akɔ̈l lɔ piny, ke ke bïï kɔc tëde yen kɔc tök kedhie ayï kɔc cïï jɔɔk rac dɔm. 33Ku kɔc ke pänydït ëbɛ̈n acïk guëër ɣöt thok. 34Go kɔc tök juëc tɔ dem kɔc de gup jɔɔk kith yiic, ku cieec jɔɔk rac ë kɔc gup kɔc juëc, ku pën jɔɔk rac jam, luɔi cï kek e ŋic.

Yecu Awɛ̈ɛ̈t ë Galili

(Luk 4:42-44)

35Na ɣɔn amiäk, aŋoot piny ke col, ke jɔt rɔt, le biic, ku jël le jɔ̈ɔ̈ric të cïn kɔc, le lɔ̈ŋ ëtɛ̈ɛ̈n. 36Go Thimon ku kɔc wën cath në yen gokï biɔɔth cök, 37na wën, aa cïk en yök, ke luelkï an, “Yïn kɔɔr raan ëbɛ̈n.”

38Go keek yɔ̈ɔ̈k an, “Lokku ë wuöt thiɔ̈k yiic, ke ya bï wël aa guiir ëtɛ̈ɛ̈n aya, yen aa bä yɛn.”

39 # Math 4:23; 9:35. Go wël lɔ guiir ë ɣööt ke Nhialic yiic piny ë Galili nɔm ëbɛ̈n, ku ye jɔɔk rac cieec.

Yecu Atɔ Raan Waar

(Math 8:1-4; Luk 5:12-26)

40Na wën, ke raan bɔ̈ tëde yen, raan de guöp wɛth ke läŋ, ku tuk emiɔl ë yenɔm, lueel an, “Të de yïn piɔ̈u luɔi bï yïn a tɔ waar, ka duëërë looi.”

41Go Yecu piɔ̈u kok ke yen, go ecin riny, ku jɛk guöp, lueel an, “Anu ë yapiɔ̈u, waar guöp.” 42Go wɛth jäl ë yeguöp ënɔnthiinë, ku jɔ guöp waar. 43Go lom thok arëët, ku tɔ jël ënɔnthiin 44#Leb 14:1-32. yöök an, “Tit rɔt, ë cïn kë lɛ̈kë raan däŋ: lɔ kueerdu, nyuöthë rɔt bɛ̈ny ë ka ke Nhialic, ku gämë ka cïï Mothe thɔn, në baŋ de waar cï yïn guöp waar, abï aa ŋïny bï kek e ŋic.”

45Ku yen, të cï en lɔ biic, ke jɔ jam lueel arëët, abï thiëi ë piny nɔm, arëk acïn të duëërë Yecu bɛ lɔ pänydït ë kɔc nyïïn, ku ye tɔ̈u röör ë jɔ̈ɔ̈ric: go kɔc bɛ̈n të nu yen ë baai yic ëbɛ̈n.

Currently Selected:

Mak 1: dip-JPB

Highlight

Copy