Mak 14
14
Kiɛɛr Rɛɛc Luiyë Yecu
(Math 26:1-5; Luk 22:1-2,21-23; Jɔn 11:45-53)
1 #
Bɛ̈n 12:1-27. Na wën, aŋoot nïn kaarou wei ke bï aa Dhuëëŋ de Winythok, ku bï aa Dhuëëŋ de Kuïn Cïnic Luɔu, ke bänydït ke ka ke Nhialic ku kɔc ë löŋ gɔ̈ɔ̈r ë ke kɔɔr luɔi bï kek ë dɔm ë cuëër, lek nɔ̈k: 2ku jɔkï lueel an, “Acuku bï dɔm ëköölë dhuëëŋ, ke awuööu de kɔc cïï bï lɔ pat.”
Yecu Acï Tɔc ë Bethani
(Math 26:6-13; Jɔn 12:1-8)
3 #
Luk 7:37,38. Na wën, të nu Yecu Bethani ɣön ë Thimon raan de guöp wɛth, ku rëër tën ee cam, ke tik bɔ̈ ke muk gul cï cuëëc ë kuur cɔl alabatha, gul de yic miök cï tumëtum de wɛ̈ɛ̈l lɔ wai cɔl narad, ɣööcde atuc arëët: go gul bany thok ku luuŋ miök ë yenɔm. 4Ku ade kɔc ëtɛ̈ɛ̈n kɔc cï piɔ̈ɔ̈th diu arëët, agokï lueel an, “Eeŋö thuëëc en ë miökë aya? 5Miökë adï cï ɣaac ë wëu wär riët kabɔt ku thiërdhïc,#14:5: wëu riët: Tïŋ 6:37. ku gëmë ke kɔc kuanynyïïn!” Gokï tik gɔ̈k arëët.
6Go Yecu lueel an, “Pälkï ë tɔ̈u! Eeŋö juötkï yen? Acï luɔi piɛth looi ë yaguöp. 7#Nyöŋ 15:11. We de kɔc kuanynyïïn ë weyiic ëcaŋɣɔn, ku të de yen köölduön yak tak, ka duɛ̈ɛ̈rkï keek aa luöi këpiɛth: ku yɛn cie raan bï tɔ̈u wo week ëcaŋɣɔn. 8Kë duëër lëu ë luɔi acï looi: acï kɔn bɛ̈n tueŋ bï guöpdï bɛ̈n tɔc në këde täu bï a tɔ̈ɔ̈u. 9Ku wek yɔ̈ɔ̈k ëyic an, të bï wëlpiɛthkë aa guiir ë piny nɔm ëbɛ̈n, ayï kë cïï tiiŋë looi abï aa lueel aya, në täŋ bï kɔc këde aa tak.”
Judath Acï Gam ë Luɔi Bïï Yen Yecu Nyiɛɛn
(Math 26:14-16; Luk 22:3-6)
10Na wën, ke Judath Yithkariɔt, raan töŋ de kɔc kathiëër ku rou, ke jël le tëde bäny ke ka ke Nhialic, le Yecu nyiɛ̈n keek. 11Na wën, aa cïk e piŋ, ke ke jɔ piɔ̈ɔ̈th miɛt, ku luelkï an, bïk gäm wëu. Go të bï en ë nyiɛɛn kɔɔr ëkööl piɛth bïï piny bɛ̈ɛ̈i.
Yecu Acam Këcam de Winythok kekë Kɔckɛn ë piööcë
(Math 26:17-25; Luk 22:7-14,21-23; Jɔn 13:21-30)
12Na ɣɔn, në kööl tueŋ ë akööl ke Dhuëëŋ de Kuïn Cïnic Luɔu, kööl ee kek nyɔŋamääl de Winythok nɔ̈k, ke thiëëc kɔckɛn ë piööcë an, “Ee tënou kɔɔr të bï wok guik thïn, të bï yïn Winythok cam?”
13Go kɔc tooc kaarou ë kɔckɛn ë piööcë yiic, ku yöök keek an, “Lakï pänydït, ku we bï rɔ̈m ë mony ɣɛ̈ɛ̈c töny ë pïïu: jakï kuany cök, 14ku ɣön bï en lɔ thïn, ke we bï raan de ɣöt yɔ̈ɔ̈k an, ‘Acï Bɛ̈ny ee wëët lueel alëyɔ̈ɔ̈ an, ɣön ë kamaan akou, të bän Winythok cam wokë kɔckiën ë piööcë?’ 15Ku abï we nyuöth ɣön dïït nu nhial ɣön nu käŋ thïn ku cï guik: jakï kakuɔ guik ëtɛ̈ɛ̈n.”
16Go kɔcpiööcë jäl, lek pänydït, lek ku yökkï ke cït man wën cï ë lɛ̈k keek: agokï këde Winythok guik.
17Na ɣɔn thëën, ke bɔ̈ kekë kɔc kathiëër ku rou. 18#Diɛt 41:9. Na wën, aa rëërkï ke ke cäm, ke lueel Yecu an, “Wek yɔ̈ɔ̈k ëyic an, raan tök ë weyiic abï a nyiɛɛn, raan ciëm wok ëtök ënɔɔnë.”
19Agokï piɔ̈ɔ̈th dhiau arëët, ku jɔkï thiëëc, ŋɛk ë kɔn thiëc, ku be ŋɛk thiëc an, “Ee yɛn?”
20Go bɛ̈ɛ̈r, yöök keek an, “Ee raan tök ë thiëër ku rou yiic, raan gëm wok ëtök ë atɛ̈nyic. 21Wën ë Raan alɔ ëyic, acït man cï e gɔ̈ɔ̈r në këde, ku amawoou në raan nyiin Wën ë Raan! Adï piɛth tëde ë raanë tëë kënë ye dhiëëth!”
Këcam Thëën de Bɛ̈nydït
(Math 26:26-30; Luk 22:14-20; 1 Kor 11:23-25)
22Na wën, aa ciëmkï, ke nöm kuïn cï pam, go thieei, ku wɛ̈ɛ̈kic, ku jɔ gäm keek, lueel an, “Ŋäkï camkï: guöpdï kï, ee kënë.”
23Na wën, ke nöm bïny, ku të cï en thieithieei lueel, ke gëm keek: agokï dek ë ye kedhie. 24#Bɛ̈n 24:8; Jer 31:31-34. Go keek yɔ̈ɔ̈k an, “Riɛmdï kï, ee kënë, riɛm de löŋ cï piac mac, riɛm cï lëu në biäk de kɔc juëc. 25Wek yɔ̈ɔ̈k ëyic an, Yɛn cïï bï bɛ dek në mïth ke enap, të ŋoot ë kööl wadäŋ kööl bän bɛ dek ë ye ë ciɛɛŋ de Nhialic yic.”
26Na wën, aa cïk dit kiit, ke ke jɔ lɔ biic lek kuur ë Olip.
Yecu acaar luöi bï ë Petero Yen Jai
(Math 26:31-35; Luk 22:31-34; Jɔn 13:36-38)
27 #
Dhek 13:7. Go Yecu ke yɔ̈ɔ̈k an, “We bï nïïm mum wedhie në baŋdï: luɔi cï e gɔ̈ɔ̈r an, “Yɛn bï tïn ë thök dui, go thök thiëi röör. 28#Math 28:16. Ku na miäk, të cän rɔt bɛ jɔt, ke we bä wat Galili.”
29Go Petero lueel an, “Na cak kɔc nïïm mum kedhie, ke yɛn cïï nɔm bï mum!”
30Go Yecu lueel an, “Yïn yɔ̈ɔ̈k ëyic an, ëköölë, ëlë wakɔ̈u, të ŋoot ajïth ke kën kiiu raanrou, ke yïn bï a jai ëtaiwei raandiäk.”
31Go ŋak nɔm arëët dïïtë an, “Na ya cak dhil thou wokë yïn, ke yïn cä duëër jai!”
Ku yen aye jamden aya kedhie.
Yecu Aläŋ ë Gethemane
(Math 26:36-46; Luk 22:39-46)
32Na wën, ke ke bɔ̈ të cɔl Gethemane: go kɔckɛn ë piööcë yɔ̈ɔ̈k an, “Yɔ̈kkï ë we rɛ̈ɛ̈r eenë, të läŋ ɛn.” 33Ku le kekë Petero ku Jakop ku Jɔn, ku jɔ guɔ gäi arëët, abï duɛ̈ɛ̈r thöök. 34Go lɛ̈k keek an, “Yɛn ë piɔ̈u jiɛth arëët, abä duɛ̈ɛ̈r thou: rɛ̈ɛ̈rkï eenë, ke we yiɛ̈n.”
35Go rɔt cuɔt tueŋ ëmääth, le ku cuɛt rɔt piny, ku jɔ lɔ̈ŋ an, na duɛ̈ɛ̈rë ye lëu, ke yï tɔ thaar wan ɛn. 36Go lueel an, “Abba, Wäär, yïn ee käŋ lëu kedhie, nyaaiyë bïnyë tëde yɛn: ku acie këde yɛn piɔ̈u, ee këde yïn piɔ̈u.”
37Go bɛ̈n, ku yök keek anin, go Petero thiëëc an, “Thimon, ninë? Cïï thaar tök duëër lëu ë yïn?” 38Go lëk keek an, “Yiɛ̈nkï, ku läŋkï, ke we cïï bï lɔ ë thëmic: wei ee lɔ thïn ëyic, ku guöp yen kɔ̈c.”
39Go bɛ jäl, le lɔ̈ŋ, aluel wël manë gup. 40Na wën, ke be enɔm puk, ku be ke yök anin, acïk thiai, ku akuckï bëër bï kek e bɛ̈ɛ̈r.
41Go bɛ bɛ̈n raandiäk, bï ku yöök keek an, “Yɔ̈kkï ke we nin tëthiinakäŋ abäk lɔ̈ŋ? Ë guɔ loi! Thaar acï bɛ̈n! Tiëŋkï, Wën ë Raan anyiinë, ku yïnë kɔc ë kërac looi. 42Jatkï röt, lokku: tiëŋkï, raan nyiin ɛn ë guɔ ɣëët.”
Yecu Acï Dɔm
(Math 26:47-56; Luk 22:47-53; Jɔn 18:3-12)
43Na wën, ëtëthiinë, të ŋoot en ke jam, ke Judath bɔ̈, raan töŋ de kɔc kathiëër ku rou, ku bɔ̈ kut dïït ë kɔc në yen ëtök, ke ke muk abätɛ̈ɛ̈u ku thieec, ke ke bɔ̈ tëde bänydït ke ka ke Nhialic ku kɔc ee löŋ gɔ̈ɔ̈r ku röördït. 44Ku raan nyiin en acï keek kɔn wɛ̈ɛ̈t an, “Raan bä ciim, ka yen aye yen, jakï dɔm, jatkï, ku dɔ̈tkï apiɛth.”
45Na wën aa cï bɛ̈n, ke jɔ lɔ tëde yen ënɔnthiinë, le ku lueel an, “Rabi, Rabi!” Go ciim aläl. 46Gokï dɔm ë kecin, ku mukkï aril. 47Na wën, ke raan töŋ de kɔc wën kääc ëtɛ̈ɛ̈n, ke mïït abätäu bei, ku kip lïm de bɛ̈nydïït ë kake Nhialic, arëk abï ŋuiɛth yïc wei. 48Go Yecu bɛ̈ɛ̈r, yöök keek an, “Cäk bɛ̈n bei cït man ë ka yïn raan tɔŋ raan ee käŋ rum, ke we muk abätɛ̈ɛ̈u ku thieec, bäk a bɛ̈n dɔm? 49#Luk 19:47; 21:37. Yɛn ee cool ë rëër wo week Luaŋdït ke ya wɛ̈ɛ̈t, ku wek kën a dɔm: ku kacïgɔ̈ɔ̈r abïk dhil aa yith tei.”
50Gokï nyääŋ piny kedhie, ku kɔtkï.
51Ku ade dhuŋ töŋ biɔth ecök, acï lupɔ linɔn cuat ë yekɔ̈u aya, ku cïn lupɔ däŋ ceŋ: na wën, ke dɔm dhuök, 52go lupɔ linɔn nyääŋ piny, ku kɔt ë keek, ke cath ë yekɔ̈u.
Yecu Aleerë në Kuut nɔm
(Math 26:57-68; Luk 22:54-55,63-71; Jɔn 18:13-14,19-24)
53Na wën, ke ke thel Yecu leerkï të nu bɛ̈nydïït ë kake Nhialic: ku guëër bänydït ke ka ke Nhialic kedhie të nu yen, ayï röördït ku kɔc ee löŋ gɔ̈ɔ̈r. 54Go Petero biɔɔth cök tëmec, aɣëët en ë kalic kal de bɛ̈nydïït ë kake Nhialic, go rëër kekë kɔc ee bäny tiit, ke ɣɔ̈c mac. 55Na wën, ke bänydït ke ka ke Nhialic ku kɔc nu ë löŋic ëbɛ̈n ke ke kɔɔr jam de cäätɔ jam de ater ke Yecu, bïk tɔ näk, gokï kɛ̈n yök. 56Cäätɔɔ juëc aake lueel kakɛn ë lueth, ku kakɛn luelkï akënkï rɔ̈m.
57Na wën, ke kɔc kɔ̈k ë ke jɔt röt tɔkï röt ë cäätɔɔ, ku jɔkï cäk thok, luelkï an, 58#Jɔn 2:19. “Acuk piŋ ke lueel an, ‘Luaŋdït ɣön cï yïk ë kɔc cin abä jäp piny, ku bä däŋ bɛ yïk ë akööl kadiäk, ɣön cïï bïï yïk ë kɔc cin.”’ 59Ayï kaken aya akënkï rɔ̈m.
60Na wën, ke bɛ̈nydïït ë kake Nhialic ke jɔt rɔt ë kɔc yiic cil, ku thiëëc an, “Cïn kë bɛ̈ɛ̈rë? Ee käŋö kë lueel kɔckë në këdu?”
61Go lɔ lik, acïn kë cï bɛ̈ɛ̈r. Go bɛ̈nydïït ë kake Nhialic bɛ thiëëc an, “Ye Kërtho, Wën ë Nhialic cath ke Athiɛɛi?”
62 #
Dan 7:13. Go Yecu lueel an “Ee yɛn: ku we bï Wën ë Raan tïŋ ke rɛ̈ɛ̈r ë baŋ cuëny de riɛl dït, ku bï ë luäät yiic luäät nu nhial!”
63Na wën, ke bɛ̈nydïït ë kake Nhialic ke ret lupɔɔke yiic, ku jɔ lueel an, “Eeŋödäŋ köörku cäätɔɔ kɔ̈k! 64#Leb 24:16. We cï lɛ̈t piŋ lɛ̈t lɛ̈ɛ̈t en Nhialic ë wek wäkdiaa?”
Gokï yiëk yeth gääk an, röŋ ke thuɔɔu.
65Ku jɔ kɔc kɔ̈k ŋuööt guöp ku kumkï nyin, ku jɔkï biɔ̈ɔ̈k, ku yöökkï an, “lɛ̈kë wook ke bï tïc!” Ku mëëŋ kɔc ee bäny tiit ë kecin.
Petero Ajiɛi Yecu
(Math 26:69-75; Luk 22:56-62; Jɔn 18:15,25-27)
66Na wën, të rëërë Petero biic ë kalic, ke nyan tök bɔ̈ nyan töŋ de duet ee bɛ̈nydïït ë kake Nhialic luööi, 67go Petero tïŋ ke ɣɔ̈c, go toom guöp, ku lueel an, “Ayï yïn aya, yïn ee cath wekë Yecu, raan ë Nadhareth.”
68Go jai an, “Yɛn kuc kë luel, ku kɛ̈n piŋ aya.” Ago lɔ biic le ë kalic: ku jɔ ajïth kiiu.
69Na wën, acï nyan lïmë ye bɛ tïŋ, ke jɔ lɛ̈k kɔc wën kääc ëtɛ̈ɛ̈n an, “Kënë ee raan töŋden.” 70Ago bɛ jai.
Na wën, ëtëthiinë, ke kɔc wën kääc ëtɛ̈ɛ̈n ke bekï lɛ̈k Petero an, “Ee yic, yïn ee raan töŋden, luɔi ee yïn raan ë Galili, ku kït thok wekë keek aya.”
71Ago läm rac cak, ku jɔ kuëëŋ an, “Yɛn kuc raan luɛlkï!”
72Na wën, ëtëthiinë, ke ajïth ë kiiu ë kiiudɛn ee yic rou. Go Petero wël tak wël wën cïï Yecu lɛ̈k ɛn en an, “Të ŋoot ajïth ke kën kiiu raanrou, ke yïn bï a jai ëtaiwei raandiäk.” Na wën, aacï ye thɔ̈ɔ̈ŋ, ke dhiau.
Currently Selected:
Mak 14: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Mak 14
14
Kiɛɛr Rɛɛc Luiyë Yecu
(Math 26:1-5; Luk 22:1-2,21-23; Jɔn 11:45-53)
1 #
Bɛ̈n 12:1-27. Na wën, aŋoot nïn kaarou wei ke bï aa Dhuëëŋ de Winythok, ku bï aa Dhuëëŋ de Kuïn Cïnic Luɔu, ke bänydït ke ka ke Nhialic ku kɔc ë löŋ gɔ̈ɔ̈r ë ke kɔɔr luɔi bï kek ë dɔm ë cuëër, lek nɔ̈k: 2ku jɔkï lueel an, “Acuku bï dɔm ëköölë dhuëëŋ, ke awuööu de kɔc cïï bï lɔ pat.”
Yecu Acï Tɔc ë Bethani
(Math 26:6-13; Jɔn 12:1-8)
3 #
Luk 7:37,38. Na wën, të nu Yecu Bethani ɣön ë Thimon raan de guöp wɛth, ku rëër tën ee cam, ke tik bɔ̈ ke muk gul cï cuëëc ë kuur cɔl alabatha, gul de yic miök cï tumëtum de wɛ̈ɛ̈l lɔ wai cɔl narad, ɣööcde atuc arëët: go gul bany thok ku luuŋ miök ë yenɔm. 4Ku ade kɔc ëtɛ̈ɛ̈n kɔc cï piɔ̈ɔ̈th diu arëët, agokï lueel an, “Eeŋö thuëëc en ë miökë aya? 5Miökë adï cï ɣaac ë wëu wär riët kabɔt ku thiërdhïc,#14:5: wëu riët: Tïŋ 6:37. ku gëmë ke kɔc kuanynyïïn!” Gokï tik gɔ̈k arëët.
6Go Yecu lueel an, “Pälkï ë tɔ̈u! Eeŋö juötkï yen? Acï luɔi piɛth looi ë yaguöp. 7#Nyöŋ 15:11. We de kɔc kuanynyïïn ë weyiic ëcaŋɣɔn, ku të de yen köölduön yak tak, ka duɛ̈ɛ̈rkï keek aa luöi këpiɛth: ku yɛn cie raan bï tɔ̈u wo week ëcaŋɣɔn. 8Kë duëër lëu ë luɔi acï looi: acï kɔn bɛ̈n tueŋ bï guöpdï bɛ̈n tɔc në këde täu bï a tɔ̈ɔ̈u. 9Ku wek yɔ̈ɔ̈k ëyic an, të bï wëlpiɛthkë aa guiir ë piny nɔm ëbɛ̈n, ayï kë cïï tiiŋë looi abï aa lueel aya, në täŋ bï kɔc këde aa tak.”
Judath Acï Gam ë Luɔi Bïï Yen Yecu Nyiɛɛn
(Math 26:14-16; Luk 22:3-6)
10Na wën, ke Judath Yithkariɔt, raan töŋ de kɔc kathiëër ku rou, ke jël le tëde bäny ke ka ke Nhialic, le Yecu nyiɛ̈n keek. 11Na wën, aa cïk e piŋ, ke ke jɔ piɔ̈ɔ̈th miɛt, ku luelkï an, bïk gäm wëu. Go të bï en ë nyiɛɛn kɔɔr ëkööl piɛth bïï piny bɛ̈ɛ̈i.
Yecu Acam Këcam de Winythok kekë Kɔckɛn ë piööcë
(Math 26:17-25; Luk 22:7-14,21-23; Jɔn 13:21-30)
12Na ɣɔn, në kööl tueŋ ë akööl ke Dhuëëŋ de Kuïn Cïnic Luɔu, kööl ee kek nyɔŋamääl de Winythok nɔ̈k, ke thiëëc kɔckɛn ë piööcë an, “Ee tënou kɔɔr të bï wok guik thïn, të bï yïn Winythok cam?”
13Go kɔc tooc kaarou ë kɔckɛn ë piööcë yiic, ku yöök keek an, “Lakï pänydït, ku we bï rɔ̈m ë mony ɣɛ̈ɛ̈c töny ë pïïu: jakï kuany cök, 14ku ɣön bï en lɔ thïn, ke we bï raan de ɣöt yɔ̈ɔ̈k an, ‘Acï Bɛ̈ny ee wëët lueel alëyɔ̈ɔ̈ an, ɣön ë kamaan akou, të bän Winythok cam wokë kɔckiën ë piööcë?’ 15Ku abï we nyuöth ɣön dïït nu nhial ɣön nu käŋ thïn ku cï guik: jakï kakuɔ guik ëtɛ̈ɛ̈n.”
16Go kɔcpiööcë jäl, lek pänydït, lek ku yökkï ke cït man wën cï ë lɛ̈k keek: agokï këde Winythok guik.
17Na ɣɔn thëën, ke bɔ̈ kekë kɔc kathiëër ku rou. 18#Diɛt 41:9. Na wën, aa rëërkï ke ke cäm, ke lueel Yecu an, “Wek yɔ̈ɔ̈k ëyic an, raan tök ë weyiic abï a nyiɛɛn, raan ciëm wok ëtök ënɔɔnë.”
19Agokï piɔ̈ɔ̈th dhiau arëët, ku jɔkï thiëëc, ŋɛk ë kɔn thiëc, ku be ŋɛk thiëc an, “Ee yɛn?”
20Go bɛ̈ɛ̈r, yöök keek an, “Ee raan tök ë thiëër ku rou yiic, raan gëm wok ëtök ë atɛ̈nyic. 21Wën ë Raan alɔ ëyic, acït man cï e gɔ̈ɔ̈r në këde, ku amawoou në raan nyiin Wën ë Raan! Adï piɛth tëde ë raanë tëë kënë ye dhiëëth!”
Këcam Thëën de Bɛ̈nydït
(Math 26:26-30; Luk 22:14-20; 1 Kor 11:23-25)
22Na wën, aa ciëmkï, ke nöm kuïn cï pam, go thieei, ku wɛ̈ɛ̈kic, ku jɔ gäm keek, lueel an, “Ŋäkï camkï: guöpdï kï, ee kënë.”
23Na wën, ke nöm bïny, ku të cï en thieithieei lueel, ke gëm keek: agokï dek ë ye kedhie. 24#Bɛ̈n 24:8; Jer 31:31-34. Go keek yɔ̈ɔ̈k an, “Riɛmdï kï, ee kënë, riɛm de löŋ cï piac mac, riɛm cï lëu në biäk de kɔc juëc. 25Wek yɔ̈ɔ̈k ëyic an, Yɛn cïï bï bɛ dek në mïth ke enap, të ŋoot ë kööl wadäŋ kööl bän bɛ dek ë ye ë ciɛɛŋ de Nhialic yic.”
26Na wën, aa cïk dit kiit, ke ke jɔ lɔ biic lek kuur ë Olip.
Yecu acaar luöi bï ë Petero Yen Jai
(Math 26:31-35; Luk 22:31-34; Jɔn 13:36-38)
27 #
Dhek 13:7. Go Yecu ke yɔ̈ɔ̈k an, “We bï nïïm mum wedhie në baŋdï: luɔi cï e gɔ̈ɔ̈r an, “Yɛn bï tïn ë thök dui, go thök thiëi röör. 28#Math 28:16. Ku na miäk, të cän rɔt bɛ jɔt, ke we bä wat Galili.”
29Go Petero lueel an, “Na cak kɔc nïïm mum kedhie, ke yɛn cïï nɔm bï mum!”
30Go Yecu lueel an, “Yïn yɔ̈ɔ̈k ëyic an, ëköölë, ëlë wakɔ̈u, të ŋoot ajïth ke kën kiiu raanrou, ke yïn bï a jai ëtaiwei raandiäk.”
31Go ŋak nɔm arëët dïïtë an, “Na ya cak dhil thou wokë yïn, ke yïn cä duëër jai!”
Ku yen aye jamden aya kedhie.
Yecu Aläŋ ë Gethemane
(Math 26:36-46; Luk 22:39-46)
32Na wën, ke ke bɔ̈ të cɔl Gethemane: go kɔckɛn ë piööcë yɔ̈ɔ̈k an, “Yɔ̈kkï ë we rɛ̈ɛ̈r eenë, të läŋ ɛn.” 33Ku le kekë Petero ku Jakop ku Jɔn, ku jɔ guɔ gäi arëët, abï duɛ̈ɛ̈r thöök. 34Go lɛ̈k keek an, “Yɛn ë piɔ̈u jiɛth arëët, abä duɛ̈ɛ̈r thou: rɛ̈ɛ̈rkï eenë, ke we yiɛ̈n.”
35Go rɔt cuɔt tueŋ ëmääth, le ku cuɛt rɔt piny, ku jɔ lɔ̈ŋ an, na duɛ̈ɛ̈rë ye lëu, ke yï tɔ thaar wan ɛn. 36Go lueel an, “Abba, Wäär, yïn ee käŋ lëu kedhie, nyaaiyë bïnyë tëde yɛn: ku acie këde yɛn piɔ̈u, ee këde yïn piɔ̈u.”
37Go bɛ̈n, ku yök keek anin, go Petero thiëëc an, “Thimon, ninë? Cïï thaar tök duëër lëu ë yïn?” 38Go lëk keek an, “Yiɛ̈nkï, ku läŋkï, ke we cïï bï lɔ ë thëmic: wei ee lɔ thïn ëyic, ku guöp yen kɔ̈c.”
39Go bɛ jäl, le lɔ̈ŋ, aluel wël manë gup. 40Na wën, ke be enɔm puk, ku be ke yök anin, acïk thiai, ku akuckï bëër bï kek e bɛ̈ɛ̈r.
41Go bɛ bɛ̈n raandiäk, bï ku yöök keek an, “Yɔ̈kkï ke we nin tëthiinakäŋ abäk lɔ̈ŋ? Ë guɔ loi! Thaar acï bɛ̈n! Tiëŋkï, Wën ë Raan anyiinë, ku yïnë kɔc ë kërac looi. 42Jatkï röt, lokku: tiëŋkï, raan nyiin ɛn ë guɔ ɣëët.”
Yecu Acï Dɔm
(Math 26:47-56; Luk 22:47-53; Jɔn 18:3-12)
43Na wën, ëtëthiinë, të ŋoot en ke jam, ke Judath bɔ̈, raan töŋ de kɔc kathiëër ku rou, ku bɔ̈ kut dïït ë kɔc në yen ëtök, ke ke muk abätɛ̈ɛ̈u ku thieec, ke ke bɔ̈ tëde bänydït ke ka ke Nhialic ku kɔc ee löŋ gɔ̈ɔ̈r ku röördït. 44Ku raan nyiin en acï keek kɔn wɛ̈ɛ̈t an, “Raan bä ciim, ka yen aye yen, jakï dɔm, jatkï, ku dɔ̈tkï apiɛth.”
45Na wën aa cï bɛ̈n, ke jɔ lɔ tëde yen ënɔnthiinë, le ku lueel an, “Rabi, Rabi!” Go ciim aläl. 46Gokï dɔm ë kecin, ku mukkï aril. 47Na wën, ke raan töŋ de kɔc wën kääc ëtɛ̈ɛ̈n, ke mïït abätäu bei, ku kip lïm de bɛ̈nydïït ë kake Nhialic, arëk abï ŋuiɛth yïc wei. 48Go Yecu bɛ̈ɛ̈r, yöök keek an, “Cäk bɛ̈n bei cït man ë ka yïn raan tɔŋ raan ee käŋ rum, ke we muk abätɛ̈ɛ̈u ku thieec, bäk a bɛ̈n dɔm? 49#Luk 19:47; 21:37. Yɛn ee cool ë rëër wo week Luaŋdït ke ya wɛ̈ɛ̈t, ku wek kën a dɔm: ku kacïgɔ̈ɔ̈r abïk dhil aa yith tei.”
50Gokï nyääŋ piny kedhie, ku kɔtkï.
51Ku ade dhuŋ töŋ biɔth ecök, acï lupɔ linɔn cuat ë yekɔ̈u aya, ku cïn lupɔ däŋ ceŋ: na wën, ke dɔm dhuök, 52go lupɔ linɔn nyääŋ piny, ku kɔt ë keek, ke cath ë yekɔ̈u.
Yecu Aleerë në Kuut nɔm
(Math 26:57-68; Luk 22:54-55,63-71; Jɔn 18:13-14,19-24)
53Na wën, ke ke thel Yecu leerkï të nu bɛ̈nydïït ë kake Nhialic: ku guëër bänydït ke ka ke Nhialic kedhie të nu yen, ayï röördït ku kɔc ee löŋ gɔ̈ɔ̈r. 54Go Petero biɔɔth cök tëmec, aɣëët en ë kalic kal de bɛ̈nydïït ë kake Nhialic, go rëër kekë kɔc ee bäny tiit, ke ɣɔ̈c mac. 55Na wën, ke bänydït ke ka ke Nhialic ku kɔc nu ë löŋic ëbɛ̈n ke ke kɔɔr jam de cäätɔ jam de ater ke Yecu, bïk tɔ näk, gokï kɛ̈n yök. 56Cäätɔɔ juëc aake lueel kakɛn ë lueth, ku kakɛn luelkï akënkï rɔ̈m.
57Na wën, ke kɔc kɔ̈k ë ke jɔt röt tɔkï röt ë cäätɔɔ, ku jɔkï cäk thok, luelkï an, 58#Jɔn 2:19. “Acuk piŋ ke lueel an, ‘Luaŋdït ɣön cï yïk ë kɔc cin abä jäp piny, ku bä däŋ bɛ yïk ë akööl kadiäk, ɣön cïï bïï yïk ë kɔc cin.”’ 59Ayï kaken aya akënkï rɔ̈m.
60Na wën, ke bɛ̈nydïït ë kake Nhialic ke jɔt rɔt ë kɔc yiic cil, ku thiëëc an, “Cïn kë bɛ̈ɛ̈rë? Ee käŋö kë lueel kɔckë në këdu?”
61Go lɔ lik, acïn kë cï bɛ̈ɛ̈r. Go bɛ̈nydïït ë kake Nhialic bɛ thiëëc an, “Ye Kërtho, Wën ë Nhialic cath ke Athiɛɛi?”
62 #
Dan 7:13. Go Yecu lueel an “Ee yɛn: ku we bï Wën ë Raan tïŋ ke rɛ̈ɛ̈r ë baŋ cuëny de riɛl dït, ku bï ë luäät yiic luäät nu nhial!”
63Na wën, ke bɛ̈nydïït ë kake Nhialic ke ret lupɔɔke yiic, ku jɔ lueel an, “Eeŋödäŋ köörku cäätɔɔ kɔ̈k! 64#Leb 24:16. We cï lɛ̈t piŋ lɛ̈t lɛ̈ɛ̈t en Nhialic ë wek wäkdiaa?”
Gokï yiëk yeth gääk an, röŋ ke thuɔɔu.
65Ku jɔ kɔc kɔ̈k ŋuööt guöp ku kumkï nyin, ku jɔkï biɔ̈ɔ̈k, ku yöökkï an, “lɛ̈kë wook ke bï tïc!” Ku mëëŋ kɔc ee bäny tiit ë kecin.
Petero Ajiɛi Yecu
(Math 26:69-75; Luk 22:56-62; Jɔn 18:15,25-27)
66Na wën, të rëërë Petero biic ë kalic, ke nyan tök bɔ̈ nyan töŋ de duet ee bɛ̈nydïït ë kake Nhialic luööi, 67go Petero tïŋ ke ɣɔ̈c, go toom guöp, ku lueel an, “Ayï yïn aya, yïn ee cath wekë Yecu, raan ë Nadhareth.”
68Go jai an, “Yɛn kuc kë luel, ku kɛ̈n piŋ aya.” Ago lɔ biic le ë kalic: ku jɔ ajïth kiiu.
69Na wën, acï nyan lïmë ye bɛ tïŋ, ke jɔ lɛ̈k kɔc wën kääc ëtɛ̈ɛ̈n an, “Kënë ee raan töŋden.” 70Ago bɛ jai.
Na wën, ëtëthiinë, ke kɔc wën kääc ëtɛ̈ɛ̈n ke bekï lɛ̈k Petero an, “Ee yic, yïn ee raan töŋden, luɔi ee yïn raan ë Galili, ku kït thok wekë keek aya.”
71Ago läm rac cak, ku jɔ kuëëŋ an, “Yɛn kuc raan luɛlkï!”
72Na wën, ëtëthiinë, ke ajïth ë kiiu ë kiiudɛn ee yic rou. Go Petero wël tak wël wën cïï Yecu lɛ̈k ɛn en an, “Të ŋoot ajïth ke kën kiiu raanrou, ke yïn bï a jai ëtaiwei raandiäk.” Na wën, aacï ye thɔ̈ɔ̈ŋ, ke dhiau.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.