Kuɛ̈n 13
13
Nëëm
(Nyöŋ 1:19-33)
1Go Bɛ̈nydït lɛ̈k Mothe an, 2“Kuany bäny ke dhiëën ke Yithriɛl kathiëër ku rou, ku tɔ ke lɔ nem piny de Kanaan ëbɛ̈n, piny gäm kɔc ke Yithriɛl.
3-15Go Mothe këde Bɛ̈nydït gam, ku tooc nëëm ke rɛ̈ɛ̈r në jɔ̈ɔ̈r ë Paranic. Ku nëëm ë tooc kedhie, aake ye bäny ke dhiëën ke Yithriɛl ku rinken kï:
| Dhiën | Bɛ̈ny |
|---|---|
| Ruben | Camua wën ë Dhakur |
| Thimion | Capat wën ë Ɣori |
| Juda | Kalep wën ë Jepuna |
| Yithakar | Yigal wën ë Jothep |
| Eparaim | Ɣocia wën ë Nun |
| Benjamin | Palti wën Rapu |
| Dhebulun | Gadiel wën ë Thodi |
| Jothep ɣön baai de Manatha | Gadi wën Thuthi |
| Dan | Amiel wën ë Gemali |
| Acer | Thethur wën ë Maikɔl |
| Naptali | Nabi wën ë Popthi |
| Gad | Gewel wën ë Maki |
16Kek nëëm ë tooc ë Mothe keek ka lek piny caath. Go Mothe rin ke Ɣocia wën ë Nun waar, ku ciëk rin an Jocua.
17Na wën, aa tooc ë Mothe keek lek piny ë Kanaan caath, ke lëk keek an, “Thuöörkï wenïïm wöuwic ë në, ku rɛtkï piny ë Kanaanic alɔ guut ciëën ya, ku ɣɛtkï piny ë kuur. 18Lakï tiëŋkï nɔn ee piny tɔ̈u adï, ku tiëŋ kɔcke na juëckï ku likki. Ku tiëŋkï keek na rilkï ku nɔn kɔ̈ckï. 19Ku tiëŋkï pinyden na piɛth ku na rɛɛc. Ku tiëŋkï keek na rëërkï në pɛ̈ɛ̈nydït cï gël aril ku nɔn kënë keek gël. 20Ku tiëŋkï na ee piny ŋic luɔk ku cie luɔk, ku nɔn de yic roor ku nɔn cïnic roor. Riɛtkï wepiɔ̈ɔ̈th ku bɛ̈ɛ̈ikï mïth ke tiim ee luɔk ëtɛ̈ɛ̈n. (Aake lɔ në akööl ye enap luɔk ee pinyë).
21Agokï piny lɔ caath ëbɛ̈n, gɔlkï në jɔ̈ɔ̈r de Dhin ku ɣetkï Reɣop në Ɣamath lɔ̈ɔ̈m. 22Ku welkï kenïïm wöuwic abïk ɣet Ɣebron të nu jur cɔl Aɣiman, kekë Cecai ku Talmai, ku keek ayek kuat de jööt cɔl Anak. (Ku Ɣebron yen akɔnë yïk abï run aa dhorou, ku jɔ Dhowan bɛ̈n yïk Rip) 23Na wën, acï nëëm ɣet në Wak de Ecekol, ke ke dhoŋ kër ke enap cï duɔɔny në mïth. Ago kɔc kaarou këër tök aa käk ë wai kɔ̈u ku ketkï. Acïk mïth ke ŋaap bɛ̈n bɛ̈ɛ̈i, ku bïïkï mïth ke tim ke Pomegraneet ayadäŋ. 24(Ku tɛ̈ɛ̈n ë bɛ̈n cäk an Ecekol,#13:24: Ecekol: Rinkë në Ɣeberuu ee “kër ke tiim.” në luɔi ë cïï kɔc ke Yithriɛl kër ke tiim yep ëtɛ̈ɛ̈n.)
25Na ɣɔn, acï nëëm piny lɔ caathic ëbɛ̈n në akööl yiic kathiërŋuan, ke ke puk kenïïm. 26Agokï lɔ Kadec në jɔ̈ɔ̈r ë Paran të nu Mothe kekë Aron, ku akutnɔm de kɔc ke Yithriɛl kedhie. Agokï ke guiëër ka cïk a yök, ku nyuthkï keek mïth ke tiim cïk bɛ̈ɛ̈i. 27Gokï lɛ̈k Mothe an, “Piny acuk lɔ caath, ku acuk yök ke ye piny kueth arëët, ku aŋic luɔk, ka mïth ke tiimke kï. 28Ku töŋ jɔ nu, kɔc de piny arilkï arëët, ku arëërkï në wuöt dit arëët, pɛ̈ɛ̈nydït cï gël apiɛth. Ku ke jɔ rac arëët, ee luɔi cïï wok kuat de jööt cɔl Anak lɔ yök ëtɛ̈ɛ̈n ayadäŋ. 29Ku kɔc ke Amalek rëër piny thar ciëën të lɔ wöuwic. Ku kɔc ke Ɣit, ayï kɔc ke Jebuth, ayï kɔc ke Amor arëërkï piny ë kuur. Ku kɔc ke Kanaan aa rëërkï në Wɛ̈ɛ̈r Ɣer yɔu, ku në wɛ̈ɛ̈r de Jordan kɔ̈u.”
30Go Kalep kɔc wën cï guëër në#13:30: dok; nɔn cï guëër në yelɔ̈ɔ̈m. Mothe lɔ̈ɔ̈m miɛɛm thook, ku lueel an, “Jëlku ënɔnthiinë, lok rumku piny. Wok ril, abuk rum.
31Go kɔc ë cath në Kalep bɛ̈ɛ̈r, jänykï an, “Ei, wok cïï ril. Kɔc nu ëtɛ̈ɛ̈n arilkï arëët awärkï wook, acuku keek bï lëu.” 32Agokï kɔc ke Yithriɛl yiɛ̈n thoŋ rac në biäk de piny cïk lɔ caath, luelkï an, “Yen ee piny cuk lɔ caathë, ee piny cïï kɔcke leer. Ku kɔc nu thïn ee jööt bär kedhie. 33#Cäk 6:4. Ku jööt acuk keek tïŋ ëtɛ̈ɛ̈n aya, kuat de Anak. Agoku röt bɛ̈n biɔɔn ku tïŋku röt cït man ë gɔt tei, ku tïŋkï wook ayadäŋ cït gɔt.”
Currently Selected:
Kuɛ̈n 13: dip-JPB
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.